鍋居火鍋專門店 (已結業)

今日出深水埗，看見一間平民化的火鍋店便入去試試。店員細心安排座位，見我們購物後一袋二袋亦主動拿椅子給我們放好，又主動送上熱水碗給我們洗杯洗碗，招呼非常周到 。我們先點了生蠔，店員送上時樣子非常詫異，表示從業多年未見這麼大的桶蠔，一桶只有兩隻，非常壯觀。更提醒我們需要較長的時間才能淥熟，大約需要八分鐘，之後我們都急不及待一口咬開， 非常多汁鮮甜， 完全沒腥的感覺。另外亦每人叫了一隻蟶子 。吃海鮮就是為了有人準備好， 不用自己開及清洗，是次店員主動為我們淥， 原來只需數秒便可進食，非常爽口鮮甜沒有沙。手打芝士牛丸一碟有八粒，我們二人吃每人吃了四粒。牛丸非常有肉汁， 彈牙，芝士份量亦不少。

今日去深水埗黃金買嘢、突然心血來潮想去打邊爐就上網搵吓附近有冇一見就見到鍋居、又近識玩食字已經吸引左我、就過咗一條馬路去會一會佢。一坐低服務員好識做、夏日熱辣辣就問我哋飲唔飲啤酒凍飲、雖然我唔飲啤酒但係見到最近勁HIT嘅藍妹啤酒換領站、即刻上佢個網登記做會員就送兩支、不過我哋唔飲酒所以嗌左一扎自製嘅蘋果雪梨茶、唔太甜又真材實料值得一讚仲要夠凍添。叫得鍋居真係好多鍋選擇、我哋仲叫咗個鴛鴦鍋、分別係成都麻辣鍋和香茜皮蛋、不得不讚嘅係佢嘅辣到可以叫侍應不斷加、加到你覺得夠辣為止。好肚餓、兩個人叫咗好多嘢、有醉雞、鵝腸、黑柏葉、豬天梯、脆肉鯇魚腩、不得不叫嘅係自家製四寶丸因為好多汁、仲有即叫即炸嘅響鈴同埋特級手切肥牛、肥牛同荃灣楊屋道街市某某出名牛肉店的肥牛一樣咁好食😋重點係唔洗排隊價錢又唔太貴。其實食咁多火鍋店、呢一間服務估唔到佢咁好、諗住是但食個火鍋、點知道佢嘅服務比到酒店級我、食到咁上下又會幫手換碟又會幫我哋撇油、呢一餐火鍋係我會記得嘅一間。

今晚去深水埗打邊爐，第一次食呢間餐廳，地理位置都幾方便，喺地鐵站行幾分鐘就去到了。以為夏天會冇乜人打邊爐，點知七點幾去到嘅時候都差唔多full house ，好彩有book位。湯底方面選擇左雙拼湯底，係芫荽皮蛋拼麻辣湯。店員推介自家製蘋果雪梨茶，飲得出係新鮮揸的，感覺上冇落糖水，好真材實料。其實呢度打邊爐配料選擇都幾多，價錢好合理。頂級手切肥牛啲雪花好靚，油脂均勻，食落去感覺上入口即溶！第一次食豬天梯，好爽口，錄1分鐘已經食得！手打四寶丸同水餃都係手工制的，好高質！鵝腸同黑柏葉都好新鮮，又係碌幾秒已經食得響鈴係即點即炸，分量超多，我哋兩個人爭啲食唔晒，配上麻辣燙，響鈴吸收晒辣湯嘅精華，好入味！仲有呢度嘅店員服務好好，好快手地幫我哋換碟同埋加湯，又會主動幫我哋撇油，好窩心！

