焱手工涮涮鍋 (已結業)

想食海鮮，又想打邊爐，朋友就話佢聽人講有間幾好食而又就腳，就話不如去試下，叫焱手工涮涮鍋。一睇個menu，不得了，樣樣都好正咁。為左唔洗諗咁耐，決定叫個set。前菜黎先，有我鍾意食嘅手撕雞，份量夠多又惹味，個沙律落左柚子醬，加埋芝麻醬好香甜好開胃。湯底除定左嘅清酒煮蜆，我地揀左人蔘藥膳鍋同美人鍋補一補。個藥膳鍋真係有條人蔘係入面，估佢唔到😂個蜆鍋仲要係即場煮，啲蜆隻隻都大大隻，就算煮完都係冇縮水兼且啖啖肉。海鮮盤一黎到簡直不得了，全部都我最愛，比想像中大隻，又夠新鮮，淥完都仲係咁大隻。碟響鈴同牛頸脊都好正，響鈴大大碌新鮮炸起，一黎到已經聞到好香，啲牛好軟牛味濃郁。碟手工拼盤都唔錯，啲蝦膠墨魚膠都好彈牙，冬菇好juicy，餃子對比下就普通啲。跟set有野飲我揀左紫貝天葵，又唔錯喎，飲得出冇點樣落糖落冰，係健康嘅味道。甜品係雪糕，估唔到咁好食！平時我都麻麻地雲呢拿味雪糕，因為覺得陣味好假，但呢度嘅係勁香，仲會見到啲雲呢拿籽係上面，呢我對呢間野大大加分！

因為想飲湯又想食鮑魚，四點四十五入座湯底有四折，7.30前埋單配菜八五折。有時間，當然立刻訂座啦。叫左人參藥膳湯同芋頭沙嗲湯。人參湯可以列入必試名單，有兩條大大既參，參味非常香，有非常多優質圓肉，煲左個幾鐘之後試食一粒，味道竟然十分甜脆，一啲都不似煲過湯既料，可以直接食埋。我叫左花膠，一來到即刻擺落湯去煲。再加埋兩只蟶子王加兩只鮑魚。食完呢兩樣再飲湯，真係又膠又甜又滋補，超正。中間既火焰清酒煮蜆螺68元必試，大概有五粒大花螺，六粒大蜆，清酒點火燒一燒然後加湯，湯滾開口食得，新鮮大件加抵食。馬來沙嗲芋頭湯小辣，我竟然為食芋頭飲左一碗辣湯，味道都好正。仲有八吋黃帝蟹柳，真係八吋，長過我只手多多聲，非常甜。再叫左響鈴同炸芋頭，兩樣都係新鮮即炸，芋頭可以即食，又可以擺落湯去煮，我呢啲芋頭迷至愛。響鈴上到來促流緊油，好鬆化，可惜唔係豎起擺，咁樣先唔會積埋好多油，不過真係好好味。最後我記得我飲左兩碗辣湯，一碗蜆螺湯，四碗人參藥膳湯，個肚就來跌落地。店內幾闊落，有兩面玻璃窗台臨街景，十分好坐。可以一試再試。

天氣越熱就越想食邊爐，最近既飯局就密密搵爐友試唔同邊爐☺️試到依間出名手工火鍋料同台式鍋底😸三個人食，決定就食依個套餐🍲野飲都有好多揀🤔🤔我地坐低冇耐就比依個調料盤我地自己執，基本野一定有，仲有芝麻醬、蒙古涮涮醬、菜脯醬、沙爹醬✨野飲都上得好快，我地嗌左紫貝天葵，酸酸瞇瞇好解渴😗柚子醬沙律同手撕雞，前菜黎講清爽開胃🤤我地嗌左東方美人鍋同人蔘藥饍鍋🤤中間仲有個清酒煮蜆湯🤤見住佢放酒入去燒哂加雞湯真係好期待。我地一直將海鮮放入中間既清酒湯，最後個湯鮮到不得了，我要飲完又飲😋蝦彈牙，帶子鮮甜，魚爽滑，蟶子大大隻又好食🤤啱我海鮮友依個即炸響鈴，一上枱已經香到我地忍唔住，放入湯五秒即食，好食到想encore☺️手工拼盤，多數都係滑類，入口彈牙😀牛有牛味，冇渣🤤🤤蔬菜都好新鮮，清下腸胃😗食到好飽之後仲有甜品，完美句號！

