梅花邨小館

Open Now

Now Closed

這間小菜館座立於長沙灣同荔枝角之間的橫街之中。這個地理位置, 令到它只能做街坊生意, 或者是附近商店的生意。有朋友在這一帶的工廠區上班, 他的FAREWELL飯是在這間餐廳食的。見到賣相不錯, 味道又特別, 就介紹了我們來一起開飯。先看看餐牌吧, 其實菜式不少。先介紹第一道菜, 鵝肝拼盤。上面的鵝肝都是經酒釀過的, 味道非常特別。酒的苦味, 蓋過了鵝肝不好的味道, 又不會過苦。因為鵝肝始終是重味道的東西, 它的味道蓋過了一半來自酒的苦味。這個竹笙翅真的材料十足,  沒有用粉絲來填滿空位。是有10人或以上的份量。真的好適合用作FAREWELL/ GATHERING。這個炸豆腐, 雖然睇落好簡單, 但是它的炸粉是6面平均的。無論邊個角度咬落去, 都口感非常脆。這是鷹鯧魚, 中間最好吃的魚柳都被切了出來。食客只需輕鬆地夾起魚柳就可以食了。

難得約好朋友出來聚舊，特意選擇高級潮州菜。早於今年三月知道謝四哥榮登中國金馬廚神，我們又怎能錯過品嚐廚神的美食呢？今晚一行十人訂了一份套餐，菜單包括鵝肝拼盤，竹笙蟹肉雪燕羹，黃金脆皮豆腐，骨香蒼魚片兩食，碧綠川椒雞，蜜餞梅花骨，黃金煎伊麵，反沙芋。最令我印象深刻的一定是鵝肝拼盤，拼盤包括有鵝肝鵝掌鵝翼豆腐腩肉，而酒釀鵝肝入口即溶，將絕少店舖提供的美食，絕對不容錯過。難得一見的竹笙蟹肉雪燕羹，名副其實的爽口竹笙，香甜的蟹肉，再鋪上厚厚的雪燕，調味得宜，簡直令人一試難忘。我最喜歡的一定是骨香蒼魚片兩食，先炸香一件件厚肉的蒼魚片，外脆內軟，簡單調味也滿是魚香，又不會有魚腥味，廚師再為客人用魚骨和魚皮炸香，脆皮伴酒一流！至於碧綠川椒雞，廚師簡單用雞脾肉切件炸香，簡單配合川椒粉調味，再輕炸珍珠菜作伴菜，簡直絕配，事隔一晚依然令我難忘其中的美味。梅花小館最出名的當然是蜜餞梅花骨，肉質新鮮的梅頭配合香甜的蜜糖作調味，再用鮮艷甜味的香桃作伴菜，吸睛指數極高。最後的黃金脆皮豆腐和黃金煎伊麵，簡單將新鮮食材炸香又有另一番風味，再用反沙芋甜品為整晚作完美的句號。

問到有咩餸最好食，店員推介左幾款菜色，仲話今年啱啱拎左第十九屆中國金馬獎（飯店）殊榮！鵝肝拼盤據聞係最出名亦都係必食嘅一碟餸！個個都對鵝肝讚不絕口！鵝翼都好正正，滷水汁甜甜地，肉同皮都好滑 🤩🤩 食翼最緊要乾淨無毛，呢個滿分！黃金脆皮豆腐外層炸皮好似紙咁簿而且脆，裡面鮮滑到好似豆腐花咁，我爭的以為自己食緊大良炸鮮奶🥛竹笙蟹肉雪燕羹高級食材，賣相不錯👍🏻 看得到的足料，每一啖都好實在，比例剛剛好，絕不會水多過料！ 呢點對羹黎講好重要！✍🏻 加分加分！骨香蒼魚片用既係冰倉魚，一上水就會死，所以要即炸。意味住好新鮮！食完魚肉，成塊大魚骨🦴仲可以做金香魚（隨即再炸，變成第二道菜！）神奇在，第二道菜後，魚🐟既面豬墩仲係滑一滑架！我俾💯💯💯分！碧綠川椒雞呢個嫩滑多汁好入味，伴碟既好似台灣既九層塔，但稍微軟身少少～ 蜜餞梅花骨甜甜的，無拍拖都感受到好sweet😆 (講笑~) 但啖啖肉、好滿足係真既！ 仲好邪惡Tim😋😋黃金煎伊麵呢個得意！😃煎到甜糕/簿餅🥮🍘🍪咁，但係軟身，冧芝芝既。 應該係整熟左麵身再煎？反沙芋外邊個皮食落好似冰糖片，偏甜🍯🍯🍯🍯🍯入邊芋頭香酥鬆軟是必須的🍠呢個甜品好出名，而且5係

