麒藝館 (已結業)

時代廣場高級食肆林立，呢間餐廳由陳小麒名廚主理，朋友極力推薦，而且交通方便，今日來食午飯🤗入口巨型吊燈，氣派不凡，松樹盆景更顯優雅脫俗，而且空間感夠，服務員招呼又十分到位，訓練有素👍🏻中午時段，客人亦不少，又不會太嘈雜，只因座位之間距離足夠，空間比例理想🤗餐具擺設整齊一絲不苟，盡顯心思，顏色配合得好好，整體環境氣氛十分理想，背後團隊的努力應記一功👍🏻中午時段點心選擇不少，而且精挑細選，留意到其實價錢亦十分便宜，相對在銅鑼灣這黃金地段，可以説性價比超高😊首選優惠推介👉🏻午市超值孖寶（原隻鮑魚花膠撻+鮑汁花膠撈飯）$68，唔係講笑，平到你唔信，亦唔係將貨就價，有圖有真相，真係唔使解釋咁多，尤其是個撈飯，真材實料，濕濕地，開胃又好味，超級正👍🏻👍🏻👍🏻即燒無花果天下第一豬$188（例），呢個招牌菜，真係名不虛傳，皮脆肉嫰，特別香濃，肉汁鮮嫩可口，不在量多，而在高質，絕對不能錯過😋😋😋晶瑩筍尖蝦餃皇$58（3件），Size夠大，皮又薄，鮮蝦爽口彈牙，筍尖爽脆，頂級享受🤩蜜汁爆口叉燒包$38（2件），熱辣辣，即叫即蒸，好軟熟，餡料夠味，叉燒包係我嘅至愛❤️再嘆埋個X.O.醬銀芽炒腸粉$48，就大大

行到邊食到邊～銅鑼灣-來到時代廣場與卡通人物拍照過後，肚子餓。聽説前中菜名廚～陳小麒重出江湖。在這裡十樓開了一間以花膠為主題的中菜館便馬上試試。-環境：玄關位放了一顆翠綠色的松柏樹，背後的大廳縣掛一盞像燈籠的大燈，空間盡處是一塊古典紅色的絲絨牆。驟眼看真的有點像歐洲的歌劇表演場地。大廳的兩旁是寶藍色或紅寶石的沙發卡位，坐得非常舒服。牆上放著價值不菲的花膠做裝飾。摩登中帶有氣派。這裡還有包箱，以半透明玻璃推拉門分隔，私隱度也不錯。餐具的筷子托像翡翠玉一樣配上山水畫的金魚及龍蝦帶有中國色彩。-食物：午餐時段除了提供花膠為主題的點心外，還有價格意想不到的午市超值孖寶套餐及必食天下第一豬🤩-HK$188即燒無花菓天下第一豬（例）～限量供應，即叫即燒越南45天的乳豬。紅琥珀的薄脆外皮，咬下去是聽到響亮的卜卜聲。皮下的脂肪只有薄薄一層，鮮嫩多汁的乳豬肉，輕輕蘸著自家製的無花菓醬更齒頰留香。-HK$68 午市超值孖寶：鮑汁花膠撈飯及原隻鮑魚花膠撻。二款菜式是滿滿骨膠原做主場🥰。-花膠撈飯真是第一次聽。木魚在飯上翩翩起舞。鮮鮑魚汁淋滿在糯香飯上，每粒飯也充滿鮑魚的精華。鮮美花膠多到數之不盡，每一口飯也

