名門私房菜

营业中

休息中

招牌杏汁炖白肺湯勁足料，杏汁濃郁加埋白肺炖出嚟勁鮮甜，連唔鍾意杏仁味嘅朋友都話正！滿分！冰鎮鮑魚鮑魚煮得夠透，唔韌，咬落去好爽口，本身帶有微微酒香好鮮味，加埋個wasabi燒汁，勁惹味！必食！大良炸鮮奶炸皮夠薄又夠脆，鮮奶順滑，食完都唔覺好熱氣，正！名門秘製豬肋骨酸酸甜甜，好有話梅味，面層炸得脆口但仍保留住本身嘅肉汁，唔會炸到乾淨淨，隔乾哂油先上碟，唔會食到一口油，好醒胃菓香雞雖然係炸雞，不過用咗新鮮奇異果炒過，一D都唔熱氣，食落仲好清新。紅酒牛筋腩牛筋炆夠入味又夠淋，得！糯米飯足料好入味，糯米煮得啱啱好，粒粒分明，好有咬口，好好食！金錢蓮藕餅、蝦乾魚肚大芥菜煲、蘑菇竹笙豆腐煲珠玉在前，沒有前幾道菜一試難忘嘅驚艷，但都水準以上之作。另外，值得一讚，招呼我們的叔叔非常細心，適當時間會主動加茶水，每個要求都好快就安排打點好，全程臉露笑容，感受到他的用心招待Encore指數

今日約朋友到灣仔食順德菜，它叫名門私房菜，位置喺灣仔道83號2樓，我哋入到去餐廳到時，首先我就喺門口度咗體溫，同埋掃咗安心出行後，就安排入座。見到枱同枱之間有距離，坐得好安心，酒精搓手液。侍應招呼我哋入座，今晚點菜有：杏汁豬肺湯,櫻花蝦鯪魚球，蜜餞欖角骨，蝦乾魚肚大芥菜煲，鮮蝦瑤柱荷葉飯。平時喺屋企唔會食到豬肺湯，今日終於可以食到喇。杏汁豬肺湯個湯呈白色，有南北杏，杏仁，豬肺湯好滋潤，湯好清甜。櫻花蝦鯪魚球櫻花蝦鯪魚球炸到呈現金黃色，櫻花蝦包著鯪魚球，咬落去好香又脆，魚肉鮮甜，仲保留水份。蜜餞欖角骨蜜餞欖角骨呢碟排⻣好足料，而且好juicy, 排⻣炸好香，熱辣辣香噴噴，仲有欖角提升了排⻣鮮味。鮮蝦瑤柱荷葉飯荷葉飯好食指數要俾10隻手指，每粒飯粒粒分明，鮮蝦同瑤柱，味道啱啱好，仲有荷葉香味，我平日唔食飯，今晚要食3碗飯蝦乾魚肚大芥菜煲蝦乾魚肚大芥菜煲，煲里面有大大隻嘅蝦干同魚肚，芥菜好清甜，連個湯都飲埋添。是日甜品 番薯糖水， 番薯冇渣而且好甜仲有好香嘅薑味。今晚真係有食神呀，可以見到好耐無見朋友傾下計，為今晚飯聚寫上了完美的句號。下次一定帶多啲朋友上來食它的其他招牌菜。

約左幾位朋友放工食飯聚下舊，大家都有共識想食下特式私房菜，就喺灣仔搵到呢間名門原來係順德既私房菜，門外面有個訂座電話，建議可以預先book 位先，費時到時無位坐咁掃慶螺頭翅骨燉花膠 $168/位平日咁辛苦工作，當然要補補身啦，呢款螺頭翅骨燉花膠就非常適合喇，用料矜貴之餘絕對不加任何味精，鮮甜味靠晒螺頭，而且個湯好濃，含有極高成份既骨膠原，對皮膚好好架青芥冰燒雞 $388/半隻撈左少少wasabi 入去個手撕雞入味，非常惹味，最用心都係當中既炸芋頭絲，要望清楚先見到架，食落香脆無比，加上隻雞又新鮮，味道都算幾夾鴨肝蝦多士 $188/件初時望落去見到真係嘩一聲，好似d display食物咁靚咁精緻，切開之後先放心食用😂蛋黃既香氣溢出，配合滿滿既大蝦肉，配埋鴨肝一齊食真係無得頂，紅酒汁亦甚有水準，會食到略帶紅酒既苦澀味乾煸燒汁野菌桂魚球 $548/例呢款桂魚做法非常複雜，魚肉全都被起出，而炸過後非常香脆，面頭既野菌亦都吸晒d 魚鮮味，好食正會上癮啊🙈蝦乾魚肚大芥菜煲 $168/例跟住食返個清淡少少既菜先，幸好大芥菜不會過咸，個湯越浸越香蝦乾同魚肚味燕窩蛋白杏仁茶 $148/位去到呢刻已經食到

