Oyster Bar & Grill (已結業)

早前在團購買了優惠券，因為未嘗過三層式的甜品，看見價錢也不錯，也很多的食品，所以我便買了但可惜，原來相是不與實物相符的，因為圖看見的食物是很叨吸引，很大份的，但真實的，卻是很少，用料也差，賣相更差，真的很後悔買了我知道會是由下層開始進食的，下層是鹹的，有鵝肝多士，三文魚多士和魚子沙律，三樣的用料很少而且不新鮮，所以我很失望，個字，差，三個字，非常差第二層的是tirimisu, cheese cake, puff三樣的甜品也是不味的，外形比較我看圖的，大小是相差一倍，cheese cake的味道很奇怪，沒有太大的cheese味，只有怪怪的味，而且甜品不夠凍，相信他是放在室溫的，tirimisu味道不濃，很淡的，puff就太軟了，令我覺得他是放了很久第一層是蛋布甸，我覺得味道也是可以接受，像是加了糖的凍蒸水蛋，口感很怪最後說一說飲品，我又是點了我最愛的咖啡，也是沒有什麼特別，只是奶太濃了，雖然是自已落的，但我只加了少少便覺得很有奶味，可能是本身的咖啡味道也不是濃吧。

好多人問我我D食評樣樣都話一般唔好食難食,有咩係好食?可惜係又中伏今次.LUNCH來講呢度唔算好貴約70-90左右我叫左塊STEAK啦,的確只係值40蚊左右質素,好多根,睇圖就知吧.咁另一舍角度就是好有口感好好趙.無肉味配上黑醋汁,甜甜地咁啦.你可能話啦咁平係咁上下,你都有道理,但係咁薄又咁既質素又唔好食好難唔比個劣你朋友的意粉煮得過稔,但有豐富蛋味,呢個可以評為OK,蠔都無異味,OK!但係呢塊扒就令到我唔會再來啦

首先多謝店方 <Oyster Bar & Grill> 有關方面及食友糖小妹的邀請！ 讓我成為是次試食活動意式「蠔」情茶聚的坐上客！心感榮幸！今次我們有 7 位 Openrice 食友一起進餐，當中有 4 位陌生的面孔，還跟 Annie 碰面！真巧合！楊桃白桃汁據店經理稱，特意早上去街市買！保證新鮮！入口香甜富果酸，質感濃稠！綴起來帶有楊桃皮，充滿纖維！ 兩者配搭得宜！口味清怡而且味道天然！ 是一杯真材實料的誠意飲品！大家飲得開胃又開心！生蠔幾有光澤！貨源新鮮！分別來自美國的 Pacific Rock，比較淡口！另有來自法國的白珍珠生蠔，海水味濃！由於，我及糖小妹不太受得生食， 店方特意為我們弄上焗蠔，真感動！ 讓我們同樣可品嚐蠔味！煙肉焗生蠔 & 芝士莧菜焗生蠔芝士莧菜焗生蠔芝味濃郁！香口又清新！煙肉焗生蠔混合了香草，惹味不已！蠔汁豐盈！焗蠔保持嫩滑！意大利牛肝菌忌廉湯這裡把牛肝菌打成蓉，混合橄欖油，質感濃稠。用料十足！味道更為濃郁！ 而且充滿牛肝菌帶出的菌香及鹹香！令人回味！自家製法國鵝肝醬鵝肝醬較為挺身！ 好不容易才塗上麵包；甘香油潤！表面還放上黑魚籽，提升矜貴度

　　我經常透過團購買不同的飲食優惠。早前小妹透過團購網站Group Buyer購買了「Marco's Oyster Bar & Grill 酒店級一磅足料芝士蛋糕」，選的是「紐約芝士蛋糕」。　　團購網站上的說明是這樣的：「唔少人都愛紐約芝士蛋糕的香濃芝士味，口感幼滑，每啖滋味都停在口中久久不散。仲有，上面的新鮮水果，比一般的紐約芝士蛋糕多了一份清新的感覺，就算忍唔住口一次食晒成個都唔怕＂漏＂！」　　再附吸引圖片一張。　　這樣你一定會以為水面的水果一定是滿滿的吧？忌廉也像圖片一樣圍著水果？結果？？？？　　難以致信！上面不單沒有雜果，只有「半塊」草莓，更只有那麼一點點的忌廉！除此之後外就是「乾憎憎」的一個芝士蛋糕！芝士蛋糕內部過濕及有結塊情況出現，像吃到濕麵粉的口感！　　請大家認住這間店，有三間分店，它還不停在辦團購。

