蠔門宴 (已結業)

九龍城一向不乏泰國菜的餐廳存在，不過小妹嫌它位置有點山旮旯，動不動就要專程搭紅van或四、五個腳友湊的士使入，感覺有點麻煩，更何況周圍比起這裡還要正宗好味得多的泰國菜餐廳大有人在，根本失去意慾特意在這裡搜尋泰菜美食。不過，最近便留意到有一間主打食蠔的餐廳進駐，「蠔門宴」---顧名思義就是以蠔為題材，簡直是嚐蠔者的福音吧！說得有蠔，當然少不了最新鮮的生蠔，「蠔門宴」提供了近30款來自不同品種的生蠔，例如日本、澳洲、荷蘭、愛爾蘭、蘇格蘭、南非、法國等，當然不是所有生蠔都全天候供應，但最少每天都有大概十款的新鮮生蠔提供。除了生蠔，以蠔入撰的食物都有不少款式，如蠔湯、蠔飯、煙燻蠔、蠔串燒等，足夠來個「蠔情之夜」。另外，餐牌亦分有刺身、前菜、湯類、燒物、料理等多元化的食材。還設有一人套餐，由兩位計起，分有$338和$498，方便不想用腦筋點菜的客人。員工積極推介有關蠔的食材，不過感冒初癒，小妹也避免吃生冷食物，因此只有點其他熟食。前菜($20/位)未開始點菜，員工便率先端上前菜幫助消化，但看見沙律只是一堆切段的生菜、紅蘿蔔、西芹和青瓜，更何況小妹從來最怕未煮是生的西芹和紅蘿蔔，都會充斥一股草腥感

我和友人都是愛蠔之仕，今晚一於來個蠔門夜宴。餐廳座落於九龍城，九龍城的泰國菜最為人知，又點會想到去食蠔呢！佳因有朋友的推介。講名係蠔痴，生蠔少不了。Scotish Rock, Gillardeau, 和Etajima就是今晚我們的主菜了。好鮮，好甜，好有口感。當中我最喜歡的是Gillardeau, 海水味濃有質感，餘韻亦強，食後口腔還停留著那味道。果然了得。 食過生蠔轉轉口味，來一客刺身拼盤，有吞拿魚，三文魚和八爪魚。始終係蠔專門店，刺身不是強項，有點失望。首先解凍情況末完，入口還是凍冰冰，鮮甜欠奉，普通貨色。虎蝦刺身沙律最初以為是大大隻平時食慣的那種，原來是泰式虎蝦，味道太淡，沙律汁亦不夠，唯有當食新鮮什菜吧！傳來陣陣蠔香，忌廉蠔湯上場了。濃稠又幼滑，綿綿的，好滋味。當中的蠔隻好飽滿多汁，讃！燒大元貝有著濃郁的蒜香，肉質幼嫰恰到好處，鮮美。另一款蠔是炸的方式，不要以為炸的就用不新鮮的去做，絕對錯誤。熱乎乎的，不油不膩。咬落還脆口，外脆內軟。又是爆汁，那蠔的鮮，甜一湧而上，好味！最後來一碗江田島烏冬，烏冬質感平平，主要是那兩隻蠔，脆甜飽滿，好満足。下次會再來主攻食蠔和品酒。

Etajima | 江田島.蠔門宴顧名思義是吃蠔的專門店! 除了一般常見的蠔種 主打由廣島直送的活生蠔😌餐廳有每一蠔種的介紹 更有海水味/鮮甜味/爽脆度/礦物味的評分 讓客人可以輕易選擇到合自己口味的生蠔☺ 江田島生蠔屬比較爽脆的蠔種 海水與鮮甜味較出 亦有餘韻😋 蠔除了生吃外 還可以燒或清酒蒸😉Grilled Squid | 原隻燒魷魚.除了蠔 燒物都不錯😍 原隻魷魚新鮮爽口 燒得香口 塗上一層應該是辣味噌🤔 辣辣的 夠惹味😋Etajima Oyster Udon | 江田島蠔烏冬.肥卜卜的江田島蠔😍 吃下感覺沒生蠔的新鮮😌 敗筆在於烏冬本身以及豬骨湯! Etajima Oyster Rice | 江田島蠔飯.飯雖然冇著深深的顏色 但其實味道較淡 吃下比較寡兩款主食(烏冬和飯) 都比較普通 但生蠔和燒物就很不錯

