留家廚房

营业中

休息中

首先黎個太史戈渣，真係又史又渣，炸一舊冇味既野，食完都唔知係咩，只知道好熱氣。再食一個普寧豆腐，勁細件，個汁我唔識欣賞，又係非常熱氣。又黎個鮮蟹肉菜茸羹，冇技巧，基本上放豆苗起攪拌器整到一堆綠色liquid比你飲，冇湯既感覺。唯一係炸蠔叫正常。墨汁蒸肉餅，no comment，個人認為唔值$168。慢煮牛肋排，等左勁耐，冇牛味，好似食燒肉咁既味，唔太鐘意D口感。基本上成餐飯每度菜上菜時間相距好耐，由餓等到唔餓，7點食到9點幾10點...其實唔飽，但食完太夜，費是食宵夜。再黎個白玉羅漢，蠔油味唔入菜度，唔好食，普通大眾化酒樓肯定好食過佢。仲有個花彫雞，叫做不過不失。反觀隔離台食鴨、炒飯，應該好食過我以上食過既野。但我唔會再番去食。

同客食飯，看到煮角的劉晉，又見餐廳拿過米芝蓮，中高價位，總有期待。大部分菜式都要預訂，而且我們九點才入座，基本上選擇不多，所有家禽類已沽清。普寧豆腐，是炸得很香脆，滴油不沾，像食魚膠的感覺。叉燒，$180，並不是我們常吃紅色蜜汁那種，他是單純的碳燒，碟底有些似水非水似汁非汁的液體浸著叉燒。肉香和碳香也不算濃，自己還是偏好紅色叉燒。蝦醬玻璃肉，把五花腩薄切用蝦醬姜絲蒸，肥肉變成爽口唔肥膩，鹹香適合用來送飯。焗魚腸，焗得很焦香，魚腸份量好多而且每條都非常肥大，調味偏淡。瑤柱扒西蘭花，清爽無油，蠔油汁淡淡的沒有過份搶味，食味平衡。黃鱔炒飯，像一般蛋白菜粒炒飯，沒有很吃得出黃鱔味。白飯可以自選邊款米，喺呢度少少特點，有五種米可以選擇，本地大嶼山、柬埔寨、日本、台灣...$20~28一碗，用萬幾蚊一個的電飯煲在當眼處煲着，但我們來得有點晚，連靚仔也只剩最後兩碗。柬埔寨和台灣，老老實實，也沒有什麼很驚為天人。

北京小食太史戈渣聽人講要加糖但係我覺得唔加糖重滋味炸到外脆內軟流心咁朋友讚不絕口叫咗個醉乳鴿 竟然係炸嘅我以為佢攞錯咗畀我原來唔係炸得香香脆脆又有酒味真係第一次食仲要炸埋啲乳鴿肝同腎送酒一流一次過滿足曬三個願望蝦子柚皮同出面唔同做得實身送飯一流呢個雲南 野菌炒蛋竟然賣到成2xx一碟炒得夠滑野菌又甜竟然仲有蛋汁流出呢雙魷墨汁蒸肉餅真係美妙之極因為佢黑麻麻你唔知自己食緊啲乜嘢一啖食落去嘅時候除咗有馬蹄雙魷鹹蛋 其他不知明物體除咗入味再加上 自己唔知食緊啲乜嘢嗰下感覺真係勁得意又有咬口服務非常好一定會再返去

It used to be our place to go for dinner after a long day work on the way home. Sadly it moved to Wanchai some time ago and I have not been here since.Bigger place, still fully occupied. Menu has changed a bit to offer more high end choices, but we still stuck with our favourites:Smoked chicken - strong smokey taste succulent chickenBaked fish intestines and eggs - only for those who can take really fishy taste. It's all worth the 30 min wait, so full of fish intestines, served piping hot straig

咕嚕肉令我好驚喜少粉鮮豬肉厚切新鮮菠蘿每一樣都係功夫加細心連飯都講究過人用過萬蚊嘅電飯煲之前我都唔明點解要咁貴食完就知晶瑩通透係點解焗魚腸雖然唔夠肥美但係食左就知道好考功夫d蛋一層層又嫩滑羅漢齋扒柚皮亦都係好考功夫既一道齋菜可惜杏汁燉白肺唔夠杏汁少咗滑但係亦都食得出係用心機用功夫既一道好菜

