486
90
38
| 餐廳: | Harlan's |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 B1/ N5 出口
繼續閱讀
電話號碼
29722222
開飯介紹
原位於中環國際金融中心的Harlan's於2010年7月6日遷往尖沙咀The ONE，此店佔地7,000平方呎， 120個座位，而且有飽覽維港美景的露天雅座，供應時尚歐陸美食，另設生蠔吧，並有超過200款搜羅自世界各地的佳釀，餐廳入口特設「名釀廊」，以佳釀、畫框配襯燈光做成特別視覺效果。
繼續閱讀
特色
浪漫情調
適合駕駛人士
營業時間
今日營業
12:00 - 22:30
星期一至日
12:00 - 22:30
*午餐最後落單時間: 15:00 星期一至四晚餐最後落單時間: 21:30 星期五至日及公眾假期最後落單時間: 22:30
以上資料只供參考, 請與餐廳確認詳情
有關獎賞計劃
優惠
| 餐廳: | Harlan's |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
終於到咗十月生日月，朋友book咗The One 19/F嘅Harlan’s同我慶祝☺️🥖可以refillStarter🧀焦糖無花果，布里芝士，鵝肝醬配四川花椒士多啤梨果醬 無花果酸酸甜乖開胃，配搭芝士和鵝肝醬中和膩感。唔係好食到花椒味但士多啤梨果醬好fresh 。🦞日本A4和牛伴龍蝦油法式麵包多士配蠔葉，魚子醬及海膽A4和牛豐富的油脂和細膩的肉質搭配龍蝦油酥脆法式麵包多士，入口層次分明。蠔葉，魚子醬和海旦更增加了獨特的海洋風味。但相對地就少少膩。Soup🥣菊芋松露濃湯配烤螯蝦，芥末葉呢個湯非常濃，失策嚟唔切影相。烤螯蝦菊芋芥末葉係碗上面，然後server 就淋啲濃湯落碇。Main🍽️ 美國頂級牛柳配香煎山楂鵝肝，茄子醬牛柳唔韌容易切，鵝肝配上山楂汁解膩。茄子醬唔係好食到茄子，最內圍嘅Sauce似乳豬醬，幾好味。🦐 西班牙紅蝦配北非小米，乾魷魚，夏威夷果仁醬‼️ 北非小米含麩質，麩質過敏人士要小心。乾魷魚有少少overcook。Dessert🎂柑橘慕絲蛋糕配陳皮芝士泡沫訂位時有寫慶祝生日，甜品碟上會寫上生日快樂同壽星名。陳皮芝士泡沫真係出色👍🏻柑橘慕絲蛋糕內有少少橘皮，好有口感。DrinksMocktail - Rose 🌹 一飲落去腦海出現「瑞士糖士多啤梨味」 😂有少少海鹽，Rose同士多啤梨值得一讚👍🏻✅侍應非常有禮貌✅環境坐得舒服✅有得Book枱✅靚景，巧與幻彩詠香江✅枱上嘅花係鮮花👍🏻 OpenRice 訂位有折
繼續閱讀
今天我哋四個人去咗尖沙咀嘅Harlan's Bar and Restaurant，地點就係彌敦道100號The One 19樓。今次我哋點咗Tasting Menu，真係食到我哋心滿意足！開胃菜方面，首先試咗乾式熱成雞胸，搭配肝肉、醃蘑菇同脆雞皮，味道濃郁。接住係酸橘汁醃牡丹蝦刺身，清新得嚟又有一啲甜味。然後係日本帝王蟹蛋泡沫，配上法國康帝芝士脆片同海膽，簡直係享受！柴菜蠔忌廉湯更係唔可以錯過，搭配龍蝦油煎帶子，味道一流。主菜方面，我哋有慢煮乾式熟成鴨胸，配上鴨油薯仔同煙燻車厘子，味道豐富。A4和牛西冷則係滑溜得嚟，配脆炸芋頭鴨腿餅，真係好滋味。最後，甜品榛子朱古力慕絲搭配鹽味焦糖開心果忌廉，完美收官！真係一餐美味之旅！
繼續閱讀
