川府宴 (Closed)

係呢幢大廈入面, 每層都變為食店, 不同菜式都可以係度搵到, 今晚上黎呢層食川菜, 過一個刺激夜上..........................店內裝飾帶點雅緻中國風, 以巨大面譜作點綴, 燈光柔和, 桌同桌之間距離感足夠, 坐得相當舒服!呢度除左有川菜食, 仲有川式火鍋, 真正各色其式今晚打算食小菜, 就叫左以下呢幾款:想食香口, 叫左呢客麻辣鷄寸翼 ($68), 以單骨形式侍客, 令客人進食時方便, 㕑師又可令翼更易入味, 雙嬴!  鷄翼外皮上有紅辣椒, 麻辣味道唔算太出, 若然作為一客炸鷄翼, 係合格有餘!大路之選當然要叫番碗擔擔麵 ($38), 一碗份量一個人食岩岩好, 麵質軟硬度適中, 撈均炸菜, 肉碎與芝麻, 因有辣油在內, 食起上黎佢辣度係全晚之冠 !無辣椒系列有呢個清湯牛腩芥菜煲 ($98), 望落去見唔到紅辣椒, 取而代之係胡椒粒!  飲頭啖湯時覺得味道似曾相識.....再飲第二啖就閃起.................係胡椒豬肚湯呀!    芥菜一D都唔苦, 夠晒腍身; 牛腩件數都多, 亦係煮到夠腍身, 有D部份連埋筋膜位就比較難咬開, 整體味道唔錯!以煲

身為川菜迷既我，最中二周圍試新野，朋友介紹呢間新開川府宴話唔錯，急不及待去左會一會。裝潢上幾有四川味道，一道仿古鐵門，牆上掛上變臉臉譜，令人享受埋視覺效果。由於兩個女仔食唔到多野，所以叫左夫妻肺片，有牛肚，牛𦟌同牛脷，全部經過滷水之後入晒味，之後源拌上麻辣醬汁，基本上食到滷水香同酥辣感，下面墊上川菜最中二既拌菜—萵筍，爽脆口感，的確唔錯。另外叫左碗擔擔麵，幼滑麵條拌上香辣豬肉碎，花生碎，酸菜碎，麻而酥辣，三兩下就食晒。雞絲粉皮則屬於嫩滑型，所以粉皮比較難夾，雞絲連同爽甜青瓜絲，香口芝麻，些許麻辣，都係飽肚之選。身為健康女性， 菜都算半個主食。香肉炒花菜，花菜香港比較少見，係好脆好有口感既一種菜，配上四川秘制香肉，一打開蓋，香味撲鼻。講起香肉，口感似我地既臘肉，但氣味似煙肉，唔油膩之餘仲好香，成鍋菜精華所在。香酥珍珠蠔都係第一次係川菜試過，挑選左五蚊銀大小既珍珠蠔，大火快速炸，所以蠔肉保持唔縮水而且仲好鮮滑，配上特制香辣粉，最重要係唔油，食晒成碟都可以。甜品係女士必食，的地點左一碗紅糖冰粉，用上黃糖以及薑汁做甜品既底，配上口感Q彈煙韌冰粉，仙楂片，杞子，提子乾，健康首選。

有外國朋友回港，想食川菜，少食辣的我真的摸不著頭腦，馬上問問同事朋友有乜好介紹，介紹左銅鑼灣樓上一間川府宴，在網上評價十分不錯的，一於帶朋友去試下。來到餐廳環境裝修都幾唔錯，氣氛好優雅清靜，希望外國朋友會鐘意。《雞絲粉皮 $53》在香港都幾難食到這道菜，而要做得正宗的話就更難，這裡的加了大量的雞絲、青瓜絲以麻醬相伴，微辣的麻醬好香口好開胃，粉皮吸滿醬汁，加上青瓜爽甜清香，十分正宗。《滕王麻香雞 $168》愛蔥的我見到賣相已加分，舖滿芝麻和蔥花，還有幾串藤椒，這樣的製法還是第一次見，充滿期待；入口雞肉嫩滑，而且好入味，不久“痲” 感慢慢滲透出來，痲而不辣，感覺不錯，很喜歡這道菜。《麻婆豆腐 $128》好怕吃麻婆豆腐的我，都要試試，入口味濃豆腐細滑，令我十分驚喜，沒有猛烈的辣味，越食越香辣，我和外國朋友都怎能忍得住不配上一碗絲苗白飯 $20。《安格斯牛肉湯麵 $108》我太吃能吃辣，所以點了碗牛肉湯麵，湯底看似清淡，食落味道剛剛好，安格斯牛就略為細片，份量不多，但肉質還是不錯的，麵的質感亦剛好。《四川凉糕 $38》凉糕有點似布甸，但質感爽口的，幾得意，用上山楂、杞子、提子干做出雪人的樣子，

