一風堂 (德福廣場) (已結業)

可能是因為香港人去到那兒也愛吃宵夜的關係，而日本的拉麵店較其他食肆夜收，拉麵是很多香港人到日本旅遊時愛吃的食品。亦可能是看到受歡迎，所以近年日本拉麵店接連在香港開店。最近期的一蘭當然是眾店之中，最為觸目的一家。（開店至今一個月了，先兩天想再吃一頓也看似需要排隊2小時。）上星期一，身處九龍，特然想來一碗拉麵，實不太可能過海到銅鑼灣再排隊吃一蘭吧！因此到了德福的一風堂。之前，我亦曾到過一風堂金鐘店，老實講，那一次是十分失望的，味道、感覺等，都不是那種日本味。但總不可能這樣特意去一蘭吃第五碗，所以都是再到一風堂博一博。不知道是期望降低了還是其他原因，發現這碗麵比上次在金鐘店吃到的，好上十倍百倍。原來差不多一樣的食材，依照同樣的方法來煮，出來的較果可以完全不一樣，難怪好店子開分店後，或是特許經營的店也失敗收場。講返碗麵，這次我叫了特製赤丸。豬骨湯底有著濃郁的味道，相比一蘭的缺少了一點香味，但比金鐘店那碗只感覺到的濃湯的好得多。叉燒跟金鐘店的差不多，較一蘭的大片和厚身，能吸引到我這種「肉怪」，但軟滑卻是一蘭較好。另外附上半只半熟蛋、紫菜等，感覺較為「抵食」。一風堂店提供蒜頭，讓客人按喜好自己鮮壓

點左四個菜，兩飯一麵一野菜，三個人食，以為實夠食，實飽啦，點知食完都係得兩成飽，之後重要去 pizza hut 食返個二人套餐先夠飽，d 野食分量洗唔洗少到咁。饅魚石頭鍋飯 (hkd48)- 只有平時一碗飯的份量，三個人share，每人兩茶匙就食完，饅魚只有四件。叉燒漢堡配溫泉蛋飯 (hkd48)- 漢堡扒大細同M記賣的沒分別，好薄，仲以為好厚，d 飯又係每人兩茶匙就食完。札幌味噌(hkd68) - 湯底超salty，拉麵又少，每人三注就食完。炒野菜 - 超細碟 (hkd30)，一碗飯份量也沒有，唔飽。我覺得野食一般，最不滿意是份量，每碟及每碗飯都好少，這個份量不值這個價錢，唔抵食。最後重要去食其他野填肚，真係唔掂。

兩年前有一次想試, 係尖沙咀唯一一間既時候, 去到已經見到人山人海, 分分鐘要等幾粒鐘先有得食, 我當然唔會同佢癲!! 今時今日唔駛等即管試下有幾吸引我叫左最行嗰兩款拉麵, 白丸元味同赤丸新味講真...係唔差, 比一般普通既拉麵湯底同麵質較好, 湯底好濃味但唔咸, 白丸既豬骨味比赤丸新味更重, 但赤丸新味湯底較濃, 我比較喜歡!!雖然唔差但配菜唔多, 紫菜, 蔥, 蛋, 每樣都要加錢先有, 而且我其實並唔覺得碗麵有幾驚天動地, 好食到要等到咁既地步, 加上碗麵食到一半既時候已經唔夠熱, 係碗既問題定煮既問題我就唔多清楚, 但食麵夠熱對我黎講係最基本...反而個酥炸魷魚好好食, 魷魚好新鮮好彈牙...完全唔會被呢度既拉麵吸引到我, 就算唔駛等位都係咁話

