茶涮涮 (已結業)

今日係銅鑼灣行街，發現百德新街有一間日式餐廳，門口寫住全日定食$118起，當然要試吓啦。餐廳位於百德新街，銅鑼灣海旁，地點十分方便。定食款式很多。我點了雜錦刺身定食，價錢都係$138。刺身種類很多，全部厚切，非常吸引，而且還有海膽😍海膽細緻的顆粒和黏稠感，溶在口中甘美無比，還有淡談的海洋味；蝦🦐的味道甘甜，放入口中的𣊬間，有種溶化的感覺；赤貝QQ彈牙；赤身豐膄具透明感，甘甜味道輕輕留在口𥚃，不需多嚼便化於口中。堅實粉紅色的魚肉，口感紮實不軟爛，味道甘甜清爽而不膩。漬物有日本醃蘿蔔和青瓜，好爽脆。蟹肉沙律方面，沙律菜、蕃茄仔、粟米和蟹肉好新鮮，配埋沙律醋，非常醒胃。綠茶拉麵，有少少綠茶嘅香味，再配埋紫菜，味道很好。味噌湯熱辣辣，湯內有豆腐和海帶，豆腐滑嘟嘟，好味😋😋😋芝麻雪糕🍦，芝麻味香濃，又不會太甜。

📍 茶涮涮銅鑼灣百德新街66-72號海灣大廈地下A號舖茶涮涮位於黃金地段，鄰近銅鑼灣地鐵站，只有5分鐘的步行距離，非常方便。餐廳裝潢走現代日本風，雖然位置不多，但每一個座位都非常寬敞，空間感十足。餐廳主打日式涮涮鍋，有多款套餐選擇，今次我們試了犇盛合(HK$398/一人前)，性價比相當高。犇盛合有四款湯底選擇，我們試了日本花膠元氣雞湯鍋，湯底足料而且非常滋補。套餐有十二款食物，包括前菜，海鮮和甜品(芝麻雪糕)，全部都超級大份。🍽️刺身三點非常新鮮，有三文魚、吞拿魚和油甘魚。🍽️蟹肉沙律蟹肉份量多，配上特製沙律醬，非常開胃。🍽️野生虎蝦大大隻，好新鮮。🍽️特選帆立貝大大粒，很有咬口。🍽️時令海魚肉質嫩滑，啖啖肉。🍽️牛拼盤 (澳洲一級肉眼、美國安格斯牛小排、美國精選牛五花)非常值得推介，牛肉的油花分布均勻，入口即溶，每一片牛肉都絕對是選材優質。🍽️美國無激素春雞肉質鮮嫩。🍽️季節野菜盤份量很多，有多款菌菇，野菜和白蘿蔔。

呢間新餐廳位於銅鑼灣海旁😍試左2款全日定食套餐，食材新鮮，性價比高‼️座位雖然唔多，但環境舒服，適合約埋三五知己一齊食飯短聚～· 前菜：蟹肉沙律、漬物、味噌湯（隨餐附送）· 日本和牛金菇牛肉卷（8件）定食 ($268)和牛油脂分佈平均，配上秘製醬汁及金菇，食落唔油膩之餘，份量亦剛剛好😚·什錦刺身定食🍱 ($138)定食包含6款刺身+海膽，刺身夠晒厚切高質，啖啖滿足🥰 呢個價錢絕對物超所值‼️·甜品：芝麻雪糕（隨餐附送）雪糕夠滑，芝麻味香濃，又唔會死甜💛 作為免費甜品，味道合格有餘👌🏻

聽朋友介紹話銅鑼灣呢間茶涮涮有日本雪室熟成牛食，仲話好好食，大力推薦我去食，於是早幾日同朋友去左幫襯，果然無令人失望。餐廳裝潢簡約舒服，座位又寬落，好岩情侶、朋友們一路打住邊爐，一路傾計，亦都無限幾耐要交台，值得一讚！睇返餐牌上的簡介，雪室熟成和牛源自於日本傳統儲存食物嘅智慧，將黑毛和牛置於冷藏室熟成，令入面纖維軟化左，使和牛的肉質變得柔軟，口感醇厚。呢度用打邊爐最簡單的食法就可以完全食到雪室熟成牛的美味。餐廳提供幾款套餐類別，最平$398已經有齊湯底、野菜盤、時令海鮮拼盤、刺身、沙律等等，刺身同海鮮一啲都唔馬虎，性價比非常高！

