Soul9+ (已結業)

朋友住在錦屏街頂，由地鐡站那邊行樓梯上時經過這餐廳已覺很有型格，這個area有點尖沙咀諾士佛台的feel，門口有多張枱，但天熱了，我們又不是煙民，自然選擇了坐在室內。飲食健康的朋友先點了可可脆米沙律，估不到平時小朋友的早餐食品朱古力卜卜米加沙律原來是夾的，加了$18 的煙三文魚份量很多，幾抵食。另外點了的煎帶子最推介！首先賣相很好，廚師很用心的用花和蘿蔔片砌了一些圖畫，而且帶子大大粒，煎得剛剛好，生熟得宜，最得意的是黑醋珠，好像三文魚子的原來是黑醋珠，帶子無論是淨食、或是加幾粒黑醋珠食都很好味。另外要介紹的是章魚小丸子，因為上菜真的display得很有心思，每粒小丸子分別盛載於小容器上，立時加分，而且小丸子內有大大粒的章魚，味道也是好的。我們點了7"的Pizza加Spanish ham，pizza 脆脆的薄批底，加上很足料的黑毛豬火腿，也是用心的製作，連咖啡的水準也很好。總括來說，這小店很有驚喜，全部的食物賣相很美而且味道好，朋友已打算再約她的朋友到此再吃。

原來北角七姐妹道旁邊有條內街，o個度有好幾間小店，呢間門口有幾張枱，有人happy hour 緊，望d嘢食好似ok，入咗去試墨西哥粟米片蟹肉沙律香草檸檬醬 $88一向都超鍾意食墨西哥粟米片，中間啲蟹肉係真蟹肉，唔係仿蟹柳扮蟹肉；撈勻d沙律菜，開胃餐前小食～意大利紅醬水牛芝士薄餅 $68 +鹽烤雞胸肉 +$12脆皮pizza，半溶水牛芝士配雞胸肉， ok～煙熏海膽玉子燒 $98真係堅煙熏！ 上枱時有蓋蓋住，店員同我地講要等 1 分鐘再打開個蓋打開蓋煙霧瀰漫，好仙境feel蛋甜甜地之餘，仲有陣陣煙熏香味，連埋海膽食，超鮮甜～ 必食～黑松露海膽鵝肝忌廉芝士意大利飯 $128另一個推薦要試！ 忌廉芝士味剛剛好，唔會話好膩，意大利飯唔太硬。 醬黑松露醬、鵝肝同海膽撈勻落d意大利飯度食！ OMG！！！ 超香濃！ 好 creamy， 好正！  差d想要多份。食物質素同服務都唔錯，值得再去～

朋友在附近工作，他帶我到這條巷裡，裡面有幾間餐廳，soul 9+是其中之一。店內座位不多，我見戶外位也不覺熱，也方便朋友吸煙，便選了戶外位置。當晚我們點了1個頭盤和2道主菜。頭盤小食選了小食拼盤，集合了餐牌上的各種小食，最適合貪心的我，樣樣都想食，樣樣都試到。小食有雞翼、燒八爪魚丸、炸洋蔥圈、炸薯條和炸春卷，配上3種不同的醬料，任君選擇。難得的是，每樣都不馬夫。如果下次與朋友來，不食食飯，飲酒配小食也不錯。主菜是帶子扁意粉和黑松露鵝肝意大利飯。我和朋友十分欣賞帶子很新鮮，又肥厚，口感一流，而且擺設美觀至於海膽鵝肝黑松露意大利飯上有肥美的鵝肝及黑松露，廚師毫不嗇色，黑松露滿滿的一大匙，鵝肝入口甘甜，騷味不濃，而海膽也是入口即化，味道微甘，可見新鮮之處。最後，點了杯果茶作結。果茶意外地濃郁，入口卻不帶苦澀，反有濃濃的果香。

