露台餐廳

营业中

休息中

與舊同事既約會不定期舉行, 總愛回味舊事, 選擇一間唔會限你1.5鐘頭交枱既地方係首要條件!  呢間酒店既露台餐廳自助餐並非第一次食, 晚餐時段由六點至十點, 時間足夠有餘, 可以一邊吹水, 一邊享受美食!人大了, 對於自助餐既食物要求係重質不重量, 呢度既食物選擇, 如以外間相比, 多多少少會令人失望食物區係餐廳既入口位置, 方便兩邊客人拎食物, 通常一開始凍海鮮盤係最受歡迎(回本都靠佢), 呢度既凍海鮮盤類包括有:長腳蟹, 翡翠螺, 蚧蚶, 蝦及帶子; 當然唔少得刺身類, 大路如三文魚, 吞拿魚, 赤貝, 鯛魚, 甜蝦都有, 仲有精緻壽司, 款式又算多喎, 一口一件唔怕好快飽!本應對凍海鮮有D期望, 但長腳蟹肉偏削, 肉質唔鮮甜; 蝦食落口感係得爽口感覺, 一D蝦味都無, 失望.....................唯有呢款煮鮑魚安慰一下心靈, 口感彈牙, 食到醬汁味道, 食半打無難度!凍肉區有各式凍切肉, 煙三文魚及煙燻火腿, 配以洋蔥圈或酸青瓜一齊食都幾好味沙律區有預製或自由配搭, 備有多款醬汁以供選擇, 呢度有款名為Peninsula Dressing, 當然要試啦!熱盤選

預早一個月訂的星期五中午自助餐今天完滿完成，真的要讚讚半島以下幾樣，照片就不放了都是沒什麼好挑剔的（後悔沒多吃一兩片象拔蚌和鮑魚）：1. 因事改了幾次但餐廳員工很有耐性幫我改，而且提前再確定多一次，要Windows seat 也好好安排了，天空藍藍的很舒服。2. 做了四十年部長潘生（沒眼鏡如沒記錯）很熱心，吃完時過來傾計，他說食物是基本一定無問題，反是問服務如何，這是任何一家自助餐都沒有的人情味。（我也吃了至少10家香港頂級5星酒店的嗯）3. 鮑魚連我咀刁的阿媽都忍不住吃了四件。4. 飽點很出色，特別是英式鬆餅是最Original ，印象中沒有酒店有。5. 龍蝦湯恰到好處，不咸不過膩，好喝。小意見6. 收碟很密，餐具有皇冠 hk and shanghai hotel 很淨， 但唯獨食物區拿的小匙有點漬要改善。7.蒸旦真材實料但略嫌不夠熱。半島喜歡它的人會超喜歡，希望佢一直保持應有的堅持（例如無燒味或即煮粉麵）。會再去。

中午前到達接待處，報上名後接待員告知稍等；我等往走廊參觀飾櫃，到走廊盡頭時，一位侍應生走過來我們身邊，然後帶領我們入座；位置是自助餐枱左邊隔屏風的一張窗邊二人枱。第一盤取了一些冷食，煙三文魚有幼滑的感覺，青螺、甜蝦很新鮮，青口沒有渣，另外一些腸類；好吃三文魚的我，因為知道今天要留肚，所以新鮮三文魚只取了一件，以免佔了胃部空間。跟著要了一碗忌廉湯，味道濃郁，合我的要求。之後才要了不同的熟食，如鮑魚、帶子等，當然鮑魚同樣鮮嫩；帶子我比較喜歡清蒸，原來更有新鮮的帶子選擇。香草包可以伴咖哩齊吃。當然柔軟的香草包沾咖哩的確是有點浪費，加牛油已是上乘之選。另外有燒牛仔肉及燒羊腿，牛仔肉是無懈可擊的了，而燒羊腿我是從來沒有吃過如此軟滑的。生果、沙律和甜品都一流，只是芝士餅不是我喜歡的口味。