早排去左銅鑼灣的茶涮涮試下佢既日本雪室熟成牛。餐品以套餐為主，刺身3點、野生虎蝦、特選帆立貝、海魚，最平都係四舊水有找，好抵食！肉方面有美國Prime級安格斯小排、澳洲一級肉眼，仲有美國無激素春雞，岩晒一眾食肉獸。叫得雪室熟成和牛，即是雪中熟成的和牛，牛味非常濃郁，市面都好少見。湯底選擇有4款，日本鹿角靈芝花膠元氣雞湯鍋，味道好鮮，而且雞既味道好出。而套餐包括的刺身同海鮮類亦都非常新鮮，仲有大大條時令海魚同虎蝦、帆立貝，十分抵食。

最近SOGO thankful week，shopping 完當然要好好善待自己的味蕾。揀咗位於百德新街的日式料理，這邊的餐廳比較休閒，可以和朋友好好傾偈和休息一下。這個定食配搭了鮮美的生魚片，有油甘魚三文魚，赤背螺片和吞拿魚等，每款魚生切得十分厚，口感非常的滑順。搭配上軟綿的烏冬和多款前菜，真的是令人一吃難忘！而且，這個定食的賣相也非常的好，色彩繽紛，讓人直接食指大動！牛金菇卷定食充滿了多種食材的香味，讓你享受到濃郁的肉香，還有配上了金菇的香氣。這個卷得十分精美的定食，可以一口咬下去，完美的口感、完美的味道！除了美味的和牛和金菇，還有蔥花、酸甜的泡菜和醬汁，讓味道更加的豐富。

食盡銅鑼灣之日式 — 茶涮涮————————————————有一排冇黎銅鑼灣搵食，諗起上次係海灣大廈經過有間日式涮涮鍋，係轉角位，地方唔係好大，坐到大約10枱左右，好有私隱度又唔洗驚人嘈，岩曬傾密計😛犇盛盒set呢個一人前set十分豐富，前菜一黎有刺身三點同埋蟹肉沙律， 兩者都非常新鮮， 三文魚同油甘魚好肥美再嚟海鮮有時令海魚，野生虎蝦同埋帆立貝，好鍾意佢既碗碟都好有日式feel， 真係有種去咗日本既錯覺🤣， 海鮮一樣非常新鮮👍肉類方面，有澳洲一級肉眼， 安格斯牛小排， 精選牛五花同埋美國無激素春雞🐮🐖🐔， 真係好啱鍾意每款都試小小嘅人，姐係我🤣， 個人偏好牛小排同埋春雞， 前者好有牛味，而後者肉質鮮嫩😆最後仲有季節野菜拼盤同埋稻庭烏冬， 野菜拼盤款式多，有豆腐菇類蔬菜，仲有我鍾意食嘅芫茜🤭 已到庭烏冬睇個樣就知高質，比一般烏冬幼身好滑溜， 記得千祈唔好煮過龍， 咁先可以食到佢彈牙嘅口感😉最後仲有個曲奇雪糕球作為甜品， 真係又飽又滿足🥰💭Overall comment:不得不讚嘅係呢間餐廳嘅服務非常之好，店員真誠嘅笑容真係令到我以為返咗日本咁🤣， 一見到冇曬茶就會即刻倒，而且亦都會主動

