發哥粥底海鮮火鍋 (已結業)

<姊妹Talk x 發哥粥底海鮮火鍋>觀塘火鍋店-發哥粥底海鮮火鍋：龍蝦🦞餐$288 + 海蟹餐$248 +茶介&醬油$30一位_終於😆終於😆終於可以出山，嚟個Girl Talk ，食一直喺口袋名單位於觀塘嘅發哥粥底海鮮火鍋，同姊妹來個二人小約會👭🏻_值得一讚嘅係發哥依度衞生情況有別於一般食放題邊爐嘅舖頭，依度環境超級闊落，空間感十足，喺疫情下有種安心打邊爐嘅感覺☺️ P.S問左老闆先知原來依度早市同午市喺冰室，夜晚先會搖身一變成為發哥🤓_包包認真說的收$288食海鮮粥底火鍋真係CP值高嘅，一坐低達哥就話出面嘅飲品雪櫃任飲到12:00，一打開竟然可以成樽竹蔗茅根同日本果汁波子汽水拿埋位飲😚，出面醬料區都齊晒基本野有蔥、芫荽、泰國辣椒、蒜蓉、豉油，如果有埋芹菜就perfect🤣_前菜方面先嚟個燉湯，飲得出有火喉足料豬肉味濃，飲完喉嚨好舒服冇味精嘅，之後再試吓個小食蒜蓉青瓜，蒜味夠可以再落多少少醋吊一吊味更開胃，之後再整多每人2隻蒜蓉焗泰醬青口，認真😂細食嘅朋友仔可能食到依到就飽咗5成🤣_嚟到主食重頭戲😎，包包同閨蜜就分別叫左龍蝦🦞餐＄288（每位半隻）同海蟹餐$248（每位

【#食記】海鮮精華粥底火鍋 - ﹝觀塘﹞發哥粥底海鮮火鍋 / 講女搵食團= = = = = = = = = = = = = = = 打邊爐！打邊爐！打邊爐！ms.C最愛打邊爐，天氣開始轉涼，最好不過約閨蜜打邊爐。觀塘區出名多特式店，當然少不了特式食肆，今次就同閨蜜去觀塘【發哥粥底海鮮火鍋】食粥底火鍋。【發哥粥底海鮮火鍋】位於成業街地鋪，早上鋪頭是茶餐廳，晚上轉身變為粥底火鍋店，所以店面都是以茶餐廳卡位為主，而卡位位置寬敞，就算4個人坐都不會太迫。【發哥粥底海鮮火鍋】設有多款套餐按人頭計選擇，有配粥底的海蟹、龍蝦餐或者是大胃王（海蟹+龍蝦），更加有雞煲選擇，我們今次目標是粥底，所以我們叫了龍蝦餐。每位套餐包括：前菜、時令燉湯、蒜蓉泰醬焗青口(2隻)、新鮮或冰鎮鮑魚、每位半隻龍蝦、海鮮拼盤(聖子皇、貴妃蚌、多寶魚、黃金蜆、海蝦、時令貝)、安格斯牛肩肉、8款自選火鍋配料，加竹蔗水及各種汽水任飲。- - - - - - - - - - - - - - - - - - 點好餐後，先上每人一盅【時令燉湯】，湯料豐富，有螺肉、雞腳、豬肉，材料充足。再上每人2隻【蒜蓉泰醬焗青口】，嫩口青口配上蒜蓉+泰

