黃記煌三汁燜鍋 (已結業)

路經人來人往的金馬倫道時抬頭看到一張大大的黃色掛布寫著「黃記煌」三隻字，朋友即說這餐廳在國內當然有名，是連鎖式的燜鍋店，聽罷我便跟其他朋友轉到這裡吃晚飯！當日是閒日和餐廳新開的關係，人流不多，但反而感覺更舒適。職員有禮，還耐心地介紹餐廳特色和食法，更告知新張期間食滿$600便可獲VIP9折卡一張、like黃記煌的facebook專頁更可獲許留山的半價甜品，很抵吃呢！小食 竹炭花生非常脆身涼菜《涼拌鮑片海蜇頭 $48》 - 海蜇頭爽彈，調味汁有麻油和微酸醋味，很開胃惹味。《尖椒皮蛋 $38》 - 皮蛋新鮮，配上微辣和蒜香的調味，簡單又惹味。《冰鎮秋葵 $42》 - 秋葵大條新鮮，咬開內裡潤澤，很有清腸胃之感，配上豉油和芥辣很提味。《自選燜鍋 任選四款 $298》: 廣島蠔+石斑魚柳+牛脷+杏鮑菇 。店員會鋪一塊底油，把配菜逐層鋪在鍋裏。之後職員會倒入招牌咸鮮醬於鍋中再拌勻。廣島蠔 - 大隻肥厚，好鮮甜，職員提醒要先吃；石斑魚柳 - 嫩滑非常，一夾即散；牛脷 - 鮮甜軟腍有驚喜；杏鮑菇 - 彈牙吸汁。吃完燜鍋,就可加湯變身成為火鍋, 點了以下的配料:涮菜《脆肉鯇片 $68》 - 口感不像脆

內地人氣連鎖餐廳黃記煌來港開店，記得曾經在國內都有食過都很不錯，今天想回味一下，便約朋友一同去試試。餐廳開張沒多久，所有東西都好新，一進門，燜鍋香氣撲鼻，店員殷勤主動帶位，坐位寬闊舒服，我們已急不及待點餐。小食 竹炭花生賣相全黑色幾特別，好脆身。涼菜「涼拌鮑片海蜇頭 $48」海蜇頭非常脆身爽口，鮑片煙韌有口感，配菜醬料帶微酸，十分醒胃。「涼拌藕片 $35」藕片爽脆，醋酸味濃。「尖椒皮蛋 $38」皮蛋新鮮，味香而不膩。「冰鎮秋葵 $42」冰凍秋葵配上芥末醬油，味道真夾。「自選燜鍋 任選四款 $298」我們選了自選的四款菜，有石斑魚柳、廣島蠔、牛脷、杏鲍菇，店員一開始會先放白底油，樣子像布甸一樣，而店員介紹裡面主要成份是藥材、沙律油和植物油等，之後就端上像花瓶的器皿，原來裡面全是我們點的食材。會為我們一層層的舖上，底層是蔬菜類，之後就是我們自選的材料，之後加上自家製調味粉、七味粉、白胡椒和調味酒提味，最後再加上北京原味醬汁等上十分鐘左右，打開鍋蓋香氣撲鼻可以起動了，整體十分野味。涮菜 吃完了燜鍋後，店員為我們加入高湯，便可以轉火鍋了，我們再點了些火鍋料繼續。「脆肉鯇片 $68」跟平時吃的脆

我依d 有時都幾奄尖既C9, 成日要食好野，又要睇賣樣🤣🤣今次因為老公話朋友黎試過真係好好食，所以極力推我黎食，如果唔係我都搵唔到依間珠珠😁先黎小食- 台灣黎既竹炭花生，好香口、脆卜卜依度有好多燘鍋揀，例如海鮮、牛、豬等等，但我依d貪得無厭既C9就當然揀自選燜鍋，可揀4款我地揀左豬腩片、美國安格斯牛柳粒、大腸、秀珍菇，醬就揀香辣鼓皇汁師傅拎出依個紅色大瓶，打開，原來所有材料都分層隔放入裡面。師傅先開爐，放一舊好似牛油既底油入鍋裡面。底油包含有藥材，然後師傅將瓶內每一層既材料放入鍋內。最下面一層蔬菜、再上一層係肉，下面既蔬菜蒸時散發水份調味料有酒、白胡椒、五香粉師博在旁攪拌醬，很「傑」，似啫哩狀，佢解釋係因為無水烹調，加入鍋後會有好多水份。聽到蔬菜滲出水份既「枝枝」聲，好期待最後加入莞茜再蒸先夾粒牛，嘩！剛才既調味已經裡裡外外進入左牛肉裡面。豬腸肥肥地，好彈牙，豬腸香，少少辣，怕辣既我都覺得好好食豬肉好林，好juicy底既配菜有蕃薯、紅椒、青椒、紅蘿蔔、芹菜、車厘茄、洋、紅棗、杞子...所以食材都保留返佢地原有既水份食到5成左右就加湯變涮涮鍋我地點左 蔬菜野菌拼盤、手工鵝肝蝦丸、手工牛肉

