魂 (已搬遷) 新店位置

上星期跟呀媽及女友一起去銅鑼灣濕平內, 行到有D餓但又唔知食咩好，於是check吓OPENRICE, 看見魂的食評唔錯於是去試,。6:00 未到已出現人龍，無辦法唯有排隊。排了10分鐘, 店內一名女侍應出來似在點人數時看見媽媽可能年紀比較大，於是立即拿張櫈比媽媽座住排隊。結果等了35分鐘入座。初期，媽媽對該店反應冷淡，直到她點的豚骨拉麵送到，她一邊食一邊讚好食，又不斷叫我哋飲哂D湯唔好浪費師傅D心機等...我和女友真的呆咗!平時呀媽只會叫住我唔好飲外面D湯。呀媽食完竟然重想叫多碗3份分，可惜侍應說每位客人一次只可以食一碗，結果，只order多一客玉子!不過，這間店的水準又真的是很不錯，無論湯底、麵質及配菜都很出色! 湯底濃度適中，不會有飲到漿住喉嚨的感覺，麵條我們3個都點了正常，質感都很爽口彈牙! !如果真的要在雞蛋內挑骨頭的話，只有說這店比較細，4人以上可能比較難等到位! 埋單後，媽媽還說過幾天她先來幫我哋排隊然後一齊再試青龍! 媽媽真的也為該店瘋狂了!

係openrice睇見e間拉麵店..就約定左友人今日一於去食佢6點開鋪..我地5點半去到見有人排隊就拿拿林跟隊啦..排第7..等到6點就開鋪..鋪頭唔大,我地坐自修室位,可以見到日本師傅煮麵.係賞心樂事好..寫野食先嗌左兩個青龍拉麵,追加左味付玉子青龍拉麵湯底果然好濃好香,不過就略賺油左dd睇過之前食評話如果魚子混埋D湯食會食唔出,,所以我地都魚子+蟹肉一齊食..魚子好似唔係好出味..所以唔好太大舊蟹肉一齊食比較好.青龍拉麵既叉燒好厚..好似煲湯個D咁大舊唔係好慣..但係咬落去又幾有豬味同埋好滑好有咬口架食到後尾好飽呀..早知唔追加玉子啦.建議女孩們唔洗追加野食啦..因為真係好飽架..如果要飲埋個湯就更加唔洗追加

和男友大約7點等位，都足足等了一小時！店點裝修很有在日本吃拉麵店的感覺，非常喜歡!!!!!!我叫了一碗魂，而男友點了青龍，等了咁耐第一時間嘗嘗湯，不得了~~~非常濃、好正！麵質軟硬可以揀，大家可以隨喜好選擇!相比起來，我覺得青龍較吸引，可能因為本人愛吃菠菜！而叉燒也是肥瘦剛好，吃整碗麵都是享受，特別係見住師傅煮麵，感到每一碗都有他的心意，我和男友連湯也喝得一滴不剩!非常想去再試，但可惜等位實在太耐，下次有此時間也寧願試試其他食店。

近排從朋友們Facebook度看到個個都勁讚這間'魂'的拉麵店, 於是昨日決心去試吓! 看到OPENRICE度話十二點開門, 到達銅鑼灣時才十一點,於是到時代廣場逛逛, 十一點半才去該店描一描。去到見到真係'嘩'咗一聲! 條人龍長到見首不見尾, 見到這情況拿拿淋加快步速搵龍尾排隊啦! 排隊時唔覺意聽到排我前面的一對情侶的對話, 大概說來過3次都食唔到, 今次終於排到隊很開心! 咁我第一次就排到隊味好好彩!入到店內坐到吧枱前,店內氣紛真的跟我上次係上野食過果間一樣充滿日本懹舊風情。我看到MENU十五十六不知要魂好還是太極好 ，結果都係點了魂即原味 ($69 最平果款), 5分鐘後拉麵送到,果股麻油香已芳香無比，先喝一啖湯，便知道原來FACEBOOK 內的朋友真的很識食, 湯頭很鮮甜和夠熱真的做到濃而不膩的感覺,再咬一口像啫喱般晶瑩的糖心蛋,便立即決定再加一客蛋，可惜店員說追加的蛋已賣哂!: 食完全碗麵,知道師傅的功力後,決定過幾日放假真的要再來試'太極'!整體說，味道很好可以話係超班馬，食得出是一間事事很用心的店子，難怪每日長現誇張的人龍! 請繼續努力吧!

