喜鍋 海鮮.點心.活刺身 蒸氣石鍋專門店 (已結業)

剛剛過左年，決定盡一下孝心，帶爸媽去食餐好的！佢地最鍾意食海鮮，咁就帶兩位老人家去試下創新得黎又唔難接受既。 阿媽一坐低見到呢舊野就問係咪樵夫頂帽⋯先選左南瓜排骨做粥底 之後再去選今日的重點—海鮮！我地點左半斤海中蝦，一串串好哂，都算大隻，蒸一蒸就食得！媽咪話果然係生猛，咬落口感爽彈，仲唔俾我點鼔油，話新鮮既海鮮係唔洗點調味料的，今次我buy佢。 我地亦點左蒜茸蒸大元貝，一黎到：哇！勁大隻！蒸完都同女朋友隻手掌差唔多大！！蒜蓉味好夠，為原先淡味的元貝帶來更激烈既味道。 兩老話冇米飯落肚唔似樣，於是點埋肉蟹蒸糯米飯。我地非常滿意呢個飯，蟹非常大隻，好好肉，好鮮好甜，啲肉好易就拉到出黎！而蟹油滲左去飯入面，令個飯都充滿蟹既香味！ 最後，媽很大膽地點左足個梅菜蒸菜心，聽個名睇個樣，都覺得個配搭好騎呢！誰不知，味道又非常好啵！而且極高溫既蒸氣令到菜變得好lum，好岩冇乜牙力既人食！哈哈！ 呢餐既價錢其實都唔算平，但食物既質素，店員既態度，環境既舒適度，都令我覺得呢餐係值呢個價錢既！

蒸氣火鍋 近排甘興， 但其實自己一次都冇食過， 成日覺得 喺屋企食都ok, 但今次食完呢間喜鍋 有新既體驗，因為朋友好想試 所以即管試一次食店環境係走少少貴價路線既酒樓裝修 有好多花盆 水晶燈 比較美觀既陳設， 而所有staff都勁有禮， 每一枱中間都有一個罩 罩住個煲 所有食物 除左生食刺身外， 所有肉， 海鮮， 飯 粥 等等都係放喺入面蒸 主要係想食出食物原本既鮮味出面既玻璃大水缸可以睇到 海鮮眾多又新鮮！ 我地首先點左個南瓜排骨粥 將新鮮藍瓜 同南瓜連埋生米 倒落窩既最底 下面可以噴水 一路keep住煲粥， 有個隔層 然後喺上面蒸野 最後先食個粥， 而每樣食物蒸既時間都唔同 所以係一樣樣由staff有禮地放入去 .之後點左個14 兩南非龍蝦 with蒜蓉 , 即劏既蒸 超新鮮 醬料其實有辣椒 xo醬 但新鮮到不用點 ! 忍唔住食埋隻腳象拔蚌仔 細心地切到一條條先擺番落殼 先蒸 連埋蒜蓉粉絲 勁爽口 yummy順德蒸污糟鮮雞， 雞肉係新鮮雞 , 有連子 紀子 蟲草 木耳 勁香 雞肉好甜 皮好彈牙 三寶丸 勁大粒 而宜係手打 豬肉丸連埋梅菜一齊 有口感又夠香， 墨魚丸超彈牙 墨魚新鮮

蒸氣同食材融合，透過竹製成既鍋蓋散發到周圍、成為一個又一個既驚喜。無諗過食材本身可以咁好味。海鮮口感爽滑肉汁鮮味，花竹蝦不滿足左眼睛、手感同味蕾。蟲草雞、牛肉更加係一試難忘，可見選擇食材花好多功夫！即榨蜜瓜、西瓜汁唔係任何地方食店飲得到，多功夫又花時間。每個餸菜都有人煮理，可以享受食味之餘又可同同事傾計，時間不經不覺就已經2個小時。一班人、食好的、享受生活真係唔錯！

