U IZAKAYA

Open Now

Now Closed

我都幾鍾意食fusion菜，最好係以日本菜做基底，除咗自己本身都鍾意食日本菜之外，就係日本菜色都可以做到好多唔同嘅變化出嚟，有陣時都想試下一啲新派菜式㗎嘛！首先叫咗個頭盤，係海膽醬拼竹炭麵包，海膽醬好香呀！應該真係用海膽就咁磨制而成，因為都真係食得出無添加，好香濃嘅海膽味！都心思思想飲酒㗎啦，所以叫咗一支清酒文佳人，入口清澈無雜質，琅琅入口！跟住再叫咗個秋刀魚刺身，餐廳都俾咗啲酸醬我哋去點，同秋刀魚刺身個配搭都幾夾，我另外再用返平時豉油去點，的確兩者風味有分別！雖然風味唔同，但同樣地都係好食嘅！見到佢哋有串燒供應，我都點咗三款串燒試一試，分別係唔花籃，雞肉大蔥，同埋白鱔。鍾意食串燒嘅朋友就唔好錯過啦！我都幾鍾意食海膽，所以都叫咗一個火焰帶子海膽手卷，好粥了，海膽好鮮甜好好食，帶子都幾新鮮，兩者配合一絕！跟住再食咗個白酒牛油煮蜆，個醬汁都整得幾香幾好，配合啲蜆個效果都ok最後一道餸就係龍蝦芝士通粉，一整條龍蝦味再配搭芝士再沈啲通粉上去焗，芝士通粉都幾香口喎好食，龍蝦口感彈牙！

好耐冇食日本嘢啦，今次嚟咗呢一度食高檔日本fusion菜，啱啱出咗糧點都要食返啲好嘢嘅！環境都幾企理裝修幾別緻，店鋪面積唔算好大不過擺位坐低都好闊落，所以都算有空間感。餐具都幾別緻，餐水有得揀氣泡水，我最鐘意飲氣泡水一定唔使諗。好快就食咗個頭盤系海膽醬拼竹炭麵包，主角一定系海膽醬啦！個海膽醬好鮮甜濃郁，海膽味好豐盈，基本上系海膽嘅精華所在，竹炭麵包就系海膽醬嘅綠葉。跟住就食咗個秋刀魚刺身，餐廳仲俾咗啲蘿蔔漬做配搭，兩者嘅配搭恰到好處，秋刀魚刺身好新鮮，原條秋刀魚刺身，呢條魚唔錯！之後再食咗個唐揚免治雞肉海膽流心蛋，仲有啲黑松露喺度㗎 ！免治雞肉炸過嚟，成件入口外脆內軟，系幾得意嘅一道菜色！好快就嚟到我最期待嘅火焰帶子海膽手卷，帶子同海膽嘅份量都幾多，海膽非常鮮甜，真系食過返尋味，今次嘅主角明顯系海膽，帶子新鮮味道濃郁，不過海膽更令人一試難忘！我自己都幾鐘意食蔬菜同水果，見到呢一度有啲幾得意嘅串燒，我都叫咗嚟試一試，分別系：富士蘋果配黑醋汁串燒同埋芝士青瓜串燒，兩者入口都好Fresh！

今日同朋友黎到銅鑼灣的U Izakaya食高級日本料理。前菜是竹炭麵包配海膽醬, 麵包鬆脆, 海膽醬鮮甜油甘魚薄切刺身肉質鮮嫩, 賣相吸引秋刀魚刺身是時令刺身, 原條作擺盤, 賣相精緻, 肉質細嫩鮮甜, 配上特製的酸汁非常開胃, 再加上少許薑容一齊食, 更能帶出魚的鮮味, 非常推薦風乾火腿芝士米紙卷選用左三種芝士, 其中一款是藍芝士, 巴馬火腿的鹹香配上各種芝士味道好夾。另外米子皮薄煙韌, 加上沙律菜, 整體味道清新, 口感豐富 海膽炸豆腐有兩款海膽, 第一款是白海膽, 第二款是亦海膽, 白海膽味道較鮮甜, 而亦海膽味道較濃郁, 兩者各有特別。配上外脆內軟的炸豆腐, 口感嫩滑, 鮮味十足海膽魚子醬帶子意粉每一條意粉都沾上濃郁的海膽醬, 非常滿足, 美中不足是帶子略嫌過熟, 但整體亦是相當滿意黑毛豬肩肉生熟程度剛剛好, 肉質細膩嫩滑, 好重豬肉的味道, 配上自家製的黑蒜牛油, 更能昇華整道菜式燒魷魚有焦香味, 味道正常, 沒有驚喜串燒有雞腎, 白鱔同雞肝。 雞腎爽口, 雞肝粉嫩多汁。白鱔肥美, 油脂充足, 面頭胡椒帶點咸味, 三種串燒當中最有驚喜的一串最後甜品是海膽雪糕同柚子雪芭海膽雪糕