昨天同同事來了一風堂食拉麵,我都唔知原來德福開左分店. 我地三個人12點幾到達,麵店唔多人,唔使等就入去了. 佈置都有點日本風格的,每張枱上面都放左一壼冰水. 我地分別點左一碗札幌特製拉麵,白丸普通拉麵同埋鰻魚飯,我的白丸拉麵先到,份量俾想像中少,味道都幾濃豬骨湯味道,麵原來係幼麵,有點失望,我唔知原來係配幼面的,始終覺得粗麵似拉麵的感覺. 配料有兩塊叉燒,好薄身的,有一些黑木耳,一些芽菜,一些蔥. 叉燒都好淋身入味的,不過實在係太薄呀. 黑木耳都好幼身及幾多,都好爽好.札幌拉麵係面豉湯底的,同事話好重味精味,我試了一口真的好重味精既味道,佢碗拉麵的麵係粗身少少的,但又唔係平時食開既拉麵,配料有半隻溫泉蛋,四塊紫菜,黑木耳,蔥,芽菜,同事俾左一塊紫菜同埋半隻溫泉蛋我,紫菜都脆口的,溫泉蛋都幾好味,幾香呀. 另一個同事係食鰻魚飯,但係好細碗,真的好迷你,同事話味道一般呀,不過不失啦.服務都OK,但係價錢唔太抵食呀.

九龍灣德福, 間間食肆都排長龍, 等位等到傻.咁岩見到一風堂, 佢係尖咀排成粒幾鐘先大得食, 呢度唔使等, 一按飛就叫入座.唔使等, 又未食過, 入去試下啦.係半自坐式, 有人帶位, 落單, 所有東西擺設都好精緻.打開餐牌, 唔係好識嗌, 原來每款拉麵都有類似特盛既加配料, 所以會有兩個價錢.如果以一間餐黎講, 菜式選擇係好少, 不合格的.但如果以一間快餐店黎講, 尚算合格, 因為有自選車仔拉麵.我同女友被安排坐左一張大長檯既邊邊位.佢既格局係完完全全一間快餐店咁, 好似M記一張大長檯, 兩邊放晒櫈.不過有人帶位, 坐位間都好闊落.我叫左個赤丸拉麵, 女友叫左個特選烏東, 小食炸尤魚鬚, 豬骨湯餃子.好快上菜, 尤魚鬚有紫菜碎, 出面食唔到, 28蚊, 我覺得值, 雖然份量小.豬骨湯餃子, 4隻, 38蚊, 都叫有個湯飲下啦, 但味好濃, 第一啖已經感受到精味威力.跟住拉麵到, 湯底好咸好濃, 又係明顯既味精......拉麵有得擇林,普通同硬身, 我要左普通, 但都係過林, 唔鍾意林要叫硬喇.份量比市面既小少少, 不過可以追加拉麵, 15蚊, 我冇加, 15蚊的話我留返個肚去食其他野.

星期六到德福，早已決定在一風堂吃拉麵，又擔心要等位，所以提早在下午五時四十五分入座。本來以為晚市一到，店外便會人山人海，大排長龍，沒想到我們可以輕輕鬆鬆，兩個人坐在四人卡位，直至七時才離開，當時店內仍有吉位，亦完全沒有人等候！我不禁想起當年在尖沙咀唯一一間一風堂等了一個半小時的事，原來現在想吃碗正宗的日本拉麵是如此簡易的事呀！我們吃了～函館鹽味拉麵($88)：期間限定，當然要試一試。本來以為湯底會較鹹，沒想到竟然很清，雖說用了魚介和雞湯精華，但完全沒有腥味。至於拉麵，彈牙有嚼勁。配料有半熟蛋、紫菜等，重點是那肥美的帶子，頗新鮮。叉燒非常軟滑，好！特製札幌味噌拉麵($88)：朋友本來想點東京醬油拉麵，但竟然已售罄，於是改為吃特製札幌味噌。其實我不太能以舌頭分辨函館和札幌的拉麵，所以還是把注意力集中在湯底上。這湯較濃，有豬骨香味，我比較喜歡，可是吃完、喝光卻會覺得有點口渴。配料分別不大，只是多了數片紫菜和一塊牛油，餐牌上介紹牛油的作用是保持拉麵的溫度，但我覺得沒甚麼必要，我們只需數分鐘便把一碗拉麵吃到一條不剩，完全不會有變涼的機會嘛！總結而言，一風堂的食物的確有水準，可惜價錢不算廉宜，我只

