素之樂創意蔬食料理

Open Now

Now Closed

Vegelink Vegetarian Cuisine

94 Reviews

Taste

Decor

Service

Hygiene

Value

8189

North Point

Below $50

International Vegetarian Salt & Sugar Reduction Restaurant

Info:
Restaurant:	Vegelink Vegetarian Cuisine

To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html

QQ零食公主

Level4

352

朋友介紹呢間私房菜，環境優雅、店員有禮、上菜快、菜式多、味道就 ok 啦，不至於很好食。比較適合一班女仔飯聚。四式拚盤：只有茹茹好味，其餘的冇乜味，炸粉又好油膩。翡翠海星餃：我唔鍾意食餃，所以只係咬左少少，而且覺得餡唔多又無味。御品燉湯：估唔到素湯都可以甘鮮甜，好香好好飲。意式杏茹扒：雞脾茹爽口，灰灰地色既醬香松露味，好正。香焗野蔬千層：菠菜多油又無味，蕃茄醬唔香，整體感覺十分油膩。東坡燒：冬瓜苦苦地；冬瓜包住既餡就好鮮味，食落好似豬肉丸甘。日式和風丸子：即係薯蓉丸子，味道淡。茄香鮮蔬鍋：材料豐富，清清地幾好。西西里海鮮燉飯：完全食唔出西西里係咩味。一口芝麻餅：芝麻外皮焗得香脆，內里既糯米紅豆餡軟綿綿，好正啊！南瓜西米露：甜度適中，南瓜味清香。雖然話係素食，但頗油膩，食完第六道菜已經濟濟地，清淡d會好些。

Read full review

朋友介紹呢間私房菜，環境優雅、店員有禮、上菜快、菜式多、味道就 ok 啦，不至於很好食。比較適合一班女仔飯聚。
四式拚盤：只有茹茹好味，其餘的冇乜味，炸粉又好油膩。
翡翠海星餃：我唔鍾意食餃，所以只係咬左少少，而且覺得餡唔多又無味。
御品燉湯：估唔到素湯都可以甘鮮甜，好香好好飲。
意式杏茹扒：雞脾茹爽口，灰灰地色既醬香松露味，好正。
香焗野蔬千層：菠菜多油又無味，蕃茄醬唔香，整體感覺十分油膩。
東坡燒：冬瓜苦苦地；冬瓜包住既餡就好鮮味，食落好似豬肉丸甘。
日式和風丸子：即係薯蓉丸子，味道淡。
茄香鮮蔬鍋：材料豐富，清清地幾好。
西西里海鮮燉飯：完全食唔出西西里係咩味。
一口芝麻餅：芝麻外皮焗得香脆，內里既糯米紅豆餡軟綿綿，好正啊！
南瓜西米露：甜度適中，南瓜味清香。
雖然話係素食，但頗油膩，食完第六道菜已經濟濟地，清淡d會好些。

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Dining Method

Dine In

Spending Per Head

$185 (Dinner)

Recommended Dishes

KKPoon

Level1

我很少時寫食評, 但今次真的要講吓, 我們一行六人,約了七點,去到坐下感覺很熱, 於是找個waiter請佢開大D個冷氣, 但坐了一陣冷氣依舊很少, 激氣, 再講返私房菜通常是每一個人一人一份上,但這裡很奇突全部好似吃一圍菜一樣,大圍上,感覺食一席菜, 而每樣菜名就靚, 但材料全部差不多,只不過有D切碎有D切塊,不外如是. 價錢$160+10%與食物不相稱, 我相信不會再去.

Read full review

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2010-07-10

Dining Method

Dine In

Spending Per Head

$179.6 (Dinner)

Foxyleo

Level4

223

127

Read full review

北角區其實有好幾家傳統素菜館，但以環境舒適度及食材/烹調創新等方面而論，素之樂可謂最佳選擇。素之樂位於北角渣華道(傢俬及家居設計店雲集的路段)，此店沒有在街上擺放明顯的廣告牌，而且跟一家幼稚園共用同一個樓梯入口，很容易令第一次光顧的食客誤以為只是一家幼稚園而過門不入。此店以私房菜形式服務會員食客，非會員的話也可以在第一次光顧時免費登記成為會員，以後每次光顧都會有八折優惠。除了私房菜之外，午市有點心及套餐供應。今天點了一個$218二人午市套餐(包括: 猴頭菇腰果湯、點心拼盤、北菇扒苗、台灣素魯飯、糖醋咕嚕、竽頭西米露)，另外也點了咸水角、白松露雜菌腸粉、馬蹄蔗糕級荳沙芝麻球等點心小吃。來點心及套餐之前，店方奉上一壺很香的玄米茶，茶色金黃，綠茶氣味芳香，加入炒米粒沖泡後，帶淡淡的米香。素菜菜式一般較寒涼，喝玄米茶不但可中和寒涼，更可以沖淡疏菜的菜青味。

猴頭菇腰果湯 – 湯汁金黃，內有猴頭菇、腰果、三角豆及直菇。味道是蠻清甜的，但可惜幾種用料本身都沒有甚麼香味，店方用薑片來為湯汁辟腥，雖然這是正確做法，可惜薑味太濃，更突顯煲湯材料的無味。另外，腰果和三角豆本身都含豐富植物油，所以此湯雖然是素湯，但面層的油份頗重，看來店方應該嘗試用其他材料來煮湯了。