在北角街頭亂逛，走到一小巷發現有不少餐，被其中這間叫Soul9+的環境吸引了。餐廳的佈置真的很有特色，店門小小但坐位之間空間也足夠，讓人感覺很舒服。脆炸薯條。蜜糖芥末醬 $48薯條炸到金黃香脆，沒有多餘油份，點蜜糖芥末醬或是辣粉也得好吃。炸鬆脆檸檬雞翼 $58看樣子像炸蠔，其實是雞翼夠大隻，而且炸得很鬆脆。本身已經不算太油，加上檸檬的味道，味道很清新。而且雞翼炸得剛好，不會乾硬，肉質夠嫩夠juicy 。白酒忌廉汁煮蟹肉.黑魚籽.義大利麵 $98白酒忌廉汁超香，濃稠度剛好，入口淡淡白酒香，蟹肉的份量不少，軟硬適中的義大利麵混合卜卜的黑魚籽，口感更豐富。慢煮北美銀花鱸魚.香橙白酒汁.烤雜菜 $148 （加$38 升級是日餐湯及沙律）先要讚一讚，本身menu是配甘荀薑汁，但因為我想點鱸魚，而男人不吃薑，向餐廳說明後，餐廳貼心幫我轉了做香橙白酒汁。鱸魚的皮微脆，魚肉滑溜，只有少量胡椒和鹽調味，配上酸甜的香橙白酒汁，鮮味更突出。而跟餐的洋蔥湯很香洋蔥味，沙律的菜亦很新鮮。薄荷朱古力 $34朱古力味夠，不會過甜，加上有薄荷，入口涼涼的，爽。有時候，這些藏在內街的小店，其實有特色的同時，食物也很有水

喺北角想搵間四正啲嘅西餐食下都唔容易，呢間位於錦屏街嘅Soul 9+雖然舖頭細細，但食落都幾有驚喜。首先叫左個煙燻海膽玉子燒，一上枱時用蓋蓋住，侍應話要一陣先打開。到打開時有啲煙冒出來，夾起玉子燒聞一聞，好大陣煙燻味呀，食落啲蛋仲好滑好甜，同出面食嘅日式玉子燒好唔同。跟住再叫個意大利紅醬水牛芝士薄餅，有好多配料俾你選擇，我就揀挪威煙三文魚片。驟眼睇落去都有7-8片煙三文魚鋪喺pizza上，下面就係水牛芝士，好香嘅芝士味。我最鍾意食呢款pizza，因為條邊又脆又薄，食完唔會太飽之餘，又可以過下口癮！Main course叫左燒美國豬鞍扒配香橙燒汁。呢個豬鞍扒好厚身同肥瘦均勻，咁厚身都可以燒到啱啱好，食落啲肉仲好嫩好多汁，加埋香橙燒汁，好清新好開胃！最後食埋個黑松露海膽鵝肝忌廉芝士意大利飯，喺啲飯上面分別有一份黑松露，一份海膽，一份鵝肝，份量都唔少。海膽鮮甜，鵝肝香脆，黑松露味濃香，一個飯有三種口味，滿足曬貪心嘅我！呢餐飯真係好驚喜好飽，竟然喺北角發現左呢間舖頭細細但啲野食又好正嘅西餐！

今天在北角探望朋友後，便往錦屏街吃晚飯。見到一間餐廳很特別，室內装潢很有英倫風格，看得出店主下過一番心思。室外有幾張桌子可坐，如果天氣涼快時也可以在室外坐。餐廳主打西餐和Fusion菜，以一間小店來説，這裏食物和飲料的款式真的很多，而且店主是一個很年輕、高大和英俊的年青人，他一個人在廚房竟然可以弄出這麼多菜式，可見他工作時很勤快。當晚全場爆滿，但客人也不用久候，出菜的次序也很好，而且擺盤很精緻絶不馬虎，真的令我很佩服。輕煎帶子蟹籽黑醋珍珠半熟帶子很嫩口很新鮮，加了蟹籽，令口感和賣相都加了分；再加上上等黑醋製成的黑醋珍珠，豐富了層次感。以平民價錢竟可一嚐分子料理，怎能不試呢？墨西哥粟米片蟹肉沙律 賣相很精美，蟹肉、沙侓菜和車厘茄都很新鮮，粟米片很香脆，配上酸酸甜甜的香草檸檬汁很清新很開胃。意大利芝士條黑松露醬 這道菜的擺盤很精緻，芝士條炸得很香脆，難得還有拉絲效果，加上大廚特製的黑松露醬，配合得真的不錯。黑松露海膽鵝肝忌廉芝士意大利飯 意大利飯中間煮得有少少硬度，正合我意。忌廉芝士汁很濃很美味，鵝肝外皮煎得很香脆又不油膩，而且入口即溶；海膽很新鮮沒有腥味，還有份量很多的黑松露，加上伴碟的

