炭家 (已結業)

餐廳位於上環，附近都有數間酒吧，適合食完晚飯之後再和朋友一起吹水聊天。其實附近都好多嘢食，比較多特色餐廳。鰻魚重蒲燒鰻魚新鮮，一整塊鰻魚食落去好滿足，鰻魚汁好香，另外再有蛋絲，鰻魚汁同飯都十分配搭，笑得好入味，食入口有層次感。茶碗蒸口感細滑小鉢酸酸甜甜的小食，食進口很開胃。鰻魚厚燒玉子 最好食的一道菜，玉子包著鰻魚，玉子好甜，但香味十足，加上配菜一起吃，和鰻魚很配合。鰻魚肝串 鰻魚肝唔係度度都有得事，熄進口幾有鮮味，跟一般鰻魚嘅感覺是有唔同的，值得一試。白燒鰻魚顧名思義，沒有附加鰻魚醬汁，更能吃到鰻魚肉味，肉質香嫩。和牛串入口即溶， 十分惹味。豚蘆荀卷 豚肉片和蘆筍十分配合，入口清爽。洋蔥＄40洋蔥十分推薦，燒後入口食到不一樣的風味。整體用餐體驗很理想，環境十分舒適，職員態度有善，他們會主動提供冷或熱茶給客人選擇，有別於附近的西餐廳，值得一試。

鰻魚厚燒玉子雞蛋好香甜😙，而且好滑口，小妹最❤佢嘅鰻魚粒，喺玉子之中散發住鰻魚嘅香味，真係超正❤洋蔥我以為係一個普通嘅燒洋蔥，點知原來上面仲有啲木魚，鹹鹹香香嘅木魚加添左幾分嘅風味。雞胸肉紫蘇卷薄切嘅雞胸肉包裹住香味獨特嘅紫蘇葉，將呢一串串燒提升到另一個層次豚蘆笋卷同樣地，都係薄切嘅豚肉，不過呢個肉汁多少少，蘆筍深透住豬肉嘅肉汁，好甜好好食和牛串呢個真係全個晚餐裏面最好食嗰個！和牛嘅油脂真係冇得頂❤白燒鰻魚串平時食開嘅鰻魚都係黑色嘅，依家間餐廳提供左白色嘅鰻魚，用咗第二種製作方法，食到第二種鰻魚嘅風味鰻魚重蒲燒呢個鰻魚便當真係好正，超大條鰻魚鋪喺珍珠米上面，鰻魚汁滲透喺米飯之中，真係令人回味無窮！

味道有讚有彈👍🏻👎🏻 但性價比偏低😖鰻魚厚燒玉子 $150➡️必試 鰻魚+玉子呢個配搭一定要讚 蛋味重而且夠滑 估唔到鰻魚非常Juicy 店員教要將花粒摘落嚟做調味 夠特別 味道亦都好夾係唯一一道我會想再試嘅菜式白燒鰻魚串 $110➡️ 雖然香口 微脆 但感覺有點燒過龍 所以整體感覺好乾身 唔太值 豚蘆笋卷 $50➡️正常發揮 燒汁香 可惜蘆筍有點老 影響口感 唔推薦洋蔥 $40➡️超級甜 係我食過最好食嘅洋蔥☺️完全冇平時食洋蔥嗰種刺激嘅味道 我鍾意飯團 $40➡️正常size 燒得頗香口 不過不失和牛串 $140➡️有入口即溶嘅感覺 建議唔需要特別加青檸 已經好好食 如果唔係反而蓋咗本身濃郁嘅牛味 但又未至於去到$140一串嘅質素雞胸肉紫蘇卷 $50➡️雞胸肉太”鞋” 唔建議各位揀呢款

好耐冇去歌賦街搵嘢食，今晚就為咗一個飯行咗上黎！呢度個 鰻魚重 好出名！鰻魚真係燒得啱啱好，有少少焦香😋 鰻魚本身有醬汁，加少少山椒粉，食落少少麻，成個味道更有層次！呢度亦都有啲串燒，我哋試咗白燒鰻魚串，即係乜嘢醬汁都唔落，直接燒！食嘅時候可以就咁食鰻魚嘅原汁原味，亦可以點少少wasabi同豉油，各有特色👍🏻鰻魚厚燒玉子亦非常唔錯，玉子又香又滑，配上鰻魚嘅鮮味，呢個組合好好食！蔬菜方面要咗淮山，師傅加咗牛油煎香兩面，外脆內爽，perfect池 ✅

