德發小廚 (已結業)

朋友介紹話好食,結果抱一試心態喜出望外幾好食, 特別係大富大貴(將桂花魚起肉蒸,本來無咩期望,又有少少怕腥,點知好好味,仲係好鮮味)另外炸豆腐都係好正,反而拚既墨魚飯好一般仲有個penis penis 芥蘭好正( penis 中文呢度出唔到街, 俾人禁左)不過以大排檔水準, 係好味既,不過j都係偏貴3個人都食成3百幾,只係4餸~平d 會更得人喜愛間野比較細, 本來自己生日都想食呢間可惜太細~

三色台有台慶，在下主持的《日劇無雙》所屬的OPENRADIO也是台慶，飯局上星期於深水步的德發小廚舉行。在下去到的時候，已經有酸瓜及豬紅作前菜，很快就正式開席。第一道是湯，是雞湯，裡面放了整隻新鮮雞的雞肉，現場眾人都讚不絕口，是整晚的皇牌之一。之後是豬手，賣相不錯，是凍食加上酸甜的醬汁，應該很醒胃，不過在下不吃豬手，席上和在下有相同想法的人也有不少，結果是KO不了。這應該是黃金蝦配美極蝦，炸到蝦殼都軟到可以吃下肚，在下一直覺得吃蝦很麻煩也覺得OK，加上夠入味，水準以上之作。接著是鎮店之寶金磚炸豆腐併墨魚餅，在下吃炸物不少，這裡的炸功不俗，脆得來又乾身，加上那止椒鹽更惹味，在下是趁大家不為意的時候，吃了三件墨魚餅的說。再來是鹹香雞，大廚說「識食就會知道這是靚雞」，說因為新鮮雞就是肉比較堅韌云云，在下對於雞並沒有什麼研究，所以不多置評。這一客不知什麼名堂，有豬頸肉、豬腸、豬潤，有趣在店員會把早已煮好的菜，「Sa」一聲放入燒紅的煲之中，視覺聽覺效果一流，但感覺是噱頭比較多，而在下不吃內臟，就豬頸肉來說夠香夠熱夠入味，在下幫趁了不少。這一味是大富大貴，蒸桂花魚，大廚見在下無動於衷叫在下吃，而在

2個人去食晚飯, 叫咗3個餸1個甜品。 呢類小菜館居然同時做埋,西式甜品, 梗係要試下啦~蕃茄湯花甲: 個蕃茄湯超鮮甜, 我地將成個湯飲晒! 至於花甲就有陣味, 但係肉又未至於霉....可能係少少唔新鮮卦, but我地都有食晒嘅。奇味雞: 雞係先整好咗一碟, 連一隻燒紅咗嘅煲一齊上, 個waiter將碟雞撥落個煲度即刻出煙, 熱騰騰啫啫聲咁響, 哈哈好開心~ 雞好滑好入味, 推介!避風塘茄子: 呢個餸比我地預期中大碟, 茄子係炸咗先再做避風塘....超級熱氣同埋份量太大唔recommend 2個人食, 多d人一人一舊茄子就已經好夠。心太軟: 呢個都推介! 好好味!! 個cake本身好軟, 連埋响入面流出嚟嘅朱古力加埋香蕉一齊食, yummy~~ 西式甜品仲有疏乎里好似都幾好食, 我會下次試試!環境都係茶餐廳格局, d枱都擺得好密, but整體企理乾淨呀~ 又唔係話好平好抵食, 可能因為我地叫咗花甲拉高咗成餐消費啦, 不過淨計食物質素, 都值得以後再去幫襯嘅