打工仔放左工當然要好好咁依下個肚仔，但係每次諗食啲乜嘢都諗成個鐘，所以今次就約埋朋友仔一齊收工打邊爐，夜麻麻收工都係去旺角啦，起碼食到兩三點都有車走呀，而且聽朋友仔講有間手作火鍋店推介咁就要試試😋呢間位於旺角彌敦道譽發廣場3樓既焱手工涮涮鍋就係朋友仔所講嗰間手作店，淨係講環境一出到嚟就見到牆上面嘅壁畫圖案又畫得幾有心思同特別，再望一望個餐牌寫10點後全單85折，完全符合我呢啲放工嚟食嘢嘅人，行到門口就當然即刻入閘闖一闖先啦。一入到去即刻有招呼，而我同行四人當然揀一個卡位啦，先講下間鋪既硬件，呢個四人卡位極之寬倘，相信可以足夠坐六個人呀！讚👍睇完一輪嘅餐牌之後我哋就決定點一個焱選套餐，當點完餐之後就立即有人送我哋一碟前菜：柚子沙律。鮑撈起手撕雞，睇幅圖就知道係我拎相機影相果刻朋友仔們隻手已經拎起咗筷子，所以我用一個迅雷不及掩耳嘅速度影完相立即起筷，呢碟手撕雞同燈籠椒炒埋一碟做前菜真係一流酸酸甜甜好開胃！而個火鍋湯底我哋揀咗馬來香芋沙嗲鍋&養生人蔘藥膳鍋，呢個火鍋一上到枱就令我呢個寵物小精靈粉絲聯想起成個鍋就好似精靈球咁嘅款，而且湯底方面沙嗲湯底只可以講非常之香，為因為我比較唔食得辣所以人

喜歡食牛的我，除去食牛扒之外就係去打邊爐！尤其是台式，因湯底特別精緻，所以今次同朋友去這間食。位置非常方便，地鐵一出行三分鐘就到。 一出𨋢就見這幅畫，十分搶眼。室內的環境非常簡潔，而坐的卡位也十分闊落而舒適！這湯底真係非常別緻，平時只有鴛鴦鍋，今次就有三種唔同口味嘅湯底，有麻辣、清洒配蜆，魚頭蛋白！肥瘦都適中非常之新鮮嘅牛肩脊拼盤上除了肉丸之外，其它也是第一次食，很少會在其它火鍋店食到。這個海鮮拼盤所有食材也非常新鮮，好鮮甜！自己就最like聖子，好大隻。這個響玲是新鮮炸的放上枱面嘅時候仲係熱辣辣。。。yummy yummy好開心食咗一餐有質素嘅打邊爐，所有食材也非常精緻新鮮。食飽飽，當然唔少得一個涼浸浸的甜品！ 豆腐雪糕這店是每位計，以上是三人份量，每人約三百五十！喜歡食到有質素的美食

早二日預約好，當日8:30去到，等埋執枱就入得。雖然係平日都全場爆滿，枱與枱既空間都好闊，所以都唔會有好迫既感覺。四人食，試三味鍋，中間一定係清酒煮蜆，可自選二邊湯底，我地揀左東方美人同山藥牛乳鍋。前菜手撕雞 同柚子沙律二款都好味，手撕雞比較有驚喜，配 黃椒紅椒 有微辣夾住食好開胃一上鍋底，已睇得出同平時打邊爐既鍋底有分別「超。足。料」中間先由員工點火再加入湯底，蜆吸收晒清酒味，好正。美人鍋 內有半隻烏雞雪耳，牛乳湯 有很多山藥同雞脾菇，二邊都有大量紅棗之類既配料。賣相真係好吸引，可惜既係味道唔夠濃郁，比較清淡口味。中間的清酒已是最濃味既一個湯底。當日時令海鮮5款食到所有海鮮都好新鮮賣相好靚，可惜味道一般，沒有驚喜牛頸脊小雪花比較瘦，重牛味黑豚肉賣相同樣吸引，先滾熟再夾生青瓜食好食既另加左藥膳雞件份量應該有半隻，不錯 雞夠入味即炸響鈴大大條，熱辣辣快啲食，滾五秒好收手可惜湯底本身淡味，響鈴滾完變得更冇味...如果有配酸甜汁，應該會更出色有跟蔬菜籃。最後食埋甜品好味既豆腐味雪糕飽晒抵讚：沒有限時進食，環境很好，可以慢慢食吹下水冇急急收碟趕人走...