炭家是在香港少有的正宗日式鰻魚專門店作為前菜有兩款，分別係麵豉鰻魚凍，同埋鰻魚茶碗蒸，前者清新清爽，好啱夏天食，而後者有嫩滑嘅口感，而蛋內仲有口感彈牙嘅鰻魚，令整體口感變得更為豐富。-蒲燒鰻重（關西風）：呢個係炭家嘅招牌名物，用咗嚟自日本名古屋嘅活鰻魚所做，再用由日本頂級紀州備長炭所烤製，而主理嘅師傅係由有40多年經驗嘅江籐先生。鰻魚所用嘅蒲燒汁較坊間嘅味道較輕，浸汁只會反覆兩次，所以鰻魚仍然保留原有嘅鮮甜味，而因為鰻魚係採用關西嘅直接燒熟，所以其肉質更富有彈性，口感會更好。呢個蒲燒鰻重入面有一大塊嘅高級蒲燒鰻魚，口感彈牙，醬汁香甜，配埋用日本珍珠米所煮嘅飯，係令人一食上癮。鰻魚清湯：可以配埋蒲燒鰻重，將其變為另一種食法「茶漬飯」，會另有一番風味。-鰻魚肝串：喺鰻魚專門店先會有嘅串燒，用酒處理調味過嘅鰻魚肝，經過炭火嘅燒烤，令其帶有酒香嘅鰻魚肝多添一份炭火香氣，而食落會有啲甘苦嘅味道。-豚蘆筍卷：用上薄切嘅豚肉，包裹住清新清爽嘅蘆筍，經過炭火嘅輕烤，將豚肉烤至金黃香脆，而其所帶嘅油香、肉香、同埋所有嘅精華都滲透於蘆筍之內，令蘆筍嘅味道變得更為豐富。-雞胸肉紫蘇卷：用雞胸肉包著香氣撲鼻嘅

之前連續喺歌賦街試咗兩間餐廳，上次介紹咗海鮮brunch，今次就再行入啲去咗呢間正宗日式鰻魚專門店炭家～ 入到嚟就睇到師傅喺度燒鰻魚😍 正呀 📍蒲燒鰻重：嚟炭家必試！鰻魚超級肥美肉質彈牙完全無碎骨口感極佳，直頭想再encore多一個🥺個set再包咗鰻魚凍，茶碗蒸同清湯可以當茶漬食架～我就覺得個鰻魚凍出奇好味，口感好特別📍鰻魚厚燒玉子：玉子燒入面加入鰻魚做餡，兩者都好甜味道好夾📍白燒鰻魚：師傅唔加任何醬料就直接將鰻魚放入炭爐烤到金黃色，鰻魚外皮烤到香脆，無咗醬汁味更試到嗰種焦香鰻魚味📍鰻魚肝串：鰻魚肝我其實第一次食，入口帶啲甘苦味，一試無妨～📍和牛串：和牛肉同油脂分布比例均勻，肉質超軟腍，經過炭烤又多咗啲炭烤香🤤📍雞胸肉紫蘇卷：雞胸肉烤燒完肉質仍然保持嫩滑多汁再加埋淡淡紫蘇葉香📍豚蘆筍卷：豚肉烤得好香再夾埋蘆筍，蘆筍剛好中和返個油膩感，perfect match~📍燒洋蔥：最後再試埋串燒洋蔥，洋蔥微微焦香入口香甜～～ 🔍跟住見到佢地個墊枱紙先發現，原來佢地同座銀、○de▽ 鯛白湯らーめん 都係同一集團～#大口在上環#上環美食#打卡餐廳#打卡美食#鰻魚專門店#topcitybiteshk#