天氣開始涼就想打邊爐，放工同友人去觀塘成業街發哥粥底火鍋打邊爐。設有A-D不同海鮮的火鍋套餐可供選擇，前菜、主食和拼盤再加8款火鍋料。先來一碗湯潤潤喉，勁足料又夠火候，正！第一碟上枱是前菜 - 蒜香泰醬焗青口，酸甜泰醬好開胃，青口隻隻脹卜卜夠肥美，入口好Juicy主角龍蝦出場~!!每人半隻開邊龍蝦都是爆膏，海鮮拼盤內有多寶魚、聖子皇、黃金蜆、海蝦款款足份量，再加一碟牛肩肉已經擺滿成張桌。除龍蝦外，鮮活鮑魚在碟上蠢蠢欲動，口感厚實有質感，而且一點都不會韌 套餐附有的8款火鍋之中，我們選擇了黑豚、滑雞件、花膠筒，以價錢和品質作比較的話，絕對是抵食之選~!!經過一輪，所有的鮮甜都留在湯底之中，店員隨即呈上粥膽，加入南瓜粒、香芋粒、冬菜滾出軟綿粥，盡吸剛才海鮮的精華，一碗平平無奇的白粥變得好滋味架~!!!

由於疫情關係跟好朋友差不多大半年沒見面¯\_ಠ_ಠ_/¯所以難得可以見面．當然要吃端好唷♪～(´ε｀ )朋友仔說想吃火鍋．所以咱們去了找「發哥」✨✨✨✨✨✨✨✨✨✨✨✨✨✨✨✨說的是「 發哥粥底海鮮火鍋」 -這間冰室日間時間是茶餐廳-晚間搖身一變成為火鍋店店舖座位闊落．乾淨企理．話說回來說說他們的食物唷餐前小食❤️拍青瓜.炆花生.十分開胃足料老火靚湯- 十分潤 口暖胃 蒜蓉泰醬焗青口❤️原來青口配蒜是十分夾😊 我們叫了一個「海鮮火鍋拼盤 」拼盤內很多類型海鮮,我們還點了一份龍蝦盤 現在有半隻龍蝦半隻蟹🥰鮑魚．蟶子．黃金蜆．海蝦．多寶魚．貴妃蚌看!這個新鮮鮑魚!還會動唷😝 店員還很貼心地提醒我們 ,每款海鮮放下湯的時間保證可以吃到最佳的味道 黃金蜆： 那是十分新鮮而且是沒有沙子 蟶子：晶瑩剔透- 放湯數十秒就可以吃 ．鮮甜嫩滑- 一點也不腥🥰 肥牛：花紋紋路不錯- 美味 脆肉骨腩片：厚身肉． 老闆特別提醒他放下湯時間越長越脆😘 龍蝦很新鮮,吃下去爽滑又很嫩火鍋配料☀️(任選)除了拼盤外．還包八款配料唷大部份坊間一般的配料也有😝當晚我們點了：萵筍-日本黑豚肉-蘿蔔-自家製雲吞-順德釀冬菇-脆肉鯇

《秋風起，滾兩滾》今年好開心香港有秋天，於是就同友人們一齊打下邊爐食飯聚下。本身想叫龍蝦餐，但礙於友人敏感，所以轉叫花雕醉雞鍋。但係套餐都有包到一般嘅粥底海鮮，可以話係一舉兩得。另外仲包括了兩個前菜：花生同麻辣青瓜，一個燉湯，燉湯真材實料，略油好補；仲有每人2隻蒜蓉泰醬焗青口，食前菜都飽左一半。.剛好適逢老闆心情大好，仲送我哋冰鎮鮑魚。.🍴粥底海鮮老闆建議先將海鮮們放入粥水打邊爐令粥水鮮甜起來，而且仲細心咁教導點煮，海鮮全部都好新鮮，食落好鮮甜，元貝好嫩滑，聖子彈牙有口感，新鮮鮑魚打邊爐真係一流；鮮蝦都好甜。.食完海鮮就轉食雞。.🍴花雕醉雞鍋花雕浸雞上枱，再配上一個藥材湯底，感覺養生。雞肉嫩滑，喺濃濃藥材味嘅湯底入面都唔會變鞋，反而藥材湯可以去除雞嘅油膩感。仲可以另外揀8款火鍋配料。肥A最愛日本黑豚肉，友人就偏好美國肥牛。.火鍋配料全部都好鮮味，係真材實料。.🍴竹蔗水呢個完全唔會死甜，清清地好解渴，又可以解熱氣。.餐廳服務態度良好，侍應都好殷勤，食物新鮮，係可以與三五知己回頭嘅選擇。

