Top Blade Steak Lab (梭椏道)

營業中

休息中

今次比我發現間唔錯嘅扒房，首先位置就係旺中帶靜嘅位置，係培正同油站對住條梭椏道，絕對唔難搵，門口重有椅座，好味嘅自然多人等，內裡嘅裝修好有特色，好Raw，用通花水泥磚間開卡位，上面透光通風之餘下面保持卡位私隱，而座位亦都舒適，首先這裡點餐後有個特色地方，就係任吃新鮮炸薯條，餐牌上主力吃牛扒，當然重有豬同羊嘅選擇配合不同人嘅口味，但今次入了來當然就係試吓個牛啦！就點了個390日谷飼Prime級牛扒$248，因為呢啲牛肉係無受任抗生素及荷爾蒙嘅影響催化生長，嘅然食就要試吓同平時嘅有沒有分別！另加多$38，送湯同soft drink ，最先店員送上香脆嘅薯條，入口香脆，食真啲除了香脆外重隱約帶少少黑松露嘅香味，原來他們在薯條上加了少量嘅黑松露粉，真係十分滋味！而店員會不時將剛炸好嘅薯條向食客補充，當然你可以唔加啦，而我就...加了幾次！因為實在太好味啦！跟住上了個忌廉磨菇湯，個湯亦好香滑，重點係啲菇好多之餘亦好煙韌爽口，較晒口感！嘩主角上場，medium 嘅Prime級牛扒，中間已切開，明顯見到裡面充滿肉汁，旁邊伴住個特別嘅醬汁，加埋香滑嘅薯茸，同埋啲西蘭花同甘筍賣相真係好靚！而切開入口時感

今日出旺角，心血來潮想食牛扒，搵到呢間top blade,晚上7:30左右黎到，好彩仲有位，下次黎之前都係訂定位。如果一個人黎，仲可以選擇坐BAR枱，都嘅有feel嫁坐低後，店員會詳細介紹每一款扒，我同女友分別揀左390日谷飼PRIME級牛扒，同客席主廚平鐵牛扒。店員會建議各款牛扒的生熟程度，當然你都可以按喜好選。每份扒仲可以加$38選湯、沙律或汽水其中兩款，沙律菜配上黑醋開開胃～呢度除左牛扒係重點外，另一樣特色嘅就係薯條係可以無限添加，薯條灑上松露鹽，而且新鮮香脆。我地叫既兩款牛扒都配有牛仔骨加忌廉淆成嘅醬汁，令牛扒肉味更香。五成熟的PRIME牛扒油脂較多，燒起炭燒味較重，肉質亦較腍，外香內嫩，和味和味！另一款，客席主廚鐵iron steak,我地要既係7成熟，食落牛肉質感較強，食得出牛肉本身嘅纖維，肉味亦比較濃。最後我地仲食左甜品，熱情果蛋白批，微酸的熱情果配上打起綿滑的蛋白，味道清新，因為面頭係蛋白而不是忌廉，食落唔會太甜膩～

🐮 NO STEAK NO LIFE. 🥩 打正旗號得扒食！有兩款口味，分別係香草同客席主廚(Jamie oliver 推介烹煮口味)口味用上flat iron (牛肩膀) 。至於點解叫flat iron 係因為牛肩膀一切左出黎，個形狀就好似熨斗咁，所以就叫flat iron la. 每一份牛排都有煎到均衡的粉紅色，可見技術一流，外脆內軟，緊緊鎖住肉汁。店內還有無限添加的新鮮出爐的薯條，每一條的沾滿松露鹽，令人停唔到口。不過最好早少少去食，如果唔係晏啲就開始多人家啦！#chexeat

