牛気 (The ONE)

营业中

休息中

放工同老公撐枱腳，冬天最想食涮涮鍋~今次試下在尖沙咀The One新開的「牛氣」。之前聽朋友說旺角雅蘭中心的店不錯，除了牛肉好味，其他配料仲有好多選擇。來到新店第一個感覺是不會有油煙味，通風做得不錯！而且就咁睇都見到有好多食物等緊我，哈哈。說說價錢，同平常涮涮鍋差不多，是按任叫肉類的質素來決定價錢：我們選了極上美國牛肩肉放題。湯底都有好多選擇，點了2個湯底~一個昆布，一個是我最愛的壽喜燒~這裡+$20會有棉花糖湯，好有趣，不過又唔敢試XD。牛肉上桌！這極上美國牛肩肉，肉質甜美，不是最貴的和牛，但這個牛肉口感和味道都令我們十分回味！它嫩滑香濃，加上自己混的醬汁，每一口都好滿足。老公自己一個都食了差不多5碟牛，真的好誇張。雞同豬都ok，不親我同老公鐘意牛多D~其他配菜和熟食都有好多選擇：不得不讚是粟米、蟹柳都好甜好好味，蟹柳是大條，食到一絲絲的靚蟹柳！飲品除了汽水、茶水外，還有啤酒，仲有冰凍酒杯，老公好開心~留意如果想食Movenpick雪糕，只要做以下幾點就可以食啦~不過我發現時已經好飽，所以沒有食了。

黎到有個地中海男經理話好快有枱，下一張枱係我地。取票A017，號碼一早已到A016，點知等完又等！見佢放左好多人入去都未輪到我地！問佢點解，又話個條隊係訂左枱，問佢係咪入哂先入我地，又話唔係，好快有位，下一張比我地個男人嗌我地落單，又話叫最貴個兩個先有得坐卡位，唔叫就無！我地明白多人，但你無位就唔好呃我地下一張又下一張！去開旺角分店食過，今次門口個女我地都見過，個女都有解釋唔好意思有講對唔住，非常好服務，入到去其他waiter都好有禮貌，係門面個男人不知所謂！食物方面其實OK,我地選擇左極上美國牛肩肉放題,牛肩肉:牛肉味濃,番茄湯底:夠濃郁牛唔錯!我地都加左5碟左右!雞比預期中好,好滑好好味!可惜豬肉有D'酥'推介栗米,超甜!

事源一早已經訂左枱，晏就有個小姐打黎confirm，話有機會可能要等，又話答唔實等幾耐但會比訂枱入先，黎到排哂隊，講左訂左枱，個小姐話張枱要等，佢同個男既講我地訂左枱3位，結果個男既叫我地企係後面跟住排（大家認住佢，個男人好高大架，問多幾問會兇你）一路等到8:00幾都無得入，問番門口個小姐，佢就解釋話係頭先個男經理安排次序，話會幫手問，個男既竟然問返我地幾多位，一直帶我地遊花園！後尾突然多左第3條隊，個條隊既人竟然入先過我地，見住walk in A同B飛都嗌過好多次，我地等左一個鐘以上都唔比我地入！好好地同朋友聚會搞成咁！嬲到震！以後都唔會黎badlist!其實個女既態度幾好，都好老實同我地解釋都想比枱我地，但係個所謂男經理好有問題囉！

尖沙咀新開日式火鍋放題，由於附近無咩呢d店鋪，所以就想即刻試下。訂左枱7點半，黎到同個好高既男經理講訂左枱，佢就指我地去排隊。以為應該等一陣﹐但最後都要等好耐先入到場，其實明顯係佢地安排上面問題以致要等咁耐，一開始問個男經理要等幾耐，佢行過黎竟然伸個頭埋黎問我地齊人未，又話一開始訂枱遲左，所以我地要等。一直等我地一直睇到有攞飛同遲黎過我地既人都入先過我地，中途仲有個女人行埋去問個經理有無位，個女人都入先過我地，入到去已經企到腳軟，不過公道d講句食物都唔錯，尤其牛肉質素不錯，丸亦好好味，唯獨雪糕唔太ok。今次之後我都唔會去呢間餐廳住，如果佢安排改善好的話，或者會去下。。。