點心拼盤(包括: 炸春卷、魚翅燒賣、粉粿、蝦餃) – 幾樣點心之中只有炸春卷最好吃和最像樣(裏面的冬菇絲很香炸得不太油)，燒賣、粉粿和蝦餃的皮略厚薄一點會更好吃。素肉和素蝦雖可以增加嚼勁，令食客有吃肉的口感，不過五香調味太濃，影響食趣。另外，燒賣皮因為沒有放蛋，所以皮身不夠「挺」和彈牙。

北菇扒苗 – 豆苗是碗豆的苗，當豆還是苗的時候，便要摘其葉子而食，再等的話豆苗便會變老，葉莖太硬，俗稱有「骨」，食時會令人難以下嚥。此溫室豆苗真的很幼嫩爽口，不過炒得沒有鑊氣。此外，由於是素菜，所以不能放紹興酒和雞湯去為豆苗辟除豆青味，吃時所嚐到的豆青味可想而知。所謂的北菇失蹤，只有咖啡色和白色的本菇充數，另有少許黃色和紅色的燈籠椒碎作「添色」之效。此菜式雖然很清淡，但敗於味寡無香。

台灣素魯飯 – 外表看來跟真的魯肉很像，應該是烤麸碎，沒有人工的香料味，口感卻像真肉。面上有炒香芝麻，再淋上大量醬汁，飯是以珍珠米煮成，粒粒圓潤飽滿，吸收了飯面的魯肉和醬汁味，不錯不錯。

糖醋咕嚕 – 醋味太濃，此菜在上桌時，那陣醋味已經撲鼻而來，不過炸烤麸塊真的很有肉的口感，炸漿不會太厚，只是略嫌沒有鑊氣，食味跟真的糖醋咕嚕肉是差不多的，但配料雖用新鮮菠蘿，可惜放得太少。

白松露雜菌腸粉($58) – 白松露的香氣只用一點點放在雜菌內已經很濃香，雜菌放得夠多，所以有嚼勁，辟腥功夫做得頗成功，腸粉雖算滑，但略嫌過厚，腸粉面層的七味粉為食味添上層次。

咸水角($20) – 跟一般的素咸水角食味差不多，外皮不會太厚，炸得夠脆又不太油。

荳沙芝麻球($20) – 新鮮炸起，球身小巧，不會太甜，吃起來不容易膩。芝麻炸得很香，糯米皮很薄，很軟，內面的紅豆蓉很香，很幼滑，簡直美味。

竽頭西米露 – 竽頭很粉和清香，入口即溶無渣，西米煮得剛好，既軟身又不會稀爛。

馬蹄蔗糕($18) – 大粒馬蹄碎很爽甜，糕身有很清香的蔗汁味，而且很爽口。

由於是佛誕關係，此店很早就爆滿，個人覺得此店出品質數OK，但沒有甚麼驚喜，不過甜品卻很好味。

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2010-05-21

Spending Per Head

$130 (Lunch)

Recommended Dishes

ernielui

Level2

已忘了第幾次來這家店吃素菜了！只記得每次都吃得飽飽之餘，還有東西吃不完可以帶走！台灣炒麵：少吃了人家兩道菜，唯有多吃碗炒麵補償肚子的不足吧！荔茸酥盒：要是可以再放多一點荔茸就好了！南瓜西米露：南瓜是我最喜歡的食材！這個造得不太甜，好吃！自備的黑森林蛋糕：吃過COVA的蛋糕之後，已經回不了頭去吃美心的蛋糕了！這天我們如常吃剩了東西！除了帶走了半個蛋糕，還有一大盒炒麵和菇菇哩！呵呵～～～雖然這天有兩道菜我不合我的口胃，但東西的味道整體依然很有水準！要是友人下次還想吃素菜的話，我也樂意再光顧的！

Read full review

已忘了第幾次來這家店吃素菜了！
只記得每次都吃得飽飽之餘，還有東西吃不完可以帶走！

台灣炒麵：少吃了人家兩道菜，唯有多吃碗炒麵補償肚子的不足吧！
荔茸酥盒：要是可以再放多一點荔茸就好了！
南瓜西米露：南瓜是我最喜歡的食材！這個造得不太甜，好吃！
自備的黑森林蛋糕：吃過COVA的蛋糕之後，已經回不了頭去吃美心的蛋糕了！

這天我們如常吃剩了東西！除了帶走了半個蛋糕，還有一大盒炒麵和菇菇哩！呵呵～～～
雖然這天有兩道菜我不合我的口胃，但東西的味道整體依然很有水準！要是友人下次還想吃素菜的話，我也樂意再光顧的！

普羅旺斯扇貝：一上桌就嗅到它的酸醋味！我可不吃醋的啊！嗚～～～

82 views

0 likes

0 comments

芝士焗白菜：芝士味很香很吸引，可是裡頭的卻又是我不愛吃的大白菜！嗚嗚～～～

香草焗野冬菇：最愛吃菇菇的我，這個絕對合胃口！

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2010-04-25

Spending Per Head

$180

Recommended Dishes

meat burner

(Non-member)

論創意, 最抵讚的是所有創作菜色都不是靠 "扮" 葷/肉, 沒有妖道, 沒有虛假的肉汁味, 而是純粹透過創意, 廚藝, 用料的配搭和鮮味, 讓你好好嚐到素菜的滋味. 當晚十一道菜收費每位 $160, 加上細心的服務, 環境尚算幽雅清靜, 我覺得是 quality 之選!要一提的是, 廚房每逢正點, 搭半, 開始上餐, 訂枱最好不要訂搭 3, 9, 但早到也有茶和小食陪你打牙骹

Read full review

論創意, 最抵讚的是所有創作菜色都不是靠 "扮" 葷/肉, 沒有妖道, 沒有虛假的肉汁味, 而是純粹透過創意, 廚藝, 用料的配搭和鮮味, 讓你好好嚐到素菜的滋味.