今日勁想打邊爐🍲，想就要做，所以放工夜晚就去食，揾左間屋企附近既，近近地食完返屋企。去到餐廳，入面差唔多坐滿，好彩一早book左位。同女朋友兩個食得唔多，亦都唔想做大哂鬼，所以只係叫左一個鴛鴦鍋，一邊係麻辣湯底，另一邊係芫荽湯底，熱氣，清熱氣，啱啱好打個和🤣。食物叫左炸魚皮、響鈴、手切牛肉細份、新鮮螺肉、墨魚滑、韭菜豬肉餃、仲有油麥菜，同埋兩隻避風塘鮑魚，熱食既，肚餓諗住食左啲熟食先。食物都唔算耐就黎到，首先係炸魚皮、響鈴、油麥菜，有時出面啲響鈴好似擺左好耐，淋哂，好彩呢度嘅響鈴仲脆，魚皮都係新鮮炸既，唔錯；油麥菜正常，至少乾乾淨淨。跟住手切牛肉、螺肉、墨魚滑都上枱，咁我緊係即刻淥一淥手切牛肉，牛味濃郁，冇筋，肥瘦適中，本地牛真心好食😋 螺肉都好新鮮，鮮味十足又甜，推介。螺肉食完再食墨魚滑，就感覺被比下去，雖然都好食，但螺肉鮮甜好多。跟住韭菜豬肉餃，睇賣相都知係人手包，至於係咪自家製就唔知，但食落算啖啖肉，冇乜味精，唔錯，可試。最後先上避風塘鮑魚，原本係諗住未食得住，先食左個熟食鮑魚，點知最尾先黎，不過唔緊要，一上就當然要即食，係新鮮既，但感覺煮得熟得濟，有啲韌，所以可試可不試。

看見朋友去吃火鍋，其擺盤、餐牌等等都很浮誇。但對我而言，吃火鍋不需花巧，平平實實就可以了。今晚來到深水埗的「鍋居火鍋專門店」，8時到達已滿座，所以天氣並沒有影響人對火鍋的熱情。*醬油 $18/位**餐前小食 $12* 食火鍋麻，叫樽下火清熱飲品是常識，我們點了餐飯自家製的《蘋果雪梨茶 $35/jar》，清甜健康，底部有果肉的沉澱，鮮果製作。湯底點了《金銀菜豬肺鍋 $98》，清甜之餘，湯中又有嫩稔彈牙的豬肺。《桂花蚌拼珊瑚蚌 $118》這個必點，新鮮爽口，好吃！我是魚控，不多火鍋居有白鱔片，那我當然要 點！《白鱔片 $88》- 鮮嫩爽口。《鮮大魚卜 $48》特吃喜歡吃魚卜外層又嫩又滑的皮衣部分，而肌肉有嚼感。《蒙古牛肉片 $58》我不吃牛肉所以朋友獨自享用他喜歡的羊肉，色澤新鮮，無羶味。《韭菜餃 $48》每夥都飽滿，咬開有肉汁，韭菜又多，好吃。《嫩滑鴨血 $38》滑溜不易夾散。《野生竹笙 $58》吸湯好吃，十分爽口。店員友善好客，食物又不錯，怪不得夏天閒日晚上都坐得滿滿！

當日在深水埗黃金電腦商場閒逛，太太隨後下班來到，便和她在附近找餐廳食飯，走到對面馬路不遠處看到有幾間餐廳，最後來到這家街坊火鍋店位置：福華街欽州街通往九江街段，比較寧靜，但其實在黃金商場對面馬路不遠處，由深水埗港鐵站D2出口走路約5分鐘環境：餐廳面積不大，中式傳統酒樓裝修，主要客人是附近一帶街坊，客人比較隨意，會大聲高談闊論，亦會喝酒玩啤牌等，盡是讓人放鬆的環境服務：入座後侍應會遞上熱水給客人洗碗筷，上菜後不時會幫忙加湯、倒茶（飲品），更會主動幫忙淥熟如蟶子這些不易控制火侯的食物。另外，侍應們會跟客人互動、敬酒、談天說地等等，人情味濃食物：中式火鍋店主要還是牛肉及海鮮等食物，當然要試試她們的手勢咸菜胡椒新鮮豬肚湯 $98胡椒味香但不算重，豬肚真的非常新鮮，就算煮很長時間仍然軟滑易入口，而且本身洗得很乾淨頂級手切肥牛(細) $198肥牛一看就覺得很不錯，油脂分佈平均，肉色亦夠紅潤。煮過後肉質軟滑，亦有牛香，味道不錯蘇格蘭蟶子王(隻) $48蟶子大隻而非常新鮮，肉質結實，侍應幫忙淥熟後軟滑順口，鮮味十足日本清水生蠔 $78份量多而且看上去頗新鮮，溶雪後亦沒多少縮水，吃下去有海水味，生蠔大隻