銅鑼灣新開嘅U IZAKAYA 推供多種細緻而又高質素海膽美食 亦不乏其他用心烹調嘅日式料理餐廳座位舒適 更設有露天雅座 一睹跑馬地風景竹炭麵包海膽醬竹炭麵包外脆內軟 有微微嘅竹炭香味 配有鮮甜濃郁嘅海膽醬風乾火腿芝士米紙卷 芝士總共用咗四款芝士製成 火腿嘅鹹香同芝士濃郁嘅味道互相融合 沙律菜同煙煙韌韌嘅米紙卷即起中和味道嘅件用 令整體唔會太過漏 值得一提中間嘅沙律菜配埋黑松露醬加少許蜜糖 黑松露醬非常出眾 食落亦甜甜地 油甘魚刺身新鮮嘅刺身配上生葵同豉油 味道鮮甜時令秋刀魚刺身不論賣相同味道都有水準嘅一道菜 秋刀魚新鮮鮮甜 肉質軟硬適中 配上薑 蔥同蘿蔔蓉同醬油鮮味更突出更有層次串燒雞肝 白膳 雞腎雞肝油脂略重 味道出眾 白膳配上黑蒜醬 肉質彈牙 佈滿油脂感 雞腎亦好爽口 配上生蒜 鹹香十足汁燒魷魚香味十足 魷魚亦彈牙爽口海膽炸豆腐分別有白海膽 同赤海膽 配有下面軟熟嘅炸豆腐 兩種軟熟嘅食材一齊咬落去令人有一種成口都係海膽嘅美麗錯覺兩種海膽皆鮮味十足 赤海膽會再濃味少少 非常鮮甜 口感creamy 令人齒頰留香 黑毛豬肩肉煎到帶點微微紅嘅黑毛豬 係廚師嘅巧手妙工 亦請大家放心食用 豬

這家fine dining 我已經想吃很久，適逢本人最近生日，朋友們就破例約了我去這裡嘆fancy 的美食廂房相當別緻，這私人空間非常有私隱度，格外寧靜。室外遠眺竟然還能看到跑馬地馬場，非常有特色，坐得儳但是如果能夠做個瓦遮頭會更佳食品我不太能吃生食， 所以朋友都以熟食為主力竹炭麵包海膽醬以蛋黃牛油拌勻海膽，打成蓉再舖在竹炭麵包上，竹炭麵包鬆軟而不鞋，海膽醬極致鮮味，好正點海膽天婦羅海膽夾住紫菜或紫蘇葉同炸，色澤金黃，入口外脆內軟，半熟海膽鮮味仍在，紫蘇葉的個性跟海膽的鮮甜相襯，相當出色串燒牛舌心 超厚切！肉汁豐盈！五分熟的牛舌是最爽彈，牛味最濃的熟度，加上舌心，超正！五花腩 五花腩肥瘦相間，瘦肉位不乾， 肥肉位不膩是最高境界！雞肉丸傳統的雞肉丸串燒沾上日本蛋漿 曉+醬油製作而成的醬汁，口味濃而不膩，入口滑順，好出色象拔肝壽司跟鵝肝有點像的口感味道，但是沒有鵝肝那麼油膩， 入口更清甜，非常好吃海膽炸豆腐清淡的嫩豆腐炸過，加上鮮美的海膽調配， 令這簡單的菜色變得更特別唐揚免治雞肉海膽流心蛋把蛋黃+海膽醬拌勻 加入豬肉再炸，這蘇格蘭蛋加入了海膽提升味道，半流心的蛋漿，爽脆的外皮，好吃！菠蘿

夜晚book左黎呢就食farewell dinner 💟。食物都唔錯都高質，價錢我地都expect左會貴。平均我地食左大約千幾蚊一位好彩經openrice book有個8折優惠。