當晚十一道菜收費每位 $160, 加上細心的服務, 環境尚算幽雅清靜, 我覺得是 quality 之選!

要一提的是, 廚房每逢正點, 搭半, 開始上餐, 訂枱最好不要訂搭 3, 9, 但早到也有茶和小食陪你打牙骹

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-12-27

Spending Per Head

$160 (Dinner)

愛吃小魚

Level4

179

做冬+家姐生日飯, 哥哥提議食素. 從來未試過做冬食齋, 有新意.呢度係以會員式招待, 不過就唔洗會費, 同埋呢度嘅招呼真係非一般素菜館可以提供.佢哋嘅服務員, 上至經理, 下至樓面, 個個都面帶笑容, 又細心為客人分菜上碟, 連帶切蛋糕時,都會熄燈一班服務員為你唱生日歌, 好西化嘅服務. 值得一讚. 四式拼盆 - 炸蠔 - 細細粒用腐干做, OK. 另外青瓜卷住唔知咩菇, 有創意. 素雞青豆都唔差. 玉翅鳳眼餃 - 賣相精緻, 連中間嗰朵花都係用小唐菜做ka. 真係有心思. 上品燉湯 - 猴頭菇, 冬菇等等...燉嘅湯, 清清地, 不過味道淡咗d. 繽紛彩蔬 - 未食過嘅呢種鳳眼果, 食落有d似淮山嘅feel, 當然味道唔同啦! 加埋猴頭菇, 百合, 腰果一齊煮, 唔錯. 金絲翡翠 - 金絲用牛蒡絲做, 配菠菜同茶樹菇, 好美. 蜜椒焗鮮茄子 - 個人唔太愛茄子唔腍身, 不過個蜜椒汁做得幾好. 香酥黃金貝 - 用PASTA釀內薯蓉同乳酪再炸, 正! 翠竹仙島 - 加埋甘筍釀嘅鮮冬菇, OK. 麻香炒麵 - 唔係一般嘅麵條, 用麻醬, 芝麻做出一個好味嘅炒麵. 千層果派 - 清香

Read full review

做冬+家姐生日飯, 哥哥提議食素. 從來未試過做冬食齋, 有新意.
呢度係以會員式招待, 不過就唔洗會費, 同埋呢度嘅招呼真係非一般素菜館可以提供.
佢哋嘅服務員, 上至經理, 下至樓面, 個個都面帶笑容, 又細心為客人分菜上碟, 連帶切蛋糕時,
都會熄燈一班服務員為你唱生日歌, 好西化嘅服務. 值得一讚.

四式拼盆 - 炸蠔 - 細細粒用腐干做, OK. 另外青瓜卷住唔知咩菇, 有創意. 素雞青豆都唔差.

玉翅鳳眼餃 - 賣相精緻, 連中間嗰朵花都係用小唐菜做ka. 真係有心思.

上品燉湯 - 猴頭菇, 冬菇等等...燉嘅湯, 清清地, 不過味道淡咗d.

繽紛彩蔬 - 未食過嘅呢種鳳眼果, 食落有d似淮山嘅feel, 當然味道唔同啦! 加埋猴頭菇, 百合, 腰果一齊煮, 唔錯.

金絲翡翠 - 金絲用牛蒡絲做, 配菠菜同茶樹菇, 好美.

蜜椒焗鮮茄子 - 個人唔太愛茄子唔腍身, 不過個蜜椒汁做得幾好.

香酥黃金貝 - 用PASTA釀內薯蓉同乳酪再炸, 正!

翠竹仙島 - 加埋甘筍釀嘅鮮冬菇, OK.

麻香炒麵 - 唔係一般嘅麵條, 用麻醬, 芝麻做出一個好味嘅炒麵.

千層果派 - 清香蕉味, 酥皮鬆脆, 好味!

精緻甜點 - 雪茸紅棗煮出膠質, 甜味適中.

豆蓉壽包 - 豆蓉唔太甜, 唔錯.

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-12-19

Spending Per Head

$186 (Dinner)

Recommended Dishes

simply jj

Level4

1.6K

Read full review

唔知點解,通約到呢個友人時,就會碰啱齋期,sep 19, 09我建議嚟呢度,3人食晚上嘅私房菜 :

