睡過龍的早上把握時間衝呀衝的奔出門口,還在奇怪為為什麼電梯沒有平日那麼多人?在樓下大堂看到黑雨警告告示牌才恍然大悟!既然已出門口也繼續往車站出發,黑雨期間巴士上更少乘客,交通更暢順的車程比平日更快,這個難得不用趕上班的機會,最好是找個地方享用一個靚早餐,靈光一閃的不如飲早茶。
點了自己喜歡的香片,每位$8茶錢的茶葉卻很一般,所用茶葉太碎,泡茶後飲用實在不便,壺內朵朵盛開茉莉花泡出來的香片雖有著清香茉莉香,只是優質的香片是有花香而不見花的,見到花的茶葉質素相對稍遜。
桌上點心紙有兩種分別,一款是全天候通用,點心款式較多而是正價的,另一款是優惠早茶/下午茶及一些午市優惠所用,同款點心也以早茶的價格最低,幸運地早茶優惠點心裡都有幾款我喜歡的,不用多想一於點之。
三款點心首先送來是如長龍般的名爐叉燒腸($11.8),從其顏色看來這裡的腸粉應不是用上自磨米漿,幸好廚師也將粉漿調得不錯,拉出來的腸粉軟糯煙韌不算很黏筷,加上甜甜豉油的確不錯。
裡面叉燒像骰子般大粒,好少見到叉燒腸粉有如此大粒的叉燒唷,極有口感的鬆化叉燒有點蜜味,好吃!最好是這份腸粉有著大量芫茜作伴,脆口的芫茜莖及有香氣芫茜葉跟叉燒腸粉配得極合意,讚!
水晶菜苗餃($9.8)雖然便宜,這款點心也做得蠻有看頭,晶瑩澄皮做得偏柔軟,厚薄均勻的餃皮帶點糯口不夠彈性,大量青綠菜苗切成幼絲後已看不清究竟是什麼青菜,總之菜味淡淡又爽口就是了,豬肉碎份量少少的增加一點肉味,清清的菜比肉多的菜苗餃其實也算好吃。
香菇滑燒賣($13.8)需時最久,在這需要謀殺時間的早上更妙!外觀鮮明的燒賣新鮮蒸好,仍有肉汁豬肉燒賣餡明顯是粒狀而非糊糊肉漿,加上有點爽口蝦肉粒混合,燒賣吃來是很有彈力的,寥寥冬菇粒沒有太重菇香但可以令燒賣多一重來自冬菇的香滑,面層像點綴的橙色蟹籽卜卜脆的又是另一重不同口感,組成這四粒好味又抵食的燒賣。
昨日和同事食晚飯慶祝生日, 在openrice選擇了好幾間決定來試一試呢間名苑。
打完波，由於翌日不用返工，可以晏少少都無問題，於是便出番荃灣搵食，來了到名苑。
第二道菜名為“加拿大冰海帝皇貝”，番茄青瓜伴珍寶帶子，是一道冷盤，味道略為簡單。
然後是焦點菜式“蠔皇扣三頭鮑（玉掌伴）”，廚師在現場示範最後的烹調步驟，經理在旁講解，幾位答對問題的會員獲升級食一頭鮑，食三頭鮑我已經很滿足，還有燜至鬆軟入味，但不致稀爛的鵝掌。不知道從何時開始流行食全隻鮑魚，記得小時候參加飲宴只有鮑片，可見香港人是愈來愈懂得吃，吃完這道菜，我已經有七成飽。
第五道菜“頭抽生煎澳洲大虎蝦”，上菜時大家都驚嘆，每隻虎蝦都如手掌般大，橙色糖果樹裝飾十分耀眼，大虎蝦煎至剛熟，肉質有彈性又不嚡口，調味亦是恰到好處。
轉眼已經是第六道菜“乾坤大海班兩味（碧綠炒球 / 鹽焗頭腩）”，我只吃了一口鹽焗頭腩，因為偏愛清炒露荀班塊與貓耳朵，貓耳朵這個名字我是第一次聽，指甲般大小，與黑木耳同科，屬養生健康食品。