好久已經沒有吃辣了，心養養想食，今晚就約朋友到銅鑼灣的川府宴試試，位於銅鑼灣新食街登龍街永光中心25樓的”川府宴”。地點很方便，裝潢摩登高雅，光看裝潢都看不出是食中菜的，帶有些少中國風的就是牆上掛着的臉譜，甚有格調。原盅足料燉湯 $48今日食辣之前墊一墊底先，來一盅潤一潤。剁椒蒸魚頭 $168最愛吃魚頭，少有的大魚頭，舖滿了鮮紅的剁椒，辣度不算厲害，味道調得剛好，鹹香帶辣，又不失魚鮮。健康彩虹菜 $88見到這道菜名就想點來試試，叫彩虹菜，原來是用上三色椒、洋蔥、紫椰菜、秋葵、木耳、椰菜花和百合，色彩繽紛，真係如其名，健康彩虹菜。担担麵 $38四川菜担抇麵怎能少，同平時食的不同，並非湯麵，麵上放了肉碎、菜粒、花生碎、乾蔥等配料，店員提示食前先拌一拌，顏色香味慢慢散發出來。麵富彈性，且有嚼勁，味道先辣後麻越食越滋味，很正宗的味道。麻婆豆腐 $128絲苗白飯 $20好久沒有吃過麻婆豆腐，整個菜式無論色調香氣味道份量都非常合我的心意，麻婆豆腐沒有一味的死辣，香氣和味道都令人開胃，配上一碗白飯，滿足。紅糖冰粉 $38食完幾款麻辣食物，食碗糖水就正好，冰粉似透明涼粉，還有杞子山楂餅和提子乾，清甜冰

約咗個好耐冇見嘅朋友喺銅鑼灣食飯 想打邊爐但又好怕嘈到傾唔到計 朋友就介紹話有間新開嘅環境唔錯 就決定咗食依間一上到嚟 鋪頭唔大 但就個個位都幾闊落 坐得幾舒服👍揀咗個鴛鴦鍋 一邊麻辣 一邊豬骨本身係對個麻辣好有期望 但後尾食食下發現好似豬骨嗰邊仲好食😂首先推介自家製響鈴！好足料！唔似得空心嗰啲一浸落湯就成舊淋哂 依度嘅響鈴係吸咗啲湯 都仲食到響鈴嘅脆 真心抵讚！鍾意脆口響鈴必點！👍之後就係打邊爐唔少得嘅牛啦 叫咗手切安格斯牛肉好香牛味！不過如果可以再薄切少少就更好啦仲有麻辣鍋必點嘅紅薯粉 吸哂啲湯超正🤤 不過我發現係豬骨嗰邊6完之後點麻辣湯食仲正😂整體嚟講環境同野食都ok 店員都幾nice 唯獨係價錢唔算平 建議budget較多嘅朋友嚟食～

四川菜的麻辣真係會令人食上癮，間唔中諗起都會想去食下。今晚約左朋友到銅鑼灣的川府宴試一試，因為朋友食過覺得唔錯。由於時間唔多，就算見到隔離枱好多人打邊爐香噴噴，我地都係叫小菜算了睇餐牌見到有冰菜沙律，之前又係同呢個朋友去上海食過一次冰菜，覺得好特別又美味，超市街市都好少發現，出面好多舖頭都無呢個菜，難得見到，梗係即刻點啦。冰菜菜面有好多水珠，就好似鑽石咁閃閃發亮，只需要簡單咁用麻醬調拌，非常清爽好吃雞絲粉皮呢味野係我食上海野必叫的，比起其他餐廳，佢呢度加了大量的雞絲，青瓜絲，同樣拌以麻醬同吃，又係簡單又好味的一款小食紅油抄手雲吞皮皮薄，份量十足， 咪睇佢好似比辣油浸住，但其實一啲都唔辣的泡椒安格斯牛柳牛柳肉味香濃，紫洋蔥吸收了牛肉的肉汁，亦沾了泡椒的辣味，十分刺激又惹味，令人忍唔住一口接一口

銅鑼灣的川菜餐廳實在不少 ，是次選了新開不久的川府宴試一試。餐廳裝修很摩登，牆上掛著四川臉譜，頗為搶眼。餐廳菜式選擇頗多，辣與不辣的菜式都有，怕辣人士也有選擇。麻辣雞翼是店員推薦的菜式，單骨雞翼炸得金黃，帶點孜然香味，整體麻多於辣，怕辣者也可以一試！涼拌茄子用上芝麻醬頗為意外，原以為會是川式口水汁之類，吃起來不過不失回鍋肉用上京蔥炒製，色澤紅亮，肥而不膩，入口濃香水煮東江魚氣勢迫人，滿滿一盤的辣椒卻也沒辣過頭，嘗到魚肉的鮮味，魚片滑溜，油不多，不錯！