一行三人點了個三黃炆雞鍋，特色十足但味道太濃，咸味十足，食完比較口乾。雞肉幾嫩滑但帶雪味，一鍋份量十足，三個人食都好飽，食完可以加水打邊爐。最後點了個芒之戀，有芒果糯米滋，楊枝金露及小丸子，前兩者芒味十足，味道很好，但小丸子略嫌過硬，應煮完再雪過，雪得太乾。整體味道太濃味，適合喜濃者。

又係我大食妹帶大家食好野時間，今次同大家介紹下位於尖沙咀既北方燜窩。三黃雞燜窩 $238:平時不嬲食開麻辣雞煲，今次就試下麻辣既燜窩。見到每一枱都會有一個紅色既高身壺，但又可以分成唔同既大中細盒。好奇之下，見到經理將一舊類似jelly,既野放入窩中，等一會就溶晒，細問一下原來係藥膳，用來吸走油份。之後就見經理將第二盒既蔬菜倒入窩內，有紅蘿蔔，南瓜，店長話用黎減輕麻辣味道。用上大陸正宗三黃雞，雞肉肉味濃郁，加上麻辣醬汁很濃，雞肉吸晒醬汁後麻辣味更加香，由於北方味係濃郁,所以味道係比平時濃烈。最後，今次大食指數有5粒星，原因除左係首間燜窩店外，店內又多平時食唔到既新食物，係喜歡食新食物既朋友之福地。

朋友話我知尖沙咀有間新開的海鮮燜窩，所以就話要一試下海鮮燜窩。海鮮大軍燜窩（$298）；首先,見到店長拎出一個紅色既壺走出黎，之後拆開有四個小盒子，第一個盒子聽說用來起鑊用，有一塊白色的膏狀物，聞落中藥味十分濃，店長話有數種藥品加入。第二個盒子就是西芹，紅蘿蔔，栗米，青瓜片，聽說這是養生必有配料。第三個盒子就是海鮮配料，鮮蝦，尢魚，帶子，石班，每種海鮮吸晒麻辣的醬汁後，果然係與別不同，醬汁加水後又可以用來打邊爐，付上烏東，吸晒湯底絕對係好美味。甜品方面，由於許留山加盟店內,所以可以食到芒果系裂既食品，實在係必叫。最後，今次覺得這間店的食品好新鮮好突別，未食過既朋友要來一食係燜窩。

剛剛知道係內地有600間分店的黃記煌岩岩係香港開左第一間專門店，依到最出名當然係燜窩，所以就黎一試下。石班魚柳燜窩（$268）：店員首先拎出一個紅色既壺出黎，原來內裡分數個盒子，每一層都有唔同既材料放入窩中煮製。最頂層有一舊奶白色既油膏，這是用來起鑊用，而這舊油膏係用上不同藥材製作。中間果層有紅棗，西芹，紅蘿蔔，南瓜，等配料，店員將配料放入窩中中層。低層就係主要食材石班，眼看最少有二十塊，店員將石班逐塊放在配料上，之後再拿出一大盒醬汁，在我地面搞弄，之後倒入醬汁就蓋上蓋等二十分鐘就可食弄。這個窩不但係香港首見，而且味道都十分重北方口味，對於我地少食，絕對係新既食物，而且石班肉吸晒醬汁，非常入味。真係食到好想再叫多窩來食。總括來說，這間店鋪非常有特色，係香港重未食過咁好味的燜窩。

