肉餅哥小炒料理 (已結業)

肉餅哥於荃灣新開張之時，貪新鮮嘅我已一早走去試左。依家知道佢喺大圍開分店，就算幾遠都想去試吓。搭地鐵去到大圍站，一出站口，沿左手方向向前行，過馬路直去，好快就行到去美林邨，過左美林商場，就見到美食亭，黑底白字嘅「肉餅哥」就出現我眼前，美食亭外原來有個巴士總站，有地鉄、巴士，交通真係好方便！之前試過「足三兩花膠肉餅」，花膠份量十足，唔腥，炆得恰到好處，有咬感，所以今次極力推介給我朋友試，到時可以黐反一件落肚😜我自己就叫左「鮮味蟹粉肉餅」，店員好細心問我們想配什麼飯。我同朋友都選了菜飯。店員又問肉餅要煎定蒸，我選了煎，朋友選了蒸，以前唔知原來有得揀🙈。見微知著，成功的食肆就是在細微位用心。足三兩花膠肉餅真係「肉」如其名——「足三兩」呀！d花膠大大塊，大到遮住曬底層d肉餅。每塊花膠有成隻男人手掌咁大呀！花膠好彈牙呀！揀左蒸肉餅，呢度d肉餅好厚，朋友擔心肉餅太厚驚佢蒸得唔熟。我叫他放心，結果出來係蒸得恰到好處，教人食得放心。厚身嘅肉餅食入口真係啖啖肉，夠腍又有肉汁，大滿足！「鮮味蟹粉肉餅」揀左煎肉餅。肉餅側邊配大大嚿嘅白色椰菜花，成粒長洲大魚蛋咁大，賣相好吸引。蟹粉肉餅入口粉粉地，有d蝦膏嘅香

大圍美林都開咗間肉餅哥啦，相信唔少人都鐘意食肉餅，尋晚一入去坐滿曬人，好得街坊支持，地方夠大，食得舒服。小食-泰式無骨鳳爪，鳳爪size都幾大，total都有5-6隻，口感清爽彈牙，微酸，不太辣。原隻龍蝦肉餅，就咁睇個樣都幾霸氣，因為肉餅係煎既，所以食落好香口，另外用了龍蝦肉，食落肉質都彈牙鮮甜。黑椒雞腎肉餅，呢個真係幾有創意，食落味道不俗，會食到雞腎粒，係黑椒既調味下，更加惹味。最後叫咗個榴槤炸彈，嘿嘿，好邪惡，外皮穌脆，一咬即刻有榴槤蓉流出。

位于大圍嘅肉餅哥舖頭係好唔易搵嘅，駐立于高架橋側邊，但係店裡面好寬敞，好舒適，又明亮又乾淨。由於嗰日係大朝早去吃早餐，沒能品味到肉餅哥豐富嘅午餐同晚餐。呢度嘅早餐有各種面，牛角包，熱狗，菠蘿油，巧多士和歐陸早餐。我去食嘅歐陸早餐全餐，基本上屬於全英早餐，包括香腸，煙肉，炒蛋，茄汁豆，番茄，蘑菇，生菜，牛油多士。講真超好食！食材新鮮，組合合理，多士香脆可口，香腸煙肉嘅肉質感都幾好。我仲嗌咗一瓶新鮮芒果汁，整個早餐幾豐盛！

今次係第二次食肉餅哥 大圍呢間鋪面大好多裝修風格同荃灣店大致相同星期六晚市都好多街坊捧場 我地都等左一陣位肉餅哥既肉餅款式真世界級咁多 每次黎都有驚喜而家仲有其他料理款 堅係食極吾悶今次揀左2個特色肉餅肥仔之選:流心芝士肉餅($72) 我地揀左煎土豪式食法: 鮮味蟹粉肉餅($99) 呢個扮清淡要左蒸結論係始終的確香勁多 下次我會揀晒煎流心芝士煎完好香口 有種漢堡扒味流心效果做得吾錯 惹味得黎又吾會太過膩口至於蟹粉肉餅得一讚 真材實料面頭好多蟹粉食落好鮮蟹味 真心平時好少會食到咁有鮮味既肉餅配埋菜飯一齊食 成件事好滿足飲品方面有健康之選純椰子水$10幾喎 平時便利店買都吾止成餐飯食到好飽一人$100吾洗我覺得吾係貴喎 一定會KEEP住ENCORE

