Metal Steak (已結業)

屋企附近新開日式牛扒店，呢晚一枝公未開餐姑且試試，店長推介只今個月優惠西班牙黑毛豬鞍，原價1.2/g現半價0.6/g,按重量計算，要咗300/g $180,扺過自己買嚟煮，廚師建議3成熟，吓-成世人都未試過食咁生豬扒，最後都聽廚師建議5成熟，鐡板上剛好，肉質鮮嫩，都好juicy，配什果黑醋好夾，整體餐廳環境有feel，食材質素好，會再嚟😀😀😀

引入日本食法，一間絕對比任何扒房更充斥牛氣嘅steak house，唔好怨餐牌選擇少，只因為目標非常明確，就只買五欵牛肉，劃一爐燒煮法，一心為噬牛角人而設。受燒爐限制，半生牛柳無法做到將肉面燒得足夠焦香，但加上伴碟一少撮已經爆炒過而又在燒熱在鐵板上被焊至焦燶過火的洋蔥絲和蒜片，搭埋一齊入口郤產生意想不到的化學作用。以二三百元食沒有經鬆肉制的非港式牛扒已經超值，吃牛扒，沒有最好食，只有是否啱食，這一家，可以說是最啱自己口味的一家。

前幾日難得公眾假期，去左澳門一日遊，返嚟嗰陣時夜晚十點鐘，上環落船，除左翠華，究竟我仲可以食乜好呀？！臨落船，立即上openrice搵下食乜先！竟然畀我搵到呢間新開既扒房！落左船我地就一支箭衝去搵路啦！唔洗10分鐘巳經去到歌賦街，經過好出名既九記牛腩，差唔多街尾，就見到紅色招牌既metal steak!好肚餓呀！！入到去先order後畀錢，然後揾位座，大致快餐店咁既形式。我最終個肚打曬鼓既情況底下，我叫左300g既安格斯肉眼，5成熟！仲加左個set$30,有沙律，雜菜湯，同飯！Oh my god!個飯上面竟然細心得有日式飯素！正呀！大約5分鐘，個扒由服務員遞上，嘩嘩嘩！香味十足！香噴噴呀！枱面有好多醬料，自己選擇，我最鐘意係柚子味個款，冇蓋左牛既肉面之餘，好清新！300g算厚切吧！肉汁一流唷！可能燒既原故，肉汁鎖得好好，值得一讚！成餐200蚊鬆d,交足功課！絕對超值！阿媽話齌，而家d牛好貴架！而家出街好貴架！😂😂哈哈！所以今次第一次寫食評，想開心share畀大家！

新開張的牛扒店位於中環，餐廳的經營模式比較特別，是客人先選擇自己心水的牛肉，之後讓廚師算重量，然後給錢就可以自己找位置，之後就有服務員會把牛扒端上。重點是按g 收費！(這罐是紅酒哦!!) AOC 的每張台上都有一些自由讓我們選擇的醬汁。忌廉芥末、柚子汁、芥末、黑椒粒、薄荷JELLY。餐廳有個細心位，墻上挂住圍裙供女客人怕弄骯髒衣服。環境寬闊，加上裝潢特別，木+鉄的設計簡潔又時尚。墻上更有裝飾畫像。一向吃牛扒喜歡吃5成熟，店家教點4成左右就岩！因為鐵板上，會再熟多少少。根據指示後，這裡的5成熟很符合我口味，有些餐廳所謂的5成熟可能會更老些，便會影響口味，肉質會變硬變韌。服務員端上臺時牛肉味非常之香，牛有牛味 (又係呢句!!XD)肉質鮮嫩，入口一咬濺出不少肉汁，香濃的牛味！配菜也很新鮮，這裡沒有菜條，但配上粟米，一樣飽肚！ Nice!

