影片
開飯介紹
一間提供多元化食物的多國菜餐廳，多款菜式都是自家首創，如「牛柳朱古力波」，朱古力醬汁配牛柳，淋上百加地酒然後燃點，有創意又衝擊視覺。
繼續閱讀
營業時間
今日營業
12:00 - 16:00
18:00 - 23:00
星期一至日
12:00 - 16:00
18:00 - 23:00
公眾假期
12:00 - 16:00
18:00 - 23:00
公眾假期前夕
12:00 - 16:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
伏！伏！伏！同太太二人世界經過觀塘，見到食評話觀塘有一間高質西餐廳(941好評，61劣評），亦都好耐冇鎅個扒，所以去到叫了一個晚餐- 炭燒頂級安格斯肉眼扒跟黑松露燒汁餐（$368）+ 單點 - 火焰脆德國鹹豬手（$288）。環境尚算清靜，入座率不足兩成。下單後不足一分鐘，好快侍應已經送上餐湯，係暖嘅😖… 同時亦見到侍應隻手指插到好近湯面。當時都有懷疑過已經插咗落去，不過冇當眼睇到，所以冇出聲投訢。與此同時，當第一時間用手放在湯碗邊用餐時，發現湯碗邊全部都係湯😰，感覺猶如去了快餐店。餐牌上通常寫着是日餐湯，本人亦都冇問侍應今天是什麼湯？她也沒有說明。第一眼望落去好似係南瓜湯，但當品嚐第一啖時，匙羹一落湯面，湯在湯匙上呈現半透明狀態。再放入口中，心中只有一句（x）！淡淡的湯鹹味非常濃郁，不過不知道是什麼湯。試了一口之後已經放棄了。跟餐的餐飲黑咖啡在點餐時也沒有問及何時送上，侍應已急不及待連同沙律一同送上。無奈！沙律就如同一般快餐店，不予置評。正當我正在低頭玩手機的時候，很快地，不足五分鐘，侍應已經送到主食上枱。我心諗🤔唔通我食緊快餐？當我一抬頭望隻餐碟（如圖），不用試味用眼已經見到唔係用炭燒🤬，不過餐牌係寫明炭燒！再一口試下，好想立刻跑去消費者委員會投訴！商品說明條例啊！醬汁也沒有黑松露味🙂↔️，就是這一刻激發了本人寫第一次食評的勇氣。等了大約10分鐘後，還有少少期望的火焰脆德國鹹豬手。見到食評都寫咗好多好嘅正評。當侍應表演了火焰表演之後，再將豬手拿回廚房分拆。當侍應送回已分解的豬手，急不及待試咗一啖，皮是脆的，不過味道偏鹹及帶有濃濃的雪藏味。這一份濃郁的口感也增加咗本人寫這一頁食評嘅信心。（有足夠嘅題材）以消費了這個價錢（$724）其實在本港可以找到很多很好的餐廳，眼見這間舖頭得兩成入座率。其實都係有原因。本港太多餐廳現在常常埋怨大部分人返內地消費。其實如果大家做食物用心及有質素，價錢上貴，大家都會肯付出及排隊去食！所以呢個時期汰弱留強都係在所難免。請大家食肆自我檢討！本港也有很多大家等着排隊及會捨得花費高價錢去品嚐的高質素餐廳。不過大家需要想想如何創新，走出新天地！
繼續閱讀