今天和為食老友去一间很出名的私房菜。首先点了這裏出名的杏汁燉白肺湯，湯料豐富，奶白色的湯夠濃稠，杏仁味道濃郁， 口感滑溜。處理豬肺相當費時及工夫，這裡處理得乾淨，没有氣味👍。這個荔芋乳鴿酥配烤肝XO 醬，店家說中秋後芋頭當造。所以推介。XO醬是自家制，非常足料，還加上很多雞肝，微辣，可以作一個餐前小點吃😊。芋頭加入新鮮鴿肉，外脆內軟！熱熱地食吃最好味。原味或醮XO醬都一樣好味道。蜜餞藕蓋煎金蠔王，蠔隻帶有濃厚的蠔味，蜜餞汁不會太甜。和味粉絲煲, 是近期的新菜式，一上枱已香味揚溢，原來在粉絲加上鹹蛋黃，所以味道濃郁。還有芹菜，紅蘿蔔絲，冬菇絲非常足料😋。蝦乾魚肚大芥菜煲，碧綠的芥菜, 加入鮮甜味清的蝦乾, 另本身沒太大味道的魚肚吸收晒蝦乾的鮮甜, 正！生炒腊味糯米飯 ，夠鑊氣又吸引！糯米飯軟硬適中，炒得夠香，内有腊味，腊腸，潤腸及冬菇，材料颇多，口感豐富！生磨杏仁茶，杏仁味香濃，甜度適中， 滋潤養顏。午餐还有套餐， 經濟實惠。現在用信用卡還有特惠。

私房菜不會像集團式酒樓般有廣告或宣傳, 座位不會太多, 位置亦比較私隱, 主要招待熟客人, 菜式質素當然有水準, 當晚飯局早已透過電話預留菜式順德豆腐魚茸羹, 主要是將魚茸去骨, 魚肉加上滑豆腐, 草菇及菜心粒等煮成, 魚茸羹唔會水注注, 魚茸是用上鯇魚肉, 用料非常足, 加上少量胡椒完全沒有腥味, 例牌可以有6位用, 按人數比例可以選例半或兩例 冰鎮鮑魚配燒汁芥辣醬, 是店員推介的受歡迎菜式之一, 鮑魚預先用日本酒及燒汁煮熟, 其實無需任何醬汁已經有味, 但如果想濃味一點可自行加上少許wasabi燒汁, 口有餘香, 鮑魚清洗得好乾淨荔芋乳鴿酥配烤肝XO醬, 按件計, 外層炸得夠薄夠鬆脆, 從中間切開, 將又香又粉的荔芋打成蓉, 口感軟滑, 再深一層是讓入了乳鴿肉, 餐店是自行拆肉, 再加入冬菇洋蔥調味, 進食此菜式時是跟上自家製烤肝XO醬, 加入烤雞肝碎的XO醬, 帶少少辣, 瑤柱乾條條分明, 剛好踏入秋季, 是當造食品, 不得不讚的是油溫控制得非常好原件鵝肝蝦多士, 亦可以按件計, 大塊肥厚的鵝肝放在蝦多士上, 鵝肝外層帶點香脆, 內裡軟軟, 配上砵酒汁, 目的是為了減低鵝肝的油膩

一行四人，為友人慶祝生日，朋友想食中餐，最後選擇了呢間，一間全無味精嘅中餐廳杏汁燉白肺湯 ($98/碗，兩位起)怕太飽，又想飲湯，所以叫了兩碗 share，一直好喜歡飲白肺湯，可惜出面已經買少見少了，奶白色嘅湯，味道濃稠又滑溜，好香杏仁味口感滑溜。豬肺清洗得好乾淨，無特別嘅味道，仲好軟滑焗釀蟹蓋 ($248/隻，兩隻起)呢個蟹蓋材料豐富，有新鮮蟹肉、洋蔥同瑤柱，平時食嘅蟹蓋通常都加入白汁，呢個就材料十足，蟹蓋上釀上餡料，再加芝士焗，表層焗得到金黃色，因為無加任何汁料，所以好鮮甜，啖啖蟹肉，係非一般嘅焗蟹蓋薑蔥海龍皇 ($488) 海龍皇其實係海鮮煲，有金蠔、鮑魚同大蝦，外脆內嫩嘅蠔，大大隻，蠔味濃郁；鮑魚肉厚、肉質嫩滑鮮甜，大蝦彈牙又鮮甜；仲用咗好多薑蔥，唔怪得上菜時咁香鵝肝蝦多士 ($188/件)大大塊鵝肝，外脆內軟，入口即溶化，個汁用缽酒做，酸酸甜甜，加埋沙律菜感覺上無咁油膩，蝦多士正正方方，脹卜卜，釀滿蝦肉，又彈牙，炸至金黃色，香脆得來又乾身豉油雞 ($268半隻）半隻雞，用瓦煲上，好多汁，雞剛剛熟，好嫩滑，味道剛好不會太鹹，加碗白飯就prefect蝦乾魚肚大芥菜煲 ($168