1) 小食 (hk$20)
-呢個喺素魷魚
-我就好少食素嘅零食
-因側為該店嘅超級有得賣,所以順便可以推銷1下
-都幾惹味,不錯嘅零食同特別飯前小食

2) 私房菜 (@hk$160 x 3)
i) 4喜拼盤
-最前嘅刺身,質感做得好似生魚,個樣又1/2透明,真喺維肖維妙
-個豆腐伴以芝麻醬,ok
-個春卷皮炸得好脆,中門有少少5柳醬,裡面有金菇同其他蔬菜粒,好味
-最喺面喺炸芋絲,底下喺素翅同瓜條,伴以麻油醬

ii) 雙喜翡翠餃
-有素蝦,紅蘿蔔粒等
-伴以枱旁嘅雲南醬汁
-可以

iii) 上品燉湯
-好熱騰騰
-呢個湯料有候頭菇,冬菇,木瓜,腰果,薑片同1種唔知咩果,食落似番薯
-幾明顯嘅薑味同清甜

iv) 白玉蔬盒
-1小磚冬瓜,頂頭挖空1小洞藏有些素肉,冬菇粒等
-冬瓜清甜

v) 香焗金瓜
-首先比我挾起晒d提子乾
-裡面有粟米粒,西蘭花,新鮮香蕉片,南瓜等
-好特別嘅配搭
-南瓜既腍又甜
-好味

vi) 黃金咖喱球
-類似豆腐卜炸過,裡面就喺咖喱薯蓉,但咖喱味只喺好微好微,中間有1粒素肉
-伴以他他醬,但就無嘜味

vii) 南國串燒
-呢個嘅素肉比較鹹
-個沙爹醬就好香花生味

viii) 清蒸玉帶
-竹笙捲有紅蘿蔔條,冬菇條,蘆筍條,素火腿條
-味道很清

ix) 金牌炒飯
-撒點芝麻粒
-混以欖菜,豆角粒,粟米仔粒,紅米等同炒
-香口又夠味
-不錯

x) 精美甜品
-雪耳南北杏
-普通了1點

xi) 斑蘭酥角
-酥皮層數好少,而且斑蘭餡料比較甜

* 店內環境.........唔見有佛像/畫之類

* 呢度分7pm同8pm2輪...........相信廚房主力煮2輪.........但2個時間入座都可以坐到收舖

* 呢度要行會員制........不過唔洗$$$$做會員

* 友人問呢間同灣仔嘅貴x宮比............我就會揀灣仔..........因味道濃d,份量也多d (要打包)

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-09-19

Spending Per Head

$187 (Dinner)

alice=)

Level1

第1次食私房菜本來對私房菜沒興趣怕是那種很傳統的素食但結果出乎意料小妹結伴家人共5人去試菜小妹brother未夠12歲. 計小童價除返每人都平少少每道菜都是5人份量所以都要預先book定位.等佢預份量另外菜單是set好的每week都轉菜單4喜拼盤 , 玉翅鳳眼餃及香焗什蔬薄餅都忘了影相但賣相都好好-雲耳雪梨小妹小時候很愛的1個湯水雖然只飲過1兩次可惜母親大人唔識bo.-綠野仙蹤仔細d睇下. 是用生菜包住的同d汁好match-彩虹金茹卷睇下那塊不起眼的青巾!多麼薄! 可見刀法-班蘭酥角好味! -意猶未盡(紅豆沙)夠!總括黎講. 好滿意但可惜路途遙遠..好少機會可以去到

Read full review

第1次食私房菜
本來對私房菜沒興趣
怕是那種很傳統的素食
但結果出乎意料

小妹結伴家人共5人去試菜
小妹brother未夠12歲. 計小童價
除返每人都平少少

每道菜都是5人份量
所以都要預先book定位.等佢預份量
另外菜單是set好的
每week都轉菜單

4喜拼盤 , 玉翅鳳眼餃及香焗什蔬薄餅都忘了影相
但賣相都好好

-雲耳雪梨

小妹小時候很愛的1個湯水
雖然只飲過1兩次
可惜母親大人唔識bo.

-綠野仙蹤

仔細d睇下. 是用生菜包住的
同d汁好match

-彩虹金茹卷

睇下那塊不起眼的青巾!
多麼薄! 可見刀法

-班蘭酥角
好味!

-意猶未盡(紅豆沙)

夠[沙]!

總括黎講. 好滿意

但可惜路途遙遠..
好少機會可以去到

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-08-05

Spending Per Head

$170 (Dinner)

Recommended Dishes

JJ BLOG

Level1

素食私房菜...還是頭一次試! (很期待, 但原來有期待, 都無失望喎)食後感 :這一餐齋, 我覺得係 "摩登齋菜" !每碟菜上檯時, 賣相都很精美, 睇得出廚師有用心設計過, 至於味道, 大部份都唔錯, 以下係食評 : 餐前小吃 : 梅子蕃茄 (正正正, 可惜一人一粒, 咁孤寒0架! 唔夠喉呀, 起碼每人要有4-5粒啦) (1) 四式併盤 (其中蜜汁脆鱔和日本芥末青瓜卷 ....超正) (2) 翡翠雙喜魚翅餃 (普通, 但d顏色好靚) (3) 南瓜湯 (好creamy, 正) (4) 普羅旺斯鮮貝(有驚喜...鮮貝即係雞肶菇,配上意大利醋, 帶出的味道, 很難忘) (5) 寶皇翡翠 (頂頭果舊扮肉, 口感梅梅地, 勝瓜有怪草味 ~ 最唔掂係呢碟) (6) 豆酥白玉 (豆腐很滑, 味道ok) (7)串燒沙嗲 (味道很像, 但肉0既口感又係淋淋地) (8) 花開富貴 (普通) (9) 紅麴炒飯 (有人話似臘腸飯, 又有人話似臘味糯米飯, 我就覺得係南乳炒飯 ; 此飯口感鬆軟, 唔理佢似乜野味, 總之就係好味, 個個都食左2碗) (10) 香蕉派 (唔錯) (11) 意猶未盡