因為小妹生日慶生所以就揀咗呢間露台餐廳食自助餐我同老公5:50pm已經到咗,侍應安排我哋坐咗一陣，6:00pm就入座,第一次黎露台餐廳食自助餐，心情既興奮又緊張背後窗口位，可以睇到太空館， 較為惜嘅係咁啱太空館背後搭棚，稍為影響景觀不過都冇影響我食好嘢嘅心情，第一時間就去攞沙律，當我一進入去，滿心歡喜，點知......點解咁小選擇嘅裏面嘅款式唔算多，突然心情有一點沉重......第一碟就係沙律，因為年紀都唔細，食唔到咁多野，所以每樣攞少少，所有蔬菜都好新鮮，勁多配料，當然我食得出所有都係品質好好嘅食材我恍然大悟，今次係黎食食物嘅質素，唔係多款就好......第二碟我擺放得有點奇怪又咸又甜，生果好好食士多啤梨唔酸，另外有忌廉同果醬俾你加上去，菠蘿用鹹水浸過蟹鉗唔使自己剝，啖啖肉煙燻鮑魚十分之好食呢個就係酒店送嘅喇沙煮海鮮，味道唔會太濃，啱啱好，但係可惜唔夠熱...第三碟炸蝦好鬆脆牛扒啱啱好，但食咁多都幾漏，扇貝普普通通啦！個湯真係無得輸但只可以飲半碗，驚太飽食唔到甜品第四碟再來兩隻鮑魚，嗰一杯裏面有牛油果芒果大蝦味道好夾壽司啲飯細細就食多幾件都唔怕第五碟象拔蚌刺身一食就知靚野又爽口又彈牙

聽到半島酒店感覺高人一級，但食完這裡的自助餐後失望而回。先講環境：因遲book枱，所以要坐餐廳外的cafe枱櫈，較正常的矮，但仍頗舒適。食物：冷盤選擇十分少!魚生有三文魚，吞拿魚， 象拔蚌，種類少。龍蝦及生蠔沒有，就連蟹腳也沒有!熱盤選擇同樣少。牛扒有一款，豬柳，即煮的只有熱狗，無錯，係熱狗.......其他即煮麵食，鵝肝，燒味等等一點也沒有。沙拉：比其他選擇多，沙律菜，油醋配料多。甜品：沒有驚喜，正常款式。收取這樣的價錢只可說是食「半島」兩字，其他根本不值。沒有下次。

喜歡餐廳的食物，更愛餐廳的環境！寬敞舒適刺身，海鮮總是新鮮好味，選擇多！沙律由菜類到沙律或醋，也有十分多選擇！這是芒果乳酪汁，甜甜微酸很醒胃哦！小吃是鵝肝醬做成小甜筒！美味，可愛至極熱葷，吃了牛，超得！重點哦！甜品呀！點解可以每一款都咁好味！每一樣也很喜歡哦！不能每一款介紹。但真係超愛已光顧三次，應該還會有第四次

一直覺得這個自助餐很貴，亦覺得要有錢人先會去食，今日慶祝朋友生日，有人提議去這裡吃自助午餐，本來諗住好貴，點知去到見到食物既種類及質素，真係覺得物有所值。頭盤有很多選擇，覺得最正係醬汁原隻鮑魚，超超超好味👍🏻👍🏻主菜推介係煙豬腿同咖哩海鮮，非常十分好味，其他重有好多好味既食物，真係講唔晒咁多。最最最推介既係甜品，我最鍾意既係紅莓開心果奶凍，真係好正👍🏻👍🏻👍🏻👍🏻重有酒店自家製士多啤梨雪糕，很滑很香，一試難忘！差不多$500的自助午餐雖然貴，但我會再去的😂😂

見人一世物一世，所以決定同友人去半島食個自助晚餐！一入去，環境好舒服感覺好豪華。坐低個景亦都好靚，見到太空館！之後時間剛剛好到幻彩詠香江，望住呢個咁靚嘅景食自助餐，份外滿足！食物選擇都選多！冷盤方面，最出色係鮑魚同龍蝦芒果沙律。沙律夠新鮮，酸酸地好開胃。鮑魚唔會un同埋個醬汁好惹味。熟食方面，個人覺得佢個湯係好好味，夠濃夠香，值得一試！甜品方面，有一大枱甜品賣相吸引同款式都多，最特別既係佢個自手製奶茶雪糕！好香好滑同埋唔會太甜，同友人都覺得仲好味過某大牌子嘅咖啡味雪糕，食完一碗忍唔住再食多一碗😛 另外不得不提嘅係佢個咖啡撻！咖啡味非常濃郁，好似啪左成杯咖啡入口咁，完全係驚喜，一定要試！整體而言，環境同服務真係值得一讚！呢個價錢食到呢個環境質素嘅自助餐係值得一試👍🏼

