影片
港鐵銅鑼灣站 C 出口, 步行約5分鐘
繼續閱讀
電話號碼
53775469 (WhatsApp)
35868185
附加資料
可以WhatsApp預約
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
以上資料只供參考, 請與餐廳確認詳情
影片
相片
北海道帶子明太子意粉
黑松露煙三文魚意大利粉
+3.2K
+207
食家推介
相關文章
呢日友人話要帶我食間無敵海景嘅餐廳，我心諗一定荷包大出血啦🤑 點知佢都有為我著想嘅，呢間Cafe有靚景得嚟，價錢都好抵食，食物味道都唔錯，好值得推介俾大家🤩北海道帶子明太子意大利粉見到隔籬枱都係嗌呢個意粉，個賣相好靚呀🫢 配料方面除咗有一串嘅北海道帶子之外，仲有蟹棒同埋蟹籽，幾有日式風情。黑松露煙三文魚意大利粉呢日嘅廚師發辦意粉都好啱我哋口味，係黑松露煙三文魚意大利粉🍝 一上碟已經好香，黑松露嘅香氣撲鼻，仲會見到好多黑色點點嘅黑松露，真係好真材實料。配料方面有蘑菇同埋大大片嘅煙三文魚🐟甜品♦️薄荷朱古力牛角窩夫係個賣相好靚嘅甜品，呢個甜品除咗有薄荷朱古力口味嘅雪糕球同埋底下香脆嘅Croffle之外🥐 中間仲有一件朱古力慕絲蛋糕，蛋糕嘅朱古力味真係好濃郁🍰係個好豐富嘅甜品呀。♦️乳酪杯呢個乳酪杯加咗少少蜜糖做調味，所以味道方面唔會太酸😗 面頭就加咗一啲提子乾同埋燕麥脆脆，撈埋一齊食，增加咗唔少口感。飲品♦️爆谷綠鴦呢個名好特別，面頭有三粒爆谷，下面嘅飲品係綠茶同埋咖啡☕️ 味道方面又幾夾喎。♦️美式咖啡呢個係健健康康人士必點嘅飲品，低卡得嚟又好飲。呢餐食得好開心，一路望住個海景，一路食飯，性價比真係極之高啊😎
繼續閱讀
估吾到商廈入面可以有全海景樓上Cafe🌃✨位於銅鑼灣宇宙商業大廈13樓，一出𨋢步入餐廳就即刻見到一望無際嘅海景，令人震驚😍 餐廳環境唔算大，但灰系列的設計和擺設，文青得黎又帶點舒服。蒲燒鰻魚玉子燒意大利飯 ($158)非常邪惡嘅原條燒鰻魚，油分充足又肥美，玉子燒熟度恰到好處又帶點甜味，同意大利飯非常配合🥰蟹膏甲羅燒龍蝦汁海鮮意粉 （$158）蟹膏味道非常濃郁，濃厚嘅龍蝦汁配合豐富的蟹籽，八爪魚、菌類等配料，口感非常豐富👍🏻(任何主食可+$28加配咖啡茶和乳酪杯/+$48升級至自選飲品和精選蛋糕)🍫自選飲品-繽紛樂榛子朱古力朱古力配合濃厚嘅cream，面頭仲有一條繽紛樂，打卡一流🧡🍰精選蛋糕-檸檬慕絲蛋糕檸檬味非常突出，慕絲蛋糕軟綿👍🏻🍦乳酪杯蜜糖味乳酪杯非常清新，食完飯之後食一杯真係解膩又舒服😌📍 Umi (銅鑼灣)銅鑼灣告士打道229-230號宇宙商業大廈13樓營業時間：12:00-1600,18:00-22:00@umi.cafedining_cwb #銅鑼灣 #樓上cafe #日式料理 #日本菜 #fusion菜 #鰻魚 #鰻魚飯 #甲羅燒 #繽紛樂榛子朱古力 #蛋糕 #cwb #銅鑼灣美食 #cafe #americano #chocolate #tiramisu #hongkongfood #hongkongfoodie #hongkongfoodies #hongkongfoodblogger #hkfood #hkfoodie #hkfoodies #hkfoodblogger #hkfoodstagram #foodie #foodies
繼續閱讀