住係香港這個大都市，吃吃喝喝如平常事，其實食不到多少錢，對自己應該好一些，食要有質素的。 有朋友去過新開張的喜鍋，大讚材料得，唔會換海鮮，清蒸石鍋面前全份上，明碼實價，做貴價海鮮為主，亦有平些的小菜。 魚蝦蟹貝類見得多，清蒸和牛肉及黑豚肉真係未試過。 $198 小碟和牛片，似乎比火鍋店更足料，侍應全天候服侍，自己唔需要郁手，今次唔駛蓋蒸，蒸出了少少血水，反而更留住水份，肉質更嫩，軟滑牛肉真係好好食，唔食過唔知蒸都可以咁好食！ $98 一份沙薑蒸魚肚，小菜唔貴，魚肚仲好厚，用沙薑蒸可以去腥，薑粒大大粒幾好食，呢款要點些X0醬或鼓油食。 全隻象拔蚌送上來已經切條，超爽甜，係好新鮮的貨，少少後悔無作刺身食，所以唔需要蒸好耐，個膽都可以蒸，但我們放入粥，目的令煲粥更鮮。 今日的奄仔蟹好靚，勁多膏，甘香味美。 大家準備好可以食粥，飯店就幫我們加進魚湯再煲，我們的腐竹排骨粥，本來已經有象拔蚌膽，再加魚湯，真係好鮮味。

記得多年前秋天在中國的鄉村渡假，所住的村屋背靠小山，並且面向一望無際的稻田。清晨微風滑過禾穗，將草香丶穗香送到我的城市胸肺內。不旦喚醒精神，更喚醒了食神。當農家大嬸吹火燒飯，那種稻草的香氣便在村屋四周彌漫著，因為農民把稻草造成了各種各樣的廚房工具，使我耳目一新。今晚靚太拋棄我，去睇演唱會，叫我食自己。好彩有小親親救援，帶我去尋回從前的鄉村氣息，並且係食得非常健康。在天文臺道的商業大厦內，開設了一家以蒸氣鍋煮食為主的<喜鍋>。店長選用的海鮮在入口處向我招手，使我不懂了方向。最終由小親親帶領，坐到店長安排的大堂中央餐枱。十分特別的鍋蓋放在圓枱上，兩行餐枱就共有十頂草帽子，像十個胖農夫排隊歡迎客人。店長及店員介紹菜譜時，多次講到此店無咩特式，重點在於選取到新鮮的食材，找尋食材來源就是老闆的本領。鮮腐竹鮮排骨粥底是最早入鍋。腐竹非常紮實，再加入唐排，用蒸氣加熱煮粥，不知滙合各種海鮮後，會變化為怎樣的鮮甜呢?隨之而來蒸氣騰騰的第一度海鮮是紐西蘭鑽石蜆，此蜆比五圓硬幣大，厚度有如叠起兩枚五圓。嫩滑加鮮甜是不用猜疑的，但謹記將殼內蜆汁放到鍋内，變化由此開始了。鮑魚是用上南非重量級，夠

喺香港餐廳中要食一餐十全十美嘅廣東菜，唔係容易嘅事，蒸、炒、燒、炸、燉、烤、焗，幾乎所有餐廳都識得，也同樣識做各種菜式，一定有一點餐廳特別專長做，另一類酒家又未必有這些菜餚，更有一些以湯水見稱，所以話係要食一桌完美嘅菜式，倒不如我哋去一間餐廳就食佢哋專注而善長嘅煮食方法。由大廈搭幾層升降機，踏出後就到餐廳，店員親切嘅歡迎，確認booking後就帶我經過魚缸進入餐廳，聞到淡淡嘅稻草味，樓底高位置之間寬躺，選了大堂中央嘅位置，都唔會感到壓迫，仲有電視可以一邊睇劇一邊係食飯！裏面有三間房間，私人度較高，可不比客人訂位，大堂有八張圓枱，跟窗邊就有可以坐六人嘅卡位。食清蒸嘅菜式，除咗係對火候嘅考驗，對食材嘅新鮮程度亦係關鍵之一。海鮮食材每日下晝新鮮送到餐廳，店員都話佢哋做蒸鍋嘅，無咩特別嘅烹調，賣嘅就係各種新鮮海鮮！呢個好似草帽嘅，就係鍋蓋，密不透風保持著高溫，下面有接近380度嘅蒸氣熱力，向上不停蒸煮，鍋具嘅旁邊有計時制，先可以煮到最適當嘅程度，比起九層塔或另一間連鎖酒樓形式嘅石氣鍋都嚟得更方便。Sparkling water $38會個位都有一個茶几房，鉗子用不同顏色區分，用來分別生與熟嘅食