難得黎到九龍城，今日約左情人黎食蠔，情人節因為我病了沒有慶祝，今天精神好些就去約會一下，係眾多食店中沒有什麼特別，蠔門宴名字真的改得好，進入店內燈光柔和，酒店佈置格局，裝飾品以日式為主，對住蠔吧，睇住師傅開生蠔，真是賞心樂事！除了生蠔，仲有燒蠔，清酒蒸蠔，煙燻蠔，蠔shooer, 蠔湯，真係蠔門宴喎! 我們點了有新鮮即開生蠔3款，以新鮮生蠔燒蠔，以新鮮生蠔清酒蒸蠔，燒蠔廣田島的，蒸就選大黑神島的. 因為入坐時間為 Happy Hours 最新推出， 我選了一個set 6款串燒+2隻生蠔+一杯酒(生啤)，只係2百幾價錢。 入座後店員放低自家前菜，開胃菜為生椰菜，生甘筍，生青瓜，生沙葛，配上特製醬汁，有點像日式麵豉味，很快我們就清晒。首先(生蠔)主角出場，我們選了今日新到貨La Deesse Blanche (FR) 法國女皇4隻，店員話最新款式，餐牌都未有，當然要一試啦，食到好重海水咸味，比較薄身，咬落cream 金屬味比較重，味道濃郁。另外店員介紹法國的sentinelles $78一隻，比較大件同出名，蠔肉size幾厚有2/3手掌禁大，外貌比較白淨，邊位唔黑，我只落了檸檬汁，要食原

今晚約咗旗袍去九龍城撐檯腳，先食泰國野，但食完唔夠飽，想食甜品，但行行吓見到呢間專食廣島蠔嘅專門店，不如就浪漫一吓食蠔做第二餐啦，哈哈... 一入到嚟，燈光偏幽暗，環境清靜，嘆蠔一流！我哋坐喺冰檯隔離，上面放滿各式時日生蠔，正！呢度有多種生蠔可以揀，包括來自日本、澳洲、荷蘭、愛爾蘭、蘇格蘭和南非等。我雖然鍾意食蠔，但咁多款應該揀邊隻好呢，真係唔識喎！好在喺餐牌上面，每款生蠔旁邊都會寫住佢嘅鮮甜味、爽脆度、餘韻及礦物味，啱晒我呢啲唔識揀嘅人啦！除咗生食之外，仲可以揀清酒蒸蠔、燒蠔、煙燻蠔。店員仲話，佢哋係用日本傳統嘅方法去開蠔，唔會好似外面咁用冰水浸完隻蠔先開，所以啲蠔會係特別鮮甜，仲啖啖都有海水嘅味道添，好期待！除咗蠔之外，都仲有其他食物嘅，有刺身、串燒、甜品等...前菜係新鮮青瓜、椰菜及蘿蔔，配味噌醬一齊食超好味Spain Arousa ($88)大概手掌咁大隻，肉質飽滿好厚肥美，味道唔算好鹹，爽口但帶點creamy，蠔味較清淡，但由於好大隻，成口都係蠔嘅感覺真係好滿足廣島Etajima ($48)細過西班牙蠔好多，但好在燒完之後都仲肉質厚實，蠔邊爽脆，入口鮮甜，海水味濃郁，afte