那些年每天何文田上學，很喜歡到一些寧靜的小街搵食，其中梭椏道於旺角與何文田交界，可以話係旺中帶靜，直到而家我久不久都會經過，有次見到一間新開的扒房，門口大排長龍，搞到我心思思都想試吓終於搵咗平日六點幾帶屋企人去 dinner，咁早去到都已經七成滿座，真係好期待出品呢！餐牌唯一的主角，雜誌曾經介紹過每一隻牛只有約 5公斤的 Flat Iron中文譯作平鐵牛扒。又學多樣新野即刻落order再要多個daily soup 平衡一下。仲有一樣幾特別嘅就係無論你 order 哪一種 main ，也可以 all-you-can-eat-fries 店員會自動 refill, 任食白松露鹽~~~調味的薯條，薯條仲要係即炸熱辣辣，真係滿滿的白松露香味四溢餐廳主打的 Flat Iron 牛扒，其實就是牛肩膀，我好好奇點解叫 Iron， 原來賣相真係有啲似熨斗喎聽講因為較多筋，處理工序比較麻煩，被三條小的筋包圍住，每一塊都要用人手去起筋，真係功夫菜式呢！香港人手咁貴，所以就比較少地方食得到啦！雖然餐廳只賣一個部位的牛扒，但呢個部位的牛肉真係好軟滑。當晚我選擇了 guest chef's flat iron

老公話今晚想食扒, 好啦, 佢話想試呢間, 咁就去啦! 不過冇諗過要等成個鐘囉...(好彩阿仔訓緊覺叉電, 起身餵佢食完粥之後唔係等左好耐)店舖其實好細間, 枱與枱之間都拍得好貼, 其實冇乜私隱度, 難怪要等咁耐既...呢間店好適合有選擇困難症既客人, 因為佢都冇乜選擇俾你諗得耐, 冇錯, 就只係得兩款食物俾你揀. 點餐後, 先黎一個餐湯, 味道唔錯! 好濃郁的忌廉菇湯! 之後職員就為我地加薯條, 呢度係可以任食薯條架! 質素不比M記差! 呢個煎pan就係用黎裝薯條用!牛黎喇! 呢個係$188價錢, 牛扒下有一舊薯蓉墊住, 牛扒肉質好嫰滑, 而且有牛味, 唔會太UN, 生熟度適中. 墊底既薯蓉也好好味! 好夠咸, 而且好軟滑.另一塊牛扒, 百零蚊的價錢, 質素合理吧! 當然冇$188咁好食, 但都算可接受!(店內壁燈)

叫左個$188, $150牛扒, 一份沙律, 可樂, 同啤酒, 唔洗$500。牛扒好好食, 當然可以再好食D, 不過一定唔會係呢個價錢, 所以呢個價錢食到呢個質數係絕對冇缺點。我最鐘意係待應會教埋我地向邊個方向切件牛扒, 我覺得非常貼心! 比個LIKE靚女待應~餐廳細細, 但係坐得好舒服, 感覺好好, 最緊要係唔太嘈!待應服務一流, 好好禮貌, 食得出一份人情味同埋誠意!我平時唔會寫食評, 今次真係忍唔住要讚!!加油, 好生意!!

這間餐廳有幾火紅有名, 我就不囉唆了。 直接來的原因是好朋友有了身孕不想食海鮮, 我就提議來食牛扒. 牛是富有高蛋白食品又含鐵和鋅, 還有葉酸, 總之對孕婦好處多到不得了, 哈哈我應該選對地方當晚店員介紹有新 menu 推出 <390日谷飼Prime級牛扒>  因為見到是限量供應所以二話不說立即想試。加上有孕婦朋友在場, 選擇食冇抗生素及荷爾蒙的牛, 心理及感覺上會稍微安心一點。 經炭烤後感受到有淡淡的碳烤味, 表面微鹹, 內部肉的熟度也拿捏得剛好, 呈現微粉紅的肉色, 肉質多汁有嚼勁,  蘸鹽粒或是蘸上醬汁也相當美味本身餐廳主打 <客席主廚平鐵牛扒>  經典美式的料理處理手法, 大火下炭烤, 牛扒表面呈現炭烤後刻下的格仔紋, 賣相已經相當吸晴總括來說, 牛扒份量剛好, 不會因為份量太多, 擔心咬到牙關軟或過膩的感覺, 這個親民價錢又能夠食到優質牛扒,  真是造福喜歡食牛的人仕  

