美孚。友樂鮨 (已搬遷) 新店位置

最近聽朋友講呢間餐廳嘅日本菜幾好食，於是就同佢一齊去咗食lunch。我哋叫咗一個Lunch嘅omakese同埋壽司定食10貫 share食，唔使$1000有找，抵食！用呢個價錢食到多於一千蚊以上嘅質素， 而且服務態度都好好，值得光顧！Lunch omakeae: 前菜：蓴菜水母、希靈魚魷魚🦑 蓴菜水母好特別，第一次食！沙律🥗胡麻醬刺身三款鰈魚點柚子汁、象拔蚌、大拖羅。三款刺身都好鮮甜。象拔蚌師傅拍左一下，d肉仲會彈下彈下，係新鮮既證明，拖羅嘅魚油香味齒頰留香☺️☺️壽司七貫牡丹蝦配上蝦膏蝦子，蝦既鮮味更特出。另外仲有深海池魚、金木鯛、北寄貝、赤睦、吞拿面頰肉、松葉蟹（上面有啲醋啫喱），有唔同既口感層次。壽司既材料都是新鮮，鮮甜美味的。之後仲有碎蔥拖羅、海膽、三文魚子丼，擺得好精美呀，海膽好正！！！最後仲有咖啡☕️同埋甜品，甜品係我最鍾意食既蕨餅，最棒的！平時出面多數都係食生果或者食雪糕，呢間幾好可以有第二啲種類嘅甜品👏🏻👏🏻壽司🍣定食10貫 同Lunch嘅lunch 一樣都有沙律🥗同埋前菜。壽司分別有鯛魚、金木鯛，甘蝦，深海池魚，帆立貝，銀雪魚、赤身、鰈魚邊、海膽、鰈魚+煮熟咗嘅魚肝。🥰🥰🥰

今次黎咗美孚嘅友樂鮨食餓媽家姐壽司十貫呢間小店環境好清靜，坐得非常舒服同放鬆坐係師傅側邊睇住佢處理食材，食之前已經大飽眼福 前菜有沙律同魚子魚子幾鮮味幾有口感 跟住有茶碗蒸 食每款壽司之前，師傅都會介紹一下所用嘅食材日本真鯛入口即融，有層次，比較甜 鮫鰈魚口感比較爽口，有少許油脂感 甘蝦（唔記咗影相haha）上面有蝦膏同蝦子，隻蝦都ok大金目鯛偏爽口 深海池魚 黑松露帆立貝（又掛住食唔記得影相hahaha）呢款同普通平時食嘅好甜嗰隻比較反而有種清新嘅feel 銀鱈魚有火炙過，味道比較清淡 醋鯖魚上面有昆布，味道酸酸地同清新 蝶魚邊好重嘅油脂香，入口就化咗，我幾鍾意馬糞海膽海膽好鮮甜，大啖大啖食好過癮 最後有個昆布烏冬同甜品（抹茶草餅） 總結：愉快用餐體驗，食材新鮮，原本以為食咁少唔會飽點知都飽hahaha

今日帶男朋友專登入美孚食omakase 😋 我地一個叫左omakase 一個叫左壽司十貫既set lunch 但佢呈現既方式都同omakase 無分別👍而且用料新鮮，只係幾百蚊，性價比極高☺️套餐包括前菜-玉子燒，沙律，茶碗蒸🥰對於鐘意食蛋又肚餓既我簡直無得頂！哈哈😆 第一道係鯛魚刺身薄片配上金箔點綴，有種奢華感覺，點上柚子汁酸酸地好開胃👍 男朋友既就係刺身蝦配上蝦膏，佢話都幾鮮甜。跟住接下黎有好爽甜嘅北寄貝刺身，爽口彈牙，聽講係日日新鮮運到😋 之後刺身仲有大大隻拖羅，肥美到爆🔥壽司開始有帶子，蝦，左口魚等等，仲有一個係拖羅既臉珠仔肉配上七味粉咁既調味，幾特別😬 壽司中最愛松葉蟹肉壽司🍣 足料拆哂所有蟹肉精華👍 講返比較重點深刻既就當然係最後果個海膽拖羅蓉三文魚子手卷，海膽份量好多！而且好甜，我自己覺得點睇一間壽司店既用料新唔新鮮就係睇佢個海膽，一食落口已經覺得好幸福！男朋友都話最正係個海膽。最最最估唔到既係set lunch都有海膽卷架，而且份量一樣咁大方！超正！真係平平地食呢個海膽已經抵返哂🤣 最後，我個餐仲有味增湯同甜點，set lunch就仲有一個到烏冬，所以你只會飽到上心口完全

老公喺美孚開完會，話同我食好嘢，我心諗美孚有好嘢食咩？原來真係有呀！仲要係我最愛之一 OmakaseLunch就食Omakase都係好「豪」，多謝老公！這間的lunch set和lunch omakase性價比超高，每日新鮮食材送到，廚師用最新鮮的食材為你準備，坐係bar枱望住廚師為你準備，特別好食我同老公分別叫咗lunch omakase和10貫sushi set 睇相都唔使多解釋，好新鮮好正，其中我哋最鍾意嘅係海膽，吞拿魚腩，銀雪魚刺身，牡丹蝦，油甘魚… 哈哈 其實每件都好好食。已經好想再食啦～