因為知道會打風，所以同女朋友今晚出來食下飯，明天可以瞓晏D嘛。 今次就黎左尖沙咀的<<黃記煌三汁燜鍋>>。 呢個品牌係國內聽聞好出名，今次開到黎香港，真係要試下佢既燜鍋。而呢度既裝修擺位都非常舒適。 而每張枱都已經準備好一個窩及工具。 餐牌就好有風格，似一道門，開門之後，圖文並茂。 揀完用點餐紙劃就可以。 每枱會有一碟<<竹炭花生>>，好爽口。 今次我地揀左自選燜鍋，可以揀四款材料。等一陣，侍應就拎住一個大既紅色壺。原來入面就係今次燜窩既食材，好特別。 頂層是十種蔬菜，包括紅棗、杞子及薯仔等。 侍應會將其平均鋪上鍋中。 然後就是平均地鋪上四種自選的材料，而我揀既係牛肚、墨魚仔、石斑魚柳及廣島蠔。 最後再燜多十分鐘左右，就加上香辣鼓皇汁，再燜多十分鐘左右，整過過程約20分鐘左右。 完成後，香味撲鼻。我最愛的是牛肚，入口爽韌，廣島蠔十分大隻新鮮。而墨魚仔雖然縮左水，但入口都十分爽口。而女友最愛就是石斑魚柳，入口十分滑。加上香辣鼓皇汁，小小辣，小小咸，完全唔使再點調味料。而底下的蔬菜，也食哂你一定腸胃健康不

現今火鍋不單沒有季節之分，近年亦越玩越多花樣，不再單單是打邊爐咁簡單。我們偉大的祖國更加玩得出神入化，甚麼九宮格麻辣火鍋、蒸氣火鍋、海底撈......等等。而最近來自北京，在港澳台有數百家分店的黃記煌在香港開店，主打三汁燜鍋，見未食過，就跟食友試試。＊＊＊＊＊＊＊＊＊＊＊黃記煌位於尖沙咀，位置非常方便就腳。店內空間感十足，座位以卡位為主。餐牌設計成中國式大門，非常別緻。食店主要提供燜鍋，燜鍋可選雞、牛、海鮮，除了指定幾款燜鍋外，也可自選燜鍋組合，汁底則有五款選擇，有辣有唔辣。另外食完燜鍋還可以加配火鍋料，一般丸類、豬牛羊雞、海鮮、蔬菜和粉麵都有提供，最特別是食店跟許留山合作，在店內都可以點許留山的甜品或飲品，食完就算想食甜品都不用轉場。竹炭花生($10)竹炭花生是餐前小吃，每二人有一碟。花生外表呈炭黑色，食落其實同普通如皮花生差不多。銀菊露($48)銀菊露一瓶大約可分三至四杯，雪得夠凍，甜度適中，打邊爐不可少。牛魔皇燜鍋($298)侍者先送來一個類似花瓶的東西，原來裡面已經放滿燜鍋的所有食材。侍者首先從瓶蓋倒出底油，底油是預先雪硬了，食用時才加熱溶化。因為三汁燜鍋是主張把傳統藥膳的滋補

朋友介紹話呢間尖沙咀新開的餐廳好特別，既然咁特別梗係要試吓啦。上到去，發現環境都幾寬闊，兩個人比安排坐4人卡位， 鬆動舒服。原來餐廳在七月底才剛開張，新裝修，乾淨企理。首先，當然要看一下Menu啦。原來這裏用的是新鮮雞，可惜今日沒有供應，唯有轉其他啦。睇Menu先知，原來黃記煌以前是御前菜式，由於前名菜「香辣汁魚」演變而成的「三汁燜鍋」。只有皇室貴族才有得吃。聽落非常矜貴，而且歷史悠久，在香港很少有餐廳有類似的歷史（最少我好像沒有聽過，哈哈）你order完後，店員會送上一個「六寶盒」。裏面每一層都是配菜，店員會鋪一塊底油，把配菜逐層鋪在鍋裏。舖好了的底層蔬菜。重點是會加入秘製醬汁，燜上15分鐘。秘製醬汁非常濃稠，膠質甚豐。吃完裏面的配菜後，剩下來的蔬菜和醬汁就可以加入高湯再打邊爐。這天叫的是海鮮大軍燜鍋（$298）。裏面有白蝦、紅魚柳、廣島蠔、墨魚仔。其實Menu來會寫明哪種和配哪種醬汁較好，我們揀了招牌鹹鮮汁。男店員服務很好，細心地幫我們準備好燜爐，然後教我們要什麼吃。（仲要幾靚仔添，哈哈）蓋上金黃的蓋子，正待15分鐘之後，海鮮便變成了深啡色，散出陣陣鹹鮮香味。海鮮之中，個人比較欣賞

