Teru Teru Bōzu (已結業)

好耐無食過咁高質嘅日本菜啦！本來朋友俾咗兩間我㨂，但睇相已經覺得呢度好吸引。今次係第一次嚟，但相信我一定會再嚟！先嚟一個野菜沙律做前菜，摒棄咗傳統芝麻醬，換上特製醬汁，酸甜清新口感兼具有誠意，好有驚喜！再嚟一個茶碗蒸，裏面用料一啲都唔行貨，蒸蛋顏色帶少少啡色，相信係因為已作調味。連前菜都咁用心，好難得呀！我叫咗個刺身餐，由於個人比較麻煩，唔鐘意白身魚，特別先問咗員工今日刺身係乜。原先設定係拖羅。。帶子。。池魚。。左口魚，但兩款魚都唔係我飛佛，所以就膽粗粗問吓師傅可唔可以換。。就算係三文魚我都ok..師傅好爽快就答應幫我諗吓，然後嚟到時就變成咗海膽、帶子、拖羅、鯛魚同左邊另一款唔知係乜嘅魚。起初我都驚驚哋，之前食過呢類魚都好腥亦好重魚味，但嚟都就試下啦。。點知燒過嘅鯛魚好香，魚肉帶爽甜，右邊嘅就用咗檸檬汁調味，鮮甜又毫無魚腥。海膽同帶子更加唔洗講，拖羅嘅魚油香亦非常出色。朋友叫嘅籠仔鰻魚飯一打開已經超香，份量十足，鰻魚夠滑亦軟腍，連飯都充滿香氣。今餐完全係令心情走入晴朗嘅一餐呀。。而且只係百零蚊，有咁嘅水準真係好抵讚！

某日星期六中午，要嚟銅鑼灣整野，完成後肚餓了，但又有D感冒😷，唔知食咩好，突然間醒起呢間蒸鰻魚飯想試喎，望一望時間仲趕得切佢lunch hour。搭𨋢上到嚟，一個客都冇（因為我真係2:20先嚟到），唔理啦，照坐底，即叫呢set蒸鰻魚飯定食吧（我都唔想阻人地落場呢～）雖然唔洗等好耐，但成set鰻魚飯上枱，係熱辣辣架，打開蒸籠後，好精緻呀D鰻魚擺得，流晒口水喇。鰻魚件數多，同飯中間有蛋絲，幾清，但又好味喎，另一個蒸籠係菜與幾片豚肉，夾埋一齊可以點三款醬汁（因為係清蒸，點醬食先有唔同滋味）不過得覺得就咁食都食到菜本身既甜味。成set食完覺得好滿足啊。

上次朋友帶我去一間食日本菜嘅餐廳，冇諗過又幾高質，2個人食都係食左800蚊倒，呢個價錢呢個質數真係幾抵食！首先環境幾好，唔算多人，坐得舒服，適合情侶，幾個好朋友一路食一路傾計，服務都唔錯，我地係叫員工推薦食物，佢地都好友善耐心地介紹最後食物當然不錯啦！呢晚同朋友食得好開心下次會再黎

食物尚可，但價格偏貴。在競爭如此激烈的銅鑼灣應該好難做。餐廳已經轉型一次，廚師一樣。用籠仔蒸飯應該係gimmick. 食落唔算太特別，就係一個蒸飯。我比較喜歡未轉型前的食物。There were just a few tables of customers in the restaurant. It’s probably because of too much competition with causeway bay. The menu is of higher price range with this area.

見到啲蒸籠，唔係飲緊茶呀，係食緊日本菜😆師傅用咗廣東手藝嘅蒸籠，配上日本壽司醋飯，再夾上海鮮嘅日本蒸飯。聽朋友介紹銅鑼灣Aura大廈裏面有一間日本菜幾好食，所以過嚟一試。當天正是女人每個月的重要日子，要吃日本菜，擔心係魚生之類生冷東西，點知見到餐牌上有steamed sushi rice, 問咗侍應係全熟的，就叫左呢個試吓。朋友仔就叫咗魚生飯。通常喺銅鑼灣食得日本菜，都係比較的骰，食唔飽，或者非常貴。但係呢個一定食得你飽。唔單止有主菜，仲有沙律，蒸蛋，湯就一定唔少得。蒸海鮮飯嚟到喇，入面有三文魚、白飯魚仔、帶子、鰻魚、蟹肉同埋冬菇。漏咗一個，仲有新鮮嘅海膽。樣樣都少少，啱晒有啲人樣樣都想試吓，而且味道可以啊，都新鮮㗎，淨係粒帶子略嫌overcook 少少。至於魚生飯，朋友都話好新鮮好好味。原來跟餐仲有一碗稻庭烏冬，都唔係馬虎㗎，煙韌的。我覺得咁嘅價錢係銅鑼灣可以食到咁嘅質素，物超所值，有機會要試吓佢哋嘅晚餐。

