黑門水產すいさん (Fashion Walk)

營業中

休息中

太耐冇出城，發現銅鑼灣Fashion Walk 附近原來多左好多野食～ 今日就行過見到黑門水產，裝修好大同埋好別緻，好似飛左去日本咁，諗都唔諗就決定入去食😆 🔸️北海道秋刀魚見到有秋刀魚刺身，即刻點！ 因為唔係周圍都食到秋刀魚刺身，呢種魚易變壞又難保存，所以未食過一定要試下！秋刀魚刺身肉質細滑，味道鮮甜，淡淡散發出秋刀魚嘅甘味～ 而且師傅擺盤擺到好靚😆 🔸️活赤貝刺身新鮮嘅赤貝真係好鮮甜，無得輸！ 🔸️海膽蟹味噌甲羅燒 識我嘅人都知我超愛食甲羅燒😋配料有海膽，蟹籽，鵪鶉蛋，蔥粒，蟹肉及蟹膏，鮮香美味，仲要配搭梳打餅呢種食法，真係食到哇哇聲！ 🔸️蟹味噌燒帆立貝 出面食多數都係就咁用醬油加牛油燒，食到食到悶～ 見到有蟹味噌燒，不如就試下呢款口味～濃郁嘅蟹味蹭味將鮮甜嘅帆立貝昇華到另一種層次，估唔到可以咁夾！ 🔸️磯燒烏賊原條烏賊大大隻，睇住佢慢慢變熟，好有治癒感！烏賊超爽口，而且店員燒到剛剛好，留有鮮味！ 🔸️極上壽司盛合有12款壽司，我想講赤醋嘅日本珍珠米真係好好食！ 同埋D刺身好新鮮，色香味俱全！ 🔸️鐵火卷 🔸️自家制牛蒡漬 🔸️清酒煮白蛤白蛤鮮甜夠肥美多汁，清酒味道剛好，唔會白蛤嘅鮮味！ 🔸️串燒

一行三人去食lunch 見呢間新開裝修好靚就試吓！我叫咗個刺身lunch set($228)啲刺身唔單止唔新鮮，重砌到紙咁博！食到最尾嗰幾片直頭係霉爛嘅！同個樓面講佢仲要狡辯話因為師傅要幫條魚挑筋先至會切到爛咗，佢真係唔係霉㗎 ！仲要串咀話其他客叫幾千蚊都係食呢啲！大佬係真係當香港人第一次食日本嘢咩，你啲食物係咩水準，未入口都睇到唔新鮮啦！真係唔會再幫襯，仲衰過超級市場買嗰啲刺身！垃圾！最難得佢連杯茶都可以冇味㗎！

環境5分：日本餐廳面積好大，仲有埋室外座，好有地道feel，畀五分。衛生5分：地方乾淨企理，抽氣好，衛生都係滿分。服務5分：服務員爽手唔囉唆，燒野手勢好，自助落單，方便快脆，一樣滿分。味道5分：1)     黑松露白汁燒帆立貝响你面前燒，非常香松露味，松露豐富，帶子又厚又鮮甜，加白汁同松露個組合好夾。2)     海膽蟹味噌甲羅燒都係响你面前燒，非常講究，只能攪兩野，不能多攪因為會出水，想玩都唔得。燒到滾熱辣搽落餅乾上非常重蟹味，又鮮又濃好好食。3)     北海道飛魚刺身原條上，刀功好，新鮮爽甜，酸汁開胃惹味。食完刺身加$38炸埋條魚骨，脆卜卜好香口。4)     燒牛舌心一串三件好juicy，牛味香。5)     燒雞尾好爽脆。6)     燒雞皮好似炸出黎咁卜卜脆同乾身。7)     炸蓮藕片切到超薄，甜甜咸咸，好似薯片咁香脆。8)      豚肉湯牛肉稻庭烏冬份量足，有五塊軟腍嘅牛肉，烏冬煙煙韌韌，有埋小唐菜同昆布。抵食5分：兩個人一千鬆啲，又有日本傳統貝燒，又有串燒刺身，又有專人服侍，抵哂。

