張生記 (已結業)

話說就嚟到中秋，所以一早就book咗位同屋企人提早去食餐飯慶祝！始終屋企有老人家都鍾意食中菜，今次就揀咗呢間位於銅鑼灣嘅高級江南菜館試試。呢間 張生記 其實只係新開咗無耐，見佢哋嘅裝修都好靚好典雅！兩老上到去都讚話座位好舒服👍🏻中菜館嚟講，呢度嘅環境真係贏哂！就連餐具都set得好靚！先嚟上咗個「西湖桂花藕」開頭我仲以為呢個係鹹食，點知食落原來係甜甜哋，鬆軟嘅蓮藕包住啲煙煙韌韌嘅糯米，真係好過癮，口感好特別！「撈汁海蜇頭」呢款食落個口感同以住其他地方食開嘅海蜇感覺好唔同，通常出面嘅都係好味精又淋身，而呢度嘅海蜇食落係好爽脆，而且個味道好開胃，配埋啲青瓜食，成個感覺好清新！之後呢款就特別啦！「秘製雙拼」而呢雙拼分別就係墨魚腸 & 自家製魚片一上菜已經覺得好神秘，灰黑色嘅臘腸咁樣，到底會係咩味道😂原來墨魚腸係甜甜哋，又帶啲墨魚鮮香嘅！肥瘦均勻，口感好正！自家製嘅魚片同樣好出色，食嘅時候仲係微溫，食落非常香口！之後重頭戲就嚟啦！呢個張生記招牌嘅「老鴨煲」果然有料！用咗原隻大大隻500天以上嘅中華綠頭母鴨嚟到去熬製！而且仲食到好多其他食材，好似有金華火腿、笋乾等等...飲落真係好鮮甜😍啖啖精華！

我地收工一行七人去左銅鑼灣既張生記食個飯，平時我地比較少食杭州野，不過既然係老闆請，當然要食盡佢！呢間係高級既餐廳黎，個門口霸氣到我地既班圍頭佬目瞪口呆。我呢新界人唔識野，原來呢間張生記既歷史好悠久。同事話佢地既招牌就係老鴨煲，成千蚊既鴨真係第一次食，入面有筍乾、上等金華火腿等等，跟住又煲左成四粒鐘，但係咁樣隻鴨既肉都唔爛仲好好食，少D功夫都做唔到咁好，果種幸福既感覺真係。。令人感動落淚。雖然其他既都好好食，但隻鴨真係太正搶過曬其他菜既風頭。I love duck!

餐廳裝大氣雅致，環境寧靜而且地方很寬闊！餐廳更設有不同大少的廂房，更能方便客人免受打擾。杭州熏魚：燻魚味道一流，是食到第一口就已經驚艷了味蕾！燻魚外脆内嫩，加上醬汁有少少甜甜的味道，很吸引讓人不知覺一口接一口。張生記老鴨煲：看餐牌看到老鴨湯是餐廳的招牌菜！湯料十分豐富，裏面有花膠，老鴨，金華火腿，筍乾等！湯色澄清香醇，鮮美滋補值得一試。 齊菜炒年糕：這道菜色比較清淡一點，年糕塊塊分明不會黏住，白白的年糕片被薺菜包均衡包住，口感煙軔。蘑菇手揑菜炒鮮荀：這到菜主要都係蔬菜爲主，但是依然能食到食材的鮮味道和蔬菜的清甜，很不錯。鷄頭米南瓜百合：看見到呢個甜品的名字很特別，所以就揀左la。這個糖水味道清甜滋潤，而鷄頭米的口感有點想薏米，有點咬口。

老闆今日要招待客人，令我一個小小員工也能一品嘗到有名的杭州菜館（張生記）！實在要好好記錄一下。霊隱寺素燒鵝：有別於我以往食過的素菜，以爲的素菜會比較乾，但是這裏的素菜是很美味的，而且肉汁豐富！秘製雙拼：雙拼其實炸魚片和墨魚臘腸，炸魚片頗有鮮味！而墨魚臘腸很創新，是我從來沒有見過的，臘腸是黑色的裏面有粒狀墨魚肉的，很有口感！大家都很喜歡。龍井手剝野生河蝦仁：淡水河蝦粒粒透亮，口感鮮甜彈牙，也食到淡淡的龍井茶葉味道，口感極好！怪不得是名菜。杭州東坡肉：四四方方很整齊東坡肉望落很有少少透亮，感覺很有光澤。店員幫我們切開4份，方便大家食肉。東坡肉很肥美，如果怕油的朋友可夾包一起食，而我就喜歡一口放入口中，東坡肉的油脂很香，加上原本有少少黑醋可以解膩。甜點方面我地點了菊花糕，味道清爽帶點微甜，清熱又解膩！我們都非常喜歡。餐廳的服務也是一流的！