早前同朋友去食火鍋,剛巧發現呢間食蒸氣石鍋的食店開張於是就擇日來捧捧場呢款手打丸好有特式手剁惠州梅菜豬肉丸HKD78/6粒味道不會過鹹但有梅菜的鹹味,而豬肉亦夠鮮大大粒,不過個人就對肉丸沒太大喜惡,只因朋友係丸痴,又貪新鮮再點蒸熟後即聞到鮮味四溢另外點了個日本大元貝HKD58我選了蒜茸蒸果真大大粒,又夠新鮮,蒸熟後隨即聞到好香的蒜茸及海鮮氣味味道鮮甜,不過略嫌蒜茸味較濃,搶了元貝的鮮味如果再淡小小會更正6頭南非鮮鮑魚,蟲草花蒸HKD68/隻蟲草花多多鮑魚口感有嚼勁味道微鹹,鮮味十足,食落口煙煙韌韌夠彈牙,新鮮清蒸西班牙黑毛豬HKD108(小)好香豬味,薄切,易咬,味道微微的鹹味,食落口絕不膩大大片呢百花釀遼參HKD168(6件)遼參同樣口感十足,煙韌度好食,配上蝦膠夠清甜爽口粥底選了南瓜新鮮排骨粥HKD68粥夠綿滑,入口鮮甜排骨稔稔易入囗,粥完全被上面蒸鍋的汁滲透,但不會過鹹,好味道由於2人仲有下半場,因此不能吃過飽,想再吃也只能留待下次吧

一直想試蒸氣火鍋很久，終於約到齊腳去食啦！😆聽朋友介紹，喜鍋嘅海鮮好俾貨，好好食！所以就決定黎試下！果然冇介紹錯一入門口，見到每張枱上面都有呢個竹蓋，好特別！我地急不及待睇下有咩海鮮食，侍應叔叔非常好客，叫我地直接去魚缸睇住黎揀！所有海鮮都好新鮮！即使係上枱都見到好生猛嘅！首先要介紹下呢個花竹蝦，大大隻😍蒸完之後，係完全吾使加任何調味料之下，都食到佢好甜好彈牙，肉質鮮嫩，蝦頭有滿滿蝦膏，成隻蝦都俾我食到得返d殻😂😂另外，仲有北寄貝，都係大大隻，新鮮上枱，成隻放入口，嘩！呢種感超爽啦！爽口彈牙，完全食到佢嘅鮮味，食完果陣鮮味都仲係個口度浪下浪下，冇得頂！👍🏻👍🏻當然吾少得食蠔啦！呢隻蠔吾使我講，齋睇相都知幾吸引啦！大大隻，非常肥美，睇我咬左一半都個有咁多剩就知冇花冇假！仲有不得不提，呢度所有野食都完全吾需要點醬汁，都已經好正！一定係新鮮食材先做到！再黎！睇下碟牛嘅紋理，油分分佈非常平均，店員會先問我地想要幾熟而控制時間，我鐘意全熟但又好意外地，全熟都完全吾韌吾鞋，靚牛先會有咁嘅質素👍🏻當然吾少得介紹奄仔蟹啦！一開，成隻蟹都充滿肉同膏！有圖有真相，一啖咬落去，果種滿足感真係非筆墨能夠形容，

