組長日式放題 (已結業)

位於銅鑼灣駱克道京都廣場10樓的組長日式放題，之前光顧過幾次，食物質素都能保持水準，而且性價比頗高。餐廳正舉行農曆新年發財遊戲「魚蝦蟹」，只要擲中相應圖案便有不同的獎賞，當晚擲中的獎賞為金箔壽司。玩畢遊戲後侍應便會帶領入座。桌上放了點單紙，包括刺身、軍艦、卷物等，不同類別的點單紙用上了不同顏色。此外還有「極上」點單紙，加三十八元升級後便可任點當中的食物。餐廳的位置不算太闊落，有些位置可能要側側身地過，或要慢慢行以免撞倒其他客人的桌子。首先來到的為遊戲獎賞金箔壽司，賣相金光閃閃，十分吸引。之前吃過的菜色，都只會是面頭加一小點金箔作點綴。金箔本身是沒有味道的，而當中味道也不算太有驚喜，是「加州卷」有的饀料(青瓜、雞蛋、蟹柳)。最驚喜的，就是餐廳提供暖暖的刷刷鍋，更有一款刷刷鍋的點單紙，有約十款刷刷鍋配料任點。今次點了濟洲韓牛壽喜鍋，壽喜鍋剛上桌時，配料滿滿的，包括一客韓牛，鍋中也有大量生菜、娃娃菜、冬菇、金菇、滑豆腐。因為隨鍋附上的配料有點多，所以可先吃掉這些配菜，再按需要點其他配料。韓牛的脂肪不算多，較為健康，而且肉質也不會太韌。壽喜鍋的湯底為啡色的醬油湯，味道微甜。除了有冰凍的罐裝汽水

一大班人出街唔知食咩好，第一時間就會諗起食放題🍣，有唔同野食又個個都會有野岩食～ 而家有個魚蝦蟹既新年遊戲，我就贏左碟拖羅壽司，但我見到有人贏左🦀長腳蟹一隻😂😂羨慕呀! 組長放題有刺身🐟、壽司、卷物、沙律🥗、天婦羅🍤、鐵板燒、燒物、串燒🍢、拉麵烏冬🍲、甜品同雪糕🍦食～ 我冇諗過有得打埋邊爐，可以食肥牛同豚肉等常見配料～ 質素就還可以啦~但食到好飽~食放題當然要叫刺身吧~ 刺身厚切,雪味唔重我覺得最好食就係燒物同炸物，特別係燒鰻魚，夠惹味，南乳雞翼皮脆肉嫩，雞軟骨幾香口 壽司就一般，舊飯偏濕，叫刺身比較好~ 羊架係點比朋友食,佢覺得幾好多 牛柳粒肉味濃，唔錯 青口惹味 呢個味道有Ｄ奇怪～ 連天婦羅香蕉都有，幾搞笑 呢個正，可以再叫！ 餃子好食，但偏油呀～ 食到最後就可以食雪糕同甜品～ 價錢唔算太貴，4位成人1位半價，而6位成人1位免費，我可以接受～～

今次是第二次來銅鑼灣組長食放題，昨晚同屋企人團年，爸爸媽媽年歲80有餘👴，但來都有擔心兩老吾喜歡😍😍😘，只知兩老食得好開心，食物種類都好多，員工非常細心兩老，我會再去。

戀上放題，喜歡放題食品選擇多，食到盡。但最近天寒地凍，最好火鍋加放題兩食，咁就最佳拍檔。今晚就在銅鑼灣京都廣場10樓的組長日式放題，來個日式刷刷鍋放題兩食。組長日式放題佈置簡約，不同時段入座，收不同價錢，每段2小時，由入座起計。點心紙有刺身、壽司、卷物、軍艦、沙律、天婦羅、鐵板燒、爐端燒、一品料理和刷刷鍋配料等。食品款式應有盡有，除有點心紙自選食品外，也有各式飲品凍櫃和雪糕櫃，有各式汽水和雪糕任飲任食。刺身款式很多，逐樣點，先叫了三文魚、象拔蚌和帶子。三文魚入口新鮮嫩滑、象拔蚌肉質爽脆、帶子肉鮮味甜，另外還有北寄貝、劍魚腩、油甘魚、甘蝦和刀馬貝等刺身供應。另叫了多款手握壽司、火炙壽司、軍艦和卷物，吃了火炙和牛壽司、火炙芝士蟹棒、黑松露火炙凡立貝、三文魚壽司、蟹棒壽司和帶子壽司等，整體壽司水準不錯。鐵板燒、爐端燒和多款天婦羅也選擇豐富，叫了雞軟骨串、雞肉起司卷、豚肉卷和鰻魚串等，炸物叫了吉列炸蠔、芝士年糕、章魚小丸子和南乳雞翼等。南乳雞翼，肉嫩多汁，好惹味。蒲燒鰻魚，鰻魚肉身夠厚，燒得皮脆肉鮮。吉列炸蠔，好香，蠔味濃郁。天婦羅叫了蟹棒天婦羅、蕃薯天婦羅和大蝦天婦羅等，天婦羅都鬆脆好味。至

