駿景軒

营业中

休息中

🇭🇰🇭🇰🇭🇰🇭🇰🇭🇰偶然的驚喜 - 實力的味道☕️ .點解阿肥會話係偶然既驚喜？早幾日咁岩去左灣仔睇舞台劇突然好想食中菜就上網揾揾到呢間我從未聽過既中菜廳係網上都有悉數既好評阿肥義不容辭衝左去試本來係冇任何期望咁去食點知一食就令阿肥非常驚喜一開頭既前菜海蜇頭冇影到因為冇任何期望對佢比較糟糕既present擺碟真係扣晒分當我食完前菜我就知一定要share比大家有相呢幾道菜亦係阿肥最欣賞呢個胡椒蝦係直頭令阿肥感動非常入味而且炸到好脆但又冇散晒師傅實力可見一班！而魚雲煲係香到阿肥要搶食而汁醬，調煮亦配合得好好炸饅頭亦外脆內軟，温度亦合適！炒飯亦都做到粒粒甘香味道更配合到令材料既味道湧晒出黎呢間係阿肥心目中係擁有極高既評分☕️總括而言十分推介既餐廳好食指數：9.0 / 10抵食指數：7.5 / 10回頭指數: 10 / 10 駿景軒📍灣仔皇后大道東373號英皇駿景酒店1樓。。。。。#drunklatte_灣仔#drunklatte_中菜#drunklatte_飲食

我覺得中國人應該要對中餐一份執着，所以今次專登來到位於灣仔英皇駿景酒店嘅中餐部駿景軒。一入到去店員對我哋嘅招呼簡直係無微不至，而且環境10分舒適令人有一種好窩心嘅感覺。當然店員也會為我地介紹不同種類嘅中菜關注我哋嘅飲食習慣及喜好，而有所介紹。最後當然係食到心頭號依家就等我為你逐一介紹當日我食過嘅中菜菜式。 首先嘅係例湯，唔好比佢個名嚇親覺得係普通餐廳嘅味精湯，佢係真材實料嘅老火湯。冇記錯當日係花生雞腳湯。10分足料。而且煲湯嘅時間絕對唔會少，雞腳同花生都係軟綿綿10分容易入口令人10分開胃。而另外一碗既就係酸辣海鮮羹。酸酸立立嘅味道大大提高食慾，而且不同種類嘅海鮮，令到成碗羹既感覺大大提高。 水煮魚片，與別不同嘅水煮味道，我係其他餐廳食過嘅水煮類別食物大部份都係以麻為主，其實只會令人食所有野都之後麻痹感覺唔會真正嘗出食物嘅新鮮感與味道。而今次呢一款水煮魚片不單止唔會有過分麻痹嘅感覺而且10分香，魚片10分新鮮加上有芽菜及薯粉作配料，大滿足。 辣子雞，以不同辣椒及香料與腰果及雞炒煮而成。辣度適中，有少少麻辣香。適合喜愛吃辣的人，又係一款食不停口的經典菜式。 蝦醬唐生菜煲，食完兩款辣野，食

位於英皇集團洒店內的中菜廳，駿景軒，已從跑馬地時已有光顅！食物品質不錯，與鄰枱也不太近，幾舒適！店是洒店的中餐廳又是米芝連餐廳，服務質素高！我頗喜歡！現在店已搬去皇后大道東一段時間了，但我覺得位置都算唔方便😅！可能鄰近灣仔及銅鑼灣一帶，早、午市服務時間長了，平日由11至4，星期日及假期更提早至10點，最後落單時間側為3點半！我最近同朋友去用餐，食下野傾下偈，傾下傾下就聽到吸麈機聲😰 還以爲自己阻住落塲，睇下錶，原來只是剛剛3點過少少！連最後落單的時間也未到！除了我們這一枱客，還有其他客人未離開！ 如果這個時候有客人到來，一定唔會坐下來進餐！其實，吸麈機的嘈音實在太滋擾，況且吸麈機會有排氣，亦有機會釋放出異味及塵埃！感覺很不衞生！ 這個開吸麈機的行為，跟關燈關冷氣的感覺更差更不衞生，但唔知係咪都係有相同目的⋯莫非是趕客？😓 相片是同朋友討論為何會咁早開吸麈機清潔之後拍攝的，拍攝時間為下午3:10，現塲還有管理人員正在工作，但郤又沒有阻止這種行為😰希望有關管理層正視這行為。