星期一應該開開心心，維持holiday mood,6:00準時收工！唉！點知十萬封email未覆，搞到要9點幾十點先收工！一條友，心有不甘，唯有安慰自己，食好d!!!揾食揾食，揾黎至在食呀！！！聽同事講，公司附近歌賦街開左間扒房，我呢個受氣牛扒控一於會一會佢！唔好食你就知死！原來係九記牛腩直行，入到去，要先order,係個洞話畀廚師聽食乜牛，食幾多，然後佢切完磅過我睇再即刻燒，幾搞鬼既！我叫左安格斯肉眼330g，5成熟！0.6毫/g,$198 order完畀完錢,揾個位，唔洗3分鐘牛扒立即送上。(题外話，同事話立食，完來有位坐！只係高枱，但有櫈既！)牛扒送到！原來鐵板上，（咋)（咋)聲送上，切開果然5成！粉紅色，天啊！！燒牛扒果然鎖住肉汁，咬落去唔會un但非常有口感，冇渣，唔鞋口！讚！係呢個年代，OT已經係打工仔指定動作，但198蚊有成330g肉眼扒，確實難求！寄望呢間小店係呢個租金贵到儍左既年代繼續生存啦！總括，除左食完心靈有d安慰外，確實值得一試，相信不久既ot后再見啦！😆

Metal Steak位於係美食林立的歌賦街, 可能是宵夜時間, 不用排隊就有位, 走進店子第一時間是在近門口位置選擇你想食既類別, 有佐賀, 安格斯同新西蘭, 選好了店員就會問你大概要多少g左右, 因為是宵夜時間所以貴精不貴多, 第一次來就試試價錢最貴既佐賀A4西冷200g就算, 免得太飽難消化, 可能這裡既牛扒都是用鐵板上, 要了五成熟感覺有六成熟, 要來試既朋友建議可自動調低一至兩成啊, 加30蚊可以跟餐多個白飯沙律同南瓜, 我兩個人跟咗一個餐, 白飯上面加上日本開胃飯素, 南瓜湯就一般般似係開出黎, 牛扒沒有調味食落麻麻地, 肉質同口感是可以, 始終都係高級食材, 如果係上面加點鹽相信味道更勝一籌, 唯有沾點薄荷醬加返個味道; 食野始終都係坐底慢慢食好, 呢度座位設計可企可坐, 枱下還有欖子擺袋; 人頭三百幾中環區算係不過不八, 似係高級版pepper lunch！

呢間新開最近宣傳好勁，本本書都有講，加上同老公最近食肉減肥法戒澱粉質，同呢間係屋企附近，所以要試下～黎到見前面d人拎住團購紙，覺得自己蠢咗唔知有團購；但我地係好食A4佐賀和牛西冷同肉眼扒，團購無的～行到去佢話一gram gram咁計，未試過咁食，所以毫無頭緒要叫幾多gram，切扒個個人就話女仔就二百幾gram，男仔就三百幾gram～ 咁樣原來唔平，我嘅A4佐賀和牛西冷二百幾gram要$505，老公嘅A4佐賀和牛肉眼扒三百幾gram要$575，另外跟餐有湯+沙律+飯加$30，水$12支～我地想食熟d，切扒個個人有話因為佢地用鐵板，所以五成之後等佢用鐵板熟，呢個建議非常好～點完上上層，佢全部都係高枱櫈（唔係高枱櫈得一張要多人數先坐得），等緊中途有人坐坐下"缐"落黎，《《《特別highlight其實好想話又唔好坐又唔夾食扒，同食扒用力据又鐵板坐呢d櫈好危險囉～》》》佢d牛無調味，靠枱上一支支d汁，我比較鍾意黃色有粒粒個支，芥辣得黎香；A4佐賀和牛西冷同肉眼扒兩隻都好好食，肉眼扒比較硬有口感，A4佐賀和牛西冷好味到有入口即溶嘅感覺～ 好正！！飯有d紫菜係上面，好味但唔係珍珠米；沙律配芝麻汁好味

