Pho Metro (已結業)

發現銅鑼灣多了一位來自多倫多的pho佳麗。店內很有空間感，中間一張大、長、高木枱，兩邊矮座，而且用色和諧。發現真種植物，有蕃茄仔，好得意。菜單有飯有麵，很多特色飲品。越式滴漏咖啡 ($35)只有熱飲，可以睇住佢慢慢滴，味道好香醇，不能喝苦的，可以加多點練奶。蟹膏湯檬 ($118)，配料有豆卜、扎肉、蕃茄、肉丸，湯頭有濃郁的蟹味，帶蕃茄甜味，檬粉吸收晒湯的精華，很適合夏天食。鮮蝦紙米卷 ($58)，平時成日食到紙米很乾，但這裡的紙米很軟滑，個醬係highlight，唔係醮魚露，幾特別。扎肉湯檬 ($68)加生牛肉 ($28)，湯頭味道不錯，扎肉薄切，個人喜歡厚切，比較有口感。生牛肉有質素，牛味濃郁。檬粉超大碗，吃飽飽的。賣相差少少，可以改善下。加牛丸 ($15)，有兩粒，好彈牙，但份量可以多少少。上湯芥蘭 ($38)，先燙好菜，再加上湯，菜很嫩，在菜頭了十字，就比較快熟，葉不會老，很聰明的做法。

是日與友人晚膳，逛完時代廣場在附近看看有什麼餐廳時，便被這家藍色霓虹燈吸引，感覺很有格調。門口還放有一盤盤自家種的香草蔬果，於是決定試試。特別牛肉河這個我和友人一致讚好，湯鮮味而不油，河粉有米香味，生牛肉新鮮鮮味，腩肉牛味濃，牛丸應該是手打，果然是招牌菜。蟹膏湯檬這個比較特別，在其他越式餐廳很少看到，所以點了試試，留意是由於即點即做，需時15分鐘。湯頭有蟹膏蟹肉和蕃茄，酸酸甜甜的，味道比較清新。配料如圖有肉丸，食落肉有蟹肉味，有扎肉，豆卜和排骨。炸軟殼蟹好味,酥脆可口，拌粉麵一流，一碟剛好兩隻每人一隻，蟹沒有下太多調味，能吃到原汁原味的蟹味。左：咸檸龍眼蜜 右：牛油果沙冰龍眼蜜潤喉解渴，剛喉完炸蟹剛剛好牛油果沙冰牛油果味香濃，很足料，沒有成口冰的感覺。

經過呢間餐廳門口, 有魚缸及自耕植物, 確實唔係幾想像到係一間越式餐廳, 除左個"Pho"字.............哈哈...!!推門入內裝修幾現代化, 兩旁設有坐位及中間有高枱,  感覺幾令人舒服!餐牌一張過簡單易睇, 食物選擇有湯河/檬/飯, 小食類及飲品, 選擇唔會話太多, 但總會有嘢岩食!炸春卷 ($38) - 炸至熱辣香脆嘅春卷, 伴以生菜及酸汁, 減少熱氣嘛春卷皮炸至脆身又帶點煙韌口感, 內裏蘿蔔絲及粉絲食完唔會太"濟", 加埋生菜嘅水份又唔會太乾身, 唔錯!燒鷄翼 ($42) - 以單骨上碟, 易入味之餘又易食!雞皮香脆, 肉仍有肉汁, 調味得惹味入味, 好難令人抗拒!特別牛肉湯河 ($98) (有生牛肉, 腩片, 牛丸, 牛栢葉), 即係火車頭河, 一碗包括幾款牛部份, 岩晒"好"牛人士!  落埋芽菜及香葉就仲加一份香味!熱湯將生牛肉烚熟, 食落口感綿滑, 仲幾有牛味!  湯底清甜得黎又帶幾濃牛肉味, 飲完都唔覺太口渴!可轉為檬粉, 而越式檬粉較為幼身, 好似米粉, 食落比米粉滑口D, 份量都幾多, 細胃口嘅可以夠2人分享! 越式香茅烤牛肉湯檬 ($88), 烤牛肉另