步進華麗的舞台，最近這餐廳正推出海膽主題的盛宴，低為海膽粉絲香港區會員，當然要出來會一會他從海葡萄往右數生蠔🦪set南非 瘦削而細，蠔味集中，入口煙韌蘇格蘭 體積中等 爽彈而鮮愛爾蘭 最肥美的一款，海水不濃，入口鮮美清酒promotion set乾身偏甜的清酒，但沒有一般清酒的單調，不俗牡丹蝦+蝦頭天婦羅相當creamy的牡丹蝦，入口便知鮮味，蝦頭拿去炸，連觸鬚也能吃，加了些鹽更型好吃象拔刺身帶貝類特有鮮味，入口相當爽脆紫海膽刺身+紫菜入口即溶的海膽款，配上超脆的紫菜，跟一般海膽不同，膽味較淺但更是清新日本海膽味噌甲羅燒這個甲羅燒本來就帶超豐富的蟹膏香，加入三文魚籽跟海膽，根本是暴力鮮味的代表，伴麵包/飯吃相當好吃海膽魚子醬帶子意粉Creamy的海膽醬以矜貴魚子醬調味，熟帶子依然甜，配幼身的天使麵，彈牙，鮮！海膽雪糕竟然帶有海膽味！入口卻是雪糕的口感，極富玩味的雪糕！菠蘿雪葩清新解膩，甜而不漏蘋果雪葩像極了富士蘋果的沙沙口感，超甜帶點蘋果酸，很正點椰子雪葩四款甜品中最creamy的一款，椰味超濃，是我最愛的款式！

U IZAKAYA銅鑼灣耀華街38號ZING!10樓OMAKASE近來很受爭議, 很多香港日本鮨店餐廳OMAKASE文化, 就是入貨有什麼便比什麼你食,定好曬跟本不是依客人口味喜好/時令而決定。 銅鑼灣 U IZAKAYA 這間以海膽做主題, 就正正中我下懷啦。海膽醬竹炭麵, 麵包切成長條狀烘脆,表面脆身 點甘甜海膽醬一齊食, 極之開胃架小食, 喜歡食鬆化口感食物架的真係一食愛上。紫海膽好creamy 入口即融，夾紫菜食OYSTER set 6隻 由淡到濃味，仲伴有sake 要杯同海膽海膽豆腐，豆腐好嫩滑，赤海膽濃味，一口size 燒甲羅，也是有蟹膏海膽膽魚子，撈好後抹在toast 上，超香濃炸雞加海膽做中心餡，像scotland炸蛋做法，但換上了海膽膽黑魚籽，雪糕都是海膽味架, 第一次食到海膽口味雪糕戶口位拍照一位, 仲有個日本千與千尋電影卡通角色無臉人

U IZAKAYA銅鑼灣耀華街38號ZING!10樓10/F, ZING!, 38 Yiu Wa Street, Causeway Bay海膽主題架OMAKASE, OMAKASE唔一定得刺身同壽司, 日文OMAKASE即有”交比你決定”架意思。普通連鎖級壽司店改名有個鮨字,在香港就可以賣貴幾倍, 但我中上環食過好幾間質素都不入流。今日呢間新開U IZAKAYA, 質素是有水準。我自己喜歡食海膽多過魚架刺身，先點了生蠔拼盤，有6隻唔同品種口味，由淡口開始吃，個sos 套餐仲有包海膽竹炭麵包黑色很搶眼、蘸海膽醬食, 海膽醬香濃甘甘的，麵包口感香脆。 刺身點了象拔蚌刺身,爽口新鮮，只面點豉油已能帶出鮮味。油甘魚刺身幾抵食，舖得好靚上碟。炸海膽，有用紫菜同紫蘇葉兩個味，炸漿水薄食落不會有油膩感。生蠔有南非黑珍珠愛爾蘭法國蠔等等，順時針由淡到濃食到不同風味串燒豬腩同牛舌，厚切有咬口，豬腩肉油脂豐富。海膽魚子醬帶子意粉海膽魚子醬非常入味，個汁是靈魂，帶子煎香，也是以海膽為題，甘香醬味要細味。海膽雪糕, 超有趣呢雪糕，加入奶同糖之後沒有海膽味。原個水果雪芭超好食。