今日我去咗位於銅鑼灣嘅黑門水產，主要食佢哋嘅燒海鮮。首先，我嚟到呢度唔可以錯過嘅係北海道飛魚全條刺身。佢係用新鮮嘅北海道飛魚切成條狀，新鮮度極高。刺都帶有鮮味。接著，我試咗黑門水產嘅極上大漁貝燒，入面有新鮮嘅蠔、蝦同帆立貝。佢哋係用高溫火燒烤，內裡仍然保持著鮮嫩多汁。每一口都帶有豐富嘅海鮮風味，特別係蠔嘅鮮甜味。繼續試嚐下一款磯燒鮑魚。鮑魚經過精心燒烤，肉質鮮嫩，帶有淡淡嘅炭燒香氣。每一口咬落去都好有嚼勁，鮮味十足。然後蟹油蒜磯燒岩手蠔：岩手蠔係用燒烤爐燒烤，灑上濃郁嘅蟹油同香脆嘅蒜末。岩手蠔本身鮮甜多汁，再加上蟹油同蒜味嘅提升，味道真係絕佳。接下來磯燒大虎海老，大虎海老好爽口，肉質鮮甜。最後，我試嚐咗海苔洒盜燒帆立貝同黑門令蟹味噌甲羅燒。帆立貝有海苔及菇，口感豐富。而黑門令蟹味噌甲羅燒則以蟹味噌作為調味料，令帆立貝更加豐富嘅風味。兩者結合起來，味道更加出眾。難忘。如果你鐘意燒海鮮，一定要去黑門水產試下啦！

黑門市場位於銅鑼灣鬧市，方便就腳，黑門定期喺日本同埋外國空運新鮮水產同食材，等大家都可以隨時食到時令水產。午餐更設有定食套餐，可以趁午餐時放鬆一下感受日本風味不錯選擇！北海道飛魚飛魚刺身喺北海道空運直送，擺盤精緻，令人有驚喜嘅感覺，飛魚刺身甘香清爽，好有口感。另外，刺身魚頭仲可加配製作魚湯，湯頭味道清甜，加上其他豐富嘅海鮮配料，味道多種層次。海膽蟹咮噌甲羅燒甲羅燒主要係品嘗蟹嘅鮮味，蟹蓋上放了咗海膽、蟹膏、蟹肉同埋蛋，燒嘅時候將佢哋撈勻，鍾意食蟹嘅人千祈唔好錯過。海苔酒盜燒帆立貝帆立具大隻厚肉，味道新鮮，肉質彈牙，而且帶點燒酒味，加上海苔一齊食，味道多種層次。午市還設有定食套餐我們一行二人點算了刺身定食及壽司定食。定食食材新鮮，厚切刺身肥美鮮甜，午餐不錯之選🤗

日本空運嘅刺身喺黑門水產仲可以食到！喺銅鑼灣fashion walk呢邊嘅食街最有特色嘅一間舖非黑門水產莫屬，勁有日本feel而且氣氛好好☺️北海道秋刀魚 $238來自日本空運直送嘅秋刀正正係最肥美嘅時候，搭配酸汁同蔥已經能帶出秋刀嘅鮮味👍🏻海膽蟹味噌甲羅燒 $128，極上大漁貝燒 $138呢度另一樣主打嘅就係磯燒水產，以上2款店員都喺枱邊幫你燒，蟹甲羅燒加上海膽打卡一流，蟹膏香濃，而大漁貝燒除咗有帶子，仲有蝦、蠔以及海膽，簡單用少少牛油鼓油調味已經足夠🤤壽司盛合 $398一共有10款壽司，包括呑拿魚、帶子、甜蝦、三文魚籽等壽司，舍利係用上赤醋而且帶黏性，空氣感唔錯，2-3個人share黎食都唔錯🤭蔥吞拿魚腩卷 $128，黑門鮪魚酒盗芝士 $98最後就係送酒一流嘅小食同小卷，其中蔥吞拿魚腩蓉分量多，畫龍點睛嘅位係蔥用咗炸蔥絲，特別香🥹

