滝壽司 (已結業)

新派Omakase🍱，師傅會加上獨特的烹調手法及不同的醬汁調配，令食客有與別不同體驗。今次食咗Sakura Omakase套餐15件。 🥣前菜 沙律菜爽脆清甜，魚肉清甜有咬口，炸芋頭片香脆甜美，醬汁酸酸甜甜，是開胃之選。 🍣天鯛白子壽司 係野生鱲魚，魚肉晶瑩剔透，爽口甘甜，食落煙韌有啫喱般的彈牙口感。上面放咗時令嘅鱲魚白子，肥美滑溜，鮮甜無比。 🍣松村鰈壽司 即係右口魚，質地有彈地，帶點肥美，有一份高雅口感。 🍣墨魚壽司 墨魚味道清淡帶鮮，厚身爽彈，嫩中帶脆。壽司飯中間夾咗少少紫菜碎，令整體更香口。 🍣赤貝壽司 橙紅色，表面帶光澤，新鮮即開，食落爽脆很彈牙，上面加咗啲燒汁，更帶鮮甜口感。 🍣池魚壽司 切得厚薄均衡，肉質細膩，油脂比例均勻，油脂豐富，肉質鮮嫩。入口甘香鮮甜，魚油滿溢，無花果汁提味亦同樣吸引。 🍣平政魚壽司 經橡木煙燻過，散出陣陣煙香，平衡咗魚嘅油脂，更為清甜且香既入味，口感帶啲硬身。 🍣小肌魚壽司 魚皮纖薄光亮，肉質嫩滑結實，香甜可口，配上炒鮮蝦蝦粉，鮮味配搭。醋味比例剛剛好，蝦粉味香濃但又沒有遮蓋魚肉鮮味。 🍣赤海膽 味道甘甜，入口即溶，滑溜無比，滿滿

這裡原來有不同嘅選擇，今晚同朋友就去了她推介嘅15樓食omakase 嘅壽司店！地方闊落座位舒適，中間位置就係圍住師傅嘅吧枱位置，師傅不停為食客準備食物！今晚朋友負責落單，反正都係食omakase 所以最緊要都係食得滿足！先上前菜，師傅擺放精緻嘅圓碟上放了不同精緻前菜，有滑順口感與嚼勁嘅水雲、彈牙爽口嘅鮑魚、豚肉夾雪梨、西京燒處理嘅大蝦同埋鮮甜蕃茄，作為今晚嘅開始！接住就係再由師傅即做嘅刺身，先有火炙北寄貝，入口彈牙爽口配上自家特製蝦殼鹽味道更出！接住帆立貝壽司中間夾了紫海膽，入口帆立貝肉質鮮甜加埋紫海膽嘅香滑又係另一種口感！而這裡會用上熟成超過十日嘅間八魚切成刺身，入口肉質結實之餘味道濃郁。而這個一樣以熟成方式處理嘅金目鯛壽司，上面加上了魚籽外，因為風乾後魚肉水份相對較少在火炙時另刺身入口帶點香脆感覺！接住就係用白海膽做成嘅海膽杯，白海膽色澤偏淺，入口感覺充滿水份肉十分質嫩滑，勁正！再來就係由北海道甜蝦配富山灣白蝦嘅蝦刺身杯，師傅加上了柚子皮，入口十分香軟。白蝦肉質黏口，陣陣柚子香味！這個煙燻BB銀鱈魚，製作由火炙魚身後再在上面加上黑魚籽，再即時做煙熏效果都見到師傅對食物嘅講究，入口

