饕牛記 (Closed)

只能說，非常一般。本身是汕頭長大，宜家搬來香港做嘢。當日，朋友講起牛肉火鍋，突然間好想吃，即刻喺openrice定位。上菜上得快，但食物素質欠佳，價錢在香港地都算還可以接受。畢竟所有牛肉8折。湯底52就真心貴。汕頭牛肉火鍋本身講求的是食材的新鮮、質素，再加上刀工和打邊爐人的爐功。食材都算新鮮，但可能是切工一般，肉身太厚，且筋位冇順好，導致嫩肉都不嫩。唯有三腳趾還算在期待水平。不過，香港地可以食汕頭牛肉火鍋的選擇本身就已經少。哩間店還可以叫埋隔離砂鍋粥，又有外地牛肉可以一起打邊爐，都算可以滿足多人口味。適合朋友聚餐的。環境舒適，不過洗手間就真心好茅廁feel。

最近天氣忽冷忽熱，當晚又有d涼涼哋，抽起我條想打邊爐嘅筋😌😌。出開旺角，search到lee間主打潮汕全牛火鍋嘅餐廳～ 入口就喺新之城側門對面～原來佢同心夜來潮係同一公司！之前食過荃灣嘅心夜來潮，d出品都ok，咁更加要試埋佢哋d全牛火鍋～禮拜四嘅入座率也頗高～ 牆上還有一副全牛圖，標示每個部位及涮肉的最佳時間，睇落都pro啵～經職員簡介，得悉全牛拼盤就包括咗手切新鮮牛肉的各個部分（極品脖仁除外）。一個價錢就試到成隻🐂～ 最後我哋揀咗全牛小拼盤試下師傅把切牛刀工湯底都揀咗招牌鴛鴦湯底。落完order，職員都有溫馨提示，我哋嗌咗全牛拼盤，可以半價嗌埋嘢飲。所以我哋分別揀咗椰子汁同忌廉。折咗之後抵飲好多～！睇住佢落完單，廚房師傅就即刻揮動佢手上把🔪，隔住塊玻璃睇師傅切肉，眞係食得放心。同友人傾住計，話咁快就有得食啦～ 哈哈！嗰褒中間用曲線設計隔開，一邊係麻辣湯底，另一邊係牛雜湯底。齋係湯底配料都好豐富～主要有牛肚，牛肉，牛腸，牛筋同蘿蔔、粟米。由頭到尾都沒有多餘的浮油，頗清爽。主角就梗係全牛拼盤啦～ 眞係成隻牛上～ 每個部位都對得返全牛圖，涮邊個部位，就跟返時間去涮，基本上係8-12秒就食得

太座知道我嗜牛，今天帶我來這裡，以牛的各部位做火鍋材料，單是聽著靈魂也坐沙發椅。店子並不很大，檯椅都是木製的，牆上貼有牛肉的益處，涮牛肉的時間和配甚麼醬汁等，環境氣氛充滿鄉土氣息，彷彿牛房就在隔壁。細看餐單，所有湯底都是牛，有傳統牛骨清湯鍋，牛骨牛坑腩清湯鍋，原味牛尾湯鍋，招牌鴛鴦牛雜燜鍋和藥膳滋補牛鞭湯鍋，雖則男人唔補好易無，牛鞭湯鍋還是留待將來有需要才試，點了經濟實惠的傳統牛骨清湯鍋，清湯中有粟米和蘿蔔，還有嚐牛肉的真味。全牛拼盤以牛形的木盤盛著，放肉在不同位置，方便人客更加了解牛的部位，當中有近頸部的脖仁，近腿部的三花趾和腿肉，肉質有嚼勁，但肉味較濃，近腹部的肥胼，牛背附近的吊龍，都是較軟腍的，另外還有匙仁，匙柄，嫩肉，灼十來秒剛好，牛舌，胸口朥，牛黃喉，黑柏葉，牛骨髓，牛筋丸，要灼多點時間較好，爽脆的口感，牛迷福音，然而百思不得其解是有些名字看似古怪，原來是用粵語寫出潮汕話的讀音。均量飲食，太座點了時蔬拼盤，有油麥菜，娃娃菜等，在牛湯裏打滾一會便成。而最不可多得是這裏的粿條，樣子像河粉，顏色雪白，是用純米漿做的，在湯中灼一灼，加些蔥，芫茜，唐芹，加兩滴辣椒豉油，香滑好味，口感殊