Pho Metro裝潢結合了中西合壁的風格，既有不少中式水墨畫點綴，亦有西式現代水耕的裝飾越南滴漏咖啡($35)咖啡粉分量足夠厚，香味甘甜，而入口有一陣香木的味道，加入煉奶後，甜味提升，層次再上一層。值得一試煎蝦餅($68)起初以為是炸，但原來是煎，外層金黃，內裡蝦肉仍帶有鮮蝦味，點過魚露，味道更強，蝦肉的膠質和肉味不斷刺激味蕾，惹味非常芒果紙米卷($48)外貌吸引討好，包裹得層次分明，入口外皮煙韌，內裡芒果清新，點上醬汁風味更佳蟹膏湯檬($118)熱騰騰的湯底，在蒸氣中看到蟹肉餅，豬肉、豆卜扎肉等等不同種類的配料，湯底有很重的海鮮味，蟹肉餅以豬肉夾雜了蟹肉而形成，入口淡淡的蟹肉味，中和了豬肉的油膩感。檬粉分量很多，亦非常索湯，每啖都吃到有蟹湯的味道。特別牛肉湯河($98)湯味濃郁，加入魚露及辣椒後層次更明顯。牛丸彈牙、牛柏葉爽而不韌、生牛肉多汁嫩滑、熟牛肉味濃而不膩，各方面都控制得宜。芒果沙冰($35)新鮮即打，甜度非常高，有新鮮果肉，解渴消暑首選。

今日和朋友往銅鑼灣pho metro 食dinner, 我們點了特別牛肉湯河, 越式香茅雞扒飯加札肉、煎蝦餅、炸雞翼、凍蜂蜜柚子和青檸可樂。越式香茅雞扒飯加札肉賣相吸引, 份量十足, 香茅雞扒大大塊,食落香脆, 雞肉肉質鮮嫩, 札肉食落有少許胡椒味, 食落惹味, 白飯軟綿, 秘製蔥油能帶出白飯美味, 煎太陽蛋蛋味香滑, 蕃茄和生菜新鮮爽口, 整碟越式香茅雞扒飯加札肉份量十足, 口感豐富；煎蝦餅煎得金黃, 蝦餅食落彈牙香脆, 配上特製醬汁食落醒胃；炸雞翼賣相吸引, 雞翼是單骨雞翼, 雞翼炸得香脆, 肉質鮮嫩, 青瓜絲食落醒胃能中和油膩；最後青檸可樂賣相口感精緻, 口感清新, 消暑佳品。餐廳座位舒適, 食物吸引有特色, 份量十足, 食物美味, 價錢合理, 我和朋友食了一頓高質越南菜。

生牛肉河，炸春卷，滴漏咖啡...都是越南菜的表表者，不過今時今日要有新思維才可脫穎而出，好似今晚嚟間越南菜館就有新概念，有多款餸菜比較少有的。牛油果沙冰坊間少見，小清新。最初還心大心細怕會太膩又飽肚。嚐了第一口，感覺清淡有草青香味，慢慢啖出牛油果香，好正！單骨雞翼方便易食。即叫即製熱呼呼，店員還忠告小心熨咀，非常細心。好彩不太油膩，還保持肉的嫰滑。蟹膏湯檬湯底清甜鮮味，但欠缺了預期的味道，蟹膏香不夠特出。 肉丸軟熟份量不少，豆卜和檬粉吸盡湯的精華，餸料還有蕃茄，札肉，洋蔥，豐富。

