Metal Steak (已結業)

牛扒豬扒真的很新鮮，價格真係好平，而且是即叫即整，扒的味道水準很高，不會太生同太熟，因為高溫燒既關係，所以肉汁都鎖哂響肉入面，非常juicy, 調味料選擇亦很多，而且飯的份量都足夠，飯煮剛好，還可以看著廚師煮既過程，不會馬虎。下次一定會再 Encall

早排聽朋友講中環有間以<立食>為賣點既牛扒餐廳新開, 聽講都唔錯, 所以都去試試係九記牛腩附近, 都唔算難搵! 入到去, 職員都幾主動過黎介紹個程序係點, 先揀自己心水既牛扒, 同廚師講要幾多克就可以(最少要點200克), 因應個人需求而點, 同埋有個磅係你面前秤, 起碼唔會呃秤先啦!  呢度會有個半開放式既廚房, 可以睇住廚師燒自己既牛扒店內環境唔錯, 有兩層, 可以上樓上, 但我就揀左下面, 上面都幾光猛當日點左佐賀A4肉眼(1.8/克), 叫左大約200克, 5成熟, 鐵板上到黎, 賣相唔錯! 上面有蒜片, 而且仲有配菜, 中和牛扒既油膩自己本身鐘意食肉眼, 鐘意有油脂香, 而呢塊牛扒, 一咬落去, 果種油香十分重, 好好味! 咬落腍身, 唔會有過多脂肪, 入口即溶, 而且有食落去鮮嫩, 多汁, 唔會因為鐵板上而令到牛扒乾身, 正!其實佢仲可以加$30轉SET, 不過一塊牛扒對我來講已經足夠!食牛扒要有唔同既調味, 呢度可以比你自己揀調味料, 有黑椒, 海鹽, 薄荷醬, 黑醋, 忌廉芥末, 柚子汁, 黃芥末, 好多唔同種類, 總有一種岩你心水!  每樣都有試過,

行開PMQ附近比我發現了這間隱藏在中環歌賦街差不多街尾的烤牛肉專門店看見有燒和牛二話不說便進入店內一入去店員先介紹不同肉類的價錢選擇不多只有六種全部用每克去計數話明食和牛咁我就揀咗佐賀A4肉眼扒之後同廚房嘅廚師講我要300克！計算價錢出來後，發覺比喺日本吃更便宜我驚唔夠飽還加了＄30升級做套餐有飯有湯有沙律店店裝修好特別廚房好似個貨櫃，經過一條長長嘅走廊入邊仲有枱櫈，不過裏面已經坐滿晒人 ，所以坐在走廊旁落單後等了一陳間，熱辣辣的鐵板放上了五成熟香噴噴的佐賀A4肉眼扒熱騰騰的蒸氣香味湧上，直衝入我的嗅覺原本以為300克好少原來並不如此切開後發覺五成熟的和牛雖然仍看似血淋淋，但一放入口中嗰一種即刻溶化嘅感覺加上充滿脂肪嘅口感確實難以形容，整個過程不停的放入口中完全忘記了沙律、飯和湯，不得不提店家特製的柚子醬汁配置和牛口感味覺簡直另一個提升不知不覺間將整塊肉眼扒徹徹底底地在口中溶化一舊也不留！鐵板上的甘筍和粟米爽口鮮甜這些配料絕不馬虎最少落單200克

以前去歌賦街，九記一定少不了，但最近吃完經過Metal Steak，open kitchen格局下，在門口親眼看著厚切的大塊牛在大廚下烹調，方才吃完兩碗牛腩，又口水直流了。價錢走中高檔路線的Metal Steak，未食過可能會給價錢嚇到，因為都是斷克計。不過，既然百貨公司超市買牛扒也是用克計算，價格其實大同小異，有大廚調理就當然更化算。這裡不單單只有牛類，不過目測大多數人都是吃牛扒，我也不客氣了。這裡最少要買200g，最多350g，最平$1xx都有交易。有得揀，當然係老闆，難得連重量也可自選，好過幾百元吃燈影牛還要加一，我就點了佐賀A級肉眼，西冷各一，而且要最大的350g厚切。就這樣吃掉了一大份薪水，不過，辛苦得來旨在食，一次半次都括出去了。上到閣樓，柔和燈光自然少不了，不過原來是高椅高檯的半立食，對据扒來說有點新奇。檯上有好多個樽，聞一聞，各有不同的果味，店員詳盡介紹，說這是老闆自家調製，以配合不同食客口味。加上看到牆上掛著即棄圍裙，以防醬汁在高熱鐵板上濺到衣物，餐具也用上比利時國寶級品牌Berghoff，小弟就覺得，這個老闆有要求得來，也很著重細節，未食已經覺得被照顧週到。我點了兩