估不到第一篇的食評食負評。（可惜）今天跟我先生看完戲，見新開張就想試下。不過也是噩夢的開始。首先，等入位，前台職員其實見到我先生係度等，我先生差不多等左2-3分鐘，但個男職員只顧處理自己的工作，卻沒有理會我們⋯跟住有個女職員見到我們就安排了座位。我們叫了60min 的午餐，蕃茄湯底。老公出去自助位看有咩食物，我就等他（因為我已經有9個月的Bb 同埋剛剛肚子有少許痛），等了大約5-10分鐘，湯底仍未上台，跟住我們正想問職員時發現疑似係我們的湯及肉擺左係對面台。跟住我老公向職員確認是咩回事，原來他們係入錯台no. 所以攪錯左，跟住我老公話可唔可以幫手將個湯同肉擺落我們個位度，個職員居然系要我們坐返過去，我老公就認唔住跟他講咁做唔合情理，個男職員雖然最後有做到，但他就不斷強調'唔關我事，唔係我問題.......'其實我聽完真係好氣結，出錯點解仲唔認還要一套事不關己的態度。當時我完全無mood 想食囉.....咁講返食物質素，其實唔係好差的，湯底同食物都配合得唔錯，配菜的選擇都不少。如果係為左食的其實都ok的。不過一再強調，一間好食店除了有好的食物外，合理的顧客服務態度也是不可缺少。希望餐廳可

我打電話訂檯時候個人既態度已經好差！我在預定時間到達，佢竟然番咬話我book既唔係個個時間，一再推遲我入座時間，仲好有道理咁話我錯，佢先岩哄埋黎想兇我咁！都費事同佢理論⋯好啦到入座食野，啲湯底有色無味、牛肉食到豬肉味、野食款式好少，食緊都係菜阿丸啊⋯⋯到1.5小時就準時趕人收檯想講好多都未食完！好趕！！！⚠️仲有啲雪糕係我食過最難食的好失望。

今年無在家冬至團年呀!改到開了不久的THE ONE牛気。地點方便，放工半小時便可火速開餐。7pm 過來只有1/3 客人呢!點了:牛小排+海鮮 (90分鐘任食)$308/每位昆布辛囗地獄湯及蕃茄湯。order 時說了昆布辛囗地獄湯只需小辣。先來肥美大件的三文魚生。推介它家的配料，都質素很高!牛小排味濃又嫩。加入小辣的昆布湯底，給它更多層次的肥美、滿足感。豬跟雞也是嫩口、美味。海鮮也沒有欺場，都是大size 及新鮮的。彈口大蝦，超大size 螺肉，yummy yummy。其他任食配料，也令我花多眼亂。芝士丸及黑色墨丸也很讚。中間濃厚流心，不是一般的好味，encore 了!要讚買手的用心，都挑了高質素的。飲品會推介樂天的蘆薈汁，感覺清熱呢!大家也不要忙了打咭，拿Movenpick雪糕確實很不錯的一間任食火鍋。

難得可以平日休息，約了很久沒見的老友敍舊，約了在尖沙嘴區午膳；方便她之後上班。她推介到這裡午餐，還未待我回應便叫我放心，因那裡也有牛以外的選擇呢。這裏的午餐有豚肉及海鮮套餐供應，雖然只限時60分鐘，但以午餐來說是足夠的了。我們叫了「北海道昆布湯」做湯底，味道清清甜甜，襯海鮮就最適合不過了。A. 特級美國豚腩肉（$78）～豚腩肉簿薄的，只要輕輕一燙便可，脂肪不多，可幸仍帶嫩滑，醮上麻醬就更加美味了。E. 海鮮套餐（$128）（大海蝦、青口、帆立貝、廣島蠔和日本魷魚）全部俱是意想不到的新鮮，大大隻的海蝦，鮮甜彈牙；青口雖然小巧，但海水味濃；碩大豐滿的廣島蠔鮮度十足。自取食物款式多樣而吸引，有冬菇蟹肉素翅、紫米露、蘿蔔蓉、中華沙律、芝麻八爪魚和壽司。沙律菜選擇也不少，有車厘番、粟米粒、青瓜、菠蘿等。可配意式香草油醋汁或凱撒沙律汁各種火鍋調味料：七味粉、辣椒、炸蒜、豉油、麻醬、辣蘿蔔蓉。豐富多樣的菜蔬：油麥菜、娃娃菜、京蔥、唐生菜、銀芽、南瓜、翠肉瓜、蓮藕、秀珍菇、番茄、豆腐、冬瓜片、芋頭和金菇等。鱈場蟹腳棒、芝士腸、鳴門卷、黑墨魚丸、粟米、粟米心...等等。拉麵、公仔麵、手打烏冬、芋絲、綠茶