差不多5時20分抵達，等了約一小時才能進去店內空間不多，但勝在很有日本味道 思前想後，最終選了太極 看見師傅一絲不苟地將麵跟配菜放好，務求展現最好的一面給食客，實在深受他的誠意打動！拉麵要了正常硬度，發現跟硬其實差別不大老實說麵身沒甚麼特別，湯底卻極為動人！食麵前先試一啖湯，墨魚汁跟豬骨湯味道很香濃 蟹膏鮮味跟蒜油香味於每啖湯後在口腔內打轉，雖然味道濃郁，飲後卻不會感到口渴厚切叉燒味道並不很重，配合整碗拉麵感覺恰到好處 配菜也絕不馬虎，竹荀、鹹菜、溏心蛋，縱使每樣都能獨自成為主角，湊在一起卻十分和諧 近年吃過的拉麵中，魂的拉麵已進佔了第一位

在香港的拉麵店越開越多，最新開張的有銅鑼灣的魂。一天被食友的溏心蛋所吸引，就找了個週末去了嘗試。店位於不甚熱鬧的霎西街，到達時已經排著人龍。小店座位少，要等一輪客人才能入座-幸好被安排坐一張小木枱，私隱度高也吃得舒服點！拉麵只有三種，加上晚上六時起供應的青龍，小店貴精不貴多。魂，赤魂和太極三種口味，各來一碗好了。看著日本師傅手起煲落的起勁地煮麵，三碗拉麵很快準備好。 魂做的是豚骨湯，魂是基本口味，赤魂是韓國辣味豚骨湯，太極則是在白豚骨上加入黑蒜，墨汁烹煮的黑醬油，再添上蟹膏和金箔，賣相最華麗。三碗也已配有味付玉子。我點的是太極，在拌勻兩種湯底前先嘗一口豚骨湯 - 味道，卻是和顏色一樣的啖! 鮮甜不足，咸味不足，感覺像是摻了水般奇怪。不敢相信期待以久的魂拉麵居然是如此，就再嘗一口魂的純豚骨湯。味道，卻是一樣的淡。好失望! 家人更是越吃越不滿意，最後吃剩了不少。赤魂是韓國泡菜辣味，是預期中的甜辣，味道很曖昧，不喜歡。幸好點了的是太極，還有點黑蒜醬調劑一下。把黑白拌勻，湯頭變得灰灰的，帶油脂香。經過濃郁的蒜油和蟹膏調劑，豚骨湯增添了一層海洋咸鮮，味道相當香。湯上漂著一層非常厚的油，所以湯保溫

之前見倒咁多人排隊冇食！去到豚王又賣哂！今日同老公決定去試下！去到大概有三幾十人排隊！排左個半鐘入到去！位唔多！本身諗住同老公一人試一隻味share下！但原來佢好似部份日本拉麵店咁每個位有塊小木板隔住！所以我地兩個都揀左特別啲既＜太極＞！等左十分鐘！賣相幾好！湯底豬骨果邊好好味但溝埋墨魚汁之後我覺得咸左少少！但係好香濃！下次我會食返原味！麵係粗麵本身我愛達磨同一風堂的幼麵因怕有鹼水味！但這裡原全冇缺點！彈牙掛湯！糖心蛋亦很有水準！荀也很好吃！見到不少人追加！我不怕排隊，最緊要好食！

在霎西街，南洋酒店後方，最近「魂」氣急升，全因新開了一間新拉麵。翻看飲食雜誌，這一間拉麵取名魂，喻意「一吃入魂」、「真心入魂」，魂這個漢字，在日文當中，也是十分常用的和有意思的。店子營業時間不長，聞說有食友最近甚至摸門釘，而且最近食客愈來愈多，門口排隊的人龍不少，所以想吃的話要好好算準時間了。店子只賣四款拉麵，我去的時候還是店子初期，第四款拉麵還未開始發售。只賣幾款拉麵，是對自己的信心，還有就是那一份專注，日本人對食物十分用心，全副心力都放在同一食物上，務求做到最好。專注，也是人類發揮潛力的最有效方法。店子小小，沒有豪華的裝修，但和風味濃，簡約和風，感覺就像在日本品嚐拉麵一樣。店子座位不多，圍著廚房的自修位，和一張可坐四至五人的方檯。自修位著實很迫，以我的瘦削身型坐著也勉強可以，但再吃著一碗拉麵就真有點迫了。如果你坐自修位，你可以一覽無遺地看到師傅如何準備一碗拉麵。在日本，不就是這樣吃拉麵的嗎？這裡下單是用點菜紙，最好是麵條可選軟、硬、正常。另外可自選多加配料，十分靈活。第一次吃，選了太極，另外加了一只味付玉子，因為食友說過好吃。賣相十分討好，香味也怡人，雖然坐得迫一點，但也值得。味付