香港有好多高級鮨店，omakase 隨街都有但要食專做炭燒鰻魚嘅就肯定唔係通街都有中環歌賦街炭家就肯定係中上環一帶專做炭燒鰻魚出得出色的一家。-蒲燒鰻魚重外觀非常驚人！！餐廳唔算大，但廚房位仲特登有個位比人睇廚師全程火烤的鰻魚，鰻魚味道酥脆帶焦香，鰻魚肉鮮美多汁，加上秘製蒲燒醬汁，以及日本產米飯，每一口也能品嘗到濃厚而帶有焦香的味道。-鰻魚肝串又係另一道其他居酒屋小有的串燒，餐廳做得鰻魚，以酒及味淋調味過的鰻魚內臟，有炭火香有酒的醉，帶有內藏的爽脆。-鰻魚厚燒玉子以香氣十足口感扎實的玉子卷著碳火直烤的鰻魚，帶點碳香氣，微微的鹹度淋上特製醬汁，每一口都好滿足。-白燒鰻魚串喜愛原味的燒鰻魚不可錯過，不沾任何醬汁，直接拿來燒，白燒鰻魚肉質Q彈，食落都是海鮮的自然酥脆焦香，簡單就是好味。-豚蘆笋卷串燒烤得金黃，滿滿蘆筍汁。燒得剛好不過老，香氣濃而肉質柔嫰，而且仲好juicy燒洋蔥微辣帶清甜，有一種refresh的感覺！

朋友請我食，諗住食好啲，去咗呢間評分睇落唔錯嘅日式餐廳。但係食物質素對不起價錢，非常唔抵食。我叫咗和牛牛扒飯、朋友叫咗鰻魚飯。牛扒係整得唔錯，但質素未至於去到四百幾蚊嘅水平。畀得起呢個價錢，出面有好多其他選擇。總體experience一般，店員服務態度亦是一般。原本主動幫你收好你把傘放係其他地方，但走嘅時候又唔提你之前收走咗你把遮。之後返去搵返把遮，但把傘就唔見咗、店員仲話「呢度有就有，冇就冇架啦」。明明係佢收走把遮放喺唔知邊度，又整唔見咗，仲要係咁嘅態度。總括來說質素一般價錢貴服務態度一般。不推薦。

朋友係一個個鰻魚控，專搜羅一啲有鰻魚食嘅地方😋今次比佢揾到係上環嘅一間鰻魚專門店- 炭家唔係鰻魚控都嘅我都覺得好正🥹🥹因為食得出鋪頭由門面，服務，去到食物嘅味道都好用心，有日本一絲不苟嘅精神🥹😍我地叫左個鰻魚飯set 再加串燒份量雖然唔多，但每一樣都好精緻😍🍚鰻魚飯set 係跟左個麵豉鰻魚凍同鰻魚茶碗蒸，有鰻魚嘅啫喱同茶碗蒸真係好特別😋 另外仲跟左個鰻魚清湯，唔太濃但好有鰻魚鮮味👍🏻🍢另外串燒有 鰻魚肝串，豚蘆筍卷，雞肉紫蘇卷，和牛串，白燒鰻魚，木魚柚子燒淡路島洋蔥同鰻魚厚燒玉子真心全部都好好食，特別要讚下個白燒鰻魚同和牛串，白燒鰻魚無加到任何汁，而且燒得好脆，更加食到饅魚鮮味😋和牛串更加唔使講，好濃味同好juicy 🤩呢到服務都要一讚，因為佢地真係超有禮貌同好貼心❤️每樣野都會介紹下佢嘅食法同特色。而且呢度環境都唔錯，好啱同friend 飲下酒吹下水💕

今日嚟到位處中環嘅炭家，位置喺半山餐廳係主打日式嘅餐點，無論係服務、用餐體驗都係極之優越！鰻魚厚燒玉子呢個大力推薦比咁多位❤️玉子非常之Q彈，蛋香味好重就不在話下，而且廚師可以令到呢個燒玉子外熟內滑，實在唔容易！洋蔥🧅廚師嘅烹飪技巧真係好高超！本身會擔心緊洋蔥太生，食落去都有種好刺激嘅辛辣，不過我覺得佢煮得幾好食嘅原因就係：佢應該用咗高湯去浸呢一個洋蔥，然後再喺上面灑上木魚，加埋高超嘅火候控制，完美覆蓋左洋蔥嘅辣味，同時間亦都唔會熟過龍雞胸肉紫蘇卷雞胸肉唔會好乾好柴，包裹住嘅紫蘇經過火炙之後，釋出左獨特嘅香味，係一種留下深刻記憶嘅味道。豚蘆笋卷蘆筍非常之爽脆，包裹住嘅豬肉釋出嘅油脂完美被蔬菜吸收，減低左邪惡感❤和牛串呢個真係要強力推薦比咁多位！非常之值得一試，和牛嘅油脂非常之下飯，火炙過嘅外皮非常之香脆，顏色亦都令人垂涎三尺。白燒鰻魚串好少聽到呢一種嘅烹飪方法，本身仲擔心緊會唔會好腥臭，不過食落去最大嘅感受就係鰻魚肉好鮮嫩，正❤️鰻魚肝串好少食到鰻魚嘅內臟！口感幾特別，以為會好似雞肝咁，不過食落去林得來又有啲油脂😀鰻魚重蒲燒呢個真係超級正！鰻魚飯嘅咪係用咗日本嘅珍珠米，上面嘅蒲燒鰻魚經過火