過左個bloody9月，開學月真係忙到嘔，無停過手。去旅行？真係唔好諗啦，長洲、南Y島都勉強可以，好懷念日本既時光。我個朋友最鐘意食牛扒，放工特別黎到中環呢間新餐廳浪漫一番。日本三大和牛有：1松阪牛 (飲啤酒既牛；從沒生育過的雌牛)2神戸牛 (食栗米、稻；豐富的甜味)3近江牛 (脂肪帶粘性)當然宜家有好多度都出產靚和牛，而呢度食既就係佐賀和牛，咁究竟有咩特別呢？我就research左！佐賀縣係九州既西北部，擁有清徹水源同稻米豐盛。黑毛和牛肉質柔軟，油花豐富、分佈均勻，入口即溶，而且肉味濃郁。牛肉特級按「牛肉色澤」、「脂肪夾雜比例」、「脂肪色澤及品質」和「牛肉緊實度和紋理」來分。「佐賀牛」 : 肉質等級「4」至「5」，及BMS值「7」至「12」「佐賀產和牛」 : 肉質等級「2」至「4」，及BMS值「2」至「6」呢間Metal Steak係即叫即切你order既牛扒，要幾多，師傅就切同磅計價錢。我個外國男仔friend梗係大食d，要左362克，$687.8。我女仔就食216克，$259.2。佐賀A4和牛西冷$1.9/g佢果件牛扒超大塊，見到即刻心心眼。冒住煙咁上，香氣迫人，而且燒焦既網坑紋

相信，認識日本的朋友，都知道日本流行一種「立食」文化，還記得好幾年前，聽說中環有間立食壽司店，當時瞬即成為不少白領及OL 午膳時的據點，而最近，又聽說上環歌賦街又出現另一家立食店，《Metal Steak》，位置就在馳名的《九記》清湯牛腩旁，不過，今次不是壽司立食，而是矝貴的牛扒立食。一向都覺得，專門店的食物選擇雖然不多，但由於專門，一般都有其優勝之處。作為地道的香港人，BeautySearch 也不否認自己是食肉獸，所以，一直都心癢癢好想試一試這家牛扒立食，但在港島區經常迷路的我，總需要找位熟路的朋友伴同，幸好這晚剛好與好姊妹一同出席活動，活動後便一起前往《Metal Steak》，感受一下「牛扒立食」的風味。店子的裝修與店子的名稱非常合襯，很有「Metal」的感覺，店子分上下兩層，裝修除了滿有 Metal 感外，亦用上簡單的水泥牆及磚牆設計，既簡約、又時尚。奇怪的是，食客並不是立食，而是坐在高高的椅子上，後來才知道，應該是香港人不習慣立食，所以開業不久，店子便引引高櫈來迎合港人。甫進店，店員便向我們介紹店裡的食物，如我所料，這裡專吃肉，而且以牛扒為主，牛扒佔了五款之多，最便宜的是安

這間開在中環歌賦街名店「九記牛腩」附近的 Metal Steak，可能是香港第一間引入日本立食牛扒潮流的扒房。店名 Metal Steak，除店名這是個吃牛扒的地方外，也暗示了這是間以金屬風為設計觀念的扒房。不過也許是因為香港人不太習慣立食吧，現在這兒大部分地方都已不再是立食，而是有座位可坐，與最初開業的時候，已經不同。一個黃昏，太陽還未下山，我披著一身的陽光獨個兒來到這間扒房，就在這兒享受了一客愜意的牛扒。店子不大不小，共有兩層，一進店，便可見到近門口的地方，有師傅在切牛扒，另一邊廂，就是客人落單的地方，來這裡吃東西的顧客，可以先在這兒六款扒類選擇中揀選一款，然後按自己的食量選擇需要的份量，再由師傅根據客人所叫的份量把牛扒或豬扒做好之後再送到客人的座位中享用。如果想要米飯、沙律和餐湯的話，只要另加 $30便可以，要是想喝東西，這兒也有不少選擇。這兒是個專吃牛扒的專門店，所以店中售賣的，佔了五款都是牛扒，從最便宜的安格斯西冷或肉眼（各$0.6/G）到最貴的「佐賀A4和牛西冷」（$1.9/G）都有，而聊備一格，相信是方便不吃牛人士的西班牙伊比利亞黑毛豬扒，原價$1.2/G，現在則半價供應