第一次来香港玩，晚上和妈妈一起去吃了晚饭.这家店的人都很友好，一直在帮助我们.饭菜也很好吃，我们点的是套餐「两个人的」有一点点贵，但是物超所值环境也很安静.我真的很喜欢点餐时，我们本来打算单点的，但是服务员过来跟我们说点套餐比较便宜.后来我也算了一下，确实套餐比较便宜「612港币」而且菜的量也很足，我和妈妈吃完就已经微撑了，一点也没浪费.量真的算的很好还有火锅的锅底也很入味，我们套餐给的是三种锅底，可以自选，我们选了麻辣.韩国泡菜.和他们固定必选的清汤.三种不管怎么说，各有各的好，都很好吃我是很推荐这个店的！！

同米飯班主係旺角行緊街仲諗緊食雞煲定邊爐之際突然間有一般好香既火鍋味撲鼻而來抬頭看原來係一棟新大廈入面新開既台式火鍋店主打一鍋三吃，除左普通邊爐仲有火焰清酒蜆螺見甘吸引就一於同米飯班主試下啦 餐廳就係大廈既三樓餐廳裝修非常舒適闊落唔似一般甘焗促岩曬朋友聚友坐得耐都唔會累 野食選擇非常多除左一般火鍋款式仲有比較少見既肉類海鮮同丸類實在是花多眼亂選擇困難症既小妹最後決定叫個套餐套餐包曬湯底，前菜，一款肉，海鮮拼盤，蔬菜盤，甜品，飲品唔洗揀而且價錢亦算抵食 各色各樣的調味品 平時火鍋的前菜普遍都是酸菜花生，但焱手工涮涮鍋的前菜卻非常有驚喜 先有柚子沙律雜菜加上了芝麻醬和柚子醬，兩者之間取得平衡，並唔會比其中一個味道蓋過，濃濃既芝麻醬加上了柚子醬，不但減少了膩感而且多了一份清新，十分開胃 鮑撈起手撕雞嫩滑既手撕雞配上,鮑片青瓜色彩奪目既椒絲菜式吸晴不特止味道更加有驚喜加上秘製醬汁，十分惹味,小妹同米飯班主都食到停到口 焱手工主打台式養生鍋同一鍋三湯湯鍋除左分成兩邊外，中間更預留位置放入清酒煮蜆 點火略炒再加入湯水便成了清甜味美既海鮮湯用來涮海鮮便最適合不過另外兩邊鍋底則任君選擇

三個女人一個墟，你一句我一句，又各有主見，最好選擇一間坐得舒適，吱吱喳喳不會騷擾到別人，又可以滿足各人口腹的餐廳相聚。醒目朋友今次選擇來個火煱。甫到餐廳，感覺舒適，座位很闊落，許多大卡位，私隱度很高，適合三五知己傾密計。單看餐廳名字，焱， 己經覺得好特別。原來餐廳招牌是可以自選三味鍋湯底，一鍋三味倒是我們的第一次！我們點選了以下三款1）火焰清酒煮蜆 點火一刻，覺得這個火煱好型！ 味覺享受之餘，還有視覺！蜆肉頗新鮮。2）雪山飛龍鍋 蛋白龍躉魚湯 一啖厚厚蛋白，配上新鮮魚湯，口感特別，感覺養顏3）青花麻辣鍋 辣度不算強，不嗜辣的我都可嚐一點除了湯底款式多而優，這個套餐還送前菜，並提供九款醬料給多心人選擇。海鮮拼盤 海蝦超新鮮！貝殼類好大隻，鮮甜！安格斯牛頸脊 單看樣子，肉色鮮嫩，肉脂分佈亦不錯，入口是一陣陣鮮牛味手工拼盤這個拼盤絕對有驚喜，款款各有特色，不是平價貨色，不用吃平時的丸類。尤其喜愛牛肝菌黑松露餃子，香味撲鼻。 響鈴卷超巨大，口感香脆的；時蔬籃 亦新鮮。套餐還包了自家製飲品和 甜品埋單268加一，覺得好值！有時候吃火煱，一個湯底都可能要幾百。我們幾個閏蜜又多一個聚腳點了！