有幸得到Alex 同Ben 哥既邀請去到呢個茶聚，仲識到一班版友，真係多謝２位既招待。一入座，坐左陣就有杯鮮榨楊桃白桃汁好新鮮好甜，而且係鮮果既甜唔係糖水，果味濃郁，值得一試之後就到生蠔啦美國既Pacific Rock 比較淡口，而且比較大隻，滑溜相反法國既白珍珠海水味比較重所以會咸Ｄ，但又至於過咸。自家製法國鵝肝醬雖然係凍身比較難塗上麵包，但入口即溶加上味道濃郁令人一試難忘呢個湯真係好好味，牛肝菌味重，成個湯用足料去整，味道濃郁，一試回味呢個pizza 係師傅手制，無用機器去幫手，所以個皮外脆內軟，入面有菌味同芝士味，味道不錯美國黑豬扒蜜糖芥末子汁，可能多人分的關係，汁略微不足，但汁的味道特別香蒜蜆肉意大利粉，意粉比較硬身，但醬汁不錯香煎白鱈魚，魚質滑溜，但略厭汁不足牛肝菌煙鴨胸意大利飯，很好的一個飯，飯粒比較硬身，就像平時的飯不夠熟的感覺，不過傳統的意大利飯就是這樣，而且汁與飯的比例很好，反而鴨胸就比較失色上層的特級牛肉小漢堡，牛肉味不是很濃，而且很多根，個人不太喜歡這種口感的牛中層有法式焦糖燉蛋，這是比較好的一個，比其他味道濃點，忌廉泡芙不夠脆就像街外很易買到的那些，意大利芝士餅

首先多謝ALEX及BEN哥熱情招呼~~當日食程如下首先整杯楊桃汁 (因為只可以UP 8張相,所以捨棄飲品)生蠔- 分別有美國Pacific Rock - 體型較大, 肉質肥美, 入口滑溜, 海水味較淡法國White Pearl - 海水鮮味濃郁, 蠔身口感比較爽口, 蠔味越食越甜 我就比較鐘意食啖啖肉既美國蠔喇!!意大利牛肝菌忌廉湯: 牛肝菌味道十分香濃鮮味, 配上忌廉湯簡直一流! 香蒜蜆肉意大利粉: 麵條較為硬身香煎白鱈魚 一試難忘的香煎白鱈魚，魚扒厚度彷如兩塊魚柳包塊內魚柳的總和，外脆內軟啖啖肉。(與女友一致好評)牛肝菌煙鴨胸意大利飯: 意大利飯煮得剛好，鴨胸頓成配角，意大利飯的精髓全都帶出來了。美國黑豬扒蜜糖芥末子汁: 肉質厚身，蜜糖芥末子汁其實作用不大。黑松露意大利比薩: Pizza意大利廚師自家製, 所以餅底薄而脆, 芝士味香濃。加入了黑松露, 令整個PIZZA更惹味，另外個番茄醬汁也很好味。已經8成飽, 竟然還有 High Tea Set上層: 特級牛肉小漢堡中間:意大利芝士餅、紐約芝士餅、忌廉泡芙和法式焦糖燉蛋。下層: 挪威煙三文魚三文治、黑魚子醬碎蛋撻撻、法國鵝肝醬多士

團講咗cheeze cake,本來book左星期三下午攞，因有事去唔到，所以致電問可唔可以改星期四。電話𥚃收到回覆話得，但都係同一個cake,放多一日無咁新鮮。叫我第二日任何時間再去。結果第二日中午時去，有個中年男帶位出嚟，我同佢講番情況，佢居然話無，我話尋日明明電話confirm哂，尋日個蛋糕去咗邊？得到嘅答覆竟然係：「蛋糕？尋日食咗囉！要就3點後再來啦！3點前無人得閒招呼你？」係咪團購平小小就要咁受你氣？！好明顕係賣出團講後用盡方法唔想兌現嘅低下手法，知道呢間嘢又有新一輪cheeze cake圑購，希望D兄弟姊妹唔好再上當。

We went to this restaurant because we wanted to get some oysters since they were half price and also get some spaaghetti. we saw the menu on display and decided it was reasonable but when we were brought upstairs we were given the christmas menu ONLY and the menu on display downstairs is NOT available that menu is only for lunch but they display the menu there at dinnertime. so deceiving! one dinner menu is around 360 for an angus steak which did not taste at all like an angus steak very rubbery

