又一棧 (已結業)

聖誕日為怕吃西餐又貴又多人，於是便改吃中餐慶祝。節日時的大型商場，既有應節的華美裝飾，又有特備節目表演，當然是過節吃飯和欣賞免費娛樂的好地方啦。要數又一城開張以來的所有中式食肆，水準好的實在不多，而又一棧的水平一直保持得很好，我每年都總會去上一至兩次，而最懷念的菜式就是黃金蝦球。 試想想 : 滾熱辣的爽口大蝦球，每隻都薄薄地沾上了甘香幼滑的咸旦黃蓉，外皮更是有點兒香脆，而不只是泥般的濕和油膩。吃過很多其它美心集團酒樓和其它酒家的黃金蝦球，但都只有失望而不是驚喜。已差不多有一年沒有到過這裏吃飯了，在這full house 人多繁忙的一夜，滿以為要降低要求，卻想不到大廚水準依舊, 又一棧的黃金蝦球仍保持著它的No.1位置，好吃得叫人忘掉了膽固醇的問題。而另外點了一客醬爆核桃雞丁，甜甜的麵醬配以滑嫩的雞丁和炸得非常香口的核桃，實在美味。唯一少許缺點是，有部份核挑肉炸得稍為過火，以至有點苦味。兩人亦多叫了一客清真牛肉餅，肉汁雖多但牛肉沒有鮮味，而外皮雖薄但卻嫌硬。小籠飽實在比這強得多。如果有機會，該試試這裏的素鵝。朋友試過說這裏的素鵝好味。剛好看到人家點了一碟，賣相真不賴。看來真的要留待下回分

見AE 有半價, 所以就去試下.蟹粉小龍包, 無蟹味.鍋貼, 同響街邊買果D無分別.個無錫骨, 無驚喜.担担麵, 得個辣字.其他都唔記得左食左D乜.服務又係無乜特別, 唔好又唔衰.不過價錢就...... 兩個人食, 五百蚊埋單, 用左AE都要比$300. 咁既質素, 真係三百都覺得貴.無乜特別, 都唔會再去.

前排同流沙包睇完007之後去佐又一棧食飯, 記得以前係CityU讀書果陣, 都間唔中會去又一棧食飯, 都隔佐好多年無去過. 前排申請佐AE白金卡之後, 先知原來又一棧都係美心集團既(用AE白金卡係美心中菜集團食飯有半價優惠, 但只限晚市及散叫). 我地果晚叫佐酸辣湯, 窩貼, 蟹粉煨面, 無錫骨, 同埋一個菌菇類既餸. 我覺得D野幾好食呀, 尤其是個蟹粉面, 正! 我地又有卡位坐, 環境舒服, 唔錯唔錯~ 不過呢度D冷氣超勁呀, 變態, 好感受到D冷風由頭頂吹落黎, 好討厭!!

星期六和家人共7人去事Lunch﹐訂了位1點吾使等 ﹐但係就比左張比較細既台我地﹐結果D野都吾夠擺! 因為非常肚餓﹐所以叫左好多野﹐但都差吾多清晒:素鵝: 稍為甜左D﹐但非常入味﹐吾錯!山東雞絲拉皮: 我本身非常鐘意事粉皮﹐好味!蒜泥白肉: 呢個麻麻地﹐同傳統蒜泥白肉味道吾同﹐而且D肉好"老"﹐個汁又吾好味﹐無下次!北京片皮鴨: 叫左一食 ($290)﹐比北京樓$320平少少﹐但係味道就差好遠﹐雖然同樣係美心集團﹐但味道就差左D﹐最後都係自己帶個鴨返屋企褒湯。塞磅蟹: 味道吾錯﹐好滑! 推薦!!鍋榻豆腐: 普通﹐個汁可以接受。上湯菜心: 一D都吾老﹐非常嫩。小籠包: 皮薄﹐但係個餡味道就麻麻地﹐而且一籠得四只要$36﹐貴左D!蔥油餅: 出面好少食到呢種蔥油餅﹐好味呀! 青菜煨麵: 親戚個女3歲﹐最鐘意食麵﹐所以特登叫比拒!最後大家都好飽﹐所以無叫甜品。整體都OK﹐如果吾係黎呢度行街就吾會特等黎呢度食。值得一讚既係呢間餐廳餐牌裡面D菜名全部都好有心思﹐大家可以不妨留意一下!