約了重要客人食飯，要搵一個環境唔太差但價錢又唔好太貴的地方，記得上次來銅鑼灣食過此餐廳無論服務同食物都唔錯，所以便帶個客來食。呢度裝修格調高級又有品味，周圍都係水墨畫，啲水墨畫好似仲係大廚的作品。之前的商務午餐好似取消了，好在做緊另一個推廣，超值孖寶，性價比真係高。$68便有一個原隻鮑魚花膠撻及一碟飽汁花膠撈飯。為了不失禮，另加點一隻原隻鮑魚花膠摓（$48），飽魚餵的好入味，飽魚亦炆得好淋，摓底鬆脆，軟硬口感一齊食。即燒無花果天下第一豬仍然有水準，皮脆肉嫩，最難得是無花果醬，令豬肉食落更有層次，鹹中有甜由帶甘香。日山和牛紅菜頭煎包其實有少少辣，餡料應該是黑椒和牛，包面煎得乾身又有少少脆。飽汁花膠撈飯的花膠都幾多，飽汁好香濃又唔會太鹹，撈飯一流。迷你花膠糯米雞水準都合格。

大閘蟹正值時令，又是吃蟹的時間。今晚相約好友一嚐新餐廳的大閘蟹套餐。餐廳的裝潢雅緻又有格調，感覺高雅，帶一點現代氣息。座位亦十分舒適，空間感十足。今次大家都不想費神點菜，就點了大閘蟹花膠宴$2388（四位)水晶花膠凍（$98）這花膠凍晶瑩嬌小，一口一粒，口感清爽，但不乏花膠鮮味，是清新的頭盤。無花果極品黑叉燒（$138）嘩啦！這無花果極品黑叉燒真好吃！黑叉燒熱呼呼的，充滿炭火香氣，而且瘦中帶肥，脂盈豐腴，滿有肉汁，加埋無花果的蜜味，肥美甜香，正呀！老火濃湯花膠雲腿菜膽（$288）這老火濃湯汁奶白，湯頭味道鮮美但又不油膩，透出陣陣金華火腿的甘香，加埋花膠的骨膠原和菜膽的鮮甜味，味美又養顏。清蒸大閘蟹（六両）四隻（$1468）這大閘蟹足六兩，來自老三陽。雖然大閘蟹不是超大碼，但蟹膏都份量十足，蟹膏十分甘香，充滿黃油，加埋特調醋汁吊起鮮味，酸甜適中，好吃！吃過大閘蟹，呷一口薑茶，嘩！薑勁十足，有點辛辣，喝罷渾身熱騰。無花果天下第一豬（$248）這燒乳豬燒得唔錯。乳豬的皮燒得很脆香，一咬，就咔嚓的清脆聲音。乳豬皮下沒有太多肥膏，就是薄薄的一層脂肪，夾著纖維細密的嫩肉，不錯。若果肉質可以更嫩，那

餐廳位於時代廣場十樓 格調高級裝修非常時尚 走高檔風格每樣裝飾都賞心悅目桂花烏龍 $20/每位烏龍茶中有淡淡桂花香味值得一提嘅係碟上精緻嘅中國書係岀自總廚手筆果然文武兼備麻婆豆腐日本帶子餃 $58帶子餃上有金箔裝飾 非常矜貴入面係麻香十足嘅豆腐同帶子愛刺激嘅朋友一定要試試即燒無花果天下第一豬 $188(例)餐廳鎮店名菜天下第一豬 一定必點係門口有玻璃廚窗比客人睇點燒豬就知道對自己嘅燒豬幾有信心乳豬皮薄肉嫩 上到枱都熱辣辣另外要特別讚讚個乳豬醬加入左無花果醬 份外香甜上湯龍蝦鍋巴$298龍蝦份量十足 足半隻且肉厚上湯羮汁非常香濃 提升龍蝦鮮味配搭香脆可口嘅米通食 絶對不會浪費湯汁