同朋友慶生，上OP睇呢間有朋友最嘅甲羅燒，而且好多好評，立刻卜來試試。餐廳裝修好靚好有氣氛～先上刺身六盛，有帆立貝，吞拿魚，油甘魚，真鯛同海膽。三款魚類都係厚切，師傅好細心中間再切開少少，三款刺身都新鮮好食。特別想讚一讚帆立貝同海膽，帆立貝完全冇雪藏味，好鮮甜；海膽甘甘甜甜食得出用料靚，無腥味，2款都高質好食。之後主角出場，黑門令蟹味噌甲羅燒，有蟹膏蟹肉，飛魚子及鵪鶉蛋。在店員協助下終於燒好，燒緊嘅時候已經好香好吸引。蟹膏配餅乾嘅味道 咸香，口感豐富，味道真係一絕，果然是主角，好推薦👍🏻👍🏻極上大漁貝燒，有蠔，蝦，帆立貝同魚籽。今次見到店員邊燒邊落少少醬汁，燒完之後熱辣辣，個人最喜歡隻蠔，剛剛好唔會太熟，我哋連d湯汁都飲得乾乾淨淨。明太子大魚炒飯，味道香口微辣，食落粒粒分明，明太子脆卜卜令個飯好有口感。蔥吞拿魚腩卷，紫菜脆口，魚腩蓉肥美，壽司飯使用赤醋，味道同用普通壽司醋不一樣，用心製作。黑門紅豆雪糕（綠茶），終於嚟到甜品，雪糕賣相靚，綠茶味夠濃，配香甜紅豆，成為完美的句號。想讚一讚呢度店員親切有禮，主動加茶收碟，亦主動介紹菜式。朋友話下次要再試埋其他甲羅燒，我當然不能同意更多！

今個星期返工心情麻麻，係時候要約朋友食個靚靚晚餐開心下，好鍾意日式餐廳，所以我們決定搵間居酒屋食餐飽，今次被我們選中是黑門水產🤣。出面街熱辣辣，入門首件事當然係叫嘢飲，叫左個赤子草莓和巨峰乳酸，又靚又好飲🤭。正餐開始啦，先來個黑門蟹味噌甲羅燒，仲有專人幫我哋燒，蟹籽蟹糕燒起來超香，聞到陣味就令我們食慾大增，都燒緊殼，咁就同時燒埋蟹油蒜燒帶子和蟹味噌帶子，帶子燒得剛好收水，加埋蟹油或蟹膏香味，鮮味出眾而且層次分明，不會互相搶過對方鮮味🤣。食完貝殼，當然食些肉，於是叫左個鐵板燒牛舌，開頭以為薄切，結果有驚喜，條舌有口感有趙頭，我們驚唔夠飽，叫個海老反卷，嘩一上枱，我以為來錯食物，海老面鋪滿三文魚籽蟹籽沙律醬，我開頭還以為真是一碟沙律。友人就話不如試埋個漢堡啦，一上枱時，又有驚喜，雖然不是成條鰻魚上，但那一大塊鰻魚扒，卻非常滿足。最後一碟，當然要來個首尾呼應，叫個鐵板海鮮大雜燴(鐵板燒海鮮雜菌)，鮑魚、蝦、魷魚加埋菇菇炒，所有海鮮汁被雜菌吸收晒，故此雜菌才是整碟菜的精髓。不錯不錯，食左這餐晚飯，成個人生猛開心番🤭🤭

好耐冇食過日本野，見今日得閒同朋友去銅鑼灣搵到哩間係食街既日本料理，門口裝飾都好日本風，好似去左日本街頭打卡一樣。😋三文魚腩刺身 $118賣相切得好靚，而且好厚肉，清新鮮甜美味。不得不提，店員告訴我店內的日式豉油係廚師親自調製的，味道真的好鮮，與其他店真的不一樣。😋甘蝦刺身 $148 (6件)這個甘蝦與一般的不同，因為這個是經過浸泡酒的甘蝦。但食落好鮮甜，但又唔會給酒味蓋過。很特別。😋三文魚壽司 $48 (2件)雖然不是魚腩但都一樣鮮甜，飯糰底都不是純白色的，米飯應該沾了醬油，很特別。😋黑門帆立貝伴魚籽醬 $108/件好大粒帆立貝，上面有海膽魚籽醬魚籽，十分吸引。下面放了一塊紫菜，中間一塊芝麻葉，包起來一齊食，味道好獨特，特別新鮮，這個配搭很不錯。😋海膽蟹味噌甲羅燒 $128這個有一隻生的鵪鶉蛋 , 海膽, 魚籽, 蔥粒及蟹肉。這個需要店員來燒烤。熟了之後就混成一個醬，沾在餅干上，很鮮甜的蟹肉及海膽味。未曾嘗試這個食法，配上餅干很好味。😋 海苔酒燒帆立貝 $98這個有一粒很大的帆立貝 , 菇片 , 海苔混上酒。這個也需要店員來燒烤。帆立貝會切粒混上這個特別醬汁，少少海苔及酒味，特別特別