之前去咗新開位於銅鑼灣告士打道同百德新街交界，裝修相當低調嘅 ‘’茶涮涮” 行過都隨時錯過🤫睇咗資料先知, 原來雪室熟成 (aka 雪中熟成) 係日本傳統儲存食物嘅智慧黑毛和牛放喺入面, 低温熟成嘅過程會令肉質、口感出嚟有與別不同嘅風味咁啱嗰晚唔係好肚餓又有下場，所以叫咗日本A5雪室熟成和牛 & 澳洲全血和牛晚市盛盒前菜有漬物+沙律揀咗 +$48就有嘅信州白味噌和牛湯鍋， 湯鍋內附有少量蔬菜，一上嚟湯頭就忍唔住已經飲咗幾啖先肉盛合上枱時亦見到都相當豐富除咗2款主肉盤, 重有:美國prime黒安格斯牛小排澳洲M6和牛澳洲和牛白肉美國特選黑豚肉北海道四元豚腩日本南國元氣走地雞除咗雪室和牛嘅特別軟稔肉質口感，最有印象嘅就係另一主打--全血和牛首先賣相已經好特別 , 啲雪花好似夜空影嘅星軌咁一條條弧線；食落除咗油脂感足夠之外, 牛味亦都相當濃郁!勁多款靚肉類一次過食晒😙涮涮完舀走面頭嘅油再飲過 烚過靚肉嘅湯頭更加鮮甜👍🏼 平時少飲呢啲嘅我都忍唔住飲多咗幾小碗

今晚去銅鑼灣行街街，發現一間食日本火鍋，裝修又靚靚仔仔，門口的犇盛合有成12種之多，二話不說就入去啦。店內環境幾舒服，座位又寬闊，你知啦，香港食店好多都迫迫夾夾，仲要係銅鑼灣添。先來個蟹肉沙律開開胃（器皿好靚）🙂。再來有刺身（牡丹蝦、三文魚、赤身）新鮮😋。好啦！火鍋出埸，我揀了高山龍井鰹魚昆布湯，火鍋一上枱已聞到鰹魚香，湯底清純清徹👏🏻。再來是海鮮（鯛魚、虎蝦、帶子），由於湯底太出色啦！咩海鮮都特別正，尤其是虎蝦肉質好結實😋。再來是豐富的犇拼盤（澳洲肉眼、美國安格斯牛小排、美國牛五花、美國冇激素春雞），這個冇激素春雞又真係幾正，又嫩滑又彈牙👍🏻，牛小排油脂分布適中，口感正而且牛味濃😋。最後當然要食下澱粉質，我用湯底撈飯，味道一流（因為湯底有晒火鍋精華）😋😋。真係amazing的一餐，必定再encore👍🏻👍🏻。最後要一句，老闆娘好好笑容又服侍周到，好有日本人精神👏🏻👏🏻。

喺銅鑼灣百德新街近海旁油站有間新開嘅茶涮涮日式火鍋，裝修簡潔，主要係灰色同木色為主。見到餐牌有Deluxe beef set 有大概12樣食物。三款刺身，沙律，虎蝦，帆立貝，海魚，澳洲肉眼，美國牛小排，牛五花，春雞，set 好豐富。湯底揀咗鰹魚昆布湯，清清地可以食得出食材嘅味道。刺身有甜蝦，三文魚同吞拿魚，甜蝦新鮮好黏口。所有肉類係一盤上菜，最有印象係冇激素春雞，切咗一件件雞件，好濃雞肉香味。帆立貝每隻切開兩片，雖然口感薄咗，但肉質令令的。牛小排係最美味，肥肉分布平均，牛肉味濃過牛五花。蔬菜拼盤有八款菜，兩個人食都清唔晒，份量好足。

呢間shabushabu座位寬敞，燈光格局都俾人一種舒適感。食物有多款唔同選擇，我地揀咗款性價比頗高的！前菜蟹肉沙律先帶給我地好印象，沙律菜鮮嫩蟹肉夠多。仲有刺身三點夠晒有光澤～赤身夠晒吸引！野生虎蝦好肉地又結實，海魚鮮味，帶子切開每份三片，厚切應該更出色！肉類款式都唔少，牛肉有澳洲一級牛肉眼，牛小排同牛五花，食出各種牛肉美味部位，牛肉味濃，入口軟淋得嚟有彈性，食得好滿足~最估唔到係連雞肉都係無激素，呢樣真係啱晒我心水~雞件彈牙又多肉，配埋豆乳湯底，食落好似特別滑~最好仲有超大碟稻庭烏冬!本身個餐份量都唔少，食埋呢樣真係捧住個肚!