蒸炒煮炸丶煎燉炆烤焗丶煙薰丶酒釀丶油浸丶甚至生吃，烹調食物花樣多多，各家口味不同，但基本原理就是配合食物的特質，從而微調變化一下添新意，但談到新鮮海鮮，我始終最欣賞清蒸，愈簡單的做法愈能保持海鮮本身之鮮甜。近年興起的清蒸石鍋吃法我非常欣賞，去年尾在首創此鍋的某集團連鎖店吃過兩次，係時候換換場地，因為仿效或類似的店大有人在。 天文台道何時多了一座新的商廈，若非從事地產行業的朋友相約，亦不會走到這裡來，但她建議到商廈內的喜鍋吃石鍋海鮮，我就馬上擧腳讚成，想不到，這晚的意外收穫是清蒸和牛片及單尾的粥。開業才三星期，農曆年期間照常營業，老闆似乎相當進取，也許是明智決定，過年大家高高興興，花費自當鬆手，開業即生意興隆，亦是好兆頭；我們年初六光顧，果然滿座。 走高檔路線，門面及裝潢自然多花功夫，過年佈置不可缺，磚牆石磚地，天花仿古房瓦頂亦掛上大紅燈籠及仿雀籠，古今糅合，燈火通明，恰到好處，並不浮誇。 座椅舒適，每桌皆設以蒸鍋，滕織蓋頂場面聲勢浩大！大廳圓桌，亦設有至少三家貴賓房。 進門處有大漁缸，生猛海鮮，人見人愛！各種海班丶鮑魚丶蝦丶蟹及貝殻類等等齊備。 有客人選了一只青貝龍，斤半重，

一家人去食飯，今期興蒸氣鍋，緊係同家人一去潮食一下。餐廳位置於天文台8號的一棟新商業大廈內，都算非常方便~接近農曆新年，餐廳已有很多年花擺設，好有氣氛，而且有卡位，男女老幼都坐得好舒適。食物選擇繁多，每人都可以點自己既心頭好，以下就係大家既心頭好:跳跳扎花竹蝦Daddy鍾意食海鮮，一入餐廳已經見到好生猛又大隻既花竹蝦，已決定點呢樣。嘩，近睇仲大隻，新鮮就緊㗎喇，鮮味彈牙，我好鍾意啜個蝦頭，非常香非常滑，蝦既精華盡在於頭，極鮮味。日本大元貝妹妹特別喜歡食貝類，平時食既扇貝都係細細隻，好少食到咁大隻既元貝，有圖有真相，肉同個殼差不多大，味道當然好鮮甜，比平時食到既更彈牙，更鮮甜，加埋蒜香，味道好配合，而且提升鮮味，妹妹食得非常開心，讚!雙色馬拉糕媽咪鐘意食傳統食物，馬拉糕就啱哂，但係呢個馬拉糕好新潮，有班蘭味，班蘭馬拉糖有淡淡既班蘭味，帶一點㸃既甜味，感覺好清新，喜歡傳統食物既媽咪都好鍾意，貪佢夠清夠特別~沙薑蒸魚肚我鍾意爽口食品，呢個菜果然冇令我失望，好爽口，而且有好多魚肚汁喺入面，一咬，成個囗充滿魚肚汁，好juicy ，而且有沙薑醃左，一丁點腥味都冇!蒜蓉蒸勝瓜咁一定要叫番個菜食下既，

今天和弟弟小璋到新開的喜鍋吃蒸氣火煱，没想到裝修真的很古式古香，我們都是愛吃一族，尤其是對海鮮要求很高，所以一定要挑戰這裏的神級海鮮!我們叫了日夲的大元貝，一點也不誇張，真的又鮮甜又美味，真的很新鲜呀! 没想到還有一隻拳頭那麼大!第二道我們叫了聖子皇，原來由紐西蘭新鮮運到，也一樣的鮮甜!鮮沙薑蒸魚肚一碟有8件，又大又厚，入口很爽口很滑，真的不錯 !最特別的是用籠仔香蒜肉蟹蒸糯米飯用上一整隻肉蟹清篜放在糯米飯上，這個做法超正，因為糯米飯上有肉蟹的鮮味，口感一流!清蒸甜粟米又香又甜，我和弟弟今天晚上也吃得很飽，看來回家又要做掌上壓了!不然真的變fat Girl !!!