過完年後都可以早收工，就相約朋友到九龍城搵好野食，找了好久終於搵到一間大家都合心意的餐廳一起食下大餐。Richland($68)難得食海鮮就點了一杯白酒飲下，酒味唔會太濃而且帶有一點點的甜味，好岩女士飲用。吞拿/三文/八爪魚刺身我地兩個人叫左套餐，前菜就係魚生，有三款吞拿/三文/八爪魚刺身，吞拿魚肉質十分細嫩而且魚味也十分重，入口有溶化既感覺，三文魚也十分鮮嫩，加上三文魚十分高的油分令你食到之前已聞到好香既魚味，食落口三文魚的油份更加能在口腔散發，令人回味非常，最後還有八爪魚，口感十足既一款魚生，十分有嚼勁，三款刺秒都十分新鮮而且口感不同，令你感受不同刺身既特色。蒜片牛柳粒蒜片經過油炸十分香，牛柳粒處理得不錯，肉味好濃，肉汁也沒有太多的流失。加上少少蒜片配搭一起那一股濃郁既牛肉是所有喜歡食牛既人士最愛。骨付豬肉腸($18)是我個人最喜歡的小食之一，連骨的豬肉腸，除了豬肉味濃外，係拎住骨頭黎食既腸仔，肉質十分軟熟而味濃加上本人有飲酒，就更加覺得用黎送酒是一流既小菜。炸餃子($38)朋友叫的一款小食，皮薄料多，而且咬一口就有肉汁流出，外皮十分脆而內部就控制得很好，肉汁都在餃子入面，食落不會

新年日日都要去拜年，過完年後，難得有時間就約左親愛的一齊去食蠔，豪一個開年飯。九龍城食泰國野就好多，但食蠔就無咁多，難得俾我搵到一間就黎試試。廣島Etajima頭盤當然係生蠔啦，廣島Etajima，蠔尺寸都算幾大，肉質十分肥美，入口既感覺是十分鮮美及creamy，加上蠔的甜美令人回味非常。西式蠔湯質感似係忌廉湯既感覺，但就係充滿左蠔味，湯十分幼滑，加上濃郁既蠔味令口腔內有滿滿的蠔味，而不會有膩的感覺，入口就好順暢的流入喉嚨，味道及口感方面都控制得十分好。江田島蠔烏冬烏冬也有兩個蠔用料真係好豐富，烏冬彈牙而湯底不會太濃，可以更加突出蠔的鮮味，而且份量剛剛好，不會太飽。食完其他菜色之後食是剛剛飽肚既份量。藍梅乳酪蛋糕藍梅乳酪蛋糕的藍梅味道跟乳酪配合得十分好，而且蛋糕濃煙既乳酪味加上清新的藍梅甜而不膩真係絕佳既組合，係食完豐盛既一餐之後再食呢個甜品真係好完美既一餐。套餐性價比十分高，而且用料十分足，份量亦足夠，係食蠔既好去處。

豪華宴平常聽過，電影又拍過，但都是第1次聽蠔門宴。在九龍城一間以為蠔為主的蠔門宴，生蠔都以新鮮見稱，提供的品種也不少，只需其中一位食客選擇酒一杯，便可以享受全枱7折生蠔折扣，如此超值的價錢享受美味生蠔，怎會不來一場蠔門宴。這夜能吃上這樣多的美味生蠔，在這優惠價錢之下確實超值。******************************蠔門宴位於九龍城城南道，在門外所見，有點像一間日本餐廳的感覺。走進餐廳，環境燈光都幾幽暗清靜，地方不算很大，但都幾舒適。生蠔的種類就在餐牌之上，每款生蠔都會以海水味、鮮甜味、爽口度餘韻和礦物味以多少星，客人在選蠔時以作參考，都幾貼心的提示。除了生蠔之選，還有些套餐選擇。此外，還有些刺身、燒物和甜品提供，不只單一提供生蠔的餐廳。餐廳還提供提前訂座優惠，送燒蠔或蒸蠔一隻。只要每枱其中一位客人，選上任何酒類飲品，都享有7折生蠔的優惠。酒類有手工啤酒選擇。除了啤酒，還有白酒、紅酒、清酒和米酒之選擇，都提供部份酒是每杯，其餘的是每樽收費。當天放了4款生蠔，其餘的蠔都放入凍櫃之內。其中一款是西班牙生蠔，第1次聽說西班牙生蠔，就是左邊第1隻，看上都很大隻，都想一試。Sa