近來發現銅鑼灣多咗好多越南菜餐廳。越南菜之中， 當然最鍾意食就係生牛肉河啦。所以每一次初嘗一間越南菜餐廳，一定會叫生牛肉河粉。今次都不例外。友人約我到呢間 pho metro。本來都不寄予厚望，因為真係太多越南菜館，而大部份新開嘅越南菜館， 只有價錢貴， 但食物質素都非常普通。牛油果沙冰。近來唔少餐廳都開始流行用牛油果做唔同菜式或者飲品。 大概係一個潮流掛。但係每間餐廳用嘅牛油果無論質素同埋 份量都好唔同。呢個牛油果沙冰，只可以話不過不失。如果店主可以考慮將牛油果嘅份量增加， 常常味道會更加好。生牛肉河粉。 非常好味。 已經有一段時間冇食過咁好味嘅生牛肉河粉。湯底一流。一向主張唔好飲湯嘅我都飲左一大半。河粉好滑身。 粗幼度啱啱好。最重要係啲牛肉， 好友牛肉味，厚度適中。分量亦都唔孤寒。碗粉嘅份量比起其他越南菜館都多。 我同朋友都各自叫咗一碗。冇再加其他小食。 都已經夠飽喇。環境唔錯。裝修可以。最重要係座位都夠寬敞。相信下次想食越南菜， 我都會再返嚟。如果價錢可以平少少。我一定會成日嚟捧場。

走到銅鑼灣利園附近搭小巴，才發現蘭芳道多了很多家食肆，有泰國菜、越南菜等，而越南菜更有兩家。選擇了這家Pho Metro，一大原因是因爲店舖裝修非常清新時尚。不注意看，還真的不知道這是一家餐廳，感覺非常特別。入座後發現原來是加拿大過江龍，難怪裝修這麼新潮有趣。正值下午茶時段，沒想到這裡的食物也挺划算，不到六十元就有一碗越式湯河。菜牌簡潔易明，選擇也不少，還有小食和多款冷熱飲品。所有肉類中尤好牛肉，當然來一碗特別牛肉湯河($58)。湯河共有四款配料，包括生牛肉、腩肉、牛柏葉和牛丸，份量之多也嚇我一跳。填得滿滿一碗河粉，十分抵吃。另上的青檸、芽菜等也是大大一盤，把配菜全放進湯裡，還真的有點不夠放。每一樣配料也牛味香濃，其中以牛柏葉最為令我驚艷。個人並不喜好牛柏葉，從來吃的只有一陣鹼水味，可免則免。可是這裡的牛柏葉，切得幼細，十分爽口之餘，更帶有濃郁的牛味。竟然在越南麵店中，吃到最好吃的牛柏葉。牛肉片嫩滑，味道濃郁。腩肉跟想像中不一樣，充滿咬勁，值得一試。牛丸比較細粒，亦不失彈牙口感。小食每款也只是十多二十元，忍不住點了一份芒果米紙卷。芒果米紙卷($15)，配上的是barbecue sauc

本身嗜蟹，剛好朋友特地推介這家越南餐館的蟹膏湯檬，所以今天滿懷希望的來到。與小米入座後便馬上落單，方知蟹膏湯檬竟然＜賣曬＞售罄。職員表示：今晚都未必完成蟹膏製作，好大機會明天先至煮好。　唯有改選越南另一名物：生牛肉湯河，再加一小食和二杯飲品。　上洗手間時，路過發現，這裡設有濾水機。可以放心在此用餐。生牛肉湯河　通常越南餐館會提供火車頭湯河，而自己卻比較喜歡生牛肉湯河。味蕾的記憶：以湯底的熱力，將紅色的生牛肉浸熟，牛肉片又嫩又滑，跟長期熬煮的牛腩／牛肉，是二種不同的口感。　配鹹鮮清甜的湯底，一絶也！又可自行加入青檸辣椒金不換來提味。　因為看到鄰枱的客人所享用的生牛肉湯河，份量超大。這次就額外加配生牛肉，應該好豐盛。　生牛肉湯河，真的超大碗！把上方的牛肉攤開，令每一塊都平均受熱，浸呀浸，粉紅色終於消失了！這就是牛肉最美味的黃金一刻，要馬上享用，先將片片的牛肉消滅。然後來到河粉了！要跟鹹鮮的湯底一起品嚐。別忘了剛才的芽菜～總覺得這芽菜很健康！　　芒果紙米卷　　米紙包著芒果，生菜，檬粉及甘筍，紅黃綠白，色彩豐富，味道可能有點DRY。伴碟附帶有花生碎的啡色醬料，外表似印尼馬拉的Rojak，用途亦