知道呢間餐廳都好多年，今日就係第一次嚟食，本身以為係一間普通西餐廳，但原來呢度嘅菜式都幾創新㗎喎，即是平時唔會喺啲酒店老派餐廳有機會試到嘅嘢。例如前菜有個海膽蛋白，店員話呢個係signature，試完之後都真係好驚喜，每一個材料嘅配搭到好特別，但又覺得幾夾喎，口感層次豐富，每一啖都覺得好矜貴。另外個蠔湯超級濃郁，真係未試過飲蠔煮嘅湯，預咗係偏鹹味重嘅，但係作為頭盤都恰當。頭盤真係驚喜連連，另外一個dry aged雞肉加鵝肝又係好驚喜，估唔到個鵝肝唔腥而且仲好鮮味，配埋啲醬汁處理得非常好！主菜真係要重點講A4和牛，想講佢煮得非常之好， A4本身舊肉夠靚當然唔使講，但係個生熟度都係非常適中，嚿肉咬入口唔會太溶，仲有保留返牛肉應該有嘅口感。唔食牛嘅可以試吓個意大利粗麵釀海鮮，幾有心機嘅，最欣賞都係嗰兩粒龍蝦，好鮮味！其實佢個開心果忌廉同埋朱古力mousse都好好食，小小鹽味撞返個甜味非常適合成為一餐嘅總結。我最欣賞佢呢度唔會局限你一定要食甜品，可以揀兩個前菜，有陣時都真係食唔到咁多甜嘢，同埋啲前菜都真係幾有特色。Overall性價比都算幾好，唔好唔記得有個180度維港景，同埋啲服務都好到位嘅，都好適合拍拖撐枱腳！
繼續閱讀
🙌🏻和牛西冷配脆炸芋頭鴨腿餅，椰子牛肉汁呢道菜一上枱就已經聞到陣陣和牛嘅香味，和牛西冷煎得剛剛好，外皮微微焦香，內裡粉嫩多汁，入口即化，油脂分布均勻，食落好有牛味。旁邊嘅脆炸芋頭鴨腿餅亦都唔輸蝕，外皮酥脆，內裡嘅芋頭同鴨肉好香口，口感豐富。最特別嘅係佢哋用咗椰子牛肉汁，椰子嘅清香中和咗和牛嘅油膩感，令到成道菜更加清新。🙌🏻榛子朱古力慕絲配鹽味焦糖開心果忌廉呢個榛子朱古力慕絲真係令人眼前一亮，慕絲質地幼滑，朱古力味濃郁，但唔會太甜，配上鹽味焦糖開心果忌廉，鹹鹹甜甜嘅味道好有層次感。最正嘅係佢哋仲加咗啲脆脆嘅榛子碎喺面，增添咗口感，食落更加滿足。🙌🏻意大利麵捲酸雜錦海鮮及五花肉，松露芝士忌廉汁呢個意大利麵捲好有創意，將意大利麵捲成一個個小卷，裡面釀滿咗酸雜錦海鮮同五花肉，海鮮新鮮彈牙，五花肉肥而不膩，兩者嘅味道好夾。松露芝士忌廉汁香濃幼滑，同意大利麵捲好夾，食落好有滿足感。🙌🏻慢煮乾式熟成鴨胸配鴨油薯仔，香辣煙燻車厘子，士多啤梨果醬，油封金甜菜呢道慢煮乾式熟成鴨胸絕對係今晚嘅高潮！鴨胸外皮香脆，肉質嫩滑，入口即化，完全唔會覺得柴。鴨油薯仔外脆內軟，充滿鴨油嘅香氣。香辣煙燻車厘子同士多啤梨果醬為成道菜增添咗酸甜味，平衡咗鴨胸嘅油膩感。油封金甜菜亦都做得好好，口感軟嫩，味道清甜。🙌🏻酸橘醃牡丹蝦刺身呢個酸橘醃牡丹蝦刺身好清新開胃，牡丹蝦新鮮彈牙，酸橘汁帶出咗蝦嘅鮮味，食落好清爽。最特別嘅係佢哋仲加咗啲柚子皮喺面，增添咗香氣同層次感，好開胃！🙌🏻紫菜蠔忌廉湯配龍蝦油煎帶子呢個紫菜蠔忌廉湯好濃郁，蠔味十足，紫菜增添咗口感同香氣。龍蝦油煎帶子亦都做得好好，帶子煎得剛剛好，外皮微微焦香，內裡嫩滑多汁，龍蝦油嘅香氣令到帶子更加鮮味。總括嚟講，今次嘅用餐體驗非常愉快，餐廳嘅菜式充滿創意，將唔同國家嘅食材同烹調手法融合得恰到好處，味道亦都令人滿意。每一道菜都經過精心設計，擺盤精緻，味道層次豐富，正！
繼續閱讀
咁今日呢就同一大班朋友嚟到呢個位於The One上面19樓嘅一個半自助餐餐廳main course我就揀咗食西冷牛扒嘅咁真係幾好食唔錯，不過配菜就比較少薯蓉同醬另外朋友分別呢都有人嗌咗魚啦，同埋龍蝦長通粉咁我都有試幾啖都OK唔錯咁出面沙律Bar嘅嘢就選擇好多，不過我自己啱食嘅就唔多（可能不嬲唔係太鍾意食沙律）我自己就食咗呢度少少嘅菜加沙律醬同埋飲咗個Tomato 湯 咁最後甜品其實佢都整得幾好嘅，因為每一件都係好細舊咁樣兩啖就食晒每樣都可以試少少性價比都高，以呢個牛扒嘅質素都可以一試同埋自選Bar都三樣海鮮你選擇
繼續閱讀