新年伊始，約舅父毋春茗晚飯。選了近期大熱的蒸鍋，地點在尖沙咀天文臺道一座商業大廈2樓。舅父舅毋從未試過蒸鍋，覺得很新奇有趣。我們都喜歡貝類海產，首先點了元貝，鮑魚和蟶子。日本大元貝 ($58)$58一隻不便宜啊。但一上枱便知值回票價，因為元貝真的好大隻。看，4隻已佔滿整個蒸鍋。我們選了蒜蓉蒸，每隻元貝先以蒜蓉粉絲調味，元貝肉太厚，怕難熟，廚房細心的把肉開半，蒸數分鐘後，貝肉鮮甜彈牙，蒜蓉粉絲吸收了元貝的鮮味，亦非常好吃。6頭南非鮮鮑魚 ($68)6頭鮑，件頭實在不小。這次是以蟲草花蒸，每受隻鮑魚都介了花，方便易熟。蒸好了，很爽口的呀，一點也不老不靭，以蟲草花蒸味道較清新，好吃。紐西蘭蟶子皇 ($48)蒸蟶子選用蟶子皇，超大隻。非常鮮甜，可能一蒸好即吃，熱騰騰原汁原味，超級好味。吃過海鮮，點些蔬菜類，選了蒸勝瓜和蒸粟米。勝瓜切一段段，以蒜蓉調味再蒸。吃進口既有蒜蓉的香氣，也吃出勝瓜本身的清甜。而粟米則沒加任何調味，原汁原味。蒜蓉蒸勝瓜 ($78)清蒸甜粟米 ($78)其實吃過粟米後，我已半飽。但舅父好像還不夠，我們再加了蒸肉丸和糯米飯。清蒸三寶丸 ($168)三寶是蝦丸，墨魚丸和豬肉丸，

近排天氣非常凍，蒸氣石鍋風行香港，我呢d潮人，當然嚮應潮流，食番個蒸氣石鍋先~果然係主打海鮮，林林總總既不同新鮮海鮮已經放哂喺門口向每一位客人"揮手"~裝修以中式為主，而且好寛敝，仲有廂座，更有空間，坐得更為舒適。起初擔心如果食海鮮唔識蒸既時間應該幾耐，會令海鮮過熟，浪費左，問下侍應，佢就話"你地凈係點菜同食就得喇，其他事情我地一手包辦"，咁我地就放下心頭大石了，那麼，我們盡情叫海鮮吧! 加州象拔蚌象拔蚌二食，個膽就可以擺落去個粥底度煲，令粥底更加鮮甜，其餘就切絲蒸，蒸既時間啱啱好，原汁原味咁食，非常非常鮮甜，由於用蒸既方法，完全可以保留海鮮既精華喺入面，一入口彈牙多汁，立即知道以往用打邊爐方式涮象拔蚌係會流失象拔蚌既精華，識食一定係食蒸象拔蚌! 黃皮老虎班叫班就緊係問下今日邊隻班靚啦，推介一條十幾斤既老虎班，就叫左一斤老虎班(得幾個人食嘛)，一開蓋，已經"鮮"氣撲鼻，入口非常軟滑，呢條班堅新鮮，而且非常滑溜，入口即溶，溶後又鮮又甜既汁充滿口腔內，牙縫亦留有鮮甜既汁，真係超好食!清蒸和牛片原來蒸都可以做到medium well 既熟度，滑身而且肉汁豐富，因為冇乜流失肉汁，真係比平時既煮

天氣凍凍地，打開邊邊但又怕熱氣，想起這新興的蒸氣鍋物，夠晒健康呀。第一樣叫左大扇貝呀，size有成隻手掌咁大呀，見店員蒸左約5分鐘，粒原貝又夠大又淡淡肉呀，條裙邊我估大概有7-8厘米長呀。伴埋蒜蓉蒸，鮮甜味道出晒黎係pat粉絲度呀，令粉絲份量略嫌唔夠候呀，仲有要讚廚師預先係清先得幾乾淨。第二樣係游水大蝦呀，成隻蝦有15厘米大約，個蝦頭又超大而且多糕，蝦肉身好嫩夠晒白滑，好想試多隻但又怕膽固醇超標呀。最後就食埋份蒜蓉勝瓜，廚師係預先切到一口咁大粒，基本上每粒大小都差不多呀。勝瓜皮唔會硬，內裡夠軟諗，而且保留大量水分在內。唯一美中不足係味道有點鹹。天氣凍下夠晒暖肚，蒸氣煮法能夠保存食物本來味道，又食得健康，這煮法實屬不錯。