久聞呢度嘅私房菜，今晚約埋幾個朋友一齊嚟試，人多幫手食多啲野！杏汁燉白肺湯 ($98/位，兩位起)奶白色嘅湯既濃稠，杏仁味道啱啱好，唔會太搶，口感滑溜。入面嘅豬肺處理得好乾淨，一啲不安嘅味道都冇，彈牙軟滑鮮蟹肉洋蔥瑤柱焗釀蟹蓋 ($248/隻，兩隻起)普通釀蟹蓋成日食，原來佢哋用咗新鮮蟹肉，加上好多好多嘅洋蔥及瑤柱，表層焗得有少少焦香，入面軟綿，味道清甜，啖啖都係蟹肉，好滿足！薑蔥海龍皇 ($488) 金蠔外脆內嫩，入口甘醇，蠔味濃郁；鮑魚肉厚肉質嫩滑，甘香有嚼頭；大蝦爽脆彈牙，味道鮮甜；整個煲都好有薑蔥嘅香味，如果可以加啲粉絲喺底會更正！！！鵝肝蝦多士 ($188/位)炸得金黃香脆啱啱好夠乾身，上菜前應該用紙吸油，所以一啲都唔覺油膩，蝦膠打得彈牙香甜又厚身，仲有隻小蝦尾，賣相趣緻；上面嘅鵝肝好大塊，煎得外脆內軟，入口即溶，旁邊嘅缽酒汁徘徊在似酸又甜之間，正好中和咗鵝肝嘅油膩感豉油雞 ($268半隻）一上菜已經哇哇聲，實在太太太吸引喇！雞啱啱好熟，唔會過老，嫩滑到不得了！係配角亦係主角嘅豉油真係堪稱完美，唔會過鹹不得止，仲有一種獨特嘅甜味，雞肉盡吸豉油嘅精華，非常入味！好在呢個時候炒飯

幾位好友未品嚐過私房菜的味道，問及我有否好介紹，讓我想起位於灣仔的私房菜，於是帶同好友再次到訪。當晚到場，燈光通明，主色仍是白色，仍然讓人感覺舒適，格局雖似一般酒樓，卻沒有酒樓的那份熱鬧，有的是寧靜和柔和的感覺。我們要了幾個送餸菜，也點了甜品，在等候及暢談中，餐廳為我們送上。首先送上的自然是湯羹，是順德豆腐魚茸羹，與品嚐過的一樣，不是鮮艷的色彩，卻非常得體。味道依是順滑，豆腐的豆香，菜的清甜，口感卻是更為濃稠稠，沒有一般湯羹水較多，反而是材料滿滿，很有口感。冰鎮鮑魚配燒汁芥辣，青芥凍燒雞同時上枱，當時大家也嘩然，看似很豪華，也很有特色。青芥凍燒雞配上一些蔬菜，荀絲等制作成的，看似是中式沙律，爽口，帶著蔬菜的香味，夾雜點點的鹹，當中青芥帶著點點的辣，卻又剛好洽當，配合著鮑魚的鮮味一同進食，可謂非常特色的美食。鑲鑽黃金蝦，炸至黃金色，從外表看來，大家也猜著，是一隻蝦還是兩隻蝦精制而成。問及店員，才知是一隻蝦做出，在鹹蛋上的外皮上，加上燕麥再炸成。大大的蝦，入口爽脆，鹹蛋的味道很香，卻不濃不鹹，非常配合蝦本身的味道，店員更說蝦頭才是極品中的極品，入口更香更脆之外，蝦頭的鮮香突出，蝦膏滿滿的，