今日和老婆往North Point靈魂食晚餐,我們點了白酒忌廉汁煮蟹肉黑魚籽意大利面(加$38配南瓜湯和沙律),燒美國朱鞍扒香橙燒汁連雜菜薯條、煙燻海膽玉子燒和榛子咖啡。白酒忌廉汁煮蟹肉黑魚籽意大利面黑魚籽味道好香好鮮甜, 蟹肉食落好滑,而白酒味令意大利面味道好香醇, 加上意大利面本身食落好爽滑, 整個白酒忌廉汁煮蟹肉黑魚籽意大利面味道好香和口感豐富,好好味的意大利面；我們加$38配南瓜湯和沙律,南瓜湯溫度適中,南瓜味香濃, 湯飲落去好滑, 味道一流；沙律有魚籽,沙律菜和車厘茄, 魚籽味道鮮甜份量十足,車厘茄食落新鮮鮮甜,沙律菜好新鮮配上黑醋食落好開胃, 好清爽；燒美國朱鞍扒香橙燒汁連雜菜薯條,燒朱鞍扒煎得甘香,有油花,朱鞍肉肉質鮮甜, 入口鬆軟, 容易入口, 配上香橙燒汁一起食,味道惹味；沙律菜食落開胃, 薯條炸得乾乾好, 不會炸得太焦而食落口乾；煙燻海膽玉子燒賣相一流, 進食前用蓋蓋著,一開蓋煙燻迅即流出, 真的煙燻效果,視覺一流,玉子燒煎得好甘香,好香蛋味, 食落去除有好香蛋味外, 亦充滿雞湯味,食落去好鮮甜,海膽用上韓國海膽,食落好滑溜不會太腥,和玉子燒一起食, 味道口感豐富,

這次由朋友帶路，來到位於北角小巷裡的靈魂。這條小巷頗為隱蔽，朋友說這是北角其中一個覓食點呢！靈魂的裝修走復古風，頗為型格，牆上掛滿不同老舊小玩意。餐牌上的食物選擇蠻多的，我們點了黑松露海膽鵝肝芝士意大利飯、白酒欖油焗燒春雞、炸洋蔥圈和雙重芝士雞肉烤餅、蘋果蜜和榛子朱古力。枱上放了一盞蠟燭燈，好浪漫呢蘋果蜜的味道甜甜的，喝下去好滋潤的感覺，杯底還有果肉呢！榛子朱古力好大杯，不會甜到漏，甜而不膩。炸洋蔥圈炸得香脆，配上他他沙律醬，他他沙律醬甜甜酸酸，中和洋蔥圈的濃烈味道，配搭得宜。伴碟的蕃茄擺得很像車厘子，好有創意！雙重芝士雞肉烤餅看似份量很少，內裡卻非常足料！烤餅裡面塞滿芝士、雞肉和粒粒蕃茄肉，雞肉煮得入味，配上芝士和蕃茄粒吃，芝味十足，多重口感燒春雞配有薯條和沙律，薯條是我的最愛，吃西餐怎能沒有薯條呢燒春雞焗得外皮變成金黃色，外皮透薄，內裡的肉焗得恰到好處，十分入味，雞翼部分的肉質會更為嫩滑。如果上碟時可以放吸油紙吸吸油更好。店員在下單時告知海膽沒貨，將會以帶子代替。鵝肝的外皮煎得夠乾身，口感略為粉嫩，香氣撲鼻。芝士意大利飯粒粒分明，每粒都飽滿企身，芝味夠勁。再以黑松露拌飯，則為另一種

好喜歡呢到，住左北角甘耐，第一次嚟呢到食覺得真係有d遲。無論係嘢食又或者環境都勝價比高。入面的設計集中係木的元素，柔柔的燈光更額外有格調。入面還有一個仿電話庭，十分可愛，同行的小朋友都忍不住過去玩一玩。前菜點了香草蒜片酒煮新鮮蜆，好香的酒味，未食已經嗅到好香。蜆的味很鮮甜，肉質飽滿，係一個好好的前菜。主菜選了西餐必點的安格斯西冷牛扒。配黑椒煎很香，份量十分大，肉質偏瘦點，但絕不老柴，岩愛美嘅女仕。還想特別提的係因為有小朋友的關係，要熟點才可以給他食，但我又好自私的想食5成，之後就麻煩廚師再煎熟點。誰知再煎後還切片上，配置非常精美，值得一讚。今晚的必推係呢個黑松露海膽鵝肝芝士意大利飯，好長嘅名，但就真係樣樣都齊。意大利飯有忌廉芝士的香，有嚼口。鵝肝入口即溶，脂肪度剛好。再有埋個海膽，三樣味道，三樣感受。還想提一下呢到嘅飲品，有酒精同非酒精飲品。我喜愛嘅果茶都有，一杯大大杯又好飲。仲有仲有，原來廚師只有一個人，手腳超快的，上菜速度好快，就算坐滿了客亦不會耐。最重要係乜？就係廚房原來係一個後生嘅靚仔囉！最好就係喺我面前煮比我食喇，哈哈。