胃口有限，本來打算放棄第七道菜“黃金脆皮雞”，但聽經理說雞隻在海南島養殖，美食當前，忍不住夾了一件雞翼來吃，果然跟一般炸雞不一樣，皮脆肉嫩，具有鮮味。
第九道菜“生折龍蝦肉西施飯”有一個前奏曲，當侍者端出煮至沸點的湯，隨即洒下脆米，湯面立即浮現出白色泡沫，好比火山爆發的溶液，很有氣勢，至於味道則不過不失，覺得有點腥，加上肚皮脹脹，不能再吃下去。
我們在兩個小時內吃完九道菜，晚上十時開始食甜品，想不到連甜品都這麼出色，有點後悔之前沒有留肚，因為來不及消化之前的食物，只可以淺嚐甜品。
清宮明火雞煲翅: 本人一向不支持食翅, 魚翅何價? 何不想想被殘忍獵殺的鯊魚... 不過, 既然有一碗翅於眼前, 也就吃吧... 否則鯊魚便白白犧牲了~ 金勾翅...一疏疏一排排的, 配上充滿骨膠原的濃濃雞湯~ 究竟, 雞湯是主角? 還是魚翅是主角? 兩者是一體吧~
加拿大冰海帝皇貝: 帝皇貝乃產於加拿大北部的冰海, 質感厚, 卻十分鮮嫩~ 絕!
蠔皇扣三頭鮑魚(玉掌伴): 大廚即席表演... 絕對是今晚的主角, 鮑魚扣得入味, 肉身軟綿, 煙靱黏口, 鮑味濃郁... 吃後口中仍殘留著濃濃的鮑味~ 試問, 吃三頭的鮑魚.. 人生幾何?? 足矣~ 
頭抽生煎澳洲大老虎蝦: 賣相精美!! 很肥大的澳洲老虎蝦...在席中的經理解說, 是用頭抽以慢火煎熟老虎蝦, 使頭抽滲入蝦殼裏, 蝦殼脆得連殼也可吃掉!! 請注意... 伴碟的 (((火焰))) 實在叫人驚訝! 我想起一套電影...「食神」 
鮮製呂宋香芒布甸: 果味濃郁的鮮芒果, 配上純厚的牛奶.. 口感creamy~ 牛奶+芒果= 絕配#
我是支持不吃魚翅的。一羹撈起, 就一整排翅, 何其壯觀。平時叫有無咁多就唔肯定, 但這次份量十足就已經"眼睛吃冰淇淋"！吃起來真係啖啖翅富口感實在。同時, 連埋足火侯o既老雞老火湯, 非常好飲, 不油不膩, 也不是過濃而搶了翅的真味
這龐然大物的帝皇貝又係令人眼前一亮。每一口也是嫩滑的元貝肉, 鮮甜味美, 絕不"痴牙"。伴上清甜的青瓜蕃茄予以中和, 配搭恰當
有驚喜, 因為炸蠔通常都係用唔新鮮o既貨色, 又會乾身無味。呢次一咬, 十分肥美又juicy, 蠔的鮮味亦得以保存, 好難得
絕對是今晚的主角吧, 平時幾可有機會食到鮑魚？雖然答唔中問題無得食大隻吉品, 但呢隻三頭已經唔野少。肉身絕無一點韌的感覺, 又扣得入味, 又彈牙又軟。食完後真係口中殘留著鮑魚的濃郁。有o的人總是不愛吃鴨掌的味道, 但我就覺得無甚不妥, 不腥不"漿"
很愛蝦的味道, 一見到咁大隻又係興奮。肉質爽甜, 頭抽味集中在外邊, 不是完全入到蝦肉中心。其實蝦殼脆得也是可以吃進肚裡的
是大大的一條沙巴星斑, 炒球會比較好食, 因為魚o既鮮味係比較突出
是有得"欣賞"的菜式, 因為當把飯粒放進滾燙的熱湯中, 就會引起化學作用, 有點似火山爆發的岩漿般起伏。但味道好似有點一般, 龍蝦味不明顯, 肉身也有點鞋口, 是因為之前已經食得太多不同味道的東東了嗎?