見到網上有好多好評就走咗去食，一定要WhatsApp book位先會有位！時段只有六至八同埋八至十，上到去海景係真係好靚，但坐海景位要先到先得！講真每碟嘅賣相都非常之精美打卡一流，但係味道真係好難食😂唔明點解咁多好評？？嘢食淨係靚就得？🍴M5和牛壽喜燒溫泉蛋意大利飯 $148冇諗過落單5分鐘之內會上晒菜😂整定好耐？唔係太食得出係和牛，口感係比較瘦同嚡口，個汁超級鹹鹹甜鹹甜，個意大利飯係微溫，食落去都係鹹鹹地唔夠creamy????唔可以話難食只係稱唔上好食。🍴 北海道帶子明太子意大利粉 $148意粉可以係微温😅擺盤超級靚，食落去似沙律醬味超級油膩，帶子細細粒普通，我要話係同明太子冇乜關係，似蟹籽沙律多啲😅🍴跟餐自選飲品+自選甜品 $88位🍵靜岡抹茶豆乳無糖正常有抹茶味，食到少少豆腐花。提拉米蘇賣相超級靚，個cream食落去都有少少芝士味，蛋糕就普普通通啦，除咗打卡之外呢舊嘢真係唔好食。宇治金時班戟係紅豆雪糕加雪米糍再加班戟😨真係好有新意，紅豆雪糕就似食緊雀巢豆豆樂，雪米糍再加蕃茄呢個組合係好新奇嘅，就係你打開包裝食嗰個味道，但呢三樣嘢加埋一齊一啲都冇宇治金時嘅感覺仲要勁奇怪😅推薦指數: 0/10講真好耐冇食過咁難食嘅Cafe，賣相好靚，味道可以係0分，啲主食全部都係凍冰冰唔係熱食，點解可以咁多人推😂
繼續閱讀
🐮 慢煮M5和牛面頰配和風燒肉汁（$258）和牛面頰份量多，塊塊都有手掌咁長，牛味好重，而且肉質比較腍，燒汁味道咸甜適中，而且唔會蓋過牛面頰嘅味道，至於意大利飯粒粒分明而且粒粒都掛汁🧑🏼🍳 廚師發板（$138）我個日嘅廚師發板係椰汁喇沙海鮮意粉配天婦羅炸蝦；一上枱聞到頗香，海鮮方面主要係魷魚，食落口幾有嚼勁，喇沙汁方面食到有椰汁同香辣嘅咖哩味，天婦羅炸蝦炸得金黃香脆，而且炸漿好薄，味道比較淡但配搭埋濃味嘅喇沙意粉就啱啱好💚 爆谷綠鴦（$46）佢其實係抹茶咖啡，飲品面頭放左爆谷做裝飾，一飲落口係飲到抹茶味先，慢慢先飲到咖啡嘅口甘，飲落口唔太甜，啱哂鍾意飲抹茶又鍾意飲咖啡嘅朋友🍫 繽紛樂榛子朱古力（$42）飲品表面用左繽紛樂做裝飾，仲聞到香嘅榛子味，飲落口朱古力味濃郁，而且好幼滑🍵 宇治金時班戟（$78）佢嘅份量比到驚喜我，比我想像中大份得多；上層有雲呢拿雪糕糯米糍，然後有大大球紅豆雪糕，抹茶紅豆蛋糕，再嚟多球紅豆雪糕，最底層先係班戟，仲淋有抹茶醬；呢道甜品絕對做到一次過滿足多個願望🫐 精選甜品是日精選甜品係藍莓芝士蛋糕，用左血橙乾同蜜糖脆米做裝飾，芝士蛋糕食落口好細滑之餘唔會死實實，藍莓醬酸甜適中，食成件蛋糕都唔會滯✨ 所有主食（小食除外）都可以加$28/$48/$88升級做套餐，$28的話會包括1杯檸檬茶特飲/美式咖啡及乳酪杯，$48的話會包括1杯自選飲品及精選甜品，而$88則包括自選飲品及自選甜品🎃適逢Halloween ，餐廳會送每一枱客人一個南瓜燈小擺設俾大家增添節日氣氛✨ 餐廳係工業風裝潢，而且可以望到大大個維多利亞港海景
繼續閱讀
今次去咗銅鑼灣一間隱世樓上Cafe，一出𨋢就見到無敵維港海景，打卡一流☺️餐廳環境以灰調為主，簡約文青風，坐喺窗邊望住海景食嘢，心情即刻放鬆晒～ 重點係價錢唔貴，性價比超高，絕對係同閨蜜聚會嘅好地方！😍 🍝 主食類✨ 魷魚天婦羅海鮮照燒番茄汁意粉 $138 👍🏻👍🏻👍🏻 意粉醬汁酸甜開胃，仲有大大件魷魚天婦羅，外脆內軟，配埋其他海鮮，口感豐富！ ✨ 煙三文魚凱撒沙律 $108 👍🏻👍🏻👍🏻 沙律份量夠大，煙三文魚新鮮唔會太鹹，生菜脆口，凱撒醬香濃得嚟唔會膩，仲有脆脆嘅麵包粒同帕馬森芝士，好開胃！ 🍰 甜品類✨ 宇治金時班戟 $78 👍🏻👍🏻👍🏻👍🏻 呢個甜品真係靚到唔捨得食！班戟鬆軟，抹茶雪糕濃郁得嚟唔會太甜，仲有紅豆同麻糬，口感層次豐富，抹茶控必試！🍵 🍹 飲品類✨ 靜岡抹茶豆乳 $42 👍🏻👍🏻👍🏻👍🏻 抹茶同豆乳嘅配搭好特別，飲到淡淡豆腐花嘅香味，抹茶味清新唔苦澀，好啱鍾意清淡口味嘅朋友！ 💡 套餐優惠✨ +$48 自選飲品＋精選甜品 ✨ +$88 自選飲品＋自選甜品 套餐真係好抵，本身一杯飲品都要$40幾，加少少錢就有多個甜品，性價比超高！ 坐喺Umi Cafe度望住維港食嘢，真係好chill～ 特別適合約埋朋友嚟傾吓計、影吓相，係銅鑼灣隱世好去處！ 👍🏻👍🏻👍🏻👍🏻（最推薦）- 👎🏻（可以唔使試）
繼續閱讀