和媽媽到美林村探朋友，原來美林村有新式的冬菇亭，而且改裝得好有格調，適逢午飯時間到了這餐廳一試。餐廳門口已放滿了餐牌和介紹，其實早已聽心過蘋果新聞介紹過肉餅哥，但都是第一次試。門面都很吸引，很清楚易見。最初還以為餐廳是茶餐廳式經營，原來餐廳裡面都很有格調，與一般屋村餐廳有所不同。大大的玻璃窗看著街上的人走來走去，很有空間感，不會覺得焗束。簡單的裝修不失格調。原來這裡的肉餅菜式很彈性，每款均可以選蒸或煎的煮法，我們點了一個蟹粉煎肉餅飯。媽媽選了一個原隻波士頓龍蝦肉餅米粉。由於沒有蔬菜，所以我們多點了一個海皇雜菜煲。原來餐廳近來還做推廣，如果影相靚，餐廳會送一個月任食的通行證，第一次見這麼豪爽的餐廳，搏一搏就影張相到他的IG博。這裡的肉餅套餐是包飲品的。香煎的蟹粉肉餅很靚仔，餐廳煎香肉餅後放上飯面一層厚厚的蟹粉很香，雖然這飯相對其他餐廳的肉餅飯微貴，但單看這層厚厚的蟹粉，已知道值回票價。一試之下，蟹粉味道很香，煎香過肉餅的肉汁已滲到飯內，味道很好，很香，餐廳還提供肉餅飯不能缺少的甜豉油，一吃便不能停下來，味道絕不會咸，但蟹粉的鮮味卻十分鮮味留香。兩個肉餅飯放在一起已很吸睛，雖然名為肉餅，但

肉餅哥乃是荃灣的人氣小店，以數十款特色肉餅作招徠，算是薄有名氣。荃灣的位置稍嫌隔涉，但在本年中的時候選址大圍美林邨，一直也想找個機會試試。位於美林邨冬菇亭，位置比荃灣店更大。有幾十款特色肉餅，有傳統的如土魷肉餅、鹹魚肉餅、蠟腸肉餅，亦有創新口味，如好立克肉餅、蟹粉肉餅、鵝肝、黑松露帆立貝或龍蝦肉餅等等，可謂全港僅有的肉餅專門店。Asahi Draught ($28): 絕對是全城最抵，$28/pint 500ml，真心未見過甘平! 必點啊! 無論是味道或是口感均與坊間售貴逾幾倍的一樣。黑椒雞腎肉餅 ($69): 黑椒口味與肉餅真的沒甚麼違和感，而煎肉餅的肥瘦豬肉比例適中，蠻juicy可口，更有粒粒雞腎，蠻惹味，用來拌飯吃一流。鮮味蟹粉肉餅 ($99): 肉餅呈鮮橙色，賣相相當吸引，而表面還放有不少蟹粉蟹膏，除此之外，肉餅的豬肉餡料相信也是大同小異。古法支竹羊腩煲 ($128): 坊間的煮法及味道均大同小異，都是以柱候醬調味。羊腩件極之軟腍，應該炆了一段長時間，稍有羊羶味，但不夠鮮，建議可多加柱候醬增強口味。但整體已不錯。

因為有朋友住附近的關係，肉餅哥成為我們聚腳的地方。最大的原因是肉餅哥真的是「抵食夾大件」的推介，難得的是每樣菜色都能保持到水準，認真抵讚！ 一踏進門口便能見到「肉餅哥」大大個的招牌！內部裝潢簡單又富特色，很喜歡人手畫的餐單。當然看下餐單有什麼好揀啦!點好菜式後，每位必有一碗老火例湯，味道真的不錯，而且喝完段並不會感到乾涸，證明真材實料，並不是味精湯充老火湯。我點了最喜歡吃的「惹味鵝肝煎肉餅菜飯」，這飯已經不是第一次吃的了！喜歡它的鵝肝肥大肉厚，而且足足有兩件如此之多。且肉汁多，鵝肝味香濃。真係無呃你，鵝肝肉肥厚。肉餅當然保持到水準！煎到表層有少少脆身，內裡又能鎖住肉質。正！朋友點了「鮮味蟹粉肉餅」，外面的餐廳很多時都會「偷工減料」，只有少少蟹粉。但肉餅哥這樣菜式真的很足料，有令我驚訝到！蟹粉鮮味，配在肉餅上竟然能令味道相輔相成。肉餅肉質JUICY，配上蟹粉真是莫名的搭！我個人會俾5星，下次可以再點這菜餚！推薦推薦！！我們還點了半隻口水雞，最令我們回心微笑的是真係連雞頭也是半隻的，真係好認真！這款口水雞做到四川的辣味，同時又能照顧港人的口味。雞肉亦頗滑。真的會食過不停。我仲將肉餅沾口水雞