近日周圍食拉麵實情係有一日座車經過呢間野門口, 見到排隊排到轉晒灣咁番屋企摷下先知完來係新開拉麵舖, 即時觸動呀叔條為食筋, 又要去試下為左唔想排隊, 呀叔又特意選擇閒日中午來, 今日11:56黎到排第三, 12點開門入到店舖二話不說拎起張紙點了我今日的目標...魂當然係二話不說, 因為呀叔今日亦係一個人去, 店內環境唔多介紹, 都係細細間傳統日式拉麵店咁,店內唯一挑剔既係, 蒸汽不斷升起, 要黎穿起師傅面前塊布簾條鐵有倒汗水滴番落餐盤度日本師傅煮緊今日第一碗拉麵, 亦係呀叔碗拉麵五分鐘左右拉麵來了, 由於吧枱設計, 拉麵由師傅遞給我, 份外親切望落個湯底好似好油, 但係飲落又OK, 味道幾濃飲左淡湯後先食口淡溏心蛋,係幾好味蛋黃又剛好, 叉燒有肉有肥有層次值得一讚, 而大塊紫菜亦令呀叔有滿足感覺唔駛十分鐘已經食晒成個麵埋飲湯, 但係個湯底對住呀叔黎講比較鹹真係飲唔晒凡係用心做的食物都唔方差的, 這拉麵的確推薦但未到神級, 相信熱潮過後唔條人龍會短番

拉麵不是自己最為喜歡吃的麵類,不過在香港只有拉麵這款東西才立足,覺得弄烏冬又好,蕎麦麵,都要靠靚水,當然香港吃的多是包裝貨,換言之拉麵可以靠著靚湯以及好的麵廠幫手,三,四日前才吃過龍也,反正放假天沒所事事正好就往這裏一趟,距離營業時間還有約十五分鐘,講真我是不喜歡排隊,想食一次也沒有辦法,又是豬骨湯底為主幹,香港目前為止都以豚骨拉麵作為一個拉麵潮流,如果下一間又或下二,三間都以豚骨湯底的話,我都覺得很悶,固然生意和食飯是二回事,店內裝修想以日本小店形格裝修,但我在日本吃拉麵都沒有這樣子,在玹瑛那處真的是以鐵皮外觀,想不到有我喜歡的カウンター席.在附近豚王以及達磨都沒有,吃麵不喜歡對著一個陌生人,不幸的坐在最旁邊的位置,最大問題要困難地才把拉麵拿到手,在場師傅郤是日本人,賣的豚骨拉麵又分四款,魂,赤魂,太極以及青龍,青龍要在晚上才供應,本想吃魂,但都要試下太極,講起這裏都有凍水供應,不過不是自行添加,太極即是以魷魚汁呈現黑色的狀態,和黑蒜油差不多,不過就真係看不到何來太極,二邊的顏色不明顯,而中間放了少許蟹膏,不過進行一個包裝方面它是做得不錯,而豚骨湯底不像豚王那邊玩弄得極端,沒有偏咸的

一開業就很受歡迎的一家拉麵店, 看食友的照片跟評語都很好, 就找了一天來試試不過之前來過一次, 麵賣完了, 再來的時候又說沒水供應要等到5點才開業既然都去了那就等他們開店吧. 再去的時候已經五點多, 店子已幾乎坐滿人了. 我們進去坐的時候不一會已有人在外面排了這次來已經鎖定了要吃太極, 而朋友就選了晚上才有的青龍朋友叫了一罐日本可樂, 很小罐要$15, 普通可樂比這個大罐賣$10個人實在喝不太出來分別在哪, 只是這個可樂是日本做的吧, 所以才要賣那麼貴青龍朋友點的青龍, 以菠菜汁混入豚骨湯作湯頭, 還有叉燒, 蘆筍, 玉米, 半隻溏心蛋等作配料湯頭老實說, 覺得豬骨的味道還沒有說很突出, 比較清淡, 菠菜的味道也不太明顯太極很像太極圖案的湯頭, 一邊是豚骨湯底, 一邊是加了墨魚汁的也有叉燒, 蟹膏, 半顆溏心蛋, 木耳, 筍絲, 蔥花, 紫菜. 配料很多湯頭豚骨的那邊也是較淡, 喝到比較油, 但就不會說有膩的感覺加了墨汁的那邊味道超好! 裡面混了豬肉碎, 還有麵豉粒, 吃起來甜甜香香的跟湯頭很配最後我都把兩邊的湯頭混在一起, 混在一起的話味道絕對比分開兩邊喝好很多, 很讚的湯底, 很喜