銅鑼灣放工同老友Farewell，可能六年後先再見啦！一於食好啲，預備傾偈傾足一晚，佢又好鍾意食 omakase, 所以特意挑選一間 Japanese Fine Dining😍 滝壽司🍣 環境不錯而且食物非常有水準，舒服空間感十足，精緻食具猶如懷石料理，幾款 Omakase CP值也很高。前菜擺盤精美就像一幅圖畫，日本水雲 配鮑魚、煙肉雪梨、 車海老 、金箔黑豆。水雲酸酸甜甜好開胃。汁煮鮑魚嫩滑彈牙，鮮味十足。海老即係蝦，味道濃厚。日本煙豚腩肉，店員說專食番薯的豬🍠豬仔本身係食番薯大，怪不得肉味特別香，配搭清新雪梨一齊食，多了一份果香，令到味道更加鮮甜。金箔蕃茄仔、黑豆淡淡清甜。吃一點自家秘製漬物，清新一下味蕾，就開始品嚐產地直送刺身啦！各有特色，好新鮮，十分期待！北海道帆立貝師傅話中間係特別的紫海膽，紫海膽鮮味濃郁，帆立貝鮮甜嫩滑，甜味在口腔中久久不散。間八魚熟成 超過10日的間八魚，鮮甜爽脆，口感彈牙，鮮味十足。金目鯛一試難忘！熟成過程令到魚皮更有彈性，師傅輕炙魚皮位置，魚皮口感更加鬆脆，入口肥美油脂滿滿，香氣四溢，壽司面層鋪滿金目鯛魚籽，提升魚肉鮮香味。白海膽杯透明的玻璃杯承載着

餐廳位於Cubus 15樓，大約有12個座位係壽司枱附近，座位寬敞，服務好好。介紹下九件壽司先：🔸松村鰈加柚子皮即右口魚刺身，質地彈牙，柚子為壽司添加清新味道🔹北海道帆立貝帆立貝好creamy，中間有紫菜🔸池魚魚鮮味濃，搽左醬汁將鮮味更突出🔹赤貝厚身赤貝，非常鮮甜🔸銀鱈魚bb 灸燒過，比一般既鱈魚嫩🔹海膽新鮮芥末加紫菜飯，海膽鮮甜🔸大拖羅熟成超過兩個星期，入口即溶🔹小肌用鹽醃過，味道不會太腥，肉質結實🔸鰹魚配有辣椒油🍲同場加映仲有凍蛋加左紫蘇葉既拖羅手卷，薄荷味好香蛋碗蒸好足料有蟹肉最後有湯，花甲、魚、海帶、蟹肉同芫荽令個湯鮮甜👍🏻

滝壽司水雲 鮑魚 煙肉配梨 車海老 合桃魚乾煙肉係好特別嘅豬，只係食蕃薯嘅豬，所以特別甜，仲要配梨就又爽又甜，好夾啊。水雲酸酸地好開胃。活北寄貝配蝦殼鹽正值季節嘅貝類，特別的鮮甜，口感爽脆，炙燒仲帶啲焦香感。帆立貝配蒸紫海膽帆立貝口感軟嫩鮮甜。橡木煙燻平政魚平政魚煙燻完好重味，口感帶啲硬身。鹽水白海膽愈食愈甜，仲要係甘甜味係口腔迴盪。富山灣白蝦帶點黏稠的口感，鮮味衝出嚟咁滯。鯛魚三食 (鯛魚 白子 真子）白子最難忘，入口似綿花糖，好香好好味。原隻紫海膽最最最鐘意嘅一道菜，入口比白海膽更甘甜，粒粒分明，飽滿肥美。金目鯛熟成7日配自家曬烏魚子乾金目鯛好香濃，入口勁肥美。池魚切得厚薄均衡，入口魚油滿溢，無花果汁提味亦同樣吸引。野生吞拿魚肉質軟糯，油脂分均勻稱，入口即溶化。醬漬赤身配黃芥末炙燒拖羅筋火炙過油脂逼出，入口醬汁濃厚惹味。螢光魷魚飯配風乾鱘龍魚籽好飽腹的一道菜，鹹香味濃。湯物哈密瓜 服務貼心，師傅詳細介紹每種食材配撘及產地，令整餐飯獲益良多。店內空間寬敞舒適，建議大家可以預早訂枱享受。