銅鑼灣食放題，又唔一定要食超級大集團，有間組長日式放題都幾得意，新年有得玩魚蝦蟹，我哋就抽中左蟹腳同埋雞泡魚干。餐牌選擇都幾多。出面仲有得揀飲品、熱飲、水蟹粥、粟米魚肚羹以及甜品等。刺身叫咗好多款式，包括甜蝦、帶子、劍魚腩、油金魚、馬刀貝、象拔蚌以及三文魚。全部都好清新，特別係甜蝦最好食，估唔到劍魚腩係咪油甘魚呢類型嘅魚也做得唔錯。加埋抽中咗嘅蟹腳，有鹹香同埋鮮味，已經值回票價。鰻魚燒得幾香，無骨。甜番薯細細粒，甜味十足。菠蘿都好唔錯，酸酸甜甜十分開胃。仲叫咗好多壽司、包括鰻魚壽司、左口魚壽司以及和牛壽司。三隻都好正，當中最吸引我係和牛壽司，未至於入口即溶但係個味道好香，口感鬆化；左口魚都係好正！手卷方面都有蔥花吞拿魚同埋三文魚子海膽手卷，蔥花吞拿魚嗰個其實係拖羅，不過啲蔥花比較多；三文魚子海膽都唔錯，勝在夠清新。田雞腳原來仲可以炸幾盞鬼，絕對要試！食埋個好鬼肥膩但係又好香脆嘅雞軟骨就夠晒飽。最後食埋個朱古力糯米糍就更上一層樓，不過有少少硬所以唔啱老人家食。

熟食的質素比個讚！適逢新年之前，幾日去咗銅鑼灣組長放題。地方面積唔算好大，但是容納到好多人。你一日好旺場。呢度有得玩好得意嘅魚蝦蟹中獎樂，四粒骰子，有六次機會。只要係重複兩個圖案，就可以獲得細獎—與圖案相關的美食一份。我哋中咗雞泡魚竿同埋長腳蟹冷盤。中晒四粒有大獎一份，仲有現金獎添，超吸引XD可惜我們沒緣份。。火鍋方面，可以選用一鍋，我們選了北海道花膠海膽鍋。海鮮包括有青口、墨魚、帆立貝等等，湯底海膽味非常濃郁，不知大家是否喜歡呢？因人而異喇。自助區包括有粟米魚肚羹和北海道花膠水蟹粥。熱飲包括有玄米茶和柚子茶。罐裝飲品都有geee。還有一些自助的甜品，包括有朱古力糯米糍、泡芙、和果子等等我們點了這個刺身拼盤，三文魚新鮮之餘口感非常肥美多肉，好食。象拔蚌和馬刀貝都是非常爽口的海鮮，味道正正常常，冇乜特別。帶子是切粒，味道和口感都一般般。還有水份充足的北寄貝。最最最令我鍾意嘅係有頭甜蝦，味道非常鮮甜之餘，食極都唔厭！媽媽比較鍾意食劍魚腩和油甘魚，刺身拼盤算是中規中矩。我們還點了一些火炙壽司，左口魚的油脂1超多，燒得好好食，我們encore了一次。還有黑松露帶子壽司、火炙三文魚壽司等 比較之

上星期去銅鑼灣京都廣場食古早味台灣菜，發現同一座大廈有間叫「組長」嘅日式放題店。瀏覽過餐廳網頁，得知店子嘅晚市放題，除了有壽司、刺身、爐端燒、鐵板燒等任食外，原來仲有火鍋供應，見近排天寒地凍，就一於趁周末同兩隻小鬼去吃放題。入座後，店員立即拿出骰盅叫我地玩遊戲，原來餐廳做緊新年 Promotion，每兩位光顧便可以玩魚蝦蟹 Game，共有三次搖骰機會，如果搖到圍骰，仲有大獎，有價值 $1,800 的阿拉斯加長腳蟹，亦有 $1,000 現金獎。雖然我地無中大獎，不過好彩都中左兩件拖羅壽司，拖羅油脂分佈平均，爽口不膩，據說每條魚只有數份，相當矜貴。事不宜遲，立即劃紙仔落單，先逐張細看，放題項目有沙律/小食、刺身、極上刺身(需另加$38)、壽司、軍艦、卷物、天婦羅、爐端燒、鐵板燒、一品料理，另外亦有日式涮涮鍋。至於自助區域方面，除了有罐裝凍飲外，還有熱嘅玄米茶、柚子蜜、花膠元貝水蟹粥、粟米魚肚羮、甜品同雪糕等。涮涮鍋有三款可供挑選，包括北海道海膽花膠鍋、鹿兒島芝蔴雞鍋同我地揀嘅濟洲韓牛壽喜鍋。韓牛雖然不似和牛般入口即溶，但比起和牛，牛味更濃，而且雪花分佈平均，食落唔會有太重的油膩感。至於其他