Read full review

素食私房菜...還是頭一次試!
(很期待, 但原來有期待, 都無失望喎)

食後感 :

這一餐齋, 我覺得係 "摩登齋菜" !
每碟菜上檯時, 賣相都很精美, 睇得出廚師有用心設計過, 至於味道, 大部份都唔錯, 以下係食評 :

餐前小吃 : 梅子蕃茄 (正正正, 可惜一人一粒, 咁孤寒0架! 唔夠喉呀, 起碼每人要有4-5粒啦)

(1) 四式併盤 (其中蜜汁脆鱔和日本芥末青瓜卷 ....超正)

(2) 翡翠雙喜魚翅餃 (普通, 但d顏色好靚)

(3) 南瓜湯 (好creamy, 正)

(4) 普羅旺斯鮮貝(有驚喜...鮮貝即係雞肶菇,配上意大利醋, 帶出的味道, 很難忘)

(5) 寶皇翡翠 (頂頭果舊扮肉, 口感梅梅地, 勝瓜有怪草味 ~ 最唔掂係呢碟)

(6) 豆酥白玉 (豆腐很滑, 味道ok)

(7)串燒沙嗲 (味道很像, 但肉0既口感又係淋淋地)

(8) 花開富貴 (普通)

(9) 紅麴炒飯 (有人話似臘腸飯, 又有人話似臘味糯米飯, 我就覺得係南乳炒飯 ; 此飯口感鬆軟, 唔理佢似乜野味, 總之就係好味, 個個都食左2碗)

(10) 香蕉派 (唔錯)

(11) 意猶未盡 (即係芋頭糖水, ok啦!)

總共11味菜, 雖然碟碟每人都係少少份量, 但食食下, 原來都好鬼飽0架!!

四式併盤 ; (另外, 右上角圖片, 是餐前小吃~梅子蕃茄)

59 views

0 likes

0 comments

上圖 : 翡翠雙喜魚翅餃 ; 下圖 : 南瓜湯

48 views

0 likes

0 comments

上圖 : 花開富貴 ; 下圖 : 紅麴炒飯

上圖 : 普羅旺斯鮮貝 ; 下圖 : 寶皇翡翠

57 views

0 likes

0 comments

上圖 : 豆酥白玉 ; 下圖 : 串燒沙嗲

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-07-05

Spending Per Head

$176 (Dinner)

Celebration

Birthday

Recommended Dishes

getfatter

Level2

同行七人，假日往素之樂午飯齋館不大，但不擠迫，加上柔和的音樂，環境一點也不嘈雜比起很多酒樓或齋館，這裡真的很舒服很喜歡食那裡的千層白肉($68)，3層豆腐，每層都夾著一些餡料，配合個汁，正蓆苗($68)都好爽口素肉飯($15)，平價之選，個汁整得好好味哈哈，仲有一個，但我唔記得佢個名($25)，是薄餅和生菜包著青瓜及一塊以麵根做的肉，正!一定要叫呀!~台灣炒米粉都好好味!好香口!焗蠔仔的味道也很趣緻，不妨一試~我地仲叫左蒸排骨，煎蘿蔔糕，翡翠瑤柱飽，脆鱔(即冬菇片)，其他就一般啦甜品有蘋果派(一碟有兩個)和荳沙芝麻球(一碟有3粒)，OK啦那裡阿姐的服務好好架!好有禮貌!$530埋單

Read full review

同行七人，假日往素之樂午飯

齋館不大，但不擠迫，加上柔和的音樂，環境一點也不嘈雜

比起很多酒樓或齋館，這裡真的很舒服

很喜歡食那裡的千層白肉($68)，3層豆腐，每層都夾著一些餡料，配合個汁，正

蓆苗($68)都好爽口

素肉飯($15)，平價之選，個汁整得好好味

哈哈，仲有一個，但我唔記得佢個名($25)，是薄餅和生菜包著青瓜及一塊以麵根做的肉，正!一定要叫呀!~

台灣炒米粉都好好味!好香口!

焗蠔仔的味道也很趣緻，不妨一試~

我地仲叫左蒸排骨，煎蘿蔔糕，翡翠瑤柱飽，脆鱔(即冬菇片)，其他就一般啦

甜品有蘋果派(一碟有兩個)和荳沙芝麻球(一碟有3粒)，OK啦

那裡阿姐的服務好好架!好有禮貌!

$530埋單

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-04-12

Spending Per Head

$75 (Lunch)

Recommended Dishes

Die Fat Boy

(Non-member)

昨晚和朋友到這餐廳吃飯，訂了八時，但因朋友有事，遲了十五分鐘，被他們打了兩次電話來"提醒"，雖然是我們不對，但似乎急了些。而且，餐廳是10:30打烊(根據介紹)，亦沒有其他客人在我們之後要來，加上亦有空檯，但我們一坐下，食物送上來的"速度"有如閃電，而且是先上四併盤才上小食~亂，收碟也快，充滿壓迫感，結果九時十分離開，一小時也不用便"完成"一頓飯，服務素質有待改善。當然，食物素質才是最主要的今次，好味的有是1).四寶燉湯 ~ 鮮、甜、夠熱，正。2).蘋果酥飽 ~ 牛油味香，外皮很鬆，玉桂蘋果餡不太甜。普通的有1).餐前小食 ~ 一碟腐皮成份(似扎蹄)，味道可以。2). 四併盤 ~ 有a).去皮車厘茄(甜酸味平衡，好 b).冬菰絲，似扮鱔條，OK。 c).炸素蠔，太多沙拉油淋在上面，抺走大部份後，味道更佳。 d).豆腐粒及青豆，OK。3).鳳眼餃 ~ 上有素翅，較"粉"口，若用木耳/ 菰絲..等，有較"爽"口感覺會更好。4).千層白玉 ~ 三層豆腐加素肉，配上南瓜/紅蘿蔔/黃椒汁，好看

