影片
港鐵中環站 D2 出口, 步行約3分鐘
繼續閱讀
電話號碼
23990811
開飯介紹
由日本冠軍級拉麵大師林隆臣所開設的拉麵店，其主打的白湯湯底混合日本米鴨、有機飼養京都丹波地雞、日本各地近四十種味噌等熬製而成，香濃而不油膩。
繼續閱讀
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
-
網上訂座服務暫停
相關文章
-立体派拉麵 🍜位於中環威靈頓街既過江龍拉麵店 係由日本著名既冠軍級拉麵大師林隆臣首度推出既國際旗艦拉麵品牌希望可以將日本當地備受熱捧既拉麵創作帶到黎香港中環旗艦店佔地過千平方呎 以木材為主調 營造舒適氛圍今期「立体派」透心涼單品 - 仲夏溫泉水冷麵 解暑☀️不過作為芫茜狂熱者 一見到「芫荽拉麵系列」就無法抗拒仲有「特級白湯拉麵」以日本有機雞肉熬製成極濃雞白湯🍜 極上芫荽醬油湯拉麵配低溫慢煮叉燒（$98）呢個係以九種特級醬油秘制既湯底 配搭低溫慢煮叉燒表面鋪滿海量清香鮮嫩芫荽山 熱湯令芫荽既香氣更突出除左醬油湯底仲有味噌湯底 為食客帶來大阪地道風味喜歡芫荽既朋友可以一試🌱🌱🌱🍜 特級白湯拉麵（$128）選用日本京都有機飼養既丹波地雞熬製成極濃雞白湯🤩配上肥瘦相間既大大塊薄切叉燒 整碗拉麵香濃而不膩連埋湯底食 每啖味道層次豐富 整講個碗係面盤咁大 好飽🌟 章魚小丸子（$58）一份有6粒 大大粒 外脆內軟綿綿🌟 唐揚脆炸雞（$52）炸得好酥脆厚肉 點美乃滋食 好味
繼續閱讀
大家都明白一個道理，期望過高會容易引致失望。開得店响中環，老蘭下面，鏞記燒鵝斜對面，仲要係日本有名大廚主理，我諗期望高都好正常姐。然而，基於人嘅思想習慣，低價嘅拉麵，例如 88 蚊碗，佢做到70/100分，你可能都會覺得 ok。但如果 158 蚊碗，佢做到 85/100 分， 你都可能會覺得不OK！呢間店我已經係二刷，第一次來無論係雞白湯拉麵定醬油拉麵，我都係覺得不太滿意，但因為全港較有名嘅拉麵店我都探過晒，所以想返兜一d之前睇落想試又未去試嘅拉麵，呢碗雞醬油拉麵就係其中一碗。以下係食評。《雞🐓醬油拉麵🍜》名店就係名店，令些多花神。呢碗麵一上桌，第一樣吸引到我嘅唔係碗麵，而係用來墊隻匙羹嘅羹墊，係雞造型，幾有趣喎，印象分有加，但冇影響我對碗麵嘅評價。香味 (4/5) - 香味充足豐富，第一種味道唔係醬油，而係柚子，因為佢篤柚子蓉就放响探頭落去最近鼻嘅位置，所以柚子味先來，然後先係醬油味。放柚子嘅位置可能係一種設計，亦可能係咁啱，但如果係呢種高檔店來講，姑且當佢係特登嘅先啦。湯 (3/5) - 如題，個湯非常咁多種唔同味道於一身。首先係鮮明嘅貝類味道，類似金色不如歸種貝湯咁。再來嘅味道就係鰹魚味，應該係來自鰹魚汁，陣味都幾現成。再來就係柚子，味醂，同醬油本身個味。我並唔太鍾意呢個湯，唔係話唔好味，咁多美味嘅元素湊埋，又點會唔好味，但令到成個湯變左"攞你命三千"，硬湊各款元素於一身，冇左個味道嘅軸心，所以我真心麻麻地。而，食到尾段時，最令我覺得有障礙感嘅唔係個湯太多味道，而係偏甜。個湯偏甜呢個問題，上次食醬油湯拉麵時我已經發覺，可能主廚認為夠甜，夠多味道，個湯嘅立體感先叫強呱。麵條 (4/5) - 太麵，小捲，偏黃，低加水。我記得上次來食，都係呢款麵，但上次唔知道咩原因，個麵煮得過硬，令我食到胃頂頂，今次來又冇呢個問題，個麵嘅軟硬度係剛好。麵條未身個小麥味算中等，食落都好食嘅，口感少煙韌。配料 (3/5) - 雞叉燒方面，有兩款。第一款係雞脾肉。你睇睇下面幅圖，大概都知，點會唔好食吖。雞脾肉本身係嫩，調味正常，雞皮表面有燒過，所以香味，味道，口感都係好好。再來係塊雞胸。口感嫩滑，不過雞味一般，淡淡地。豬叉燒部份，明顯地係豬五花，薄切，黑椒調味鮮明，我認為算好食，但問題係佢可能切得太薄定點，一夾就散，好難可以完整地放入口，所以散收收咁食口感真係麻麻。荀方面，果然係名店，選料有交代，用左穗先荀。穗先荀本身特別長，口感特別好，另外穗先荀本身係比較清甜。不過呢道嘅荀有個問題，佢荀味係夠，甚至乎去到有d荀臭味嘅程度，呢個未必人人啱。溏心蛋方面，唔知係個廚失手定點，個蛋嘅質地，有d似擦膠咁硬。我睇過一本講拉麵歷史嘅書，當中提到，早期嘅拉麵，入面嘅蛋都係全熟同滷過，有d似台灣嘅鐵蛋咁，都係硬身。後來一路發展先越來越流行食口感軟滑嘅溏心蛋。咁，到底老闆係因為想立體到呈現返古早味，定純粹個廚今日失手呢？無論點，我都覺得個溏心蛋係敗筆。唔差在，貼埋白蔥張相，正正常常。整體 - 不推介。主廚可能想貫徹始終，無論個湯，同d配料，所有野都係偏甜。我本身對甜食係一般，佢甜嘅程度有d踩到我接受程度嘅底線。成碗麵，心機係夠，但風味同味道我都麻麻地。
