盈圖

营业中

休息中

今日同我嘅仔去盈圖用餐，用餐嘅體驗非常满意。餐廳嘅環境好舒服，裝潢真係好靚。佢地嘅天花板用咗優雅嘅中式花紋，搭配柔和嘅燈光，好時尚但又唔失港味。服務生都招呼到好周到，舉下手好快就嚟服務我哋。我哋點咗呢幾道招牌菜，味道都好好。我個仔要求我叫嘅黑金流沙包。流沙包嘅外皮好鬆軟，裡邊嘅流沙餡料好多，食左會漏出來，所以需要小心食，唔好被燙到嘴皮。裡邊嘅流沙餡味道好濃，但唔會太甜，鹹甜鹹甜咁，個包嘅表皮有個「盈」字，有款！跟住就係呢個西蘭花炒帶子,呢道菜色好鮮豔，带子嘅鮮带出西蘭花嘅甜，令平時唔食菜嘅仔仔都食呢道菜。平常好少點呢個潮州蒸粉果，但係今日想食就點左黎食。佢嘅皮薄餡多，口感好好滑，皮蒸得啱啱好，晶瑩剔透。我仲叫左金湯小籠包，小籠包裡邊有好多湯汁，我仲教仔仔先吸佢嘅汁然後先至食，每一口都食到好满足。健康紅米脆網腸我系第一次食，好特别，紅色嘅外皮好Q彈，裡邊餡嘅味道系唔錯嘅。而豉油王焗海蝦嘅虾肉好大隻，好鮮甜，調味到啱啱好，正！

今日同屋企人嚟到呢間一直都回訪嘅酒樓食點心☺ 餐廳裝潢好簡約大氣，圓檯啱晒一大班人嚟 呢度聚會飲茶 無論係食物定服務、價錢、環境都唔錯👍🏻超級推介👇🏻呢度嘅盈圖蝦餃皇，水晶嘅外皮入面包住大大粒蝦仁，精緻嘅外表令人忍唔住想一啖食晒佢🤤蝦 餃皮又薄又煙韌，再配埋優質又鮮美嘅蝦仁做餡，鮮味多汁! 佢哋嘅黑金流沙包有着獨特嘅黑色外表睇落就好特別~咬開個包入面金黃色嘅流沙慢慢流出嚟 ，帶住鹹蛋黃嘅鹹同微微甜味，好好味👍🏻仲有原隻鮮蝦腸，蒸得晶瑩剔透嘅腸粉皮，入口滑溜溜嘅🤤入面嘅蝦仁超級大粒，鮮嫩又彈牙!! 呢個好得意嘅雞仔鹹水角，小雞仔造型超得意😍食落甜中帶少少鹹，外皮金黃酥脆，內層軟糯糯 嘅🤤佢哋嘅金湯小籠包，薄嫩嘅麵皮，包住肉汁飽滿嘅豬肉餡，一啖咬落去肉汁喺口入面爆發💥喺度 提提各位唔好心急，唔係就會好似我咁燙親條脷😂

之前同另一半嚟食過粵菜同點心～就深深愛上咗～呢間餐廳嘅美食有好多選擇～我哋都食得好滿意好開心～決定一定要再嚟食過😆😆.💛欖菜肉碎蛋白炒飯💛成碗炒飯香氣撲鼻～金黃色嘅色澤～炒飯粒粒分明嘅口感～欖菜同肉碎細膩嘅咬感～味道鹹鮮🙆🏻‍♀️但係都遮唔住蛋炒飯嘅蛋香～以及蔥花甜美新鮮嘅滋味～無論賣相定味道都一流👏🏻👏🏻.💚西蘭花炒帶子💚一道賣相靚～味道好～又營養豐富嘅菜😃帶子外香內軟～西蘭花口感柔軟～鮮甜可口！加分🫶🏻.🤎酥炸生蠔🤎粒粒肥美嘅酥炸生蠔～金黃色嘅外皮～食落特別香脆～外焦裡嫩～生蠔新鮮美味～齒頰留香！！.💛豉油王焗海蝦🧡濃郁嘅豉油滲透到海蝦入面🦐味道香濃～鮮鹹可口～海蝦肉質彈性好～味道鮮嫩爽口！又唔會太鹹～非常美味🤤🤤

