百樂潮州酒樓

營業中

休息中

✿╮❤╭✿ ✿雜感女生 好味日記✿ ˚*•✰。百樂潮州酒樓．愛潮一族。✰•*˚ ✿✿舌尖上的旺角✿✿ ❤餓底飯聚❤ ❤ 好吃的東西就是令人回味 新世紀廣場裝修之後，別有一番格調 連食肆的質量也提升不少 看到百樂的名字，就知有好吃的 食物質素，再加上地利，很快滿座 潮州凍花蟹：肉厚鮮甜，啖啖肉，亦是啖啖鮮，必食！ 浄滷水鵝片：潮州之最，不能不吃鵝片，片得薄，滷得入味，滲出獨特的鵝香 滷水豬蹄跟拼掌翼：豬蹄跟爽口，掌翼有骨香，是愛吃翼者的精品 潮陽炸雙棗：所謂的棗，其實是蝦肉、蟹肉，有爽脆菜粒，但我還是鍾情滷水野，夠潮味 豉油皇煎䱽魚球：䱽魚球被豉油包裹得香濃惹味，又是啖啖肉之選 鴛鴦水晶包：賣相吸引，煙韌薄皮，有豆沙和奶皇口味，甜而不漏 反沙芋：不能不吃的推介，鬆化又香口，外層甜得脆口，內裡是優質芋頭的口感！極推介！ 南瓜雪糕：超級份量！可愛的造型，手快有手慢冇！ 原個小南瓜，內有厚厚香滑的雪糕，可以2個人分！推介喔！ 小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆ ❤百樂潮州酒樓❤

好友聚會人多多，最岩食中菜一齊分享，今次食潮州菜，特別在較多手工菜式，都是廚師精心製作。最令我期待的是甜品-反沙芋。先來一杯功夫茶，細細一杯，茶甘味重。雞絲水晶粉皮 $98雞絲嫩滑夾著爽脆青瓜絲，還有順滑有彈性的水晶粉皮，粉皮特別薄身切段方便進食。麻醬滑身濃香，加了芝麻更加香。滷水鵝片 $198滷水汁唔會好咸，鵝片滷得夠入味，咬落好有肉香又唔膩，質感淋彈之間，越咬越出味，而且冇渣。杏汁白肺湯 $168杏汁味好濃郁又滑，飲完香味久久不散又潤喉，白肺沖得夠乾淨好花時間，心機菜特別好味。白肺淋滑筋位少，唔使沾醬油已經好好食。飲完好滋補潤肺又養顏。潮陽炸雙棗 $120分別是蝦棗及蟹棗，兩者都用料十足，蟹肉一絲絲，質感偏淋有鮮味，外脆內軟夠哂熱辣辣。蝦棗彈牙爽口，蝦味突出，有一粒燈蝦肉，比較喜歡呢款，必點小食。寸金紹菜包$240，用紹菜包著蝦肉、冬菇、豬肉等材料，煮法簡單健康，味道清淡微咸。食得太多肉，點呢款菜最岩，菜吸收肉類同海鮮的鮮味，令紹菜更清甜。豆醬龍崗雞煲 $168/半隻， 由於多人食所以叫一隻。不過好大隻份量頗多。肉質肥美嫩滑，雞皮偏厚脂肪多，所以黃油亦多，加上豆醬燜煮特別香，而且不

因一句唔想再係街邊打冷,朋友們就上網搵下邊度有舒服D既地方食潮州菜,最後搵到新世紀廣場有間快有50年歷史既潮州酒樓,雖然價錢比較貴,但唔洗風吹雨打下食餐潮菜,都值得既...皮蛋酸薑 ($68):皮蛋蛋白彈牙,蛋黃香味十足,配埋酸薑一齊食,酸薑既酸度唔算太濃,唔會蓋過薑味,而且仲可以將皮蛋既獨有香味誘發出來.雞絲水晶粉皮 ( $98):青瓜絲, 雞絲, 粉皮跟麻醬混合後, 因為醬汁較多既關係,令到每樣食材都平均沾上,味道非常濃香,又帶點青瓜既清新口味,唔錯既一道小食.浄滷水鵝片 ($198):鵝片滷得嫩滑入味,切得厚薄適中,皮下脂肪少,鵝味香濃,滷水汁味道鹹甜適中醇厚,而下層既豆腐因沾上滷汁同樣非常入味,轉眼間就俾我地清晒.杏汁白肺湯 ($168/例):豬肺湯呈奶白色,材料份量十足,入口順滑清甜,帶香濃杏汁味,豬肺煲到軟稔而帶嚼勁,滋潤效果極佳,真係好味又有益.潮陽炸雙棗 ($120):圓型係蝦棗, 長型係蟹棗,個人比較鐘意蝦棗,因為較為結實彈牙,而且有鮮蝦味, 再點上醬汁, 更加香口美味. 蟹棗肉質比較稔身,較為遜色.寸金紹菜包 ( $240):賣相精緻,由紹菜包住蝦肉等既材料,紹菜味