尋日同朋友去咗梅花邨小館食野，首先係鵝肝拼盤，好入味，而且鵝肝好大塊，見到都嘩一聲，食落入口既溶，有滿滿的幸福感， 之後係黃金脆皮豆腐，一口的感覺，有脆有林，剛剛好，而且豆腐細滑，豆腐味濃，另外是竹笙蟹肉雪燕羨，雪燕好多， 岩唒愛美的女士，質感豐富，每一啖都好有口感，絕對係啖啖”肉”,之後係骨香蒼魚片，怕魚的我，平是都好怕魚腥味，但係呢個魚片一啲都唔腥，而且好入味，很香，大家都食到停唔到，另外是令人振奮的碧綠川椒雞，哈哈，一聽到個名已經知道好味，川椒，少少的辣，令人更回味，肉骨勻稱，一絕👍，另外是蜜餞梅花骨，蜜餞的酸甜酸合梅花骨， 創新的配搭，很少地方可以吃到最後是，黃金煎伊麵和反沙芋，亦不失光彩，味道也是令人回味，環境和服務也是周到，環境的坐位舒服， 有位置擺放自己的物品，服務也是細心了解顧客需要👍 不錯唷

一行十幾個朋友唔知食咩，行到荔枝角街頭，因為荔枝角真的很多美食選擇。梅花邨哩間店門面都好示正，又聽好多朋友講都幾好食，所以入去試下。我地叫左鵝肝拼盤，黃金脆皮豆腐，竹笙䖥肉雪燕羨，骨香蒼魚片，碧綠川椒雞，蜜餞梅花骨，黃金煎伊麵，反沙芋。何師傅話北角都有分店，唔講唔知，佢地分店係同門師兄弟，所以質素都係一至，都一樣很高水準。同埋佢地攞過奬，就放左係門口，係一個金馬。真的是名付其實的金馬奬。講番食物，佢地好有心機整左伴菜；蜜餞梅花骨，佢地係用左金絲骨，同埋秘制汁，所以食落好特別。蒼魚片係真係用新鮮魚去整，好入味，好多魚肉。最後覺得食得太多肉，叫個菜中和下味覺，出奇地，炒菜都好好食。何師傅好熱情，他會親自出黎招呼客人。

衰腦細話要食團年飯，又唔book定枱Walk in，好彩又有位！唔想應酬都要俾面出席下四個人叫左4個餸，感覺都唔係太夠食！不過對梅花邨好有信心，味道有一貫水準！魚肚粟米羹($85) 呢個唔記得相機食先！四人食一人有一大碗，粟米同魚肚份量足，唔錯！滷水鵝片 ($125)呢個每次都會點，入味肉又厚，仲有滑滑嘅豆腐墊底，正！蜜餞梅花骨 ($88)呢個都唔錯，甜甜酸酸好開胃惹味，再配罐頭桃好清新，但略嫌罐頭桃得4小片，唔夠喉喔！沙嗲炒牛肉(芥蘭) ($78)呢個就有啲失望，肉係有好多，鍋氣夠，但好重口味，咸左啲喎！原來只係$376免加一，早知有人埋單就叫多啲啦！