四人成團齊齊放工去食辣野👯‍♀話說當中唯一一位唔太食得辣嘅fd子突然提出想挑戰食辣 話見到我哋成日食得咁滋味自己食清湯好無癮咁話😂咁我哋當然無任歡迎啦😎於是當晚就帶左佢黎川府宴進行挑戰✌🏻我哋已經諗住係挑戰就去到最盡 成功說服fd子一齊食我哋平時食開嘅大辣🌶點知落單時店員話我地知呢度主打新派川菜 所有菜式唔會話太辣 主要係想食到食材嘅鮮味 睇嚟佢命中注定挑戰唔到啦 🤣擔擔麵🍜 $38細細一碗 麵夠彈牙肉碎再加上花生蔥花嘅香味唔錯唔錯👍🏻👍🏻雞絲涼麵 🥒$46同樣地都係細細地一碗同朋友分享份量唔多雞絲.青瓜辣醬加麻醬嘅香味食落好開胃 😋酸辣土豆絲🥔 $88微微嘅辣味道偏咸少少 叫左碗白飯配🍚涼拌皮蛋豆腐🥚 $68個醬汁好特別 微辣偏酸皮蛋係溏心嘅 配埋滑溜溜嘅豆腐好正😍係一道相當開胃嘅前菜！手撕包心菜 $88手撕包菜就不過不失 咸度適中 水煮石斑🐟 $388石斑好嫩滑 而且小骨 👍🏻裏面有青瓜🥒萵筍 芽菜 薯粉🍜做配菜 分量十足 我地四個女仔食就仲有剩🤣唔食得辣嘅Fd子都話接受到辣度 只食到微辣 但更多嘅係魚嘅鮮甜味 好滿足☺

今日同屋企人去左銅鑼灣食川菜，趁住未夏天就去食個四川晚宴，暖暖身啦。媽媽好鐘意食辣野，四川菜就最岩啦涼拌皮蛋豆腐。川汁皮蛋味道咸香，皮蛋溏心入口彈彈地好滋味，豆腐滑溜伴上微辣的川汁好驚喜。雞絲粉皮。微辣麻醬好香口好開胃，粉皮吸哂醬汁，加上青瓜爽甜清香，好開胃前菜。蔥爆牛肉。大蔥好滋味呀醬汁微咸炒得好惹味，牛肉爽嫩軟腍唔會鞋口，配白飯超正剁椒魚頭。微辣魚頭好滑，魚骨較多味道濃郁，魚肉吸哂辣辣地醬汁，魚頭煮得香口。

今日同朋友黎左川府宴試下新派川菜，話明係川菜真一定離唔開各式各樣麻、辣、鮮、香的菜式，唔係太食得辣的我一開始都驚會唔會頂唔順，但因為係新派所以經調整過後的辣度係絕對大部分香港人接受到，咁貼心去迎合香港人口味好抵讚！首先香味的菜式有冰火二重奏的麵條，熱辣辣的香噴噴擔擔麵上放了蔥花，榨菜碎，花生碎及豬肉碎，同坊間一般嘅擔擔麵分別就係冇湯干拌，麵條充滿彈性。另一款則是雞絲涼麵，冰涼的口感令處於潮濕悶熱的天氣的我們帶來一絲涼快。接著點了2款蔬菜分別是酸辣土豆絲和手撕包心菜，雖然辣椒和蔬菜的比例接近一比一，但是卻能平衡辣椒的麻辣和蔬菜的鮮甜。涼拌皮蛋豆腐用的是糖心皮蛋和嫩滑充滿豆香的豆腐，配上一層香辣的紅油絕對是集甜辣甘香在一身的菜式。壓軸登場的水煮石斑絕對是必食之選，石斑魚肉鮮甜，並吸收滿滿的炒辣椒湯底，即做吃到滿頭大汗仍然欲罷不能！

發覺自己愈黎愈食得辣，三日唔埋兩日就想食辣野，講到辣，當然係四川菜，登龍街不嬲多野食，永光中心就成棟都係餐廳，上次黎永光食野見到呢間個名就remark左下次要黎試下，皆因專食四川野！店內環境仲望到時代廣場大電視一坐低就附上既小食有設計既餐牌總共點左3個菜，以下逐樣介紹雞絲粉皮 $53自己每次返大陸都會點粉皮，作為前菜冷盤好開胃，而呢碟雞絲粉皮就麻油味較重，個人認為有少少偏濕，可以乾身少少小米椒酸甜雞 $168係店內招牌菜，望落去有啲似咕嚕肉咁，食落好大驚喜！估唔到係咁薄皮，但又夠脆口，味道則既甜既辣，餸飯一流，係我最愛！水煮東江魚 $128可以揀就辣度，但同友人唔知道，點左菜之後，原來係上左微辣比我地。自己本身好食得辣，所以覺得唔夠辣，辣椒頗苦，魚骨較多，食起上黎要小心啲呢到茶芥$15/位，埋單每人200蚊左右，價錢中等，當然都要睇下你點咩菜，皆因呢到主打水煮魚，如要比較靚既魚，價錢就比較貴，約$500/條，同友人就食東江魚，所以價錢就平啲，店內亦都有火鍋類，想過下四川癮既朋友不妨試試