呢日朋友帶我去呢間新式日本居酒屋U Izakaya。有別於傳統居酒屋，U Izakaya裝潢走型格路線，摩登有格調！戶外亦有座位，可以比客人坐出面飲cocktails，好chill！店員先送上前菜，呢日有竹炭多士配海膽醬。竹炭麵包口感軟熟，海膽醬真才實料，鮮味突出，係有誠意嘅前菜！點咗條金目鯛刺身，日本直送飛機貨，所以非常新鮮！金目鯛味道甘甜，肉質結實。剩下嘅魚頭魚肉都毫不浪費，會拎去炸天婦羅，一魚二食。天婦羅炸漿薄脆，食落仲有少少肉，外脆內軟！黑毛豬肩肉都走法日fusion路線，擺碟精緻吸引，表面煎得焦香，內裡則保留粉紅嫩滑肉質，配上無花果醬及牛油醬汁各有特色！最後以海膽雪糕作結，happy night！

呢晚同朋友去咗銅鑼灣 ZING! 呢間新開無耐嘅西式摩登居酒屋U Izakaya！店內裝潢型格時尚，座位舒適。戶外座位唔單止可以打卡，仲可以望住銅鑼灣市景，食完飯後出去吹吹晚風，好好feel！一坐低，店員就先送上前菜--竹炭麵包配海膽醬。竹炭麵包口感軟熟，配上香滑濃郁嘅海膽醬，味道唔錯！日本活響螺刺身口感爽脆，充滿鮮味！呢間居酒屋好多菜式都走行fusion路線，例如風乾火腿芝士米紙卷就將意大利parma ham融入喺越南米紙卷中，味道上好有驚喜！大廚用上4種芝士，食落唔單止有parma ham同芝士嘅鹹香，新鮮爽脆嘅生菜同一時間都平衡膩感，加埋番茄乾增添風味！再用Q彈嘅米紙包住，淋上黑松露醬汁，味道豐富！居酒屋又點少得串燒？點咗三款串燒: 五花腩串燒、芝士意式瓜串燒、紫蘇雞腿肉串燒，水準中上。黑毛豬肩肉肉質軟腍，外面焦香，有兩款醬汁，分別係牛油醬汁及無花果醬，前者提升肉味，後者則減低油膩感，兩款醬汁都好夾！海膽雪糕值得一試，真係食到海膽味道，好特別！

今晚同一班閨蜜去咗海膽之夜呢間餐廳主要係海膽為食材裝修都以木淡黃色為主一開始上咗個竹炭麵包，唔係麵包咁簡單，佢配左海膽醬，海膽醬非常之濃郁，食落一啖接一啖。另外都叫咗生蠔試吓，南非、黑珍珠、愛爾蘭、法國蠔等等，由淡口食到濃味，仲叫咗兩杯mocktail ，好refreshing ，生蠔拼盤上邊仲有海膽，海膽配上生蠔又係另一種風味。另外仲有油甘魚刺身，刺身非常之新鮮厚肉，少少即磨山葵👍🏻牛油果他他沙律，健康又飽肚，酸酸甜甜好開胃 。另外到咗重頭戲，海膽刺身，好誇張佢真係一版過咁樣俾你，海膽質素好好，一啲都唔腥，有幾種食法，除咗刺身俾咗紫菜包住食之外，食到佢嘅鮮甜。另外仲可以試吓佢哋立鄰燒+海膽醬，魚皮用熱油炸一炸，非常之脆口，另外點埋海膽醬，成嚿魚即刻升級晒。除咗一版嘅海膽之外我哋都試咗佢哋嘅紫海膽壽司，一啖落口真係好滿足，仲好啱打卡添。磯煮花螺，都非常之唔錯，好入味，螺肉唔會好韌。白酒煮蜆，蜆肉非常大隻，鮮鮮甜甜。另外都仲叫咗佢啲串燒試吓，蘋果豬肉串、牛舌，蘋果豬肉串我好鍾意酸酸甜甜，中和左豬肉嘅油膩。牛舌好厚身，咬落去好juicy. 魚子醬海膽帶子意粉，最後都叫咗個主食，成個意粉用海