打邊爐總會想食盡各種肉同海鮮，但係逐項單點又好貴~任食嘅話，又驚質素未達標~所以今日放左工，突然好想打邊爐~就諗起焱手工涮涮鍋 ，所以即刻 call 朋友出嚟一齊去打邊爐焱手工涮涮鍋走係中間路線，大包圍套餐都係二百幾蚊起，還有讓人驚喜的三重湯底，岩哂我呢d又想食有質素但係又唔想單點配料嘅人 醬料都有基本幾種選擇原來呢間都有報紙介紹過 終於上湯底了~一早已經听過舖頭靠一鍋三湯突圍而出，特製湯鍋除分成兩邊，中間還造成圓形，放入清酒煮蜆螺，點火略炒後加入湯水，便成了清甜的海鮮湯，用來涮煮海鮮最適合不過！兩邊鍋底則任君選擇，不想傷腦筋，可點「招牌焱羨目光」就最方便，除了中間的清酒煮蜆螺鍋，還有養生人參藥膳鍋與青花麻辣鍋，前者以長白山人參、杞子、紅棗及雞湯等煮成，杞子和紅棗平衡了人參的甘味，令整體滋潤不澀；後者用上四川運來的青花椒、豆蔻、花椒八角和泡椒等煮成，先麻後辣，但辣度適中。湯底精采，火鍋料亦都唔失色，海鮮有龍躉片、帶子、海蝦、蟶子王、鑽石蜆及刀貝等，由店家從中精選五至六款最新鮮貨色， 海鮮非常鮮甜手打安格斯香辣牛丸，以牛小排及牛頸脊混合打成，帶刺激的微辣，爽而滑身 就連我平時唔鍾意食牛

見雜誌介紹有手工火鍋 仲有唔同湯底 當然係睇中我最愛既麻辣火鍋。 早幾日打左去book檯 不過去到冇乜人 但就換黎安靜同舒適 位夠闊 同朋友暢談岩晒! 我地叫左個麻辣同藩茄馬玲暑湯底係叫餐既 。 d海鮮唔錯 鄉鈴大大條 個麻辣湯好正 會再黎

朋友推介呢間新開的涮涮鍋，近油麻地地鐵站，在旺角附近熱鬧又可以行下街，地理位置非常好。 餐廳喺3樓，有四人卡位同大圓台，燈光明亮，裝修都幾特別， 走工業風格。 我們叫了焱選套餐 $268元一位連醬料飲品，適合樣樣都想試的我們。3人套餐大部分已配搭好，只需揀選湯底同肉類。點好鍋後即送上前菜: 柚子沙律 & 手撕雞柚子沙律酸酸地好開胃，手撕雞幾惹味, 前菜都幾好食。平時食開湯底只可揀兩款，一次過可試三種不同的。火鍋底來了﹗最有綽頭的是火焰淸酒煮蜆，店員將蜆放入爐中間位置, 再倒了些少酒, 即時點火,，火焰升起，叫做有得睇又有得食。至於個蜆超甜又冇沙，清酒己散發，留下少少酒香, 的確唔錯 。一邊係東方美人鍋, 一邊係青花麻辣鍋,。東方美人鍋入面好足料,有烏絲雞,竹生,桃膠,菇,菜。麻辣鍋比我想像中辣，好辣人士別錯過。日本松板黑豚肉配小黃瓜: 用個架掛起8塊肉片, 豚肉味濃，質感軟腍嫩滑，確是不錯，配合薄切黃瓜片一起吃，可減去油膩感，吃多幾塊也不怕。響鈴即叫即炸，脆得來有種鬆化的感覺，過湯即食，索曬湯汁，正！蔬菜款式亦有幾款, 新鮮。手工丸拼盤: 有墨魚磚、手打安格斯香辣牛丸、牛肝菌黑松露餃子

