影片
港鐵銅鑼灣站 F1 出口
繼續閱讀
開飯介紹
西式餐廳，燈光柔和，木造餐桌及梳化椅櫈，黑木屏風隔開，頗有格調。招牌菜有海膽伴莎莎、肥美生蠔， 澳洲羊架，適合想享用浪漫大餐的食客。
繼續閱讀
營業時間
星期一至日
12:00 - 14:30
18:00 - 23:30
以上資料只供參考, 請與餐廳確認詳情
相關文章
寫完發現已經執咗😪不過照出啦😂身為一個孝子成日同阿媽一齊食飯，嗰日就陪阿媽喺銅鑼灣食晏🤪佢帶咗我去一間樓上店度食，環境都幾幽靜大家得閒可以帶情人食🤩-🥘兩道菜🥘（$118）🦐#虎蝦墨汁意大利飯🦐虎蝦份量唔細，而且肉質彈牙😗意大利飯食落偏淋，係為香港人口味而設😗芝士碎份量比得多，食落夠creamy ✌️唯一唔好處係份量較少😪西餐🤭.🌰生蠔湯🌰（+$38）要特別加$38先有得食🌝飲落去好似食緊生蠔咁😂飲落有少少腥味😂 但係我覺得可以再濃少少🥘而且雖然要加$38，但係湯入邊並無任何生蠔肉😭.🐑烤羊扒🐑出面有好多餐廳用羊扒扮羊架😂呢一間直接同你講算公正😗 叫咗5成熟食落唔蘇，生熟度亦都啱啱好😂總結來說 喺上面食嘢幾浪漫🤭-🎈 銅鑼灣恩平道42號亨利中心13樓平均傷害：$130好味值：7/10
繼續閱讀
最近朋友考試超辛苦，為左慶祝佢考完試同生日決定今次食豪d!!有人提議想食生蠔，我地未食過有d卻步，不過見到買一送一就諗住點都試下！好彩一早book左位，上到去見到都幾full!好有feel既餐廳～睇睇餐牌先！都有好多唔同既選擇！先睇睇生蠔啦，有好多唔同品種既生蠔選擇，我地就每款都叫隻黎試下～令外食生蠔緊係要叫杯酒飲下😝我地有叫汽酒同白酒～Alto Sauv.Blanc係朋友既白酒，我就飲Prosecco，配埋之後d野食真係一流！令外，見人介紹海鮮刺身都好正，又叫左牡丹蝦試下啦～再叫左個沙律，主食就係意粉同飯各一，仲有我至愛既牛扒😍第1位主角生蠔黎啦！！一擺低其實已經聞到果陣海水味，第1款係american pacific，好肥美既生蠔，又creamy!第2款Mermail 開始係偏爽口，一樣海水味好正🤣第3係majestic已經令我地瘋狂愛上生蠔！Botan Ebi 日本牡丹蝦刺身，上菜既時候真係嚇親，咁大隻既！好開心，一咬落去超彈牙爽口，好鮮甜好味！Tiger Shrimp Salad小虎蝦沙律$168沙律菜都好新鮮，配埋醬汁好開胃！又多蝦～Razor Clam &Chorizo Spaghetti Aglio Olio蟶子辣肉腸香辣欖油意粉$188 首先個醬汁好好味，輕輕的辣味又不會蓋過其他配料的香味，我本身唔食得辣，呢個都ok!Whole Squid烤原條日本魷魚釀意大利飯$248 原條魷魚釀入意大利飯，切開一圈圈分岩哂，意大利飯又唔會飛哂出黎，d飯又吸哂魷魚既鮮味，好食！Us Prime Rib Eye Steak $428美國特級肉眼扒呢個真係超級好食，5成熟岩岩好，肉汁好多，好香牛肉味，超軟超易咬！大推薦食哂主食，款款都咁正，緊係要試埋d甜品啦！今次叫左tiramisu$98同意大利檸檬雪糕$98！首先賣相一流啦～tiramisu酒味岩岩好，一啖接一啖食唔停啊！另外既檸檬雪糕做得好好，檸檬味道岩岩好，最後清一清食左咁多好野既飽滯感覺～
繼續閱讀