黑門水產位於銅鑼灣，係一間以新鮮日本料理為主打嘅餐廳。今次試咗佢哋嘅深海池魚同三文魚腩刺身、甲羅燒、香脆雞軟骨同埋燒雞皮。以下係我嘅食評：首先，深海池魚同三文魚腩刺身非常新鮮，魚肉鮮嫩，入口即溶～深海池魚嘅肉質鮮美，帶有微妙嘅海水味，而三文魚腩刺身嘅脂肪分佈均勻，口感滑膩。配上少許醬汁更能提升鮮味。整體而言，呢兩款刺身真係令人回味無窮。跟住到甲羅燒，味道十分獨特。甲羅燒嘅燒烤技巧獨到，蟹膏好甘香，每一口都能夠品嚐到蟹肉嘅鮮味同炭燒嘅香氣，絕對係一款令人驚艷嘅菜式。另外，香脆雞軟骨同燒雞皮都係我嘅心水之選。香脆雞軟骨外脆內嫩，外皮雖然好脆，但係裏面都唔會太乾，仍然有效鎖住肉汁。燒雞皮則係酥脆多汁，配上啲微微的炭燒香氣，絕對係燒物fans嘅必點食物。總括而言，黑門水產係一間值得推薦嘅餐廳。佢哋嘅食材新鮮，烹調技巧獨到，每一款菜式都能夠帶給你驚喜。如果你係海鮮愛好者，一定唔可以錯過。去到一定要試試佢哋嘅深海池魚同三文魚腩刺身，相信你會有一個愉快嘅用餐體驗！

餐廳喺銅鑼灣Fashion Walk裝修好有日本風格既居酒屋🇯🇵主打食海鮮磯燒，刺身⭐️甘蝦刺身花酒漬味⭐️甘蝦刺身颜色鮮艷😍剝開殼頭時蝦身連膏食落新鮮，味道甘甜👅加埋花酒漬味，口感更加醇滑，風味十足⭐️北海道本釣池魚⭐️原條池魚擺盤非常吸引，用嚟打卡一流😆刺身好新鮮，入口會滲出淡淡既油脂香一部份刺身係醃漬，俺得唔算濃郁，保留住魚肉本身既鮮味👍🏻⭐️一魚兩食：魚湯⭐️魚頭仲可以加$60煮成魚湯餐廳會先將條魚煎香再加入豆腐，洋蔥，冬菇，等等嘅材料煮成魚湯個湯好入味，又鮮甜⭐️海膽蟹味噌甲羅燒⭐️甲羅燒絕對係呢間餐廳嘅賣點之一😍職員會幫手燒同攪拌甲羅燒甲羅燒加入咗蟹膏，蟹籽，海膽，鵪鶉蛋令到味道更加香濃😋⭐️蟹味噌燒帆立貝&海苔酒盜燒帆立貝⭐️職員會幫我哋處理同燒👍🏻燒緊嘅時候已經聞到好香蟹膏味🤤帆立貝好鮮甜⭐️鐵板燒山賊醬蟹蒜地雞⭐️鐵板燒上熱辣辣，雞肉唔會食食吓凍咗雞肉肉質嫩滑好香蒜蓉味，好惹味👍🏻🍈黑門曲奇雪糕果內哈蜜瓜🍈呢個甜品有半個哈密瓜，絕對足夠2-4人share作為呢一餐嘅甜品好滿足☺️

經常聽朋友介紹黑門水產呢間日式居酒屋，今日終於有機會同朋友試下，今次試左銅鑼灣分店，由於5:30已經到左，所以walk in都仲有位，食到甘上下晚飯時間已經坐無虛席了。餐廳環境佈置用心，令人感覺好似置身日本一樣。我地一黎就試左黑門鮪魚酒盜芝士做頭盤，芝士好香，配埋鮪魚，味道好夾。黑門令大漁魚子醬脆脆包：好豐富嘅翠翠包，非常足料，有魚子醬、海膽、太子、吞拿魚，一啖咬落去我最非常滿足！赤鬼蟹味噌甲羅燒：難得黎到梗係要食最出名既甲羅燒，有店員會幫手燒埋，非常新鮮但又唔會腥，值得一試！蟹油蒜燒帆立貝：帆立貝好大粒，啖啖肉，好爽口！花魚一夜干：一樣好大條，燒既火喉剛好，魚肉滑溜有汁！