只係小試牛刀，無叫太多野，叫左叉燒包、春風得意腸、菜苗餃！ 叉燒包個子細少，賣相亦唔夠好。包皮唔夠香甜，包皮頂有少少潮，濕濕地口感好。叉燒餡調味可以，有粒粒叉燒肉，但係餡料份量太少！菜苗餃餃皮太厚，師傅手工比一般酒樓尚有不如！味道尚可…但餃皮大大影響左成個口感。春風得意腸，呢個讚，用腸粉皮包住鮮炸春卷，入口外軟內脆，兼春卷內餡調味出色，正 !可能位置同裝修關係，收費唔平。但以呢個收費同級數，叉燒包同菜苗餃呢D咁基本既點心都做唔好，就有少少另人失望了！食評既好評好多都係食佢既小菜，不過連點心都做唔好…

這是我在七天之内第二次選擇這家食店晚飯，上一次是由食家友人安排十多人吃私房菜式，今次則我個人訂枱與两位新加坡訪港友人，在大堂散座晚飯，叫了五個接近“潮汕”的菜式。是晚最特別的是菊花魚云𡙡，拆肉魚云好鮮好滑，尤其是魚唇部份，十分配合個“忌廉”湯底，加上些菊花，好香滑，有口感，不過湯上枱時的温度如果熱一些，相信會更好。預訂的潮式炊大鷹鯧魚，味道做得非常好，上次已評過，值得番叫，可惜四個人未能食晒這條二斤多重的魚，要打包回家。古法鹽焗雞色香味全，用鲜雞做，肉輭滑有雞味。此外，鳯凰焗魚腸和蝦籽普寧豆腐均保持水準，上次已評過。至於服務方面，是晚客人不多，應該可以好一些，出菜時間安排也可以改善，飲完個湯後，唔好一次過出齊所有菜，顧此失彼，部份菜式吃時温度已失，大大影響味覺效果。

今晚一班舊同事聚會再選擇了留家厨房，因為上次聚會我不在香港，所以今晚是我第一次品嘗這家湾仔店的菜式，果然名不虛傳。我最喜歡和满意的菜式順序是: (1) 鳳凰焗魚腸，表面的蛋漿和油炸鬼焗得剛剛好，完全唔燶唔過火，又香又脆，裏面的魚腸好多，好乾淨，又香又輭熟，是我多年來食過最好的焗魚腸。(2) 潮式炊大英鯧魚，用潮州咸菜和番茄來煮，鯧魚好滑又有魚味，魚汁甜中帶㸃酸味，好醒胃，口感佳，甚正。(3) 京酥八宝鴨，鴨身夠酥夠香但好鬆化，裏面的配料特别是莲子香氣撲鼻，未吃已嚮往，配汁在鸭上枱時才渗上，可保持鸭身酥脆。其中的菜式包括黑毛豬义燒，瓜果魚尾老火湯，蝦子炸根普寜豆腐，香露蝦都做得唔錯，唯一比較失色的是留家香雲吞，餡是用臭豆付做 ，有特式，但炸得太乾。

這天專程跟同事來試一下留家廚房的菜式。一試之下，方知世界之大，天外有有。留家廚房小小的一間餐廳，裝修也不算富麗堂皇，但餸菜絕對比很多大酒店更出色。每一道菜也很用心去做，簡簡單單一碟豉油王炒粟米，也能炒得出神入化。大家也讚不絕口。更難得就係老闆在場中為我們解說。令我們知道每一道菜背後的功夫和故事。好了，不說太多。看圖開飯。必試。鮑魚夠晒彈刀。難得的就是對用酒也很講究。一般食肆通常也只用花彫。聽得多的有花彫醉雞/豬手。但這道菜完全不同，入口淡淡玫瑰的香味。酒味沒有花彫咁重，但卻更可口。據老闆說他們用了玫瑰露，糟露和味露。經過多方嘗試才能配出這樣的味道。本來我們沒點這個菜的。是老闆親自介紹。要知道越平凡的菜式，就越考師傅的功夫。這碟粟米簡直要用出神入化來形容。據老闆說關鍵在於要挑選最靚既豉油。他們選了本土的，一支要$268的靚頭抽來炒，加上一點薄荷葉，使其更為可口。大伙兒吃後也讚不絕口。鹽焗雞－香港已經好難食到正宗的鹽焗雞。巿面上九成也是浸下鹽水就算。難得這裏還會用鹽來做。老闆說他們炒熱８斤的鹽先焗一次。鹽冷卻後，雞還未熟，所以要再炒一次再焗。吃時陣陣鹽香，難得。即叫即燒叉燒落ＯＲＤＥＲ時侍