大鄉里出城之omakase初體驗！入門級嘅我哋搵到呢間係美孚嘅日本餐廳因為見到午市omakase價錢都幾吸引 $550就有得食🤤如果想再抵啲 都可以試下午市壽司定食$298有十件壽司 都係廚師發辦同樣有前菜沙律 仲加埋烏冬 唔驚唔夠飽！omakase首先就有三款前菜 分別有：日式沙律 希靈魚子 唇菜水母 兩款前菜都比較少見 特別係唇菜水母 口感好得意 而且酸酸地幾開胃然後就會有個茶碗蒸 料就無咩嘅 但蛋好滑👍🏻跟住到三款刺身 分別有鮫鰈魚>象拔蚌>中拖羅第一次食鮫鰈魚 幾爽口 配埋油脂醋好特別👍🏻然後就係七款壽司：甘目鯛> 新鮮北寄貝> 深海池魚> 北海道牧丹蝦> 赤鯥> 吞拿臉頰肉 > 松葉蟹肉有好多款都係我第一次食🙈 全部都好新鮮🤤個人top3係 甘目鯛 北海道牧丹蝦 同深海池魚牧丹蝦配埋膏同籽 完全唔會腥！再黎就會有一碗麵豉湯 同一碗小小嘅三色丼三色丼有海膽 三文魚子同碎蔥拖羅大概差唔多係一口份量 好精緻海膽同三文魚子好甜！平時少食因為驚佢腥但呢個真係好好食😭🤩最後 成餐就用抹茶紅豆厥餅作結～甜度岩岩好 好滿足😋——

好友知我喜歡吃日本菜，家住美孚嘅佢，帶我去一間優質的日本餐廳，點了一個午餐壽司十貫，另外就試了廚師發板先來一客爽口彈牙的小龍蝦沙律，碗蒸蛋細滑，內裏材料豐富Omakase 包括三款剌身，分別是左口魚刺身，入口滑溜，雖然比起火炙少了一份魚脂香味，但淡淡的魚香，將味蕾打開了，象拔蚌，爽口新鮮，沒有腥味當師傅放上這片吞拿魚，只看色潭已經知新鮮無比，再看見整片充滿魚油，入口那份鮮味和柔軟真的不得了看着師傅將一件件的壽司用心製作放上碟上，先來一個視覺享受，繼而味覺享受，一看魚生的色澤，已經感覺新鮮美味，淡淡魚香的深海池魚壽司，鮮甜的帶子壽司，蝶魚壽司點上籽子，更添美味，爽口無比的北寄貝壽司，經火炙過的銀雪魚壽司，魚油發揮得淋漓盡致牡丹蝦壽司塗上醬汁和蝦籽一起吃，味道更豐富，金目鯛壽司魚質軟熟，鮮味的赤目壽司，還有比較特別的曹魚蟹肉壽司和這個入口即化充滿魚脂香味的吞拿魚面頰壽司當然少不了海膽壽司和一碗碎蔥吞拿加海膽加三文魚籽丼，好友是海膽迷，見佢將海膽放入口後，露出幸福的笑容，就知道有多新鮮好味烏冬煙韌韌彈牙再拾上濃淡適中的魚湯，清淡舒服最後再來一個充滿日本風格的甜心

朋友知道我好鍾意食日本🇯🇵料理，有高質素嘅日本🇯🇵餐廳都會介紹俾我，佢曾經同我推薦過呢間，呢日喺美孚，就特登去試吓😆叫咗 $550嘅「午餐廚師精選Omakase Lunch」；包好多嘢食😋：- 前菜兩款：有「煮大根」同「佃煮（つくだに）合桃」；「煮大根」湯底極清可以食到白蘿蔔嘅鮮甜原味😋；「佃煮合桃」少少甜少少鹹出奇地開胃好食😋，如果唔知「佃煮」係乜就自己上網查下😆- 是日沙律：有生菜、青瓜、小蕃茄，加咗胡麻醬，簡單好味😋- 刺身3種盛り合わせ：有左口魚薄切、帶子、中拖羅，全部都新鮮好味😋；其中左口魚味道 subtle，食落有甘味慢慢滲出😋；中とろ有足夠油脂極甘香，但又唔會太肥入口即刻溶晒，可以咬幾下，味超正😋- お寿司🍣7貫（師傅話餐廳係用新潟県嘅米，新潟県 係日本🇯🇵其中一個出靚米嘅地方）：1. 金目鯛キンダイ：淺粉紅色，肉質細膩，油份適中😋2. 活北寄貝：肉質爽脆鮮甜😋3. 深海池魚 マアジ ：又叫「真鯵」，最當做係初夏至初秋（即係依家），肉質軟熟味美😋4. 甘海老（甘いえび）：蝦肉新鮮結實，上邊仲加咗淺啡色嘅蝦膏同湖水綠色嘅蝦子，超鮮甜😋，又靚靚🤩5. 銀雪魚：肉質柔軟，又輕又