這次有幸得到Alex及Ben哥的邀請到灣仔Oyster Bar參與意式「蠔」情茶聚。在此謝謝兩位的熱情招待, 讓我享受了一頓美味及十分飽肚的茶聚。(哈哈, 不過以份量來說, 比較似食晚餐呢), 而且更認識了數位openrice食家添到步後, 客氣的Ben哥先給我們一杯新鮮楊桃白桃汁, 本以為會很酸, 但原來這杯楊桃汁是加了少許白桃汁調製的, 入口清甜美味, 重果香。小妹對這杯果汁極為欣賞呢。隨後送上了兩款新鮮生蠔, 由於小妹仲未能克服食生野, 所以今次無緣品嚐嚕。兩款生蠔分別為美國的Pacific Rock和法國White Pearl。相比之下, Pacific Rock的體型較大, 海水味淡。而White Pearl相對下海水味較濃郁。而貼心的他們知道我們不吃生野, 所以另外整了兩款焗蠔給我們, 煙肉焗生蠔及芝士莧菜焗生蠔。不過食焗蠔就無法感受到食生蠔個種細膩, 像被海水包圍的口感。哈哈, 唯有當自己沒有口福吧! 小妹先試芝士莧菜焗生蠔, 果然芝士莧菜是蓋過晒大部份蠔的味道, 不過用芝士莧菜的配搭, 又挺香口惹味。自家製法國鵝肝醬: 切下去時較為實淨和易碎, 較難塗在麵包上。食落鵝肝

小女今次有幸被邀出席今次既意式「蠔」情茶聚，多謝ALEX同老闆BEN哥既悉心安排! 活動2點半開始，雖然我地有BLOGGER未到，不過BEN哥就已經開始按人頭準備即搾既楊桃白桃汁，我本身好鐘意飲果汁，好似感覺上比水有味而又比汽水健康，不過就從來未試過用星星楊桃嚟搾汁飲，今次係第一次飲，再加上平時既白桃汁通常係飲日本果D包裝果汁，果味係有，甜味係更重，無法啦~唔係私家搾既一定會加左糖水。不過今次BEN哥E個真係正!! 飲落唔係太淡又唔係甜到不得了果種，而且E2種水果又幾MATCH，BEN哥話佢地完全冇落糖水，我地飲到既係水果本身既甜味，而D水果係今朝去買新鮮GAR，真係好有HEART去搵食材，令到我好期待跟住既野食!跟住就開蠔俾我地食啦!!!!因為我地有2位朋友唔係好受得蠔，所以特別為佢地整左兩款焗蠔 - 煙肉焗生蠔 / 芝士莧菜焗生蠔。而生蠔就分別有先食較淡味既大隻美國Pacific Rock同海水味濃點既法國白珍珠我平時都只係係自助餐到食下蠔，不過望落通常都係唔係太新鮮既，更加唔會有咩海水味，而肥美小小既蠔就係澳洲食過，而今次OYSTER BAR & GILL既蠔，雖然唔係望落隻隻都

今天真是好開心可以大家渡過左一個愉快的週末「意蠔茶聚」，今次我們有7個blogger一起進餐，其中ivy更介紹了糖小妹給我識，真是好高興認識你，更是好多謝Alex 及此店manager Ben哥的邀請。好開心一坐下來已經奉上一杯新鮮的「楊桃白桃汁」，Ben哥話生果是今朝去市場買，所以都好新鮮，好豐富的果肉，啖啖更是清甜可口，而且不會加了白糖水，更是可以飲到原有的果香味。下午茶精選 (High Tea Set)挪威煙三文魚三文治黑魚子醬碎蛋撻撻法國鵝肝醬多士特級牛肉小漢堡法式焦糖燉蛋忌廉泡芙意大利芝士餅紐約芝士餅第一層是beef burger ，本身不食牛肉的我都要請教其他食評朋友的意見，她們都覺得牛肉不是好濃而且太多根令到好韌!不過size真是好有份量。第二層是甜品，法式焦糖燉蛋都不過不失，可是是凍食，蛋味一般，有少許焦糖味，面層脆脆焦糖真是較少，不過口感軟滑，忌廉泡芙好實不是太香又不脆，紐約芝士餅的cream cheese晤夠香滑但算是濃郁，而且消化餅底已經腍咗! 意大利芝士餅的咖啡味真是好淡，Mascarpone Cheese及面層的可可粉都好薄弱，而且要令個蛋糕挺身所以都落了魚膠

由於月頭去過佐敦分店覺得好掂，諗住今日就腳去灣仔呢間試下，點知就奶野了!最唔得嘅地方係服務質素，首先係我唔記得左印張優惠券出黎，諗住問下佢就咁比電話個版面佢睇得唔得，佢答話要印出黎，因為要交返比上面office咁話，ok 冇所謂個八折係因為自己唔記得而冇，但亦成為左最嬲嘅伏線。。。第一，我同男朋友飲餐湯個陣，覺得個味怪怪，同上次佐敦飲唔同，多口問下個侍應生，佢答話未有客講過呢樣野bor=] 咁樣答都得 勁第二，佢枱面個張餐紙，印左憑此卷可以半打生蠔再送一枝紅酒(大約啦唔記得清楚)，上次去佐敦食個經理sell我地要呢個餐，因為太飽冇叫到，今次覺得都抵想叫黎食，然後呢間個經理話張紙係你今次剪左留返下次黎食先用嫁，勁 你叫個客唔好食野整污張紙仲要留下次黎食!好，一問之下，經理話因為佐敦個間同呢間個老闆唔同，所以呢 個湯唔同味係因為呢邊跟返義大利嘅口味，佐敦就係改到就香港人口味，因此張優惠券做法都唔同bor。 食到尾，隔離有枱四位嘅客人，其中一個女人同經理講: e，而家叫呢個餐有冇特價嫁。經理話:要有優惠券先有。女人再講: 唉，早知我攞張黎啦，尋日仲見到樓下派緊成疊係度! 經理聽到即刻講，咁呀