今日同屋企人一齊嚟到盈圖食晏，感受到濃濃嘅港式風情。入嚟就被蒸籠入面冒出嚟嘅熱氣同香味吸引，令人胃口大開。叫咗幾樣經典嘅港式點心，第一樣係一口鮑魚燒賣。外層嘅薄皮透住淡淡嘅黃色，咬落去嗰陣口感細膩緊實，鮑魚嘅鮮嫩同豬肉嘅多汁，交織出一幅色香味俱全嘅美食。雞仔鹹水角，外表金黃酥脆。啱啱由廚房出爐，拿起一個，仲可以感受到佢系热嘅。輕輕咬落去，酥脆嘅外皮，但並唔係乾硬，而且好可愛❤️夠薑雞包仔，好特別，柔軟嘅麵皮包裹住多汁嘅雞肉餡，雞肉經過細心烹製，好多汁，薑嘅辛香味唔會太過刺激。最後嘅古法馬拉糕，蓬鬆細緻嘅糕體可以聞到淡淡嘅蛋香味，甜度適中，唔會滯喺口，反而令人一直想食。系呢都用餐,可以感受到濃濃嘅人情味。服務員好親切，好好笑容,可以見到周圍嘅食客滿足嘅表情,大家一定食到好滿意。

有個同事就要轉工啦，我哋打算一齊去食個午餐。啱啱記起附近呢度嘅點心唔錯，就約咗佢一齊去食，farewell佢。呢度嘅環境睇落好高級，俾人有一種WOW嘅感覺。我哋點嘅幾道菜味道都非常唔錯。呢度嘅炒帶子竟然放咗西蘭花！我完全冇諗到喺呢度會食到呢道家庭菜。 帶子嘅肉質緊致又鮮美，配上清脆嘅西蘭花🥦，口感非常豐富👍廚師把呢道菜炒得特別香，真系好食！！仲有我每次食中菜都必點嘅百花釀魚肚！百花非常彈口，與滑嫩嘅魚肚有著明顯嘅對比，整體嘅口感同味道好特别，加上百花同魚肚非常鮮甜，令我哋食到好满足🤤呢度嘅腐皮卷除咗蝦仔仲放咗我最愛嘅芝士！腐皮帶住豆香，包住彈牙嘅蝦仔🦐，配上咸香嘅芝士，喺口中發出咗清脆嘅聲音， 味道同口感簡直係完美😍 而且呢度嘅蝦仔特別大只，同我喺其他餐廳食嘅完全唔同，非常抵食！！仲有呢度嘅小籠包必點！！包子滿滿嘅湯汁喺口中流出，非常鮮甜，仲特別香，包皮唔會太厚，整體嘅口感令人滿意👍而且內餡仲特別足，每一口都可以食到肉料，非常爽！我同同事都食得好開心，下次會再嚟食更多美食！

一直想去呢間餐廳飲茶😉今日終於同男朋友一齊放假，可以去食午餐🥰呢度嘅環境座位寬敞☺️坐得非常舒服👍服務員會同我哋介紹呢度嘅熱銷菜品比我地參考🫢呢度嘅生蠔全部大大粒仲炸得特別香脆😍蠔肉飽滿鮮美，味道好鮮甜🤩嚟得呢度梗係要食，我最鍾意嘅鴨鴨咸水角😍無論係外表定係味道都非常特別😍廚師真係整咗雞仔嘅樣😍非常可愛🥰炸到外皮特別脆內部餡料都幾多👍整體嘅口感非常豐富另外男友每次食點心都必點嘅蝦餃😍外皮晶瑩剔透又唔會太厚☺️配埋彈牙嘅蝦仔真係非常正！男友食到停唔落嚟👍我哋仲點咗鮑魚燒賣🤗一粒一口🤣鮑魚彈牙嘅口感同燒賣都幾夾😉我同男友都食得特別開心，仲打算聽日再嚟食午餐添😂