一場黎到麒藝館當然係為左個即燒乳豬啦一黎到見到師父明煩燒緊 已經滿心期待即燒無花菓天下第一豬 例牌 $188例牌一共有六件切出既厚度都幾平均 唔會話一大一細乳豬皮超級香脆！肥瘦比例一流配埋無花菓乳豬醬相得益彰令豬肉肉香更突出 好美味！晶瑩筍尖蝦餃皇 $58於傳統點心之中加入新意加左露筍非常清新 蝦肉好巨大 彈牙果真皮薄餡靚！原隻鮑魚花膠撻 $48鮑魚口感彈牙嫩滑 非常入味而且配搭花膠更顯矜貴黑蒜鳳爪排骨 $48黑蒜甜甜地 令排骨更香肉質軟腍好入味 而鳳爪亦好滋味日山和牛紅菜頭煎包 $58賣相好靚 粉紅色令人食慾大增！以紅菜頭為天然色素 感覺健康以日山和牛做招倈 質素好高

今日同同事慶祝生日，佢平時成日帶我食好嘢，咁我梗係要揾餐好既招呼佢，於是揀左時代廣場既麒藝館，之前睇報紙介紹過，呢度既主廚係以前喜來登酒店既行政總廚陳小麒師傅(所以叫麒藝館？)，菜式獨特又名貴。位於時代廣場十樓，睇個地埗都知佢架勢啦，二人位都好寬敞坐得好舒服，享受著高級食肆的寧靜，先叫了壺「瑰麗堂煌」就是玫瑰加荔枝茶，有美顏去疲勞之功效，芳香撲鼻，非等閒之輩。品茶之餘還是急不及待地點菜，二人餐只需$388當然先來一套，另外見佢做緊「午市超值孖寶」($68)，又係好抵加左一set。當然唔少得試下招牌菜式，同事話呢度花膠都好出名，所以叫了個「唐酒花膠蟹肉蛋白」($128)，蟹肉好鮮味，幾粒杞子味道也突出，蛋白好滑配以花膠口感豐富，好食！另一樣招牌菜是乳豬，這道名為「即燒無花菓天下第一豬」(例牌$188)，果然非常香口，皮脆肉嫩，不過得6件就稍為少了一點。而佢提供既自家製無花果醬也不錯，甜甜地不妨一試。「午市超值孖寶」包括一件原隻鮑魚花膠撻，一件鬆脆的迷你撻上放上花膠粒和原隻鮑魚，鮑魚好腍。另外仲包括一碟「鮑汁花膠撈飯」，有好多花膠條、木魚和菜粒，鮑汁好味，正！二人餐揀左香茅妙齡乳鴿(前菜)

難得買咗好多平嘢, 慳咗唔少錢, 因為咁, 就一於食過好嘅午餐喺時代廣場10樓一間中餐館, 佢裝修輝煌, 樓底高, 坐得非常之舒服叫咗一個超值午市餐, 有鮑魚花膠撻, 另外再加個鮑汁花膠撈飯, 都只係68蚊, 好抵鮑魚花膠撻, 賣相精緻, 一口咬落去, 鮑魚嘅香, 散發喺口腔裏面, 再加埋蛋撻個撻皮夠脆身, 口 感豐富另外就係鮑汁花膠撈飯, 花膠鋪滿咗飯上面, 再加上鮑汁加持, 非常之鮮香, 花膠非常之軟淋, 再 配埋飯撈埋一齊食, 口感豐富, 非常滋味另外就點選蝦餃皇, 佢嘅蝦餃真材實料, 皮薄, 內裏嘅餡非常之多, 拗落去, 蝦非常之彈牙另外再點算咗個香茅妙齡乳鴿, 炸到非常之脆身, 咬落去脆卜卜, 肉就非常之juicy , 感覺比一般 酒樓食到嘅乳鴿好好多!