在銅鑼灣工作的好友在小週末約局到灣仔來個私房菜晚餐,並帶上美酒一同分享,如此吸引當即答應!由於餐廳所處大廈的位置交通方便,離地鐵站很近,所以我從灣仔站出閘後不用走好遠便到了;好朋友已經先到了,我也趕快進內;一坐下來,就感覺餐廳營造的氛圍佈局有點嶺南畫風格調;餐廳的燈光與擺設,就像在一塊國畫的絹布上,點潑著西洋畫的架構,正合了折合了中西/融匯古今的風格,頗有心思!之後侍應生遞上了小食與餐牌;這小食酸瓜皮蛋,用上爽脆的醃青瓜/紅蘿蔔/白蘿蔔配上優質的皮蛋,可以與好友一邊品嚐一邊細細地研究餐牌;我細看餐牌下發現,基本上定價的菜品價錢都以8字為尾,心裡勾起上一輩人說這意思中有著客人吃了飯後會發發發之意,可見餐廳其實真帶著傳統的價值觀;而菜品的種類選擇豐富多彩,與好友一致認為著侍應生來推介一下會比較好;其介紹了此私房菜餐廳主要是用了古法去炮製,在傳統的製作方式中又結合了現代的食材而有所調整;依照侍應生的建議,我倆就點了以下一些有新有舊表現相當精彩的菜式:先來的杏汁燉白肺湯,一打開蓋就聞到淡香的杏仁味;估計數量甚多的杏仁已溶化在湯中,令湯汁顯得純白而濃稠;趁著熱燙時快來嚐味,喝起來綿滑舒暢,似有一

寒冬下的這天, 朋友相約去吃中菜, 但我說廣東菜實在吃太多吃膩了環境又嘈雜, 朋友則說這家順德菜與常吃的廣東菜質素大有分別, 而且是私房菜, 可免得了一般酒樓的喧鬧環境. 店子的位置原來在灣仔道, 這裡差不多一條街裡每楝大廈均有私房菜, 不論日粵杭泰法意均有, 只是交通上不鄰近灣仔地鐵站略略不便. 與平常去的樓上私房菜相比, 裝修上下了點功夫. 也有私隱度高的廂房招呼客人, 在席時亦看到有兩位於電視上看過的藝人到訪. 坐下後, 店員快速的應對, 奉上質量不錯的熱茶招呼. 店員的態度良好亦留下不錯印象. 第一道上的是我們想吃的冰鎮鮑魚, 鮑魚不是一般用熱水或湯熟的, 而是經白鹵水浸熟. 拿起鮑魚便嗅到陣陣的桂皮, 甘草, 八角等淡淡的香氣, 另外還有股酒香. 看來是慢慢浸熟的關係, 所以鮑魚肉質保持鮮嫩彈牙, 比刺身的口感更佳. 不愧是招牌菜色. 燒汁芥辣醬有提鮮的作用, 所以我是半隻嚐原味, 半隻沾醬.這道焗蠔的價格比市面的要貴, 但選用的蠔身則大件得多. 蠔身炸的火候控制不錯, 營造出外脆內嫩的口感, 醬汁惹味醒胃, 略扣分的是砵酒的甜度稍高, 令蠔的鮮味削弱了. 要說今晚眾多出色的

順德菜是中菜四大菜系之一，而大部份的廣東菜更是源自順德菜，當中有很多都是功夫菜，在烹調前都要有很多預備功夫，但在這個速食年代，莫說功夫菜，食物都講速食、即溶，但無可否認，慢功出細貨在每一個範疇內都是不變的定律，烹調亦然，所以真正美味的菜餚大都不會是即叫即做，而是事前花了很多功夫預備才行。最近友人大力推介一間以順德功夫菜作賣點的私房菜，在功夫菜買少見少的世代下，我們這班老饕當然不會錯過。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊有十多年歷史的名門有兩間分店，一間在荔枝角，走普通中菜館路線，而今次我們拜訪的卻是位於灣仔的名門私房菜，菜式雖有部份相同，但製法卻有異，而後者由於是私房菜，所以只要預先跟店方溝通，無論味道或是菜式都可以按食客的要求調整。名門私房菜位於灣仔道和莊士敦道交界附近，距離灣仔港鐵站只有數分鐘路程，非常方便。食店地方不算大，但桌與桌卻不會過於擠迫，約可容納數十位食客，裝潢跟一般新式茶樓差不多，給人乾淨整潔的感覺。 青芥冰燒雞-半隻($348)冰燒雞滿滿一碟，細看下入面有雞絲、蘿蔔絲、青瓜絲、海蜇和炸芋頭絲，上面再灑上大量芝麻和紅椒粒。雞肉非常嫩滑入味，酸