早兩個幾星期喺星島日報睇到一份名人食評，才知道曾經喺香港開個嘅大陸著名杭州菜館張生記在登陸香港，以前我成日去食，當時係喺銅鑼灣富豪香港酒店，所以一收到風就WhatsApp俾一班為食鬼朋友，粗粗略略地儲齊連埋自己7位，拉隊book枱去試，點知係冇特別要求之下都有一間VIP房，仲不設消費，今晚還有八八折，不知道這個優惠做到幾時，點了以下菜式：1. 秘製雙拼$158，新鮮魚肉做的炸魚片雖然好味但係冇乜特別，另外嗰個係墨魚臘腸，黑蚊蚊有墨汁的，亦有切咗粒嘅墨魚肉的，呢個好味得來有特色。2. 杭州熏魚$188，只係用魚腩部位來做，味道比一般上海菜館出色三成。3. 西湖桂花藕 $108，這個是甜的冷盤，好味得來沒有什麼特別。4. 酒釀蒸鰣魚半扇$980，跟一般好味嘅酒糟正鰣魚味道差不多。5. 杭州東坡牛肉$1129，每人一件，用咗黃牛做東坡肉，有一半朋友超級喜歡，還有每人一件南瓜餅，餡料是豆沙，這個一般。6. 龍井手剝河蝦仁$388，灣仔英皇集團中心一樓的路上海做得更加好。7. 山藥炒秋葵$158，餐牌相片之中有雲耳，上菜的時候沒有，這個組合的小炒麻麻。8. 杭州片兒川$238，係師傅手拉的白色拉

張生記係一間走高級路線/商務客的杭州菜館，原來佢係大陸名氣都唔小野，當年中國招待美國總統佢都係其畫間參與的餐廳。近日係香港都開左分店，位於銅鑼灣嘅中國太平大廈，遠離左市中心位置，需要步行一段路🏃🏻‍♀️🏃🏻‍♀️🏃🏻‍♀️.一入到去餐廳門口見到大大個招牌，氣派十足，再行入去地方寬闊，有數枱客，環境依然寧靜，像酒店的環境但比酒店更舒適，是很舒服的感覺。.叫左好幾味佢地嘅招牌菜包括：👍西湖桂花藕 108👍杭州熏魚 188👍杭州老鴨 188👍杭州臭豆腐 160👍蜜棗南瓜 108👍張生記老鴨煲 1080👍杭椒目魚絲 238👍魚麵筋豆麵 238👍捨得 188聽個名係咪好多個問號呢？佢係清炒小唐菜最嫩個個位，所以名為捨得。餸菜少油小鹽，食落好鮮嫩清淡，是人人都愛吃的餸菜。👍荷塘小炒 168👍西湖藕夾 186兩塊蓮藕中間夾住豬肉再炸至酥脆，相當可口。👍自家製豆漿 45豆味好濃郁👍👍西瓜汁 55👍酒釀丸子 （Free).餐廳用料非常新鮮，品質有嚴格的標準，食物講究用心，服務方面亦都相當好，實在令人回味。而且味道清淡少油，老少咸宜，長輩們絕對會喜歡，非常食得一試，相當高質。👍👍👍👍👍👍

同朋友聚會諗緊銅鑼灣有乜嘢新餐廳，想OpenRice睇開咗間杭州菜。朋友話杭州菜精緻小巧味道偏甜 .我就最鍾意食啲片甜嘅菜式果然有驚喜，但價錢略嫌貴左少少服務一流 強烈推介熏魚 外脆內軟 真係想叫多一碟嚟食 佢哋主打一個老鴨煲 我食咗兩碗飯 新餐廳仲有九折優惠下次會帶屋企人嚟食多次 順帶一提 佢哋有成八個房 我見到房入邊裝修好靚我再問經理有冇min pay , 佢話暫時開張期間冇 我就叫佢一定要留間最靚嘅房俾我同我屋企人食餐飯佢話冇問題 最好比多個靚折啦