中秋後同朋友去食飯，明顯冇節日咁迫同趕，舒舒服服食餐飯，又冇咁貴。佢地出名做手工菜，前菜的煎釀龍牙豆及太史戈渣真係要心機整，簡單又好味，比起呢兩款前菜，另一味前菜普寧豆腐就較冇咁特別。重有冬瓜盅，燻雞，蒸東升斑，虎掌菌五花腩，魚湯菜。每樣餸都有水準，最特別返而係個白飯，有四種唔同地方出產的米可選擇，佢重要同個萬幾蚊嘅電飯煲煮，雖然我冇錢買個咁貴嘅飯煲但都可以有機會試下。現在做傳統手工菜的酒樓已很少，在中秋佳節同長輩食返D傳統野，確實有另一返味道

週日，兩口子有時會去飲茶，歎番一盅兩件。通常會去灣仔富聲或留家廚房，今日就先說留家廚房吧！喜歡這裡大部份點心可以逐件點(兩件起)，不用點整籠，最啱人少來，吃多幾款點心。今次點了豬潤燒賣(2 件)，叉燒腸粉，鮮蝦腐皮卷(2 件)，欖角牛肉崧炒飯。豬潤燒賣: 豬潤蒸得剛剛好，很嫩滑。叉燒腸粉: 腸粉皮既滑且彈牙，叉燒就普通。鮮蝦腐皮卷: 外皮香脆，蝦新鮮爽口。好味！欖角牛肉崧炒飯: 有欖角香味又不太咸; 飯炒得很乾身，每粒飯粒都被蛋槳包裹，粒粒金黃色; 牛肉崧很嫩滑，吃著有幸福的感覺。總的來說，這餐很滿意。:-)註: 以前留家有上湯粉果，超好味。年頭轉了menu, 換上蒸米果。雖然蒸比炸健康，但這不是我杯茶，希望遲啲上湯粉果會再登場。

之前見食評好壞參半，所以對這家的粵菜並未抱太大期望。或者因為這個原因，反而食過之後覺得水準比一般小菜酒家還要高！食材簡單，但煮法提升了整體的質素！先講這碟留家小食- 包括醉鮑魚、豬腳凍和太史戈渣醉鮑魚酒味很出，好鍾意。豬腳凍口感不錯！而最特別必定是「太史戈渣」，其他地方真的未食過這款小食！問問店長原來這是蛋與上湯煮成，再雪凍成形後再落粉漿去炸！口感好軟熟，味道激似流沙蛋糕，好好味！必食之選！再來的鴛鴦蝦，頭與尾都壤了西芹、蘑菇，加上葡國汁煮，簡直是滋味無比！有驚喜！虎掌菌五花腩味道適中，唔太鹹，食落啖啖肥豬肉好惹味！三豉班球裡有磨豉、豆豉同欖豉！欖豉味道好出，完全食得出3豉，比一般豆豉蒸味道來得豐富！好夾！最後不得不讚「留家煙燻雞」，除了雞夠滑之外，煙燻味道好香好濃！同樣是必食之選！留家廚房整體水準比酒店還要高！食材無須名貴但都能留下印象！