這家涮涮鍋「牛氣」在旺角雅蘭中心的店已光顧過，知道其質素屬中上水平，近日知道在尖沙咀開了新店，便順道到訪。新店故然新簇，整體環境光猛闊落，從外面看已知店子頗長，被安排坐在近門口的四人枱，絕對方便出去取食物及飲品。先說說價錢，有一種「午市精選套餐60分鐘放題」（$88-$188），指定肉類或海鮮（約100g）加自助放題，划算極，可是有星期一至五（公眾假除外）才供應。另一種「午市90分鐘放題優惠」（$128-$288）則以全放題形式，套餐內所有肉類或海鮮無限量任點任吃，唯一限制就是全桌客人也需要選擇同一級別套餐。經表決，投下「美國極上牛小排」套餐一票。既然是放題，飲品也是無限量供應，多款汽水、熱茶任君選，吃涮涮鍋可能有點燥，選上冰糖雪梨潤潤吧。除了醬料，湯底亦是吃涮涮鍋的重點，7款湯底都甚具特色，北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，亦可以選鴛鴦湯底的，北海道昆布拼博多豬骨湯是我們的心水之選。雖然不是吃到最貴的和牛，但這極上美國牛小排已非常好吃，單看色澤、紋理已知很對辦，放在昆布湯中輕灼數秒，入口不單口應嫩滑，肉味香濃而帶少許油脂，

繼前兩星期行完薄扶林水塘家樂徑，今次再同老友入粉嶺行流水響郊遊徑，天清氣爽，行山真喺好正、好舒服。友人揸車，直達起點，減少交通、轉車時間，麻煩晒！所以，午餐就出返尖沙咀食，而依幾日天氣凍咗，真正有番啲冬天嘅感覺，故一於食番鋪涮涮鍋。選址The One嘅牛氣，一來食過有信心啲，二來商場有兩個鐘免費泊車。餐廳鋪位幾長幾深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。午市有多種套餐選擇，「午市精選套餐60分鐘放題」就最抵食，由$88到$188，指定肉類或海鮮（約100克），再加配菜、飲品、甜點自助放題，唔喺食肉獸嘅就啱晒，不過只限星期一至五（公眾假除外）。星期六、日、公眾假嚟到，就可以揀「午市90分鐘放題優惠」，由$128-$288共5款價位選擇，質素就一分錢一分貨啦，餐內全部肉類或海鮮無限制添加任食，其他配菜、飲品、甜點自助放題照有，唯一注意同枱所有人要點同一價位套餐。先睇睇有咩湯底，分別有7款，北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到極，結