超級值得推薦的生招牌名物甜品, 從未嚐過如此出色的杏仁茶, 杏味濃得o黎沒有"人工"的感覺, 非常香甜, 蛋白分佈也均勻細密
包含少量印尼燕窩同奶黃的流沙壽包, 果然又係另一名物。包身香軟, 奶黃甜而不"漏", 但自不然燕窩的口感及味道就唔係點食得出
另一自家製美點, 果然比得上, 甚至超越酒店甜品師。布甸香甜幼滑, 芒果比例合宜, 同奶味平分秋色
相比下無咁出色, 欠點是桂花味欠奉, 但椰香尤在, 也不時出面街o的出晒水咁恐怖
最後最後是很特別精緻的果盤, 木瓜、楊核、火龍果、藍莓, 絕對唔係大路o野, 非常鮮甜, 只可惜著實吃不下, 只能淺嚐
登登登登~~第一道菜出場，咁大個女都未試過食翅要用筷子o架，每人有兩両，啲翅重多過啲湯呀，好過份喔翅好“林”身，原來呢啲就係翅，我真係孤柳寡聞(大笑十聲)
呼~~好快就嚟第二道菜，重未見過咁大隻扇貝，每隻好似西餐湯羹咁大粒，食o既時候要用刀叉品嚐，真係超大粒呢，無可能一口食得晒。好爽口，個汁我唔知係咩，但唔會好鹹，啱啱好。聽鄭經理講未煮前重大隻o架，超誇張喔
剛開始時，鄭經理提醒我哋食呢個菜時唔可以斯文，一定要用手拿住食至夠滋味。我好聽話，唔理得咁多，一啖咬落去吧！雖然係炸，但唔覺得好油，因為連埋塊生菜一齊食，隻蠔大唔在講，唔會有平時食蠔嗰種少少腥o既味道，不過我就食唔出有什麼砵酒味，我不是食神heheee
重頭戲出場啦，大廚喺我哋面前即場煮比我哋，呢個時候openrice負責人出場問問題，如果答啱咗會將三頭鮑升grade成一頭鮑問問題前酒家負責人講解有關鮑魚o既事，若然我無記錯個問題：邊兩個國家o既乾鮑係最貴、最出名呢？我本來心裡估係日本同澳洲，原來答案係：日本同中東(到底我有冇記錯呢)曾經睇無線節目華麗明星賽話靚鮑魚用刀切時係會黐刀......鮑魚唔靭，好容易咬開，玉掌都唔遜色，不過我嫌“林”咗少少，個鮑汁濃得嚟唔會好鹹good！
呢個菜有試食會員著眼點並不在於老虎蝦，係裝飾品《麥芽糖》，重要求分配食物o既侍應分少少麥芽糖比佢試，呢位會員好搞笑！原來裝飾品《麥芽糖》係將麥芽糖淋落一舊大冰製成o既，idea好特別。已經唔可以再用大嚟形容食物，巨蝦又係要用刀切，同扇貝一樣好爽口，啲配菜我都唔放過......喂喂，等多陣先上第六道菜啦，我食唔切喔
好彩都影得切相，我最鍾意食魚，豪宴果然係唔同係食斑o架，唔會一夾就散，夠實淨食到第六道菜我己經飽飽地，我要再食慢啲，如果咪點頂到去最尾呢奸爸爹
成餐飯最少係菜，但$9,888無理由比菜我食o既，菜好難有好多特式。
比起平時食o既壽包大兩個碼，最厲害係流沙壽包，最最最勁係裏面有燕窩，可能流沙蓋過燕窩，睇到但食唔出燕窩，不過真係好正呢，飽我都食得晒成個，我最勁kakaaaa
食翅不環保,我都好少主動叫黎食!但有得食我一定食架!今晚既金勾翅真係好足秤!真係一疏疏架,翅針真係好粗下!配上濃濃的雞湯真係好正呀!個湯用左唔少雞腳餚成,充滿骨膠原,飲時都覺得嘴唇黏黏的!絕對不用落醋,原味雞湯已是精華!
這個帶子真的很巨型!醬汁好味,帶子肉質也算不錯,不過可能太大隻,還是覺得有一點點實,但仍然很美味!
這個珍寶蠔炸得香脆,雖然有點油,但伴著生菜吃感覺即時中和左....最愛上面的辣醬,非常惹味!