朋友介紹大圍有間專食肉餅既餐廳食過番尋味, 荃灣都有分店, 店內主打肉餅, 相信一定有綽頭.  今晚就專程請他帶路邊食肉餅邊聚舊.   餐廳在美林邨內, 火車站一條直路行去大約10分鐘, 唔係大圍友介紹都唔知屋邨內有好西.  以往既大排檔冬菇亭很熱鬧但較熱, 現在變靚了, 還成了一間間冷氣鋪, 也較衛生.店內座位很多, 間格闊落坐得舒服餐牌內可選既肉餅真係多, 除經典口味蓮藕/土魷/鹹魚, 你會發現好多大膽創意既配搭: 黑松露, 墨汁, 鵝肝, 龍蝦, 柚子, 好立克.......睇No.就知最新一個數字係34 花膠, 家常既肉餅可以變奏出34款出來, 真佩服.  我哋點選鵝肝煎肉餅配菜飯及羊肉蒸肉餅配南瓜粥.  初時以為係將鵝肝撈入肉餅, 原來係將煎香既鵝肝放肉餅面, 睇到都流口水.  而羊肉肉餅, 就係將羊肉混和豬肉造成, 羊味較淡, 怕食羊既都可選擇.  個人較喜愛煎肉餅, 比蒸肉餅較香口.南瓜粥味道偏淡, 質地似潮州粥.每塊肉餅超厚好像漢堡扒, 每人一份肉餅對於女士來講都頗多. 菜飯既菜頗翠綠, 和肉餅頗配.  食了咁多肉, 係時候要食菜, 要推介這個"海味雜菌雜菜煲", 蝦乾

肉餅向來是很多人喜歡的餸菜之一，幾乎每個家庭都會煮過。自小一看到肉餅就發瘋的我每次都會吃很多，從不厭倦。而今日巧合在網上找到呢間專食肉餅的小店－「肉餅哥」，就立即拉埋男朋友嚟試呢間肉餅店都算幾大，入面比較寬敞，不會讓人感到很擠迫。店內裝修亦十分有格調及特色，感覺十分舒服。不過地點不算十分近地鐵站，需要些時間找一下。在食物選擇方面，肉餅都有好多唔同款式。每一款肉餅感覺都十分吸引，亦可以選擇蒸或煮煎。另外，有幾種更加係餐廳推介嘅，所以我地當然揀佢地推介個啲啦！餐廳的職員都好友善，一入到去未點餐已經遞了兩碗湯給我們。這個是蓮藕湯，入面有一舊紅蘿蔔同蓮藕，味道來說都算是不錯。我地除了餸菜還叫了一樽番石榴汁來飲。味道不是太甜，有著非常濃郁的番石榴味，不過飲落去都算清新。鍾意食番石榴的人一來要試下！過了不久，我們點的足三兩花膠肉餅（＄108）來了。P.S. 我們選擇了蒸。上枱個下其實有點驚訝～ 估不到花膠的份量有這麼多，完整地覆蓋了整個煲，看不到肉餅的存在。面頭灑上了少量蔥增添了色彩，而花膠看上去都十分美味。我們吃的時候，要拿走些花膠才能看得到肉餅，而飯就放在最底部。味道方面，花膠都挺入味的，而且