做左觀塘咁耐而家先發現原來成業工廈有間質素超班既晚市火鍋, 人頭二百幾就有頭盤，湯，海鮮拼盤，8樣自選火鍋料，野飲任飲。我哋第一次入黎食都好驚訝空間咁闊落，裝修好有香港味，3個人坐卡位，食物會放係餐車度用餐好舒服。由於叫咩鍋都會有海鮮拼盤架啦，所以就揀左最中意既醉雞鍋，如果海鮮愛好者更加加以揀海蟹或龍蝦粥底火鍋，海鮮既鮮味會融入晒個粥膽度，老闆好人俾我哋用粥底黎打左啲海鮮先上醉雞。重點好評! 估唔到觀塘可以食到咁新鮮既海鮮，前菜既燒青口飽肉冇雪味，醉鮑魚彈牙有咬口，海鮮拼盤既鮑魚，聖子，多寶魚，蜆，蝦係超鮮甜，特別係蟶子值得一讚，處理得好好，無沙，滾15秒，鮮甜爽脆! 另外個湯盅真係岩晒無飯家庭，有豬肉，藥材，好足料。食完晒啲海鮮就到醉雞啦，好期待亦無失望，雞肉口感結實，其實更重花雕味都仲得，湯汁岩埋打響玲呢啲索汁既食材，甜甜地好好味。肥牛，日本黑豚肉滾一滾就食得，岩晒我哋啲心急人上。蝦滑冬菇好特別有誠意，粟米，娃娃菜就正常，如果有男仔真係想嗌個出前一丁。飲品有高度評價既竹蔗水，荔枝烏龍茶都好少見，但荔枝同茶味都好出。最後就係員工好好幫我哋定時收碟，老闆會提食啲咩先，材料大概幾耐就食得

一句講哂，再好味都無用，啲沙白咁多沙點食啊師兄！！！汽水有啲驚喜㗎，不過無烏龍茶之類無糖嘅飲品囉！！！！侍應服務其實都唔錯，不過都係俾堆沙影響咗我囉！！！！！！！混醬選擇又係少，芫茜，蔥，蒜蓉，辣油，䜴油......無喇 ，就係得咁多！！混條毛咩？啲餐嘅選擇又少，四個餐，龍蝦餐，蟹餐，海鮮餐（頭兩個加埋囉），羊肉煲餐，無喇！！會唔會太少了吧！！！一個餐可以加8個餸，但係啲餸都係普通嘢，蜂巢豆腐呢啲普通嘢已經係成個Menu最特別㗎喇！

又係 #觀塘 系列.粥底火鍋開到成行成市，今次介紹嘅呢間 #發個火鍋 唔單止有普通嘅唔單止有普通嘅海鮮粥底火鍋，套餐仲包一盅燉湯、多款嘢飲任、唔限時坐到12點😍.⭐️前菜 包括燉湯、拍青瓜、拍青瓜、花生、泰醬焗青口。不得不讚嘅係不得不讚嘅係燉湯，好足料，個湯夠熱夠香，而且無味精，啖啖精華，又鮮甜。♨️.⭐️海鮮拼盤我哋叫咗龍蝦餐🦞，另外可選麻辣雞煲🐓或海蟹餐🦀。海鮮餐會包一份新鮮或者冰鎮鮑魚，個人prefer新鮮鮑魚，上枱仲識郁架！拼盤仲有多寶魚、海蝦、貴妃蚌、蟶子皇、蜆等時令海鮮均即叫即撈👨🏻‍🍳 夠新鮮，務求令食客品嚐到最鮮甜嘅滋味🦑🦐🐠.⭐️ 安格斯牛肩肉 🐮每個餐仲會包一份安格斯牛肩肉，牛肉肥膏唔多，入口牛肉味濃，好嫩滑，係平時散叫一碟百幾蚊嘅質素。.⭐️其他配料 (任揀八樣)Overall來講都唔錯，韭菜餃、蝦丸都係自製。最令我驚喜嘅都係貢丸，入邊有少少麻油味咁，又多冬菇。.⭐粥最後放埋粟米🌽南瓜🎃芋頭粒煮成粥，吸晒海鮮嘅精華，變得好甜。最後當然食唔晒，打包走，第二日咁又一餐😂.最後想講嘅係任飲嘅飲絕對唔係啲普通貨，唔單止有普通嘅汽水，竹蔗茅根，仲有特別啲嘅例如日本果汁、荔枝烏龍茶等等