我爸爸好鐘意睇美食專欄，好多時都跟住去搵食，最近佢睇完李純恩介紹張生記，就話要去食；咁岩婆婆生日，我地就Book左張生記一齊食飯！大家都對張生記非常滿意，地點位於銅鑼灣新寧道，交通方便至極；環境方面無得輸，寧靜舒適，唔會吵吵鬧鬧，可以離開煩囂；至於食物更係絕頂好味！前菜小碟點左兩款：杭州燻魚及西湖桂花藕，真係超級好味！燻魚好多地方食得到，張生記既燻魚食過番唔到轉頭，呢d先係燻魚！另一款前菜小碟西湖桂花藕連我麻麻地蓮藕都大讚，中間釀左糯米，咬落去既口感一流！老友記都係鐘意肥膩重口味既食物，杭州東坡肉又係難以忘懷！一盅入便有一大舊，已預先輕輕切開，我覺得咸左少少，而阿婆就好鐘意，半肥瘦，大讚入味又夠淋！蝦爆鱔既重點不在蝦，完全食唔出係鱔，超正！而且唔厚粉一d都唔油膩，食到lam lam 脷！婆婆話始終要有d粉麵到肚，但我地又唔想咁普通叫蛋白炒飯或伊麵⋯睇完個menu最後點左魚麵筋豆麵！配菜有花膠架，味道夠麵又彈牙，一家大細都岩食！甜點方面我地要左菊花糕。起初仲以為上錯左，以為係杞子糕，食落口先後充滿菊花味道，清甜舒爽，為今晚畫上完美句號。

朋友帶我來到這間位於銅鑼灣新寧道的張生記食杭州菜，感覺非常新鮮，一進門口已経被那簇新裝修吸引，高雅脫俗，座位舒適！餐館標榜以食材新鮮、四季嚐新的菜式、令食客回味！我們點選了的菜式：霊隱寺素燒鵝醒胃小吃，擺設用心而精美，味道可口！杭州燻魚是用鯇魚切件醃好𤑛製，很入味，醬汁滲透魚肉裏面，味道鮮甜甘香！魚麵筋豆麵很有特式，魚麵筋有點像粵菜的魚腐，麵條又似粉絲，洒上翠綠的蔥花，賣相吸引！食味可囗，還有幾片腍滑花膠，更覺名貴！荷塘小炒翠綠的荷豆、鮮蓮藕件、水蓮子，簡單但食材新鮮，口味清爽！龍井手剝野生河蝦仁淡水河蝦，大小均勻，幾片龍井茶葉佔缀、上桌仍是熱騰騰，加上河蝦的鮮甜，口感極佳！蝦肉小籠肉汁豐富，醮上羌絲陳醋，熱呼呼放進口內，香味四溢！生煎飽製作精美可愛，恨不得咬它一口，內藏的鮮肉鲜甜可口！飯後甜點的疍白杏仁茶和菊花榚甜度剛好，不會太膩！還有這𥚃店員的服務用心，和顏悅色，常常主動為我加添茶水，值得稱讚！

江南菜式以精緻巧手刀工，食材以四季新鮮為主幹！在銅鑼灣新寧道中國太平大廈二樓張生記，新張不久，今天就與友人在此共聚晚餐！餐館全新裝修，有卡座，圓桌，也有貴賓房，座位舒適寬敞，格調高雅！看過餐牌就點選了杭州鹵鴨西湖桂花藕龍井手剝野生河蝦荷塘小炒蝦爆鱔薺菜餛飩杭州鹵鴨，特式醬油的鹵水鴨，斬件大小均勻，色澤美觀，鴨肉已經很入味而且肉質鮮美可口！西湖桂花藕，醃製過的蓮藕，微帶甜而不膩，很有口感！龍井手剝炒河蝦，粉紅色的蝦肉配以幾片翠緑的龍井茶葉，賣相雖然簡單，但炒得剛熟的蝦仁，上桌仍然夠熱，味道鮮甜！荷塘小炒，以荷豆，藕條、水蓮等蔬菜作配料，入口清爽鮮嫩！蝦爆鱔、把荳粉包著鱔件炸香，淋上酸甜醬汁，再放上蝦仁然後上碟，鱔件香脆無骨，可以放心咀嚼！薺菜餛飩，湯底外紫菜蔥花作配，鮮肉雲吞手工精美，每只外形大小相同，雲吞味道鮮味而分量十足！值得一提是店員服務水準甚高，主動換碟添茶，這裡完全是一所高格調飲宴場所！