呢度既火鍋主要以牛肉為主，其他火鍋配料選擇較少。牛肉拼盤價錢偏貴，精選牛肉拼盤內的牛肉部位不是每個都符合客人口味，所以可能會吃到不是自己喜歡的。建議可以精選某幾類型適合香港人口味的牛肉款式放在拼盤會較吸引人客。另外店內職員服務殷勤，廁所的隔音不太好，鄰近廚房並會聽到廚房聲音，而且到這間餐廳要走長長的樓梯。大致上亦非常之鄰近地鐵站，如果能將食物價錢調低及增加食物款式，相信會容易給人回頭客及其他新食客。

是次2人晚餐點了牛尾湯煱做湯底，湯料有牛尾、黃豆、涼瓜片、薑粒和少許白胡椒，火鍋材料則選了本地新鮮牛肉：五花趾（金錢𦟌）、匙仁、吊龍伴。匙仁肉質嫩、腍，五花趾爽脆，而吊龍伴則在兩者之間；再加個環球精選拼盤，包括有日本、美國、澳洲的牛肉，很有牛味，全程沒有點醬，鮮甜，另外也點了時菜拼盤和鮮菇拼盤，大滿足，會再次幫襯服務員也很窩心，會適時幫忙添加湯，另外點了脆皮牛腩，郤因肉質太硬，吃了2⃣️塊沒有再吃，服務員亦主動問出了什麼問題？亦自動取消此菜單唯地方空間較窄，要行2層樓梯，幸好離開時可乘搭電梯。店內暫未有酒牌，啤酒欠奉，又或者自己攜帶

間野雖然要行樓梯上去，但都算多人食下。價錢我覺得對我呢啲窮人嚟講算偏貴，但一分錢一分貨，啲牛真係好好食。不過，個人認為有多啲其他肉類選擇會好啲，因為齋牛好dry,幾好食都會流。牛是好食價錢小小偏貴食物種類選擇唔多，集中食牛。

有個朋友鍾意食牛, 佢搵到呢間專食牛既火鍋, 佢一場搵就同佢一齊黎.招牌湯底祗有5款, 其中睇到牛尾, 牛鞭頓時嚇親, 女人仔真係唔會揀呢D WO囉, 諗住揀牛坑腩清湯, 但7點已經話賣晒, 咁早都無, 其實有幾多人可以食到? 最後祗能揀牛骨清湯底, 清湯果然很清, 味道淡, 一條骨及幾舊栗米, 淆唔到味出來.算了吧, 打邊爐食物最緊要, 要左幾款唔同部位既牛肉, 排列整齊的, 所以更覺份量非常少, 祗有13片, 而牛舌亦得11片, 2人即係每人5-6片, 相等於大家樂既份量, 少都唔緊要, 先食食個味道, 無肉香味, 無牛味, 淥完仲帶韌, 肉質起渣.手打牛丸每份得6粒, 索價要48蚊, 非常貴, 食落唔特別, 唔覺手打既爽口, 同街市果D差唔多, 不值.雖然話係食牛專門店, 但樣樣食材都唔到位.

身為一個牛魔王 食少一餐「牛」都會成身唔聚才！今日男朋友仔帶埋慧食妹黎到呢間 饕牛記 食好西！饕牛記 以汕頭牛肉聞名客人可以選擇牛既唔同部位而湯底就可以因應口味 由清湯到濃湯 都可以照顧到配料亦有足夠選擇男朋友上網爬過文 推介我點牛坑腩湯底湯底非常香濃 而且牛坑腩亦有一定既數量絕對足料！牛丸（左）入口爽彈 驚喜之作牛柏葉（右）同平時街食既好唔同 絕對係新鮮貨匙仁（上）入口軟淋 牛味充足五花指（中）入口爽彈 食落似新鮮既牛展吊龍伴（下）牛味音濃 真係齒頰留香

今天見女朋友的父母，也知道他們很喜歡吃牛，所以在網上找到了這一間「食牛專門店」。起初，確實是有一點擔心。因為看見廿多個正評，卻有17個負評，自然也會有點擔心。但確實如有網友所講「聞名不如見面，睇食評不如親自食」所以最後都向餐廳order了4人位。首先，餐廳的位置位於旺角中心對面，南記米線上面一層，主打潮州食物。餐廳分了兩個部份，右手旁是主賣潮州小菜、蠔餅一類; 左手就是賣牛肉火鍋女朋友的父母教我，潮州人對牛肉的食法也很講究，非常懂得吃。一篇好的食評必須中立，而且需要有讚有彈，絕不能一味唱好。因為餐廳看見了我們的意見，定會改進服務，最後也會客似雲來;顧客看見了網上意見，也能為自已的口味考慮，也會吃得開心，介紹更多朋友所以，我用心打食評，目的都希望大家能夠雙贏。這一間餐廳，老實說，食物質素相當不錯，例如牛丸爽口彈牙; 牛肉的部份新鮮; 牛坑腩湯底足料; 最驚喜的是土豆麵條，簡直就是潮州版的烏冬，口感有趣。但遺憾的是人流尚少，原因何故呢? 我想最大的原因是因為餐廳的位置在旺角，競爭大，以及下面有南記餐廳便相一般市民也不會留意再上一層的餐廳，所以，這間餐廳不紅，是相當可惜。第二，比較可惜的是環