今日和朋友吃午餐慶祝生日，於是選了最愛的日本餐Omakase。 這家在銅鑼灣Cubus 的滝壽司最近都很受歡迎，午餐的omakase 套餐也十分豐富美味，幸好提早訂了位，今日來到也满座了。餐廳環境開揚舒適，坐吧檯位置可以欣賞到師傅的手藝，職員服務很有禮。我們選了一個九件壽司的omakase套餐。前菜沙律菜爽脆清甜，炸芋頭片香脆甜美，魚肉清甜有咬口，醬汁酸酸甜甜，是開胃之選。天鯛 白子壽司天鯛魚肉晶瑩剔透，有啫喱般的彈牙口感。用上天鯛的白子，肥美滑溜，鮮甜無比。飯粒煙韌香甜。活北寄貝經過微炙令北寄貝更鮮甜，爽脆彈牙，帶有淡淡的海水味。沙甸魚沙甸魚肉質結實，鮮美爽甜，咬下油香味散發，魚油豐富。赤貝新鮮即開，很彈牙，色澤光亮，厚身而爽脆，搽上木骨柚汁，更帶清新感。螢光魷魚現在是螢光魷魚的當造季節，全部都很肥美飽满。入口爽脆多汁，鮮甜味道散發。赤海膽 新鮮紫菜飯海膽味道香濃而鮮甜，入口即溶，滑溜無比，和紫菜飯一起吃味道配搭。平政魚經橡木煙薰過，滲入平政魚當中，味道香濃而特別，更帶出魚肉的鮮甜味。小肌魚魚肉嫩滑結實，香甜可口，配上炒鮮蝦蝦粉，鮮味配搭。拖羅用熟成2星期的野生吞拿魚，無筋，雪花油脂

難得捱過了一星期辛勞的工作, 週末下午決定要來吃餐好的來慰勞一下自己。經同事推介後, 今天便選擇在銅鑼灣CUBUS 15樓這間滝壽司吃個午餐。餐廳位於高層, 景觀開揚光猛。大部分都是吧枱, 可以一邊細嚐美食一邊欣賞師傅精湛的廚藝。前菜點餐後, 師傅會特地問你有甚麼不吃, 感覺很窩心體貼。然後便上前菜, 有些雜錦刺身漬, 有一碗清新的沙律, 上面有幾塊芋頭脆片, 口感爽脆, 味道清甜。天鯛白子壽司大大粒白子份量十足, 口感細滑豐腴, 像奶油般的感覺, 天鯛肉質鮮美, 清淡優雅中帶著細膩的油脂, 肉質彈性十足。活北寄貝壽司活北寄貝肥美厚實, 甘甜鮮美, 貝肉彈牙, 經輕輕火炙後, 味道更香濃。沙甸魚壽司沙甸魚很少可會用來作刺身, 沙甸魚肉質結實﹑鮮美爽甜﹑油香四溢, 口味豐富濃郁, 口感卻清爽不膩。赤貝壽司赤貝色澤亮麗, 海水以及鮮甜味濃郁, 帶有獨特的濃厚海洋氣息, 口感外層爽脆, 內裡貝肉卻又軟又嫩, 配以木骨柚汁, 提昇鮮味。螢光魷魚壽司螢光魷魚口感爽脆及味道鮮甜, 日本人釣到螢光魷魚後馬上進行沖漬, 醃漬後依然保持刺身般的口感, 經過一段時間發酵, 風味更加升華, 外層帶爽脆感,

滝壽司，坐落在銅鑼灣 Cubus 15樓，高層的風景真不錯，全場有20個sushi bar 位加一間包箱房亦有 table 。地方闊敞舒服，bar 枱的位置亦開揚。這家的Omakase 是新派融合的，師傅會加上獨特的烹調手法及不同的醬汁調配，希望客人有不同的體驗。前菜五點水雲 鮑魚 煙肉配梨 車海老 蕃茄黑豆首先前菜第一道水雲酸酸溜溜的更開胃，鮑魚爽口彈牙，煙肉是大有來頭的，吃蕃薯長大的豬肉，煙肉夾上梨更甜更有嚼勁。車海老口感彈牙，最後用蕃茄清新口腔，黑豆帶微甜中和一下。活北寄貝配蝦殼鹽將近夏天貝類都開始是季節了，師傅先在爐上用火槍輕輕灸燒表面，啡褐的烙印，入口帶出鮮味，加上自家製蝦殼鹽更香口。帆立貝配蒸紫海膽帆立貝鮮甜，蒸過的紫海膽口感獨特。橡木煙燻平政魚煙燻過的魚肉質鮮嫩，令魚味更香更入味。沙甸魚鹽水白海膽鹽水海膽方面，則是以鹽水模仿海水的濃度，擬作海膽的生長環境，令海膽保持新鮮。白海膽味道鮮甜，入口即溶，口感豐腴，甘甜味在口腔迴盪。富山灣白蝦其中白蝦是只有富山灣才有的特殊美食。透明鮮美的白蝦有『富山灣的寶石』之稱，其高雅的甜味生着食用是最好的。入口清甜，口感綿密帶黏性，蝦甜味一流