北角現在已是我的首選午飯區域,近日更延伸至晚飯時段。又到訪午飯時段經常人頭湧湧的小巷錦屏街,看似隱秘卻與地鐵出口只有一條馬路之隔,十分方便。入夜後人流相對較少,但坐下不久室內便客滿了。友人推介這裏的果味梳打。外貌平平與金桔蜜無異,想不到果香複郁,清甜怡人。底部隱約可見磨碎了的果肉, 健康又解暑。這道前菜蟹肉沙律墨西哥脆片很有特色,特別欣賞份量適中而又刻意調較濃稠度和質感的salad dressing,人充分襯托出蟹肉的鮮味和蔬菜的爽脆。唯一要彈的是墨西哥脆片份量過少。這道檸檬芝士雞翼極為吸睛,簡單裝飾可以充分顯露廚子一絲不苟的態度,加上黃金酥脆勻稱的外皮,是必點菜式。較"名貴"菜式可選這道半生熟帶子鮮茄扁意粉。帶子肉鮮甜軟滑,集合了刺身和熟帶子的美味,用上新鮮番茄代替茄膏,原汁原味。看到隣桌點了這道特別菜式煙燻海膽玉子,我也忍不住試試。上菜時輕煙隨隨冒起, 加上鮮豔的配菜, 不得不佩服廚子的大膽創意和心思。人無靈魂如行屍走肉,食物無靈魂就難以令人回味。在這裏可以吃到廚子的心思,手藝,每道菜式都充滿露魂,令人難以忘懷。

Soul 9+ 位於北角一條小巷裏 店舖小小 座位不多 食物險創新 而且感到製作用心☺️Black Truffle Sea Urchin and Foie Gras Cheese Risotto | 黑松露海膽鵝肝忌廉芝士意大利飯.黑松露 海膽 鵝肝😏 一次過吃到三樣我喜歡的食材😍 忌廉芝士意大利飯味道不會太濃 不會蓋過其他材料 同時不太膩☺️ 海膽雖然未到很鮮甜 但不腥苦👌🏼 鵝肝好像煎得過火了少許 如果可以厚身點油香再多點就更好了🤤 Grilled Herb Butter Sirloin Steak with Mixed Salad | 牛油燒美國安格斯西冷扒.牛扒不算細塊 已經做好調味 其實不點醬也可! 😚 點的時候要了5成熟 但火候控制的未夠好 變了7成熟 整體不過不失

即將日本遊，出發前先相約剛去完日本的朋友取經，雖然他去了宮崎和鹿兒島，而我是去東京，大家去的區域不同，但向他了解下買車券和JR pass、問下有咩實用APP，為旅行作好準備，再看看他的旅行相，未出發先興奮。揀了街巷的小店商討 "大事"，諗住靜靜地，點知越坐越熱鬧，但也坐得挺舒適自在。小店分內外兩個用膳區，外面有兩三張木枱藤椅，雖天氣熱一點，但抖抖氣也不錯。走進內裏，四處的擺設挺特別，有古老的電話亭、古式的士兵公仔、老爺車模型、木結他、古老單車和相機等，滿有外國的懷舊色彩，裝潢富心思。小店座位不多，約有六七張二至四人枱，枱與枱之間空間較小，大家要坐得親密一點。看看長形的餐牌，底面兩版，有沙律、頭盤、薄餅、意粉、意大利飯、主菜和小食，另外還有一份飲餐品menu，選擇不算多。我看中魚類菜式，而友人就揀了意粉，同樣可+$38變成套餐，有餐湯和沙律，一於齊齊變套餐。******************************先上是日餐湯 Daily Soup, 為粟米湯，碗邊灑上香草，亦擺放了鮮紅的車厘茄片、青綠的菜葉、深紫花瓣和鮮黃的小花碎，色彩豐富，悉心擺設，很美！呷一口，只是微暖，熱度不足