要是，未入過半島酒店晚餐，而又想感受一下，這個餐廳是低成本、但又華麗的體驗，dinner buffet $880（連加一）。一如其他食評所說，食物種類、素質也是不能達至半島酒店該要達的標，有食評說，該是以往 semi-buffet 更佳，但翻新了，環境的確舒適優雅、華麗脫俗，我想說，給這個價錢主要來坐幾個鐘頭、感受他的環境與名氣，食物只是陪襯、給你坐著的時候有點細藝，你是絕對不能從食物，反映它的價錢，要是你 focus 在食物，我只能說你只好失望，食物只有四星酒店的素質（種類少、海鮮不鮮、味道沒層次、味精很多），所以，我只吃了正常一個 set dinner 的份量就停手，反而，由六點坐到九點半（十點結束），我夠膽講句，全香港酒店 Buffet 嘅環境，半島認第二、冇人會認第一，所以，打算來體驗一下的朋友，要作好心理及生理準備，免表錯情。如果只想吃好味 Buffet，這個價錢內也是大把選擇，金鐘香記、港記、萬記、灣仔君記、尖沙咀喜記、紅磡體育館海記，也是相當不錯，而且，價錢更經濟。

半島酒店住我唔會喇，自助餐點都想試吓。五星酒店餐廳嘅佈置，服務，環境都好優雅。食物方面款式唔多，質素唔錯另一樣欣賞嘅地方係其他客人亦好斯文，舒服嘅一餐。枱上嘅茶壺，杯，蠟燭都令我感覺高貴典雅。平時自助餐我好少食包，呢度嘅包好味，外脆內軟。刺身種類多夠新鮮，而且係自助嘅，你想邊樣多啲少啲自己話事，職員一見少就即刻Refill。餐湯味道幾好。熟食款式少，但質素唔錯。燒牛肉幾好，唔韌有牛味。甜品方面亦出色，仲有即製疏乎厘添。

多年來吃自助餐，有一種熱鬧而且有一種【被同化】的感覺，當然不大好！看到別的人都似是在【打仗】般趕急的腳步取食物，客人好一些的地方便是排長長的隊；吃自助餐可否吃得自在一些呢！...到了這裏，地方寬敞清幽，每一枱的距離有一種獨立的感覺，總算有一種回到香港的感覺！我習慣開始是取一些輕量的肉，如今次的煙魚、切腸、醃肉等；各種肉類都入口柔軟，青蠔鮮甜而沒有渣滓，我不是聽到鮑魚便會發狂的人，也取了一只來試味，亦很嫩滑，上面有似花瓣的香料，入口清新。跟著的一碟主要是海產魚生，各種新鮮的魚生怎意挑選，同樣鮮味無比，亦有帶子，我一向少吃的熟蝦今次也取來嚐嚐，果然很甜，蝦的甜味多在酒樓才能吃到，不過這裏的凍食一樣鮮甜。而青螺也不是在每一間店舖都好吃的，這裏吃得首先是覺得被洗得很乾淨，吃得安心，而且質素一流。重有吃了很多，...好吃得忘記拍攝了。最後吃甜品，每樣都得精心細緻。

三八嗰日，適逢哈子餅生日，就同佢去咗半島嘅Verandah食lunch buffet，而book 位時，亦寫明有人生日。一去到已安排咗個幾光猛的位置，張枱好大，所以不能餵食，但咁高級的地方，呢個行為都唔好做啦，咁肉酸！今餐飯真係考餐桌禮儀，因為好多刀刀餐餐其實今次影相唔算太多，只係影咗幾張，其他就係攞埋去食的東西！去睇吓有咩食先，行咗一個圈，都唔係想像中咁少嘢食喎，上網睇到D人講到話好少嘢食，本人覺得OK喎！咁要比起其他咁上下價錢的，真係少D，但本人覺得都足夠！先吃沙律同包包先，沙律真係好多款揀，又有dressing，食曬全部款，都應該飽了！包呢，有好幾款，我攞咗三款，但食曬D包後，我胃已被填飽一半了！之後再試咗冷盤，刺身嗰D，鮑魚真係超推介，又夠"林"，D汁又好味！蝦亦好彈牙！煙三文魚都有好幾款！刺身款式有幾款，夀司都有好幾款，但太飽肚的東西，少攞為妙！熱食都有10幾款，有一個魚好好食，哈子餅話個咖哩都唔錯，有一個白湯幾好飲，但有d漏！其實我嗰天唔算食得太多嘢，食咗少少熱食後，我就主攻甜品了！牛奶奶凍好吃，好重奶味！葡撻好味，細細個唔會好漏！其他旦糕都好鬆軟，要一讚個香蕉熱情果雪芭，