踏入秋冬天, 我就鍾意去食涮涮鍋, 給我一種暖笠笠的感覺, 早前趁天氣稍涼一點, 便去了位於尖沙咀的牛氣食放題. 踏入秋冬季節, 我就最鍾意去食火鍋, 早前便去了位於尖沙咀的牛氣食日式涮涮鍋. 這裡是任食放題, 時間為九十分鐘. 一共有五款不同的牛可以選擇, 價錢由$178至$378. 而有八款湯底選擇, 當中有兩款要另加錢$10. 最後, 我地選了極上美國牛小排與海鮮, 這個是$288, 而湯底就選了期間限定的山葵湯底, 從未試過, 所以加了$28試下. 店員會在客人面前磨新鮮的山葵, 磨的時候已聞到好香, 然後加入湯裡. 期間有需要再加山葵, 可以同店員講. 極上美國牛小排與海鮮套餐包括挪威三文魚刺身, 極上美國牛小排, 極上美國牛肩肉, 特級美國豚腩肉, 精選巴西雞腿肉, 大海蝦, 紐西蘭青口, 日本魷魚, 加拿大翡翠螺. 挪威三文魚刺身夠厚身, 又肥美, 友人話夠新鮮, 口感佳. 由於我唔食生嘢, 所以主攻我最愛的牛肉. 極上美國牛小排色澤好靚, 脂肪分怖平均, 切得又夠薄身. 由於我要食全熟, 滾的時間較長, 但肉質仍然保持腍身, 完全不覺得硬和乾身, 牛

日式shabu shabu是我最愛！通常在這裡都可以一次過滿足我吃牛的願望！The One牛氣新店裝修靚，卡座位置闊坐得很舒適，價錢不變當然要試一試新店！ 先講牛肉！基本套餐有極上牛肩肉 $179一位，想食好一點，不妨試一下美國牛小排套餐$248，今天我們就點了這個，因為我朋友說，加錢高一級是最抵最後味。不騙你，我平時未必捨得，不過加了錢後就覺得真的好好味，絕對沒有後悔～ 牛肉只須在湯中拖三四下，即熟，入口超嫩滑，牛瘦適中（太瘦其實口感不好的）最近吃過的火窩或放題中的shabu shabu，完全給牛氣比下去！四人吃了六盤，我覺得戰績一般啦（因為其中一位朋友突然說要減磅…減低了整體的戰鬥力）湯頭要了辣味噌，辣勁是入門程度，不吃辣的朋友都應付得到的。不得不提，追加牛肉基本上服務員已經很醒目，會到清空了碟自動拿給你同品質的牛肉，絕對沒有其他日式shabu shabu「愈吃愈差」的騙案。 而牛小排餐還包豚肉和雞肉，說實話，在這個情景我只想到牛肉牛肉牛肉和牛肉，不過我覺得薄切的豚肉一樣好好味，也忍不住encore了一回～ 醬汁bar乾淨又齊全！要讚一下蒜粒和生蔥特別新鮮！胡麻醬沾牛肉亦

天氣轉冷又是吃火鍋的好季節，今次來到尖沙咀The one牛気，因為喜歡這間餐廳座位夠闊夠寬敞，坐得舒服得放鬆享受火鍋。 預先訂了位，不用等可以即時入座，菜單、餐具都準備在座位上，入座後可選湯底及套餐。個人覺得極上美國牛小排+海鮮放題套餐最抵食，價錢只需$288，牛小排質素已經非常高! 點餐後先到自助食物區看看有什麼食材可取。有各式前菜。 醬料選擇也很多，日式醬油、酸汁、蔥花、麻醬、辣椒、蒜蓉等都有。 丸類、蔬菜、菇菌及麵食等，看上去新鮮又多選擇。 另外更有炒飯、日式咖喱等。 和果子及超好味芒果糯米飯。 各式汽水及甜品任飲任食。 開始上菜，先有三文魚剌身，厚切三文魚好肥美，油香濃郁沒有雪味。 牛肉上枱，單看賣相已好吸引! 我選了壽喜燒甜醬油湯底，甜甜的配肥牛特別惹味。 極上美國牛小排 ，肉質有彈性，牛肉味好香濃而且肉味鮮嫩，稍微灼幾秒就可以吃了，跟正宗壽喜燒一樣，沾雞蛋一起吃，可以增加味道層次。 另一碟極上澳洲和牛牛肩肉，雪花分佈細緻，牛味更香濃到無話可說，肉質又腍又滑，畢竟是和牛肉表現總不會差。 雖然特級美國豚腩肉及精選巴西雞腿肉只是配角，不過選的品質卻完全不遜色，特別是豚腩肉切