炊豕店 (威靈頓街) (已結業)

今天返家經過上環，發現一間裝修雅緻， 外牆有一個“炊字”下面就是一頭豬，嗰名好熟，走近發現不是哪間在銅鑼灣很多人排隊，上次食過哪間有美味大件豬扒(滷肉汁)嗎？原來係上環開左分店，咁當然要立即試下啦！室內比銅鑼灣寬敞舒服，一如既往都是玩懷舊風， 不過今次主題不只關於學校生活，還有懷水壺，舊電風扇，舊掛牆鐘，錶起了舊報紙，輕播著90年的流行曲，好像返中學時代。今次餐單製作精美，圖文並茂，清楚易填來到當然要再回味秘製豬扒(滷肉汁)($56)，再加配滷水蛋($8)同黑豆漿($10)食物一上枱，又是豬扒這樣大件同香氣四溢今次我揀撈粗麵，味道同原店一樣， 豬扒做得外脆內嫰， 香炸蒜粒粒野味，滷肉大大粒伴上美味的滷肉汁撈起麵來食， 味道一流。再加一樽冰凍黑豆漿，簡直絕配。

由於公司早放工，所以就同位同事去附近食個early dinner 吹吹水途經依間店面設計幾特別既食店，於是就入去試試從店名可見，應該是專吃豚肉既店先睇餐牌，只得一頁，好簡單易睇主餐主打同豬肉有關既菜式，包括豬扒、豬手、豬軟骨、梅菜扣肉、肉燥、午餐肉等，配飯或撈麵食仲可以追加配菜同小食價錢大部份都是50幾蚊，依區黎講算係相宜。落完單後周圍望下店內環境，裝潢模仿古代古裝片既食店場景，幾得意飲品如點果汁近餐加8蚊，我地揀左蘋果汁同橙汁同事叫左肉燥滷蛋飯賣相不俗，肉燥唔似係台式？！見同事係男仔食晒都覺飽，而且味道不錯至於我就叫左沖繩豬軟骨撈粗麵粗麵份量都好夠，口感都略為彈牙，本身有汁入味，不錯豬軟骨份量都算多，口感幼滑，配埋麵食好夾整體都好滿意餐廳既食物水準，價錢相宜，環境都乾淨，如果想食有水準既快餐不坊考慮下

台灣主題的餐廳，入邊全部都係懷舊的擺設同埋背景，一入到去就有old school feeling但舒服的感覺。我地三個人叫左四樣嘢，兩個飯兩個小菜，佢有海蜇同炸雞翼，一個滷肉飯，同埋一個豬扒滑蛋飯。海蜇酸酸甜甜，好食開胃，加埋啲芝麻更加香口。滷肉肉鬆飯份量都好多，而且啲醬汁好夠，夠我食晒成個飯都仲係有汁的，唔會好似其他鋪頭咁，啲汁食到最後淨係食白飯。個滑蛋炸豬扒飯好好食，係又熱又鬆脆，應該係即叫即炸。推薦炸豬排，真係薄皮多汁，can try！

今日來中環行大館，肚餓要醫肚，就喺大館附近搵嘢吃。於是就來到呢間位於威靈頓街148號地下幾有特色嘅炊豕店。入到去，見到有10多張小枱，啲擺設好有舊時屋企的感覺，勁有親切感餐單就係一單張，一邊中文版本，另一邊就係英文版本，方便中西客人。約10樣飯，麵選擇，可加添配料，也可揀小飯減一蚊，環保，抵讚。除此之外，仲有啲平，靚，正小食可選。小食酥炸鳳尾蝦首先出場，表皮勁香脆，但略嫌粉桨多咗少少，但都ok嘅。跟住秘製豬扒飯(肉燥汁)出場，首先勁大舊豬扒，舖满碗面，一啖咬落，嘩，香噴噴，脆卜卜，吃到我哋舔舔脷，我同朋友一致讚好而20蚊的辣味海蜇，比想像中份量多，够爽，够惹味。話梅花雕豬手飯我哋免費轉咗粗麵，豬手够腍带微微花雕味，亦好好味。