又一棧無大閘蟹餐食, 不過都有d蟹粉菜滿足一下蟹痴. 今次叫左蟹粉豆腐, 蟹粉炒蝦仁同埋蟹粉小籠包. 蟹粉豆腐好滑呀, 蟹粉味幾出, 豆腐又嫩又滑, 正. 蟹粉炒蝦仁同平日嘅清炒蝦仁分別唔大, 只係係清炒蝦仁個面加左d蟹粉咁解. 蟹粉小籠包做得好出色, 真正做到一百分, 皮又薄, 料又夠. 除左蟹粉菜之外, 仲食左素鵝, 小黃魚同嫩雞燴麵. 素鵝有好香嘅煙燻味, 甜甜地, 幾好. 小黃魚都出色嘅, 不過同我之前幾日食過果d都仲有d距離. 嫩雞燴麵好好味, 個湯好清好甜, 又唔會太大碗.

醉雞HK$78 – 雞很滑，酒也香，但兩者相逢恨晚，雞醉意未濃素鵝HK$68 – 件數很多，餡為甘荀絲、冬菇絲．可惜餡汁略多令整體口感濕腍羅宋牛肉鍋巴HK$78 – 微辣番茄汁，牛肉只有標準的滑，鮮味欠奉．米通很脆、幼細，尚有洋蔥片、西芹、番茄件．雖然醬汁非熱騰騰也吃得津津有味無錫骨HK$98 – 肉腍，汁也調味適宜蝦仁煮豆乾絲HK$88 - 豆腐乾切得幼如麵絲，奶白色汁如湯，猶如吃麵，平凡中顯不平凡小籠包(四隻)HK$36 – 皮薄蒸九不理(三只)HK$27 – 包鬆軟，菜肉餡也不錯拔絲蘋果(六件)HK$48 – 侍者即席放於冰水中，漿薄兼有白芝麻．嫌拔絲不夠多，蘋果很甜但不爽茶芥HK$11@前菜HK$22 – 鮮皇帝菜(貢菜)、花生、青瓜粒、豆腐粒環境 – 中式裝潢，但檯與檯之空間應大一些服務 – 很周到，侍者常替我們添茶

因為想搵個係火車沿線的地方行下，揀揀下又來到又一城。同行友人豬仔想飲晏茶食點心，又見眼前此間中式茶樓格局的又一棧，係未睇清楚之前就攞飛走左入去。入到去先知死火，原來唔係食蝦餃燒賣既！不過都冇辦法啦，茶都飲左，唯有照去。一打開menu，真係俾價錢嚇窒左，頭幾頁都係貴價菜式，好彩最後都有相宜d o既麵食同點心。因為同原先o既plan唔同，點菜時花左唔少時間。最後點左炸醬麵、天津九不理包、羅宋牛肉鍋巴。原本想食生煎包，不過侍應話賣晒，所以先要九不理。炸醬麵首先上枱：一食落，發覺最搶眼的唔係炸醬，而係麵條，彈牙好咬口，撈左好多醬都唔會「淋劈劈」，又唔粉，麵條黎講算係中上之作。不過炸醬就唔係平時麵檔食辣果ｄ，唔辣，感覺比較似肉醬意粉的肉醬，偏甜。另外，青瓜非常新鮮，撈埋一齊食都不失色。整體黎講，呢個炸醬麵都幾好食～九不理：有蒸同煎，點左蒸的。原本冇乜期望，諗住會係普通o既豬肉包，點知佢包皮做得好好，好軟熟，不粉不黏，易入口。餡料冇特別好或不好的地方，肉汁OK。如果冇其他心水，呢個九不理唔錯。羅宋牛肉鍋巴：鍋巴同汁分開上，汁係真係羅宋湯，唔算太濃，辣味的。料都幾多（牛肉、蕃茄、西芹、洋蔥等）。鍋巴