難得放假，同朋友一同去位於銅鑼灣嘅U IZAKAYA食Dinner，無論係食物質素、環境、服務都好好。前菜竹炭麵包、海膽醬竹炭麵包幾有咬口，有陣陣竹炭香味。海膽醬真係真材實料，超級濃郁嘅海膽味，仲用蠟燭保持溫度。兩者配搭好Match南非、黑珍珠、愛爾蘭、法國蠔生蠔控絕對會愛上，可以一次過食唔同產地嘅生蠔，同埋生蠔勁新鮮，所以味道鮮甜。油甘魚刺身飲品方面我哋嗌咗Fruit BodyForest真正嘅主角出場啦，就係海膽，以下嘅食物都係用呢板海膽整嘅。值得一提嘅係，佢哋嘅海膽係勁勁勁好味，係好新鮮，同埋甜甜地嘅，完全唔會腥臭。海膽刺身紫海膽壽司立鄰燒+海膽醬魚子醬海膽帶子意粉白酒煮蜆磯煮花螺蘋果豬肉串、牛舌雞肉丸（雞肉棒）最後仲有呢個超級出色嘅海膽雪糕，即叫即整，真係有海膽味㗎。味道係帶有牛奶香味，亦有海膽嘅鮮甜味。

聽聞銅鑼灣開咗間新嘅日本菜，見放假就上嚟試下喇。餐廳行高檔路線，不論裝修、食具甚至服務都好有質素。佢哋仲係outdoor 位，望到鬧市靚景。Summer Fiesta ($98) - 夏天就嗌杯夏日嘅雞尾酒。呢杯用咗日本清酒、荔枝酒、梅酒、芒果汁、菠蘿汁加上梳打製成，都幾甜幾易入口，唔太好酒精嘅朋友都可以試下。然後嗌咗啲串燒白鱔（$48）- 個白鱔好厚肉，油脂味好岀。雞肉大葱（$42）- 雞肉燒得好嫩滑，肉質鮮嫩豚肉（$42）- 係豬腩肉嚟，肥得嚟又好香，仲有好多肉。象拔蚌膽壽司同火炙左口魚邊壽司（$68）- 真係好新鮮，火炙後更帶岀油脂同香味。海膽天婦羅（$248）- 一個用紫蘇葉炸，而另一個用紫菜炸，我就覺得紫蘇葉嗰個仲好味啲，兩個都包住厚厚嘅海膽，真係外脆內軟，正！黑蒜椰菜仔（$98）- 食咗咁多肉，嗌個菜食好似均勻啲🤣。椰菜仔細細粒但就極之新鮮爽口，配埋餐廳即炸嘅蒜片同自家製黑蒜汁，個味好夾。海膽雪糕($68) - 好特别嘅雪糕，本來以為又鹹又甜會怪，點知甜得嚟又帶海膽香，加上用日本米做嘅夾餅，口感好正。

今日嚟到位於銅鑼灣新開嘅居酒屋食晏～ 環境優雅，座位都好寬所以坐得好舒服。夜晚嚟應該更有情調。仲有戶外座位同打卡位，好chill呀！嘢食款式都好多Forest ($88) - 嚟得居酒屋就點都要嗌返杯酒嘆下。我呢個cocktail用咗vodka, gin、梅酒，柚子、青檸同梳打，飲落好refreshing ，仲有柚子皮所以好香。象拔蚌刺身（$588）- 好爽口好鮮甜，唔點豉油更能食岀其鮮味。竹炭麵包配海膽醬（$38）- 賣相特別，海膽醬有驚喜，係用新鮮海膽整，好creamy得嚟海膽味仲好濃郁，但一啲都唔覺得漏，再配埋竹炭麵包塊令人開胃。火炙帶子海膽手卷（$128）- 上面放咗七色芝麻，好靚。火炙海膽同帶子都好新鮮，同份量好足，所以口感一流，必食！海膽芝士薄脆（$88）- 呢個佐酒小食都唔錯，芝士薄脆又無搶過海膽嘅味。牛油果蝦沙律配黑松露蜜糖（$88）- 牛油果蝦沙相信律大家應該都唔陌生，但原來加咗黑松露同蜜糖會咁香，令牛油果甜甜地非常美味。連裡面嘅蝦肉都爽口彈牙，必試！海膽雪糕（$68） - 咁特別嘅雪糕點可以唔嗌呢？用海膽做成嘅雪糕味道一啲都唔怪，甜甜地但絕無腥味，就連個夾餅都係用日