去開呢頭做野，做晏左，見呢間餐廳book 到位就去試下諗住都係聖誕節menu架啦，但係因為有朋友食過話ok所以先簡佢不過估唔到連聖誕大餐都冇pizza食同埋冇火雞食結果我哋係聖誕menu裡面單點左兩樣主菜第一樣係「原隻」燒春雞，298蚊加一，都成3舊水，睇圖隻雞都估滿成隻碟，而且雞應該唔會衰得去邊，點知黎到係咁既樣，隻上髀係邊？ 成隻雞髀仲短過最長果隻手指，唯一可取既就係薯蓉，但係都係因為落左好多牛油所以好食，同埋都係好細pat，重點係呢碟野要300幾蚊……第二樣係冬蔭功海鮮長通粉，228加一，呢碟就有返啲誠意，材料豐富，但係好咸，份量好少，平時薩利亞食果啲份量既8成左右啦，隻蝦係莓既，唔夠新鮮總結：我地係因為聖誕menu冇pizza先散叫，真係好彩係散叫。仲有明明都係QR code落單而且又唔使佢過嚟斟水點解仲要收加一。真係唔怪得啲人會係其他國家消費。
繼續閱讀
觀塘依間「Mini Friday」主打多國菜，不論西餐定還是日韓料理都應有盡有，滿足客人唔同願望。*此餐廳收取加一服務費。香草燒雞半隻配燒汁（單點$198），表面鋪有番荽碎、燒汁，雞皮口感帶點香脆，雞肉肉質嫩滑，雞味濃香，燒汁味道鹹甜，薯菜包括有香菇、豆角、彩色串茄、薯蓉。黑松露大啡菇漢堡（單點$98），大啡菇食落好Juicy，漢堡扒肉質厚實，牛味濃厚、帶點黑椒味道，略嫌黑松露醬汁口感較為稀身、味道未夠濃郁，麵包口感外脆內軟，食落充滿牛油香味，配菜包括有羽衣甘藍、生菜；粗切薯條略嫌灑鹽太多、味道過鹹，配以番茄醬食用，味道更佳。韓式辣醬炸雞（單點$98），表面裹滿韓式辣醬，雞件外皮口感酥脆，食落啖啖肉，味道甜辣。田園沙律（跟餐$0），沙律菜包括有紅毛生菜、紫椰菜、苦菊、車厘茄、青瓜、粟米、蟹柳，配以焙煎芝麻醬食用，食落好清新。是日餐湯（跟餐$0），粟米忌廉湯，飲落好Creamy、帶有粟米碎，味道清甜。薄脆（跟餐$0），配以千島醬食用。心太軟（跟餐$38），表面鋪滿糖粉，心太軟即叫即製，流心效果突出，朱古力漿食落甜度適中，窩夫食落蛋香味濃，葡萄馬卡龍味道酸甜，配料包括有呍喱嗱雪糕、草莓、藍莓、草莓果醬、奇異果果醬奶蓋茉莉綠茶（跟餐$18），奶蓋口感濃稠，味道鹹香，茉莉綠茶味道清香、帶點微甜。
繼續閱讀
環境舒服，燈光柔和✨王牌威靈頓牛柳威靈頓牛柳工序多，係屋企好難食到😆外層酥皮好酥脆又鬆軟，牛柳7成熟左右，肉質淋身，口感層次好好👍🏻而且份量都大👍🏻👍🏻加拿大豬鞍扒配白咖喱汁豬扒配白咖喱都好唔錯，新奇嘅組合，豬扒就咁食已經十分好味，配上醬汁更惹味👏🏻豬扒容易切開，都容易咬🤤焗芝士牛脷薯粒作為芝士控見到配薯粒當然要食，配埋牛舌，係更加香口，牛舌牛味濃，薯粒配芝士好夾，加埋邪惡拉絲芝士，勁正正🤤
繼續閱讀
今次朋友聚會，我哋就揀咗間位於觀塘嘅Mini Friday！成日聽呢度嘅食物真係好正，加上環境舒適，我哋就決定黎食一餐開始我哋先黎個喇沙帆立貝意粉。帆立貝就係好新鮮，先至可以入得到面！意粉又夠爽，加埋個喇沙湯底，你話味道會唔會太正呢！😆夾埋番茜同青檸嘅清新味，真係梗係我個口中嘅絕配！之後輪到蟹膏蟹肉薄餅上場。omg 蟹肉又肥又甜，即製嘅薄餅皮脆肉汁多，加埋蟹膏散發出嘅香氣，我個口腔內瞬間就充斥住個味。完全就係食都唔厭！🤩🦀💣Mini Friday由頭到尾食物水準都一直都維持得好好，點都唔會令人失望。無論你係想搵個舒適環境嘅地方休憩，定係想同朋友一齊享受一頓豐富美食，呢度一定係你嘅首選！我梗係會再嚟，朋友佢哋都同我講，呢度好抵食，我哋下次再嚟！
繼續閱讀