今天突然想吃拉麵，九龍灣拉麵選擇不多，加上無需等位，就揀選了一風堂。九龍灣一風堂也已經開張了一段時間，店舖不算太大，很多時都要等候一段時間（特別是晚市）。店內座位舒適，店員行動快捷，但店員的叫喊的確有點吵耳，精神是好，但有點over。先來冰凍Asahi！習慣了英國的生活，雖然是午餐時候，但也離不開杯中物。$36 1 Pint，說不上便宜，但冰力十足，消暑一流。東京醬油拉麵～第一次味嘗！第一口是湯底，感覺是濃郁而清新～聽起來有點矛盾，其實是進口時醬油味道充滿口腔，但吞下時味道卻變得柔和。這碗東京醬油不是走極濃路線，個人而言，湯底平衡感十足，味道不會過重，合格以上。麵條保持一風堂的特色，說不上令人嘩然，但軟硬適中，算是合格。拉麵中的叉燒，我一直只認為是配角，而今天我也沒有改變我的想法。叉燒口感鬆軟，但味道卻沒有融入拉麵當中。這是我的午餐整體表現尚可，湯底也挽回不少分數。在九龍灣沒有特別出色的對手下，一風堂算是不錯的選擇。價錢的確不算便宜，這價錢要找更高享受不難，希望未來價錢水平能錐持，否則吸引力將大減。給與正評作支持！

15/03/2013一風堂，吃過不少次。原因是坐輪椅的關係，絕大部份出名的拉麵店也去不了。有一次，經朋友幫助下才能以「第一名」的排位去欣賞豚王。而「一風堂」係由美心集團主理，所以歸於大集團之下，分店都在大型商場中。所以作為拉麵迷的我，只好去一風堂。當聽聞一風堂在德福開設後，當然聞風而至。只要從港鐵站乘坐升降機到商場，以後轉右直行就到達「美心」區域。為何稱之為「美心區域」？因為這裡的Pokka,丼丼,元氣,赤丸,一風堂和美心酒樓，都是由美心集團管理的。入到一風堂內，環境擺設也非常方便輪椅使用者。椅子是可以移走的。這次，我試了在OpenRice 試食活動被推介的「扎幌味噌拉麵」，但要了「特製」版本。「特製」就是有紫紙有半熟蛋有蔥等等。麵來到了，聞一聞，都幾香。將牛油溶在湯前，試一口，奇奇怪怪的。從食友食評中得知，這款拉麵是用雞湯，而不是一向一風堂會用的豬骨湯。難道我不習慣雞湯？我再將牛油溶在湯中，味道更奇怪。可能我就如一般香港人，只喜愛用豬骨湯製成的湯底！？　但叫左都要食。但越食就越咸，我食「赤丸新味」時，都一定能將湯飲完，但這次真的不行，接受不了。這碗麵唯一可取的就是那片肉，五花腩的位置

上年4月, 我同女朋友一齊去日本關西玩 (本牛有生之年第一次離開香港) , 當年係走之前係大板行, 去到一家叫一風堂既拉麵店, 食完後回味無窮, 返到香港都成日想住佢.點知道年尾係接女朋友放工時, 係德福廣場見到一風堂開分店, 先知道原來香港已經有一風堂進注, 不過都好期待, 因為好想回憶返當日既滋味.我就係佢地開店之後不欠就去試了試, 為了尋回當日滋味.當日入日本一風堂, 佢地以大檯為主, 用食具調味料等等東西來分隔, 和香港常見的二/四八人檯大不同...... 香港的一風堂都差唔多相同, 如果人數小的話坐起來沒什麼問題, 可是如果多人的話就有小小不便了檯中央間開兩邊既物品係各種自助調味料和水壺, 鐘意食蒜頭既朋友佢會好開心, 因為呢度有原粒蒜頭比你自己整蒜泥, 都幾好玩~~ 而且可以自己磨芝麻, 只係玩都好好玩~~呢樣野同日本差唔多一樣, 不過日本板既水壺中既係冰綠茶~可以自己針水飲唔使下下叫人加水, 我覺得係好正既事 (特別係食濃味既野)我就同上次係日本一樣叫左個白丸元味拉麵, 我女朋友就叫左個赤丸新味拉麵一風堂可以自訂麵質, 我就叫左普通硬度既粗身拉麵, 麵質爽口有咬勁, 連同

行九龍灣見到一風堂無人掛隊, 自然要去試一試自己一個當然不能叫得太多日式叉燒荳芽辣味沙律,大荳芽菜+叉燒切條+玖菜做成沙律, 果然加入辣汁/芝麻,再加麻油,食落全口都是麻味道,小許辣汁真的開胃,做前菜相當好叉燒角包厚厚軟棉棉的包，夾內肉汁豐富的叉燒，食落一點都不覺肥. 包皮很像在酒店中餐廳吃的乳豬夾皮感覺,白丸元味拉麵 楝了硬麵底, 可借食落一點都不會硬, 還有點過軟的感覺, 湯底豬骨味, 濃濃的湯帶有豐富的豬骨味. 食落都可以接受.