今日情人節，食西餐間間唔係貴就要一早book，為左唔想被收貴一倍價錢，所以我同男朋友決定去打邊爐慶祝情人節。我地兩個都非常中意食牛，所以我地就黎左依間牛肉專家火鍋店。坐底左之後，職員推介我地食環球精選，分別有美國安格斯牛、澳洲雪花牛同日本A4牛。另外，如果叫左依個餐，餐牌上任何野都可以半價再order。醬料方面他們有自助吧可以自己調配自己喜愛的汁醬材料！見環球精選都幾吸引，所以order 左，份量適中。每款份量應該係預設2-3人份量，好適合2口子。他們的牛肉真是好出色， 十分新鮮！其實睇樣有幾款都好似，有啲滑、有啲肉味重、有啲爽口，絕對可以款款都試吓。鍾意食牛肉既，必定唔會失望。至於湯底，我選左傳統牛骨清湯，因為清湯唔怕會遮蓋咗牛肉鮮味。牛骨連埋粟米同蘿白淆製而成，一點都唔油膩，重有香淡牛骨味。餐廳仲提供個大撈籬，攤好後可以一次過淥幾片，容易控制時間。餐紙有教每個部位煮既時間大約涮多久，所以照足佢個時間食，真係會好食好多。我地再order左個極品脖仁，即係牛頸脊最中心位置。雪花分布均勻、肥嫩兼十分有嚼勁、牛味濃。而且厚度剛剛好！推介！見隔離台叫左個牛雜拼盤，我地又跟住叫左一份。牛腸甘香

之前在同一座大廈同一層裡幫襯過另一間食店「心夜來潮」，當時見到這間名叫「饕牛記」，以供應不同的牛肉部位為賣點的火鍋店，便躍躍欲試。後來在飲食網站中見它有不少負評，都有點擔心會中伏。不過始終覺得眼看未為真，吃過才是真，便決定冒中伏的危險前來試試，好由自己的舌頭去判斷究竟是正面的評論對還是負面的評論對。 這間「饕牛記」的裝修陳設與隔鄰的「心夜來潮」十分相似，好奇問一問，原來它與「心夜來潮」都是同一個集團，同一個老闆開的食店，怪不得會這麼相似，帶著一股古色古香的味道。 來到這兒，當然是吃火鍋。在店中供應的五款湯底中，「傳統牛骨清湯鍋」（$58/鍋）看來太普通；「藥味滋補牛鞭湯鍋」（$188/鍋）又太嚇人，我倆都接受不了；「招牌鴛鴦牛雜燜鍋」（$188/鍋）又有紅油麻辣的成份，所以在剩下來的兩款牛尾湯底與牛骨牛坑腩湯底中，揀選了較有興趣，每日限定的「牛骨牛坑腩清湯鍋」（$168/鍋）做湯底。選好湯底，先來兩罐火鍋良伴----可口可樂。這兩款分別引有「嘻嘻哈哈」和「仙氣迫人」字樣的可樂，我倆還是首次碰到，「嘻嘻哈哈」的我與「仙氣迫人」的老婆仔，真好。除了佐膳的汽水，醬料同樣重要，這店子在正對著擺

之前去心夜來潮食飯既時間,發現佢隨離有一間叫做饕牛記,係專門食牛肉火鍋,而且睇落好專業,因為有好多唔同部位既牛肉所以今日特登同朋友黎試下,不過真係有小小失望由於依度無電梯,所以要行過一條長樓梯先黎到,都有小小辛苦餐廳牆上寫曬所有牛既部位,介紹得好詳盡,的確令人好有期望........星期六晚上,人流唔算太多,有一半空位,莫非係宣傳唔夠?火鍋係落單之後好快黎到,不過我地飲落試左一啖湯底,就明白點解人流唔多,因為湯底味道似係味道調出黎,並唔係純正靚湯飲完之後好有就有口喝既感覺而且入面既食材份量亦都偏小,變相要強逼客人點更多既食物.....而餐廳以牛為主打,但牛肉既質素卻屬於中下,依碟係吊龍伴,牛肉好薄,所以熟左縮水之後,理所當然更薄,入口毫無口感可言其他牛肉既問題亦都係偏薄,打邊爐既牛肉如果唔有小小厚度,入口口感一定會有好大既影響而且牛肉亦都無牛味,証明食材只係中下級數,相比價錢後性價比亦都偏低號稱係手打牛丸,但入口好韌,手打牛丸正常應該係會好彈牙朋友食落都覺得應該似係國內大量製造既肉丸,並唔係本地手打牛丸以牛字為招牌,理應在用料上有所要求,但今次食落既感覺似乎只係以牛為焯頭,並唔係賣點,