繼續閱讀
禮拜六午市人坐滿,前面有兩人排隊,等左十分鐘後由服務員姐姐帶位,睇左餐牌後先發覺限定拉麵要兩點後先供應,唔緊要,反正第一次黎,先試下d basic野先,雞醬油拉麵,先飲個湯,濃濃既煙燻雞味再出醬油味,有層次感,麵質煮得唔淋唔硬,啱啱好,雞肉&叉燒都好讚,醬油清湯拉麵,滿滿醬油味,又唔會淡而無味,再加竹筍牛蒡漬,酸酸甜甜,令人食慾大開,只略嫌硬左d章魚小丸子一咬已知係袋裝工場貨,就算落多左d木魚都掩飾唔到,以為係佢地自家製,我真係諗多左🤣🤣,而且工場貨收呢個價錢有d貴.....綜合評分,味道&服務都好,會再光顧
繼續閱讀
🐯藏身於市區中的拉麵店🐭 ⭐️按「更多」睇詳細食評😋懶惰二人組 懶出新高度，介紹返呢間拉麵店先。呢間係我地好耐之前去、指拍左片，但冇出既食評😂 希望你地去到都仲有得點😂《5倍極濃雞白湯味噌沾麵》 $168有6大塊叉燒，將隻碟鋪得滿滿。沾麵汁真係好濃！濃！濃！濃！濃！食第一啖時～ 嘩！好好食，麵條點落沾麵汁後，掛曬汁咁。叉燒雖然切得薄薄地，不過都唔細塊！食食下就覺得味道越來越濃，一個人人人好似都幾膩下。😝《特級白湯拉麵》 $188呢個湯道相對濃淡適中。口味比較啱懶惰二人組。湯當然冇5倍特濃咁啦，不過都好香！個流心蛋超好食！🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物質素好好！日本拉麵真係時使都保持住水準。💚餐廳位於一個較為隱蔽既位置，響一條後巷中。要搵佢出黎要俾少少心機同留意週圍環境喇😂💛服務方面，中規中矩。Rating： 懶惰鼠 😻😻😻😻懶惰虎 🤩🤩🤩🤩📍 #立體派拉麵中環威靈頓街27-29號元益大廈💰人均消費：$200⏰營業時間：11:00-23:90 #懶惰在香港 #lazifooday #香港日式拉麵店 #香港日本菜 #香港美食 #中環美食 #中環餐廳 #ramen #hkfoodie #hkfood #centralfood #hongkongrestaurant #hongkongtravel #食在中環 #hongkongfoodie #香港好去處 #香港打卡 #打卡餐廳 #留港消費
繼續閱讀
日本過江龍✨ 冠軍級拉麵大師🍜 再度來港😍..作為日本著名冠軍級🏆 拉麵大師林隆臣👨🏻🍳，首度推出的國際旗艦拉麵品牌，「立体派」帶來日本當地備受熱捧的拉麵創作到香港喔！「立体派」是一家位於中環威靈頓街的過江龍拉麵🍜，呢次大師特別研發2款嶄新創作拉麵 (期間限定），包括充滿獨特風味的「溫泉蛋番茄醬油拉麵」（香濃惹味） 及令人多重滿足「貝鹽檸檬冷麵」（清新酸爽）。【溫泉蛋番茄醬油拉麵】 $158主廚特別為香港店創作：湯底經過 8 小時煨煮，融合了鮮甜番茄、蔬菜、醬油及鹽醬汁的複雜層次。配料豐富：粟米芯、蘆筍、意蕃茜、溏心蛋、北海道十勝豚肉叉燒🐽 & 16 個月風乾的西班牙生火腿🥓、加上黑胡椒及羅勒碎。湯底中央既溏心蛋🥚 更是點睛😍，為整道菜餚增添了濃郁質感。可先淺嚐一口蕃茄湯底，感受其濃郁精華，再將溏心蛋、黑胡椒和羅勒碎融入湯中，會很滋味！【貝鹽檸檬冷麵】$108 炎炎夏日，來一碗清新消暑拉麵🍋 降一降溫！特別為呢個夏天研發的清新爽口、亦創意滿分，帶來全新的味蕾體驗。 湯底選用清爽的貝類及檸檬汁調製，結合微甜的炸洋蔥和大根蓉，帶來清新爽口的酸甜滋味。可先試一口純口湯底，感受清新自然的味道。再將炸洋蔥 & 蘿蔔蓉拌入，帶來微甜亦有助平衡檸檬的酸度。而當檸檬香漸溶入湯底，更令口感層次更加豐富。💛❤️️2款期間限定，快啲去試下！❤️💛..×××××ש中環威靈頓街27-29號元益大廈地庫..
繼續閱讀