最近看完一部電影，主角常常吃一些大大隻的生蠔搞到我都心思思好想吃。　上起上次與朋友在九龍城吃完ＴＨＡＩ國菜，城南道有間吃蠔的餐廳感覺不錯，所以便試試吧。店外門面不錯，九龍城ＴＨＡＩ餐廳林立，難得有蠔這種餐廳真是萬綠叢中一點紅。原本我還以為這是一間西餐廳，原來是日式西餐廳，也有點像居酒屋，所有的生蠔都是從日本廣島和外國直送。　現在的蠔更是即開即食，非常有新鮮。坐下來還未點餐，侍應就率先放下前菜，肚餓的我當然食住點吧。前菜有蘿蔔，青瓜，椰菜，那個啡色的醬汁十分特別，是店內秘製的，吃起來有點像中式的片皮鴨醬，配合蔬菜也是十分合襯。　讚喔餐廳也正在做優惠：早一天預定可以有免費焗蠔或清酒煮蠔一隻。如果會飲酒都好正哦，可以有７折食蠔，可惜我和朋友都不飲酒。生蠔種類主要以日本和法國為主，當然都會有澳洲等其他國家。餐品雖種類繁多，但並不是每樣生蠔都提供，只有當日在餐牌打勾的生蠔才有出售。在生蠔放面我們分別叫了兩種，日本的小町(Ｍ)和法國占拉度蠔N2。為什麼叫這兩種因為個人喜愛海水味較重的生蠔，而餐牌都有標著五種生蠔的口感，令不對生蠔熟悉的都可以根據自己喜好去叫喜歡的生蠔。兩隻生生蠔比較下小町(Ｍ)是海

以前去九龍城，唔係食泰菜就係打邊爐。現在，原來仲有其他選擇-「蠔」呢度有多款唔同國家嘅蠔，任君選擇，仲係即叫即開添。由於選擇困難症又再出現，所以揀咗個二人餐，唔使諗咁多。這是我們的前菜，配味噌醬先來四隻生蠔，我同朋友就揀咗法國Foyle More/廣島號/法國綠寶石/小町.廣島號係日本四大蠔之一，當然要試啦！果然不出我所料，真係好正，肉身肥美之餘，肉質鮮甜又冇渣法國Foyle More - 肉質飽滿，味道鮮甜爽脆; 小町，海水味濃，好爽。法國綠寶石肥大肉厚，味道都唔錯。（生蠔送上枱時，仲有一個牌仔標誌在旁邊，一定唔會食錯）跟住食嘅就係我嘅至愛-刺身有三文魚腩/吞拿魚/帶子和北寄貝；三文魚腩好肥美/北寄貝口感極佳/帶子肉厚又爽甜除咗生蠔，D蠔仲有好不同食法，例如：煙燻蠔： 有種蠔豉嘅鹹香味，好似食緊蠔豉咁清酒Shooter 蠔：先將蠔放在清酒中，食蠔時帶點酒香，另有一番風味。日式蠔湯/西式蠔湯清酒蒸蠔 / 吉列廣島蠔 / 燒蠔等等個餐仲有其他食物, 如牛柳粒/蟹子沙律/虎蝦刺身沙律/榴槤炸彈.........味道都唔錯原來除咗生蠔，佢哋嘅刺身都好正；食物新鮮/服務態度好/環境潔淨/價錢不