發哥粥底海鮮火鍋總共有三間分店㗎 ！今日就嚟到觀塘分店試一試呢度嘅粥底海鮮火鍋‼️❣️海鮮火鍋拼盤話明海鮮火鍋，海鮮當然係主菜啦🦞🦞🦞！分別叫咗個龍蝦餐海鮮拼盤($288)，同埋海蟹餐海鮮拼盤($248)。拼盤裏面海鮮嘅選擇頗多，有鮑魚、黃金蜆、海蝦、帶子、聖子、多寶魚、貴妃蚌等。❣️火鍋配料(任選)拼盤仲包左火鍋嘅八種配料🤟🏻，大部份食開嘅邊爐配料都應有盡有，當晚叫左份豚肉、豬紅、韭菜餃、皇帝菜、墨魚滑、炸魚皮、竹笙同萵筍！ ！ ！ 每樣配料嘅份量都係計人頭嘅，雖然份量唔多，但質素值得稱讚，對得住佢嘅價錢，但兩個人絕對夠食🤟🏻❣️飲品有自家製竹蔗水，雖然當晚就冇試到，但見身邊幾台客人都有飲，如果唔係食到中段已經覺得好飽嘅話，一定會試😿。罐裝飲品選擇亦多，除咗普遍嘅可樂、七喜之外，亦有日本罐裝飲品，蘋果汁、蜜瓜汁、橙汁等等，選擇較多，非常吸引‼️‼️以兩個人份量，但又有海鮮，又有咁多火鍋配料，飲品任飲，仲有粥底火鍋，當晚真係超過左十成飽啊🤘🏻🤘🏻🤘🏻💯勁滿足。🤘🏻值得一提嘅係，海鮮真係好新鮮，原來老闆話每日返貨貨量有限，為求保證所有海鮮係新鮮嘅‼️❣️ 整體評分: 10/10💰 人均消費: $300

涼涼哋，今日觀塘studio收工，約咗朋友食嘢吹吓水先，打邊爐就最好不過了。朋友介紹依間發哥粥底海鮮火鍋，無限時間，任飲自家製竹蔗水同各種汽水，咁樣食飽飽後坐耐啲都得啦😊好正👍🏻地方寬敞，而且服務態度非常好，值得一讚👍🏻👍🏻我哋一行二人叫咗個海蟹餐😋食物好豐富🌟開胃涼菜2小碟🌟好潤口暖胃嘅足料燉湯🌟蒜蓉泰醬焗青口，好好食，青口好嫩加上泰醬蒜蓉好夾好好味🌟海鮮方面好新鮮，海蟹，新鮮鮑魚，聖子皇，帶子，多寶魚，海蝦，蜆，原來多寶魚可以用嚟打邊爐架，好滑🌟安格斯牛肩肉，肉味香濃🌟自選八款火鍋配料。日本黑豚肉。貢丸。魚皮餃。午餐肉。順德釀冬菇。炸響鈴。鮮打墨魚滑。脆肉鯇魚打完邊爐記得加埋個粥底，吸收晒所有海鮮嘅鮮味甜味肉味，你話點會唔好味呀！？超級滿足嘅一餐Ps.原來嚟依度一個人都可以嚟打邊爐㗎