香港人鍾意打邊爐，一年四季，總有打邊爐的機會。陪朋友到深水埗買燈泡，他提議到福華街的『鍋居火鍋專門店』邊打邊爐， 邊傾心事。店內走中國風， 隨處可見中式木屏風擺設，牆上更掛著 『中國飯店金馬獎金獎』牌匾，認真威風，店內坐滿8 成客人，店主及店員滿埸幫客人倒酒及煮海鮮，非常熱情。朋友雖衣著光鮮，內裏卻十分傳統，湯底他要求咸菜胡椒豬肚湯 $98，點好火鍋料後， 自選醬料上場，熱水洗碗筷， 我們都忙得不亦樂乎，也許這就是打邊爐的樂趣所在，哈哈。🎯日本清水生蠔 $78大大隻的日本生蠔冰鎮住上枱 ， 非常體面，價錢竟然不用10 元一隻，抵食，煮熟後生蠔有點縮水，入口質感肥美，海水味濃。🎯大蝦雲吞 $58餐廳每日鮮製，非常新鮮，隻隻脹卜卜。雲吞內有韭黃，豬肉及爽口鮮蝦，鮮甜中帶有韭黃的清香，不錯。🎯特製水餃皇 $58水餃皇餡料更豐富，有木耳，冬菇，豬肉和鮮蝦，層次分明，比雲吞更有咬口。🎯頂級手切肥牛(細) $198這裏的肥牛有三個級別，分別是手切/頂級手切/至尊手切肥牛，認真講究， 這碟頂級肥牛雪花分佈平均， 色澤紅亮，放入鍋中輕煮幾秒，沾上調料， 入口軟滑，牛味香濃，連牛魔王朋友都讚不絕口，至尊

好耐冇同朋友去烚吓烚吓！今日比我同朋友喺深水埗搵到呢間性價比高火鍋店！調個豉油先！老闆推介蘋果雪梨汁一榨！清熱下火我哋點左喇沙湯底個人來講打邊爐點午餐肉係必須嘅，肥仔黎響鈴同炸魚皮都係必須掂的！睇吓幾大份！每份都係30幾蚊炸！而且佢哋冇炸過嘅油益味！呢個水餃幾好味，入邊有好多木耳絲個人比較鍾意食木耳芝士牛丸，入面包芝士㗎所以食嗰陣要超小心佢粒牛丸都幾彈牙講到牛一定要講佢哋嘅手切肥牛啦⋯⋯睇圖都知係靚野啦啲雪花脂肪咁均勻！識食落好有牛味蝦滑都唔錯㗎不過比較麻煩要自己整落個鍋度，但都約彈牙！叫咗份脆肉鯇比朋友食佢話唔錯！因為我驚骨，所以冇食！開心又食完一餐！推薦大家黎食！

一早聽聞深水埗多好野食，今次朋友帶路黎打邊爐🤤坐低唔洗諗，香港邊爐例牌鴛鴦鍋: 芫荽皮蛋加沙嗲🤩d芽菜索晒味勁惹味😆沙嗲湯底嘅好朋友🤗全部大大件，食得出係尼度自己炸，唔係盒裝珊瑚蚌份量都唔少，夠新鮮，淥10秒就食得，好鮮甜🤤墨魚滑上嘅蟹籽份量又係十足，食落彈牙，略嫌鹹咗少少🤏🏻重頭戲手切肥牛🤩🤩勁好食！滑嫩重牛肉香，肥嘅位置食落仲有少少爽口，一點肥膩感都冇，推介！想叫聖子但賣晒，食左尼份侍應姨姨極力推薦嘅椒鹽鮑魚，鮑魚彈牙惹味，想送酒嘅人可試一試最後飲左2揸佢地自家嘅蘋果雪梨茶，好消暑解渴🤤