上星期諗住試下大眾好評的"魂",出到去已經2點幾,賣完關咗舖之後轉咗去食豚王...今日放假決心早啲起身再去!十一點十已去到門口,仲有兩個字開舖,但已有十多個人在排隊等候中,而人龍裡外籍人士竟然佔半數十二點準時開舖,一個人始終快啲著數啲,入到咁上下舖內淨番一個位,排在我前面有幾對客人都不得其入,我名正言順打尖入先了甫一坐下接過靚靚侍應姐姐遞上的冰水後開始剔紙了唔知係咪早餐都未食太肚每,另多叫了一味付玉子,看出面圖拉麵內有粟米,但看紙上栗米要加五蚊,最後還是放棄了~遞過紙後,細心觀看舖內環境,有很多小擺設,看得出老闆是細心設計及擺設過的從我靠最左的坐位看廚房的情況,裡頭好像桑拿室般蒸汽籠罩著,我拿著相機拍時都不時鏡頭起水氣等了10分鐘終於都來了先喝一口湯,口感不及豚王咁膠同杰,但我喜歡這裡多點!麵身亦不同豚王,這裡是既粗且曲身,豚王是相反,太極是豬骨湯加墨魚汁,其實和豚王的各有各好,但豚王最近好像沒有了玉子供應,在這裡可吃到夠下次要試埋呢區新開的龍也比較下

學完車，見到網上啲食評都讚得咁勁，决定會一會魂！嗰日一去到差不多下午一點，已經有二十人在排隊啦。等咗約３０分鐘終於有得入去坐，我叫咗魂，麵選硬。等咗差不多１５分鐘，我期待的出現了湯夠熱，麵好彈口，叉嬈不過不失，不過整體味道偏咸，我飲唔落啲湯，另外我加咗十蚊要咗個韓式泡菜，呢個食品可以取消它了。本人都幾鐘意食韓國嘢，但係呢個泡菜我真係想講唔得囉。搞到成件事錯哂。。。。。

見OPENRICE 食評唔錯, 同朋友出開cwb 就興致勃勃決定去試下, 路痴的我跟朋友搵左好耐, 結果4點幾去到未開門, 就同朋友行下附近的12蚊店點知一行就出事, 行到5點40分, 衝番落去昸時候已經排左半條街既隊-,,-等左大約20分鐘, 終於入得啦, 餐廳內部似足日本的拉麵店, 得一個靚女姐姐waitress我叫左夜晚先有既青龍, 朋友就叫左豬骨 - 魂, 見住師傅一碗碗親手烹調, 廚房煙霧迷漫, 蒸得師傅大汗淋漓最後送上湯麵俾我時依然笑容滿面, 當中的熱誠相信就是小店成功的根基未食麵先喝湯, 我的青龍有波菜汁加豬骨湯, 非常好味附上蟹棒, 三文魚子醬等等, 兩種配料鮮味湯底中有d金薄珠珠, 其實係冇味道既, 不過第一次食, 覺得都幾得意總之成碗湯麵個人認為值100分不過面積小的餐廳就不能坐太久了, 衝衝食完就跟朋友離去,下次再試埋其他

十二月中時, 初初見到魂既食評剛出現係開飯啦, 心知如果遲D 食, 可能要排一輪, 所以係身先士卒, 診未太多人認識佢之前食, 唔係依家食既話, 可能要排一輪先食到嚕去到時間係夜晚7點左右, 只有前面一對情侶等緊, 所以唔駛10分鐘就可以有位座 係等位既時候, 見到營業時間係 星期一至六, 12:00-3:00PM, 6:00-9:00PM, 只開六個鐘, 仲要星期日休息, 只能容納14-15人左右既小店, 遲d 可能仲難過去另一間好出名既X王度搵位...入去坐低於吧枱既角位, 感覺鋪頭細細既小店甚有日本風味, 尤其吧台每位有一木板相隔, 同日本嗰邊既"一蘭" 有幾分相似, 而除左能夠座8位左右既吧枱, 就得一兩張小枱.睇返張點餐紙, 只有四款拉麵, 無錯, 就得四款! 亦除左配菜外, 亦無其他小食, 証明呢度無花巧野今次點了 一個 魂拉麵 ,一個係每日限定30碗既 青龍拉麵, 加多罐日本版可樂.點餐後, 四圍望下, 見到呢位拉麵師父氣定神閒咁煮緊麵, 亦見佢每碗都好比心機放靚靚先比客見到點餐後, 最先上既係當然係 可樂啦, 黎左先知呢個日本版可樂係細細罐嗰種, 只有200ML 左右,