今日同媽媽去感謝祭，行咗好耐，我哋都好攰，又無乜胃口，唔係好肚餓嘅情況下，想食啲清新健康嘅食物，行過白沙道見到呢間裝修幾靚嘅pho metro，心諗越南嘢清清地就啱晒啦！我哋首先叫咗個開胃小食 － 鮮蝦米紙卷，真正的皮薄餡靚，生菜好新鮮好脆，鮮蝦大大隻鮮甜美味，份量啱啱好！想食得清清地，就叫咗呢個扎肉湯檬，呢間餐廳嘅扎肉比起其他越南餐廳更爽口彈牙，薄薄地但足足有6片，份量足夠，而且檬粉大大碗，好好味，但最後都食唔晒...媽媽就叫咗個勁惹味嘅選擇 － 蟹膏湯河！呢個真心推介，非常足料之餘個湯底充滿濃濃嘅蟹肉蟹膏，即刻勁開胃！呢度仲有啲好似溫室種植香草嘅佈置，相信係方便新鮮摘落嚟即刻放入餸菜裡面供客人享用！得閒嚟開銅鑼灣可以試下呢間誠意小店！

近排工作十分忙碌, 難得有半天假期, 便悠閒渡過, 休息一下, 行完一陣街後, 有點肚餓, 便去了附近的Pho Metro食個下午茶餐. 下午茶款式選擇也有不少, 最選我揀了蟹膏湯檬, 飲品就係我愛飲的越式滴漏咖啡. 蟹膏湯檬. 第一時間試下個湯底先. 個湯底味道調教適中, 唔會太咸, 多飲幾啖也不覺得口乾, 唯獨唔夠蟹膏的味道. 檬粉軟硬適中. 個肉丸裡有蟹肉, 多一點更好口感, 可惜得兩粒, 以一碗要百多蚊來講, 份量真係少咗一些. 越式滴漏咖啡. 我更鍾意這杯咖啡. 慢慢滴出咖啡, 期間咖啡味撲鼻. 滴完後, 加入適量煉奶便可以. 味道不錯.

每次到Pho越南餐廳用餐，總會發現有不少外國人光顧。越南粉並非純正的越南菜，它由法國牛肉和牛骨湯、中國的河粉，最後配上越南香料，衍生出來的粉麵，說他是中、法、越混血兒最好不過了。作為粉麵的愛好者，旨在吃遍銅鑼的Pho！這家餐廳門口裝修時尚摩登，招牌以不同字體呈現，玻璃櫥窗還有一個大浴缸和陳展了顏色豔麗的植物，別有用心。餐廳裝潢亦有格調，灰藍色的牆壁，中間一排的座椅以高桌椅為主，靠牆的則是舒服的沙發座，整體感覺時尚，不像一般的粉麵餐廳。餐牌選擇不多，主食只有越南粉、飯和檬粉。還有小食和飲品。⭐️咸檸龍眼蜜$28點了兩杯咸檸龍眼蜜，戳破檸檬後，慢慢滲出鹹香，鹹中夾雜蜜糖甜味，剛失聲的朋友喝完後大讚開聲了，哈哈！⭐️芒果紙米卷$48紙米卷很大，以米紙捲著米粉和芒果，米粉本身淡而無味，只嚐到芒果的香甜味，蘸上甜醬才把味道引出來呢！⭐️蟹膏湯檬$118配料有扎肉、豆卜、肉和兩顆大肉球，配料豐富。湯頭清甜夾雜啖啖蟹絲，吃起來清新健康。⭐️特別牛肉湯河$98附上一碟芽菜、青檸和香草自由搭配，湯河配料有生牛肉、腩片、牛丸、牛柏葉。生牛肉較瘦，肉質紮實有嚼勁，腩片軟腍，牛丸彈牙，牛柏葉切得跟河粉河粉差不多，反而