外國親戚黎左香港, 老豆提議去食百樂初頭對酒樓野食無咩期待,但由第一碟凍蟹開始令我改觀了坐埋位先有功夫茶,味道甘甘地潮州凍花蟹啖啖肉,最中意食蟹既我食左3隻,肉質唔梅,鮮甜多汁,拆好哂容易食,蟹鉗D肉都好粗浄滷水鵝片潮州野點少得滷水,煮法好似普通,但滷水好入味,鵝片柔軟, 份量又多,皮下脂肪少,鵝味特別濃胡椒咸菜豬肚湯最近天氣涼左, 飲呢個湯好岩,胡椒好濃,但又未至於辣,好暖身,飲左兩碗乾煎糖醋麵心形既糖醋麵好有心思, 好耐無食過糖醋麵, 加D糖加D醋,甜酸混合好開胃,個麵夠哂脆卜卜鴛鴦水晶包賣相好靚,係紅豆味,奶黃味中意紅豆味多D, 紅豆味唔太甜,食多幾粒都唔怕肥,個水晶皮口感QQ,正!有驚喜反沙芋第一次食呢個甜品,上面佈滿砂糖,入面芋頭好粉,怕肥所咬左出面D糖食, 食左好多條呢度竟然有南瓜雪糕,柚子雪葩我揀左我最愛既柚子雪葩,味道好fresh,柚子味唔假,唔酸

我和朋友常常自稱為麻甩系女子,因為總會有時候想要去打冷。不過,要和朋友約去打冷不是那麼容易,因為打冷鋪book不到位,而那些傳統的鋪也不好坐那麼久,每次都是急急食完急急走,要等收工晏的朋友後join更是難上難。既然如此,就移去酒樓,環境更好。潮州凍花蟹,肉又多又厚,鎖住了鮮甜,啖啖都是肉。滷水鵝片,超喜歡食滷水鵝片,滷得夠入味,而且肥瘦得宜,入口帶鵝芳香,味道久久不散滷水豬蹄跟拼掌翼 ,同樣滷得入味,不過個人比較喜歡鵝片,啖啖肉。 潮陽炸雙棗即是炸蝦和蟹肉,挺甜的,外脆內彈牙,而且咬下時還會吃到爽脆的菜,很清新。胡椒咸菜豬肚湯 ,其實酒樓有點冷,喝下這湯即時暖了起來,胡椒味很重,咸菜不會很咸。 碧綠川椒雞球,味道偏咸了少少,不過很香,比較適合配飯吃。豉油皇煎䱽魚球 ,魚肉嫩滑,豉油很香不會過咸,也是一道適合配飯吃的小菜。沙爹牛肉炒芥蘭 ,很有趣,在這裏居然有沙爹牛肉炒芥蘭,而且夠鑊氣,沙爹超香和濃郁,牛肉也很嫩,驚喜之作。乾煎糖醋麵 ,其實我是第一次吃呢.脆脆的麵加上醋和糖,酸酸甜甜好特別,而且麵雖炸過但不油不膩。鴛鴦水晶包,我很喜歡吃水晶包的,外層煙煙韌韌但不厚皮,內涵不論是奶皇或豆