或許中秋佳節的緣故，格外想吃風味偏內陸的菜肴，你因著一份思念，揀了又一棧。餐牌是精美的工筆畫，很典雅，不禁影上幾張。不過價錢，亦是尚可承受的貴價。沒辦法，誰叫你和你的胃不爭氣的想家了呢？意外的看到一味“老北京六必居炸醬面”（$38），會是怎么樣的“老北京”？忍不住要試試。做得認真講究，面十分彈牙爽滑，那醬的味道？老北京談不上，炸醬與六必居的乾黃醬更是九不搭八，味道并不北京，好在還不錯。你真傻，以為在這里真可以吃到六必居炸醬面？“一見鐘情奶油小黃白”（$75）真的可以“一見鐘情”嗎？未料到小黃白真身原來是椰菜，已經有點失望；菜又完全不入奶油的鮮美，好像你自己煮的清湯大白菜，只不過主角換上不討好的椰菜罷了。魚癡的你一直惦記著點一條魚，今次兩位朋友都遷就，感激他們吧。精挑細選出這款“上海紅燒蔥燒桂魚”，魚個頭不算小，浸在濃油赤醬的調料中，佐以筍片冬菇與蔥絲，咸甜與油并存，可你卻依然喜歡，只因那魚肉鮮滑之極又頗入味，$148的價錢相比之下就真是值得。同場另一顆明星要屬“四川漁香茄子豆腐”，幾塊茄子加埋豆腐竟要$72，令你有些罪惡感，然而隨著拌著蔥碎與酸甜辣合體醬汁的它們入了口，只留下回味無窮的

又一城食肆選擇不多，這晚來試試這家賣京菜的。入座後才知此店是美心集團成員，說是京菜館，但餐單上卻是京、川、滬俱備，果然是美心特色 - 巧立名目也。本來打算吃南京鹽水鴨的，見冷盤有鵝（忘記了是什麼名堂）便點來一試。此鵝肉甚乾，吃來不及一般鹽水鴨那樣 juicy 及惹味，不太出色。竹笙上素鑊氣夠，不過那芡汁太稠，入口黏嘴。素餃不過不失，皮不夠薄，勝在夠熱而已。清炖獅子頭等了很久才上桌，是全晚唯一好吃的一道菜，老老實實、真才實料做的獅子頭，用肥瘦兼備（最佳比例是肥三瘦七）的豬肉刴成，調好味在清湯內炖，好味的東西有時就是這麼簡單。美心集團的一貫水平，沒有下次。

上星期去食晚飯,一入去...嘩...d位迫到唔可能兩個人一齊行,我地book左張大台,好彩大台位置無禁迫,不過就涷到死,叫d人將冷氣關細d,竟然問都唔問就答我"唔得",仲話比張毯我就算...之後再叫第二個關,轉個頭佢話關左,但係我唔覺囉!!!!d火計全場加埋都唔夠5個,個個都好似做暑期工咁....上菜次序掉轉晒....湯都未上竟然上左個飯先(個湯係最後上)...我叫左個"雲吞雞"一粒雲吞都無,只有王芽白和一粒唔似魚旦既魚旦!!!!!!食完叫人收野都等左10分鐘.....由頭涷到落尾.....

冇影到相呀..唔好意思!!我同男朋友次次去到都會食以下3個菜:1) 真西利霸王雞 <--- spicy既...同d乾既chilli一齊炒, 幾野味 (我都係因為個名先叫, 點知都幾好食) 但唔食得spicy既唔好叫, 都幾hot2) 龍井蝦仁 <---好好食 , 唔點佢個醋仲好食3) 雞湯娃娃菜 <--- ok , 只係想食個菜我地次次去都係即慶, 冇book位~ 雖然上菜有時會慢d...但佢地d服務都唔錯架~食物 , 話晒係美心集團既, 都唔會差得去邊 ^_^