在銅鑼灣有間Omakase好多人講，老婆好想同我一齊食，於是走到這間試下，環境不錯。【蠶豆+汁煮飽魚+海老味噌+煙豚腩夾雪梨+黑豆+糖漬蕃茄】這幾款前菜各有特色，好新鮮，又未試過，煙豚腩夾雪梨真是第一次食。【北寄貝】北寄貝口感爽口脆嫩，配上用蝦殼整成的鹽一齊吃，鮮味更加突出。【北海道帆立貝】師傅中間加入了特別醃製過紫海膽，海膽鮮味濃郁，帆立貝鮮甜軟嫩。【沙甸魚卷】用上紫蘇葉、薑、蘿蔔、青瓜卷埋沙甸魚一起，食材配搭起來味道調和得不錯【富山灣白蝦 +北海道甜蝦】師傅用了日本芥辣、柚子等調味，味道清香撲鼻，白蝦用人手剝殼所以食落口感較黏，而且味道比較鮮甜，甜蝦鮮味之餘肉質也非常有彈性。【北海道原隻紫海膽】師傅只加了少許醬汁wasabi 調味，紫海膽本身的味道十分鮮美，甘中帶甜，鮮中帶清。【天鯛】魚生用了湯霜做法，用熱水燙過魚皮，令到魚皮收縮，增加彈性，而刺身加了柚子皮調味，入口有淡淡柚子香氣，魚肉鮮甜嫩滑。【池魚】油脂比例均勻，魚油豐富，配上無花果醬、芝麻蔥花等等，肉質鮮嫩，醬汁清新。【禾稈草燒鰹魚】第一次見魚生配搭紅油炸過嘅乾蔥蒜頭辣油，入口紅油芳香撲鼻，加上炸乾蔥的香氣，特別醒神，鰹魚

銅鑼灣開業7年，深受歡迎，星期六中午去都座無虛席。 全店好闊落，環境開陽光猛☀️，大部分都係吧枱，可以望到師傅整嘅過程，同時又可以互動🔄 壽司盛 Omakase (9貫）嚴選時令食材✨天鯛即係野生鱲魚，肉質爽口甘甜，食落煙韌有咬口。上面放咗時令嘅鱲魚白子。松村鰈即係右口魚，質地有彈地，帶點肥美，鮮味愈嚼愈出墨魚墨魚味道清淡帶鮮，厚身爽彈，嫩中帶脆。壽司飯特別加咗紫菜碎，令整體更香口赤貝橙紅色，表面帶光澤，食落爽脆，鮮味十足池魚肉質細膩，油脂豐富，入口甘香鮮甜平政魚經過橡木煙燻過的平政魚，散出陣陣煙香，平衡咗魚嘅油脂。小肌魚皮纖薄光亮，肉質嫩彈細膩，口感鮮美赤海膽味道甘甜，入口即溶，滿滿的一口，特別滿足大拖羅蔥拖羅手卷蟹肉蜆湯茶碗蒸入面有蟹肉/雞肉/栗子，材料好豐富益力多蛋糕

啲人成日話食廚師發辦好貴又唔抵食又食唔飽，好多人都對廚師發辦卻步，但其實都唔係你想像中咁貴，而且佢哋選用嘅材料絕對係對得住個價錢！今日同男朋友周年紀念，就諗住去試吓食好嘢啦🥳見有好多明星都有介紹呢一間位於銅鑼灣嘅廚師發辦，未食過就一心諗住去試吓啦！我哋懷着一個興奮但又怕會好貴嘅心情去到呢間餐廳，真心好高級😍每食一樣嘢都會由負責處理今次你食嘅料理嘅師傅去第上嚟同埋解釋🥳睇住佢一步一步好用心咁去處理我哋即將會食嘅嘢嘅時候，就覺得成件事好高級🥳🥳🥳唔係講笑，成個廚師發辦總共有14個course，負責料理嘅師傅一開始會問你唔食啲乜嘢或者食唔食啲乜嘢，再睇吓當日有咩材料新鮮你去決定你嘅晚餐🥳佢每上一個course就會過嚟解釋一下呢一個係啲乜嘢嚟嘅，超級清楚😎首先就係頭盤🥳新鮮蠶豆加番薯豬夾雪梨再加麵豉蝦平時食得蠶豆多，原來新鮮嘅蠶豆係咁鮮綠色！可能因為佢炸過，所以食落好香口🥳而隔離嘅豬肉採用嘅係淨係食番薯嘅豬嘅豬腩肉😱夾埋雪梨一齊食，口感唔會好油😚燒北寄貝燒過嘅原隻北寄貝😍😍唔好睇個北寄貝旁邊嗰啲鹽好似咁普通，其實佢係由蝦殼整成嘅鹽！點一點嚟食除咗鹹香之外仲會食到蝦既香味！墨魚中間有海膽唔好睇呢

