福川鐵板燒日本料理 (已結業)

日式料理在香港非常受歡迎，而以法日式的鐵板燒為數卻很少，不過最近知道有間新開的日式料理，卻以法日式鐵板燒和廚師發板為主打，今晚便來到了。這間店位於灣仔商業區的地舖，這個是比較罕見的，因為地舖租金昂貴。不過看過價目表，價錢和樓上舖所差不多。店內樓底很高，既有兩張鐵板燒，更有十位享用的壽司吧，令人感覺如置身日本一樣。前菜：南瓜凍湯，口感軟滑，南瓜味道十足。海膽啫喱，包藏在啫喱內的海膽，沒有被啫喱搶去其鮮味，反而令到海膽濃淡皆宜。水晶南高梅鯊魚骨，鯊魚骨爽口香脆，南高梅酸酸甜甜，作為前菜，就合適不過。刺身：深海池魚、赤貝、拖羅。深海池魚，清爽鮮甜。赤貝爽口彈牙，配上日本芥末，味道更皆。拖羅油脂豐富，甘香清甜。金鯛以炸煮的方式，令到魚鱗變成香脆，再配上甘荀魚汁，令到其味層次更加豐富，確實是別出心裁的做法。昆布檸檬鹽焗鮑魚昆布是日本菜主要烹調的配料，廚師先用冬瓜鋪底，再以蟹肉和昆布煮成汁，而鮑魚以鹽焗方法焗熟。昆布和冬瓜，一清一淡，帶出鹽焗鮑魚的不同層次，這個做法創新又有驚喜，實在要讚一讚廚師的心思。醬汁白酒蛋黃醋虎蝦，虎蝦的蝦味突出，爽口又鮮甜，點些蛋黃醋，便造成一鮮一濃的對比。雪梨雪葩，味道

最近成日都經開灣仔，有次夜晚經過突然間俾佢嘅招牌吸引咗😳漆黑中螢火蟲咁，福川就咁將佢記著😊今晚終於就可以試下佢😋雖然呢度叫鐵板燒日本料理，但原來呢度分開咗兩個area： 鐵板燒&日式omakase，最後我地去食omakase ，比較少食😚😚呢度服務非常好，好似知道曬你想點，喺你想叫佢之前，佢已經做好了😆服務貼身之餘，但又唔覺得俾人望住，個距離感幾好😌前菜三小碟 - 水雲醋漬物 胡麻豆腐 南瓜凍湯個漬物酸酸地，又夠滑，做前菜開胃都好適合，胡麻豆腐顧名思義啦，就係有胡麻味，食起上嚟都幾amazing 唔知係點做到，而個豆腐質感比較堅挺，都方便夾上嚟食😙個南瓜凍湯真係好有南瓜味，而且啲南瓜蓉已經好完美融為一體，我就算對南瓜有保留，都好快飲哂一碗😉芝麻鯛刺身刺身上面師傅落咗檸檬汁，所以都唔駛點其他野，而個酸味同個魚味好夾，提升咗唔少魚味😉拖羅他他首先將魚蓉同柚子醬撈勻佢，然後再搽上去同多士一齊食，個吞拿魚味濃，配埋脆脆既多士一齊食，兩者比衡得好好~煙薰帶子呢個係好有西日fusion感覺，用黃椒醬做base，之後個面蕃茄沙沙，再將佢煙薰💨煙薰味突出，帶子再加黃椒醬，味道好新奇，又有甜又帶少少辛味

我喺香港都食過幾次Omakase，但今次食嘅都算係最有特色嘅一次！呢餐計埋水果有成十八款食物，$1288呢個價錢算係好抵！前菜三點盛：胡麻豆腐口感好滑溜，重芝麻味，食完好開胃！南瓜凍湯：第一次飲冰凍嘅南瓜湯，感覺好新鮮，呢個湯微甜，南瓜味好香濃！之後呢個係芝麻鯛，係鯛魚嘅一種，肉質比較實，師傳加咗少少檸檬酸汁去調味，幾有鮮味！講明係crossover西式嘢，即刻上返個吞拿魚他他，底下個汁係柚子汁！將所有材料撈勻再搽上烘咗嘅多士上面一齊食，口感好豐富！下一個都係日式Omakase較少見嘅菜式，煙燻帶子，一揭開蓋就聞到好大陣嘅煙燻香味！調味係用咗蕃茄沙沙再加啲黃椒醬，食落好有層次！跟住就食咗一個煮物，呢個係餐廳自己整嘅蓮藕饅頭，將日本蓮藕攪碎再變成饅頭咁嘅樣，味道同口感同中式嗰啲完全唔同，師傅唔講我哋都唔知係咩嚟~~之後就上多三款刺身，分別係池魚王、金目鯛同埋真名鏗，三款都各有特色，最鐘意真名鏗，即係日本倉魚，入口好綿，好濃魚味！食完刺身就食返個熱食，燒鯖魚，睇外型成隻刺猬咁，好搞笑，面嗰啲其實係松子仁嚟，再加咗啲蛋黃醬，應該係餐廳嘅原創菜式，真係好有創意，而且味道仲要好唔錯！之後又上多四