早前有foodies 強烈推介這間餐廳。然而適逢週末，今曰可以同honey 一起去試一下。今日到訪的日本餐廳位於銅鑼灣渣甸街的Aura on Pennington 樓上。餐廳裝潢摩登，格調高雅。既有時尚感，又帶一點日系感覺。空間播放著日本時代曲目，加上廚師是日本人主理，瀰漫著一片悠遊的日本氣氛，感覺舒適自在。這兒的餐點選擇唔少，除了有前菜、沙律、壽司、蒸品、意粉、炒飯外，還有特色steam shabu shabu 同蒸籠飯等供應，而定價也只是一般居酒屋價位。前菜選了比較light 的清酒煮蜆$88/Sake steamed clams清酒煮蜆的份量十足，蜆肉鮮甜嫩滑。清澈的湯汁透出清酒香氣，而酒精已經蒸發掉，味道淡雅。再配上fruity的白酒（$58）品嗜，味道更為合拍，別有一番風味。網燒黑毛和牛西冷扒$288Grilled wagyu beef這和牛西冷扒真是超正！必點！這西冷扒選用日本鹿兒島的黑毛和牛。牛扒燒得外焦內嫩，透著嫩紅的肉色，真叫人垂涎三尺。吃第一口，不禁嘩的一聲！實在太好吃了！和牛入口即溶，口中充滿了濃厚的牛肉味，脂香豐腴，肉質幼嫩而纖細，肉汁豐盈，應該是A4或A5 的

講到銅鑼灣食日本野，有好多選擇，今次就決定試試新野。位於銅鑼灣中心地帶，jardin大廈，靜中帶旺。餐廳適合同三五知己來聚會用餐。海膽和牛壽司，冇諗過原來係咁大塊，和牛嘅油脂香味，配上新鮮肥美嘅海膽，絕對值得一試。黑網炭燒和牛扒，五成熟，震震嘅油脂香味，配上秘製醬汁，實在叫人齒頰留香。鰻魚籠子飯，適合2人份量，剛剛好，唔多唔少。鰻魚既份量仲要好足夠，絕對冇吝嗇。天婦羅，香脆又不肥膩，汁配醬汁，為天婦羅生色不少。下次會再同朋友們來teru teru dinner

今天重陽節登高後，和老公在銅鑼灣找點吃，想吃日本菜，見到這家餐廳食評不錯，就試試吧。 餐廳店內情曲尺形，中間有吧枱，而且還有露天的座位，感覺不錯。 先點了沖繩豬唰唰鍋（ $188 ），份量有點小，約六片豬，配少許蔬菜，而湯底則是昆布加清水，這個有點驚訝，心裡暗想：是否中了伏呢？幸好，豬的質素喜出望外，肉質鬆化且有充滿甘香味，油分脂肪比例平均，配以酸醬油，帶出豬的鮮味，而蔬菜旁邊的那個芒果麻醬汁，也能引出蔬菜的鮮味，用來點豬吃也很不錯。 另外在點了鰻魚蒸籠飯（ $168 ），分量有點少，蒸籠跟平時飲茶蝦餃的籠子一樣大，飯的份量緊緊夠兩碗，不過調味亦有驚喜，飯加了藜麥，豐富了口感，且以日本醬油調味，加上鰻魚汁的鮮味完全滲入飯粒，味道很不錯；而鰻魚的肉質亦很肥厚，只是骨比較多。 由於我倆完全未飽的關係，再添了兩邊道小吃，味增煮牛筋（ $78 ），牛筋很腍身，加上牛腩及蘿蔔，醬汁十分入味，有點似中式的南乳，用來佐飯亦佳 另一道小吃就是鵝肝蘿蔔（ $128 ），師傅先把外邊包着少許脆漿的鵝肝炸起，口感有點似酥炸生蠔，內裏軟綿綿，鵝肝味濃，配以入味的蘿蔔及大蒜一起吃，可以減輕鵝肝的油膩