今晚同全家人嚟咗銅鑼灣利園嘅附近開咗一間好特別嘅杭州菜張生記咁我哋一去到門口呢先知道原來佢啱啱新開張裝修雅致 環境幽靜 用黎做家庭聚會真係好適合我地第一次試杭州菜 就由長輩決定菜式首先我哋嗌左幾個前菜第一個係蜜棗南瓜甜甜絲絲既質地相信蒸熟之後再加蜜面 非常開胃 連小朋友都好鍾意食第二度係佢哋地道嘅杭州熏魚熏魚本身嘅質地比較脆身加上特製甜既汁 非常可口第三度係西湖桂花藕一上菜見到外相佢哋比較特別之後先知原來佢將一啲糯米釀左入去蓮藕入邊脆既蓮藕配糯米都幾match口感有對比之後就有一個香油馬蘭頭呢個係一個好精緻既小品佢將菜切到好細 刀工做得好好 入面加左芝麻同麻油 好香而且細膩跟住我哋就要左一個小菜叫做杭椒目魚絲杭椒唔算太辣 外身比較有咬口 而且好強鑊氣 上品 目魚絲高質素 兩者落熱鑊炒連長輩都大讚另一個小菜係龍井野生手剝蝦仁員工話佢地既蝦仁未經雪藏 非常新鮮起菜既時候好爽口 仲好有鮮味 蝦仁爽口 仲有淡淡龍井香之後就係一個家燒野生鯧魚伴年糕我知道杭州果一帶比較興食年糕今次同埋鯧魚一齊入口非常特別 吸晒鯧香既精華 鯧魚魚肉滑膩 而且少骨著名既張生記老鴨煲 一份 推介推介咁呢隻鴨係由杭州親自

我老爺係做生意嘅 收到風杭州呢一間享負盛名嘅餐廳嚟咗香港開分店😊琴日啱啱開張我哋即時就走咗去試 佢耳熟能詳就拍板嗌咗好多喺總店特別出名嘅嘢食😂.❤️頭盤有四個1⃣蜜棗南瓜南瓜用蜜糖浸到好林味道甜而不膩 凍食好開胃2⃣香油馬蘭頭其實馬蘭頭係一啲好貴嘅植物而家係7月 仲未當造所以更加矜貴 用麻油撈埋馬蘭頭兩者配合得非常好 連小朋友都鍾意食😚3⃣西湖桂花藕蓮藕係由杭州西湖直接運過嚟入面放咗糯米 用糖漬嘅方法煮食非常之有心思 味道甜而不膩蓮藕唔會過硬或者過軟入口有少少糯米香 非常考師父功夫👍4⃣杭州燻魚雖然有骨 但係全部都係大骨好輕易就可以揀曬啲骨出嚟連小朋友都啱食炸到好脆 調味有啲似燒汁甜甜地 好開胃😁 🧡張新記招牌老鴨煲非常非常非常之大煲不愧係佢最招牌嘅湯 料極度多金華火腿 500日嘅綠頭老母鴨天目出筍乾 江南粽葉再用砂煲肴四個鐘入口濃而不膩 有好香嘅金華火腿 味道仲有素鴨嘅味道 又用荀中和單單係食食材 已經值回票價補血養胃 一台六人每人都飲咗三大碗飲湯都飽曬💕💛龍井手剝野生河蝦仁蝦係香港野生河蝦 每日新鮮捉返嚟再用龍井煮 點醋食河蝦極為鮮味 食到停唔到口爽口彈牙💚家燒野生倉魚年糕倉魚非常之大條 由

成世女第一次食咁豪, 話說媽咪生日, 佢話好想食中菜, 咁啱見到呢一間杭州中菜舖岩岩開張, 而我哋又好少試杭州菜, 所以就拍板揀呢一間餐廳為媽咪慶祝生日😛張生記老鴨煲我哋三個人食, 實在太大煲, 入面有非常之多嘅金華火腿同老鴨肉, 非常之香, 不愧係招牌菜😛湯十分濃郁, 飲完之後個胃好舒服, 而且入面有啲筍, 令大家都非常之開胃龍井手剝河蝦仁非常之新鮮, 鮮味足夠彈牙, 食入去有淡淡嘅龍井味, 野生果然係唔同啲😋家燒野生倉魚年糕倉魚大條啖啖肉, 唔會梅, 非常新鮮, 而且是條似養魚, 因為佢肉質鮮嫩好有彈性, 而年糕亦整得好好, 入口煙韌👍🏻雖然價錢都唔平, 但媽咪生日食好少少都冇所謂, 完全係一個新嘅體驗, 有一種食國宴嘅大派頭, 職員態度非常好, 隨傳隨到, 而且每一道菜都有解說, 餐廳裝修亦好清雅, 位置寬敞, 好適合一家人聚會👍🏻

張生記是正宗杭州菜，味道非常好，值得一試～～～～～～～～～～～～～～～～～～～～～～～～～～～～～～