上個星期，決定帶我老婆去食點心。結婚前，我哋成日都會一齊去食點心享受，飲下茶，傾下計咁。因為我哋都好鍾意食點心，但係結婚後，各自都喺為家庭忙裡忙外，好少一齊出嚟放鬆食點心。啱啱好畀我識到呢間點心店，就帶我老婆嚟呢度食點心。我哋點咗一道飯，入面有我老婆鍾意嘅鳳爪同我鍾意嘅排骨。鳳爪好嫩滑，排骨都好鮮美，呢兩道多汁嘅食材配上香甜嘅飯，好好食！佢哋嘅蝦腸好嫩滑，睇落好有食慾。外皮粘牙，入面嘅蝦Q彈，一口咬落去，口感豐富，好正！後來我老婆仲點咗芝士嘅蝦皮卷。外脆內嫩，加上芝士嘅味道，食唔膩。佢哋嘅蝦料理都好唔錯，每一樣都好美味。包滿滿嘅蒸粉果都幾唔錯。入口柔軟細膩，外皮唔會太硬，入面嘅餡料放得滿滿嘅，鮮嫩多汁。最後一道就係有住好可愛造型嘅鹹水角，佢係雞仔嘅形狀。外酥內嫩，好美味。影相打卡都好好睇。全部都好唔錯，好鍾意呢度嘅點心，下次再嚟。

同事喺公司附近搵到咗一間粵菜酒樓，佢話裝潢確實唔錯，想搵一日午飯時間同我一齊過去食午餐，試下嗰邊嘅點心好唔好食。然後我哋就安排咗一個下午過去海富商場食午餐。我哋叫咗幾樣比較經典嘅點心，然後我仲叫咗一碗雞飯嚟試下，入面有北菇作為配菜，然後主角雞肉真係非常滑，好入味，每一啖都可以嘗到佢哋嘅調配香味。馬拉糕亦都非常香甜，但係唔會過甜，非常適中，口感好軟好棉，做得非常好食。然後就係蝦餃，每一粒都非常大，份量好足，外皮好薄，亦都唔會影響蝦餃嘅口感，蝦肉非常之正。水角嘅造型好得意，然後好脆，外皮仲有油香，食咗一啖就停唔落嚟。入面嘅餡料亦都非常好食，好香，好特別，外皮好脆，然後入面好軟，非常享受咬嘅過程。我哋食得好飽，精神充沛，又有力繼續返公司工作！

同女朋友嘅屋企人一齊嚟食晚飯，我哋叫咗一枱菜，每一道都幾好食。成餐飯食得好開心，大家邊食邊傾偈，氣氛好熱鬧。女朋友嘅屋企人個個都好好，對我亦都好熱情，食飯嗰陣成日都讚呢間舖頭啲菜好食，令我覺得揀呢間舖頭真係揀啱晒。冰鎮咕嚕肉，淨係望住都已經流晒口水。啲肉片外面裹住一層脆卜卜嘅麵衣，一啖咬落去，酸酸甜甜嘅醬汁喺個口度爆開，啲肉質又好嫩，食落好過癮。跟住上嘅係脆皮吊燒雞，啲雞皮燒到金黃色，望落好吸引。啲雞肉好嫩，仲帶少少煙燻味，點埋間舖頭自己整嘅蘸料，味道更加正。老壇酸菜魚都幾驚喜，啲酸菜同魚肉簡直係絕配，個湯底好濃，飲落好醒胃。啲魚肉又好嫩，基本上入口即溶，食落好過癮。西蘭花炒帶子係一道比較清淡嘅菜，啲西蘭花好新鮮，啲帶子又好彈牙，兩樣嘢炒埋一齊，味道好鮮甜，食落好健康。香芒炒蝦球望落就已經好有夏日嘅感覺，啲鮮甜嘅蝦球同香甜嘅芒果放埋一齊，味道好獨特，每一啖都食到蝦球嘅鮮嫩同芒果嘅多汁。招牌燒鵝真係名不虛傳，啲鵝皮燒得好脆，啲鵝肉好嫩，仲帶少少香料味，點埋佢哋店入面嘅蘸料，簡直係完美。