拉麵戰?! 這個名堂大概沒有經歷披荊斬棘而成功的一段。只在拉麵風剛起初期, "一風堂"這個名字已在尖沙咀打得甚響。當年各路人馬要拿到一張入場籌, 不難; 但籌號跟叫入座的號碼仿如兩個軌跡, 要入座, 艱難。當然, 挾著日本拉麵人氣店之勢來作過江龍, 經常遊走日本的香港人們必定深諳不宣, 結果往往做到一去百多籌, 甚至三百之多。近年, 拉麵風吹得甚行, 日本各地的拉麵代表都紛紛流到海外。亞洲之中, 就以新加坡, 台灣, 香港市場最為重要。見拉麵新過江龍來勢凶凶, 故有已樹立名氣的拉麵亦不敢怠慢。新過江龍推的是品質名氣, 市場推廣與口碑; 而舊有名店賣的卻是接觸面與新生創意的舉措作回應。就在這幾年, "一風堂"這個名字已掛在尖沙咀, 中環, 銅鑼灣, 金鐘等地, 現在轉到東九龍成立第五家分店, 亦是九龍半島的第二分店, 選址德福商場內。為保持每個店均有其賣點與特色, 一風堂有些特別限定的湯拉麵, 只可在某一兩家分店才可吃到的。而不時, 他們也會推出不同的新的Mix and Match來將選擇的靈活性提高。說來慚愧, 我這個害怕排隊和人潮的怪客, 從來都沒有打算花時間在等位上, 所以今次幸得

今日同中學同學吹水食飯, 就睇下openrice有乜食啦見一風堂新開, 食評都唔錯, 咁去約去食晚飯啦由六點九開始等, 星期日復活節都唔太多人, 等一等就有得入可能新開, 同埋起碼都要90蚊埋單, 就唔算係同區熱門我果陣都只係等一個人, 佢都唔洗等人齊就有得入, 又唔會趕你落單, 等多十五分鐘先有朋友入黎坐咁等多都半個鐘, 我另外四個朋友先到, 但就坐6人枱, 好舒服我就點左個特製白丸拉面, 普通軟度, 走竹筍個湯幾濃, 好重味, 我就覺得咸左啲, 但都係好食既個蛋凍凍地, 但唐心蛋又真係好正, 個人黎講幾鍾意整體黎講, 係好出色, 份量都足夠, 大食既食得啱啱好, 細食既一定飽男仔朋友B同佢女朋友C就一齊叫個特製赤丸新味拉面, 再附加面底(替玉), 好夠食男仔朋友C就叫一個特製一風堂辣肉味噌, 粗身面條, 但冇得選軟度, 我個朋友仲有啲奇怪點解得佢冇得選, LOL, 但其實佢果種面條真係最好食, 我都試左試, 真係好食過我果啲拉面男仔朋友S就叫個赤丸新味, 都唔差服務員態度唔錯, 好有耐性, 慢慢解釋"特製"有咩特別不過上面既時候, 好似傳菜既員工太忙咁, 永遠聽唔到佢上左咩面...