呢間餐廳D野食非常好食，好難忘，宜家打食評睇返D相都流哂口水！呢度係銅鑼灣近中心地點，好近地鐵站，唔難搵，地段唔錯。本身冇話特別有好大期望，所以更加有驚喜呢度出名食生蠔，亦係小編人生第一次食生蠔，留低左非常好嘅第一印象🤣呢度有三款，每樣四隻，計返由左至右係American Pacific, 比較 creamy 同肥美，離開鏡頭最遠嘅係 Mermaid, 比前者爽口 d，到最右邊就係 Majestic, 佢係最爽口嘅。全部都好新鮮好香口，超級好食！有食開生蠔嘅人都知自己喜好，可以叫一盤自己配搭，叫侍應介紹返～宜家仲做緊優惠，好抵食！下圖係第一種，好肥美～牡丹蝦大大隻，好好食！好新鮮，好爽口彈牙。真係搵唔到再好嘅形容詞，總之就好好食啦！呢個沙律好足料，食材新鮮。平時比較少食呢個配搭，有蝦、菜同水牛之士。小編好鍾意食水牛芝士，又鍾意食蝦，好滿足🤣黎到主菜～我地叫左個魷魚釀意大利飯，超級好味呀！條魷魚好大條，入面D飯份量適中，唔會好膩，非常好🤣條魷魚好新鮮爽口，唔韌，燒得啱啱好，勁香切開就係咁，喺其他地方都無見過呢個菜色，幾有新意蟶子意粉唔錯，好足料，食材好新鮮。佢有少少辣味，幾開胃意粉都好入味，夠彈牙。 肉眼扒超正！好大塊，好香，好正 我地叫左五成熟，有做得到嘅～塊扒牛肉味好濃，好新鮮，肉質好好，好冧同有肉汁，又煎得好香，外脆內軟咁🤣啲配菜都唔馬虎，炒得好入味，好好食～甜品又係好有驚喜，想特別介紹呢個檸檬雪糕，真係必食！！！平時出去食檸檬「雪糕」都係雪葩，唔會有雪糕嘅質地但做檸檬味。呢日終於比我食倒喇！！！呢個雪糕唔甜亦唔會太酸，完全保留到個檸檬味 下面仲有啲餅碎，好似食緊蛋糕餅底咁，餸埋個雪糕一流🤣Tiramisu 都好好味，應有嘅部份都做得好平均，唔會太溜亦唔會太薄，啱啱好。酒味唔會太濃，整體感覺唔膩，好滿意 亦都好大份，抵食！我仲叫左杯有氣酒解下膩，爽～有野飲同野食 menu 比大家參考下～
繼續閱讀
公司終於出咗Bonus, 做嘢咁辛苦梗係想獎勵下自己。揀呢度係因為睇佢menu菜式幾有心思，而且朋友話佢嘅蠔靚，我從未食過生蠔，有朋友食過話okay有信心保證，一於食呢間。第一道前菜就係蠔，由檸檬開始順時針落係四隻美國生蠔: american pacific, 海水味重，相對腥，比較滑身同厚肉四隻法國生蠔: mermaid，都有海水味，唔腥，比較爽口同薄身再嚟四隻都係法國: majestic，唔腥，有少少鮮甜味，相對薄身但好爽口close up下隻美國蠔，好大隻呀牡丹蝦刺身，色澤好靚，超級大隻呀睇下蝦肉幾晶瑩剔透，腮位好乾淨，食材新鮮果然令整個過程都昇華。蝦肉好爽同清甜，蝦頭內嘅蝦膏好甘，淡淡地鹹味，好正小虎蝦都係爽口新鮮，挑晒腸𠝹咗花，好有心機🙌🏻 蔬菜好新鮮多水份，水牛芝士好香同滑，好味蟶子喺西餐好似比較少見，辣肉腸同辣油做嘅aglio olio就可預期，加埋一齊都幾惹味，意粉好彈，整體唔會過於油膩，幾好功夫菜，魷魚釀意大利飯，外面魷魚燒香，乾身而風味集中，尤其係魷魚鬚，好食配菜都新鮮同清新，平衡魷魚同飯粒嘅飽滯感魷魚筒外面乾身但肉仍然有水份同彈性，烹煮控制得宜，入面意大利飯粒粒沾上醬汁，吸收咗海鮮味，帶少少咬口，正肉眼扒，好香同濃肉味，肉身厚得嚟好腍，無雪味，煮前解凍得宜個肉非常出色，果然一分錢 一分貨配菜亦唔失色，每樣食物都各有千秋成餐都好滿意，最後兩個甜品喇！tiramisu好滑，芝士味、朱古力味同酒味都平衝到，都係心機嘢，旁邊影唔到嘅士多啤梨花都好靚架呢個檸檬雪糕好好味，唔會過酸，清清甜甜啱啱好，帶好重嘅檸檬鮮味同香味，底下嘅crumble好脆又鬆，好完美成餐嘅體驗都好好，果然物有所值
繼續閱讀
🎉女朋友過週年 見到呢間幾有feel 就膽粗粗book左 本身book枱只係講左週年 點知去到發現餐廳已經佈置左啲氣球🎈驚喜十足 食物方面:叫左3款蠔 買1送1 頭盤:肉醬焗法式多士?吾係好記得個名😂但感覺有啲似食緊肉醬意粉咁主菜:帶子墨汁意大利飯+海膽忌廉意粉意大利飯有少少淡 但加埋帶子食好比較好🤪意粉無得輸 每啖意粉伴著海膽忌廉汁 味道無可挑剔👍🏼甜品:心太軟加雪芭 心太軟外脆內軟 不會太甜 十分好👍🏼總結:餐廳員工服務十分好 而且食物質素好 會推薦😎
繼續閱讀