無錯! 又係九龍城, 不喜歡入九龍城的我, 最近真係頻頻去找食, 多得為食友們不少也。蠔門宴位於九龍城城南道, 工作地區坐巴士或小巴去, 一程車也算方便吧。蠔吧這隻便是讓我一見鐘情的佑大西班牙生蠔, 坊間很少見, 也不知原來西班牙也有出口生蠔呢, 今晚一定要試一口。今天6時多入座, 顧客未算多。最近優惠 : 叫任何酒精飲品, 所有生蠔7折優惠, 朋友計計數, 一杯酒精飲品 只須$58, 食2-3隻生蠔己收回飲品成本, 無奶油唔飲。 有機手工啤酒 $50-60, 價位合理。今晚主要黎食生蠔, 選擇品種多多, 餐牌還很細心地附上該蠔的鮮甜度、爽脆度、餘韻及礦物味指數給顧客参考。生蠔絕配 : 白酒CALABRIA Family Richland 2016 ($68/杯)澳洲出品, 果味較濃, 入口清爽, 帶清新檸檬清香。生蠔由味淡至味濃排得靚靚仔仔的出場, 全部即叫即開, 色澤光亮, 新鮮度十足, 只要跟住次序食便可, 在生蠔旁還插上蠔名的小旗仔, 清清楚楚, 包保唔會誤食朋友叫的生蠔,  對我而言太初階了。SPAIN AROUSA ($69折實)它擁有巨大的身軀, 好 MAN, 肉厚Cre

通常去開九龍城都係食下泰菜打下邊爐，今次就去食蠔，呢間餐廳以蠔作主打只要叫任何酒類飲品所有生蠔都有七折添<Legende Blanc> $68 <前菜> $20前菜有青瓜、椰菜同蘿蔔，另食生蠔最啱飲白酒，此酒屬清甜易入口<生蠔> 生蠔方面有數十款不同國家跟產地選擇，但都要視乎當日貨源，今次試了四款，生蠔會插上小旗標示<江田島>$34 海水味偏重，鮮甜有餘韻，蠔邊爽脆 <荷蘭平蠔> $48 海水味跟礦物味都重，所以會感到有丁點腥<法國特級女皇>$55 蠔身厚肉，以大隻脆身取勝  <法國占拉度蠔>$48 係鮮甜爽脆味濃路線 <Shooter蠔> $88係用上三款不同味清酒去配生蠔，橙汁+青檸有出重金屬 番茄蔬菜汁跟原味清酒令質感好滑<煙燻蠔> $60煙香味重 建議同青瓜一起食感覺好很多<江田島蠔飯> $48熟咗嘅蠔都好厚身，飯不過不失，可是紫菜好腍

之前與親友在”蠔門宴”用餐,感到店鋪裝璜華麗,店員招呼親切友善.新鮮食物款式選擇多,各有不同的特色和味道.適逢今年的結婚週年紀念日,尚未找到心儀的食店慶祝,我們決定再臨”蠔門宴”,品嚐那些令人食指大動的生蠔.今晚揀選了一個二人套餐,店員介紹了不同款式的酒類,她揀了有機淡色艾陽啤酒,味道較為清淡.我則揀選有機朱古力啤酒,酒味相對較濃,且啤酒帶有朱古力的味道,頗為特別.套餐從前菜開始,接著是生蠔(廣島Hiroshima,法國French Tatihou)各2隻.店員介紹先食味道較淡的廣島蠔,才食味道較濃的法國蠔.新鮮的生蠔肉質鮮美,入口感到十分嫩滑.跟著店員捧來的刺身(吞拿魚,三文魚腩,北寄貝,帶子),賣相已相當吸引.配合芥末與醬油一起點食,令滑不溜口的刺身,附加催淚性的強烈剌激性辣味, 刺激味蕾的感覺,增加食慾.蟹籽沙律的蟹籽鋪在沙律菜上,蟹籽口感不錯,沙律菜青翠爽口.虎蝦刺身沙律於沙律菜,放上2隻已剥殼的虎蝦,賣相已吸引之餘,亦教人唾唾涎欲滴.煙燻蠔和清酒Shooter蠔同放在一隻白色的碟子上.煙燻蠔伴隨青瓜進食,既有肉類的肥美,且有蔬菜的爽嫩,兩者配合相得益彰.西式蠔湯味道較濃,有點