個日lunch time，我帶我嘅老媽子同埋老豆去咗盈圖食飯，抽D時間陪下老人家。呢間餐廳在我公司附近，但我沒食過，所以我都係第一次食。老媽子就點咗一籠黑金流沙包同埋一口鮑魚燒賣，嘅流沙包嘅餡料好多好香，而且唔會蒸到嘅包濕濕咁，嘅皮仲系軟鬆鬆嘅。至於佢地嘅一口鮑魚燒賣就非常之得意，燒賣口感很紮實，搭配鮮嫩的鮑魚，整個食落黎真系好滿意，好抵。我地仲叫左家鄉炒米粉，米粉炒得夠入味，料卑都好足，有蝦子有透抽，份量都好大份，調味調得都好好，唔會好咸。我仲叫左夠薑雞包仔啦，盈圖蝦餃皇啦同埋潮州蒸粉果。夠薑雞包仔嘅薑味好濃，佢嘅雞肉好嫩滑，味道超足，食左整身好暖。盈圖蝦餃皇裡邊嘅內餡真系有一大粒蝦，外皮薄薄嘅，食落口感好好。潮州蒸粉果嘅皮蒸得啱啱好，餡好多，食都覺得好抵。我老豆見呢個雞仔鹹水角幾特別就點咗黎試，D餡料好豐富，鹹甜嗆內陷搭配脆糯嘅外皮，真系太好食又cute。最後就系佢地嘅古法馬拉糕，整個好蓬鬆鬆軟，唔會好乾，甜味啱啱好，我老媽好喜歡食。整體嚟講，第一次黎到盈圖唔失望，佢地嘅菜色好掂，最重要我兩個老人家食到開心，非常值得推薦！🙌🏻

盈圖嘅點心唔單止好味，分量仲好足，價錢仲要親民實惠。呢餐午飯，我哋一家人都食得好滿足，個個都笑逐顏開。⭐黑金流沙包⭐外表烏黑發亮，散發住淡淡嘅蛋香味。輕輕咬啖，薄薄嘅麵皮即刻破裂，香濃嘅蛋黃流沙慢慢流出嚟，甜而唔膩，口感好滑順。⭐蝦餃皇⭐晶瑩剔透嘅蝦餃皮好薄,隱約可見內裡飽滿嘅蝦仁。一口咬下,鮮嫩嘅蝦肉系口中爆開,可以食到蝦膏嘅濃郁鮮味,口感好彈牙,而且蝦餃嘅份量十足,一籠四隻,絕對超值。⭐黑毛豬叉燒包⭐雪白嘅饅頭皮好蓬鬆柔軟，頂部嘅裂紋可以隱約見到裡邊嘅餡，飽滿豐盈。撕開饅頭，濃郁嘅叉燒香味撲鼻而嚟。入口時，饅頭嘅軟糯同叉燒嘅嫩滑混合埋叉燒嘅醬汁香甜適中，完美咁融合咗肉質嘅鮮美。⭐百花釀魚肚⭐個魚肚飽含住鮮美嘅魚湯，一啖咬落去，可以食到魚肚嘅嫩滑。百花釀嘅餡料鮮美多汁，完美咁襯托出魚肚嘅鮮甜。呢道點心唔單止味道好，賣相都非常誘人，係一道好精緻嘅一道菜。

尋日係我屋企嘅女王生日，我同細佬就帶佢嚟呢度食飯。不得不講，我哋第一次嚟呢度食晚飯，味道真係冇令我哋失望！平時我哋都係食廣式點心，今次終於趁住媽媽生日試到更多嘢食～我哋點咗招牌燒鵝皇一隻，呢道真係性價比超高，鵝肉質地好嫩，外皮又香脆，蘸埋盈圖獨特醬料更加食到豐富嘅味道。欖菜肉碎蛋白炒飯係專門點俾我細佬嘅，佢超鍾意食飯，對呢道炒飯亦都讚唔絕口，炒飯粒粒分明，充滿香鍋氣，睇落普通但係好經典嘅必食菜，份量三個人share啱啱好。🥰 老壇酸菜魚亦都係必點嘅招牌菜之一，湯底超濃郁，無論係飲定係淋喺炒飯度一齊食，都充滿多層次嘅豐富口感，主要每片魚肉都細膩Q彈，吸收咗湯汁之後帶有微酸甜，好爽口開胃。仲有西蘭花炒帶子，老闆真係好大方，帶子都係好大粒㗎！清甜嘅西蘭花完美咁中和咗我哋嘅味蕾，令到成個晚餐食起嚟豐富但唔覺得膩。⭐ 最後就係酥炸生蠔啦！生蠔食得多，但係第一次食炸嘅，口感真係唔錯，蘸埋特調醬料更加好食！🤤呢餐生日飯令媽媽食得好開心，味道一流，絕對值得推薦！加分~💯