主打日式廚師發辦和西日融合鐵板燒，環境寧靜雅致，還設有兩間獨立廂房，私隱度高。喜歡坐吧台可以近距離觀賞食物製作的過程，令人對美味充滿期待，也可以和師傅交流。一開始的前菜有日本水雲、南瓜凍湯和胡麻豆腐，味道有濃有淡，由淡至濃開始品嚐。日本水雲帶酸味，非常醒胃；胡麻豆腐，味道濃郁；南瓜凍湯，味道香濃滑溜。牛油法包、吞拿魚他他配柚子他他汁法包鬆化酥脆，綿滑的吞拿魚他他鮮香味美，配上酸甜的柚子他他汁，味道清爽。兩者一脆一軟的口感成了強烈對比，層次豐富！秋刀魚配檸檬酸汁正合時節的秋刀魚，新鮮又有魚香，魚味極濃，放進口裡散發濃郁魚油芳香。高山核桃木煙燻帶子有機黃椒醬打開玻璃蓋時，縷縷輕煙徐徐飄出來，同時亦散發著陣陣高山核桃木的煙燻香氣。賣相精美、惹人垂涎，令人賞心悅目。帶子加上金箔點綴，給人一種高貴的感覺。入口外層焦香，內裡鮮嫩，配上有機黃椒醬，味道酸酸辣辣，惹味又醒胃。豚角煮配蘿蔔豚肉入味，味道帶甜，肉質軟腍鬆化，帶有脂香。金目鯛壽司肉質呈粉紅色，入口軟滑爽甜，彈牙有口感，鮮味十足，香氣慢慢從口中滲出，回味無窮。池魚壽司肉質緊實而爽口、魚味濃郁，鮮嫩肥美，甘香細滑。真名鰹壽司配柚子胡椒味道清新，

生活， 就是不同的時、人、事、物相遇並串連在一起。生活需要有個平衡，勿過於側重某個範疇。所以生活，除了忙碌的工作之外，亦要善待自己，不時為自己加加油，打打氣。好友相聚於福川 ~ 幸福川流不息，還是食福如川？ 哈哈進店便有賓至如歸的感覺，店員殷勤招待， 剛坐下來，熱茶、毛巾便陸續送上。 細看店內酒紅色與米色配搭，莊重又柔和，感覺恬淡自然。整個用餐體驗，就是味覺與視覺的享受，像一個美味與藝術的旅程。首先送來貴氣的金色盤子，上面擺放前菜3點，而前菜又細意擺放在形狀、花紋各異的器皿內，很是漂亮。店員細心提示進食次序，先淡後濃。 胡麻豆腐上飾有小黃菊花瓣、紅色迷你蕃茄和深綠色海藻， 美觀又可口。玫瑰色的八爪魚漬頗有嚼勁， 配襯著淺綠與白相間的醒胃小蜜瓜漬 ，放在白底青花邊碗中，出色。風車花紋碟中的吞拿魚漬，味甚香濃， 配搭清新柚子香，不錯哦。接著是猜謎時間，玻璃蓋罩住白濛濛一片，究竟內裡藏了什麼來著？店員把蓋掀起，一股仙氣隨即四散， 呈現出一幅美美的圖畫。 深銀灰色碟子邊緣有一抹金色，碟上有放射線紋，中心點有一團橙，橙色上有白色的帶子，帶子上有點點金箔、紅椒與紫洋蔥粒，伴有2片中心呈網狀的蓮花莖

日式鐵板燒又無油煙又好食，仲要有人燒埋比我食，一向都係我最愛既食物。今次試呢間餐廳位於灣仔駱克道，主要食日式鐵板燒同埋廚師發板，坐位寬闊，我地兩個人擺左成張鐵板燒吧台。今次我地叫左個燒烤套餐，前菜方面，有蘋果醋番茄，同醋整成既啫哩加上爽甜的蕃茄，十分開胃。南瓜豆腐就好濃味，有d似南瓜味既豆花。佢仲有生蠔食，肥美既蠔配上特別醬汁，醒胃回甘。之後再黎既係蘋果木煙薰帶子，佢一打開就有煙出來，不愧為fusion菜，加上墨西哥尖椒醬，將帶子甜味帶出，超級好味。食完前菜就到戲肉，首先上既係北寄貝，佢將北寄貝少少燒過，鎖住鮮味，之後放係熱石春上面，再加上柚子泡沫，酸酸甜甜，令人回味。之後就到燒銀鱈魚，廚師輕輕煎香，去皮後再將皮燒到脆口，加上藏紅花製成既醬汁，引出銀鱈魚既油香，食完一舊想再食一舊。仲有燒巨型大蝦，蝦膏香濃，肉質彈牙，加上用蛋黃整成荷蘭汁，真係好好食。肉類方面佢有燒黑毛豬，切粒後加左d酒，好多肉汁而且入口即溶，仲好食過係日本食既黑毛豬！係炒飯同炒雜菜之前之就食左個梨子雪葩，清甜可口，而且可以消消滯。炒飯炒雜菜都有水準，都係好快就比我食曬。最後仲有日本甜品拼盤，有哈蜜瓜、白桃啫喱同埋蘋果脆

