438
7
2
| 餐廳: | 大滾友火鍋 (紅棉大廈) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
裝潢走中國風的港式火鍋店，招牌花膠雞湯湯底用三黃雞熬煮數小時，香濃美味富膠質。餐廳鄰近千色匯，交通方便，適合和三五知己聚餐。
繼續閱讀
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | 大滾友火鍋 (紅棉大廈) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
大滾友荃灣分店 , 古色古香中式宮庭佈置， 掛上大紅燈籠及古樸木屏風，十分 特色，充滿濃濃中國風。半隻花膠雞湯鍋金黃的雞湯 ， 有半隻肥美三黃雞及厚實的花膠片， 煲滾後傳來濃厚雞湯香氣， 十分誘人， 先吃一口湯， 濃稠鮮甜，帶黏糯的口感， 用來做火鍋湯底 ， 認真一流， 雞件好嫰滑， 花膠Q 彈 , 充滿骨膠原 , 滋補又養生。牛肉拼盤 (細)拼盤豐富吸引， 牛肉好新鮮有: 🔸️頂級安格斯牛肉🔸️手切本地牛肉🔸️新鮮牛展🔸️頂級雪花肥牛🔸️牛黃喉🔸️牛肉粒及🔸️牛舌花每款牛肉滿佈雪花， 顏色粉嫰，安格斯 牛肉及頂級雪花牛 , 油脂豐盛，放入湯中淥十數秒即可， 肉質軟嫩細膩 , 充滿肉汁。手切本地牛肉及新鮮牛展 , 入口軟腍鮮嫰，牛味濃郁，咀嚼間釋出油潤肉汁， 滿足食肉獸的我。 牛舌花及稀有的牛黃喉 , 爽脆帶嚼勁的口感 , 認真一流。手打鵝肝墨汁墨魚丸 (4粒)黑卒卒的墨汁墨魚丸, Q彈又嚼勁，內裡 包上鵝肝粒， 啖啖鵝肝甘香，誠意十足。伊比利亞橡果豬伊比利亞豬，以橡果餵飼育成，肉質結實爽口，色澤嫰紅，肉味香濃， 咀嚼時帶淡淡嘅橡果果香 ，肉香加倍誘人， 讓人回味 。大滾友雜菜拼盤有： 🔸️生菜🔸️娃娃菜🔸️粟米🔸️油麥菜🔸️金菇等🔸️爽口萵筍🔸️綿糯的芋頭每款新鮮蔬菜， 放在湯中吸嗦雞湯鮮香， 爽脆又健康。鮮鮑魚新鮮圓潤的連殼鮑魚，口感紮實嚼勁，鮮香十足。自家製竹蔗茅根 竹蔗水清甜下火，喝後十分清潤喉嚨，打邊爐最佳拍檔 。火焰焦糖豆腐花飯後甜品，自家製焦糖豆腐花， 店員將酒加熱，再倒在冰凍的豆腐花上，燃起熊熊火焰，打卡一流。每啖都滑不溜口，洋溢濃郁豆香， 慢慢沁出淡淡酒香，令人心醉。
繼續閱讀
今次我地黎左荃灣玩，朋友介紹話呢度有間打邊爐好正，叫我黎試，佢話lunch食最抵，有68折，咁我就午餐都照食打邊爐啦😏餐廳裝修好有古時既中國風感覺，餐枱都算闊落，仲有紙巾提供，我最撐呢樣野😗玲瓏浮凸•花膠雞湯鍋（半隻）（$328）花膠有好多件，店員幫手加入新鮮雞湯，滾咗之後就可以飲湯同埋食花膠先，未飲已經聞到好濃郁嘅花膠香味，呢個花膠湯非常之好飲，我連續飲左幾碗，平時媽咪煲既花膠湯都無飲咁多，雞就之後先至落，因為雞係半熟雞，所以淥六4-5分鐘就食得🐥大滾友牛肉拼盤（細）（$428）呢個拼盤總共有7種唔同牛既部位，手切外裙肉，本地手切牛頸脊，澳洲和牛金錢展，美國頂級雪花肥牛，牛黃喉，牛肉粒，牛舌花，d牛無論色水，脂肪，都睇得出係靚野，鐘意食牛既話叫呢份就可以滿足曬唔同口味🐮伊比利亞橡果豬（$228）呢碟豬肉肉味是濃郁到滿瀉，就好似豬中既和牛級數，呢句係餐牌寫既，我食完都覺得形容得幾貼切，呢碟豬仲係店長推介既食物，果然係出色🐷金屋藏嬌和牛墨魚丸4粒（$78）呢個丸我覺得幾特別，係外面墨魚丸包住入面少少既牛肉，口感係墨魚丸，但係又有牛味😛大滾友響鈴拼盤（$88）分別係黃金響鈴同埋普通版響鈴各三件，黃金響鈴可以即食，係加入左咸蛋黃先去炸既，兩款響鈴都係即炸既，勁脆又熱辣辣，一定要趁熱食，我覺得咸蛋黃唔放湯，當小食食會更好味，普通版就放湯食先好味😋大滾友雜菜拼盤（$118）呢個雜菜