與友人在PMQ上完麵包課,原本想食日本拉麵,但女人總是三心兩意的,途中最後被這間以每g計價錢的牛扒吸引了.女人嘛,吃唔到太多,店員建議點一客300g的share ,我倆都一致選擇佐賀A4和牛肉眼,$1.8/g, 盛惠$626.4,店員建議5成熟,因為以鐵板上.見到罐裝Róse只加$39,點了一罐試下!店面以高枱高櫈設計,以調味架分隔枱的兩邊.坐下來一會兒,店員便送上和牛肉眼,牛扒上沒有醬汁,店員介紹架上的調味料,有芥茉,海鹽,黑椒,仲有個黑醋??(忘了名字)鐵板上有洋蔥和粟米,熱呼呼的!和牛肉眼果然係靚貨,因為煎時已用鹽調味,所以基本上不用其他調味都可以.Róse為我一人獨享,$39有如此質素,勝價比相當高!兩個女子分享一件300g果然係剛剛好的.男士應該可以一人KO300g!!說說笑笑,又一個愉快的姊妹談晚上

「立食」顧名思義，即是站著吃的意思，在日本的小型餐廳之中十分流行。客人基本上不會在餐廳逗留太耐，不用有多位員工招待，故「立食店」的價錢相對便宜。與香港相比，香港地少人多，寸金尺土，很多店舖往往要挨貴租，特意提高食品價格，加重客人負擔。結果人客少了，貴租依然承受不起，造成惡性循環。想一想，若果把「立食」文化帶入香港，薄利多銷，說不上也是另一條賺錢的出路。把「立食」文化概念傳入到香港的metal steak，是一間專營牛扒餐廳。但任何事情都總不能一刀切，為考慮到香港人「挨住椅背用腦」的文化，全店一共八十座，有一半是「立食」，另一半則有高椅供應，讓客人有更佳的體驗。分設兩層，裝修模仿工業用地，步入底層的盡處，有鐵皮屋、鐵絲網場地，燈光驟光驟暗，不其然想到外國一套驚嚇片「恐懼鬥室」，陰深恐怖。餐牌提供了五種牛肉，包括佐賀A4和牛西冷($1.9/g)、佐賀A4和牛肉眼($1.8/g)、美國安格斯西冷($0.6/g)、美國安格斯肉眼($0.6/g)、新西蘭牛柳($0.7/g)。另外不單只今個月新推出豬鞍($1.6/g)，更推出豬鞍半價優惠，用不著一半在高端西餐廳享用的價錢就能吃到原汁原味的豬鞍，唔

上次去Ms B's 攞生日蛋糕即係九記再行入d已經見到隔離有間火焰紅色嘅 Metal Steak見到門口雜誌介紹有咩食男人已經流晒口水說好有空一定要來試試趁著天朗氣清嘅星期日偽文青又出發去PMQ由永樂街一直行上九如坊好鍾意行歌賦街幽靜之餘又好有藝術家氣息小店又有特色行到有少少餓去食steak 就最match喇見到門口排左人龍仲驚要等好耐原來METAL STEAK 係走輕鬆路線的香港首間立食扒房近門口位置即磅即烤鐵板和牛METAL STEAK有五款牛肉其他我冇留意因為我眼裏面只得佐賀A4靚牛鋸扒三部曲原來仲有鋸扒三部曲一入鋪頭唔同牛肉就放喺開放廚房裏面一目了然我可以企係牛扒櫃前邊揀心水牛同埋重量自己話事嘅 concept 超正最低消費200g開放式廚房所以見到電子磅一上磅就顯示價錢明碼實價跟住一個華麗轉身就係收銀處即付款Me推介 -佐賀A4和牛西冷 Him推介 -佐賀A4和牛肉眼 八卦嘅我睇住廚師烤牛扒係特製嘅火山石爐上邊直燒相機先食大家一入門口店員立即介紹唔同食牛/豬方案然後大家自己同廚師溝通落 order即刻決定囉鐵板+好似貨櫃嘅場仲噴左牛牛 icon唔想立食既我都係快快手搵位坐低等

Metal Steak這天與朋友到上環逛街，得知最近有間新開的牛扒「立食」餐廳，而且評價非常不錯，所以便去試試看。餐廳位置非常易找，就在勝香園斜對面，一經過餐廳，便聞到很香的炭燒牛扒味，令人垂涎欲滴，非常吸引。進入餐廳後，店員指示我們要先決定肉的種類及肉的重量，我們選擇了佐賀和牛西冷及西班牙黑毛豬，兩款肉類都大約三百多克重，接着，大廚便在我們面前切和牛及黑毛豬，再問我們最理想的生熟度，給我們確認重量之後，我們便去付款了。付款後，大廚便立即燒和牛西冷及黑毛豬，一陣陣炭烤的香氣充滿餐廳，令我們更加肚餓，等了大約十分鐘，我們的牛扒和黑毛豬便燒好了，店員用鐵板盛着扒類，再親自送到我們的位置。佐賀A4和牛西冷扒 $1.9/g (這塊自己貪心叫多了，要$596，兩個人share都得)愛吃牛扒的人有福了！這塊A4和牛真的好juicy，入口即溶就是這種，肉質嫩滑多汁，叫medium，裡面仍然呈鮮嫩粉紅色，火喉剛好，咬落肉汁四溢，牛味香濃，還有陣陣炭燒香氣。西班牙黑毛豬 $1.2/g 店員提議黑毛豬可叫medium rare至medium，我們選擇叫medium，炭燒味好香，格紋清楚易見，用鐵板上咋咋聲