近排特別多人約食放題，可能因為諗食咩太困難。食得密自然要揀啲低價位放題。今次嘅組長好易去，一出站就係。未新年就開賭？去到先知呢排每兩個人去食就可以搖魚蝦蟹3次，兩粒相同就有獎，但你幾好手氣都好，只可以三份禮物揀一份。最勁嘅銅錢圍骰大派一千現金，promotion period咁長都唔係冇人中架！拎上手粒骰真係冇做假。我頭2次都落空，第三次終於成功，換到支清酒，仲可以拎走添。坐低即刻送火鍋，湯底味道唔錯。我哋仲加咗錢，可以叫極上menu。每一樣都好有水準。我哋每人食咗十幾隻珍寶帶子，三四隻蟹腳。極上menu質素明顯高幾班，所以我覺得加咗錢反而幫到我回本。普通menu嘅話牛肉類比較好食，牛味幾濃又唔會過老。熱食水準比較穩定，唯獨係天婦羅類調味唔夠。要注意嘅係用份計嘅款都比較大碟，要量力而為。最後讚讚呢度嘅服務，上菜快，唔漏單。而且都幾細心，換碟時機啱啱好，有幾次想搬火鍋爐頭/碟侍應都主動幫手。

哩間放題之前食過一次，覺得價錢比其他既平d ，但野食又ok，實惠放題之選呀！今次同男朋友又黎食多次，一入到門店員就叫我地玩魚蝦蟹😂 諗番又就黎過年喇喎😆我地玩左3次，我就有1次擇骰中左2粒相同，好野！場內天花掛上好多紅白燈籠仔，幾有日本居酒屋feel！哩個就係獎品喇😆金箔壽司賣相好昂貴呀😳款擇都好多款嫁，準備開始放開肚皮了😂先黎個shabu shabu先😍牛肉幾嫩，好多蔬菜正！刺身絕對係黎食放題的理由吧！新鮮而且都肥美，encore list。火炙壽司都好味，推介鰻魚同三文魚呀！都有好多熱食可揀，個雞同蘆筍牛肉個汁同肉好夾好味。哩個芝士年糕都係好好味呀，軟林林一咬開拉開芝士好正😍

今日和太太往銅鑼灣組長食放題, 一入去有魚蝦蟹農曆新年發財遊戲,最換金箔壽司2件, 金箔壽司賣相吸引, 入面有玉子, 青瓜和蟹柳, 飯好軟綿, 金箔好爽脆, 食落美味滿足；入座先送濟洲韓牛壽喜鍋, 湯底酸酸甜甜食落開胃, 配料有韓牛, 鴨仔魚蛋、雪場蟹棒和生菜。韓牛新鮮入口即熔, 鴨仔魚蛋賣相吸引食落彈牙；雪場蟹棒食落鮮甜和生菜新鮮爽口, 整個壽喜燒牛肉鍋食落惹味醒胃, 在寒冷天氣食十分暖胃。火炙壽司有八款, 分別是黑松露帆立貝, 海膽蝦、 芝士蟹棒、和牛、玉子、三文魚和鰻魚。八款火炙壽司賣相一流, 食落鮮甜味美, 火炙燒得剛剛好, 黑松露帆立貝火炙壽司黑松露味道香濃帆立貝味道鮮甜, 海膽蝦火炙壽司海膽鮮甜食落不腥蝦食落新鮮鮮甜；芝士蟹棒火炙壽司芝士味道香濃蟹棒食落爽口；和牛火炙壽司和牛入口即熔；玉子火炙壽司玉子厚度適中, 食落有蛋香好鮮甜；三文魚火炙壽司三文魚有油花, 食落入口爽口；最後鰻魚火炙壽司鰻魚燒得好香, 肉質鮮甜, 賣相吸引, 入口即熔。刺身有帶子, 三文魚和有頭甘蝦, 帶子食落鮮甜, 三文魚厚度適中, 食落有油花；有頭甘蝦新鮮爽口, 食落鮮甜味美。蟹肉蟹膏軍艦蟹膏味道香濃

