影片
開飯介紹
上村牧場JAPANESE BBQ在鹿兒島設置自家牧場飼養薩摩牛，是日本國內少數可從自製飼料、和牛飼養以及肉品加工全部一條龍生產的公司，所以能夠以最低價錢提供最優質的薩摩牛，成為日本新一代人氣話題燒肉店。上村牧場的薩摩牛產自鹿兒島縣，級數為A4或以上，鹿兒島縣產和牛更於2017年日本第11屆「全國和牛能力共進會」中榮獲綜合優勝的最高殊榮成為全國和牛No.1。除了薩摩牛和其他肉類及海鮮選擇外，我們亦有提供多種食品，包括壽司、日式拉麵、沙律、涼拌菜及甜品等，所有食品多達100種。此外，餐廳更設有屬於日本專利技術的特急列車送餐服務，手機落單程式及定期換氣系統，以確保顧客可以在安全衛生的環境下安心用餐。
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
相關文章
早排外遊前去左呢間日本過江龍依家有唔少套餐選擇今次試左以薩摩牛為主嘅套餐點餐後有送餐列車運到非常方便 依家仲可自己調製醬汁如果唔識整可以叫職員幫手☺️// 上村牧場 自慢燒肉10種盛合 $628 //10款肉有美國和牛牛肋條、橫隔膜、嫩肩牛、上五花肉、薩摩牛牛五花、薩摩牛里肌肉及鑽石紋牛小排等。款款肉質上盛，脂肪平均，入口即溶。仲配有自家製醬汁，可以自己調配，夠晒特別！食完盤肉已經好飽// 洋蔥牛舌 $63 //牛舌薄切份量唔少，今次揀左薄切款，燒到6成熟超嫩滑。洋蔥係分開裝，當燒得5成熟時就可再加入洋蔥，變得更香。
繼續閱讀
上村牧場位置十分方便，位於時代廣場地庫，地鐵站上面就是，而且又有停車場。食飯前還可以去時代廣場行街睇戲。自慢燒肉10種盛合見到餐廳有不同的盛合，其中這個十種盛合包括的牛肉部位各有不同，而且還有出名的薩摩牛。10種唔同款式嘅牛肉，分別有嫩肩牛、鑽石牛小排、上五花肉、薩摩牛涮涮燒、薩摩牛腰脊芯、牛柳粒、美國和牛牛肋條、薩摩牛里肌肉同埋牛橫膈膜肉。各個部位食落去的口感和油脂都各有不同。薩摩牛的油脂分布較多，咬落嫩滑而且肉味濃，值得一試。而且薩摩牛還會配上自製醃醬，材料分別有芝麻、蘋果、蔥花、薑蓉和醬汁，有指示教如何製作，十分簡單。之前食燒肉冇試過配上蘋果蓉，這次試了感覺味道更清新，還可以沖淡油膩感。除此之外，我們叫了生菜和白飯，包住燒肉加上辣醬一起吃。除咗燒肉，還有不同的肉類、海鮮、蔬菜，還有壽司，食物款式多元化。薩摩牛炙燒壽司同埋三文魚腩壽司薩摩牛炙燒完逼出牛肉的油脂，而且大片牛肉包住整個握壽司，一啖放入口十分滿足。除咗酒精類，咖啡茶、汽水都是任飲的，而且還有西式茶包和熱朱古力飲！可以隨心所欲揀各種飲品嚟搭配。雖然餐廳位置是在地庫，但是環境舒適，座位寬闊。餐廳十分貼心會送上圍巾，防止燒肉時的油會彈上衣服。
繼續閱讀
《😋晴晴港飲港食 #misshcfoodie》原來想介紹呢間燒肉店比大家，但好可惜原來已經結業🥲 本身想講啲牛有幾正但都係唔講咁多講完你哋都無得去食，睇圖算啦😂 希望佢會再開返🥹薩摩牛專用醃醬係我自己親手製架🤭要先將碗入面芝麻磨成粉狀，再將蘋果蘑成蘋果蓉然後撈埋蔥花、蒜蓉同燒肉醬汁就搞掂！將牛塗上醃醬先燒可以提升肉味食落更鬆軟😏◆自慢燒肉10種盛盒 $628有薩摩牛涮涮燒、薩摩牛里肌肉、薩摩牛腰脊芯、橫膈膜、上五花肉、嫰肩牛、薩摩牛牛五花、牛柳粒、美國和牛牛肋條各2份◆炙燒鮭魚壽司◆鮭魚親子壽司◆松葉蟹壽司◆牛油燒金菇◆自助飲品吧
繼續閱讀
458 瀏覽
