Video
6-min walk from Exit D2, Sham Shui Po MTR Station
continue reading
Telephone
25120001
Introduction
A Japanese-style Izakaya in Sham Shui Po, where ingredients are freshly delivered from Japan every day, and Sake Sommelier is also available for introducing Sake in the restaurant.
continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Public Holiday
12:00 - 15:00
18:00 - 23:00
Public Holiday Eve
12:00 - 15:00
18:00 - 23:00
Above information is for reference only. Please check details with the restaurant.
About Reward Scheme
嚟長沙灣食呢間居酒屋，係朋友介紹，朋友話佢屋企人食過好食，所以嚟試吓。喺OpenRice訂咗位， 7:00嚟到唔使等就入座，不過餐廳都唔滿座，唔使等。除咗餐牌入面有嘅嘢食，黑板上面亦都會有啲推介，一坐低，經理就會攞個黑板過嚟介紹今日有咩推介，最好笑係佢會話有一啲係好難食唔好食千祈唔好叫，有啲就話好好食叫我哋一定要叫。花蜜年糕$88黑板推介之一，成舊年糕出面沾滿蜜糖，味道幾特別甜甜地，不過一定要趁熱食，凍咗嘅話啲蜜糖就會硬晒，年糕煙煙韌韌都唔錯。明太子玉子燒$88成個鏟擺喺下面，需要自己切將個玉子燒分件，問題係個玉子燒會黐住個鐵板，黐咗勁多蛋皮喺個鐵板度。玉子燒好香，入面都幾多明太子。伊左木$430係黑板推介之一，經理介紹話呢個好食，就試吓，同埋聽到佢話係成條魚上，諗住應該份量都OK，另外佢話係當日下午先空運嚟到香港。魚肉都幾有口感，唔會腍啤啤，都幾鮮甜有鮮味，點佢個汁酸酸地會好食啲。蒲燒魚腩壽司 $48一件都係黑板推介之一，話好食，所以我哋就試吓，真係幾好食，魚腩夠肥燒得夠香，入口即溶，壽司飯亦唔會太硬。鵝肝帶子卷$168個帶子都算大粒，口感OK，鵝肝唔算特別多，不過都食到有香味雞皮餃子$88新鮮熱辣整出嚟嘅時候都好香脆，不會太油。唐揚雞軟骨粒$68本身唔係太鍾意食雞軟骨，因為覺得啲骨都唔係太容易咬到同埋吞落口，但係今次炸得夠脆，細細粒，都叫做咬到同埋食到。香芒軟殼蟹卷$148卷就唔係好大份，細細粒，軟殼蟹都幾脆，個芒果有啲酸。南瓜天婦羅$78都幾香同幾脆，不過個南瓜唔算好勁南瓜味，唔係好香。日式炒烏冬$148算係比較飽肚嘅東西，因為淨係食其他嘢其實都食唔飽，有啲炒飯同炒烏冬可以叫，要叫返啲先至可以食得飽，不過其實份量唔大，一個人都食得晒，不過啲牛肉係幾好食嘅。板燒牛舌$158鐵板上熱辣辣好香，牛舌好香，好有口感，唔會太硬咬唔開，都算好軟熟。清酒$488平時好少飲清酒，都唔知算唔算好飲，由於我哋大部份人平時都冇飲開酒，於是叫個梅酒諗住應該唔會太難入口，都OK唔會太苦。最搞笑係叫清酒，佢會攞一盤酒杯過嚟，叫你哋一人揀一隻。
continue reading