朋友上星期完成了她的第一個全馬，說要跟我食放題慶祝，一出電梯，我發現原來我曾經幫襯過。被安排座位前，店員叫我們玩一個新春魚蝦蟹的遊戲，搖到指定雙同數目的骰，就可獲得禮物。朋友手氣順！結果我們得到清酒一枝，超開心！這個遊戲會做到農歷新年後。剛好正在做優惠，現在不用加錢已有火鍋，湯底有三種選擇，我們看見有花膠便二話不說選了北海道海膽花膠鍋，估不到原來有勁多的海鮮，我們便沒有再點火鍋配料。朋友決定「食豪D」，就每人加$38，可以點極上餐單上的食物。很多人都説放題想回本就要食魚生，我們在極上餐單上點了蟹腳、帶子、和牛粒，一定已回本！最推薦帶子，肉厚，新鮮！鵝肝多士也是極上餐單的。壽司和手捲當然也必點，很欣賞這裡的軍鑑和手捲，朋友則覺得花之卷很好，而且不會有飯太大而魚生小的情況。愛吃串燒的我覺得這裡的串燒絕對比得上串燒專門店。燒羊架尤其出色，要想像平時在燒烤店吃一件燒羊架起碼要$58，真的覺得很抵。基本上我們每人每款食物只點一次已有飽到爆肚的感覺！還不是樣樣也有點！證明選擇真的勁多。星期日晚上7:30的黃金時段只是$218，算是放題餐廳中收費較抵的。限時兩小時，店員也友善。

今晚終於同朋友試到組長放題！啱啱食完實在驚喜萬分， 忍唔住立即用九秒九嘅速度寫一篇食評！ 今晚試嘅係銅鑼灣分店，在京都廣場10樓。一入餐廳見到大量燈籠總係覺得好有節日氣氛，好開心的感覺。而且一入門口就有位很Cheerful的男店員同我地玩遊戲！遊戲係一個魚蝦蟹搖骰盅遊戲，搖到兩粒或者四粒骰同款就有唔同嘅獎品獎金! 最豐富嘅獎品有一千蚊現金，響威士忌一支，阿拉斯加長腳蟹一隻等等，每2位可以搖3次！我哋搖到四粒綠色大叫咗一聲！以為中巨奬！睇真啲原來佢係兩pair虾蟹。 雖然我哋只係抽到牡丹蝦刺身，但係呢個搖骰盅遊戲已經令我哋一開始相當興奮開心，為整晚好心情揭開序幕！然後我親眼睇住排喺我哋後面的男士們搖到圍骰！立即可以拎走一支響日本威士忌！！！嘩呀呀呀呀。。可以同我交換嗎？？一坐低就畀咗個火鍋爐同shabu shabu order紙比我地，係夜雨凍的晚上有得打邊爐真係好窩心！ 由於只可以揀一個鍋，三款湯底我都好想試！唯有放棄牛肉壽喜燒，轉㨂北海道海膽花膠鍋！ 湯底材料勁豐富有海膽，鮑魚， 蝦，扇貝，花膠等等， 另外仲有多款火鍋配料，我地小試一下黑毛豚肉都唔錯！天氣咁凍，呢度都有提供熱茶同熱湯

還未正式踏入農曆新年, 店方已推出新年優惠。入座前先來擲骰子, 想不到竟中了獎: 黃櫻清酒一支, 令這餐晚飯未開始已添上喜氣。這款清酒最適合配搭海鮮刺身, 馬上order 了一大盤品嚐。各款都十分新鮮肥美, 尤其三文魚和甘蝦都十分鮮甜。惟獨帶子稍嫌較小, 味道亦偏淡。比較令人喜出望外的佐酒小食是這份厚切牛舌。煎得外脆內軟, 厚度相當闊綽, 一定能滿足牛舌迷。雞軟骨餃子亦很不錯, 外皮香脆, 餡料中的軟骨煙韌有咬口。蕎麥麵有柚子汁口味, 拌麵條十分開胃清爽, 份量剛好不會過飽影響戰鬥力。芝士年糕也是我近期最愛, 由於頗大件, 一件已很足夠。天婦羅方水準一般沒大驚喜, 反而香蕉天婦羅頗有犢色。壽司主要嚐火炙款式, 左口魚最好吃, 三文魚也不錯。串燒有很多款式, 但不敢吃太多, 因要留肚吃火鍋。韓牛質素很令人滿意, 雪花分明, 灼了一段時間也很腍有牛味。鍋中本身已有不少蔬菜和豆腐等配料, 所以沒有加點配料。除汔水果汁外, 店方還提供幾款熱飲, 戒冷飲的食客不用只喝熱水那麼單調了。每次吃放題都很少會有意欲吃甜點, 頂多只會吃雪糕或乳酪。這裏的松露朱古力卻引來我的注意, 除了外表吸引, 口感真的