唔上黎真係唔知道有咁多食評...我住o係深水埗. 見德發小廚生意都唔錯.因屋企冇飯食. 就同honey去試下.見鄰桌 剛上一道 燒紅的空煲仔. 一碟雞肉係佢地面前倒落去.. 熱烘烘的煲仔"姐姐"聲 同 "香味"四散>>>啫啫雞煲是也 好過癮!!兩個人怕太多只叫左 沙拉骨, 啫啫雞煲 + 白飯. 如唔夠再叫1. 沙拉骨: 用豬排同千島醬.好好食..有意外驚喜2. 啫啫雞煲: 好多雞肉 份量好多. 抵食兩樣野, 都食到我地飽到上心口. waiter 重sell 我食dessert.. 真的食不下了...價錢比深水埗其他大排檔費.. 不過我order呢兩個算係至平又好食的

如果說明將地獄行是煙幕,那麼之後的德發小廚,才是真正晚餐?正確一點去說,是破完地獄之後,要吃回一頓正常茶飯.其實在出發之前,已一早諗好下一站會去邊.難道我們真的用那些發霉紅豆壽司,蝦毛壽司來裹腹?雖然只是付出四十幾銀,便可任你吃,但生命,是無價的.其後有幾位朋友加入,人多就好辦事了,可吃多幾味菜式,最可惜的是,全店最有名的豬手,已經沒有供應.唯有吃其他菜式,既然在翠竹花園年代,已經受到食家的好評,深信其他菜式,也應有一定的水準.先來的是飛天通菜,在其他地方吃過不少,記得第一次吃此味菜式,是在跑馬地彭慶記.是將通菜放在火紅的鐵鍋上,沙沙聲噴出白煙,在視覺上先勝一仗,味道也不俗,通菜爽甜,但不算十分惹味,如果辣度下得重手一點,效果會更好.金磚豆腐拼墨魚餅,一道很香口的菜式,尤其是金磚豆腐,每件賣相公整,金黃香脆的外表,包著嫩滑的心.果然出色,另一味墨魚餅,則有所不及,吃落不夠彈牙,而且內裏的墨魚肉味略欠.唯有點多一些醬油來吃.吃到至此,來一瓶啤酒來伴吃,是必然之事情.避風塘茄子同樣好吃,茄子上的蒜粒惹味,而主角茄子外表脆口,入面質感軟稔,與之前的金磚豆腐有點異曲同工.再來兩個啫啫煲,生煎骨

陰曆七月十四，鬼節。為應景，一眾食友到明將「做節」去也；我怕死，實在不想腸胃有任何冬瓜豆腐，唯有扮自己係雷霆救兵，於西九龍中心standby，隨時為有需要的食友急救。猶幸，明將壽司的賣相雖驚嚇，但終究食唔死人；見各食友吃畢仍面色紅潤，魂魄齊全，實在可喜，一於齊齊去德發溝貨。選德發，主要是因為有心太軟；甫見到甜品menu，太公的的魂魄就已被攝走，口中只懂呢喃："心太軟~~" 等字眼，都沒甚麼心機點咸食了，主要還是由其他食友發板。飛天通菜 - 如羊家兄妹所言，通菜甫上菜就倒在熱騰騰的煲裏，滋滋聲的有氣勢；她說不夠惹味，我想，是因為不夠香辣 - 我們期待飛天通菜都有一定的辣度；至於鹽份，其實很足夠；吃下去都相當嫩而少渣，不過要是用上幼身通菜，相信味道更好。金磚滑豆腐拼墨魚餅 - 金磚滑豆腐是我最喜歡的一道，外層炸得酥香，而內層豆腐又滑又富豆香，實在太美味了；反而墨魚餅就較一般，肉質偏鬆散，而墨魚鮮味薄弱。避風塘茄子 - 實在太咸；其實煮茄子都必須有點微量糖份來吊吊味，不過這道就沒有，吃不出茄子的真味，只有咸蒜香；早知道就聽點菜的侍應哥哥推介，要潮式茄子好了。生煎骨煲 上菜時又是滋滋聲，又是