Not busy on a Tuesday evening so we pretty much sat down as soon as we walked in.   Soup of the day was good, but the signature almond soup was even better!  full of flavour and just the right amount, not boiling hot and delicious.  The other starter of beef with cucumber was a mild disappointment, nothing bad but it fell victim to the non-descript Canto/Sichuan/northern style confusion cuisine.  Next up was fried milk with scallops - very good indeed and very filling.  We both loved it and yet

鍾意食辣的朋友仔特意帶我地去食酒店川菜。環境真係好靚，夠晒排場。除咗小菜之外，亦有火鍋供應。我哋心大心細，最後都係揀咗火鍋。店員安排我哋入座之後，我哋揀咗酸菜魚頭鍋，屬於坊間比較少見的湯底。等待需時，我哋亦睇吓其他嘢。每個人座位前面都有一小碗芝麻，可以輕輕搞碎，散發出陣陣嘅新鮮麻香。然後就可以去到自助醬料吧，選擇岩用的醬料。果然係酒店的排場，醬料吧上的醬料有數十款，而且部份更係非常罕有，深具四川風味。火鍋湯底終於上場！賣相非常吸引。先淺嘗一啖湯底，酸中帶少少鮮味，亦都有豐富的香料味道，非常惹味。大魚頭中的魚雲被徹底煮熟，滑不溜口。配料方面，整體都唔錯。桂花魚片最能夠配合湯底，吸收盡湯底的精華。而且魚片厚薄剛好，嫩滑得來亦有一定咬口，又冇骨。手切肥牛價錢略高，但質素不俗。我幾欣賞佢哋的蔬菜，全部都清理得好乾淨，令大家都食得好放心。整體食物都幾出色，當中鮮橙汁亦都令我好難忘，可說是錦上添花。橙汁是用上鮮橙全鮮榨的，淡淡清新又有果味。而且佢哋亦都幾支持環保，用上紙飲筒取代傳統塑膠飲筒，令人飲用時都增添一份愉悅的心情。

說到酒店中菜廳，一般人會想起鮑蔘翅肚，但這次我們則到酒店「打邊爐」。雖是「烚吓烚吓」，但排場絕不馬虎。無論是用具，和醬料，皆一絲不苟。食物的選擇非常多，單是湯底已經有十多款，而且海鮮種類繁多，不乏矜貴食材。我們選用了較為有特色的酸菜魚雲湯作為火鍋湯底，結果沒有令我們失望。湯汁的酸味中帶點香甜，更有魚頭的鮮味。配料當中，以各式蔬菜最能吸收湯底的精華。鮮雞件是龍場鮮雞，貨真價實。桂花蚌爽脆鮮甜。桂魚片無骨厚切，放在湯底中，有多層次的鮮味。手切牛肉肥瘦均勻，牛味濃郁。手打墨魚滑口感也不錯。整體而言，火鍋配料質素不足，而且湯底和醬料什有特色。有機會會再來，屆時必定會嘗試麻辣湯底。

今日同屋企人黎駿景軒飲茶。。早茶真係唔係我飛佛，不過屋企人要，無計。今次係第一次黎，之前都聽過呢一間星星食府川菜已經街知巷聞，估唔到飲茶亦都一樣好耍家，我地點左勁多野，特登叫佢出小d portion （老豆係熟客），highlight幾樣野：-泡椒魚雲辣得黎唔係死辣，麻麻香香的-蘿蔔絲腸粉清淡得黎又好有口感，唔會太齋-竹炭流心奶黃包賣相極好，黑撞金，最重要係真係流心！！！最後黎埋個白果薏米糖水，經典之最，冇失望，好喇，我繼續飲茶吹水睇報紙，此店可返食，下次會試埋佢個川菜

鍾意食中菜嘅我～同鍾意食川菜嘅男友今日踩入港島食呢間駿景軒🤤🤤 入到去已經覺得好高質～比較多係遊客/呢度嘅住戶嚟～唔少都係外國人！今次勁好彩見到劉嘉玲真人！🤤真係好有貴氣啊（人地都係嚟食飯～所以無影相）入返正題先！一開波飲個湯暖一暖胃先～杏汁白肺湯飲落好滋潤～杏汁味未去到太濃烈～仲會有湯料食～絕對唔係淨清湯嚟㗎！跟住就開始上主食～我地揀咗口水雞～醬汁係另上嘅！岩晒我啊～雞件好滑嫩👍🏻👍🏻👍🏻接住落嚟係我今次嘅最愛胡椒蝦～超香但唔會過辣～胡椒嘅味道都吸收落蝦肉～～最後呢個我真係食唔到🤣 但男友就ko晒～佢話味道好夠出!啱最鍾意食辣嘅佢🤣🤣我就算啦，食咗啲腰果都頂唔順🤣服務好食物好～偶爾兩小口嚟食豪啲都唔錯～唯一喺地鐵爬上去有啲遠🤣