多謝好姊妹帶路食好西，她說之前跟男朋友吃過，覺得非常有水準，所以知道我喜歡吃日本料理，所以專登帶我來吃，超開心🥳餐廳環境舒服，而且空間感十足,桌上佈置食具都非常精緻。Omakase 套餐有幾款選擇，最後我們決定選「薰」。八寸新鮮蠶豆-輕輕炙燒過，焦香清甜。汁煮鮑魚-鮑魚嫩滑彈牙，醬汁味不太濃，保留鮑魚鮮味。海老味噌燒-海老蝦味濃厚，配搭味噌令到味道更加提升。日本煙豚腩-店員告知呢款日本豚原來是吃蕃薯長大，所以香味特別，再夾上雪梨片一齊食，消除了豚腩嘅油分，食落份外清新鮮甜。糖漬蕃茄-酸酸甜甜，有淡淡酒香。炙燒北寄貝配上蝦殼鹽調味，口感爽脆鮮甜，底層有北寄貝群邊，味道清甜彈牙，鮮味十足。北海道帆立貝帆立貝鮮甜嫩滑，中間加上了師傅精製過的紫海膽，2種不同的鮮甜味在口腔久久不散，互相平衡。平政魚魚皮外膜預先浸左醬油再煙燻，煙燻過的平政魚更為清甜，而且油份不會過膩，肉質結實。沙甸魚卷沙甸魚中間卷住紫蘇葉、薑絲、蘿蔔絲、青瓜絲、芝麻等等，蔬菜絲口感爽脆，沙甸魚魚味突出，薑絲微微啲辛口，增加魚肉鮮甜度。北海道白海膽杯只是加了少許醬油wasabi調味，海膽甘香鮮甜，鮮味停留在口腔內，令人回味無窮。北

師傅發板料理重要的是可互動,無間斷的溝通下,使人的知識不斷增長,遇到好的師傅更會可分享他所知道的,不會樣樣都IDK。優美的前菜可使人食慾大增,新鮮蠶豆青嫩可口草青味很出,磯煮鮑魚軟綿綿入口沒有太重的酒味,海老使用一夜乾的做法外面乾身裏面汁濃,宮崎蕃薯豬中間放了梨中和了腩片的油膩感,番茄酸酸的使人開胃。燒北寄貝配蝦殼鹽,北寄貝味道甘美,肉質爽脆,蝦殼鹽的味道有點像蝦皮使貝肉更有鮮味。北海道帆立貝中間配了蒸熟的紫海膽壽司,想不到熟了的海膽味道可以是這樣鮮的,跟帆立貝配合得很好做到凹凸的感覺,要讚一讚它的壽司飯沒有用太多的醋調味,反而是師傅根據不同的材料增添醬油及醋的份量這樣非常好。用橡木煙燻過的野生平政魚,肉的油分多,肉質堅實,而且還帶有橡木的煙燻味,師傅說魚是經熟成的做法,所以肉質才有深度的變化。沙甸魚卷配了蘿蔔絲+薑絲+青瓜絲+紫蘇葉+芝麻,沙甸魚是出名多骨的,這裏可以做到一條骨也沒有非常細心,沙甸魚的肉味及紫蘇葉的香味也很霸道,吃之前感覺是互搶味道的,但吃後卻感覺是平衡得宜。北海道赤海膽壽司,鮮活海膽在口腔內慢慢溶化,只有兩個字滿足,鮮甜的味道留在口內一段長時間。富山灣白蝦+北海道甜