上完堂, 直接去join南瓜他們的第二場溝貨, 地點是基隆街的德發小廚. 改了門面, 真的不認得. 來到坐下, 他們已先點了幾道小菜. 而第一味飛天通菜, 己經熱乎乎的, 等待我去食佢. 飛天通茶, 大概是泰式既小炒食品. 一煲上, 熱乎乎的, 不過味道不均勻, 一啖帶咸, 一啖淡口. 口味改變了, 味道過份濃烈或太過啖啖肉的都不太啱我. 頭一味通菜煲, 香口但味淡. 幾好.金磚炸豆腐併墨魚餅, 豆腐說真, 的確幾滑, 而且粉皮不厚, 炸蒜蓉也許多了點吧, 點一點豉油, 更加入味. 墨魚餅, 香口彈牙, 好比大酒樓點心部既出品. 不過後來看了價錢, 想多了一想....好似唔係咁值呢個價.避風塘茄子, 一樣, 我覺得炸蒜太多了, 食到呢一刻, 感覺要些東西解熱氣, 啤酒一樽就是最好的了. 茄子, 炸得外面香脆, 裡面香軟. 若不是我開始覺熱氣, 這個茄子可以100分.另外是肉食了, 生煎骨煲, 豆豉雞煲. 啫啫煲兩個, 好大煙咁上檯. 生煎骨, 骨仔好細粒, 切得好細, 沒有什麼肉, 但總算香口的. 雞煲, 也不錯, 但雞肉未算滑. 食完中式小炒, 是時候 Cross over 了,

由地獄回到凡間…我們來到港式小炒店…這裡的特別之處是除了小炒外….還有星級甜品…正如其他食家所言…店員很喜歡推介菜式…炒蟹蒸魚之類的…我們點了金磚炸豆腐併墨魚餅…飛天通菜…避風塘茄子…本來店員想我們點潮式釀茄子…不過我們疑惑了一會之後…他自己打退堂鼓說: “看到你們都樣子還是幫你們點那個避風塘茄子吧…” 由於沒有肉類的菜式…本想點豬手…但店員說現在沒有做…思前想後之餘又被店員慫恿…最後點了生煎排骨煲…飛天通菜先上檯…其實把一碟炒通菜倒進一個很熱的鍋子裡…滋滋聲感覺是挺有鑊氣的…不過吃起上來我又覺得不太夠惹味…味道偏淡…但有食友又覺得可以接受….金磚炸豆腐併墨魚餅…豆腐的炸漿薄薄的…不錯~豆腐大概是用了百福吧…所以肯定是滑的…上面灑了炸蒜蓉…幾好味…相反墨魚餅就普通了點…不算是十分彈牙…佷一般…裡面又沒有粒粒墨魚肉…後來再看到其他食家說這個菜要$108…我就更加覺得一點也不值….本身炸豆腐好像只不過是近五十元…併了個墨魚餅就貴了那麼多…這和分開叫兩碟有什麼分別....因為我們本來就沒有想吃墨魚餅…只是因為在炸豆腐還是玉子豆腐中間下不了決定…只不過抵不住游說就點了….避風塘茄子…外面炸得香

忙碌工作, 再加上這陣子心情真不爽! 我們這對怨天怨地的男女, 終忍不住要大吃一餐!是次戰廣東菜, 看到食評第一印象是”咁搞笑?!” 因為又中又西… 然而當我看到豆腐的照片, 我便決心要來一試!!還未進入店子, 店長經已非常反應快地預料到”有客到~”. 店子有兩層, 我們坐了地下近門口位置, 還境ok, 只是嘈吵了一點, 但幸好坐近門口, 不然會更應聲. 坐下不久, 店員便為我們介紹菜色, 非常勤快, 其間店長均四處招待客人卻不煩厭, 加分!點了以下菜色:金磚豆腐 ($48) – 無得頂! 一碟有15條, 本身極愛吃豆腐! 炸得夠香脆, 味也很好! 非常香滑! 惹味小吃首選!生煎骨 ($48) – 招牌菜, 總要一試. 菜名有點取巧. 其實排骨已煮熟, 只是上桌時, 店員會把排骨放進砂窩中, 製造效果及增加香味. 不過, 排骨的味調得很好, 也是值得一試的.咸香雞半只 ($88) – 店員介紹的, 一試無彷~ 但整體感覺只是ok, $88 有點貴.心太軟 ($22) – 本想點芝心火炎山, 但店主聽後便說:”包你唔好食~” 憑店主本人這番說話及表情, 雖然心想:"不好吃為什麼要放到推介