朋友放工想食川菜, 就係Openrice search 到衣間係公司附近既<川府宴>雞絲海蜤$63 海蜤好爽, 雞好滑份量比較少, 但都足夠我地2個食冰菜沙律$55衣個冰菜真心推介, 新鮮菜, 雪凍左加芝麻 醬超爽又夠冰涼, 衣款菜好少係出面有得食干鍋花菜$88椰菜花炒得好乾身, 用辣椒乾炒, 令椰菜好入味.小小辣, 好野味小米椒酸辣雞$168好似咕嚕肉, 肉好淋, 酸辣岩岩好. 好開胃個汁送飯真係好正担担面$38一個人既份量, 個面底好彈牙.醬汁小小辣, 好開胃. 

估唔到這間位於銅鑼灣樓上舖的川菜係咁好味, 而且價錢適中, 認真好食兼抵食!我們平時食的涼拌皮蛋豆腐會有好多蔥, 蒜等等香料, 但這間的呢道前菜只是淋了些紅油在皮蛋豆腐上面, 但卻是不能小看這味只有紅油的皮蛋豆腐, 嫩滑的豆腐加香軟的糖心皮蛋, 食落口有咸, 香, 辣, 麻, 甜, 幾種味道, 由於沒有蔥蒜等香料, 所以這皮蛋豆腐食落口是出奇的嫩滑, 口感相當唔錯, 好食!而擔擔麵上枱時與普通坊間擔擔麵都唔同, 這間的擔擔麵是乾的, 沒有湯的, 麵上面有很多蔥, 紅油, 炸菜碎, 花生碎及豬肉碎, 我們將麵及材料撈均勻, 未食已聞到香濃的麻油香味, 香蔥的香味及花椒的麻香, 聞到已令人流口水. D麵軟身得來有咬口, 連埋的香料一齊吃好惹味, 花椒麻油的香味在口中久久徘徊, 我覺得這種乾撈擔擔麵的食法比起普通有湯的擔擔麵要好食好多.另外仲有道典型的川菜”剁椒魚頭”一定要讚! 大大的魚頭開邊放在碟上, 魚頭上鋪滿紅色的剁椒, 一上枱已聞到酸菜的那種酸辣椒的味道,大魚頭已充分將酸辣椒的味道完全吸收, 酸, 辣, 咸, 香, 全部都在魚皮魚骨吸收晒, 雖然大魚頭無咩肉, 但是吮魚骨及食魚皮才是

銅鑼灣登龍街一向多嘢食，今次去永光中心上樓食四川菜 整盅燉湯先... 好多料，睇d顏色就知道好濃，好滋補 口水雞～～ 好多香料，唔係好辣，冇想像中咁濃味，唔太食得辣既朋友都可以挑戰一下 雞唔肥，可以連皮食 熗炒土豆絲 爽脆，適合送飯 主角黎啦！ 水煮肥牛 好大一盤！！！  牛肉有口感，唔算好肥 有我好鍾意既闊薯粉！ 外面好多都係幼薯粉，但我覺得闊薯粉至正！ 咁至夠口感！！ 吸收精華的萵筍 最後整返碗冰涼爽快既冰粉，即刻解晒辣，清新晒～

去完日本返來勁想食辣野 一落機就拉呀媽去食辣 同事介紹呢間辣野唔錯 即搭地鐵去去到先點一個擔擔面 啲醬係哂上面 要自己撈 個人認為可以再辣啲 會更過癮前菜叫左個涼拌皮蛋豆腐 豆腐好滑用辣油浸住 幾開胃菜就叫左酸辣土豆絲正呀呢個 酸酸地 好爽 好好拌飯食炒起勁香黎多個夫妻肺片個辣汁撈起好好味 個菜係熱食既 芝麻都好香重點係呢個東江魚 水煮上夠哂辣 正啲魚片好滑 好多乾椒仲有芽菜萵筍青瓜木耳係底做配菜 全部都好入味應該都有一條魚 好多魚肉 兩個食唔哂 好彩唔算叫得多野埋單500有找香港食辣野差唔多啦