有消費券的支持，踏出人生第一次的「廚師發辦」初體驗，相信有不少人跟我一樣，平常有些餐廳是捨不得進去的，如今有點「補助」就自然「心郁郁」想試。這一次初體驗是由住在美孚的友人介紹，其實，這一家「友樂鮨」已開了好一陣子，不過，向來低調，沒甚宣傳，來的也似是熟客居多，是朋友的秘密私心食堂。裝潢十分雅致，地方也很闊落，再加上柔和的燈光，予人感覺非常舒服，放下一日工作的重擔，在此更感受到那一份閒情。而來享用「廚師發辦」，當然是坐在吧枱這最佳位置吧，是晚客人亦不算多，更可以寧靜地享用每一道美食。我們預了是來吃「廚師發辦」，而餐牌中「廚師發辦」有兩個價格：$1,180及$1,300，選了前者，因為覺得已經非常豐富了。先來第一道菜式是「時令前菜三款」，分別是：北海道粟米、松葉蟹伴青瓜漬、蓴菜與水母，賣相精緻，估不到粟米非常清甜，而蟹肉十分鮮甜，蓴菜口感好特別，水母則有點爽脆的質感。剛吃完前菜一陣子，隨後就有五款刺身陸續登場，最先是很有霸氣的「雪解蠔」，來自北海道，形狀修長，蠔味及海水味也濃烈，所以，師傅特意加了些梅酒啫喱，中和一下濃烈的味道，蠔身則有些爽口感。然後，是一道外貌十分漂亮的「鮫鰈魚」，以薄切

「廚師發辦」（Omakase）晌香港都盛行咗一段長時間，所以，都唔需要多作介紹，市面上有以平價作招徠，有以質素、口碑見稱，可謂百花齊放，總之各有各精彩，各有各客源。傳統搵食旺區故然有好多呢一類餐廳，但一啲非旺區亦有一啲卧虎藏龍，今晚跟住個年年至少去一次日本嘅鐵粉，嚟到美孚嘅「友樂鮨」，大嘆一頓高質素嘅「廚師發辦」。同區有家「友樂亭」，形式走居酒屋路線，多年前曾幫襯過，感覺好唔錯，單睇名字，相信都喺姊妹店，所以，無形中多咗份信心。門面已喺一派好和風嘅風格，淺木色條形為主調，少少條形窗可以窺探到內裡嘅環境，唔會搞到好神神秘秘，高不可攀嘅感覺。而踏進餐廳，地方唔喺好大，但你會感覺好寬敞，因為枱櫈可以講喺低密度排列，加上柔和嘅燈效，感覺寧靜盎然。一張L形板前席，喺食「廚師發辦」嘅指定最佳位置，因為可以睇到師傅切魚生嘅刀功、揑壽司嘅手勢，以及跟佢哋嘅互動。再者，啲梳化椅背墊夠厚，坐得好舒服，櫈下亦可以放雜物、背包。人少當然揀住吧枱就最好，人多啲亦有四人枱供選擇。由於防疫關係，枱面已備有消毒啫喱自由取用，唔好見佢哋無放啲隔板，而喺寧願做少幾個客嘅生意，唔使等啲隔板影響晒成個場嘅美觀，將客人安排隔開

Restaurant Review📋Food🍽Sake🍶Abalone- the sake sweetness covered the umami taste of abloneGolden Eye Snapper Sashimi- Skin was being Fire-torched a bit which helps to elevate & intensify the fish umami taste. One piece of Sashimi with 2 kinds of flavors. Nice job👍Aji Sashmi- Mild fish taste with sour carrot & spring onion sauce, best for appetizerWhole Barley Miso Cucumber🥒- Beautifully presented, like a painting- Refreshing Cucumber & Savoury Cucumber. 2 kinds of enjoyment in one plate. Another

放假去開呢頭睇下有咩食又幾好味 用料新鮮👍🏻絕對可以媲美銅鑼灣中環一帶嘅日本餐廳最後仲有個烏冬，佢聲稱話細烏冬但其實都好大碗 仲有雪糕甜品揀左杏仁雪糕 好味😋👍🏻

第一次試依間, 好有驚喜！朋友推介去到美孚食日本嘢。去之前有點懷疑屋苑內嘅日本嘢可以有幾好食............一行八人, 唔知叫咩食好, 全靠師傅發板, 越食越有驚喜。刺身真係好夠鮮味, 完全好似喺日本魚市場食咁好味!!! 北寄貝、蠔、海膽、吞拿魚腩, 尤其出色！由前菜到刺身到壽司到手卷到湯到甜品, 每一樣都十分鮮甜。臨走嚟果個甜品, 冰凍嘅桃sherbet, 令全晚得以完滿👍🏻原來真係屋苑小店都可以好好味。