拼盤就真係接近咩菜都有，萵筍，金菇，紫淮山，蓮藕，娃娃菜，油麥菜等等，真係多到數唔曬，菜我要求好簡單，綠色新鮮就得，呢個拼盤我都好滿意🥬🍅🥦自家製足料竹蔗茅根（$78）大大壺，夠清甜，消暑清熱一流😉出火豆腐花（會員迎新品）做會員就會送呢個甜品豆腐花，佢好特別，食之前會落d黃糖再用酒精點火燒佢，令到黃糖變成焦糖，而佢個豆腐花都好滑👏🏻呢間大滾友既食物真係高質，單點火鍋價錢都ok，有折時段就真係抵食，最正就係個湯底好好飲，同埋佢加湯既湯都係雞湯黎，所以成餐都好有雞湯味，呢間太好味，做會員唔洗錢仲有分儲同甜品送，所以我已經做左啦😛
繼續閱讀
二訪大滾友火鍋🍲上次食過花膠雞湯底念念不忘今次就去咗另一間分店 裝修同樣係中國風 食物依然保持高質素 連朋友都大讚😋🔸特色卜卜蜆 HKD218湯底有大量蜆 芽菜 芹菜 因為落咗大量蜆嘅關係 湯底好清甜仲有蒜蓉同辣椒調味 個湯越滾越惹味卜卜蜆每粒都無沙飽滿 份量真係多到好似食無止境咁😂🔹牛肉拼盤 HKD428 所謂 小朋友先做選擇想食哂全部牛肉嘅我就一定揀牛肉拼盤🐄安格斯牛小排 手切牛頸脊 牛舌 🐄牛肉粒 牛展 雪花肥牛 牛黃喉每款牛肉都鮮味十足 肥瘦適中個人最中意手切牛頸脊雪花非常均勻 牛肉有咬口而且超重牛味另外牛黃喉都好少地方食到 口感爽脆 🔸伊比利亞橡果豬 HKD228橡果豬都係每次必點之一份量多不得止 每片豬肉肥瘦均勻 烚熟後肉質嫩滑同彈牙🔹玫瑰花龍蝦餃 HKD82 /4粒今次嚟仲有新款餃子用上燒賣皮卷成玫瑰花做型每層中間包住龍蝦同豬肉絕對係睇得又食得🔸雜菜拼盤 HKD118雜菜款式種類多 份量十足！🔹自家製竹蓆茅根HKD78竹蓆茅根清甜解渴 打邊爐飲特別爽啊🔸火焰焦糖豆腐花店員先將黃糖同酒精加落豆腐花表面將用火槍燒溶黃糖豆腐花豆味香濃 仲好滑捋捋🚩大滾友火鍋 荃灣青山公路 - 荃灣段125-133號紅棉大廈地下A&B號舖
繼續閱讀
天氣凍咗，成日都好想打邊爐，所以今日去咗荃灣大滾友，呢間去過幾次㗎啦，因為嗰個花膠雞湯底實在太吸引，一諗起打邊爐就諗起佢～半隻花膠雞 雞湯濃郁清甜好味，雞件份量十足，花膠亦都好多，軟綿綿好好食～牛肉拼盤(細)雪花紋分佈平均，牛肉味濃郁，每一款都係廚師精心挑選，高質牛肉～鮮牛肉手打丸(4粒)外面口感彈牙，內裏充滿肉汁，咬一口牛肉味香濃又爆汁感覺～伊比利亞橡果豬獨特香味，肉質口感猶如奶油柔軟，入口即化，層次感豐富～大滾友雜菜拼盤多款蔬菜、粟米、蕃茄、芋頭、仲有萵筍，全部都好新鮮青綠～新鮮鮑魚好大隻呀！口感彈牙鮮甜，好味！火焰焦糖豆腐花黃豆味濃郁，又香又滑，店員仲配合火焰上枱，氣勢十足！
繼續閱讀
- 荃灣｜大滾友火鍋 -▪️香濃豆乳蜜瓜龍躉雞湯鍋🍈🐟🐔🍲比較少見嘅湯底，配搭特別。湯底滾起先飲一啖，雞湯加入新鮮豆漿，味道非常濃郁。蜜瓜為湯底帶嚟一份清甜，而龍躉就令個湯更鮮味▪️大滾友牛肉拼盤 (細)🐮有手切外裙肉、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒，同埋牛舌花。最鍾意牛黃喉，口感好爽▪️伊比利亞橡果豬🐷豬肉片肥瘦相間，而且肉味好香濃▪️沙白蜆啲蜆幾大隻，入面蜆肉都大大粒，好飽滿▪️金屋藏嬌和牛墨魚丸🐮🦑中間係和牛，外面有粒粒墨魚，好有咬口▪️大滾友雜菜拼盤有成10款蔬菜，包括生菜🥬、娃娃菜、油麥菜、金菇、蓮藕、粟米🌽、黑木耳、蕃茄🍅、萵筍、紫淮山，好豐富▪️清熱菊花茶🌼菊花味道清香，又有清熱作用，啱晒打邊爐嘅時候飲▪️火焰焦糖豆腐花面頭放上糖，再用火槍燒到焦脆，加埋滑溜豆腐花，口感更有層次大滾友火鍋📍荃灣青山公路 - 荃灣段125-133號紅棉大廈地下A&B號舖📍大埔舊墟直街4-20號美新大廈地下B2號舖📍元朗鳳攸南街9號好順利大廈一座地下G4-G5號舖
繼續閱讀