看見今期飲食雜誌推介這間新張日本牛扒餐廳，本牛達人即時聯同太座姑且一試，進入餐廳即頗有驚喜之處，這間有別於一般餐廳，首先選擇牛扒質素，按個人食幾重厨師即時切幾多，我和太座各選擇了價錢0.6/g，200g安格斯西冷和300g安格斯肉眼部位，厨師切了210g安格斯西冷$126，厚切360g安格斯肉眼$216，坦白講以這價錢簡直超值，在超市買都未必買到何放在中環區餐廳，跟著到收銀處比錢兼買2罐日本迷你Q版可樂和芬達，眼見厨師在近門口當眼處在火山石爐燒牛扒，火光红紅，透著玻璃也牛香撲鼻，即時食欲大振，滿心歡喜入內搵位坐，餐廳設計走彩色繽紛型格貨櫃場，分上下2層以高枱吧椅，頗為前衛有feel一讚，不消一刻侍應己捧著吱吱聲鐵板牛扒送上，還講解枱面上的醬汁分別有什果黑醋，日式芥末，薄荷啫喱，抽子味噌，忌靡介末子，尚有黑胡椒，盬等，可按個人口味，牛扒下有洋葱给鐵板熱力迫得夠香，伴鮮露笋和粟米粒，可幸可選擇5成熟，因鐵板太熱否則太熟，切開牛扒內實粉紅剛剛好，牛的油香牛味頗讚，至於厚切的安格斯肉眼更加  best of the best 肉汁滿溢，牛的油脂更香，伴著柚子味噌更绝，味覺更有層次，頗為滿足，總

今晚在中環揾嘢食，剛剛看到飲食雜誌介紹，這間新式牛扒店，於是去試試。我們兩個人點了一客安格斯西冷（約200克，每克＄0.6，價值＄129元），一客佐賀和牛西冷（約240克，每克＄1.9， 價值＄460元）再加餐湯、沙律，白飯及一罐可樂，合共645元。這間餐廳標榜的是快餐概念，裝俢很簡約，食物的水準也是快餐店水平，餐湯味道不錯，但是凍的，安格斯西冷扒尚算可以，價錢合理。但是佐賀和牛的質素就有點問題，一塊240克的牛扒，有三分之一是肥羔，脂肪已經價值百多元。可見這𥚃並非吃和牛的好地方。  另外服務方面，我們吃完了才發現，餐廳是會提供圍裙式餐巾給客人的。  還有這𥚃用燒熱的鐵板來盛牛排，應該點半生或以下才不會太熟。對初次光顧的客人，解釋不足，最終會帶來不少不滿意。

今日同男人試呢間「企響道食」既牛扒店，聽聞係老細見到日本好興而香港又未有所以響香港開番間，雖然話係企響道，但香港人可能唔會習慣，所以老細都有加番高椅比香港客人，好細心，就算我係哈比人都唔覺得因為太高唔舒服。入到去可能果刻仲早，6點幾唔算多人（開始叫後面一堆堆入，每堆4-5人，好彩），一入去就見到廚房，就行去cashier,原來有step架：Step 1）先去廚房同師傅講要咩種類牛肉，今日去0.7/g 既澳洲牛仲做緊半價，即係0.3/g ja,唔係唔試嘛（起碼唔好食都唔會呻笨豬），最少200g起，師傅問我要幾多果時真係冇乜概念幾多gram有幾大舊，200g又好似太少（果時餓到癲）所以試下300g先，師傅手起刀落，原來都大舊（女仔黎講），我諗住切左冇所謂啦，反正男人實幫我清（但記得食得晒先好嗌），之後到佢叫，佢話：500g丫😱我呆左...叫完師傅會比張sticker你有晒幾gram同價錢...Step 2) 去cashier比錢，之後就會比2個牌牌你，原本男人500g要成3百幾蚊，半價左加埋$39紅酒只係$232 又ok wo👍3）自己搵位等食，行入去好似好細（原來仲有上層，我地揀左下層最

夜晚OT完10點零鐘想食扒，見到呢間幾特別就去試下。叫左份普通Angus Rib Eye 250g 試下先, 食Medium, 一食無牛味，第二啖食落個心凍之餘仲有雪味。唉，早知係中環食大X樂！