一直都好想試這鰻魚店「炭家」，今日終於有機會黎朝聖下😂😂，由日藉廚師主珊。餐廳位於中環歌賦街，附近比較多特色餐廳。鰻魚重 蒲燒 $420必點招牌菜🌟🌟🌟以名古屋空運直送活鰻，配以日本頂級紀州備長炭炭燒。鰻魚肥美新鮮，表面烤得微焦，入口軟嫩，油香十足，配上甜甜的鰻魚醬汁的確很可口。配有茶碗蒸、小鉢、日式清湯茶碗蒸：小小一碗就有濃郁的鮮味，口感細滑滑嫩。小鉢： 鰻魚啫喱，滿特別。小緷都是第一次試，味道酸酸甜甜。鰻魚肝串 $150只有即劏活鰻先會有鰻魚肝串，當然要試一試。鰻魚肝帶有微甘苦的鮮味。白燒鰻魚串 $110不含醬汁且鰻魚烤的焦焦脆脆，肉質吃起來也非常嫩。和牛串 $148肉汁嫩滑，油香十足。豚蘆荀卷 $50豚肉片包着蘆筍配搭清爽多汁，蘆筍口感脆嫩。雞胸肉紫蘇卷 $50洋蔥 $40燒過的洋蔥仍保留原本的水份，味道帶甜又辣 鰻魚厚燒玉子 $150厚厚的玉子包著鰻魚，上面配有紫蘇花。將紫蘇花放在蛋上一起吃，味道會更香😋😋。甜點有西瓜和蜜瓜。

原來同一條街"淡路"同呢間餐廳係同一集團唔少食材都係同樣來自淡路島餐廳主打「 炭燒即劏日本活鰻 」係日本空運直送活鰻不過今次想試下串燒無叫到鰻魚飯食🔸鰻魚厚燒玉子 $150🔸白燒鰻魚串 $110🔸豚蘆笋卷 $50🔸洋蔥 $40🔸飯團 $40🔸和牛串 $140🔸雞胸肉紫蘇卷 $50基本上食物質素好高，款款都好好食！鰻魚厚燒玉子令到玉子口感豐富，鰻魚肉滑，配埋醬汁好惹味。白燒鰻魚即叫即燒，外皮燒得好香脆，配埋Wasabi食同醬汁，味道出奇地好夾！洋蔥係來自淡路島，比一般洋蔥食落香甜好多，第一次覺得燒洋蔥咁好食！和牛油脂極香濃，有入口即溶口感。雞胸肉紫蘇卷散發著微微嘅紫蘇葉味，好香。