一直以來, 已經聽到親友介紹呢間小廚, 但係礙於位置問題, 所以也沒有前來一嚐~直至有日, 約左朋友食飯, 而佢又係呢頭較近, 於是就諗起呢間野, 決定過來試下啦~環境細細的, 有點快餐店的感覺, 門口和店裡貼滿了相片, 雜誌介紹等, 算是一間名氣店~坐低之後, 先有一客青瓜, 味道唔錯~正當睇下有咩好食的時候, 一名身穿廚服的哥哥仔行過來介紹, 仲以幫我地自行寫菜添~有點不慣的人, 可能就會覺得佢沒有比時間和選擇佢地自己黎, 但係我又不覺得是一回事, 因為佢講左的, 亦接受我們的意見更改, 又討論一下點解唔食呢個, 點解食呢個咁…….OK, 點好哂菜, 跟手到重點了~~~飛天通菜㷛炒好的通茶加配料倒落加熱了的㷛內, 霎時提升溫度和氣味~本公子覺得配料 (肉碎、蝦米和少少咸魚) 用黎撈飯一流, 夠哂咸~但係講呢味菜來說, 冇咩特別~墨魚餅+金磚滑豆腐 (雙拚)墨魚餅都唔錯, 但係同XX樓相比, 就冇咁好食了, 只係普通~~反而果個豆腐真係煮得唔錯, 外脆內嫩, 只係本公子覺得唔夠椒鹽味~~咸雞雞肉夠嫩, 肥瘦適中, 咸味稍遜, 果碗油就真係可免則免~大富大貴桂花魚起身蒸, 「金針雲耳;

德發雖遠離福榮街但我在七時左右去到已經坐無虛席肥老闆問要不要坐外面但我們不吸煙天氣又那麼熱當然是拒絕了還好同行人數少等一會就有位了侍應幫我們開了位後卻沒有給我們菜單坐了良久還要主動要求才拿過來商量後決定點生煎骨煲+西檸雞+梅菜菜遠剛巧西檸雞售罄侍應姐姐就介紹吃走地雞$88半隻友人"嘩"了一聲後問她還有什麼推介她就說"反正我介紹了又覺得貴"然後點梅菜菜遠時她又說"這個不好吃，如果想吃菜心的話介紹你xxxxxx"雖然我很欣賞她的這份坦白但真的頗倒米最後決定要生煎骨煲+沙拉骨+梅菜菜遠沙拉骨是用豬排而非排骨用千島醬而非沙律醬與我所想的有很大的出入不過這個很好吃肉質軟綿綿再配上酸甜的千島醬佐飯之選生煎骨當然不可能生的拿出來給食客動手煎只是在食客面前把排骨和配料拿上枱炒炒那個熱鍋沒下油炒熟的排骨都已經黏鍋了還要炒生的排骨根本不可能這個在炒的時候聞起來很香吃的時候排骨很韌味道雖然可以但太韌扣了點分數梅菜菜遠則一如侍應所言梅菜帶藥材味菜心則頗多渣不過份量不少價錢合理就算了家裡的梅菜和菜心都比這點出色老闆選材似乎有點失誤呢這裡環境有點嘈吵但這也是地方風味但樓上的冷氣好像有點不足多加幾把風扇比較好衛生情