自從限聚令以黎，好耐都未同朋友出街打邊爐啦。今日心思思，同朋友約左深水埗鍋居放縱一下。椰青礦泉水走地雞鍋。非常獨特，有店員即席開鍋，先𠝹開椰青，再混合礦泉水，最後雞落鍋，雞件浮起，滾出黎係金黃色。走地雞好處係脂肪唔多，肉質鮮嫩，令整個鍋底好清，冇乜油。野生竹笙。打邊爐必備之物，無論滾幾耐都爽口彈牙，吸盡湯汁精華，味道濃郁，愈食愈好味。蟶子王。新鮮又大隻，店員怕我地唔識整會整到太熟，專程幫我地焯埋，勁有心！蟶子夾起黎入口啖啖肉，齒頰留香。鍋居至尊手切肥牛。肥牛係打邊爐必備之一，手切肥牛有順紋理而切，更好地保留牛肉質感同口感，而且留有一定厚度，可以鎖住火鍋湯汁，滋味！經過一輪大戰，飲番杯自製蘋果雪梨茶潤一潤喉嚨，既可以冇咁熱氣，又可以甜一甜中和一下。今次深水埗鍋居有驚喜，價錢合理坐得舒適，而且食材都算靚，下次會再約朋友黎聚，推介！

第二次光顧鍋居了，幾懷念呢度，因為上次食已經係第一次禁堂食之前。呢度畀我嘅感覺就係食物好大份，而且湯底好夠味，服務員好積極今次同另一個fd黎食，揀咗叻沙湯底，由於佢唔食羊同埋大部分內臟，所以今次都冇乜揀今次飲品都係蘋果雪梨茶，呢度嘅夥計好積極推廣蘋果雪梨茶，我估佢地怕賣唔曬會浪費掛...anyway，味道係唔錯嘅，唔會太甜，解膩健康先講個叻沙湯底，香料味濃，幾明顯嘅咖哩味，而且同上次經驗一樣，個湯係越煮越濃，基本上d食材碌完之後都唔洗點咩調味手切牛就必點架喇，牛靚唔靚真係唔係多講，睇圖就知，隔離檯見到都讚，碌兩碌就食得，嫩滑肉香味濃，然後係芝士手打牛丸，彈牙但唔會死硬，入面嘅芝士好傑身濃郁，不過有少少黐牙脆肉蜿係我打邊爐一定會點嘅，脆身彈牙鮮味足，只係得好少細刺呢個豬頸肉超級爽口，但係比較重口味，因為佢油份好足，兩個人食嘅話我會覺得少少heavy午餐肉正常啦，佢呢款係普通有肉絲嗰款墨魚滑都係必點嘅，鮮味彈牙響鈴同埋炸魚皮真係超級大份。。。我地2個人食嘅話，感覺多咗少少，所以如果兩個人食嘅話，我覺得呢度2選1應該會好夠。我幾鍾意呢度嘅響鈴，香得黎唔會好大陣油味佢嘅餃子王係幾驚喜，我一般打

作為邊爐愛好者，雖然開始熱，但都阻唔到我內心嘅邊爐癮。手切肥牛唔使講一定係有咁大要咁大，賣相都好對板，油脂分布好靚，肉味濃。韭菜餃同水餃都有驚喜。 首先唔係雪到硬晒，無論內餡同皮都感覺到係今日新鮮自家製，足料好味，打邊爐食都唔會覺得晒quota。蝦滑真材實料，仲有啖啖蝦肉。 有機會想試埋其他滑同手打丸，感覺隨便叫都會好食咁。桂花蚌同珊瑚蚌非常新鮮彈牙，平時去酒樓嘅小菜得幾塊都百幾蚊，呢度食極都有，好抵食。蔬菜類叫咗雞髀菇、娃娃菜同蘿蔔片，30有找嘅價位居然超大兜，兩個人食真係唔好貪心叫咁多款菜，一兩碟就夠晒。尤其推薦呢度嘅招牌沙嗲湯底，絕對唔係普通幾十蚊求其溝啲鹹鹹地嘅水就算數，而係真材實料濃郁惹味嘅沙嗲。 就咁一個湯底已經搞掂晒、夾所有嘢食，食過返尋味。