留家廚房由昔日在天后舊址搬到灣仔已經有一段時間，一直未有機會來，剛巧朋友從外地歸來要求好好食餐中菜，馬上想到這裡來。我們預先定了煙燻雞和焗魚腸，另外朋友想吃地道粵菜，我們再選多個小菜。煙燻雞 份量比想像中大，肉質嫩滑沒有油脂，還有雞肝及雞潤味道好入味 豬腳凍  不太咸肥瘦適中九肚魚  賣相幾靚，入囗外脆內軟；九肚魚滑滑的口感仍能保持，好味道。焗魚腸  魚腸比相像中的多，又粗身；雞蛋口感乾身但又不（鞋口） 柚皮  唔記得什麼煮柚皮，但味道就馬馬地，柚皮又不夠入味 叉燒 有點像屋企做的光波爐叉燒，肉質比較鬆味道又不夠香 地方闊落咗舒適咗，但服務態度就一般般，未叫上菜已經急不及待出來；沖茶時又搵唔到人。相信是人手不足，雖有待改善。

留家廚房在天后的舊店曾經在2009, 2010, 2012以及2013年得到米芝蓮必比登推介, 在2011年更加得到一星的榮譽. 當店子搬來了灣仔的現址, 結果在短短一年的時間, 留家廚房又重新得到米芝蓮必比登推介了.是晚跟媽媽慶祝生日, 就一家人來留家廚房晚餐吧. 新店無論在環境跟格局上也比舊店來得更加舒適, 我們帶著小吉, 總想找個吃得安舒一點的地方吧. 看看餐牌, 那些熟悉的菜式還在, 就簡單的在當中挑選了四款心水.古法鹽焗雞 $225: 9.5分, 來到留家廚房, 那有不吃雞的道理. 留家煙壎雞當然是掛頭牌的選擇, 但這次我就揀來另外一款推介菜式古法鹽焗雞. 真好, 可以選擇半隻, 不怕吃不完. 上檯的時候是熱辣辣的, 雞皮香脆, 雞肉帶鹹香, 相當入味, 肉質也很嫩滑, 就算是雞胸肉也一樣有水準. 旁邊還跟上雞腎, 好此道者不要錯過呢. 這客古法鹽焗雞, 果真相當有水準, 必食.合浦珠還 $62 x 2: 9分, 合浦珠還是留家廚房一直以來的招牌菜, 這次就來兩客試試看. 合浦珠還, 即是合桃明蝦. 大大隻的明蝦球釀入了是合桃之後去炸, 火候控制得很好, 熱辣辣, 脆漿很香脆

是日，與老爹走遠路，去W Square的留家廚房搵食。樓底蠻高，空間感強，食客大多為著西裝打呔的行政人員。一小時的用餐時間，極為緊逼，不欲浪費時間在選擇食物上，二人午市套餐$188就是不二之選了！套餐包燉湯，兩款點心，兩款小菜，兩碗白飯，以及甜品。 是日老火湯乃菜乾豬肺湯，入口清甜帶鹹鮮味兒，滋補潤肺，適合乾燥的天氣享用。午市有如此靚湯提供，實屬難得。每碗均有菜乾和豬肺等湯渣，足料且味美之作。 筍尖鮮蝦餃澄麵皮略厚，幸入口軟而不韌，摺痕分明，爽口蝦肉粒混入少許筍粒，更添口感。新鮮即炸的鹹水角入口熱辣辣的，外皮香脆可口且煙韌，內裏包著鹹香的肉碎，煞是美味。蒸手剁鹹魚肉餅的用料頗為豐富，有馬蹄、鹹魚、冬菇薑和蔥花等，肉餅蒸得香軟惹味且肉汁豐腴，咬下肉味鮮美，且帶馬蹄、冬菇的爽勁嚼勁，鹹魚味則略為淡薄了少許。酥炸廣島蠔沾滿薄漿同炸，入口極為酥脆，且毫不油膩。香脆薄漿下，仍一隻隻肥美鮮甜的爆汁廣島蠔，外脆內嫩，口感味道絕佳，蘸上酸甜汁同吃，效果更佳。是日甜品乃每人芒果奶皇雪米糍和椰汁紅豆糕各一粒，出手頗為闊綽，值得一讚﹗芒果奶皇雪米糍外層煙韌，內層甜美；椰汁紅豆糕集香滑嫩放一口，啖啖滿足甜蜜。