歌賦街成條食街估唔到原來隱藏住間專做炭火燒鰻魚的［炭家］行過路過好容易就走漏眼吃過佢地一次的招牌鰻魚重係日本旅行尋幽探秘果種感動又係腦海中出番黎啊～-炭家食物款式都唔算少。除了基本款鰻魚飯外，亦有多款鰻魚周邊食品，仲有串燒，即使只係飲杯酒，都唔一定只有鰻魚丼可以食。-蒲燒鰻魚重餐廳特登係廚房前開隻窗比客人睇師傅即燒鰻魚每條蒲燒鰻魚師傅都多次反覆燒烤，肉質細緻，魚肉細嫩綿軟係入口果刻完全feel得到。而且獨家的秘製蒲燒醬汁，唔會太甜或太鹹，恰到好處地突出左饅魚本身的味道！-鰻魚肝串餐廳做得鰻魚，當然仲有鰻魚內臟成員的串燒。以酒調味過的內臟，除了有 炭火烤 的焦香外，更有層酒的醉香，咬落帶爽口。-白燒鰻魚串除左蒲燒，白燒鰻魚都係餐廳名菜啊～鰻魚不沾任何醬汁，直接拿來烤的裸燒，鰻魚有帶有酥脆焦香口感，肉質彈牙，簡單調味更加能吃出食材的原味。-鰻魚厚燒玉子富蛋香又軟綿綿的鰻魚燒玉子，蛋香滿滿又有魚肉的細滑。-除左鰻魚，餐廳仲有其他小食串燒熟食-和牛串牛肉香氣濃郁，食落肉質柔軟，而且肉汁仲好豐富。-豚蘆笋卷薄薄的豚肉片包着蘆笋， 豚肉烤得金黃，簡單輕燒已經相當美味。-雞胸肉紫蘇卷雞胸肉卷包著紫蘇

鰻魚厚燒玉子🥚$150呢一間係日式串燒🍢全部都係即叫即燒😎非常好食😚最鍾意食呢個😎首先個蛋生熟程度啱啱好😋而且配有佢依間舖頭最出名嘅鰻魚😚有少少豉油吊味😜所以非常之好食白燒鰻魚串🔥$110覺得呢個鰻魚簡直係驚為天人🤣佢燒到個底個皮非常之香脆😆另外表面釃咗少少鹽🧂所以帶出鰻魚嘅香味😆同埋最特別嘅係加咗佢秘製嘅山葵🥰唔算好辣甜甜地😝更突出魚嘅鮮香味😇呢個組合特別得黎又幾好食豚露筍卷🐷$50佢燒到個豬好似牛嘅感覺😉薄切再加埋蘆筍嘅香味🤣同埋佢嘅秘製豉油😀整體配搭非常好鰻魚乾串🐟$150同平時壽司店食嘅鰻魚肝揸得勁遠首先佢係非常之有口感爽趣而且都保留到鰻魚本身嘅香味洋蔥🧅$40佢真係成個新鮮洋蔥就咁燒😙表面再加咗好多木魚😍一上菜勁大浸洋蔥嘅香味😗聞到都知好食啦飯團🍙$40因為飯團表面都有燒過🔥所以有外脆內軟嘅效果😉而且飯團入邊都加咗少少豉油所以都本身有少少味道🤩另外加埋佢個特製牛蒡😘就啱啱好水果🍉$0見到每一台食完之後都會附送時令生果😌蜜瓜同埋西瓜都超爆勁甜😍😍😍ps:餐廳範圍唔大所以記住要訂位😉另外佢真係超好服務因為咁岩落雨所以啲客人成日都唔記得咗攞遮😢但係店員都會提醒😌同埋佢啲餐具超級靚

今年土用の丑の日係23/7及3/8，雖然已經剛剛過了，但都不減我一試呢一間鰻魚店的慶致。由於見佢係居酒屋形式，選擇了晚餐時段。店舖在歌賦街(拉麵街)，已經來過很多次，上環站E2出口行5-6分鐘就到。店面細細，侍應非常熱情，預約了座位，當我未開口已經問我姓名問是否訂座。點了鳗魚飯套餐有-麵豉鰻魚凍-鰻魚茶碗蒸-鰻魚清湯-蒲燒鰻重(關西風)加碼點了-鰻魚肝串-豚蘆筍卷🐷-雞肉紫蘇卷🐔-和牛串🐮-白燒鰻魚-木魚柚子燒淡路島洋蔥🧅- 鰻魚厚燒玉子🥚蒲燒鰻魚的調味比坊間輕，反覆浸汁只有兩次，保留鳗魚味道，而且鰻魚直接燒熟(關西做法)，沒有蒸煮過，肉質有點彈性。串燒試咗鰻魚肝串，有點苦，在真正的鰻魚店才有。另外再點一客白燒鰻魚，比起蒲燒，白燒的魚味更出眾。燒洋蔥加埋調味都十分好食。和牛就用說，入口即化。今次沒有點sake，暫時唔可以接觸酒精，但成個用餐體驗都似返到日本一樣，消費得起又唔可以去日本嘅朋友可以過嚟試一