話說呢間餐廳冇訂枱服務，所以我只好今晚walk in。 18:20 到達當時落住微雨，所以就算未齊人都畀我先坐低 👍🏾。 朋友於18:40到，我哋4人於18:45 落order 叫嘢食同一支紅酒，食物質素以呢個價錢嚟講真係唔錯。19:50服務員同我哋講「由於有好多人等位，而用餐時間係一小時，但我哋有4人都畀我地坐一個半小時，所以要我哋畀錢走人」，成個過程都係有禮貌嘅，但成晚由我入餐廳坐低開始都冇人同我哋講「限用餐一小時」，我覺得有問題，如果佢早講的話我哋未必會叫支紅酒因為佢叫我哋走時仲有3分1支酒，又或者去第二間餐廳，起碼有得選擇，但而家我哋要係5分鐘內飲晒畀錢走人！ 老實講，大家明白而家香港地好多餐廳都有限用餐時間，只要事前溝通清楚 ok 咪食，唔ok 咪第二間囉其實係冇問題嘅，但冇講清楚就唔得囉。 本人覺得呢間餐廳只適合快餐人仕，係咁多。

今日去開旺角近何文田做野，一心就想試下最近好多人講嘅呢間小店。我覺得食店做好一道招牌菜唔易，而獨孤一味賣一種菜式更難。可能開業好多人會黎試，但係以後就要靠回頭客支撐，所以一定要做得好好先會令人再次幫襯。小店雖然在橫街但係唔算難搵，去到門口已經有2位女士等緊佢開門！我好快就決定左點5成熟牛排配薯條。之前有朋友食過話D薯條初炸起勁正，食到停唔到，我一試之下發現薯條係連埋小小薯皮，即是唔係麥記用薯粉溝出黎，而真係原隻薯仔削出黎咁。問左小店老闆佢都話呢種薯條正先入貨。好啦~等左一陣主角終於黎啦～果然叫5成熟真係5成，冇over cook!好多廚師因為怕客人投訴而故意煮熟多小小，而呢間就冇，廚師對自己、對客人都好有信心。牛排的伴碟是rosemary同海鹽，牛味很濃。我見旁邊2位女士加黃芥辣，個人覺得黃芥辣味道太搶，會喧賓奪主，除非牛的質素不好，如果唔係就唔點芥辣了。小店老闆幾健談，希望佢地一直都做得咁好。LIKE!

星期日既夜晚 男友睇完篇介紹話想試下呢間据扒，佢地既賣點係肉既部位 全間店都只賣一款肉: flat iron 牛肩去到附近已經係OpenRice咁定電子籌 要等七張枱。大概等左一個鐘位置不多 坐底店員就會放籃係地下比你擺袋，幾貼心。點好餐一陣 就見到店員拎住籃新鮮炸起嘅薯條派比客人薯條屬幼身 仲係熱辣辣，試左一條 有淡淡松露味道 就新鮮炸起哩點 都好食過m記嗰d好多而且仲可以仼添 我一個女仔都食左2 roundGuest Chef’s Flat Iron Steak $188本來想叫medium rare 店員建議我哋叫medium 仲教我地逆紋切會冇咁韌試左冇點汁食先口感好彈牙 質感唔係好似平時食開嗰啲ribeye, Sirloin既口感，好特別 味道都唔錯 可惜肉味唔濃汁係白蘭地牛油汁 因為牛扒牛味較淡所以個人較鍾意點汁食牛肉下面配左薯蓉 味道ok 個人覺得已經有薯條 薯蓉如果可以轉做雜菜/其他配菜會更好 佢既模式有少少似中環既la vache不過我覺得la vache既牛扒比較好食 當然價錢貴得多 個人都係比較鍾意食ribeye嗰種有牛肉香又軟腍既steak 不過呢到價錢黎

星期日下午約2:30到達位置清靜和人流少的何文田和旺角交界 — Top Blade Steak Lab。Top blade係牛肩位置，故名思義餐廳採用牛肩部位的牛肉為菜式。另一吸引之處就係 任 食 薯 條 ！餐廳的裝潢簡約但帶點工業風，座位安排不會太逼夾。落單前店員會介紹每款煮法嘅特色。餐牌非常簡潔，主菜只有3個選擇但全部都係比較少食的部位 — Flat iron，係牛肩較軟嘅一部分。Herbly Flat Iron Steak- 口感好軟 唔會起渣 但不失牛肉味- 有一舊蒜頭陪襯- 外面煎得幾香口Guest Chef’s Flat Iron Steak- 外面煎得香- 如果仲意軟身建議medium rare，否則肉質感覺比較粗糙- 薯蓉滑口 忌廉味不重薯條係任食，店員好快就會幫你refill，而且每一轉薯條都係岩岩炸好，食落有蒜鹽味道，非常香脆。小總結地段休閒令心境更放鬆，呢個價錢食到有presentation同高質的牛肉同薯條🍟絕對抵食！