最近，我嘅好姐妹推介咗一間位於大角咀嘅點心餐廳——【盈圖】。前幾日佢帶我去嗰度食lunch，餐廳嘅環境好舒適，令人覺得放鬆😌今次佢特登幫我點咗幾樣佢覺得必食嘅點心，每樣都好有特色。首先係家鄉炒米粉，呢道家常炒米粉調味簡單，口感清爽，帶住淡淡嘅蛋香味，夹住其他配料食，真系好似婆婆會煮卑我地食嘅炒粉。跟住係鳳爪排骨飯，飯經過簡單調味，鳳爪同排骨都腌製過，味道保留得幾好，肉質軟嫩，食起嚟幾滿足。然後係金湯小籠包，呢道點心嘅湯汁好鮮美，輕輕咬落去嘅一瞬間，湯汁流出嚟，口感唔錯。最後係黑毛豬叉燒包，呢款叉燒包用黑毛豬肉做餡，肉質唔錯，包嘅皮鬆軟，同餡料嘅配搭啱啱好👍好姐妹推介嘅呢間餐廳真係唔錯。環境好，食物亦都幾啱我口味，下次一定要帶屋企人一齊去試下🤤🤤

呢間茶樓嘅每一款食物都有住自己獨特嘅魅力，唔單止味道上乘，更加重要嘅係佢哋嘅環境畀人嘅感覺。噉樣嘅飲茶時光，值得慢慢噉去細味，亦值得一次又一次去回味。酥炸生蠔-金黃酥脆嘅外皮，輕輕咬啖，酥脆嘅外殼發出清脆嘅聲響，而生蠔肉質鮮嫩，帶住一絲鮮甜。唔單止口感豐富，更加展現咗廚師嘅精湛技藝。紫薯流心球有着紫色嘅外皮十分吸引眼球。咬落去嗰一刻，軟糯嘅紫薯球瞬間喺口中化開。而當你咬到中間果陣，香甜嘅流心慢慢流出，香香甜甜。金湯小籠包擺盤整齊，一個個小巧玲瓏，拎起一個小籠包就可以感受到豐富嘅內餡。輕輕咬開薄薄嘅麵皮，熱騰騰嘅湯汁即刻流出，湯汁鮮美濃郁。潮州蒸粉果，晶瑩剔透嘅外表，一口就可以品嚐到軟糯嘅口感。粉果嘅味道清淡而不失香甜，再蘸上一點醬油，更加突出。

周末帶咗老豆老媽子出嚟食午餐，我媽建議去大角咀之前同佢好姐妹一齊食早茶嘅中菜館，老母非常推薦我，所以就應承佢帶佢哋過去嗰度食午餐。嚟到呢度先知道菜館叫【盈圖】，裝修都幾華麗，難怪阿媽會鍾意呢度，佢老人家平時就係鍾意一啲好豪華嘅體驗。攞咗餐單，我就畀老豆老母叫佢哋鍾意食嘅嘢，隨便叫，反正我請客。先上咗鮑魚燒賣，係非常奢華嘅燒賣，鮑魚好大隻，而且睇落非常鮮美，透住汁水，然後每一口都好彈，非常享受咬燒賣嘅每一刻。然後就係薑雞包同流沙包，包入面嘅雞肉餡料好飽滿，然後薑味十足，帶一啲咸香，再搭配比較甜嘅流沙包，簡直食一流，絕配！流沙包嘅內陷，好香，好滑，睇住老豆老母食嘅時候就已經流口水。仲有我個人超級鍾意嘅魚肚，肉質真係好嫩，魚肉入口即化，都唔需要點咬，然後鮮味好足，非常清香。食完呢餐，我都覺得呢間菜館真係唔錯，睇佢哋仲有其他睇落好好食嘅菜色，下次一定會再嚟品嘗！！