友人介紹我呢間係灣仔新開既日本料理，餐廳分開食鐵板燒同食刺身omakase。呢個月小弟已經食過3間餐廳omakase，間間評價都係中上，唔知呢一間又會係點呢？即刻黎啦！首先講吓師父同侍應都好專業，會講解每一道菜係用咩整，同點食係最好。侍應係用餐期間不時會更換碟同提供濕毛巾，非常貼心！前菜三小碟：水雲漬物/ 胡麻豆腐/凍南瓜湯豆腐好重豆味，口感唔係一咬就散 係好有質感第一次飲凍既南瓜湯，整得非常杰 幾濃味芝麻鯛薄切好清甜新鮮，魚味唔係話好重 但個種魚既餘味一直係個口到！非常好食吞拿魚他他我食開用牛肉整既他他，印象中好似未試過刺身做既他他，唔好睇佢好似細細舊 份量其實都幾多點哂兩件都仲剩呀煙燻帶子+墨西哥尖椒醬呢個煙燻帶子不得了，好好好滑又甜！勁新鮮仲加埋個番茄醬同洋蔥粒！正呀蓮藕饅頭高級版關東煮！饅頭包住咗明太子配上芋頭，蝦，蔥頭，個汁又鮮甜又清新！燒春魚配蛋黃醬賣相精緻得黎又特別，啖啖肉又無骨，好有魚味！配合埋蛋黃醬令到成件事口感更豐富！壽司:金目鯛/赤肉魚/赤貝/真明見/黃油甘/招牌醬油拖羅壽司黎講全部都高質！唔洗點醬油加上唔會腥黃油甘魚！特別想講 非常肥美，口感結實同一般油甘魚唔同

今晚黎到灣仔呢間日本料理餐廳食好野，裝潢走和風x西式路線，同樣餐廳分開兩邊，一邊主要食鐵板燒，另一邊就開放比客人食omakase，而今晚我就選擇了食omakase，店員安排座位後，見到眼前有幾師傅已經準備食材，十分專業！前菜三小碟：蘋果醋蒟蒻/ 冷胡麻豆腐/冷南瓜湯蘋果醋蒟蒻食呢個前菜三小碟都有分次序架！第一道食既呢個冷前菜主要品嚐蘋果醋的味道，酸酸甜甜，開胃！冷胡麻豆腐胡麻豆腐相信也不陌生，必食既日式前菜之一，呢個特色之處在於大豆味很突出。冷南瓜湯冷湯都係第一次品嚐！估唔到凍左既南瓜湯好好飲，完全展現到日式x西式的風格！芝麻鯛薄切呢一道芝麻鯛薄切加入少許秘製芝麻醬汁，香蔥和食用花瓣，提高鯛魚片的鮮味。吞拿魚他他接下來呢道吞拿魚他他絕對係我既心水推介之一！本身我比較怕吞拿魚個種腥味，但係呢一個吞拿魚他他完全無腥味，加入小小洋蔥粒，底層係西式feel既柚子沙律汁，兩者一齊食再配合脆口多士，正！煙燻帶子接下來呢道絕對要相機食先！一揭開蓋，煙飄曬出黎！主角當然係超大粒鮮甜帶子啦，配合埋三衡桃木和底層番茄醬，fushion得黎好睇又特別。蓮藕饅頭煮物出場，呢道類似關東煮feel，好有和風味道。