我媽是一個不肯試新食物的人，有次告知她我去過荃灣肉餅哥食大大厚花膠肉餅後，她知道傳統肉餅都可以那麼多種配搭，她竟然好想去食呢。之前已經吃過荃灣店，第一次吃的時候感覺良好，味道不錯。知道大圍位置更近火車沿線的我，實在方便很多，於是帶媽媽去食。我倆為避開繁忙晚膳時間要等位，於是6:30pm 早早來到大圍美林邨，尋找翻新了的新派冬菇亭。進店坐下之後，就算未下單，店員都會快速送上例湯，每人一碗，是中湯，湯料足，不覺有味精味。霸王雞 (半隻) $88這個霸王雞，雖只是半隻，但件件啖啖肉，份量都算多。霸王雞肉質嫩滑，再沾雞汁吃很入味，吃到我媽大讚好吃有水準。足三兩花膠肉餅 (蒸) 配菜飯  $108我已不是第一次吃肉餅哥的足三兩花膠肉餅，上次及今次都是選用蒸肉餅，上次是在荃灣店吃，今次來到大圍，覺得兩間店水準相若，但若要真的要比較，我認為大圍店稍勝，加上大圍店座位空間感較坐得舒適。我媽第一次見這大大塊厚花膠，她不禁嘩了一聲。超大塊花膠，吃一半已經覺得飽，每次都是兩人一起吃都會吃剩。配菜飯是最佳配搭，大大粒菜粒夠爽口，飯味清甜，每次都想另外帶淨菜飯回家。不得一提，這店的肉餅是混雜切粒肥豬亅膏的，所以

是日天氣轉涼，要吃點米飯暖肚，決定吃點住家菜。地鐵站一出，要行大約10分鐘。穿過屋邨，只有一間肉餅哥食店，十分獨特呢！外型特別，很引人注目呢！餐廳內空間感大，座位很多，下午茶時段，客人也不少！甫坐下，侍應即奉上兩碗熱湯翻開餐牌，肉餅的確有特色，有蟹粉肉餅、帆立貝黑松露肉餅、吉列肉餅、鵝肝肉餅、龍蝦肉餅和芝士肉餅等，肉餅種類多元化，中西合壁，完全顛覆肉餅「老餅」的形象，務必成為「宇宙肉餅」點了兩份肉餅套餐，後來再追加一份芥末四季豆。四季豆都有驚喜！四季豆是前菜，冰冰凍凍的，十分爽脆，還有嗆嗆的芥末，好吃又開胃蒸足三両花膠肉餅首先花膠絕對是足三両，童叟無欺。我數過足足有四至五大片花膠餐牌介紹，單準備花膠要浸軟花膠，冰封花膠，炆花膠，要用上一百首歌的時間花膠很軟，咬下去不費勁，滿口的骨膠原，十分滿足啊！肉餅十分彈牙，肉質新鮮，鹹度剛剛好，不錯！潮州家鄉肉餅肉餅可以配白飯、米粉和菜飯，朋友選擇加2元配菜飯，這是不錯的選擇。因為菜絲新鮮爽甜，還有淡淡的鹹香，不俗！肉餅跟花膠肉餅不同，這款肉餅加了蔥花、香菇和花生末，口感豐富，配一口菜飯，簡簡單單，卻有幸福感跟餐加12元可以轉果汁，我們點了番石榴汁

食肉餅最好味餐廳位於大圍既肉餅哥， 位置對於我黎講都幾方便其實係東鐵站行過去都唔洗太耐 10至15分鐘左右D老火湯都幾好飲，火喉OK野飲我叫左枝野青水 幾好呀 因為我平時唔會買 咁咁岩見到就試下小食 : 迷你一口炸餃子同朋友一齊SHARE 食最開心份量都OK 每人幾粒 幾好食點D沙律醬食 口感一流朋友就叫左個 另一款肉餅望落都幾正因為我個人都幾喜歡食鵝肝 所以一見到有鵝肝就決定叫惹味鵝肝肉餅 有少少油 但岩曬我心水鵝肝大細份量足夠 好食 ^^我一定會叫煎肉餅 我覺得煎先夠香口 肉味更加正肉餅哥 始終都係我覺得最好食既肉餅餐廳價錢又合理 抵食 一百以下 又夠曬飽肚位置又方便 我食完都有POST 上FD 吸引朋友食喔^^ 