在九龍灣工作近一年，每天放工就在附近找吃的，過年前見「一風堂」圍板進行裝修，知道很快晚餐就有多個選擇～自從第一家香港店在尖沙咀開飧之後，不少朋友們都蜂擁而至，要吃的話等上一，兩小時是等閒事。所以一直都沒有機會一嚐，有幸是次得到有關公司邀請來到新店試吃，真走運！一行近四十位食友準時到達，場面非常熱鬧。坐下後發現椅下滕藍可放入手袋，設計窩心，女士們就最合適不過～經公關及日藉師傅介紹之後，美食陸續而來：前菜「日式叉燒豆芽沙律」：小小一碟，芽菜混入微辣汁料仍然爽口，數塊切片日式叉燒加添口感，非常開胃。小吃「叉燒角包」：很喜歡超鬆軟包身，又白又綿，中間夾著沙拉醬及薄片叉燒，少量生菜，有點似三文治但不太大個，三兩口已吃完，卻令我胃口又再打開～由於人數眾多，拉麵製作需時，店方很難一次過做好40碗拉麵，等待時間店方不時向我們詢問意見，又不斷添加飲料，服務值得一讚！在我們閒談間，第一碗「扎幌味噌拉麵」已放在我面前；曾去過北海道吃過此品，那濃的牛油香氣到現在還記憶猶新，未拌入牛油方塊前先試一下味增湯底，甚為濃郁，待牛油溶掉後雖然有點油，不過香味提昇更多，彎彎的麵條沾吸了味增及牛油口感滑得來又彈牙；叉燒片厚

自己一向喜歡的其中一間日本過江龍拉麵店「一風堂」，推出兩款期間限定的新拉麵，特地邀請了一眾飲食博客前往其九龍灣分店試食這兩款新出品，自己也有幸成為其中一員，率先試到這兩款新拉麵。這晚可算是個大型活動，店子特地暫停營業了兩小時招待我們，同樣獲邀出席的新知舊雨接近四十人，一風堂在港的高層與製作拉麵的日籍大廚也在場為我們講解這兩款新拉麵的特別之處，讓我們可以更明白它們的特色。在我們試食期間，店子的公關小姐和日籍大廚們，分別遊走於我們各張桌子間，詢問我們對於這晚所試兩款拉麵的評價，並解釋我們不明白和想了解多些的地方，店家希望令店子的出品精益求精的態度絕對能反映出店家的誠意，值得欣賞。這晚的主角雖然是兩款新拉麵「扎幌味噌拉麵」和「東京魚介豬骨拉麵」。但也有其他前菜小食和甜品可以在場中吃到。首先是「日式叉燒豆芽辣味沙律」。這小食的辣度剛好，加上大量麻油後，更加開胃惹味，但又不會太辣，清爽的芽菜與切成幼條的叉燒成為甚為合拍的配搭，為這夜的試食會帶來一個好開始。另一道小食是香港「一風堂」最初開業時已有的「一風堂叉燒角包」。這日式叉燒包一向都是「一風堂」中其中一道好味的小食，白雪雪的角包中藏著已沾上惹味

多得爐兄的關照，有機會出席一風堂的試食會，這晚約四十位食友雲集九龍灣，濟濟一堂，煞是高興，店方還隆重其事，是晚暫停營業，專心做好這推廣活動，誠意可嘉。經過公關的翻譯，得知一風堂的歷史和日籍廚師工藤智先生約每兩個月便有新的款式拉麵面市，而今次主要是介紹札榥味噌拉麵和東京魚介豬骨湯麵。這晚的招呼很週到，我們可以先點些飲品，我點了乳酸飲品，希望可以中和拉麵澱粉質的膩。頭盤是「日式叉燒豆芽辣味沙律」，麻油味稍重，叉燒切成幼條，芽菜爽脆微辣，份量不多，但成功做好做頭盤的本份，就是令到我胃口大開，準備迎接主菜的來臨。接著是「叉燒角包」，包的質地像上海館子的蝴蝶餅，軟綿綿、白白淨的蒸包，夾著兩片日式叉燒，生菜葉和沙律醬，包身微暖，叉燒沒港式的味濃，與沙律醬的配搭甚佳，感覺像吃漢堡包，也許是太肚餓，兩口便吃掉了。「札榥味噌拉麵」，據工藤智師傅所說，我們今晚吃到的版本，會比現今在北海道吃到的更地道、更原味，而麵條方面則選了彎彎曲曲的，能輸送多些湯汁入口，湯底是雞和味噌，配以日式叉燒，筍，薑蓉，免治肉，還附上一小方塊牛油，先呷一口湯，肉的味道濃郁，而味噌味道怡口，是我喜歡的口味，雖然整碗麵的油份頗多，但入