國慶夜，雖然沒有去看煙花，卻喜歡與友人在寧靜旳環境下談談政治。百樂潮州的位子夠寬闊，當然是吃飯談天的其中一間首選。坐低先來一杯功夫茶，水夠熱，茶夠濃。餐牌製作精美，又有精印的相片，又有自己的歷史。點了幾款小菜，潮州菜裡頭的鹵蛋豆腐。鹵蛋十分入味，豆腐本來都很滑的，但吃去去其中一年開始有點淡淡的濃苦味，翻轉一看，原來塊豆腐底是煎燶了，這樣都上菜似乎有點兒說不過去。浪子覺得這兒是吃高質的潮州菜，不是用街邊打冷的心態來吃的.....不過只吃淨兩三塊才發現，也沒法子叫伙計換過一碟。餐牌裡有十佳，其中一佳就是"潮式雙棗"：蝦丸拼蟹卷。蝦丸紥實彈牙，吃下去蝦味出眾。反而蟹卷是失色一點，未夠實淨，味道很淡，更枉論吃到蟹味肉味，基本上就只靠那個醬撐起的。最後叫了一個潮式魚蛋粉。魚蛋是白蛋，彈牙而且滑，魚片又是有點燶了，但還算可以。最好吃的是那個湯底和粉，味道鮮味十足。最後叫了一客馬蹄片豆爽，友人獨個兒吃，說味道清甜，是一道不俗的甜品。服務是一貫的足夠，服務生多而勤力。上次俾了笑面，是因為真的好。這次俾喊面，而不是OK，是浪子覺得兩件事情令我對這店的質量控制抱大疑問：1. 豆腐的材料錢我相信不太高，是否

行完街求其搵間嘢食，睇過佢哋嘅二人套餐，勝在唔使諗又啱食，被安排入座小房，夠清靜！二話不說，每人2杯功夫茶！隨後來個懶人二人餐食夠＄400有川椒雞送！冇話特別好食，但係川椒雞唔係辣嘅咩？一啲都唔辣㗎！我一向唔食鴨同鵝嘅！但係呢度嘅滷水鵝，我一連氣食咗幾舊喎！真係幾好食！亦估唔到跟餐都係大大碟，冇扣起一啲喎！個底仲有豆腐，都好入味！苦瓜排骨煲，普普通通！剩晒！條魚蒸得好滑滑，唔會太濃味！好清，唔似好夠火侯，可能無乜其他材料一齊燉啦，只有青檸水感覺按價錢，座位舒適度，招呼，款式，我覺得雖然食物無好突出，但都ok嘅！

浪子這天到了旺角新世紀廣場的百樂潮州品茗。裝璜華麗，門面也大。位置坐得也很舒服，檯與檯之間的空間不算太窄，當然也不能算很闊。三個人，叫了一碟炒麵線，一個廚點，就是幾款點心，剛剛好。點心紙很簡單，一張紙有齊大中小特點，而且價錢也列好了，浪子覺得簡易明白。不過經浪子看過附近檯的點心和他們的價錢，浪子推薦大家直接剔多一些特點和廚頂就好。因為小點由$24蚊起跳，之後的距離不大(詳細請看點心紙的相片)，但特點和廚點的點心真的是很好食的。先說蒸鳳爪，一款幾乎每間茶樓都有的點心。潮州酒樓的蒸鳳爪當然也沒有甚麼特別"潮州"，但是因為蒸得入味，鳳爪也很稔，覺得是一個不錯的選擇。螺片棉花雞是一款幾特別的小變奏。棉花雞仍然和大部份酒樓一樣，但多了一片螺片，感覺就不同了。雞肉算有肉質，棉花就更是浪子的至愛。家鄉炒麵線。配料有魷魚和瘦肉，比例上大概是1:1的。麵線較米線彈牙，又較米粉粗一點。比起上海粗炒來說，麵線較少油；比起煎麵，又無咁熱氣。雖然這碟炒粉麵$98，但覺得是很抵食的。到了戲肉，以下兩款是浪子推介的點心：百樂蝦餃王真的很王，大粒，飽滿。蝦餃考的是手工，不容易散得來又要皮薄。內裡的蝦要彈牙，而荀絲要帶