今日同大家介紹一下係銅鑼灣 Aura on Pennington，呢幢好靚既新式大廈入面，一間又正又靚既日本菜 ~ 本身如果只係睇個餐廳名，可能會覺得佢似法國菜多D ; 但你上到黎餐廳，就更加有現代日本既環境感覺 ~ 當晚重有唔少日本人食客係度添 ~山芋吞拿魚 $108今晚既第一道菜式，佢既感覺有少少似一個Starter，但其實佢係一款刺身黎，份量唔算太多，賣相比較少見，全因為吞拿魚刺身上，放左新鮮雪白色既山芋，感覺都幾吸引厚切且非常新鮮既吞拿魚，富有口感，無腥味及雪藏味，只係呢樣都已經唔錯 ; 加埋少少雪白色既山芋蓉一齊食，口感好特別，因為山芋蓉既口感非常細滑，本身味道唔強烈既佢，連同魚味比較出既吞拿魚一齊食，口感真係更加提升，如果呢D山芋蓉配上其他魚類，例如三文魚果D....感覺就唔係咁夾了清酒煮蜆 $88蜆既份量相當多，唔會有 "吉殼"既出現，每一隻蜆都係連肉既 ; 而清酒既味道就好香濃，酒精味唔太重，但係就好香清酒味，而且味道係清甜既，所以都好易入口蜆肉大大粒，肉感豐富，同時都吸收曬清酒既味道，食落果陣一D都唔DRY，如果只係得2個人食呢個清酒煮蜆，可能會覺得份量太多添 ! 係

朋友介紹呢間日本半居酒屋料理！☺️.牛油果蝦肉 ($98)其實以他他做法 整成好似沙律前菜咁牛油果軟滑 加上蝦肉嘅爽甜 配多士食開胃！.鰻魚玉子燒 ($108)呢款係我最想叫嘅～蛋嘅部分相對較香甜蛋質好嫩滑好軟綿綿！不過鰻魚略嫌唔夠肥美～.甲羅燒 ($108)係甲羅燒！上面舖上芝士而入面係伴入蟹膏嘅忌廉再加埋超多蟹肉 好味啊🤪.松葉蟹肉蒸籠飯 ($148)滿滿滿滿嘅蟹肉、三文魚籽、蛋絲雖然店員有奉上醬油作調味但個人認為就咁食已經好有鮮味～.香桃雪葩 ($80)原個白桃挖空左中間 用上桃肉打成沙冰狀入口帶點綿密 桃味香甜濃郁食個甜品清新下好開心💕

TERU TERU BOZU日式餐廳位於 Sogo 附近, shopping 完上來食好嘢慶生裝修平實舒服, 現場所見頗多客人都係日本人......用日文傾計, 估計食味應該不差。精選餐牌, 師父話秋刀肥美……可惜我朋友唔食刺身呢間日式餐廳之所以吸引, 就係佢哋嘅 signature......我最愛的松葉蟹及鳗魚蒸飯。Orion draft beer ($68)開飯前先來乾杯, cheer >>>日本生啤清爽不苦澀。火炙三文魚水菜沙律 ($128)色彩繽紛艶麗, 附醬醋溫泉蛋。溫泉蛋巧水漾, 撈埋醬醋便成為滑蛋沙律醋汁, 用嚟撈清爽沙律食, 正!上圖: 火炙後 下圖:未經火炙的背部三文魚柔潤亮麗, 三文魚面經火炙帶出油香, 令三文魚更肥美嫩滑。清酒煮蜆 ($88)清酒加味琳煮蜆, 又系冇得輸配搭, 鹹鮮的蜆肉富酒香及味琳甜, 混合埋蔥花香, 蜆唔算大隻, 勝在夠嫩口, 食到呢味.....發覺自己對喜歡嘅食物.....去到邊間餐廳都係叫呢啲, 幸好我唔揀飲擇食, 衹要好味嘅我都鍾意食鰻魚玉子 ($108)當香嫩滑蛋遇上肥美鰻魚 = 絕配, 口感滑溜又帶點鰻魚爽,