朋友最鍾意食日本嘢，今日佢生日特登揀咗一間喺佢公司附近嘅日本餐廳幫佢慶生！單睇門面已經非常有氣派， 入到座位寬敞 裝橫嘅好有日本風味。我哋嗌咗個二人套餐原來而家做緊promote 送咗2個海膽杯。北海道海膽嘅面層係羅蓉同三文魚籽，拖羅蓉同三文魚籽都鮮味十足，北海道海膽入口即溶， 最頂層嘅四季紅 大大提升咗味道層次。頭盤分為咗精緻嘅三小碗，有胡麻豆腐、凍南瓜湯同日本嘅水髮菜。胡麻豆腐入口滑溜溜，最得意嘅係胡麻香味似係已 吸收咗喺豆腐入面而唔係只係外表點咗胡麻醬。凍南瓜湯上嘅蕃茄令到南瓜嘅甜味更突出，感覺有啲似甜品， 凍飲嘅感覺好得意。最後係日本嘅小髮菜， 味道清淡嘅有口感， 作為前菜唔錯！煙燻日本帶子帶子係用核桃木煙燻過, 所以食落去有啲煙燻嘅香味， 配料係微辣嘅 Pepper Sauce 同蕃茄莎莎，味道更有層次。日本金目鯛魚配甘筍汁鯛魚係以半蒸半炸去製作，魚皮炸得甘香脆口， 而魚肉即係嫩滑無比，兩者口感對比強列。配菜嘅紫蘇花花瓣都可以食， 可以為菜式吊味，帶出魚肉嘅鮮味！大蜆配柚子泡沫大廚好巧妙咁用想搞成柚子汁攪成為大蜆作調味， 味道新鮮得意，大蜆口感非常爽口，清新好味。鐵板大蝦配荷

經過一季努力，當然要去食吓好嘢平衡一下啦，今次揀咗喺福川既鐵板燒！地方分開廚師發辦和鐵板燒，地方很大坐得亦很舒服！而且新裝修十分新淨！先來前菜十分精美的貝殼盛著水雲漬物，酸酸甜甜很開胃的水雲髮菜。胡麻豆腐，豆味極重！還有南瓜凍湯，湯打得幼滑，南瓜味極香濃！刺身盛特大帆立貝，鮮甜無比，金目鯛，淡淡粉紅色、魚肉鮮甜嫩滑，大拖入口即溶，滿口魚油，好邪惡！半蒸炸金鯛配甘荀魚湯魚肉嫩滑，魚鱗炸至脆卜卜，魚肉口感結實，配上少許胡椒和岩鹽，能吃到魚肉本身的獨有香味！加上紫蘇花和魚湯，鮮上加鮮！鮮北寄貝，用上柚子泡泡代替檸檬汁，非常爽嫩，底下是花生苗，感覺似露筍，十分特別！鐵板大蝦配荷蘭汁酸酸的荷蘭汁，蝦肉爽口彈牙，簡單得來又不失貴氣！中間會來個梨子sorbet，豐富的梨蓉，清解口中味道！熊本頂級和牛，雪花般肉紋，五成熟便可，用上即磨芥辣和岩鹽，味道卻很夾，加上日本青椒仔等配菜一齊食，不會覺得油膩！高菜炒飯，炒得乾身，粒粒分明！大蜆麵鼓湯，大蜆很大隻，湯底味道比較清甜！甜品用上日本赤肉蜜瓜 ，甜度十足，柑果凍非常清甜 ，和朱古力brownie甘香味十分夾！這裏新裝修，抽風亦很好，不會全身油煙味，師傅不

風雨飄搖嘅日子裡，真係要錫自己多啲，食好嘢係好治癒架，今日就揀咗食鐡板燒。店內柔和木系米色裝潢，襯托牆上一幅水墨浪濤，既大氣又有生命力。由於大小鐡板都被預訂了，我哋就坐响壽司吧旁邊嘅卡位，店員勤快送上熱茶同毛巾。揀咗鐡板燒套餐 (松) $1,280前菜、剌身、甘鯛魚、大蝦、時令貝類、和牛薄燒卷、雜錦野菜炒飯、麵豉湯及漬物、甜品。前菜3點，器皿同擺盤都好靚：胡麻豆腐、八爪魚漬配蜜瓜仔漬、吞拿魚漬。店員提示由淡味嘅豆腐開始食，最後先至食吞拿魚漬。豆腐上面放咗海藻同迷你蕃茄仔，豆腐口感軟滑，芝味香濃。八爪魚漬煙韌有咬口，配埋酸甜嘅蜜瓜仔漬 ；好開胃。吞拿魚魚味香濃，配埋清新嘅柚子皮，好夾喎。剌身係蘋果木煙薰帶子上枱時用高身玻璃蓋罩住，望落一片白濛濛咩都睇唔到。一打開蓋，仙氣飄逸，擺盤好靚，橙色係墨西哥尖椒醬。厚切帶子輕炙，再襯上金箔，零舍矜貴。帶子輕爽鮮甜，點埋尖椒醬，更好味。甘鯛魚擺盤同器皿都好靚，甘鯛魚唔係金目鯛呀，係日本馬頭魚嚟架，佢出名味道鮮甜，配埋甘筍汁同紫蘇花，靚到呢..魚鱗炸到脆卜卜，全部都食得落肚，食落啖啖肉又鮮美，加埋清爽嘅甘筍汁好味！大蝦鐵板煎大蝦，蝦頭、身分開，蝦肉鮮甜