今日同某人一齊去睇寵物精靈展覽，睇完佢就帶咗我去食好嘢。佢話呢間嘅花膠同埋乳豬都好出名，既然嚟到樓下，就要食吓啦。上到去見佢裝修好骨緻，餐具清雅，有啲似曾相識。見到有個超值孖寶$68以為睇錯，原來真係咁平！孖寶有一個鮑魚花膠撻、鮑汁花膠撈飯(足2位用)。梗係唔執輸要叫返一份試吓啦鮑魚花膠撻賣相已經好吸引，原隻鮑魚放喺花膠撻上面，撻皮放滿花膠粒。鮑魚腍滑有咬口，成個撻一齊食，更好味！花膠撈飯嚟嘅時候，上面嘅木魚絲依然喺度擺動緊，炒飯底嘅飯粒粒分明，充滿蛋香，淋上鮑汁，撈埋花膠絲、瑤柱絲、冬菇絲一齊食，確係豪呀。正價花膠菜式唔平，呢個孖寶真係超值。燒乳豬係即叫即燒，某人就點咗個例牌，果然係熱辣辣 ，皮脆肉嫩，好食啊！我哋仲叫咗一個花膠扒， 花膠扒有兩大舊，要剪開幾節先至挾到嚟食。花膠口感腍滑又有咬口，充滿養顏Q彈嘅骨膠原，呢個時候食就最啱， 正呀！最後，係不可或缺嘅甜品，叫咗麒麟果花膠凍，同埋黑芝麻擂砂湯丸。花膠凍好似水晶果凍，晶瑩可愛，充滿花膠粒同埋麒麟果粒，清甜可口。黑芝麻擂沙湯圓外皮軟糯，夾埋流心芝麻餡，出色好味，正！

踏進「麒藝館」的第一個感覺，就是高級、舒服、空間寬敞。由前酒店行政總廚主理，主打花膠菜色，入門價錢就可以食到，非常抵食。除了上述的午市超值孖寶，即時入會更可以$199/位的價錢食到滋補佛跳牆套餐。茶壺非常精緻。晶瑩筍尖蝦餃皇、大地魚末燒賣：餐廳的點心貴精不貴多，務求做到精益求精。蝦餃及燒賣的內餡都能做到肉爽而彈牙。濃湯花膠佛跳牆：非常足料，有鮑魚、干貝、花膠、海參等等，湯頭非常清甜滋補。無花果極品叉燒：以西式擺盤呈現的叉燒，精緻得來又美觀。塗上無花果醬的叉燒帶焦香，一口一件，側邊有矜貴的黑魚子醬，非常出色。清脆玲瓏：套餐包括一味素菜，由蜜糖豆、百合、腰果、木耳及黃椒炒成，感覺清新。雞樅菌海鮮炒飯：飯粒炒得乾身而充滿菌香，海鮮粒下得足料，有蝦及帶子呢。薑茶湯圓蓮子燉糖水：即使到了甜品也絕不欺場，薑湯非常暖胃，蓮子粒粒都去芯，又鬆又綿，而且健脾益胃，實屬養生甜品。

今次lunch同同事黎到呢間位於times square的中菜餐廳，這間餐廳由前酒店行政總廚主理，而且差不多每道菜都用上花膠做材料，十分珍貴!餐廳裝修華麗，有一種好高級的感覺，而門口出面有一塊大玻璃，能夠看到師傅在廚房內燒乳豬!就座後店員請我們先選擇茶的味道，我們選了桂花烏龍，有淡淡的桂花味，而且茶底又唔會太濃，可解膩又唔會傷胃!這天來到剛剛有一個會員限定的套餐，店員表示只需要join他們的會員，便可吃到這個優惠套餐，於是跟同事二人便join了會員，吃這個滋補佛跳牆套餐。濃湯花膠佛跳牆，這個佛跳牆湯底非常鮮甜，而且飲得出唔係味精湯。盅內的材料有花膠、鮑魚、海蔘、乾榣柱、竹笙、雞肉等，花膠整得夠冧，粘粘的好有骨膠原感。鮑魚是整整一隻，爽口彈牙又鮮甜。整碗湯夠熱又美味!無花果極品叉燒，冇諗過叉燒都可以整得咁好食!叉燒的肥瘦到剛剛好，肉質鬆軟。用上酸酸甜甜的無花果醬，能減去叉燒的油膩感覺，令配有黃芥末和魚子醬，令整碟叉燒高貴感爆燈!晶瑩筍尖蝦餃皇、大地魚末燒賣，這裡的蝦餃和燒賣比出面食到的大粒，蝦餃皮薄，內裡有2粒大大粒的蝦肉，非常爽口!燒賣比出面食到的冇咁油，蝦肉都特別大粒!清脆玲瓏，這款