其實也不是第一次吃肉餅哥,也不認為肉餅哥特別好只是,偶然總會心血來潮來到這間已經不再冬菇的冬菇亭緬懷一番緬懷甚麼?也許是人大了很難再吃得到的住家味道吧秋意正濃的這晚喝上一碗家常的老火湯會越飲越暖的,也許,不只是酒與友人分別點了鵝肝肉餅和蟹粉肉餅,都是煎的其實肉餅哥最大的優點是水準穩定,也沒太多好說的這裡的煎肉餅比蒸肉餅實在好太多蟹粉雖香,卻略嫌不夠鮮味鵝肝則略膩煎肉餅還是一如既往－油份過多吃到最後,看到碗底的油,罪惡感便「油」然而生減肥人士小心因為來到這裡即使你罪惡感,你還是會忍不住吃完這裡有點必需吹毛求疵地一說的是配菜的西蘭花和椰菜花實在不濟應是預早灼好備用喜歡日本菜,正確來說是喜歡在日本吃日本菜其中一個原因就是喜歡他們的一絲不苟大至主吃,小至前菜,甚至是配菜,無不真材實料,絕不馬虎但也明白成本問題,還有香港人一直以來最「值得」自豪的高效率文化所以也沒怪店家,反正也不是甚麼貴價餐館小時候總期待在外用餐人大了,在外用餐的機會多了,卻總會掛念起住家菜來在這裡最令人回味的,也許不是這裡的味道而是能在這裡吃上一道家常的肉餅,喝上一碗家常的老火湯在煩囂中緬懷一下曾經熟悉的味道吧

大圍呢個地方真係極少黎, 是日要去探朋友, 朋友推介附近的 ”肉餅哥” 話好好味, 心諗, 只係得肉餅會唔會dry左啲? 不過見朋友誠意推介就去試下啦!嘩~ 去到見到個餐牌簡直嚇親, 有幾十款肉餅選擇, 好多肉餅都係創意食物, 真係第一次見識到, 花多眼亂, 最後選了兩種肉餅.足三兩花膠肉餅配南瓜粥見到上面舖左厚厚三大塊花膠, 性價比極高! 咬落去, 花膠軟淋淋, 吞落口有點”張” 住喉嚨既感覺, 真係好食!!加埋茨汁調得好好, 用黎撈飯一流! 南瓜粥質感比較水水的, 有淡淡的南瓜味, 食完咁多肉後配呢個弼感覺好好, 唔會heavy!原隻波士頓龍蝦肉餅配飯原隻龍蝦賣相幾靚, 雖然龍蝦唔算好多肉, 但肉質鮮甜. 部分龍蝦肉混左入肉餅𥚃面, 咬落去有啖啖龍蝦肉味, 唔算很濃味, 但味道尚算可以. 但個飯就比較乾

終於有機會黎食肉餅哥啦, 之前聽佢個名都聽唔少. 前兩日剛好有機會同朋友一齊黎試下傳聞中的肉餅, 果然完全冇令我地失望!  我人生中認識的 “肉餅” 都係得果4,5款. 但原來老闆竟然創造出咁多唔同風格同特色味道的“肉餅”, 果然厲害! 足三兩花膠肉餅 配 南瓜粥 花膠份量好足好澎湃, 足足有三大舊! 而且燘得好腍好軟滑, 入口滑嘟嘟,膠質非常重非常黏稠，啖啖都好漿口, 感覺超養顏~  而底下的蒸肉餅都一樣咁大件, 差不多有一吋厚. 肉餅的肥瘦肉比例配得剛剛好, 所以入口感覺好鬆軟，唔會硬實實地。可能因為没有落太多的味精調味料的關係, 反而肉的甜味好突出. 而南瓜粥煲得好軟綿, 淡淡的南瓜味.  原隻帆立貝黑松露肉餅 配 米粉 黑松露肉餅一樣係入口鬆軟, 除左肉味外仲多左陣陣的黑松露香味. 原來唔只肉餅上面係有一舊黑松露醬, 而肉餅裡面都有混合左黑松露, 所以每一啖都好香, 好惹味~ 雖然叫左煎肉餅, 但外層一D都唔會覺得油, 仲有脆卜卜焦香的口感 ~ 而上面粒帆立貝都幾大粒, 一樣煎得好香. 而配上的清湯米粉 都唔錯, 米粉唔會話好碎, 口感幾爽滑, 唔會一PAT PAT.