Read full review

昨晚和朋友到這餐廳吃飯，訂了八時，但因朋友有事，遲了十五分鐘，被他們打了兩次電話來"提醒"，雖然是我們不對，但似乎急了些。

而且，餐廳是10:30打烊(根據介紹)，亦沒有其他客人在我們之後要來，加上亦有空檯，但我們一坐下，食物送上來的"速度"有如閃電，而且是先上四併盤才上小食~亂，收碟也快，充滿壓迫感，結果九時十分離開，一小時也不用便"完成"一頓飯，服務素質有待改善。

當然，食物素質才是最主要的
今次，好味的有是
1).四寶燉湯 ~ 鮮、甜、夠熱，正。
2).蘋果酥飽 ~ 牛油味香，外皮很鬆，玉桂蘋果餡不太甜。

普通的有
1).餐前小食 ~ 一碟腐皮成份(似扎蹄)，味道可以。
2). 四併盤 ~ 有a).去皮車厘茄(甜酸味平衡，好

b).冬菰絲，似扮鱔條，OK。
c).炸素蠔，太多沙拉油淋在上面，抺走大部份後，味道更佳。
d).豆腐粒及青豆，OK。
3).鳳眼餃 ~ 上有素翅，較"粉"口，若用木耳/ 菰絲..等，有較"爽"口感覺會更好。
4).千層白玉 ~ 三層豆腐加素肉，配上南瓜/紅蘿蔔/黃椒汁，好看，汁味道也不錯，但味道未能深入滑滑的豆腐。
5) 北國豆香鍋 ~ 豆漿為湯底，有素丸、南瓜等，亦有新鮮菜苗，但因菜苗草青味較濃，與湯底不太配合，相信用多些津菜/椰菜會更好。
6).青瓜肉鬆 ~ 有清爽口味，但因肉鬆較少，味淡，若用日本麵豉醬會更好。
7).松子炒飯 ~ 油份比較多，但味道OK。
8).糖水 ~ 雪耳紅棗，普通。

比較差有
9).素瑤柱及菜?(似豆苗) ~ 因為素瑤柱多而且炸過，太多，膩，而且與冷冷的似豆苗不配合。
10).橙汁素雞 ~ 橙汁味可以，但配以扎蹄類豆腐製品，味道互搶。

服務生禮貌好，但太心急，有壓迫感。
環境不錯。

總括而言，此餐廳可以一試，但水準可以改進。

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2009-03-18

Spending Per Head

$176 (Dinner)

辣子

Level4

1.8K

175

Read full review

在某雜誌上看到素之樂的報導, 兼有八折 coupon, 正在為家人在哪裡慶祝生日而煩惱的我有救了! 隨即就訂了位, 在優惠劵有效的最後一天舉家來了食齋。

我們是 7 時那一席的, 入座時只有約兩三桌客人。私房菜有樣好處, 就是不用理會點菜的問題, 坐低等食就可以了。不過看過雜誌文章和下文惡男兄的食評, 多少也有些 idea。

是晚菜單如下:
(零)小食 – 未上菜之前侍者送我們一件冷豆腐, 正常的味道。
(一)四方併盤 (順時針) – 素鱔 (即炸冬菇絲, 很惹味, 正點)、炸素蠔 (幾似細細隻的青口)、涼拌麵筋絲 (一般)、酸梅粉車厘茄 (至正係佢, 酸酸甜甜, 爽歪了)。
(二) 御翅鳳眼餃 – 哈哈, 好靚, 一人一隻青綠的餃子, 上面是橙黃的蘿蔔末, 伴以小棠菜和銀杏, 賣相一流; 澄麵皮比較軟, 裡面有些菇粒之類, 不算驚為天人, 不過用來宴客就肯定很體面! (但, 翅在哪裡呢?)
(三) 素之樂燉湯 – 用各式菇類, 如金菇、冬菇、茶樹菇、猴頭菇等, 還有雞心豆、紅棗、薑煲成, 每一口都是菌類的甘香鮮美, 而且雖有豆類同燉, 湯色仍然清澈, 是我全餐最滿意的菜式。
(四)金枝玉葉 – 金絲吃不出是什麼 (素瑤柱?) 下面是茶樹菇扒豆苗, 有少少過鹹而且比較油, 因為豆苗要多用油炒啊。
(五)糖醋香酥 – 即素咕嚕肉, 真的有肥膏的, 勁似真肉! 伴著爽脆的馬蹄和青瓜一起吃, 是很有水準的。

吃到這裡, 因為開始談到一些令我很困擾的事情…之後的都我沒啥心情吃, 只能看圖勾起少少印象:

(六)千層白玉 – 好像是豆腐加絞素肉層層疊疊, 配上蘿蔔汁, 搶眼非常, 不過是看比吃好了。
(七)意式雪泥 – 即是薯茸, 上面有點酸甜的素肉, 薯茸味道清淡不肥膩, 但跟佐料不太搭配。
(八)北國豆香鍋 – 有機豆漿為湯底, 內含冬菇、猴頭菇、素貢丸、海帶、南瓜等, 原鍋明火滾著, 也是幾有鮮味, 但我神不守舍, 吃不真; 不過要吃得比較快, 不然豆漿底很快就會焦掉。
(九)松子養生炒飯 – 大家都吃得很飽了, 試味後就著服務生打包回家; 簡簡單單的松子菜粒素肉炒飯, 有些糙米的成份, 感覺健康。
(十)蘋果派 – 超香牛油味, 酥皮很細緻輕柔兼鬆化, 蘋果餡料不太甜 (但份量多些就更好嘛), 我連老媽的那件也包辦。
(十一)精緻甜品 – 合桃露, 唯一沒拍照的, 老弟說非常好吃, 也清了阿媽那碗, 我就覺得太甜了。

初時還以為不夠吃, 怎知是連男生都夠飽有餘! 用雜誌折扣劵後, 四人價錢為 $576 (原價每位 $160, 設加一), 家人吃得相當滿意。

裝修雅致, 氣氛不俗, 但受到優雅環境影響, 說話都不敢太大聲。大部分都是家庭客或三五知己, 以女生居多; 服務算是燙貼, 但整餐中不斷有人來 sell 我們做會員, 都幾煩 (雖然做會員不用錢, 但其實也沒什麼優惠, 除了午市免茶芥, 生日壽星免費之外)。服務生對菜式也夠了解, 但可能後來愈來愈多人, 就不能每道菜都解釋一番了。餐廳旁有賣素食品 (素料, 即素肉, 也有些素調味品、乾貨等) 的地方, 款式都不算少, 不過都頗貴。不知是否這個原因, 這一餐大部分菜式都有素料的成份 (即是加工過, 也可能有味精啦), 猶幸只是陪襯的角色, 主力仍以天然食材原味掛帥, 已經比很多傳統的素食館子一味只懂下油和味精, 進步了不少。當然, 這裡的素菜都很精緻, 很多都是工夫菜來的, 吃手工也是值得。

除了私房菜之外, 午市另設飲茶點心, 也可包辦婚宴等宴席。

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Spending Per Head

$144 (Dinner)

Recommended Dishes

Isaac0704

Level4

2.6K

126

Read full review

步入十一月，飯局也真的太多了，擇了日子跟朋友吃素，朋友說不要濃芡的齋菜，想了想，到素之樂吧，私房菜吃吃手功料理也不錯。
可能是跟年尾，一星期前訂位已滿了，要靠朋友幫忙搭路。這裡分兩輪，選擇了次輪八點半。甫入店坐無虛席，環境蠻熱鬧的，與貴德宮一樣，晚市只做固定套餐，朋友遲來了，幸好仍趕得及一齊起菜時間。
清一的家庭客，每檯總有兩位老人家，與朋友坐在二人檯，兩味菜擺下已霸了大半張檯，難搞。十一道菜的套餐，由冷盤四方併盤開始，「四星連珠」的組合，賣相特別，聯合國菜式分別是海鮮沙律炸芋粒、冬蔭公魔芋、四喜烤夫及甜麵蘿蔔，中、日、泰代表都有了，自己比較喜歡以甜豉油做的烤夫，雖然口感略實，但比起其他已算出色的了，朋友喜歡煮得入辛辣味魔芋絲，創意十足，但有時候老老實實的青瓜、番茄下點醋汁的沙律作前菜，來得更簡單直接亦對口味。
之後是御翅鳳眼鮫，麵皮包著炒香的菇絲，爽嫩而味道豐富，可惜皮太粉腍，而素翅爽韌，怎麼吃也是覺得劃蛇添足，朋友對著粉腍麵皮皺了皺眉頭。
然後是南瓜湯，南瓜成分不多下了不少本菇，南瓜湯微甜，下了些菜水吧，口感係依稀，可能是喝慣濃稠的西式南瓜湯，又不是說做得不好，只能說非自己那杯茶。
之後的炸日式海苔卷，薄駁海苔的包著清爽雜蔬，也有調了味的豆渣，材料獨立處理，包起來起味道豐富又香脆。接下來是金枝玉葉，摸不著頭腦的學名，金枝原來是炸本姑，玉葉是當造的菠菜，香脆的本菇配起霸道的菠菜味，得意味道亦很豐富，只嫌炒得幾油，可以更好，話時話炸本菇還是首次吃。
奶油千層，五層津白包夾著細切的甘筍，淋上濃濃的奶油，奶油打得細膩，襯起甜美津白變得滑溜，中間的甘筍、野菜炒香過，幾味時菜組合起來清新得來味道絕不單調，精彩～
普羅旺斯扇貝，是幾粒雞髀菇、本地車喱茄及腰果組合，雞髀菇調過味，彈性十足，只要取到新鮮貨，怎麼做都不會差的好食材，只是，太油了，也是處理菇菌的通病，之後跟經理談起，才知還有普羅旺斯帶子，都是雞髀菇，只是大粒一點而已．．．
單尾的金黃炒飯，清爽分明，下了南薑帶點南亞香料味，一些芝麻提味，豐富了口感，Fusion一點，卻做得不錯。最後的酥皮蘋果批，皮很酥香帶薄薄牛油味，層次豐富，而蘋果是甜入心的，對口味，新派做法，效果卻很不錯，熱辣辣的，甜美窩心。
是間不錯的台灣手功料理，比貴德宮更清新，朋友邊吃邊嘮叨，為什麼好好的素菜，總是將素打扮成葷？哈哈，客人口味如此，吃不慣嗎？下次跟妳到Beo吧！