每次黎到深水埗六本木 我一定會叫鰻魚飯定食 因為係我的最愛😋 以前六本目喺荔枝角嘅時候 佢嘅鰻魚飯係用盒裝 鰻魚飯端上來的時候 打開盒蓋 有一股熱氣隨着盒蓋打開 騰騰的煙霧，隨即升起起來 蔓延的香味也跟着飄進鼻入面 真心好正😊 不過自從搬到去深水埗之後 就改變了鰻魚飯的賣相 不再用盒裝上 是改用四方型的木碟 鰻魚放在碟上 雖然size沒有變 都係一樣咁大條🤣 不過就沒有了熱騰騰嗰份滿足及期待感 其實兩樣真係有分別的 我真係比較喜歡以前用盒裝住 熱騰騰的端上枱面 現在的不是不好 只係不再熱騰騰 隨之香味 都冇咁濃烈😅 但係亦都不減我對佢嘅喜愛 因為我係忠實鰻魚飯擁躉而且六本木的出品 都係有信心嘅😊😊意猶未盡 見到有新鮮生蠔返到 又忍唔住叫咗兩隻 真係超級大滿足的一日
continue reading
尋晚同好朋友去咗呢間食晚飯。餐廳嘅裝修都幾舒服。裏邊嘅氣氛好好，好有日本居酒屋嘅感覺。我哋點咗雞子、牛舌、鰹魚湯烏冬、炸飯團、清酒煮蜆、香芒蟹籽沙律、香芒軟殼蟹手卷、海老雲丹天婦羅、雞泡魚乾同明太子玉子燒。鰹魚湯烏冬嘅湯底好濃，鰹魚肉大大嚿，湯底熱辣辣用石頭鍋另上，等食客可以自己調教湯嘅份量。個湯好好味，我同朋友梗係唔放過啦。海老雲丹天婦羅咬落去熱辣辣嘅蝦仁比紫菜包住，外邊仲有一層好薄嘅天婦羅皮包住，食落去好有層次感。串燒雞子上邊放咗啲芥辣同柚子，令到食物更加惹味。反而個蒜蓉牛舌油分太多。呢間嘢嘅老闆好熱情，會主動同啲客傾偈，介紹吓啲食物。仲會唱吓歌添，不過嗰晚似乎over口咗，成個場好似變咗K場咁太嘈傾唔到偈。所以我同埋朋友最後只能提早買單走嚕。
continue reading
去開電腦中心買嘢～順便附近食埋飯至走啦🙂雖然四周餐廳林立～但想喺度食有番啲質素嘅日本菜都真係無乜頭緒～最後打電話問觀眾(住附近嘅朋友😆😆)經介紹去咗呢度開餐～門口掛咗日系燈籠好易搵🏮入口嘅裝潢都幾有氣氛呢～.✨刺身分别點咗🤍禾桿草煙薰鰹魚(👌🏻帶有煙薰香氣幾特別),🤍油甘魚(👍🏻魚脂豐富),🤍吞拿魚赤身(👍🏻入口即溶感),🤍帆立貝(👍🏻一個字:鮮!!)～每款都厚切且肥美😋鮮味突出😋✨宮崎県澤蟹 迷你精緻嘅小蟹🦀可愛到唔捨得放入口🦀炸成完全卜卜脆狀態～整隻放入口嘅口感非常得意～✨極上蒲燒魚腩壽司選用咗肥美鯛魚腩魚腩～魚脂豐腴食落勁軟腍～加上醬汁+火炙加持🔥食感一流～.✨芝士玉子燒以鐵板上枱保持溫熱～切開時芝心內餡湧出嚟🧀🧀除咗芝士嘅咸香&大阪燒醬料～仲有濃郁蛋滋味🐣🐣.✨六本木海老雲丹天婦羅以薄薄一層炸粉外層～包裹住用紫蘇葉覆蓋嘅爽彈海老&甘甜雲丹～口感層次豐富～略略沾上粉紅岩鹽已足夠美味❤️.✨原條鰻魚飯見到一整條嘅鰻魚就係開心🤩🤩鰻魚肉質細嫩又唔腥～淋埋蒲燒醬汁～大滿足～～.✨加一服務費
continue reading
平時都好鐘意食日本野，早前去左朋友介紹既一間居酒屋食dinner! 餐廳裝修好有特色，走日式風格，Menu選擇都好豐富，今次按店員推介叫左幾款野食，味道都好有驚喜唐揚池魚BB池魚炸過好香口，可以加啲檸檬汁一齊食好開胃刺身擺盤好精美，有乾冰打卡好靚🤣拖羅入口即溶，鯛魚，赤身鮮甜有咬口，自己最鐘意北海道帶子好香甜蒲燒魚腩壽司魚腩好肥美，燒完之後啲魚油出曬黎好惹味，鐘意食魚既朋友仔要試下鯛魚濃湯稻庭烏冬烏冬分開上，湯用石鍋裝住好滾keep倒溫度，魚味香濃，配上烏冬一齊食都好夾海老雲丹天婦羅🍤炸粉不會太厚，用紫蘇葉包住海膽同牡丹蝦，蝦肉爽彈海膽鮮甜creamy🤤好好食玉子燒芝士必點之選! 用鐵板上熱辣辣，玉子入口軟滑香蛋味，一切開係流心芝士，大滿足😆
continue reading