今日同屋企人去銅鑼灣時代廣場食lunch，發現咗呢間好有特色的中式餐廳，裝潢門面都好雅麗堂皇。茶方面今次我地挑選了瑰麗堂皇，這款玫瑰荔枝口味，除左可以消除疲勞，更可以促進血液循環，養顏必備。午市超值套餐 $68鮑魚花膠撻 +鮑汁花膠撈飯呢個午市套餐真係物超所值，一個價錢試到兩款菜式。呢個鮑魚花膠撻更要係原隻鮑魚上，入面餡料有齊花膠和菇粒，口感豐富。而鮑汁撈飯，絕對係兩人份，用上濃濃的鮑魚汁加上條狀花膠撈飯，以呢個價錢黎講相當抵食。晶瑩荀尖蝦餃皇$58此外，我們還點上幾款點心，經典點心又點少得蝦餃，呢個蝦餃大大粒，入面的蝦爽口彈牙。日山和牛紅菜頭煎包$58呢款fushion菜夠曬特別，煎包外層紅色係用上紅菜頭，餡料則包含和牛粒，洋蔥和黑椒，風味十足，而且煎得香口。木藏牛$188最後我們更點了餐廳其中一個招牌菜，聽個名覺得好得意所以就試下，原來係用上木瓜，入面藏著牛肉粒，做法很新鮮，想不到連味道也很配合。外層木瓜經過烹調後，更入味更甜。而藏係木瓜入面的牛肉精髓揮發出黎，十分滿意。下次路經也不妨一試，除了飲茶，更能發掘更多新奇菜式呢。

很久沒歎茶，這天就趁放lunch來到銅鑼灣時代廣場的麒藝館飲茶食點心。餐廳極盡寬敞，樓底夠高，空間感十足，一洗中菜館的俗套老氣，注入時尚氣息，散發摩登的東方韻味。麒藝館由名廚陳小麒師傅主理，主打傳統粵菜，午市更有特色點心供應，不過款式就不算多。最近更有午市超值孖寶優惠，只需$68就可試齊原隻鮑魚花膠撻和鮑汁花膠撈飯，極之抵食，優惠只做到十一月三十日。原隻鮑魚花膠撻賣相精緻矜貴，鮑魚口感緊緻，濃稠順滑的蠔皇獻汁更能帶出鮑魚的香濃甘腴與鮮甜海味。撻皮堅挺而富牛油香，以花膠碎作內餡，併合出兩種截然不同的口感。鮑汁花膠撈飯花膠是養顏聖品，富含豐富的膠原蛋白，滋補又養顏，用來撈飯也可補補骨膠原。雖然是特價套餐，但也沒有將貨就價，花膠下得夠足料，口感腍滑富膠質彈性，也沒有腥味，花膠與飯粒都吸滿鮑汁。大地魚末燒賣 $48全部點心都是即點即蒸，確保新鮮熱辣辣。蝦肉與豬肉比例掌握得宜，嘗得到肉餡的香和蝦肉的鮮。晶瑩荀尖蝦餃皇 $58餃身包得呈半月型，色澤白裡透紅，餃邊摺工精細，不過厚，夾起不易穿，不會過濕而黏住籠底，每一顆看起來都被餡料撐得脹鼓鼓。餃皮剔透柔韌，內裡餡料豐富飽滿，蝦肉不會霉爛，肉質爽口，