曾幾何時，其實也只是疫情前，每逢週六日的銅鑼灣時代廣場一定熙來攘往，商場內擠滿了香港人及國內自由行，餐廳食飯一定要排隊等位。估唔到疫情後的今天，風光不復再；不祗商場人流大為減少，甚至餐廳也少了很多客人。儘管今日接近兩點才來到，已經過了午飯黃金時間，但【上村牧場 】竟然只有一枱客人，實在難以置信！【上村牧場 】原來係「和民集團」旗下餐廳。講開「和民」，喺香港最出名當然首推旗下居酒屋連鎖店業務，分店曾經分佈香港各區大小商場，近年已經大為減少。至於【上村】這個品牌，則是「和民」海外業務的燒肉店分支。餐枱全部用半高屏風分隔以增加私隱度，模仿日式燒肉店的個室，但又可以節省真正個室的間隔空間，有效提升空間使用率；解決香港的昂貴商場租金之餘，客人又有私隱。餐牌內的牛肉選擇有兩款產地，如果標明日本產和牛，就會採用鹿兒島產薩摩牛，全部達到A4級以上！除了特價套餐（沒有額外折扣）之外，主餐牌單點全部有8折。簡單計算一下，其實價錢差不多；但套餐份量太豐富，又有自家製日式泡菜、沙律、牛肉丼，唔係太合適，最終揀了單點燒肉。自助飲品(任飲)($28 / 位) 有四款果汁及六款汽水，汽水採用 Pepsi 系列。豪華燒肉8種盛合（$598）有6款牛肉、1款雞肉及1款豬肉；六款牛肉之中有三款係薩摩牛（A4 級別以上的鹿兒島產和牛），雖然並非最靚部位牛肉，但始終係日本產名牌和牛，性價比高。食日式吉列豬炸豬扒要自己動手磨芝麻、再混入豬扒醬汁就試得多，第一次食日式燒肉要自己炮製專用「醃醬」。先磨芝麻碎，再磨蘋果蓉；之後按個人喜好混入芝麻碎、蘋果蓉、蔥花、蒜蓉，然後加入普通燒肉醬汁，即製成了「醃醬」。用新鮮水果醃肉其實有科學根據，果酸及果糖既可有效提升肉類鮮味，亦可使肉質變得更加鬆軟。薩摩牛里肌肉脂肪含量適中、又有肉味，味道平衡；如果不喜歡油分太高的和牛部位，此乃合適選擇。雞頸肉軟身、腍滑中帶綿韌質感，可以形容為雞脾肉及豬頸肉的混合口感。北海道豚里肌脂肪含量比較低，入口未至於粗嚡硬身，但始終油份唔高、肉質纖維又比較粗，味道一般。牛橫膈膜並非來自薩摩牛，因為橫膈膜屬於內臟部位，日本不能出口。肉質綿實、脂肪量較少；但有少少臊味，唔係好吃的牛橫膈膜。薩摩牛牛五花的脂肪 / 紅肉比例較薩摩牛里肌肉更高，入口滿腔油花、更加鬆軟；喜歡油分偏高的和牛部位，牛五花係合適選擇。厚切牛舌同樣並非來自薩摩牛。雖然油份低，肉汁唔算豐富；勝在爽口彈牙，都算好吃。最好吃的部位首推薩摩牛涮涮肉(yaki-Shabu)。雖然賣相未算最𧡘，油花分布未達到最頂級標準；但每邊只需要燒烤3至4秒，豐富的油份已足夠引起紅紅火舌，非常吸睛！可以媲美日本高級燒肉店吃過的yaki-Shabu；入口即溶，油花及牛肉香溢滿口腔。只嫌實在太過細片，有沒有雞蛋黃，吃得未夠暢快。套餐的6款牛肉部位中以鑽石紋牛小排的味道較差。有不少筋膜；幸好多肉汁，肉質亦未至於難以咀嚼，尚算鬆軟。結帳時問侍應有沒有燒肉午餐定食，才知道原來明天就是【上村牧場 】最後營業的一天！估唔到開業只有兩年多一點，又要面臨結業厄運 ⋯⋯ 香港餐飲業真的越來越難經營！
繼續閱讀
近排食咗好多火鍋燒烤，食開上癮，老公話公司抽獎贏了錢，今日又去咗呢度重點食薩摩牛燒烤嘅餐廳。選擇了一個自慢燒肉10種盛合，總共有十款唔同的款式慢慢燒，啱哂老公心水。入座之後，我哋就係開始按餐廳教學自製醃肉醬料，先將芝麻磨成粉，再將蘋果磨成蓉，以上再加入蔥花薑蓉同醬汁，過程都幾得意。總體而言，d牛肉油花好香，燒完之後d脂肪溶化，食落好有牛味。來自日本的薩摩牛，牛肉零舍嫩滑，油香豐富。食落真係唔同的，最喜歡薩摩牛腰脊芯，厚身、牛肉味香又多油花，正。一個價錢食勻唔同部位嘅牛肉，各有不同，口感性價比高。除咗主菜外，點多了2款燒物小食同壽司，價錢都超值，燒粟米粒同燒海鮮菇好香，分別配搭了牛油香草及牛油蒜蓉，幾好味。鮭魚腩壽司同帆立貝壽司都好新鮮。
繼續閱讀