因有一位同事另謀高就。故在上星期五晚我們同事共十二人在又一城的又一棧舉行歡送晚宴。經各人商議後決定叫了一個十二人套餐，有餸菜連甜品共有十二樣：1.肴肉-----好食。2.海蜇頭-----很爽。3.素鵝-----可能是煙燻關係，同事話好似食煙頭。4.葱油雞-----雞肉很滑。5.蟹肉翅-----好味，有很多翅。6.宮爆蝦球-----樣靚及蝦球很彈牙。7.填鴨-----都可以，但鴨片切得太細塊了。包鴨的粉皮好正。8.乾腌炸小黃魚-----原條食，每人一條無得爭，各人齊聲都話好味。9.蔣腿扒雙蔬-----食了令人有清新的感覺。10.上海粗炒-----上海粗麵的麵身粗幼不一，相信是自家的出品，所以很滑又夠爽。11.龍眼飽----飽很滑及餡很香。12.高力豆沙香蕉球-----樣子很美觀，美足不足是有香焦做餡，時間久了，便帶有酸味。全個套餐為二仟二佰八十元，最後結帳為二仟七佰多元，相信是包括加一小費、茶錢及涼菜。當晚各人都吃得很飽及齊讚好味道。

好耐無黎又棧今次為左補祝老母日一於黎整番餐有兩個4人餐揀兩個都好味....唔知點揀一個豪D..但抵D一個平D...但又無咁抵...結果大家都係諗緊...食松鼠魚果個好定係片皮鴨果個好...結果係揀左平果個....松鼠魚餐先黎一個瑤柱燕窩羹燕窩足料~~正!淆肉~薄左少少..差D口感味道GOOD!煎蝦排大隻...多膏開左邊炸過...夠易食正!!章茶鴨味道好...略肥..配蝴蝶包OKSIZE細左DD唔記得乜野雞絲拉皮味道特別唔似出面用麻醬香口D松鼠魚(其實係松子魚....)好味~~今次近肚位有少少腥可能劏得差竹笙扒菇...(類似)清清地...唔錯無驚喜窩貼皮薄唔錯有肉汁另加甜品合桃露 + 楊枝甘露

臨走同公司中的一班弟兄姊妹食餐飯~食物整體唔錯0架, 不過有部分都係碟大大"食送"少少咁...特別有印象的:鍋貼煎得幾好, 有肉汁, 皮都煎得脆~楊枝甘露好thick, 好creamy @__@當日食個雞絲粉皮時飛來一隻巨蚊...x___x"""好可怕...anyway, 呢餐都是開心滿意的~~

母親節就到，當然要帶媽媽吃一餐豐盛的，見到這間在開飯啦頗受好評，於是一試。是日晚飯七時，人數六位。雖然是平日星期四，但爆滿！勁！裝修不錯，有電視，茶杯是有蓋的！當晚點了一個叫【知已良朋】的套餐，足六位用，好明顯一定有剩，打包帶走。前菜齋雞青瓜豆，本人不嗜辣，但辣度可以接受。醉雞酒味不太濃，適合不太喝酒人士，但應該是冷盆的卻不夠凍。海蜇頭與平時在普通食肆吃的海蜇形狀不同，這裡不是一條條的，是一粒粒的，咬感比較厚身，好奇怪，可能是吃不慣。泡椒蒜香蝦球見到菜牌上有條辣椒，本來以為好辣，其實些少辣也沒有，甚至前菜還比這道菜辣，真不知道那條辣椒加來幹嘛？但蝦肉爽口，味道不錯。金華芙蓉翅其實是預多了可以足夠七位用，所以有一位可以吃兩碗。味道不錯。吃到這裡等了十分鐘，可能已接近八時，所以全場爆滿，上菜也開始慢了下來。松鼠東星招牌菜當然要一試，果然沒有另人失望，醬汁酸度恰到好處，又酸又甜，加上東星本身已經起骨油炸，脆咯咯，三個字，正正正！！！好吃到連魚頭也解決掉！竹笙上湯扒王菜芡汁太杰，加了太多豆粉，感覺黏稠。吃到這裡又等了十分鐘，酒樓應該是等齊所有有叫這套餐的客人用完桌上的菜，才一次過上。這道菜是片