來到戲肉 ~ 三頭飽!看到其中一隻特別大嗎?因為吃這道菜前有個問答遊戲,答中可以將鮑魚升級!每圍各有一個得獎名額!其實沒有升級也不要緊,因為那麼大隻,吃後一定飽到上心口,還是留肚吃其他菜式吧,哈哈!
這碟虎蝦又是很大隻,但上檯時最吸引的是那座糖膠山,很漂亮呢!我覺得蝦肉都幾爽口彈牙,不錯呀!
酒家將魚升級做沙巴的老虎斑,斑球嫩滑,頭腩惹味!而當中的黑色點點原來是雲耳,又稱貓耳朵,吃來很爽口!比普通雲耳好吃!
吃到這裡其實已經飽到唔多食得落,是以這隻雞雖然很嫩滑,但我也只是淺嚐一件即止!
有菜啦!這碟菜選用皇帝苗、鮮腐竹及炸瑤炸,配以鮮味濃郁的雞湯,真的很好吃!不愛吃菜的我竟然吃得津津有味!
這個泡飯原鍋上桌,侍應將混有炸米的飯倒進滾熱的龍蝦湯中,炸米遇上熱湯就如小火山口般喳喳作響!很有特色!龍蝦湯又是非常入味,感覺名苑做的湯底都很好!想吃這個泡飯記得要預訂啊!
終於來到甜品環節!先上熱食的杏仁茶,是名苑招牌菜之一!上次在尖沙咀的分店也有吃,已經覺得不錯!這次好像更好吃,用石磨來回生磨4小時,所以實在非常滑!加上一絲絲的蛋白,大家都很讚賞呢!
然後是另一熱食甜品壽包!這個壽包超巨型,大家看到都問為什麼不做迷你版,哈哈!原來這個是流沙壽包,一撕開壽包,內裡的流心燕窩餡就湧了出來!加上很軟熟的包身,雖然大個,但最後大家都吃光光!
熱的吃完,輪到冰凍甜品!先來這個香芒布甸!記得上次也有吃,但那時會加上3.6牛乳...現在因為日本食材的輻射問題,就沒有加3.6牛乳了,但仍然是很滑的布甸,不太甜正合我口味!
清宮明火雞煲翅 - 先將二十四襾金勾翅放上檯俾我地影相,即每人有二襾翅, 十分有氣勢!! 另有濃雞湯立即煲滾將翅放入. 金勾翅十分爽口,食味同其他翅唔同,加上濃湯絕對美味!
加拿大冰海帝皇貝 - 巨型帝皇貝一上檯已經嚇親大家,因為真係十分巨大!!! 問過帝皇貝都係新鮮由加拿大運嚟,所以煮出嚟半生熟亦十分鮮甜,軟熟,直得推介!
意大利砵酒焗珍寶蠔 - 珍寶蠔先炸後將砵酒做辣汁淋上面,加生菜墊底一齊食,新鮮清爽,配合得唔錯.
蠔皇扣三頭鮑 (玉掌伴) - 三頭鮑係澳洲鮮鮑,已經由師傅泡製咗六日,所以極之入味又夠腍,絕對係師傅用心之作!!
頭抽生煎澳洲大老虎蝦 - 一上檯又令各人嘩然!! 因為老虎蝦係極之大,係我食過之中最大嘅蝦. 不過可能太大,所以肉質略過火,但味道一流!!
乾坤大海斑兩食 (碧綠炒球 / 鹽焗頭腩) - 東星斑起肉炒火候唔錯. 頭腩鹽焗做法尚可改善.
黃金脆皮雞 - 用文昌雞做,肉質有咬口,皮夠薄又有雞味,唔錯!
金柱鮮竹泡菜苗 - 食完濃味食物清一清淡唔錯. 皇帝菜用豬桶骨湯灼特別鮮味.
生折龍蝦肉西施飯 - 龍蝦濃湯美味,加上脆米及飯粒,多重口感,直得推介. 單點只係$298四至六位用,絕對合理.
鮮製呂宋香芒布甸 - 芒果鮮甜.
燕窩大壽桃 - 黃金流沙內有燕窩,食得大家好滿足.
影片