早放工，約了朋友食一個很早的晚飯。在利園附近的這間越南餐廳，應該是新開的，話說早前跟另一個朋友食完台灣牛肉麵，今天就食越南牛肉河，香港果然是國際大都會！我們二人share 食，天氣熱，我想食撈檬，就點了香茅豬肉撈檬。應該是碳燒的豬扒很好味！很大件，檬粉較平時食的粗一點，彈牙一點。朋友點了特別牛肉湯河，也即是我們常見的火車頭湯河，有生牛肉、腩片、牛丸和牛栢頁，勁多料！湯底好味！我們一致認同湯底最重要。我加點了一個炸春捲，春卷皮很特別，炸得很脆，雖然看起來有點不同，但超好味！愛吃菜的朋友點了一碟芥蘭，很欣賞他們把芥蘭莖粗糙的部件削了。飲品方面，咸檸梳打雖然檸檬細細個，但咸味十足，朋友說可以清熱氣！食到約七點鐘，開始有客人陸續出現。我們也就埋單離開，免得阻礙做生意。

同親戚行完銅鑼灣 突然想食生牛肉河粉 就黎左呢間食餐廳設計唔錯 有好多花草 最後4個點左好多野食枱上都有唔同既調味料比我地揀首先上左個咸檸龍眼蜜 幾岩女士飲 甜甜地又咸咸地 入口好飲再黎就係我個生牛肉河粉 正呀 牛肉生熟度我自己決定 個湯底超甜 店員再比勁多尖椒我 辣度再加甜湯底 肥牛又入口即溶 正之後上個札肉河 呢到既份量比我想像中大好多 扎肉一般林好香爽 有咬口 湯底一樣咁甜之後既特別牛肉粉就最大碗 最多料 牛丸牛河牛柏葉 爽口彈牙值得推薦再黎個煎蝦餅 有四件岩岩好 每人一件 煎得好香 蝦肉彈牙 點埋個汁食感覺冇咁熱氣 想叫多碟不過實在太多野食 再上一個燒雞扒飯 哇啲雞扒燒得超香 連雞皮我都食埋 個蛋黃吉穿撈埋飯 好正最後黎埋兩碟菜 菜都好香好靚 食唔哂啲粉反而食哂啲菜叫左咁多野最後554埋單 4個人食 都咁上下 下次叫小一樣主食都得 份量好多性價比高

今日行完街又走去利園附近食 Pho Metro十分喜愛呢間鋪d裝修同環境，各種植物擺設令人好舒服。之前鋪頭試業期間已經食過一次，覺得唔錯，今日再去，睇下會唔會同出面好多鋪一樣，真正開張後會變到唔想再食。答案係 - 保持水準! 正!今日又係食我最愛o既生牛肉河湯底 - 好清甜，無味精，佢地個湯真係有濃郁肉味，唔同出面好多鋪都係淡淡咁，雖然有人會覺得鹹，但我覺得呢d先叫真材實料，飲得出!河粉 - 係煙煙韌韌o既，我第一次食就係俾佢呢種河粉吸引左，而家成日都好想再黎食。曾經食過好多生牛肉河，個粉都係好快就會淋左同爛晒，呢度就算食到最後都仲係完整好味 (我用左15-20分鐘食完成碗啦!)份量 - 對我黎講係剛剛好，食完剛好覺得飽，再多就應該食唔落價錢 - 銅鑼灣區，利園附近，方便易搵，呢個價錢我覺得都算合理呀!小小分享 : 因為我唔鐘意食生芽菜，第一次食無掂過就放係度，侍應好細心咁問我點解唔食，我話我怕生芽菜個種味，佢同我講下次可以叫整熟o既芽菜，呢d服務態度已經好少有啦！本身就很愛食牛肉湯河，而家係銅鑼灣可以去食 Pho Metro，我會黎食多d, 支持下先得!