一入到去已經覺得好似去咗日本咁，唔單止大廚係日本人，仲有兩枱食客係日本人，咁就證明啲野食夠晒正宗啦！餐廳地方唔算大，但係個環境同氣氛都好舒服，好適合同朋友小酌兩杯。我地好好彩被安排坐係吧台位置，可以望住師傅整野食，真係視覺同味覺都同時享受到。我地嗌咗清酒煮蜆、紅酒煮牛舌、網燒黑毛和牛西冷、炸南蠻雞同埋海膽蒸籠飯。先嚟清酒煮蜆，個湯一流，濃得嚟唔係只得酒味。試埋隻蜆，一入口係蔥味，然後蜆味，最後係淡淡既酒味，夠哂有層次。第二道菜係網燒黑毛和牛西冷，呢個睇食評見好多人推介，果然冇令人失望。個擺盤好精緻，有酸汁、燒汁、芥末醬、鯷魚加橄欖同海鹽俾你點黎食，同一個菜，由唔同醬汁帶畀你唔同嘅味道。個人覺得海鹽最可以帶出個肉味同鮮味，加上海鹽既咸味，令你食到最後都唔覺得膩。和牛生熟程度啱啱好，出面係煎到僅脆既，裡面入口即溶，一入口係油脂味加埋好重既牛味，好香口。黑毛和牛食左一半，紅酒煮牛舌就上埋。實在係令人太驚喜既一道菜，冇諗過個牛舌係咁厚身，淋到唔需要點用刀切，好入味。之後係炸南蠻雞，好欣賞餐廳會見你上一道菜食得七七八八先上菜，叫煎炸野唔洗驚會淋。炸雞個皮炸得好香口，不過驚喜位喺塔塔醬到，食落知道

香港人對日本料理嘅情意結從不減退, 傳統日本菜吃膩了, 呢間Teru Teru Bōzu就正好為你帶來意想不到嘅新衝擊！山芋吞拿魚$108吞拿魚片嫩滑無筋, 經醬油調味, 本來就非常美味, 再伴上黏滑山芋蓉, 口感再度提升。炸蓮藕明太子魚餅$88炸皮夠脆、蓮藕夠爽、魚餅夠煙韌彈牙, 三重口感, 層次鮮明, 係一道出色嘅炸物。腐皮吞拿魚生春卷$98用腐皮卷起吞拿魚蓉、配菜同香草, 造型同味道都有點越南米紙卷嘅影子, 樸實之中帶魚鮮味, 正呀！烤鹿兒島黑毛和牛$158和牛片嘅口感有點像冷火腿, 包起爽甜洋蔥, 再蘸上醬汁, 別有一番風味。蒸白金豬肉$108年初到別府"地獄蒸し工房鉄輪"食過地熱蒸豚肉, 一直念念不忘, 香港唔係咁多地方有得食蒸豚肉, 當然要叫返個回味一下。白金豬肉唔單止以新鮮野菜墊底, 更加以一層肉一層椰菜地捲起來蒸, 豬油充分地滋潤菜葉, 滋味無窮。香桃雪葩$80, 菠蘿雪葩$90雪葩以真正果汁製成, 仲用原個水果上, 果香突出之餘, 賣相更攞滿分。呢餐驚喜重重, 打破我對日式料理嘅固有印象, 食材配搭創新, 卻沒有絲毫違和感, 實在不得不大讚師父創意無限！

一道菜式要做到色香味俱全，不一定要有很複雜的調味，只要食材上乘、加上心思做配搭，光是那份天然的美味也會教人難忘朋友帶我來的這間日式餐廳，就能把食物做到清而不淡而因為大廚有做過西廚，所以menu上會有日本風味的西式菜式～最吸引我的莫過於日式蒸籠飯，很有新意我們就點了一個松葉蟹肉蒸籠飯，另外再按店員推介點了秋刀魚刺身和其他幾款食物。每一碟都美味得令人一吃再吃呀火炙三文魚水菜沙律($128)：這沙律附有一小碗温泉蛋，我們把蛋戳開，讓水菜、三文魚和其他食材都沾上蛋汁，添一份蛋香沙律澆上了酸酸的醬汁，十分開胃。那火炙三文魚很有驚喜，只有上面是火炙過，底面仍是魚生，於是一入口便有兩種口感，很特別松葉蟹肉蒸籠飯($148)：這蒸籠飯絶對是清而不淡的代表松葉蟹肉已拆肉鋪滿飯面，方便進食之餘讓蟹肉的味道都滲入飯中，飯中又放有少許芝麻提升香氣，超讚咬破三文魚籽又加點鹽味，所以味道不會單調秋刀魚刺身($220)：因為被安排坐在吧枱，前面剛好是切魚生的位置，所以我們就欣賞到師傅把秋刀魚起骨、切片、擺盤等過程，感覺份外特別秋刀魚刺身平日較為少見，入口充滿魚油的香，質感很滑，一定要試加少許薑和蔥入醬油中沾著吃，更

@teru_teru_bozu_hk offers a wide range of Japanese dishes. We had the wine soaked oyster for appetiser. The taste is good and rich. The second dish wine soaked beef tongue is our favorite. The warm dish is moist and the sauce is sweet and nice. The thick cut beef tongue makes my mouth water so much I can have another plate. The crab with fish roe rice comes in a bamboo cage like the one they use for dim sum. An interesting take on the steamed rice. Sea urchin steamed rice is a rather interesting