黑門角切海鮮沙律，清爽開胃，有油甘魚、三文魚及蝦刺身，沙律醬汁酸甜，加上蓮藕脆片，口感層次豐富海膽蟹味噌甲羅燒即燒即食既甲羅燒，蟹蓋上放咗蟹膏、蟹肉、蟹籽、生鵪鶉蛋以及海膽，燒時將食材攪勻，拌以蟹膏甘香幼滑，加上海膽香氣濃郁。北海道蜜柑鯛薄切刺身，刺身切片薄而寬，淡紅色，鯛魚鮮甜清新鮪魚赤身拖羅蓉千本太卷吞拿魚，爽口既酸薑，配搭鮮美既吞拿魚，淡淡既醬油及紫菜香氣鐵板燒海鮮雜菌有鮑魚、海老、魷魚同雜菌炒得焦香惹味，鮑魚肉質細嫩入味，十分鮮甜；魷魚口感彈牙，海老鮮美十足～廣島吉列炸蠔，超大隻廣島蠔，炸得金黃酥脆。蠔肉保留鮮甜蠔汁、蠔肉鮮嫩可口！巨峰乳酸生啤葡萄的清香，飲起來酸酸甜甜，唔會有啤酒既苦澀

大家唔使特登搭飛機去大阪黑門市場🇯🇵喇，響香港銅鑼灣都食到黑門市場質素嘅高質日本料理！🍣🍣🐟北海道秋刀魚刺身🐟秋刀魚做成刺身，魚脂特別豐厚，質感濃郁，魚肉呈粉紅色，再配以店家準備既薑茸、Wasabi、蔥粒，就即刻可以感受到清爽帶油香嘅滋味，一試難忘。食完秋刀魚啲肉，中間條骨仲可以加$38，店家幫你炸，炸完好香脆，完全係食晒成條魚，一啲都冇浪費☺️對於日本食材有啲認識嘅你，應該都會知道秋刀魚本身係一種極容易腐爛，如果要造成刺身， 師傅嘅手藝必須係好高超先應付得到，黑門師傅，就正正去到呢個水準。🔪🐄蜜糖芥末火焰安格斯牛肉沙律🐄肉質細嫩又結實嘅安格斯牛肉上放上數粒鮮甜蟹籽，再配以用蜜糖芥末醬同埋新鮮沙律菜🥬，食到牛肉既細嫩又唔會膩，新穎配搭👍🏻🦀海膽蟹味噌甲羅燒🦀今日呢一餐，我簡直係衝着呢個而黎！果然冇令我失望！淨係睇賣相，已經好養眼，再睇住店員，細心幫你將蟹蓋放上燒爐，再將入面嘅蟹籽🦀、蟹肉🦀、蟹膏🦀、海膽、鵪鶉蛋撈埋，慢慢燒，之後好快你就會嗅到蟹膏既鮮味，配以日本入口既海苔威化餅，蟹膏既鮮味配上海苔餅嘅鹹香味，一試難忘。😋🦐極上大漁貝燒🦐特大日本元貝上再配上新鮮海老🦐、日本鮮蠔🦪、鮮甜海膽

我哋今次黎到黑門水產，呢間餐廳嘅裝修值得一讚。未入到餐廳，已經感受到濃厚嘅日本氛圍，從門口裝修到內部嘅飾物，都展現住日式餐廳和居酒屋風格，令我地感覺彷彿置身於日本，為呢餐增添左唔少樂趣。首先，我地點左店員介紹嘅新鮮北海道本釣池魚，刺身擺盤真係好似一件藝術品，非常精緻。刺身片肉質鮮嫩，味道鮮甜，師傅另外將部分魚生切粒做成醬油漬，配搭炸牛蒡絲，再放上紫菜包住食增添口感同味道。食完後店員推薦我地加$60，將魚骨同魚頭用黎製作豆腐魚頭湯，每人一碗嘅湯品帶著奶白嘅顏色，濃郁嘅魚味，絕對值回票價。海膽蟹味噌甲羅燒配梳打餅，香濃蟹膏嘅鮮甜味同海膽味道融合一齊，配上蟹籽，店員係我哋眼前用火爐燒烤。煮熟嘅蟹膏配搭梳打餅，營造出一種特別嘅口感同味道嘅平衡。黑門令鰻魚漢堡，底面兩層鮮嫩肉質汁的鰻魚，內層有玉子，調味左嘅壽司飯同紫蘇葉，最後用紫菜包住食，好滿足呀！鐵板燒海鮮雜菌，鐵板jarjar聲，上面係燒汁炒嘅鮑魚、海老、魷魚同雜菌，結合左海鮮嘅鮮味同雜菌嘅香味，係味覺同聽覺嘅享受。我地仲突登叫咗個白飯一齊食，令味道更加突出。三文魚牛油炒雜菌亦係另一個我哋配搭白飯一齊食嘅料理。牛油炒雜菌比較常見，但今次加上