星期六晚，經過青山道，發現到青山道出現了很多間新裝修的細餐廳，西式，日式，火鍋等，見到潮州小館，最近想食竽泥，就决定試呢間餐廳。入到去已經九成滿座。呢間食店，味道唔濃，唔油膩，食材算新鮮。坐低很肚餓，要左一份鵝片飯，一碗蠔仔粥。鵝片肉 肉質結實，味道唔錯蠔仔粥等左45分鐘先到。但蠔仔就少左啲，味道淡，應該沒有落味精，健康啲。四喜燉魚膠，原來魚膠似豬皮，並不是花膠，同我的期望有落差。味道淡口。終於等到我最中意既竽泥，味道約好，但竽泥一舊舊，未夠糊狀，冇加"鄧麵" 的結果

椒鹽九肚魚 好正！炸粉很少，外脆內軟！仲要係無骨九肚魚紫菜肉碎豪仔粥 味道鮮甜，落咗胡椒粉更加好味甜酸魚柳 ，味道還可以！沒有什麼特別豉椒炒蜆 味道鮮甜可口鵝腸好爽口芽菜有西芹配搭得好紅燒豆腐 呢間野椒鹽魷魚好味

咁岩喺深水埗有嘢做就嚟呢間朋友介紹嘅小菜館，鋪面好大但係只有兩三台客人，我哋點左個四人餐。一盤蟹肉燕窩羹夠分五至六碗，有唔少蟹肉燕窩非常多，小菜可以選三款，我哋叫咗滷水拼盤、啫啫什菜煲同四喜魚膘，全部都幾好食，特別鍾意滷水拼盤入面嘅豬耳入味又夠“煙韌”，軟骨爽脆。仲有一個蠔仔粥，又係份量好大最少夠分六碗，材料仲有冬菇、豬肉碎同埋紫菜，足料好味。值得一讚嘅係所有嘢上菜嘅時候都好熱👍🏻上菜夠快而且所有服務員都有笑容同有禮貌。雖然係星期一，但一間餐廳咁大得咁少客人，真係好擔心佢做唔長😅

放lunch同同事黎左呢間餐廳食飯，我就叫左個滑蛋蝦仁飯，個賣相都幾吸引，但係個汁就淡而無味，就好似食緊濕左嘅飯咁，唔知係一時失手定本身都係咁，總之唔啱我口味。我同事叫左菜遠牛肉飯，佢就話好味唔難食！

早陣子在北角的梅花村小館用餐，念念不忘，作為九龍人到北角實在太遠了，所以今次跟家人吃團年飯，便特意先致電長沙灣的梅花村小館訂枱。長沙灣的梅花村小館，裝修富有中國風格，空間寬敞，比北角店更適合一家大小晚餐用膳。粟米魚肚羹我們先叫了粟米魚肚羹，用料多，每一口都是滿滿的爽滑魚肚。臘味炒芥蘭芥蘭新鮮脆口，臘腸香甜。瑤柱蛋白炒飯真材實料，每一口都有瑤柱。西芹炒蝦球西芹爽脆，蝦球爽甜。蜜桃咕嚕魚塊大大塊蜜桃，酸酸甜甜的魚塊。糖醋麵大愛糖醋麵。麵餅烤至香脆，配以砂糖及醋，既酸且甜，是必點之選。瑤柱海鮮雜菜煲很欣賞這個海鮮煲，沒想到瑤柱和蝦乾可以這麼多，蔬菜種類多，爽口清甜。反沙芋勁愛這個反沙芋。端上枱時，熱辣辣，夾進口裡必須小心。砂糖炒至香脆，完全包圍著芋頭塊，熱氣逼出了陣陣的芋頭香，外脆内軟，難以想像如此簡單的材料可以如此美味，足見廚師的廚藝了得。八道菜，只是七百多元，認真抵食。