第二間 開到中環了，更方便我來吃飯， 暫時人流比銅鑼灣店少。面積和總店差不多但無咁迫，坐位約有30 個，一貫台灣小店悠閒風格， 隨意的擺設加上木做家具， 沒有半點拘緊。 如果各下不想用半個鐘來排隊的，建議還是晚飯時間來會較舒服。不設餐牌，只有一張簡單易明的order 紙，好似點車仔麵一樣, 加加減減。 主食、後加配料、飲品、小食等一目瞭然。之前都是吃炸豬扒，雖然好吃但也想吃別的。稱得上「炊豕」當然全部主菜也和豬有關。沖繩豬軟骨飯$58+ 炒滑蛋$10 小飯 減 $1上菜快速，不須5 分鐘, 我的 已經放到面前。 食材十分豐富， 軟骨佔了大半碗 ，喜歡豬軟骨入口軟淋之餘亦帶點膠質的口感，炆得入味，加入了白蘿蔔令味道帶出絲絲清甜。 醬油咸香濃郁，撈飯實在無得輸。略嫌炒蛋不夠嫩滑, 有點失色 ；但以粉糯蓮藕作伴菜實在是叫人加分。 蔥油豬扒飯 $60 + 炒滑蛋$10炸豬扒是這裡必點， 很多客人慕名而來也只為這件大炸豬扒。 豬扒巨形將整個碗面也蓋，連一點空位也沒有，豬扒更是厚切， 令口感更佳。 炸豬扒最怕食落肥膩，這片豬扒沒有給人這種感覺， 入口鬆化有彈性,  炸粉厚度恰好。 超多蔥油亦同樣

呢日同朋友行街行到中上環 見有啲餓就諗住睇下附近有咩食 點知又俾我見到佢啦！之前喺銅鑼灣都有食過 估唔到而家連中環都有！個門口仲要裝修得幾靚添🙈之前試過都幾正 大件又好食 所以既然咁岩見到我哋就決定入去食！😂呢到中環分店嘅環境都幾靚 牆上邊仲有掛咗啲畫👍🏻之後我地就睇食咩啦！餐牌就同銅鑼灣分店一樣 而我梗係食佢哋嘅招牌豬扒飯啦！🤤佢哋呢度啲豬排照舊都係大大件 而且仲要炸到外脆內軟🙈🙈🙈見到入面仲係粉紅色食嘅肉☺️炸得啱啱好👍🏻👍🏻之後見佢地嘅炸芝麻雞翼都好吸引所以就叫咗一份share！果然炸雞翼都冇令我失望 亦都係將表皮炸到好脆 加埋少少調味粉 辣辣地勁惹味🤤而雞肉亦都係啱啱好 鎖住晒啲肉汁係肉入邊👍🏻依間唔使多講 又平又好食 雖然係分店 但味道一啲都唔差👍🏻得閒可以再過嚟🙈

自覺係中環搵野食係幾辛苦, 一係食黎食去都係個幾間~ 一係就好貴, 今日行咗去威靈頓街一間叫炊豕店小店, 店內有不少懷舊港式裝飾, 食物都係一D傳統加創新原素, 入到去見個個人客都叫炸厚豬扒, 無理由唔叫佢, 仲可以加埋滑蛋, 另外再叫咗個豬手飯, 炸魷魚鬚, 等10分鐘左右, D食物到了, 炸豬扒+滑蛋飯上枱好震撼, 成個畫面係見唔到佢有飯係底, 豬扒好原好大塊, 滑蛋啱啱熟帶有小小蛋汁, 望到都知佢滑, 炸豬扒食落先知自己原來剔咗"蔥油炸豬扒" 蔥油好開胃~ 平衡咗炸豬扒既油膩感, 又突出了豬扒肉味, 豬扒炸得一D都唔乾, 一啖豬扒, 再一啖滑蛋飯, 好開胃, 另外叫果個豬手飯都好出色, 豬手炆得唔係爛BAG BAG個D~ 有少少爽口位, 好入味, 個豬手汁撈飯, 再加上佢D京蔥絲, 成件事都惹味哂~ 整體黎講~ 哩間野我係會再去~ 肚餓大食人精選~