同朋友喺灣仔行完街，今日突然好想打邊爐，又想搵一個靜靜地，環境唔錯嘅地方同朋友慢慢傾計，咁就決定嚟咗駿景軒。見到好多人都食佢啲中菜，覺得應該真係唔錯，不過今日我都係想拾下拾下多d，就決定試試佢呢度嘅打邊爐。打邊爐嘅調味料區真係好多選擇，啱晒我哋呢啲五時花六時變，又有選擇困難症嘅人！我地點左個鴛鴦湯底，個湯底都唔錯，唔會太咸，配合埋啲醬料，就好好味！我地點左好多野食， 有凍豆腐，炸魚皮，竹笙，水餃，墨魚滑，手切牛肉，牛舌，鮮雞片同桂花蚌。當中值得一提嘅係手切牛肉同牛舌，手切牛肉肥瘦均勻，有雪花好靚 ，見到都流哂口水，啲牛真係好鮮味，令人食完又想再食！ 其他野食都好新鮮，好好味。價錢方面有少貴，但係食到咁靚嘅料同個環境咁好，都值得！ 我地食緊果陣，仲見到隔日枱點嘅小菜好吸引，下次一定要試下！

同朋友喺灣仔行完街，今日突然好想打邊爐，又想搵一個靜靜地，環境唔錯嘅地方同朋友慢慢傾計，咁就決定嚟咗駿景軒。見到好多人都食佢啲中菜，覺得應該真係唔錯，不過今日我都係想拾下拾下多d，就決定試試佢呢度嘅打邊爐。打邊爐嘅調味料區真係好多選擇，啱晒我哋呢啲五時花六時變，又有選擇困難症嘅人！

中國飲食文化有成幾千年 其中中國菜喺呢個文化入面扮演重要嘅角色 今日就嚟到呢間駿景酒店嗰度試下中國菜嘅極致 仲要連續幾年拎左年米之蓮一星首先叫左杏汁燉白肺湯 濃沃嘅豬肺湯 喺香港好少見 喺邊間中菜餐廳就完全做到 濃沃嘅杏仁味加上好冧嘅豬肺同埋鳳爪 味道不但十分搭配 而且可以令到各種食材既鮮味發展到極致就有一道瓦罉焗胡椒蝦 胡椒嘅香味完全滲入喺蝦入面 廚師亦都好貼心咁樣將蝦開邊 令到胡椒嘅味道更加能夠同埋蝦肉混合咗一齊 而且呢度菜亦都非常之不惜工本 胡椒嘅份量 完全蓋過蝦 令到蝦 360度 畀胡椒圍住 非常之惹味 食到停唔到口呀之後就試下我最愛嘅菠蘿咕嚕肉啦 呢個咕嚕肉用嘅菠蘿唔似普通餐廳咁樣用罐頭菠蘿 呢間酒店用嘅菠蘿應該係新鮮嘅 因為佢甜得離帶少少酸味 非常開胃 而排骨亦都炸得啱啱好 非常之香口又鬆脆 炸粉唔厚 值得一讚照燒黑松露野菌安格斯牛柳粒 呢個蘆筍炒得非常之脆口 同埋牛肉嘅鮮嫩肉味亦都非常之搭配 牛肉味非常之濃郁 好似食緊新鮮牛肉咁樣 (或者可能佢真係用緊新鮮牛肉啦！)紅油抄手 呢個紅油唔好以為佢好辣 佢只不過係香口嘅油 搭配淡淡嘅雲吞皮同埋入面嘅豬肉蝦肉餡 非常之搭配