今晚一家人嚟食飯, 星期日好FULL, 坐滿晒人, 不過好彩有得訂枱杏汁豬肺湯味道唔濃, 亦冇乜味精, 有好多好多豬肺, 杏汁味淡淡地但都OK潮陽炸雙棗望落都覺得麻麻, 唔夠香欖菜肉碎四季豆冇咩特別, 唔會話好咸, 但味道都濃, 同埋有D油由細到大去潮州鋪都會叫呢個, 蛋外邊煎好香, 裏面則仍保留少少蛋槳, 菜甫味唔係話好多, 放多啲就好了碧綠川椒雞球個汁好惹味, 但雞肉唔係好靚而且又係油咗D, 同埋份量好少整體嚟講食物比較細份又唔係特別好食, 所以都算幾貴

連續兩晚吃潮州菜，前一晚在大圍的生昌，之後在旺角的百樂，各有風味和特色。我們一行三人，一坐下來，侍應立即送上功夫茶（味濃一點更像功夫茶）接著，我們點了四百多元的套餐，包括一個鹵水腩肉，一個湯，一條蒸烏頭和一個涼瓜排骨煲。另點了五十幾蚊的一碗蠔仔粥。全部都很好吃，特別是蒸烏頭，加上了檸檬味配料十分好味。看main menu其實覺得食物都很貴，但四百多元這個weekday套餐較抵食，可以一試。最後，想給一些有關服務的意見。晚上過了九時半，不知是否侍應是否都趕著收工，我們還在吃，就來想收拾餸菜碗碟好幾次，感覺要趕我們走似的不太良好。

在香港，要吃高水準潮州菜而且要坐得舒服，首選百樂。百樂是老字號，回想起多年之前，已經開始定期到這裏吃，貪其食物質素高，好味，招呼好，坐得舒適。這次和友人同來，友人未來過這裏，吃完之後豎起一拇指激讚，說下次一定要再來。有些菜式，我是誠意推介的，你照著吃，包沒有錯。沙爹牛河：這個沙爹牛河，完全突顯了潮州菜的風味。河粉不會太冧，免得沒有咬勁，而牛河的沙爹汁，也絕不會混和著河粉一起炒，只是舖面；牛肉份量甚多，牛有牛味，覺得很霸道，一咬進口不會很硬，但很有咬勁，而且吃了之後牛味在口腔之中久久未能散去。炒菜，也是炒得甚好，如果不叫沙爹牛河，來個沙爹牛肉也可以，一樣有菜。這條烏頭，吃過的人，無不讚好。第一，烏頭大大條，然後幫你去骨，再在中間開好，成為了潮州人最愛吃的魚飯。而且整條烏頭大大條，大得你不能想像，啖啖肉，再點那個豆醬，真是吃了還在回味。老水拼盤，也是甚有水準：整體而言，如果朋友相約來吃飯，就甚少失手，而且朋友吃過也必定會感激你。價錢略貴，但買了招呼及食物質素，再加上地點就腳，很有物值。

外地朋友回港, 都集中食中式晚餐, 鴻星無位, 相反百樂較冷清又能夠即入, 所以潮州菜都殺。7大1個B, 先由我跟朋友入座, 招呼嘅阿姐個面口就....極度有待改善喇…唯有體諒體諒佢…最後由朋友媽媽發版; 杏汁豬肺湯、一定有嘅鹵水鵝片豆腐、沙嗲芥蘭牛肉、欖菜炒肉碎、椒鹽九肚魚、梅菜扣肉(? 咦…吾係客家菜咩?) 牛肉好淋、沙嗲味係好夠, 但印像吾深囉…合格欖菜炒肉碎, 又係合格囉..梅菜扣肉ok, 肉燉到入口就溶嘅, 都係不過不失無投訴嘅要讚嘅係椒鹽九肚魚, 無骨脆身, 食落吾油油膩無好熱氣嘅感覺, long到場飯尾段, 再攤凍哂入口都脆嘅! 伯母大讚鵝片就招牌嘢點可以失手! 合格最後個杏汁豬肺湯, 算濃噃, 連在座BB都飲咗成半碗豬肺亦被伯父伯母沽清。掂!無影相, 甜品例牌係水晶包結尾 奶黃、豆沙各3粒, 有個乒乓波咁大, 印象中比上環尚興嘅好食同皮薄! 因為普遍水晶包個皮總有個駁口位係厚皮啲, 百樂哩個成個嘅皮均勻嘅薄!整體ok呀～只係個阿姐面口態度能夠親切啲就好小小…埋單吾知幾多, 朋友靜雞雞埋咗單