中環最好食又平嘅莫過於呢間炊豕店😂 銅鑼灣總店就比較細同逼，相比之下中環真係坐得好好多👍🏻👍🏻我地叫左一個蔥油豬扒撈粗($60)🌟🌟🌟🌟真心d豬扒好大件！又好厚身，炸粉不算太厚🐒🤩豬扒食落外脆內軟❤️蔥油撈粗麵亦係別有一番風味嘅，配上底嘅小小蒜粒，食落層次分明有口咬口🥳🥳 而另一個叫左豬軟骨飯🐷🐷🐷🐷 豬軟骨好入味，又夠腍！而且味道偏甜，撈飯一流！會食到豬軟骨半溶狀態咁，完美地將豬軟骨發揮得淋漓盡致🦋🦋🦋小食叫左海蟄🐥 爽口開胃，必點呀👅飲品都嗌左一個熱茶同c+ lemon❤️分別加5蚊，算正常價😊

回頭再吃的店之前食過一次炊豕店 已經念念不忘但由於佢星期日唔開門 好難得先有機會再食.葱油豬扒飯+炒滑蛋嘩🤤好好食 葱油撈飯真係一流仲要佢唔會過咸👍🏻加埋個滑蛋 正！.肉燥豬扒撈粗呢個係encore嘅🐷真係保持到水準肉燥肥瘦岩岩好 煮得夠淋 味覺適中佢個炸豬扒真係脆得黎超滑 抵佢日日排長龍

好耐冇食過台灣嘢食喇，今次同我台灣之旅嘅朋友仔去重溫台灣之旅嘅感覺。兩位大小姐話就話接我放工，但依舊不改遲到本色！我地黎咗呢間炊豕店，店舖面積頗大，很寬敞。店內嘅裝修好有復古懷舊風格！用嘅係木檯同埋以前中學嘅書檯。連牆上都掛滿八九十年代嘅報紙同埋海報，細看之下，內容竟是舊時香港報導。這令顧客彷彿置身於過去，回到那時的台灣和香港。我地3個人嗌咗2個主食同埋幾個小食。辣味海蜇呢一道菜係我好鍾意食嘅一道菜，佢嘅辣味適中而且好爽口。係豬扒飯呀！我地加咗炒滑蛋，覺得即刻香口咗好多！肉燥飯嘅醬汁好多！唔會覺得好乾，因為2個飯，分享完撈埋一齊好香肉燥味。雞翼即叫即炸，好香口，外脆內暖。仲有微微焦嘅芝麻味。正。

環境4分：中環新開分店同銅鑼灣間母店一樣都係用Ｄ懷舊poster設計，但就明顯闊落好坐多多聲，Ｄ木枱木櫈比第一間Ｄ摺枱摺櫈亦都舒服好多，呢種升呢可以畀四分。衛生4分：枱上面有齊筷子，匙羮，牙籤，醬油，望落都好企理乾淨。飲品唔使用杯飲，洗少Ｄ可減輕功夫又加強衛生，一樣可以畀四分。服務5分：自己填紙點野食，張野有曬圖片，簡單到極。年輕顆記落單快，上菜一樣快，快而準，好禮貌又唔囉唆，畀佢五分。味道5分：招牌秘製豬扒飯大大塊豬扒金黃到呢！塊豬扒係連骨斬好左三件上，連骨旁邊嘅肉非常好食，又鬆又脆又唔油，賣相同味道都一樣值滿分！白飯底跟肉燥汁又甜又夠味，加錢嗰塊炸午餐肉先堅，又厚又軟又唔乾，正到都唔識講呀！下次嚟食午餐一定要加飯加肉燥汁。抵食5分：招牌豬扒飯足料有水準，$56飽肚又好食，加十蚊有件超正厚切午餐肉一樣超值，加五蚊可有埋飲品，畀硬滿分！