半島酒店露台餐廳給我不一樣的體驗。重點不是自助餐食物質量多好，而是我帶着一個水肚不服但仍想體驗半島的遊客抵達，抵達後卻因不適睡了。沒想到餐廳的侍應及經理久不久會關心查詢有什麼需要或幫忙，自助餐時段快結束還主動給我安排一碗中菜廳的白粥。最後結帳，只收取二人，病的咖啡白粥完全免費，這樣星級的服務，我想只有半島酒店！

適逢媽媽生日，想搵一間好既酒店食餐舒服既dinner ，又唔想去好多人好似要「搶」食既地方，所以揀左The Peninsula Hong Kong 既Verandah. 雖然我好鍾意係buffet食生蠔，但今次想「食環境」，所以雖然冇生蠔但決定照去馬聞名不如見面，原因係久仰其大名，得悉其古典英式氣派既設計，而入面的確環境好靚好舒服，亦都冇人來人往既喧嘩，氣氛值滿分事關我最唔鍾意同人逼，寧願比貴少少都唔想好似食到同隔離搭台咁。黎之前我已經大概知道有咩食物，雖然款式唔算多，但每款都好精緻。首先我就去食冷盤，刺身種類足夠，有象拔蚌，三文魚，吞拿魚，北寄貝，甜蝦，凍熟帶子，凍熟蝦。比較欣賞象拔蚌，爽口鮮甜，其他刺身質素亦不俗。長腳蟹及蟹箝全部都去殼，好貼心既服務，果然係香港最出名既五星級酒店。壽司方面我食左左口魚，長腳蟹棒同蟹子壽司，長腳蟹壽司係用長腳壽拆肉再加蟹膏而成，非一般蟹柳可比擬另外佢最出名既磯燒汁煮鮑魚，個汁真係配得好好，而且鮑魚鮮甜爽口，我忍唔住食左三隻至於青口同角螺就一般。另外龍蝦沙津配上既芒果肉同牛油果醬，口感清新，可以一試係五星級酒店又點可以食少左佢既牛肉呢。佢既Americ

20160216(星期二)，難得家人在平日有假期，Book位到露台餐廳吃自助午餐。露台餐廳是我第二次到訪，數數手指，上一次到訪已經是大約20年前了。當年也算是第一次到訪半島酒店，能與同一人，多年後再到訪露台餐廳，也算是一種幸福吧。近10年，到訪半島的嘉麟樓、今佐日本餐廳次數較多，也許每次到上述兩間餐廳也是家庭式聚會，印象較為深刻。奇怪的是，對露台餐廳沒有很深印象，只記得當時是到此慶祝生日，但腸胃有點不適。今次到訪，拍了很多照片，留下深刻的回憶。現在已是2017年，轉眼間到露台餐廳已接近一年時間，寫回一年前的食評，食物名稱也許不能逐一詳述，希望一些照片能夠為此食評加點分數吧。價錢:是平日價$4百多元，好像一般信用咭沒有任何折扣優惠。比預訂時間早了一點到達，服務員有禮地安排我們二人入座。坐位較遠離食物桌子，喜歡寧靜的我，很滿意座位位置。自助餐時間到，客人都有禮地拿食物，完全不會有爭先恐後的情況，食物源源不絶地供應。我的心水食物選擇:自製海鮮拼盆近年已少吃三文魚的我，只會選擇有信心的食店才會點選三文魚，看見這麼肥美的三文魚，忍不位拿了多片，魚香四溢，入口肥美，味道一絶。帶子也是我的喜好之一，