Warren (Closed)

氣氛浪漫的西餐廳，環境潔淨舒服，享受2人世界最好不過🌹/💕香煎法國頂級西冷配紅酒汁 $388💕蟹肉芒果沙律 $168-💕帶子配黑魚子 紅加厘子啫喱 $158⭐️⭐️⭐️⭐️帶子新鮮，咬落去唔係直接散開兩半，係一撕撕咁散開，配上黑魚子，味道更升華，不過真係得一粒仔，唔夠喉😛 紅加厘子啫喱，有小小似士多啤梨味，酸酸甜甜的。/💕燒紐西蘭羊架⭐️⭐️⭐️⭐️肉質好嫩，唔硬，有羊架味但又唔騷，伴碟既玉米好特別，口感有啲似薯蓉，好甜、覺得落左好多忌廉，好容易令人忍唔住想食晒😋-環境：8/10服務：8/10好味指數：7/10回頭率：7/10

餐廳位於大坑浣紗街的橫街，有點難找，所以能夠靜靜地同朋友傾計💖我地叫左4樣嘢share!日本帶子刺身配黑魚子，紅加厘子啫喱帶子刺身幾爽口大隻👍🏻沙律份量唔多，而紅加厘子啫喱唔太夾🥺煙三文魚配荷蘭汁波蛋呢道前菜幾surprise，第一次食🍳個底係脆酥皮，有少少沙律菜，面頭有隻半熟蛋一切開就爆汁，脆酥皮冇因為蛋汁而變淋，值得加分🤤整體上成個配搭好match! 伴碟仲有煙三文魚添燒羊架配芥末籽燒汁燒羊架永遠冇令我失望❤️煮得剛好，冇血水簡單調味保留羊嘅味道👍🏻另外覺得唔錯嘅係佢嘅伴碟芝士薯仔酥皮🤪味道岩哂我呢個芝士薯仔控～香煎美國西冷配紅酒汁驟眼睇就似係六七成熟，但切開原來係七八成熟，有啲靭，牛肉醃味唔係太夠，如果係烹調手法上有改善會更加好。做得幾好嘅地方係紅酒汁好味🤓

在大坑的華倫街小巷街角，找到這家頗有情調的西餐廳，偶爾奢侈一下，享受一晚FINE DINING吧！餐廳以開放式廚房設計，全場座位約16左右，不會太逼狹，坐得也挺舒服的，氣氛浪漫，很適合情侶用餐好的環境，當然更應該要有優質的食物吧！幸好也沒令人失望，而且擺盤見心思👍 前菜 - 日本刺身帶子配黑魚子紅加倫子啫喱。帶子鮮甜配微酸的啫喱，好特別的味蕾享受！另一款是 - 蟹肉芒果沙律。很喜歡沙律底的脆脆，不會炸得太油膩，又為蟹肉沙律添加口感！然後主菜 - 香煎石斑魚配燴菜西椒汁。石斑魚煎得外皮香脆，魚柳新鮮又香滑。第二款主菜 - 香煎美國西冷伴芝士忌廉薯仔。牛肉煎得剛好，肉質嫩滑，又juicy。伴菜的薯仔亦很出色，牛油味香好好食😋

今晚男朋友帶我去食好西，黎到大坑食法國菜，全權交俾佢order。首先黎蟹肉芒果沙律，第一次食炸左既幼麵伴碟既芒果蟹肉沙律，卜卜脆，咬落好有口感。芒果鮮甜，同埋啖啖蟹肉一齊食，好享受。帶子刺身都厚身，食落鮮甜肥美，下面有一塊紅加侖子啫喱，幾得意。燒紐西蘭羊架有兩件，燒得岩岩好，完全唔會韌，幾香口，而且冇羊羶味。香煎美國頂級西冷伴有三件西冷，好好咬，有肉味。伴碟個千層焗薯好邪惡，加左好多忌廉，但好食。法國菜果然每道菜既擺盤都好精緻，雖然份量小但令人嘗心悅目。

一間book咗位！日日打電話嚟改！去到最後嗰日一早打嚟話臨時唔做生意因為老闆趕唔切返嚟😑職員冇禮貌，不負責任，原來成間鋪頭得老闆一個係冇員工嘅咁大個人都未聽過有間餐廳會臨時打嚟取消Booking因為老闆唔得閒我哋三日前已經打去book定枱同cfm早一日打嚟問我會想食啲咩食物叫廚師準備定,我話呢個鐘數我諗住過嚟飲杯野!佢再問你哋諗住自己帶走來定係定係點樣淨係提供酒類嘅飲品跟住我話可能到時帶酒飲第二朝早，即是當日佢就打嚟話老闆唔得閒趕唔切返嚟要取消好明顯係細但係唔想接