前幾日約埋一大班朋友去呢間野度食飯，因為其中一位朋友收9點，見到呢度收11點，所以過黎呢度試下。 叫咗6個餸一個湯，其中芋頭鴨算係唔錯嘅一度菜，芋頭味夠，而且炸得啱啱好。杏汁豬肺湯都係上品，味道啱啱好而且冇內臟怪味。兩面黃呢啲傳統潮州野都算不過不失，味道算一般，但起碼脆。叫左兩個鹵水系列，鵝片同鵝肝，份量算少，但味道比一般打冷都好。整體食物評價屬中上，7樣野中冇一樣係伏，算係一間無論點樣點都唔會中招嘅中菜餐廳。野食就ok 嘅，點知， 待應就除咗男部長，其他真係衰到一個極致。 由bb 櫈開始，已經知佢地懶到百佳又唔醒目架喇，講野冇尾音又冇禮貌。估唔到一路食一路陸續有黎呀，9點10幾分諗住加個餸，點知阿姐已經話要last order, 淨係可以叫埋呢樣，我心諗你地唔係收11嘅咩? 點知之後個男部長係10點嘅時候過黎提我地而家先last order, 我幾想同佢講你同事一早已經唔收order 啦!我地一路食阿姐就一路推架車黎收，又唔問喎，未食完又照收! 頭先上菜嗰陣冇位擺又唔見你地咁很勤力? 一路食就一路煩，我知你地趕收工呀，都唔洗咁牙? 同埋你地寫你地收11點架!! 之後仲出超必添，熄燈!

同老闆去旺角開會，簽訂左一將大單，老闆話要食好D慶祝一下，咁即刻打電話去老闆最愛嘅百樂潮州BOOK位先，旺角新世紀廣場翻新之後靚左好多，好多大品牌都進駐呢度。坐先飲杯功夫茶，老闆即點一支白酒，話慶功點都要飲D。紐西蘭嘅白酒出晒名，呢支TE KOKO CLOUDY BAY就更加係好出名啦，果味濃郁，夠晒乾身。配潮州菜應該一流！滷水鵝肝，肉質鮮嫩，微微粉紅色，入口非常柔滑。胡椒豬肚湯，胡椒味好重，下火一流！潮式拼盤，細細份位上，IDEA幾好，有鵝片，香煎倉魚片，海蜇，龍鬚帶子鮑魚金盒，鮑魚中間釀有蝦膠料，潮州手功菜！

太座娘家的親友飯局 .... 要和不太熟悉的長輩出街食飯, 老人對食物的要求又高, 又要講派頭, 招呼又要好, 價錢又唔想貴, 真係難服侍…… 最大問題係點名要我揀, 我堅定不移的選擇了這間 百樂潮州酒樓 ~ 門面金碧輝煌, 夠氣派, 長輩必然會喜歡~環境裝修優雅舒適, 沒有土豪般的俗氣又不失氣派, 環境氣氛雅緻 ……Menu~功夫茶 $15無飲過功夫茶又點叫做食過潮州菜~酸菜、花生 $15起筷 ......潮州滷水鵝片拼豆腐 $148滷過的鵝肉充斥著滷水香, 不會有嗆口鹹味亦不會有令人聞到滷水料後頭痛的症狀, 最正是鵝肉滷至有皮無脂但鵝味是依然存在~  名菜, 會有不好食的理由嗎 ?滷水鵝肝拼豬蹄筋 $220豬蹄筋新鮮腍滑兼膠質重, 再加上有滷水香, 咀嚼時口感層次豐富~近乎入口即溶的鵝肝, 肝味濃郁香純, 質感細緻滑嫩 .... 奧義之味也! 杏汁白肺湯 $ 150每啖湯都蘊含杏仁精華, 入口順滑純厚, 豬肺腍滑沒異味, 感覺極滋潤~ 好湯!豆醬龍崗雞煲我是第一次品嚐這道菜的, 豆醬味道偏鹹卻又帶甜, 雞肉炆得腍滑入味, 配飯吃會是一流~ 反沙芋 $108一道出了名製作較複雜亦十分