人數少去打邊爐，往往是一個難題，一個湯底都要2-300元，加多一碟肥牛都已經每人300元落樓，非常不化算。就算肯花錢，每碟份量也很多，兩個人不能有太多食物選擇。但係如果要去放題火鍋，質素往往又很差，真是一個困局。幸好跟朋友講起，他推介了這家火鍋店給我們，於是便相約一試。餐廳環境相當舒適，窗旁有大量卡位，隱私度十足，適合三五知己相聚。除了環境舒適外，餐廳的食物安排亦能解決人數少打邊爐的煩惱。除了散叫之外，人數少亦可以點套餐。每人只是＄268，食物種類包羅萬有。湯底已經可以有三種選擇，食物包括了海鮮，肉類，丸類，蔬菜還有甜品及飲品！👍🏻特定時段仲有八五折😮醬料盤應有盡有，絕不馬虎。套餐還包含了前菜，性價比十足！湯底我們選擇了清酒煮蜆麻辣湯及雪山飛龍鍋。雪山飛龍鍋可算是最有特色，它有一大片蛋白球，配合龍躉魚湯別具特色，味道清甜，用來煮海鮮一流。海鮮拼盤超級新鮮，每種海鮮每人起碼有一件，雖然只有三個人，已經可以吃到五種海鮮！丸類餃子仍如是，總共有五款選擇，每款質素極高，跟放題不能相比！牛肉質素相當高，充滿牛味，響鈴亦是鮮炸的，蔬菜極度新鮮絕無黃邊！最後還有雪糕及包含一杯飲品，都是餐廳自家製的！

今日同朋友聚舊，搵間房，不限時聚一聚。沙嗲火鍋底不錯，食咗四個鐘都仲有味 手切肥牛勁得 因為呢度全部嘢 都係經過店舖手工自己處理，所以普遍都不俗，尤其係炸魚皮同埋響鈴，全部都係剛剛炸起 手打丸類都不錯，尤其係墨汁墨魚丸 最後提一提佢嘅飲品主打"沙冰"真係要試，又大杯，配打邊爐真係一流 因為我哋食嘅唔係套餐，喺其他人相片入面嘅特色嘢，我哋冇試到，不能作出評價。但係我哋呢班大食人，食到成枱野捧住個肚走，都係收一個合理價 下次會再嚟試過

今日朋友話帶我去打邊爐, 話好耐無去la bo, 哈哈. 呢間餐廳位於油麻地, 都幾近地鐵站, 好方便, 入到去見到牆身畫滿火鍋既畫, 好有FEEL, 哈哈. 一坐低服務員都好有禮貌咁介紹餐牌 & 拎左d醬料過來. 我地叫左個粥底火鍋, 因為平時都係用湯底打邊爐多.呢款飲品唔可以唔介紹下, 真係透心涼呀, 又夠哂大柸, 好香菠蘿味道, 打邊爐必叫 – 菠蘿沙冰.混完醬奶白色既粥底鍋黎啦, 入面有好多瑤柱呀, 所以成個粥水都好清甜, 粥膽係最後先落既.首先黎個海鮮拼盤, 有聖子, 海蝦, 鮑魚, 鯇魚片, 墨魚片, 帶子, 所有海鮮都非常新鮮 & 清甜!! 聖子唔會有沙, 而且仲好大隻, 海蝦好爽口, 大廚還將鮑魚介左花, 一來容易d熟, 二來一熟左好靚成朵花似的, 帶子超甜, 讚!!之後呢碟頂級安格斯牛頸脊, 薄薄的, 油脂分佈得均勻, 不會令到成個鍋變得油膩, 而且不用點醬味道還更出呢.跟住可以簡5款火鍋配料, 我地簡左好特別出面好少有的, A)太極海鮮軍艦, 係用墨魚滑&墨汁墨魚滑釀落油炸鬼到, 好盞鬼. B)別蝦我, 係用鮮蝦打成膠, 再加入蟹子而成, 鮮甜彈牙. C)牛肝菌黑松