約朋友食飯, 有人要遲D黎, 最好都係打邊爐熱辣辣邊食邊等, 選擇左呢間散叫既火鍋店.上到黎睇下張點餐紙, 係全部食牛類, 連一丁點其他肉類都無, 好彩同行人個個都食牛, 唔係真係要起身走人.所以相對選擇唔多, 總之就係牛肉, 牛丸, 其餘就係菜或者菇.湯底無咩好揀, 都係揀最普通既牛骨湯底, 個鍋底一上枱, 有層油響面, 類似D湯凍左果層油, 睇到已經有D驚.個鍋一路煲都唔滾, 但又無比煲蓋, 個電池爐較到最大都但左十幾分鐘, 餓死人, 但D侍應見到你呆坐佢都無咩理你.咁大條骨但D湯都無牛味, 清湯而油膩.個餐紙而手切牛既唔同部位區分, 但我地無人係家庭主婦跟本唔知咩位打咩位, 平時食開肥牛, 牛頸脊無標示, 都唔知點點, 所以亂叫幾樣.  最後黎左呢碟唔知咩位置, 肥瘦都平均, 但食落好韌, 好難咬. 而且都係無牛味, 無肉味,唯有用醬油調味.諗住最正常既炸響鈴會好D, 點知似係街市買一盒盒果D, 好薄身, 一浸落D湯度D油又浸起晒, 成晚D野食都勁多油, 肥膩到死.雖然呢度主打食牛肉, 但個個部位D肉都無味, 都唔知食左咩.

男朋友係牛魔王，今日我就揾到間「牛專家」帶佢去試，結果都冇令我地失望！饕牛記位於旺角中心對面，地店非常方便就腳。店面乾淨企理，座枱與枱之間隔離闊，可以舒舒服服咁打邊爐。傳統牛骨清湯鍋 $58/鍋用牛骨熬製的湯底很香很香，帶點油膩，就咁飲都令人回味無窮！脖仁（牛頸脊）$88/份吊龍（西冷）$68/份牛筋丸 $48/份好彈牙，頗推薦的。黑柏葉 $58/份份量很多，又爽口🤩脆皮牛腩（小食）$68/份牛腩炸得金黃，外皮香脆，點醬汁食真係好滋味。滑豆腐 $26/份土豆粉 $28/份土豆粉望落似烏冬，但食落口感比較似銀針粉，相信未食過嘅朋友都容易接受。炸腐竹 $26時蔬拼盤 $48

平常打邊爐都是叫肥牛 今次來到這間有多種不同部位的牛肉的火鍋店餐牌上面有解釋牛的不同部位同各自淥的時間 但其實都不太清楚各部位的分別 然後就靠感覺叫了幾樣首先湯底叫了牛坑腩鍋（$168）價錢其實有點貴 但裏面有不少的牛腩 等同叫多一碟牛腩的價錢啦湯底幾清甜 而且越熬越好味 牛腩建議到最後先食 一開始有點太un肉方面叫了以下幾種 份量其實都算多嫩肉（$48）比較少肥肉而且un 肉味還好吊龍伴（$88）稍微多點肥肉 但又不是肥牛那種肉跟肥膏融合的感覺 個人覺得還好 不太特別極品脖仁（$128）這個幾好食 有肉味而且夠腍很易咬牛肉以外叫了牛丸（$48六粒）據說是手打的 的確比平常的爽口彈牙 土豆粉（$28）吸湯一流 煮熟後晶瑩剔透而且有彈性 個人覺得必叫喔鮮菇拼盤（$48）正正常常無特別另外值得一提就是這裏的豉油好食喔 比平常的甜一點 點牛肉帶出了牛肉的鮮味埋單大概$300 一個人 這個質素其實都值得 如果多幾個人一起share湯底會抵一點 食厭了任食火鍋的 這裏可以一戰