之前朋友推介過幾次炊豕店，話呢度既炸豬排飯好食，今次有時間就黎試下。舖頭裝修到好似70 80年代香港風格，店入面播懷舊金曲，好多都係我細細個聽過既歌。我地叫左一個涼拌大豆芽，一個秘製豬排飯加肉燥汁，同一個沖繩豬軟骨飯。涼拌大豆芽食落去酸酸地，仲有加左豆卜入去，夏天食特別開胃。豬排飯一眼望落去都見唔到白飯，塊豬扒大到同個碗一樣size。一開始以為炸豬扒應該會好多油，但係呢一個炸豬扒食落去一啲都唔油膩，炸得仲好鬆脆，搞到我同朋友都忍唔住食多啲。另外個沖繩豬軟骨飯，啲豬軟骨煮得好軟，仲好入味。中環黎講呢一間鋪頭嘅價錢比較公道，而且食物質素都好好，下次一定會再嚟幫襯！

起初聽「炊豕店」以為係日式豬排餐廳，但原來佢係一間行港式懷舊風嘅美食店！久聞尼間餐廳嘅大名，時不時都聽到同事強烈推薦！為左方便7哥放工過海，我地就選擇中環尼間。由中環站C出口出左利源x街，大概行12分鐘就到！實情係🥢記附近，冇想像中咁唔方便😂-是晚決定同7哥每人1個主食+1個小食1. 蔥油豬扒飯大量嘅蔥+芝麻，放係原塊厚切嘅炸豬排面，氣排十足！豬排炸到金黃色，香口脆卜卜得黎炸粉薄🐷 正呀！2. 沖繩豬軟骨飯而豬軟骨飯係完全另一種體驗！豬軟骨軟骨同豬肉嘅份量平均，唔會食軟骨食到好膩，又唔會食肉食到好寡🥴 甜甜地嘅秘制汁深深滲入豬軟骨、蘿蔔中，而蓮藕鬆化，撈埋珍珠米簡直係絕配♥️ 3. 炸芝麻雞翼炸雞翼嘅火候岩岩好！灑上辣粉，味道更上一層樓！必試之選！4. 椒鹽魷魚鬚Deep fried 有避風塘炒軟殼蟹嘅口感😂💭是晚溫柔嘅涼風由大窗吹入，聽住餐廳播放嘅懷柔舊歌（王菲，劉德華-一起走過的日子，李克勤-飛花，孫燕姿-Silent all these years），甚有一番味道。

朋友話之前試過銅鑼灣店的豬扒，覺得很不錯，所以今日帶我來中環店一試，她自己也來個比較，看看這個分店的質素如何。店內裝修帶點懷舊嘅風味，是一般年青人喜歡光顧的類型。今晚也見有很多年青人來幫襯這間小店舖。我們兩人叫了一個炸豬扒肉燥飯和一個豬軟骨粗麵，飲品我就要了凍五花茶，而我朋友則選擇了熱蜂蜜薑茶。朋友害怕那杯茶太甜，所以預先要求店員不要放太多蜜糖，結果真的如佢所願，她那杯蜂蜜薑茶甜度來得啱啱好，而我的五花茶，原來是枝裝，味道也是不太甜，今晚沒有選擇錯。最早到來的是炸豬扒飯，果然非常大塊，外脆內軟，豬軟骨煮得夠腍，我個人較喜歡食麵，所以覺得今晚嘅豬軟骨肉粗麵啱曬自己口味。我們也有要了一個小食，炸雞翼兩隻（$28），雞翼炸得不錯，帶點辣很香口也很惹味，唯獨是價錢略貴一點。

在中環原本想去蓮香樓，就快到蓮香樓的時候，看見這間台式料理餐廳，裡面裝修很有懷舊的風格，而且門口餐牌上有我很愛吃的豬手，所以就入去食豬手。坐下以後就要了一份話梅花雕豬手麵($52)，他原來可以讓你選擇要飯還是要麵，而且更細分了粗麵及幼麵，我一直都喜歡吃粗麵的，所以我就挑了粗麵，除了如此，我還加了10塊錢，追加一塊厚午餐肉，很快豬手麵就來了，熱氣騰騰的，一看到那一塊厚午餐肉，我就傻了眼，真的是名符其實的厚午餐肉，厚度比我的一雙筷子還要厚，一咬下去，更不得了，因為他把這一塊厚午餐肉煎得外面又脆又香，但是裡面的肉還是淋淋地的口感，非常好吃，豬手更不用說，燜得夠淋又入味，咬下去時骨膠原都充滿了我的口腔，一點肥膩的感覺也沒有。