香港人不嬲鐘意食雞煲、打邊爐，今次同朋友去左尖沙咀黃記煌試下佢地既燜鍋。聽講係大陸好出名，就睇下佢有咩咁特別啦。我地一坐低，侍應就放低左個竹炭花生，原來係餐前小食黎架。食落甜甜地，又香花生味。佢地既燜鍋可以揀雞、魚、豬、牛、海鮮等等，仲有唔同既醬汁，有辣有唔辣，任君選擇呀。侍應推介如果唔食辣既話可以揀招牌咸鮮汁，鐘意食辣既話就可以試麻辣汁，惹味得黎唔會太辣食唔到。由於我同朋友都鐘意食辣，所以最後揀左麻辣汁燜雞。我地另外仲叫左麻辣土豆絲同埋涼拌鮑片海蜇頭兩個涼菜。個土豆絲食落唔算好麻辣，食唔到太辣既朋友都可以一試。至於個涼拌鮑片海蜇頭，個汁既酸度好適中，好開胃呀，會食到停唔到口，正。係食緊涼菜既同時，侍應就幫我地開左個爐，仲拎左個好得意成個大花瓶既野黎。原來佢入面裝住哂所有既食材架。第一層放左好多蔬菜，有紅蘿蔔、洋蔥、青椒、紅椒、車厘茄、蕃薯、西芹、杞子、蒜頭、紅棗等等。個鍋熱左之後，侍應就倒哂d菜落去。然後就放第二層既雞肉，鋪係d蔬菜既上面。份量都唔少架，差唔多有大半隻雞。放好哂d材料之後，加左小小調味料同酒之後就上蓋開始煮。尼個時候侍應就將第三層既麻辣醬汁用個大匙羹攪返混同令到d醬冇

許留山，香港人熟悉既名字，特別係我呢d作為80後既中女，讀書年代最愛既就係許留山，以前環境邊有而家既小朋友咁富裕可以日日星巴克，一杯許留山已經好巴閉，拍拖既時候兩份飲，自修室休息時間同閨蜜兩份飲，去波地接男友買定一杯去博加分....一杯許留山，擁有既係滿滿既青葱回憶我老公一向係許留山既捧場客（以前未就係成日買去波地接佢囉😒），行過尖沙咀見到呢間餐廳cross over許留山，即刻就話要食呢間，見佢陪我行街咁乖，一於就下佢啦黃記煌，對我而已十分陌生既名字，上網睇下，原來係深圳有好多間分店，食既係無水蒸鍋，有雞，魚，田雞，豬，牛唔同配料既蒸鍋，地方都幾寬敞，裝修得古色古香，好有故宮feel芒椰奶西（$29）同西瓜蘆薈爽（$29）同記憶中既許留山一模一樣，男人超開心，係咁話打邊爐飲許留山簡直係絕配🤦🏻‍♀️男人既浪漫我地叫左個自選鍋（$298）可以選4種配料，再加一種醬我地選左豬腩肉，廣島蠔，墨魚仔同牛肚醬就選左鹹鮮醬，唔辣，就一就個無鬼用唔食得辣既男人一選好，佢擺左個紅色花樽上桌，完全唔知係咩黎既，原來鍋入面既配料全部都係花樽入面，侍應一層一層幫我地擺落蒸鍋度，成件事唔使自己動手等十五至二十

早前在尖沙咀街頭我已經留意到黃記煌十分搶眼的橫額，原來這間新開的火鍋店，在內地非常有名的，各省市有超過500間加盟店，聽說和海底撈齊名呢！黃記煌主打三汁燜鍋，意思就是不加水，靠食物與蔬菜自身的水分將食物燜熟，務求食到食物的原味。燜鍋款式很多，我們選了比較少見的牛蛙燜鍋配秘製鹹鮮醬。職員先拿岀一個極高的紅色層層塔，然後逐層展示。先放有中藥成分和植物油的底油，然後舖上五顏六色的蔬菜，如紅棗、紅薯、蘿蔔、杞子、西芹等，最後放上田雞腿。蓋上蓋子後燜5分鐘，店員就加入秘製鹹鮮醬，最後燜多五分鐘就大功告成了。田雞肉燜得非常滑嫩，保留肉汁，配合秘製醬汁，十分惹味。蔬菜也軟腍爽甜，我特別喜歡吃蘿蔔，吸收醬汁特別入味。吃光所有田雞肉，可以加高湯變成打邊爐。我們另加了澳洲霜降牛面頰肉（$178）。牛肉雪花紋漂亮，帶有少少牛筯，咬落甚有嚼口，而且愈嚼愈有牛味。脆肉鯇（$68）煮滾後口感軟腍，未有我喜歡的爽脆口感。反而白鱔片（$88）甚有驚喜，不但口感爽脆帶滑，魚味也突出香濃，好味！鮮腐竹($35)和娃娃菜($35)、唐生菜($35)都是火鍋必備的，蔬菜吸收高湯和其他配料的精華，鮮甜又健康。雖然已經吃得飽足，