疫情緩和，在觀塘既發哥粥底海鮮火鍋已經重開！朋友食過深深難忘話好正，今次我都去睇下有幾正！地方又大又闊，坐得好闊落！點了海蟹餐$248一位！食物多得很！超飽勁滿足！大胃皇既一定要黎試下！飲品任飲，餐廳自家製嘅竹蔗茅根好清新天然甜，唔會死甜！又有燉湯，夠濃郁入味！好滋潤既感覺。所有食材上台，氣勢夠哂 澎湃！勁多款新鮮海鮮，已經處理得非常乾淨，新鮮鮑魚，仲識郁架！店員已經細心提醒每款海鮮既放湯時間，保證食出最佳味道，鮑魚放湯5分鐘後，都沒有縮水情況，一咬落去！質感真係爽彈架，好少地方食到呢個感覺。完全唔會起渣，仲保持得夠鮮嫩。扇貝亦係非常出色，2分鐘！大大粒夠綿密！好細緻既！而家非常厚肉，非常新鮮。海蝦還有膏香！濃濃入味，蝦肉爽口彈牙，海蟹亦都啖啖肉，肉質夠挺身！so far咁多款海鮮都係好正，唔係吹水，試過就知！安格斯牛肩肉，色澤紅潤油脂分佈平均！ 再配上葱一齊食！牛味更香濃又突出，不得了！其餘火鍋料都做得好乾淨衛生，真係多到會食唔哂，好耐未試過食得咁滿意！價錢又抵份量又多！最後放埋粥底，之前食既海鮮既精華盡在，濃郁既粥！成為結尾，食完要抱住肚皮！非常暢快。推介比想食火鍋既朋友，必定唔會

好欣賞用心搞好飲食嘅餐廳，發哥就係其中之一。連小食都無欺場，青瓜清甜，爽中帶微辣，好開胃。花生香脆飽滿，等上菜時食很適合。飲品選擇不算很多，但有自家製的竹蔗水，誠意滿滿。醬汁以為選擇少，誰知貴精不貴多，個炸蒜油超級超級好食，係我食過最好食嘅炸蒜！如果好似我咁鍾意食蒜頭嘅話，一定要大大兜拎，全部海鮮一點，即刻香十倍！魚皮又係必點之選，出面有好多好差嘅魚皮係硬脆嘅，呢度既魚皮係香脆鬆軟嘅，又唔厚粉，肯定唔係平貨。海鮮拼盤份量多，品種豐富。🦞龍蝦好多膏，而且甘香，肉質彈牙。🐚蟶子帶子全部都白雪雪，鮑魚仲郁郁下。蜆雖然細隻但幾鮮，適合一早放落湯底熬湯。🦐蝦好有光澤，肉質爽脆唔霉。🐟多寶魚新鮮，脆鯇肉質緊實而且真脆。🍀冬瓜、娃娃菜吸曬湯汁勁好食，皇帝菜月唐蒿味，如果有人唔鍾意陣味建議唔好叫，以免最後粥底有菜青味。最後的粥底真係集天下之大成，本身以為菜甫會好重口味，點知食落香脆，令碗粥口感更豐富。總括而言，非常推薦。