銅鑼灣食午餐，有啲咩好選擇呢？比我發現咗位於百德新街尾既［茶涮涮Cha Cha Cha ］主打日式定食，包括熟食，刺身，壽司和丼飯都有供應，而且套餐由前菜和甜品都非常用心做，最喜歡這𥚃環境優雅，甚有日式風味，無論自己一個人或者和朋友食飯傾偈一樣適合👍🏻👩🏻是日孤獨的美食家Lunch Set ▪️牛肉照燒定食（澳洲一級肉眼）$ 138已包括，漬物，沙律，小食，湯，主食和甜品🥗蟹肉沙律~沙律菜和粟米好新鮮，配合蟹柳棒和柚子沙律汁，開胃的前菜🧆漬物～日本醃蘿蔔和青瓜好爽脆🍆小食～醬油茄子軟腍又入味🍲味噌湯～熱辣辣味道剛好，湯內有豆腐和海帶，豆腐超香滑，好味🥩澳洲一級肉眼主角出場，肉眼扒有兩大件，師傅已好細心切成細件，方便進食，肉質軟腍帶少少肥膏，質素非常高嘅牛扒，配合燒汁一齊食，好食又傳統既日本風味🍜配鰹魚稻庭烏冬可選擇配日本米飯，蕎麥麵或者稻庭烏冬，我就揀咗香滑烏冬，口感幼滑細膩，配合清香嘅鰹魚湯，簡直係最佳拍檔🍨甜品估不到午市套餐，都會有甜品，今日係朱古力雪糕，仲要質素唔錯，朱古力味好濃之餘內藏朱古力粒粒，唔太甜，非常完美嘅午餐


茶涮涮鄰近銅鑼灣地鐵站，唔單止地點方便，性價比仲好高！食物份量相當大，兩個人都食唔晒一個兩人餐，味道仲好好！試咗一個犇盛合，果然係有三款牛，分別係安格斯牛小扒，澳洲一級肉眼同美國精選牛五花。澳洲一級肉眼超級好食！好香牛嘅油香，又唔會太肥膩，牛小扒都好彈牙有口感，三款牛都好嫩滑，烚一烚漾一漾即起，真係無得頂😻海鮮都好新鮮，打邊爐最緊要食材，因為烹調嘅方法比較簡單，所以更加食得出呢度嘅虎蝦、海魚同埋帆立貝非常揀手，用料上乘，虎蝦大大隻又實肉，海魚都好香魚味，一定唔係養魚😋成個餐只係每人398，但係有好多唔同款式嘅食物，仲有刺身、前菜蟹肉沙律、甜品係黑芝麻雪糕，碳水仲有稻庭烏冬，仲有好滑嘅冇激素雞同埋好大盆菇同埋菜，食到食唔晒！刺身都好鮮味，全餐飯又飽肚又好味，係一個好好嘅體驗，大家一定要來試吓🤩

喺名店坊呢邊搵食其實都唔錯，有熱鬧氣氛嘅，有舒適又chill chill地嘅，俾街角位置環境氣氛唔錯嘅日式火鍋店吸引～套餐幾抵食，有前菜沙律又有刺身三點，仲有海鮮拼盤、肉拼盤同野菜拼盤，呢個價錢夠晒豐富！海鮮拼盤有齊大大隻野生虎蝦、帆立貝、同野生海魚！虎蝦肉結實鮮甜，又夠晒大隻，帶子切成薄片，淥一淥入口軟熟～海魚肉質彈牙結實，唔錯唔錯！肉類有澳洲一級肉眼，美國安格斯牛小排，美國牛五花，同無激素春雞！肉類都相當唔錯，和牛肉眼油花豐富肉質又甜！安格斯牛小排油花均勻，肉質鮮嫩～野菜拼盤款式又多又新鮮，有切花紅蘿蔔，望落食落都特別開心！

之前經過見到茶涮涮呢個名一直以為係食台式野，但其實佢係一間日式餐廳黎架，晚餐有涮涮鍋可選擇，而中午主要有丼飯、定食、魚生、蕎麥麵等等。餐廳嘅環境可謂非常骨子😚我揀左個燒鰻魚定食（珍珠飯），都幾大碗架，鰻魚邊位有微微焦香，入口軟腍，未至於好厚但有成7至8舊，同埋絕對放心係完全冇細骨好好食！！鰻魚汁又好夠，底下仲墊左玉子燒，撈埋一齊食好開胃！呢個餐仲會連埋旁邊細細碟嘅漬物、凍豆腐、沙律、miso soup, 成件事令成個餐變得好精緻🥰