在一個清爽的晚上，沒有那猛烈的太陽，吹著陣陣的涼風，可是依然有著熱力的感覺。沿著中環行人電梯，向著半山進發，沒有走多遠，在擺花街的樓梯向下走，朝著歌賦街方向走，來到一間餐廳的門口。拿著相機，卡擦一響，門面披拍下。這是一間立企的牛扒餐廳，Metal Steak。可是一走進入去，卻有一排排的高櫈，高高的餐桌，桌面擺放了調味品，刀叉等用餐工具。這些一切一切都來得幾特別呢！餐廳分為兩層，下層層點餐區及用餐區，上層全是用餐區。桌上的餐牌，與門口的餐牌，都是一致的，裡面的價錢，與每一種牛扒都不同，以每克計算，而且由二百克起計，二百克即是約七安士左右吧。另外可加三十個大洋，就有湯和沙律，而再加銀兩，就有一款飲品。點餐時候，則須在近門口的一個窗口中，向店員店說出想要的牛扒或豬扒，重量等，店員便會按要求切割牛扒豬扒，磅過後，便拿著貼紙付款，如需跟餐，可向店員提出。這樣的點餐方法，頗為新穎。付款後便有店員送餐，不用自己取餐。在下點了一個安格斯肉眼扒，約三百克重。上桌時是用上了鐵板，有粟米和露筍。在下選了西柚味噌醬，原來味道不錯吧。而肉眼扒肉質頗嫰，仍然有肉汁在內，而且又軟，不錯。今晚的餐湯是羅宋湯，據說湯

本來我跟朋友心血來潮想吃九記牛腩架!點知九記大排長龍超多多多多人呀!咁我地就係附近行下睇下有無其它好野食啦!給我們發現了這間食扒扒的店子!看來應該是新開的吧! 立即上Openrice Search下!好像不錯呢! 不過看了"立食"兩隻字....想放棄之際，店子的職員就開了門跟我們說，我們有椅子提供架！不一定要立食！而且還很熱心講解他們店子的扒類，有澳牛，安格斯牛，佐賀A4和牛，仲有西班牙黑毛豬！聽落幾吸引喎！跟其它店子不同的是這裡不是劃一扒扒收費！這裡是依磅數去收費架！即磅即切即燒架！就係咁，我地就跟著店員的指示，按步驟先Order了扒扒，先付錢再去找位子坐。我倆都Order了佐賀A4和牛，自從幾年前係大阪試過A5和牛後，都無認真地吃過一餐和牛啦！豪一豪氣下啦！其實你問我要幾多磅真的很抽象呀！當我摸不著頭腦之際，店員就從冰箱拿起一塊問我這個Size Okay嗎？哈哈！唔該哂！就呢塊啦！磅一磅，大概是230g!店員說一般Order200g至300g都夠食架啦!他們每次燒扒前都會先洗乾淨爐頭才會開始燒架！我見好簡單加D黑椒海鹽係面就on Fire啦！誇張呀！真的Steak On Fire呀

朕同大部份既遮民一樣，都喜歡東洋既種種，欣賞既就有愛情動作片，而食既就有東洋牛（和牛）。而朕既貼身隨從就打聽到中環最近就開左間新野，洋文叫Metal Steak！不過呢間野就話要－立食，我問我既隨從，食扒就梗係件扒黎到就（立即食）－立食－啦！唔通攤凍先食咩！但係我個隨從就同我解立食係由東洋傳入，解作－站立進食！吓！大膽！！！要朕咁辛苦企住黎食，我就去睇下你有幾巴閉。去到中環，經過九記牛腩再向前行一個街口，就到Metal Steak。一入門口就可以落單，朕就要左－佐賀A4 西冷，而我既貼身隨從就左佐賀A4 肉眼。目測西冷既雪花比肉眼平均，油份亦比肉眼高。即叫即整，而我就梗係去揾張枱－－－立一立啦！但係一上到二樓，俾朕發現，有高椅，有得坐。一坐低，朕件東洋和牛就到了，朕本身係想要七成熟的，但店小二就提醒朕，因為係用鐵板上枱既關係，所以叫五成就可以，果然一如所料，食多一陣，件扒就變左七成熟！另外店員亦推薦柚子汁呢個醬料，甜甜酸酸，挺開胃的。話說回來，朕個件東洋佐賀A4 西冷，肉質纖維較厚，咬感挺好，肉味濃郁，他們在燒制時己加入小許鹽和胡椒作調味，朕認為不用加醬汁，食佢既原味同埋油香會更好。而