幾年冇食過粥底火鍋突然心血來潮想食下就搵到呢間發哥海鮮粥底火鍋店試下佢地鮮味至極既海蟹餐除左海蟹同海鮮拼盤仲有冰震鮑魚或都新鮮鮑魚二選一（個人推介冰震鮑魚）仲可以另外揀多8樣餸連埋頭盤等食物就算唔係任食都勁飽肚先黎一個姬松茸燉雞湯用料高質好滋補湯面冇油㗎啱曬貪靚既女士同養生一族頭盤有泰式焗青口非常惹味而冰震鮑魚就非常鮮甜爽口有埋芝麻醬可以點黎到重頭戲粥底火鍋蟹好新鮮肉多而鮮甜蟶子係黎自新西蘭既碌十幾秒就食得清甜爽口又完全唔硬美味至極鮑魚係生既放入鍋前一刻都仲識跳舞碌幾分鐘就夠曬彈牙蜆都識郁而且完全冇沙帶子大大粒碌三幾分鐘就夠拼盤仲有多寶魚，蝦等等淨係佢地已經令湯底夠曬鮮味仲有安格斯牛肩肉靚部位肉質軟滑正呀八款自選配料揀左日本黑豚肉，滑牛肉，蟹柳，滑雞肉，魚皮餃，油麥菜，順德釀東菇，自家製蝦滑由於粥底火鍋易黐底記得間唔中攪下個底呀食完曬啲餸見到粥底已經唔同色意味住已經吸曬海鮮同其他美食既精華加飯底落去煮一煮就食得個粥好似濃湯咁鮮甜到難以形容只有靚海鮮先煲到咁甜既粥另外，餐廳有自家製竹庶茅根水又有汽水任飲鐘意啤酒既可以係出面外帶入黎店主夠曬佛心呀食完同行者話要帶嫲嫲再黎食我亦都想帶朋友再試

家人想食海鮮，我想食火鍋，一於食海鮮火鍋😂。觀塘呢間發哥粥底火鍋幾隱世，門口係普通茶餐廳咁嘅樣，望真啲先發現係朝早茶餐廳，夜晚打邊爐，因此座位好多都係卡位，坐得好舒服。首先上枱嘅係燉湯，打邊爐都有原盅燉湯飲，好滋補。湯非常足料、鮮味，正👍第二樣係泰式青口。青口上枱熱辣辣，配蒜蓉和泰式醬，甜甜地，青口鮮甜唔腥，好食😋食到第三樣都未開始打邊爐🤣！冰鎮鮑魚肉質緊實，但係一啲都唔韌，彈牙有驚喜。終於開始打邊爐，米水湯底係冇味嘅，一開始要靠醬料幫忙，好彩海鮮夠新鮮，鮑魚非常活潑，仲喺隻碟上面打交，新鮮到飛起！所有海鮮都洗得好乾淨，全晚冇食到一次有沙，而且新鮮就唔使夾硬淥好耐，保持到肉質有彈性。蝦幾新鮮，顏色鮮艷，咬落去仲有爽脆嘅感覺。特別推薦墨魚滑和墨魚丸，一定係自家製，既有海鮮嘅鮮甜味，又有一粒粒墨魚口感，超正。配料都有質素，安格斯牛肉好濃肉味，魚皮香脆，蔬菜新鮮。最後加粥底料煲粥，精華所在，為呢餐寫下完美句號。

放題火鍋好多時啲海鮮都麻麻地，今次特登搵一間食海鮮火鍋嘅專門店，果然冇失望。龍蝦非常多膏，簡直想湧出嚟！老闆提醒如果想最後的粥底鮮甜，可以其中一個選擇係蟹。聖子好晶瑩剔透，淥十幾秒就可以食，鮮甜嫩滑，一啲都唔腥，絕對可以encore。扇貝又係好靚，一望就知新鮮，淥完都仲係好大粒，咬落去有淡淡鮮味，點少少豉油更加銷魂。牛肉有兩款，一款係套餐包左嘅安格斯牛肩肉，望落去花紋冇咁均勻，一種係肥牛，花紋好靚。食落去肥牛真係比較肥，重油香，安格斯雖然冇咁肥，但係都重牛味，好味又健康。脆鯇骨腩片好厚肉，老細特別提醒愈淥得耐愈脆。我喺淥咗10分鐘左右偷食咗一舊，果然比較軟身，再淥耐啲就真係變得脆口，老細冇吹水👍最尾用粥底作結，吸曬海鮮精華既粥底，配上爽口菜甫，無得輸！！