上星期係婆婆生日,老人家做生日,就最喜歡食中餐! 所以我上網做左好多功課,揀左一間出名既粵菜同婆婆做生日! 駿景軒 - 多年既米之蓮一星食府! 好早以前都聽過大名,原來近年搬左去皇后大道東果面!當晚我地book左7點,都幾多人,上到去見到裝修好有高級粵菜館既風格。門口見到尊典雅的白玉觀音像,背面有精緻木雕,右邊掛上"駿景軒"名牌,簡單得來好有格調!臺面既鋪陳好簡潔,望落餐具都好高級,好靚!呢餐生日飯,婆婆交比我發板叫餸,佢話想食d傳統+辣野! 既然係咁…當然先黎個廣式靚湯啦：杏汁白肺湯 - 相信白肺湯,係街外都買少見少,但就算係有,我都未必敢飲! 但婆婆近來有d咳,所以每人叫左碗黎飲! 個湯底煲到奶白色,好香,帶住絲絲既杏仁味,但唔會太搶! 重點係個白肺一d都唔騷,一定反覆洗左好多次先有咁既效果,食落好似食緊豬肚咁! 呢盅湯,無得頂啊!頭盤 - 飲完靚湯,當然要食下d頭盤啦! 我揀左個口水雞! 不同于出面,呢度既口水雞既汁係另上,怕辣既可以點少d汁! 實話講口水雞出面食得多,但呢度係唔同d! 雞皮滑兼彈牙,肉雖然唔多,但好有雞味,相信係用新鮮雞整先有咁既效果! 出面食到既口水雞雖然多肉

一直都想試試四川菜，朋友便帶我來到這裡，讓我一嘗所願。這間位於酒店內的中餐廳環境幽雅，服務有禮。我見到有幾枱放有GAS爐，餐廳亦設有火鍋配料區，但未見有人點選火鍋。經過一天辛勞的工作，當然急不及待要用美食慰勞自己。我們點了杏汁燉白肺湯、麻辣水煮鮮魚片、砂鍋唐生菜(蝦醬)、霸王炒辣子雞和上湯雲吞。米芝蓮一星餐廳的食物果然十分有水準，名不虛傳。杏汁燉白肺湯杏汁味道濃郁，而且用料十足，很滋潤。然後便到我期待已久的麻辣水煮鮮魚片。深紅的顔色和數量十足的辣椒給予人很辣的感覺，但實際上並不是很辣，反而麻的感覺更突出，這真的令我眼前一亮。可能是因為吃麻了，所以不太能嚐出霸王炒辣子雞的辣味。而砂鍋唐生菜(蝦醬)咸味十足，很惹味。最令我喜出望外的莫過於上湯雲吞。它的上湯與雲吞十分配合，很能突顯雲吞的鮮味，將我從辣味中解脫出來。這頓飯真的很滿足！

今日上司又帶我地食好西一入到去 環境幽靜 而且裝修都好靚成班同事都好鍾意打邊爐所以就決定咗食火鍋無食佢哋嘅中菜呢度果然夠哂高級比起其他火鍋店呢度多好多配料又會好似吉列豬扒專門店咁有炒芝麻俾你啊磨一磨完勁香嚟到呢度又點可以唔食佢嘅麻辣湯底呢但因為朋友食唔到辣 所以我哋叫咗鴛鴦湯底呢度除咗配料特別 配菜都有好多選擇佢呢度有牛脷啦豬肺啦等等嘅配菜好多都係出面其他火鍋店冇嘅而且樣樣都食得出好新鮮真係完全值回票價啊

早排上網見到澳門YOUTUBER拍片黎呢度參加活動，見食得好過癮咁就約埋朋友過黎一齊食一食。因為餐廳上面就係酒店，所以食客都幾多係酒店住客同埋好快客滿所以預早BOOK位係明智之舉。食飯前先點左兩個湯濕下個口，左邊係杏汁燉白肺湯而右邊係是日老火湯。兩個都好甜同夠火候，尤其鐘意白肺湯，豬肺清洗得夠乾淨而且杏仁味又夠晒濃，清香雪白嘅湯水飲落去好啱暑夜作解熱之用。松露野菌安格斯牛柳粒好細嫩，炒到半熟嘅牛肉入口油香味好足，咀嚼時更有黑松露嘅香氣滲出十分惹味。而配菜嘅野菌同露荀配上照燒汁，爽口得黎又有油香同樣好食。麻辣水煮鮮魚片，用上桂花魚製成所以入口非常鮮嫩細滑。而辣度方面花椒／乾辣椒／胡椒／八角等等嘅比例恰到好處，食落先香後麻，之後辣味再慢慢明顯地彈出，十分過癮。食到舌頭同嘴唇都有啲赤痛嘅感覺。水煮魚底下鋪墊着好多吸滿湯汁嘅紅薯粉，食完魚肉再食佢啱啱好。麻辣湯汁更加入味，配埋豆芽／芫茜／青瓜一齊食嘅感覺就好似食緊傷心酸辣粉咁。朋友食完水煮魚有啲頂唔順，就幫佢點個砂鍋蝦醬唐生菜降下温。生菜食落爽甜而且蝦醬香味好出，味道無俾水煮魚嘅辣蓋過。同埋剪去綠葉部分，只保留脆甜菜莖嘅做法真係好好。因為有時食