早幾日見團購咁抵，買左兩張同老婆試吓，一入去表明係團購，比左紐西蘭牛柳我，問我要幾熟，一睇原價要兩百幾心諗抵哂，之後比錢等食喇（因轉套餐），牛扒送上但一滴汁都，所以問果店員枱面上啲汁係乜，佢講左一輪黑醋吖，柚子吖....我問佢黑醋是否食沙律用，佢居然笑我你試吓喇 ，Sorry我真係未試過牛扒点黑醋，之後就試下喇，每種汁都試匀無隻好食，而且牛柳又多根又韌，無味又多渣 ，outback 人地塊扒又係二百幾蚊好食唔知幾多倍，老婆話我煮好食過佢，结論係好彩係買團購，因為正價唔洗預我，絶對無下次。

睇「洞」新聞介紹呢度，覺得企響度食牛排嘅idea幾有趣，所以同友人來試試。牛排是逐g計嘅，揀好想要嘅品種，廚師會即場切。200g起標，食幾多切幾多。今日揀咗 安格斯肉眼 ， A4佐賀和牛西冷安格斯肉眼 ($0.7/g)牛味都Ok，煮嘅時候落咗幾多香料，所以香料味有點 cover 咗牛味。但大致上都算可以。A4佐賀和牛西冷 （$1.9/g)  呢塊排就真係正喇！ 牛脂很香，脂肪分布平均，如果喜歡吃牛脂芳香嘅人，呢塊排唔會失望。我揀咗 Medium Rare，鐵板上，就啱啱好！簡單嚟講，呢間牛排屋嘅牛排選擇都算多，豐險由人。咁潮嘅裝修同企響度食嘅新概念，相信可以吸引潮人嚟食。 小Tips: 和牛而積比較大，200g會比較薄，所以要切厚啲，煎熟咗入口先好食㗎！

由於被團購照片所吸引，見到又係岩岩新開張，唔洗預約，膽粗粗去試下 ~7點前到達現場，並未有太多人。一入門口，首先係揀選自己喜歡0既牛肉，之後廚師磅重量，我團購買了300G的牛柳，但廚師取了330G的牛柳給我，340G的牛柳給我朋友，廚師便即場燒烤。由於此店是磅重逐G計錢，所以我拿著廚師打好0既價錢飛仔去收銀處打單，竟然唔洗補$$，值得一讚。廚師燒烤期間，客人需要自己揀選座位，之後等服務員上菜。我地揀選了樓上座位，座位排得密密麻麻，9成係高枱高櫈，對身型矮小人士，甚為不便，因為會吊腳，在場見到2-3位女士有甘0既情況。枱上放了多款，醬汁自由選擇，包括芥末、柚子汁(太稀)、忌廉芥末、黑椒粒 (無味)，雜果黑醋 (似鎮江醋)，薄荷JELLY (似牙膏)。牆邊掛了圍巾，枱下放了藤籃，都係店方細心之處。牛柳上枱啦!! 一個加$30蚊跟餐，有湯、飯同沙律。南瓜湯幾香，不過無乜味，好淡。  2塊牛柳都選了7成熟，略嫌過熟，上枱切開，幾乎全熟。聞不出有肉香味，開頭1,2口，還算有肉汁。10分鐘食唔完之後，整塊扒已經係又乾又鞋。 醬汁完全與塊扒唔MATCH ~ 最可憐係罐汽水，加左15蚊，得類似益力多0

老公上網睇到呢間立食牛扒店, 因為之前日本之行對"立食"印象好好, 而又鍾意食牛扒, 所以決定一試店舖採用open kitchen, 一入去先揀想食啲咩, 然後俾$, 坐低後會有人serve你牛柳依家做緊半價, 我哋揀咗牛柳同A4西冷, 約200g (最少order200g);+$30可以有沙律+湯+飯俾完錢就搵位坐低, 店舖分上下兩層, 樓下全部係高檯, 坐得有啲辛苦跟住店員會派圍裙俾你, 以免整污糟自己啲衫好快就有得食始終係A4 grade, 牛扒好tender, 好食, 特別一讚佢個粟米湯好好味, 我飲曬兩碗)普通, 呢個價錢好合理檯面一系列醬汁, 店員亦好細心介紹總結: 啲扒係叫medium rare, 但店舖用鐵板上, 我明白係想保持熱度, 但食到最後件扒已近全熟, 尤其係件牛柳亦開始硬, 希望呢個問題可以改善。