間餐廳近我返工地點，有時午餐都會去食，尤其啲鵝好好食。滿心歡喜下約埋家人推薦左呢間食晚飯。叫左鵝，小炒王，勝瓜鮮魷同蠔仔飯。服務好好，啲人成日黎倒茶倒水，話好熱都有即刻開冷氣。鵝真係好正，個汁夠酸點完食好開胃，又無話肉好肥，豆腐配碟都入味。到小炒王，細碟小小，亦都無係其他餐廳有既魷魚蒜心等等，一般般。勝瓜個碟就淡口小小，幾清淡我覺得可以接受。個蠔仔粥就真係失望，首先啲紫菜搶哂味，蠔又腥。個湯就真係好差，無味好似溝熱水咁，無咩料，好失望，可能期望越大失望越大。午市食鵝唔錯，但晚飯真係不推介。

今日約咗幾個舊同事食飯，去公司附近試吓間新嘅潮州嘢，可能今日假期要等位、等左10分鐘到就有位喇，不過要搭枱，由於太肚餓關係搭枱都照殺，環境唔係太靚但都叫舒服。睇下個餐牌＄880一隻滷水鵝、其實都唔平、當然我地得四個人一定唔會叫一隻啦！再睇下原來有四人餐四百幾蚊有三餸一湯一個炒飯呢個都幾抵食、我哋要左一個胡椒豬肚鹹菜湯、梅都骨、鮮魷魚炒蜜豆、滷水拼盤、加個炒飯。胡椒豬肚鹹菜湯，好味，豬肚冇臭味淡淡胡椒香、又唔會太辣、未到啱啱好鮮魷魚炒蜜豆、冇咩特別梅都骨、依個比較失色、其實個汁係好味嘅，但係肉裏面就完全冇味比較淡炒飯好味👍🏻 有雞肉、瑤柱絲、蝦肉粒、松子做料、飯完全唔油、粒粒彈牙又香口！滷水拼盤、好味👍🏻👍🏻鵝肉香滑滷水入味唔會太鹹、雞蛋豬耳豆腐都好好味！必食推介！

無諗過O係荔枝角區食中餐都會比我搵到驚喜; 本來一行4人想是但入一間企企理理既鋪頭醫肚.  行過梅花村比陣好索既鹵水香味引左入o黎.  4個人, 一人叫一碟, 好快就有野食.  第一味係鹵水鵝.  鵝肉甚厚而且唔肥膩, 有滑滑豆腐墊底, 鹵水汁真材實料, 五香味濃郁, 唔會得個鹹字.  好抵讚 其實佢地味味都唔鹹, 最怕出面食飯遇到D師傅好重口味.平時無乜幾可叫咁熱氣又高胆固淳既椒鹽鮮尤, 炸得鬆化但鮮尤又無渣好咬口, 今日放縱一下都值得.  另外, 麻醬山藥十分清新, 一般麻醬都係配青瓜, 配山藥夠新鮮感.  而且碟頭唔細, 街坊價， 街坊小菜口味.  5蚊位茶, 10蚊酸菜, 連加一4位先係400蚊.  已經諗定下次叫乜野.  但無得傾 -- 鹵水鵝就一定係胆. 

以前係北角返工，中午時常會與同事去梅花邨食午餐。依家轉左工，想唔到新分店亦剛好係長沙灣開張。今次一早訂定位與同事們晚飯。新店相比起老店當然又大又多位置，佈置依舊為中國風。菜式方面，與老店大致相同。我們一行八人，點了一個四人套餐，再另點幾碟小菜。分量適中不會太少，味道亦與老店相似。特別推薦沙爹炒河，瑤柱金菇豆腐，梅花骨和反沙芋。特別是反沙芋，潮州甜品，因為係功夫菜唔係每間潮州菜館都會有，老店經常都限量發售，而且即叫即整，連我平時不吃芋頭的人都食了兩件。