幾個朋友原來約咗夜晚去食蠔，仲話有優惠添...於是我又join埋一份，順道同佢哋聚吓 除咗優惠券上嘅美國Pacific Rock生蠔+澳洲紅酒，我哋仲點咗一款白酒，同埋另外幾款生蠔，包括澳洲嘅Coffin Bay，英國嘅UK Rock，仲有加拿大嘅Cerry Stone。當中以Cherry Stone較為鮮味肥美，但我本人一向較為偏愛Coffin Bay嘅生蠔，今次食到嘅雖然都夠鮮甜，但略嫌唔夠大隻。除此之外，呢度嘅辣肉腸Pizza都值得一試！未知係時間尚早還是餐廳開業不久，整頓晚餐除咗我哋同場唔超過四檯客。不過侍應嘅態度實在值得一讚，並冇因為客人不多而顯得懶散。例如我哋猶豫緊選擇邊款生蠔時，侍應就推介咗英國嘅UK Rock。而且在場仲有位邊彈結他邊獻唱嘅菲律賓籍歌手，為在場食客唱出中外語多首歌曲，實在令我們這次開心聚餐倍添開心氣氛！

是日，要外出工作，首先要去合和那一頭做事。事後，阿頭就拉著人去食下午茶，一拉就扎我拉來了這一家小小的Marco's，他想食蠔仔。來到餐廳，正值下午茶的時段，由他作主，我們叫了一個high tea 之餘，竟然仲叫了一塊西冷牛扒。令我感覺有一點誇張。98元的一片牛扒，我看起來真的只是一片而不能稱之為一塊。薄切，所以沒有韌的感覺，薄切所以肉味只是一般般。而茄醬意粉亦未見有地中海風味，花園餐廳同扒王之王可以與其妣美。 百多元的high tea set，可算是值回少少的。咸點甜點都非常之豐富。法包分別涂上了三文魚醬，蛋醬同鵝肝醬。帶有鮮味，顯然是新鮮的罐頭肉。未見得有酒店的水準。而cake，就可以，Tiramisu就鬆軟有味，咖啡味香濃，芝士餅夠濃，但焦糖蛋就怪怪地，覺得是雪了多日的東西。 蠔，我不好食生蠔，亦不懂得怎樣去把生蠔分等分級。這一個Pacific Rock只是$10一隻。輕輕的每人兩隻吧，然而這生蠔也未見有甚麼出色，感覺就同普通酒店自助餐的不明來歷生蠔一樣，冇肉冇味。人說，正的生蠔是帶有新鮮既海水味的，然

剛好休假，有乜做? 當然緊係食啦! 我想食High Tea好耐，不過要個人夠晒 relax先得，平時番工咁忙，難得放假緊係要放鬆心情，好好享受呢呢個 High Tea 啦! 我同朋友都冇食午餐，心諗個 High Tea 一定唔夠飽，我地都諗定食完 High Tea 後再食野，結果 ..........High Tea 好豐富，包括鵝肝醬多士、三文魚撻撻、吞拿魚撻、意大利芝士餅、紐約芝士餅、朱古力班尼斯、法式焦糖燉蛋等。先黎兩杯飲品，一杯係 凍Latte ，另一杯係凍 cappuccino，兩杯咖啡味唔係相差好遠，係西餐廳飲呢兩款咖啡特別好飲。嘩! 果然係 High Tea，有埋個架! 我鍾意唷!第一層係法式焦糖燉蛋，剛剛煮熱，甜甜地，D燉蛋好滑，法式焦糖燶燶地好特別，咬落D焦糖係脆，好食，讚!第二層有意大利芝士餅、紐約芝士餅、朱古力班尼斯同忌廉泡芙，食邊樣先呢? 我地首先食忌廉泡芙，忌廉唔算太甜，但一啖食忌廉有少少膩，OK! 朱古力班尼斯都係有少少膩，朱古力味唔夠濃，都係唔算好甜，一般啦!意大利芝士餅，咖啡粉味唔夠濃，酒味亦都唔濃，芝士味尚可接受，OK! 紐約芝士餅，芝士味濃，夠晒飽