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Spending Per Head

$160

Recommended Dishes

偉洪淼淼

Level2

認識「素之樂」是到它的素食Supermarket買素凍「肉」，才知道有私房菜吃，不過那次fully-booked，不能即日試吃。今之訂了位，準時七時到，不過由於廚房出菜不是一檯檯而是一批批，所以也要等到七時二十分才上第一道菜，以遷就其他遲到的食客。如果再遲就是吃八點那一輪了。共十一道菜，賣相相當精緻。以天然食材為主，沒有這樣那樣的素肉素魚和煎煎炸炸，真是吃廚藝功夫。例如燒茄子，刀功靚，燒得外皮剛好，內肉又不乾，茨汁不鹹，最重要是食後不口渴（無味精）！由於是一位位計，所以就算只是兩位也可吃足十一道，這解決我和老婆兩人吃中菜時不可點太外道菜的問題。不過＄１６０一位（另再加一）也不算便宜。但是吃第一次的中菜fine-dining，而且還是素食，很開心！

Read full review

認識「素之樂」是到它的素食Supermarket買素凍「肉」，才知道有私房菜吃，不過那次fully-booked，不能即日試吃。
今之訂了位，準時七時到，不過由於廚房出菜不是一檯檯而是一批批，所以也要等到七時二十分才上第一道菜，以遷就其他遲到的食客。如果再遲就是吃八點那一輪了。
共十一道菜，賣相相當精緻。以天然食材為主，沒有這樣那樣的素肉素魚和煎煎炸炸，真是吃廚藝功夫。例如燒茄子，刀功靚，燒得外皮剛好，內肉又不乾，茨汁不鹹，最重要是食後不口渴（無味精）！
由於是一位位計，所以就算只是兩位也可吃足十一道，這解決我和老婆兩人吃中菜時不可點太外道菜的問題。不過＄１６０一位（另再加一）也不算便宜。
但是吃第一次的中菜fine-dining，而且還是素食，很開心！

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Spending Per Head

$176 (Dinner)

crab

(Non-member)

又係我~　自己試過呢度一次、女朋友又同朋友黎過呢度幾次、「鬚花」都未聽過有任何負面評價；所以今次都好放心安排左雙方家長響呢鼠食飯。今趟因為星期六、所以全場爆滿!環境冇上次咁靜囉~咁當然都唔會嘈到酒樓咁、而通道都好暢通。呢次既菜色有：１　　四色拼盤　（當中有一格係黑黑脆脆咁、超級好食）２　　白肉ＸＸ羹　（個羹裡面有一大舊好似豆腐既野、煙煙韌韌帶、原來係用米漿做既！）３　　千層白肉　（配好好味既特式醬）４　　釀青瓜（？）５　　日式小丸子　（呢個菜睇名就同上次黎果次一樣、但用料就原全唔同！有誠意）６　　（唔記得ｌｕ~）７　　（唔記得ｌｕ~）８　　（唔記得ｌｕ~）９　　（唔記得ｌｕ~）１０　泰式（？）咖喱１１　紫米椰香飯　（唔係好覺有椰香）１２　鮮果新地　（雖然幾好味、但同上一味菜隔左好耐、功夫／時間同味道唔成正比）大部份都係到８、９味菜已經飽。秉承一貫抵食夾大件既風格~可能果日勁熱、加上男廁抽風唔係幾夠、所以個地下都幾濕。但個廁所係乾淨都唔臭既。（價錢位位＄１６０加一）

Read full review

又係我~　

自己試過呢度一次、女朋友又同朋友黎過呢度幾次、
「鬚花」都未聽過有任何負面評價；所以今次都好放心
安排左雙方家長響呢鼠食飯。

今趟因為星期六、所以全場爆滿!
環境冇上次咁靜囉~
咁當然都唔會嘈到酒樓咁、而通道都好暢通。

呢次既菜色有：
１　　四色拼盤　（當中有一格係黑黑脆脆咁、超級好食）
２　　白肉ＸＸ羹　（個羹裡面有一大舊好似豆腐既野、煙煙韌韌帶、原來係用米漿做既！）
３　　千層白肉　（配好好味既特式醬）
４　　釀青瓜（？）
５　　日式小丸子　（呢個菜睇名就同上次黎果次一樣、但用料就原全唔同！有誠意）
６　　（唔記得ｌｕ~）
７　　（唔記得ｌｕ~）
８　　（唔記得ｌｕ~）
９　　（唔記得ｌｕ~）
１０　泰式（？）咖喱
１１　紫米椰香飯　（唔係好覺有椰香）
１２　鮮果新地　（雖然幾好味、但同上一味菜隔左好耐、功夫／時間同味道唔成正比）

大部份都係到８、９味菜已經飽。
秉承一貫抵食夾大件既風格~

可能果日勁熱、加上男廁抽風唔係幾夠、所以個地下都幾濕。
但個廁所係乾淨都唔臭既。

（價錢位位＄１６０加一）

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Spending Per Head

$176

3 4 5 6 7

素之樂創意蔬食料理 Open Now Now Closed

素之樂創意蔬食料理

Open Now

Now Closed