收工同朋友去深水步打邊爐, 點左2個鍋底, 一個荽茜皮蛋, 鮮味清熱. 一個沙嗲鍋, 香口惹味.打邊爐邊點牛, 所以點左個併盤同一碟肥牛有牛肉都好新鮮, 嫩口, 而且價錢唔貴. 好抵食.另外點左D特別食材.魚卜 - 十分罕有, 通常要同街市熟悉先留到俾你. 魚卜俗稱平價花膠，外軟內爽而且營養價值高。它含有豐富膠原蛋白質，兼且低脂肪、低膽固醇豬腰 - 又一罕有有食材, 深受人們的喜愛，這不僅是因為它有特殊的味道，更因為它有豐富的營養，具有養生保健的作用，特別是保腎的作用

今天與好姐妹外出約會，晚膳時許久沒有吃火鍋的她便嚷着要去打邊爐，理所當然我便陪同並推介朋友盛讚過的鍋居餐廳，而且店內的主打食材皆是屬自家精心製作的出品，因而我們便特意前來品嚐。餐廳門口是落地大玻璃設計，內裡裝潢光亮舒暢，再配搭上多幅中國風的方形雕花掛飾，還有舒適的墊子坐椅，整體予人感覺簡約整潔。火鍋湯底湯底點選了雙拼，分別是豆腐清湯鍋、招牌沙嗲鍋。清湯鍋色澤呈現微微乳白色，配料有粟米和娃娃菜，飲用時甘甜清香，鮮味十足。沙嗲鍋配料可見有着大量芽菜，食用時甚為入味爽脆，而湯底味道則甜中帶辣，鹹香濃郁。野生竹笙竹笙又稱竹參或竹蓀，是一款營養豐富的名貴食用菌，主要是寄生在枯竹的根部，其外觀大條寬闊，表面佈滿多個小孔，咀嚼時爽嫩清香，脆甜芬芳。手打鮮蝦丸鮮蝦丸是餐廳的主打款式，屬自家的手打出品之一，奉上時一碟八顆，入口食用可嘗到豐富蝦肉，並且蝦味濃郁出眾，口感則新鮮爽彈，滑溜鮮嫩。珊瑚蚌端上可見一盤滿滿的冰鎮珊瑚蚌分量充足，其呈現橙色的色澤亦甚為搶眼，它們其實是海參在海裡面對敵人時排出體外的腸臟，所以又名為海參筋。口感脆爽彈牙，鮮甜香嫩，絕對是貨真價實的食材。頂級手切肥牛肥牛是師傅自家手切的，可

好多時食連鎖火鍋店都好易有種粗飽嘅感覺，想搵啲有質素嘅火鍋料，我就會試吓名不經傳嘅小店。招牌沙嗲鍋 拼 番茄粟米鍋 ($68)沙嗲湯底必叫，超濃味，所有食材一放咗落去就即時入味，但又唔會死鹹或者蓋過食材原味，非常正。 番茄粟米鍋就比想像中清淡，應該係靠淥左嘢食之後帶出甜味，但係心急如我都係直接落晒去沙嗲湯底算。頂級手切肥牛(大) ($248)同一般火鍋店靚嘅手切肥牛一樣，大大塊厚切又腍滑，幾有牛味，呢個份量性價比好高。桂花蚌拼珊瑚蚌 ($118)平時好少見呢款火鍋料，本來怕腥，但係一試難忘。 大約10秒捲起就食得，珊瑚蚌夠大塊爽口，比桂花蚌濃味。 不過我鍾意桂花蚌多啲，因為夠厚身，好似食緊海鮮升級版超鮮甜嘅大花膠咁，絕對會為咗桂花蚌返轉頭。 蟹子鮮蝦滑 ($78)一個字講晒：新鮮！ 蝦滑入邊仲有原隻大蝦，完全係阿媽係屋企整俾你食嘅水準。鮮黑柏葉 ($68)爽口有牛柏葉鮮味，如果可以切得大塊啲就更好。響鈴($38)同蜂巢冰豆腐 ($38)都係吸味之選，前者炸得香脆唔油膩，後者食到一層層嘅口感得黎都算軟滑，幾有台灣嘅感覺。平時食開幾十蚊得兩舊嘅舖頭，呢度碟碟都咁大堆頭，食到捧住個肚走，值得