[#何文田美食 ] 可以無限加薯條的扒房！薯條應該是用蒜鹽處理過的，那種咸香很特別。但畢竟是炭水化合物所以挺飽肚的，要加得多自己也吃不了。牛扒方面ok不過不失。香草平鐵牛扒 ($150) 切片上，香草和伴碟的蒜蓉令牛扒有種在別處吃不到的特別香味呢！再點了平鐵牛扒 ($188) ，超厚超大份，兩個女生好像怎麼吃也吃不完那樣😆 墊底薯蓉好味也充滿了牛汁。湯可以不用加 (+38)跟汽水。湯的味很淡很罐頭feel。是小敗筆。

住喺何文田，雖然真係好方便，行過條火車橋就到旺角，咩都有得食！但係其實何文田都有好多唔同嘅小店可以一試！就好似呢間新開嘅牛扒專門店咁，想試咗成個月，但見晚晚都排哂隊，就諗住搵日再拜訪喇！呢日收工成肚氣，想食返啲好味嘢開心下！諗起食到依家都未試過呢間鋪頭，真係忍唔住要試一次！隊依然要排，等咗廿分鐘左右就可以入座喇！雖然都等左一陣，但係見完笑容同服務都好好，都好似唔係等左好耐咁！牛扒主要有兩款，我哋兩個人就每款那一個試吓啦！加＄38就可以排餐湯、沙律同埋汽水之間揀兩樣。我哋就決定要一個餐湯同一個沙律試吓！個沙律好有驚喜，估唔到佢都用上啲靚嘅牛油生菜同埋車厘茄，配上自家嘅醋汁，真係幾好味。而餐湯就係普通嘅白湯，但勝在唔會食到好膩！值得一提嘅就係佢哋嘅薯條係任食架，仲要係職責即刻serve比客！食落去有淡淡的松露香味，我估可能用上松露味嘅鹽？你一食完碟上面嘅薯條，食完就已經拎著新鮮炸起嘅薯條出嚟問仲需唔需要加啲啊？感覺真係好好，起碼唔會好似出邊啲餐廳咁成日要問住吹住咁。主角出場啦！呢個就係佢哋最出名嘅牛扒，配上蒜蓉同埋有個牛油嘅汁，五成熟切落去剛剛好，好夠肉味非常濃郁！但係個薯蓉真係令我大失所

其實平時好少會到何文田，今日跟男朋友特別過黎何文田試呢間餐廳！我地5點半左右到達，店員好好禮貌地介紹食物。因為晚餐薯條係任食，落單後店員送上熱辣辣薯條，雖然係任食，但唔想浪費食物，我同男朋友兩人加埋只refill 左一次，我地異口同聲都話薯條真係好好味呀！我地都揀左188蚊嗰個，店員細心地教我地應該向邊個方向切 薯容亦好好食！餐廳裝潢幾特別，牆上有一排 neon lights ，氣氛ok，有機會會再返黎食呀！

好耐無食飯要排隊，朋友想試就去吧加餐要湯同沙律，湯未夠熱，奶味重牛油香，仲有香草味，還可以的蘑菇湯。沙律菜新鮮就好，沙律汁偏酸，排完成粒鐘，再食哩個沙律，個胃醒到急不可待先上無限添加嘅薯條，一食竟然有松露香！薯條炸得好好食，外面係好薄嘅脆，入面嘅心係軟硬剛剛好的，熱辣辣，即刻掃咗一盤我唔食牛，朋友食完鐘意哩個American style嘅多啲，話軟嫩啲另外哩個chef style 嘅見朋友切得有啲難，薯容我有食，滑得嚟係厚重的，水份唔多，香滑我得豬可以食，豬扒肉味尚可，一條肥膏邊唔介意，因為多數都會好香，豬扒本身肉質比連乾同鞋加上肥膏會平衡反少少，或者再加埋個焗蒜食更派層次。豬朳味道較咸，亦有點油膩，香草味重。配上的焗蒜可以再焗耐啲，未夠軟身一百五十蚊一客牛扒，加上任食薯條，整體嚟講係合格有餘。