同朋友慶祝生日，想搵間氣氛同修改都唔錯既餐廳。咁岩有朋友住呢頭，所以佢就介紹左呢間餐廳叫我試下。義大利紅醬水牛芝士薄餅+挪威煙三文魚片+西班牙黑毛豬火腿片煙三文魚片同埋黑毛豬火腿片鋪滿個PIZZA，都算足料，特別個煙三文魚片好新鮮。蕃茄醬同芝士令成個PIZZA既味道幾清新唔會太漏。軟殼蟹橙心蕃薯片紫薯蓉意大利飯鐘意食紫薯既人一定要叫呢個。D紫薯蓉連埋D飯一齊味道甜甜地,，而且個飯口感唔錯好煙韌。軟殼蟹炸得好脆，同啲飯夾埋幾特別。脆炸薯條糖芥末醬薯條薯味極重，一食就知真材實料，而且佢落左少少鹽令到個薯味更突出。加上個糖芥末醬入面有D香草，同個薯條好夾!蘋果蜜:杯蘋果蜜一D都唔會覺得好甜，蘋果味清新，仲有粒粒果肉可以食，係唔錯既選擇。Snowball 呢杯Snowball好有特別，佢將青檸汁、7喜、同荷蘭既蛋王酒溝埋一齊。飲落唔會好重酒精味，青檸汁同個蛋王酒都幾夾，值得一試。總括黎講，靈魂係一間用心小店，每度菜都好用心，值得一試。

朋友提議去食意大利菜我哋就決定去左北角呢一間餐廳到試下呢間餐廳嘅位置比較隱蔽係小巷入邊 去到嘅時候鋪頭入邊嘅位置已經大概八九成坐滿服務員態度好好咁問我地要唔要坐出面咁見冇落雨嘅關係 同埋都可以坐得舒服啲就揀咗坐咗係出面成間鋪頭設計 裝飾都好有感覺 每張枱上面都會有啲裝飾品坐低冇耐個Staff就拎咗餐牌過嚟介紹咗幾樣好食嘅就放低等我哋慢慢揀我哋就揀咗兩杯嘢飲同三碟野食等左大概5分鐘到嘢飲就已經到啦個果茶就係用左百香果嚟整 個staff就好好咁同我地講話百香果可能會覺得比較甜所以另外在比咗兩杯水我哋等我哋可以沖淡小小先飲第一碟係輕煎帶子籽黑醋珍珠第二個我哋就揀咗燒美國豬鞍扒香橙燒汁烤雜菜薯條另外就再揀咗個飯就係黑松露海膽鵝肝忌廉芝士意大利飯個飯就咁食係的確淡左但係如果將三種材料放埋一齊成個感覺就會好食好多三樣嘢之中最鍾意嘅就係嗰個帶子真心推介食嗰陣可以先將帶子放咗喺自己隻碟再將嗰啲黑醋味嘅珍珠放上去咁樣拎就冇咁易跌晒兩個女仔食三樣嘢都夠我地食飯仲可以吹係到吹水 冇趕客走有機會再黎試

星期三的晚上，家裏只剩下老媽子、小魔怪和小妹。不欲母親大人大汗淋漓地入廚，故叫她到北角錦屏街搵食。 我們吃量不多，小魔怪又喜歡薄餅、意粉和香口小食，故揀左靈魂Soul9+這一間小店。靈魂，真的存在嗎﹗？就算真的存在，也被沉沉歲月吞噬了吧…… 時間尚早，店內只有三五人。小店裝潢以湖水綠為主，襯以型格小擺設，再播放柔和音樂，感覺挺清新脫俗的。然而，對的空間，錯的人，會變成一場災難﹗小魔怪，甫坐下，左看看，右望望，開始扭計，要回家去。不管我們如何安撫，甚至哄騙，也於事無補﹗ 她說，要和女孩子一起玩耍。好吧，我們只好退讓，捨既舒適且有冷氣的室內而不坐，遷移到熱氣逼人的室外用餐。 為討好無冰不歡的小魔怪，要來了一杯凍柚子蜜$34，份量挺大的，甜度適中，足夠兩人同飲。 白酒煮蟹肉黑魚籽意粉$98，意粉入口爽彈富嚼勁，意粉內混入了不少鮮嫩蟹肉，口感食味不錯。 幸而，說好了的「白酒」，不太突出，不然，小魔怪就不吃了。 意大利紅醬水牛士薄餅$68，可隨個人口味選加煙三文魚、鴨胸片、雞胸片、火腿片或沙律菜，我們加了西班牙黑毛豬火腿$18。薄餅是薄脆底的，入口仍熱辣辣，外脆內軟且鹹香又芝味