行過好多次店門口都冇諗過要入去,以為係普通一間茶餐廳, 但係原來d小菜又特別, 又好食同埋好有鑊氣今日兩個人只係叫左個蒸桂花魚(有個好特別的名)同爆炒鮮魷, 前者好滑, d豉油仲好出色, 後者就試到佢鑊氣好勁最後試埋佢嘅心太軟同梳乎里, 都ok喎!下次會約多d人, 食多d送

由於上一次有事急住走都未能夠一試佢地既甜品, 所以今次再黎...入到去, 男朋友已然提醒我唔好食太飽, 要留肚食甜品... 而且今日都無咩特別想食~ 只係想食一味久違左既沙拉骨, 同埋一個菜... 果個肥胖老闆就黎主動介紹菜式~ 又係同上次一樣... 介紹一模一樣既大富大貴同埋飛天通菜~ 心想... 哩間小廚不如粗粗的就指定幾款小菜罷就, 何必浪費食家時間... 魚並不是每人都愛吃而且你整既手法我未必欣賞~ 更何況係我哩個愛食魚之人都唔係太欣想小店既魚... 為免唔高興加上要我一個人食晒整整一條98蚊既魚~ 當然我唔會搵自己笨去叫魚啦~ 已經想好... 就食沙拉骨同埋一個炒三蔬咁上下既野... 竟然肥胖老闆一句話"嘩... 唔係丫嘛~ 黎到我哩度梗係特式野啦... 沙拉骨留返出去茶餐廳食啦"就係咁樣... 佢就強烈"建議"我地食佢既生炒骨~ 都OK啦... 個菜就硬"sell"我地食飛天通菜~ 其實我已經係屋企食左一個星期通菜... 出街食仲食? 食唔夠嗎... 叫我地食甜梅菜蒸菜遠~ 上次唔係食過而且佢既梅菜已經唔多掂... 最後又再嚴重hard sell加勁話其他野唔好食既情況下唯

今日有朋自遠方來，一行十人特意約在深水埗的德發小廚來個晚飯飯局聚聚舊。德發為一中菜小店，位處地道的深水埗鬧市，售的也是地道的大牌檔式小炒，食客亦為一般附近街坊；但此店最特別之處是兼賣幾款西式甜品，如心太軟、梳乎厘等，故吸引不少甜品客特意光臨。環境方面這裡比較擠迫，通道非常狹窄，店員奉食物時走過要當心「中頭獎」；而樓梯位置地面很滑，上落要特別小心。我們坐在樓上的密閉空間，聲音焗促難散而導致很嘈雜，談天說地難免要高談闊論鬥大聲才行。 有聞這裡的小炒頗具特色，尤以椒鹽菜式特別出眾，所以我們也不會錯過吧。 避風塘花蛤：花蛤份量不太多，但以避風塘式炒，非常惹味香口，又不會太辣。就是吃光花蛤後的炸蒜也可拿來送飯，不可錯過。 金磚滑豆腐：豆腐切成方型的磚狀，外面炸至金黃色，再灑上椒鹽，賣相已經很吸引。咬開香脆的金磚，裡面是熱得燙咀的滑豆腐，嫩滑得不用咀嚼便能吞下。可說是這的招牌菜了。 椒鹽三寶：三寶為鮮魷、九肚魚及白飯魚。椒鹽味同樣出色，鮮魷及九肚魚較佳，但白飯魚稍嫌不夠脆，肉有點韌了，但整體尚可。 大富大貴：為清蒸去骨的桂花魚，很新鮮，魚肉嫩滑，簡簡單單以香蔥豉油清蒸，更能帶出魚的鮮味，很好

之前有雜誌介紹過，所以去試試！我地一行三人，叫左雜誌介紹既大富大貴，好好味呀,魚肉好滑，又無骨！証明雜誌無老點！另外我地叫左三個送，都好好味道！但最驚喜係佢地既甜品，咁既飯店既然有心太軟個類甜品！勁！心太軟好正！