呢D相都係我自己用手機影的, 第一次去真係唔知有間法國菜係呢頭，左穿右插咁入到去餐廳 ，就到了大坑華倫街。日頭坐係呢d露天位上飲紅酒食牛扒，幾嘆呢。Pan seared foie gras with fig and apple jam 鵝肝煎得入口即溶，配上自家製醬，乍看似藝術品，賞心悅目。Baked scallop with black truffle cheese sauce 芝士黑松露焗帶子 用熱石上serve帶子，帶肉勁厚身，好嫩口Roasted NZ lamb rack with polenta cake and rosemary gravy 燒紐西蘭點可以錯過我最愛既羊架呢，羊架肉嫩，有羊味而不羶，很高質。Pan Seared US Prime Striploin with the Gras Gravy 香煎美國頂級西冷伴焗芝士忌廉薯仔配黑松露燒汁又係另一個藝術品，牛肉已切開三舊，牛肉味香，無根無渣。焗芝士忌廉薯仔十分滋味，有層層既質感而又有薯蓉黏在中間。

A friend and I met up for a dinner get together where she chose a place called Warren. Located in Tai Hang, I have seen it but haven't actually given it a try. Thus, when I entered the restaurant, I was surprised it was so small! There weren't that many tables and majority of the place was taken over by a big bar table.Menu is in English and Chinese. They have a small a la carte menu along with two types of dinner sets.  We decided to just order a la carte because we felt the set offered way too

今天去了天后，今日朋友帶了我去天后m個好有特色的區域！就是有一區有好多矮屋仔！地下都是一些特色餐廳！今日去了warren 門口不明顯！一入去見到一個bar 台 有五六張餐台！氣氛優雅浪漫！我們點了帶子配紅加輪子 喱味道不錯，上面的帶子煎得剛好！下面的紅加輪子 喱咸咸甜甜好得意班尼蛋配三文魚班尼蛋剛好！味道也不錯！西冷配千層焗薯牛肉味好香濃！千層焗薯好香好正！羊架配千層焗薯羊架煎得剛好，一點都不so !羊味濃郁！總結分量有點小。

最近實在太忙，少左好多出街食飯，今日慶祝紀念日，決定搵間好少少既西餐廳慶祝🥂🥂 搵左好耐，搵左間都幾神秘又唔貴既西餐係港島區大坑，一早book左6:30食飯，黎到既時候可能太早，仲未有好多人，靜靜地幾好。🥢香煎鴨肝配無花果，蘋果醬$168-鴨肝無腥味又新鮮，配埋蘋果醬個味好fresh + 入口即溶，配埋既麵包都好有心機烘得好脆🥢芝士黑松露焗帶子 $218-全晚最驚喜同十分like 呢份，平時食芝士黑松露通常會覺得好膩同埋難入口，但呢份真係好好好正，芝士味唔係個種好濃，但配埋黑松露係勁夾，加埋帶子Size係大隻，咬落口係好滿足👍🏻亦好好好抵食。🥢香煎波士頓龍蝦尾$378-龍蝦尾仲配左少量蔬菜伴碟，龍蝦已經起晒肉，一咬就啖啖肉，另外仲有芝士薯容夾埋，口感一流🥢燒紐西蘭羊架配玉米餅$368-羊架叫左7成熟，咬落好軟又唔腥，食得出係好靚既羊架，而且醃料雖然唔多但係好入味🥰 呢間餐廳真係好令我驚喜，雖然細細間鋪頭，但人流唔少，而且價錢同食物非常之成正比例❤️ 係誠意推薦大家黎同另一半撐枱腳❤️❤️

Warren喺OpenRice幾乎一面倒都係好評，一直都喺我bucket list上面，趁住大假期前同先生嘗嘗鮮。餐廳選址雖然唔喺鬧市之中，但更顯得清靜雅致，門面唔大，用上霓虹燈做成店名，辨識度高，門外放咗精緻嘅盆栽同枱凳，感覺舒適。店內地方亦唔算大，有一面大立體裝飾，配上鏡牆，令空間感更大。最先上枱嘅係侍應推薦嘅香煎鵝肝，擺盤相當別緻。香煎鵝肝嘅面頭係烤過嘅香脆薄多士，透住淡淡嘅牛油香，然後係清新蘋果醬。鵝肝煎得剛剛好，油脂豐富，入口齒頰留香，配上帶有果肉嘅蘋果醬清新解膩，每一啖都係享受！藜麥沙律壓成磚狀，面頭以黑魚子點綴，倍覺矜貴，入口有絲絲蟹肉，感覺清新健康。刺身帶子十分新鮮，伴上黑魚子更添鮮味，底部係紅加侖子啫喱，味道酸酸甜甜，配上旁邊嘅沙律，非常開胃。西冷質素極高，厚切然後煎到三四成熟，色澤嫩紅但不帶一絲血水，入口鮮嫩多汁，口感軟腍，配上紅酒汁非常出色。伴碟除咗鮮蔬之外仲有薯蓉，飽腹感強。燒羊架同樣出色，燒到三四成熟，色澤粉紅，肉嫩多汁，而且一啲都唔羶，非常有驚喜！今晚嘅每一道菜都令人滿足，無論係賣相抑或係味道水準都非常高，雖然價錢唔平，但非常值得。

Tai Hang has been known as its isolated location from the hectic Causeway Bay. Restaurants here are with exceptionally high quality in terms of food and environment. That night, I went to this quiet and cosy place to catch up with my friend who just returned from overseas. Warren is definitely a good choice for catching up with quality food.We ordered from the a la carte menu.This pan-seared Hokkaido scallop with caviar and redcurrant jelly was exquisite. The scallop was supposed to be raw but t

Warren喺大坑嘅華倫街，店名以街名來命名，好記又易搵！店內座位不多，只有約二十個座位，名副其實的小店！我地兩個人，Order咗兩個Starter同埋兩個Main Course。先來的是香煎刺身級的帶子，再配上魚子醬，香上加香，鮮上加鮮！名貴又好吃！另一份Starter是香煎鴨肝多士配蟹肉藜麥沙律。一份價錢，兩個Starter，呢個抵叫！蟹肉是鮮拆的，鮮甜可口，超Fresh！配上藜麥更見健康！鴨肝超肥美，煎到香脆之剩仲標晒油，濃郁惹味！多士夠脆口之餘，仲索晒鴨肝多出的肥油，正！第一道Main係燒紐西蘭羊架配芥末籽燒汁，店員話佢哋出品嘅羊架絕無羶味，叫我地可以放心食！羊架煎至五成熟左右，入口軟腍，最重要嘅係真係冇羶味，處理適當，不錯！拌碟的醬汁好像是用三色椒打成的，顏色漂亮得黎仲同個羊架幾夾！第二道Main係香煎美國頂級西冷配紅酒汁，已預先切成條狀，方便烹調至合適的生熟度。厚切的牛扒味道相當濃郁，配上紅酒汁，味道更為突出！

大坑美食地圖系列餐廳門面時尚，很有氣質的感覺。前 菜刺身帶子配黑魚子、黑加侖子啫喱前菜，永遠也最精緻，最吸晴。帶子甜美軟稔，絲絲分明，底層是較少見的配搭，以黑加侖子啫喱的甜味與沙律增味。香煎鵝肝配黑魚子蟹肉藜麥沙律另一盤，藝術品。鵝肝多士一層一層交疊，鵝肝肥美，入口即融，為除掉鵝肝的腥味，加上橙皮，口感清新，味道有層次。主菜擺盤有心思，旁邊抹醬有特色。香煎石斑魚，伴蕃茄汁燴菜、燒薯仔石斑魚連魚皮煎香，魚皮香脆，魚柳嫩滑，略帶油脂。配菜蕃茄汁燴菜，顏色吸引。香煎頂級西冷，伴焗芝士忌廉薯仔西冷牛扒中帶筋，肉味十足，煎至七成熟，鎖住肉汁，不帶血水。焗芝士忌廉薯仔出色，薯仔以片狀堆砌，再經烤焗，既香脆，牛油味又濃。

大坑唔少西餐廳都好有水準，雖然價錢偏貴，但係絕對係物有所值。Warren只有數張枱椅，燈光幽暗，環境寧靜，有著浪漫嘅氛圍。餐廳屬半開放式廚房，可以見到師傅在細心嘅烹調，而且抽風設備做得不錯，完全冇聞到半點油煙味。今晚我地唔太肚餓，所以只係點左兩個前菜再加兩個main course。香煎鵝肝拼黑魚子醬藜麥沙律，香煎法國鵝肝配芒果甜酸醬，鵝肝外皮煎香，外脆內嫩，搭配上甜甜酸酸嘅味道，味道好有層次咁。香濃嘅魚子醬同清新鮮味嘅蟹肉味道配搭得唔錯。日本刺身帶子配黑魚子紅加侖子啫喱，刺身級帶子輕輕煎香過，配上清新嘅沙律菜，味道甜甜酸酸好開胃。煙燻M9和牛肉眼配黑松露菌燒汁，牛肉已經預先切好，色澤粉嫩，肉味濃郁，特別既係伴菜既薯仔上面有層焗至金黃色既芝士！芝士味道濃郁，不過如果西冷份量再多d會仲好。香煎石斑魚配提子牛油汁，番茄汁燴菜、燒薯仔、西椒汁 。石斑魚肉結實，外皮脆口，配菜有燒薯仔、南瓜粒、茄子。

繼續慶祝生日，同朋友嚟咗大坑度食好嘢！大坑都有好多好餐廳，今次我哋就揀咗間比較隱蔽少少嘅貴價西餐， 雖然佢位置有少少隱蔽，但係嗰晚呢都坐到full曬喎。我哋冇叫set而係散嗌嘅， 首先係帶子刺身，佢底下仲配咗一個berry嘅啫喱， 酸酸地幾開胃。 跟住呢個係蟹肉藜麥沙律配鵝肝嘅， 鵝肝好食，仲有一啲sauce係酸酸地，食落去就冇咁油膩。 主菜呢其中一個就嗌咗呢個石斑魚，其實我本身就唔係特別鍾意食魚，但呢個肉質成個都係好好食！ 另外呢個就係牛排啦，佢係有d 脂肪會比較肥既，所以 食完呢個都好足夠啦~雖然呢間舖細細哋，但係上菜一d 都唔慢！我覺得呢個餐廳好適合情侶可能有紀念日嚟食嘅， 幾有情調咁食下西餐